22	GEN 1:22	Me tow’ath nagrad ko re bugithin ni ba’aray ni yog ni ga’ar, “Pin’en nib fos ni bay u fithik’ e day nge ran e ngi i diyen nge sugnag fithik’ e day nge ran, ma arche’ e nge yo’or u fayleng.”
374	GEN 15:13	Me ga’ar SOMOL ngak, “Pi’in ni bay rabad ni owchem e bay ra pired ni yad e milekag u lan ba nam ni gathi nam rorad; bay ra pired ni yad e sib u rom ma ba kireb e n’en ni bay un rin’ ngorad ni 400 e duw.
387	GEN 16:5	Ma aram me ga’ar Sarai ngak Abram, “Ren’ey ni be changar Hagar ngog nga but’ e gur e kireb rom. I gag e gu pi’ e sib rog ngom, ma ka nap’an ni pir’eg rok nike diyen ma aram e be changar ngog nga but’. I SOMOL e bayi turguy e arodow ni ir e bfel’.”
402	GEN 17:4	“Ba’aray fare m’ag ni bay gu tay u thildow: nggog ngom ni gur e bayi mmang chitamngin bo’or e nam.
451	GEN 18:26	Me fulweg SOMOL ni ga’ar, “Fa’an gu ra pir’eg wugem e girdi’ u Sodom ndarir ngongliyed e kireb, ma dab gu kirebnag e re binaw nem ni bochan e re wugem i girdi’ nem.”
454	GEN 18:29	Miki ga’ar Abraham, “Sana kemus ni aningeg i ragag e bay ndarir ngongliyed e kireb.” Me fulweg ni ga’ar, “Fa’anra bay aningeg i ragag riy ndarir ngongliyed e kireb ma dab gu kirebnag.”
456	GEN 18:31	Me ga’ar Abraham, “SOMOL, wenig ngom, mu n’ag fan rog ni gu be welthin ngom ni ara’ rogon. Fa’an mang e kemus ni reliw’ e ga ra pir’eg ndarir ngongliyed e kireb?” Me ga’ar, “Fa’an gu ra pir’eg reliw’ ma dab gu kirebnag e re binaw nem.”
457	GEN 18:32	Me ga’ar Abraham, “SOMOL, wenig ngom, dab mu puwan’, ya ngkug non ta’ab yay. Ma fa’anra kemus ni ragag e ga ra pir’eg?” Me ga’ar, “Fa’anra bay ragag ma dab gu kirebnag.”
511	GEN 20:15	Me ga’ar ngak Abraham, “Ba’aray e binaw ni tafnag. Are mu guy e gin ga ba’adag ni ngam par ngay.”
580	GEN 23:8	me ga’ar, “Fa’anra magan’med ngay, ni nggu chubgiliy le’engig u roy, ma wenig ngomed mu ninged ngak Efron nib mo’on ni fak Zohar
650	GEN 24:58	Ma aram mi yow pining Rebekah nge lungurow ngak, “Mog, gab adag ni ngam un ngak e re mo’on ney?” Me ga’ar, “Nggu’un ngak.”
682	GEN 25:23	Me ga’ar SOMOL ngak fare pin, “L’agruw e nam ni bay u yal rom, ni gal raba’ i girdi’ nem ni bay mu gargeleg e bay ur tagenginggow ngorow; bagayow e bayi par nib gel ngak bagayow, ma en nib ilal e bayi par ni ir e tapigpig rok e en nib bitir.”
692	GEN 25:33	Me ga’ar Jakob, “Som’on e ngamog ngog u p’eowchen Got ni ngam pi’ ngog mat’awum.” Ma aram me yog Esau u p’eowchen Got ngak Jakob nike pi’ ngak mat’wun ni bay rok ni fan e ir e nganni’, ni aram e ke pi’ ni puluwon fapi ggan.
794	GEN 28:20	Me micheg Jakob bbugithin ngak SOMOL ni Got ni ga’ar, “Fa’anra um un ngog ngu’um yoror rog ko re milekag ney, mu um pi’ e ggan nge mad ngog,
846	GEN 30:15	Me ga’ar Leah, “Dawori fel’ u wun’um ni kam tel figirngig rog? Ma ga be guy rogon e chiney ni ngam fek e mandrakes rok fakag.” Me ga’ar Rachel, “Fa’an ga ra pi’ e mandrakes rok fakam ngog, ma rayag ni ngam mol rok Jakob e nep’ ney.”
865	GEN 30:34	Me ga’ar Laban, “Bm’ag u wan’ug. Gadow ra rin’ ni bod ni kamog.”
884	GEN 31:10	“Ngil’an e gamanman nma cheg nge diyen mug tay ba lik’ay, ni gguy e tin pumo’on e kaming nib bay e myoyol u downgirad ma boch i yad e ba wupwupnun’ nge ku boch nib ga’ e wech u downgirad.
924	GEN 31:50	Miki ul ul ngay ni ga’ar, “Fa’anra dab um t’ufeg e gali ppin ni fakag ney, fa mu le’engiy yug boch e ppin, ni yug aram rogon ni da’an gu nang ban’en riy, ma dab i m’ay u wun’um’ ni be guy dow Got.
937	GEN 32:9	Tafinaynag ni ga’ar, “Fa’anra yib Esau ncham ngak e bin ni bay nga m’on e ulung, ma sana rayag ni nge mil e bin tomur e ulung.”
946	GEN 32:18	Me ga’ar ngak e bin ni nge m’on e tapigpig, “Fa’anra mada’ nigem walageg i Esau me fithem ni ga’ar, ‘I mini’ e masta rom? Mu uw e ga be sor ngay? Mini’ e fak e pi gamanman nir ni bay nga m’on rom?’
949	GEN 32:21	Thangri lungumed ngak, ‘Tapigpig rom i Jakob e be yib ni be lekmad.’” I ga’ar Jakob u wan’, “Tow’ath rok ni kug pi’ ke m’on rog e ra fal’eg laniyan’, ma nap’an ni gamow ra mada’, ma dabisiy nra n’ag fan u wan’ e kireb ni gu rin’ ngak.”
955	GEN 32:27	Me ga’ar fare mo’on, “Mpageg nggu wan, ya ke yib e tamilang.” Machane me ga’ar Jakob, “Fa’anra dab mu fal’eg wa’athag, ma dab gu pagem ngam man.”
1110	GEN 37:26	Me ga’ar Judah ngak pi walagen, “Fa’an gadad ra li’ walagdad nge yim’ ma gadad mithag ni gadad e kad li’ed, ma be mang e ren’en ni bfel’ nra yib riy ngodad?
1114	GEN 37:30	Me sul ngak pi walagen me ga’ar ngorad, “Fa’anem i Josef e de moy u lan fare low! Ere mang e nggu rin’?”
1116	GEN 37:32	Miyad fek fare mad i yan ngak e chitamangirad. Me lungurad, “Ba’aray ba mad ni kug pir’eged. Mu guy ko mad rok fakam fa danga’.”
1185	GEN 40:12	Me ga’ar Josef, “Ba’aray fan: fa dalip pa’ i pa’ngin e aram e dalip i rran.
1191	GEN 40:18	Me ga’ar Josef, “Ba’aray fan: dalip i dug nir e dalip i rran.
1290	GEN 42:37	Me ga’ar Ruben ngak e chitamngin, “Fa’anra dab gu fulweg Benjamin ngom, ma ga thang e fan rok fa gali pagel ni fakag. Mpag fan Benjamin ngog, ya bay gu fulweg ngom.”
1302	GEN 43:11	Me ga’ar Israel ni chitamangirad ngorad, “Fa’anra er rogon, me ere nge par riy ni arrogon, ba’aray e n’en ni ngam rin’ed: Mfeked e tin th’abi fel’ ban’en ni bay ko nam rodad ngam ted nga tutuw romed nge mang tow’ath romed ngak governor, ni aram e bochu’uw e florida, nge buchu’uw e honey, nge spices, nge wom’ngin e pistachio nge keal.
1349	GEN 44:24	“Fa’an gu sulod ngak e chitamangimad ni tapigpig rom, ma gamad weliy ngak e tin kamog.
1476	GEN 49:2	“Mmu’ulunggad ngam telmed, gimed pifak Jakob; mu telmed ngak Israel ni chitamngimed.
1518	GEN 50:11	Fa’ani par e girdi’ nu Kanaan ngar guyed e girdi’ ni yad be dololoy’ u Atad, me lungurad, “Ren’ey e dololoy’ nma tay piyu Egypt ko yam’.” Aram fan ntunguy fithingan e gin’em ni Abel Mizraim. Bay ko ngek ko lul’ ni Jordan.
1522	GEN 50:15	Tomuren nike yim’ e chitamngirad me ga’ar fapi pumo’on ni walagen Josef, “Fa’anra ka be fanenikaydad Josef, ma ke finey ni nge fulweg ngodad taban urngin e kireb nda ngongliyed ngak, ma mang e ngad rin’ed?”
1523	GEN 50:16	Ma aram miyad pi’ bbugithin nge yan ngak Josef ni lungurad, “Ba’aray bbugithin ni weliy e chitamam ngomad u m’on ndawori aw e fan rok ni ga’ar:
1610	EXO 4:8	Me ga’ar SOMOL, “Fa’an ga ra dag ngorad e bin som’on e pow ma ka dawori mich u wun’rad ara ka be maruwar u wun’rad, mra mich u wun’rad ni bochan e bin migid e pow ni bay mu dag.
1634	EXO 5:1	Ma aram me yan Moses nge Aron ngak Farao me lungurow ngak, “Ba’aray e thin nike yog SOMOL, ni ir fare Got rok piyu Israel, ke ga’ar, ‘Mu pag e girdi’ rog ngranod ngar ngongliyed ba madnom u lan e ted ni desert ngar liyorgad ngog.’
1668	EXO 6:12	Machane me fulweg Moses ni ga’ar, “Fa’anra mus ngak piyu Israel ni darir motoyilgad ngog, ma mangfan e en pilung ni nge motoyil? Ya gag e gu ba kirkireb ko welthin.”
1695	EXO 7:9	“Fa’anra ga’ar fare pilung ngomew, ‘Mu ngongliyew ba maang’ang nge micheg nriyul’ e thin ni gimew be yog,’ ma aram e ngamog ngak Aron, ni nge fek e sog rok nge yin’ nga but’ u p’eowchen fare pilung, nge ngal’ ni ba porchoyog.”
1772	EXO 9:29	Me ga’ar Moses ngak, “Nap’an ni gu ra yan nga wuru’ e binaw, mu gu pug pa’ag ngalang nggu meybil ngak SOMOL. Me tal e dirra’, ma dabki mul e ayis nike el nga but’, ma aram e bay mu nang ni re fayleng ney e mmil suwon ngak SOMOL.
1781	EXO 10:3	Ma aram me yan Moses nge Aron ngak Farao, me lungurow ngak, “Ba’aray e thin nike yog SOMOL, ni ir e Got ko Hebrew, ‘Uw n’umngin nap’an ni ngu’um par ndab mu rin’ e tin gu be yog? Mpag e girdi’ rog ngranod ngar meybilgad ngog.
1803	EXO 10:25	Me ga’ar Moses, “Fa’anra er rogon me gur e ngam pi’ e pi gamanman ni ngan pi’ ni maligach nge tin ngan urfiy ngan pi’ ni maligach ngak SOMOL ni Got romad.
1850	EXO 12:33	Me tay piyu Egypt e gur ngak piyu Israel ni ngar gurgad ngar chuwgad u Egypt; ya lungurad, “Fa’anra dab mu chuwgad ma gamad gubin ni bay gu m’ad.”
1887	EXO 13:19	Me fek Moses e yil rok Josef nge un ngak, ni bod ni micheg Josef ngak e girdi’ nu Israel ni ga’ar, “Nap’an nra yib Got ni nge chuwegmed u roy, ma rigmed ra fek yileg nge un ngomed me chuw u roy.”
1916	EXO 14:26	Me ga’ar SOMOL ngak Moses, “Mk’iyag pa’am nga daken e day, me sul e day nga ta’bang nge tharey e girdi’ nu Egypt nge pi chariot nge pi’in yad be yannag.”
1947	EXO 15:26	Me ga’ar, “Fa’an ri gimed ra fol ko thin rog, I gag SOMOL ni Got romed, mi gimed rin’ e tin nib m’agan’ug ngay ni aram e tin nib mat’aw, mi gimed tiyan’med ko tin kugog ni ngam rin’ed, mi gimed tay nga tagil’ urngin e tin kugog ni ngam folgad riy, ma dab gu gechig nagmed nga reb fapi liliy ni gu pag nga daken piyu Egypt. I Gag fare SOMOL, ni gag e ggol nagmed.”
1951	EXO 16:3	ni lungurad ngorow, “Fa’an mang e li’mad SOMOL nggu m’ad u Egypt ma kabfel’. Yu rom e gamad ma sabol riy ko th’ib nib sug ko ufin ma gamad kay urngin e ggan ni gamad ba’adag. Machane kam fekew gamad i yib ngalan e ted ni desert ni nggu m’ad nriyul’ ko uyongol.”
1971	EXO 16:23	me ga’ar ngorad, “Ba’aray e thin nike yog SOMOL ni be ta’chiylen ni gabul e ba thothup ni ngan toffan, ni ngan tay ni birok SOMOL e rran. Mu urfiyed e tin gimed ba’adag ni ngan urfiy, mi gimed lith e tin gimed ba’adag ni ngan lith. Ma tin ke magey e ngan tay ngabang ni fen e gabul.”
1993	EXO 17:9	Me ga’ar Moses ngak Joshua, “Mmel’eg boch e pumo’on mi gimed yan ngam maelgad ngak e yu Amalek gabul. Bay gu sak’iy nga daken e burey ni bay fare ley i sog u pa’ag ni yog Got ni nggu fek.”
2003	EXO 18:3	nge fagali pagel ni fak Zipporah ni Gershom nge Eliezer. (Ya ga’ar Moses, “Ku’ug par ni gub milekag u lan ba nam ni gathi nam rog”; aram me tunguy Gershom ngak reb fa gali pagel ni fak.
2010	EXO 18:10	Me ga’ar Jethro, “Ngu’un pining e sorok ngak SOMOL, ya ir e en nike chuwegmed u pa’ Farao ni pilung nge piyu Egypt! Ngu’un pining e sorok ngak SOMOL ya ir e ke chuweg e girdi’ rok ko sib ni ur ted!
2085	EXO 21:7	“Fa’anra pi’ be’ nib mo’on be’ ni bpin ni fak nchuway’ nge mang sib, ma dab ni pag e re pin nem nge yan, ni bod e sib ni pumo’on.
2096	EXO 21:18	“Fa’anra yibe cham, me gad reb e pumo’on e malang ngak reb e pumo’on, ara tuguy nge aw nga but’, machane de yim’, ma dab ni gechignag. Ma fa’anra fare pumo’on nike maad’ad e par u chob, ni de n’uw nap’an me yag ni nge suwon ngalang nge yan nga wean ni be kol e sog, ma fare mo’on ni cham, e nge pi’ puluwon ko ngiyal’ ni be par dariy ban’en nrayag ni rin’, ma nge ayuweg nge taw ko ngiyal’ nike gol facha’ ke sul nga rogon.
2098	EXO 21:20	“Fa’anra fek be’ nib mo’on baley i gek’iy nge pirdi’iy e sib rok ni pumo’on ara bpin, me yim’ fare sib ni ka ngiyal’nem, ma yira gechignag e re mo’on nem.
2100	EXO 21:22	“Fa’anra be cham bogi pumo’on miyad bit ngak be’ ni bpin nib diyen nge maraggil, machane ir rok e de maad’ad, ma fa en ni bit’ ngak e nge pi’ puluwon ni urngin nra yog figirngin fare pin, ni fa’anra m’ag u wan’ e pi tapuf oloboch.
2104	EXO 21:26	“Fa’anra toy be’ nib mo’on lanmit e sib rok ni pumo’on ara ppin nge luf, ma nge pag fare sib nge chuw nike puf mat’wun nge yan nga puluwon lanmit.
2106	EXO 21:28	“Fa’anra rugoy ba garbaw ni pumo’on e gagey rok ngak be’ ni bpin ara be’ ni pumo’on nge yim’, ma ngan malangnag fare garbaw ni pumo’on nge yim’, ma ufin riy e dab ni kay; machane en ni fak fare garbaw e dab ni gechignag.
2111	EXO 21:33	“Fa’anra chuweg be’ nib mo’on e upong u daken ba low ara fu’og reb e low ma de upunguy, me mul ba garbaw ni pumo’on ara ba gamanman ni dongki nga langgin,
2115	EXO 21:37	“Fa’anra iring be’ ba garbaw fa ba saf nge li’ ngem’ ara pi’ nchuway’, ma thangri fulweg labgen nra ta’reb e garbaw ma lal e garbaw, mra ta’reb e saf ma aningeg e saf ni nge tay nga luwan.
2116	EXO 22:1	Thangri fulweg labgen e tin ke iring. Ma fa’anra dariy ban’en rok nrayag ni nge tay nga luwan ma ir e yira pi’ nchuway’ nge mang sib nge yan nga luwan e n’en ke iring. Demturug ko mang gamanman e ke iring, ko ba garbaw, dongki, ara ba saf ni fa’an yira pir’eg ni kabfos u fithik’ e tin nib milfan ngak, ma nge fulweg labgen fare gamanman ni l’agruw e nge tay nga luwan. “Fa’anra ni pir’eg ba mororo’ nike sifthiy e naun nnep’ ke yan nga langgin min li’ nge yim’, ma en ni li’ nge yim’ e de buch e rok ko mthang pogofan nike tay. Machane fa’anra buch ni rran, ma facha’ nike thang e pogofan e bbuch e rok ko mathang pogofan ni tay.
2119	EXO 22:4	“Fa’anra pag be’ e gamanman rok ngar ked e pan u daken bangi flang ara bang i milay’ ni grape, mikyad thum’ nga daken e woldug rok yugu be’ ngar ked wom’ngin, ma thangri sulweg labgen e tin ke kay fare gamanman ko tin th’abi fel’ e grape ni fi’in nge grain.
2120	EXO 22:5	“Fa’anra be mo’oruf be’ u daken e milay’ rok me yan e nifiy u fithik’ e pan nge af ko milay’ rok be’ nge mo’oruf e woldug rok ni grain ni be tugul ara tin kan th’ab kan ulunguy nga but’, ma en ni tababnag fare nifiy e nge fulweg labgen e mogothgoth nike tay fare nifiy.
2121	EXO 22:6	“Fa’anra pining be’ e kefel’ ngay ni nge ayuweg e salpiy ara tin ba tolang puluwon ni fen be’, min iring e pin’ey u naun rok, ma fa’an yira pir’eg e en nike mororo’ ma nge fulweg labgen ni l’agruw yay.
2124	EXO 22:9	“Fa’anra pi’ be’ ba gamanman rok nib dongki, fa ba garbaw, fa ba saf, fa yigub mit e gamanman ngak yug be’ ni nge ayuweg, me yim’ fare gamanman, fa maad’ad ara yan nga bang, ma fa’anra dariy be’ nra mang mich riy,
2128	EXO 22:13	“Fa’anra ning be’ e gamanman rok be’ nge fek ni kura sulweg, me maad’ad ara yim’ fare gamanman nde moy e en ni fak, ma thangri pi’ puluwon.
2130	EXO 22:15	“Fa’anra bannag be’ nib mo’on be’ ni bpin, ni dawri nang e pumo’on ma dawor nnog ni ngar mabgolgow be’, ngar pirew ma thangri pi’ e machaf ni man mabgol me le’engiy.
2139	EXO 22:24	“Fa’an ga ra pi’ e salpiy ngak reb e girdi’ rog nib gafgow, ma dab mun’ e win rom ngay ni bod be’ ni yima fek e salpiy rok min fulweg ngak nike mun e ris ngay.
2149	EXO 23:4	“Fa’anra chey ni mu guyed e garbaw ara gamanman ni dongki rok e to’ogor romed nike thay ko gaf, mi gimed sulweg ngak.
2323	EXO 28:29	“Nap’an nrayan Aron ngalan e Gin ba Thothup ko fare Tent, ma nge tay nga daken ngorngoren e regi mad ney ni bay fapi malang nib tolang puluwon riy ni kan ker fithingan fapi ganong rok yu Israel nga daken, ma aram e Gag SOMOL e bay gu par ni gubin ngiyal’ ni bay e girdi’ rog u lanin’ug.
2338	EXO 29:1	“Ba’aray e n’en ni ngam rin’ ngak Aron nge pifak ni pumo’on ni ngam ognagrad ngog, ya ngar manged e prist ngu’ur pigpiggad rog. Mu fek ba fak e garbaw ni pumo’on nge l’agruw e fak e saf ni pumo’on ndariy bang u dowrad nib kireb.
2364	EXO 29:27	“Nap’an nra ni yiblay be’ ni nge mang reb e prist, ma ufin u daken ngorngoren nge daken ay fare saf ni pumo’on nni fanay ko ngiyal’ nyiblay facha’ e ngan ognag ngog nib tow’ath nib mal’eag, min fael ngabang nike par rok fapi prist.
2395	EXO 30:12	“Nap’an ni ga ra the’eg e girdi’ nu Israel, mra be’ ma nge pi’ puluwon e pogofan rok, ya nge dabi yib ba riya’ ngak u nap’an ni yibe math’eg girdi’.
2440	EXO 32:1	Fa’ani guy e girdi’ nike par Moses u daken fare burey nike n’uw nap’an ma dawori yib nga but’, miyad mu’ulung nga to’oben Aron me lungurad ngak, “Da’an da nanged e n’en nike buch rok Moses, ni ir e gafaliydad nga wuru’ yu Egypt; ere mu ngongliy reb e got ngomad nge mang ir e gafaliymad.”
2472	EXO 32:33	Me ga’ar SOMOL ngak Moses, “Pi’in kar denengad ni ba togopluw ngog e bay gu thang fithingarad u lan e babyor rog.
2489	EXO 33:15	Me ga’ar Moses ngak, “Fa’anra dab mu un ngomad ma ngam guy rogon nge dab gu chuwgad u roy.
2533	EXO 35:1	Me kunuy Moses gubin fapi girdi’ nu Israel nga ta’bang me ga’ar ngorad, “Ba’aray e pin’en keyog SOMOL ni ngam rin’ed:
2536	EXO 35:4	Me ga’ar Moses ko girdi’ nu Israel, “Ba’aray e tin keyog SOMOL ni ngan rin’:
2997	LEV 10:19	Me fulweg Aron ngak Moses ni ga’ar, “Fa’anra guway fare maligach ni fan ko denen e daba, ma gur ra m’aguwan’ SOMOL? Girdi’ e yad be fek i yib e maligach ni fan ko denen rorad ngak SOMOL e daba’, nge maligach rorad ni mo’oruf, machane ku be buch e pin’ey rog.”
3287	LEV 19:5	“Fa’an gimed ra li’ ba gamanman ni maligach nma gapaseg thilin Got nge girdi’, ma ngam rin’ed gafalngin ni kug pi’ ngomed, mra fel’ u wun’ug e maligach ni ngam pi’ed.
3291	LEV 19:9	“Fa’an gimed ra kunuy wom’ngin e woldug romed ko yungi flang, ma dab mu th’abed e grain riy nge mada’ nga marichlen e yungi flang, ma dab mu sulod ngam th’abed tamal’gun e grain nike magey.
3302	LEV 19:20	“Fa’anra par reb e pumo’on nge be’ ni bpin ni ba sib, ni kab milfan ngak yug reb e pumo’on, ya dawor ni pi’ puluwon ara ke puf mat’won, ma yira gechig nagrow, machane dab ni thang e pogofan rorow, ni bochan e dawor i puf mat’won fare pin.
3305	LEV 19:23	“Fa’an gimed ra yan ngalan e nam nu Kanaan ngam yunged urngin mit e gek’iy ni yima kay wom’ngin, ma ra k’uf ma ngam ted ni dalip e duw ni de be’ech wom’ngin nrogon ko motochiyel. Thingar dab mu ked wom’ngin e ngiyal’nem.
3325	LEV 20:6	“Fa’anra yan be’ ni be ning e ayuw ngak e girdi’ nma non ko pi thagith, ma bay gu cheal nggu togopluw ngak ma dakriy bangyal’ ni gu ra leamnag ni ir reb e girdi’ rog.
3384	LEV 22:14	“Fa’anra kal be’ riy ni gathi ir reb i chon e tabnaw rok ba prist, nge kay boch ko fapi maligach nib tabgul, ma thangri pi’ puluwon ni ga’ngin ngak fare prist ma kura puthuy rliw’ e pasent ngay.
3466	LEV 24:19	“Fa’anra maad’ad be’ ngak reb e girdi’, ma mit i n’en nike rin’ ngak facha’ e ku aram e mit i n’en ni ngan rin’ ngak.
3528	LEV 26:3	“Fa’anra um pired nrogon ko motochiyel rog mi gimed tay u gil’ e tin kugog,
3548	LEV 26:23	“Fa’anra m’ay urngin e pi gechig ney ma ka dawor mmotoyilgad ngog, miki gimed be gelnag lanin’med ndab mfolgad rog,
3654	NUM 1:49	“Nap’an ni ga ra the’eg e pi pumo’on nrayag ni ngar uned ko mael, ma dab mu’uneg fare ke girdi’ rok Levi ngay.
3812	NUM 5:19	Ma aram me yog fare prist ngak fare pin ni nge un ngak nga rognew e pin’en ni ba’aray ni yibe micheg u fithingan Got: “Fa’anra dawor mu pirew be’ ni gathi mabgol rom, ma dabiyib fare buch wa’athan nma yib ko re ran ney ngom.
3976	NUM 9:10	ni nge ga’ar ko fapi girdi’ nu Israel, “Nap’an nra ta’ay bigmed fa reb e pi’in owchemed ni bochan e ke math nga ba yam’ ara bay u milekag nib palog, ma kub’adag ni nge un i madnomnag e Paluk’af,
3980	NUM 9:14	“Fa’anra bay be’ u reb e nam u fithik’med ni ba’adag ni nge un i madnomnag e Paluk’af, ma thangri un i madnomnag ni bod rogon e pi gafal nge yalen ni yima rin’ riy. Ta’ab motochiyel e nge fol gubin e girdi’ riy, ndemturug ko be’ nu Israel ara be’ u yug reb e nam.”
4074	NUM 12:14	Me fulweg SOMOL ni ga’ar, “Fa’an mang e chitamngin e thuw nga lanmit, mra fek tamara’en ni medlip e rran. Ere nga nin’ Miriam nga wuru’ e gin ni be par yu Israel riy ni reb e wik. Ma fin ra m’ay reb e wik mrayag ni ngan fulweg ngalan e gin ni yibe par riy.”
4111	NUM 14:2	Ma yad be non nib togopluw ngak Moses nge Aron ni be lungurad, “Fa’an mang e da m’ad u Egypt ara u roy u daken e ted ma kabfel’!
4137	NUM 14:28	Nge lungum ngorad, “Ba’aray e thin nike yog SOMOL: ‘Rogon feni riyul’ ni gu be par ni gub fos e bay gu gagiyegnag ngam machda’ niged e n’en ni ku gu rung’ag ni ka mu weliyed.
4284	NUM 18:26	ni nge ga’ar ko pi Levite: “Nap’an ni gimed ra fek fare ragag e pasent rok yu Israel ni nge pi’ SOMOL ngomed ni fenmed, ma dabisiy ni ngam pi’ed ragag e pasent riy nib f’oth nib mal’eag ngak SOMOL.
4315	NUM 20:3	ngu’ur nonod nib togopluw ngorow ni be lungurad, “Fa’an mang e gu uned ngak fa tinem e girdi’ nu Israel ko yam’ u m’on ko Tent rok SOMOL, ma kabfel’.
4326	NUM 20:14	Me pi’ Moses e pi mol’og u Kadesh ngranod ko pilung nu Edom nge lungrad ngak, “Ba’aray e thin nike yib rok pi walagem ni fapi ganong nu Israel. Ga manang urngin e gafgow ni kug ted,
4343	NUM 21:2	Me micheg piyu Israel bbugithin ngak SOMOL ni lungurad, “Fa’an ga ra pi’ e pi girdi’ ney nga pa’mad ma ri gamad ra gathey e pi binaw rorad.”
4396	NUM 22:20	Me nep’ me yib i ga’ar Got ngak Balaam, “Fa’anra ke yib e pi cha’nir ni ngam un ngorad, me ere mfal’eg rogom ngam un ngorad, machane kemus ni tin ni nggog ngom e ngam rin’.”
4413	NUM 22:37	Me ga’ar Balak, “Fa’an gu pi’ e thin nge yib ngom ni ngamub, ma mangfan nda mub? Mog, mu leamnag ndabiyag ni gu pi’ puluwon ngom ni bfel’?”
4736	NUM 32:16	Marbad ngak Moses ngar ga’argad, “Som’on e ngam pagmad nggu ubungyed e chumol ni malang u roy ni fan ko saf nge yoror ko binaw ni fan ko mael ngi i par pifakmad riy.