7	GEN 1:7	Me sunmeg Got e palpal th’ib nge ki’eg e ran nu lang nge ran nu but. Me yodorom’;
16	GEN 1:16	Ara’ rogon ni ngongliy Got fa gali n’em ni ba ga’ ram’en, ni yal’ ni nge gagiyegnag e rran, nge pul ni nge gagiyegnag e nep’; ma ku aram rogon ni ngongliy e pi t’uf.
26	GEN 1:26	Me ga’ar Got, “Aram e chiney e ngad ngongliyed e girdi’; girdi’ e bay ra boded gadad miyad bod ya’adad. Ma girdi’ e nge suwey e nig, nge arche’, nge gamanman nib mongmor, nge urngin e gamanman ni malboch, ni tin gagang’ nge tin b’achig.”
27	GEN 1:27	Ara’ rogon ni sunumeg Got e girdi’; girdi’ e ni ngongliy ni bod ya’an Got. I sunumeg be’ nib mo’on nge be’ ni bpin,
70	GEN 3:14	Me ga’ar SOMOL ni Got ngak fare porchoyog, “Ngug gechig nigem ni fan e tin kam rin’; go’ gur e nge par u dakenam e re buch wa’athan ni ba’aray: Aram e chiney i yan ngaram e bay um sirgig u but’ i yan ni yinam e ga be yan ngay, ma ab e bayi mang ggan ngom.
87	GEN 4:7	Fa’an mang e mu ngongliy e tin ni bfel’, ma be m’ug u owchem ni gab felfelan’; machane bochan e kam ngongliy e tin nib kireb, ma aram e be son nigem e denen u langan e mab rom ni nge og ngom. Ba’adag ni nge gagiyeg nigem, machane thingar mu gel ngak.”
152	GEN 6:14	Mu toy e barkow ni fan ngom ni ngam ngongliy ko ren ni bfel’; ma ga senggilnag, ma ga achey langgin nge wuru’ ko pitch.
205	GEN 8:21	Ma fa’ani faray SOMOL bon fare maligach nrib fel’, me ga’ar u wan’, “Dab kug kirebnag wa’athan e but’ bayay ni bochan e ngongol rok e girdi’; gu manang ni ka nap’an ni kabran e girdi’, ma ba kireb e leam rok. Dab kug thang owchen urngin ban’en nib fos bayay, ni bod ni kug rin’ e yaney.
303	GEN 12:4	Nap’an ni gaman medlip i ragag nge lal e duw yangren Abram, me chuw ko fare binaw nu Haran, ni bod rogon ni yog SOMOL ngak ni nge rin’; me un Lot ngak.
691	GEN 25:32	Me ga’ar Esau, “Kefel’ ya ke chugur ni nggum’; susun e be mang e ren’en ni bfel’ nra rin’ mat’awug ngog?”
769	GEN 27:41	Me fanenikay Esau Jakob, ni bochan e ke fal’eg e chitamngin wa’athan, me yog u wan’ ni ga’ar, “Dabki n’uw nap’an mi ni mowawnag e chitamag nike yim’; ma aram e bay gu thang e fan rok Jakob.”
989	GEN 34:8	Me ga’ar Hamor ngak Jakob, “I Shekem ni fakag e ke par fakam nga taban lanyan’; are wenig ngom mu pag nge le’engiy fakam.
1098	GEN 37:14	Me ga’ar e chitamngin ngak, “Mman, ngam guy pi walagem ngam nang salprad ma ga nang ko kabfel’ rogon e gamanman fa danga’; ma ga sul ngamog ngog.” Ma aram me l’oeg e chitamngin Josef u lan e loway u Hebron nge yan. Fa’an ni taw nga Shekem,
1193	GEN 40:20	Ma rofen ni gaman e dalip ngay, ma aram e rofen nike taw ko rran nni gargeleg Farao, me ngongliy Farao e mur ni fen urngin e pi tolang ni yad bay u tan pa’; me fek fa’anem nma pu’og e wayin nga kap rok i yib nga p’eowchen fapi tolang, nge fa’anem ni ir pilungen e lum flowa rok.
1287	GEN 42:34	Mi gimed fek i yib ngog e en nth’abi bitir romed. Ma aram e gu ra nang ni gathi gimed bogi damit, ya gimed be yog e tin riyul’; ma aram mu gu pi’ ngomed walagmed, ngu’um pired nrayag ni ngkum chuway’gad u lan e re nam ney.’”
1316	GEN 43:25	Ma rabad ra ngongliyed rogon fapi tow’ath rorad ni fan ngak Josef ni bay yib ko misiw’; ya kar rung’aged ni ngar abichgad u rom.
1640	EXO 5:7	“Mu talaged i pi’ e pan nike mlik ngak e girdi’ ni ngar ngongliyed e rengnga riy, ni bod rogon ni gimed be rin’; mu pagedyad nge mangyad e ranod ra kunuyed.
1700	EXO 7:14	Ma aram me ga’ar SOMOL ngak Moses, “Farao ni pilung e kari gelnag laniyan’; ndabi pag piyu Israel ngranod.
1767	EXO 9:24	Me yib e yoko’ ni be mul e ayis nike el nga but’, ma be matmat e uluch u fithik’; ireram e re yoko’ ni th’abi ga’ nike guy yu Egypt ni ka nap’an ni ngal’ nreb e nam.
2039	EXO 19:12	Thingar mu tay e mathil nib liyeg e re burey nem ko gin ni nge mus e girdi’ ngay, ma gog ngorad ni dab ranod nga daken e re burey nem fa ra chugurgad ngay. Ya en nra math ko fare burey e yira li’ nge yim’;
2445	EXO 32:6	Me reb e rran riy nri kab kadbul miyad pi’ e maligach ni mo’oruf, miyad fek i yib e maligach nma gapaseg thilin Got nge girdi’; miyad par nga but’ ngu’ur abichgad ma yad be garbad, miyad cheal ngu’ur rin’ed e tin galong ma yad be chingnag.
2504	EXO 34:7	Tin gu ma micheg e gu ma tay u gil’ ni bokum 1000 e mfen, ma gu ma n’ag fan u wan’ug e kireb nge denen rok e girdi’; machane dab gu pag ni dab ggechignag pifakay nge pifak pifakay nge mada’ ko bin dalip nge aningeg e mfen, ni bochan e denen nike ngongliy pi chitamangirad.”
3026	LEV 11:28	ma cha’ ni fek e reb e pin’ey e thangri luknag e mad rok me par nib ta’ay nge mada’ ko blayal’; pin’em e ra ta’ay nagmed.
3038	LEV 11:40	Ma fa’anra kay be’ bang ko fare gamanman, ma thangri luknag e mad rok, me ra par nib alit nge mada’ ko blayal’; en nra fek fare gamanman nike yim e thangri luknag e mad rok, me ra par nib ta’ay nge mada’ ko blayal’.
3056	LEV 13:3	Nge guy fare prist fare m’ar rok, ma fa’anra ke thil ra’en e piy u mit ke wech ma ke chur lanmit nga’ar, ma aram e m’ar ko dowef ni ubchiya’; ma fare prist e nge yog ni facha’ e ke ta’ay.
3118	LEV 14:6	Me fek e bin kabfos ko fa gali arche’; nge fare gi ren ko gek’iy ni cedar, nge fa yil’ i gaf nib row, nge fachi pa’ i gek’iy ni hyssop nge lithag nga fithik’ i racha’en fa binem e arche’ ni kan li’ ke yim’ u fithik’ e ran.
3167	LEV 14:55	malad, nge lot, ara bm’ar nike for u downgin be’; nge gafalngin e pthethaw nike yib ko mad ara naun.
3292	LEV 19:10	Ma dab kum sulod nga fithik’ e woldug romed ni grape ngam kunuyed wom’ngin nda ni guy ngan t’ar ara mfeked e tin ni mul nga but’; ya ngam paged nge kay e girdi’ ni gafgow nge girdi’ u bang ni be par u fithik’med, ya Gag e SOMOL ni Got romed.
3346	LEV 20:27	“Demturug e re mo’on ara re bpin nra ning e ayuw ngak e pi thagith ma yira malangnag nge yim’; aromed nra yodroy e ir tapgin e yam’ nra tay.”
3401	LEV 22:31	Me ga’ar SOMOL, “Mu folgad ko tin kugog ni ngan rin’; I Gag SOMOL.
3501	LEV 25:31	Ma pi naun ni bay u lan e binaw ndan yororiy e ta’reb rogon ko milay’; en nri tafen e bay mat’wun ni nge chuw’iy nge sul ngak bayay, ma ra taw ko Duwan e Felfelan’ ma yira sulweg fapi naun rok ngak.
3504	LEV 25:34	Ma fare gi binaw ni yima chugliy e saf riy nib liyeg e pi binaw ko pi Levite e dariy e n’en nra rin’ mi ni pi’ nchuway’; ya taferad ni dariy n’umngin nap’an.
3544	LEV 26:19	Bay gu t’ar fenmed gelan’ nge tolngan’; bayi par ndabki aw e n’uw, nge par e but’ romed nike mlik’ ma ke el ni bod e wasey.
4436	NUM 23:19	Got e gathi bod e girdi’, nma ban; Gathi ba girdi’ nma thiliyeg laniyan’. Tin nma micheg ni nge rin’ e ma rin’; Ra non ma kem’ay i ngongliy.
4875	NUM 35:28	Thangri par fa en ke cham u lan fare binaw nge mada’ ko ngiyal’ nike yim’ fare Prist ni Th’abi Ga’; kemus e ngiyal’ nrayag ni sul riy nga tafen.
4877	NUM 35:30	Be’ ni kan oloboch ngak nike li’ be’ ke yim’ e rayag ni ngan duwgiliy nib buch e rok min li’ nge yim’ ni kemus fa’anra micheg l’agruw fa dalip e girdi’; ma dab ni fanay ni fa’anra ta’abe’ e nge micheg nib buch e rok fa en ke cham.
5404	DEU 18:18	Bay gu pi’ ngorad ba profet ni bod gur ni bayi sum u fithik’ e tirorad e girdi’; bay gog ngak e thin ni nge weliy ngorad, ma bayi weliy ngorad urngin e tin kugog ni ngar rin’ed.
5416	DEU 19:8	“Ma fa’anra ga’nag SOMOL ni Got romed fa gin ke milsuwon ngomed, ni bod nike yog ngak e pi ga’ romed ni kakrom nra rin’; me pi’ urngin yang fapi binaw ngomed nike micheg,
5539	DEU 24:12	Fa’anra ir be’ nib gafgow ma dab mu tel fare mad rok ni reb e nep’;
5785	DEU 32:25	Mael e bayi li’ e girdi’ ngarm’ad u lan e yupa’ i kanawo’; marus ni tinowey e bayi aw ngalan e pi tabnaw. Pagel nge rugod e bay ram’ad; mus ko bitir ni kabran nge pilibthir ni dariy bagyad nra magach.
5835	DEU 33:23	Me yog murung’agen e ganong rok Naftali ni ga’ar: “Naftali e kari fal’eg SOMOL rogon ya rib fel’ u wan’; binaw ni taferad e mus ko lipath nu Galilee me yan i thang ko yimuch.”
6003	JOS 7:25	Me ga’ar Joshua, “Mangfan ni kam girengiy e tiney e wagagey nga dakendad? Aram e chiney e nge girengiy SOMOL e wagagey nga dakenam!” Ma urngin e girdi’ nra malang niged Akan nge yim’; mu ku ra malang niged miyad urfiy chon e tabnaw rok nge urngin e chugum rok.
6123	JOS 11:14	Girdi’ nu Israel e ra feked urngin e pin’en nib tolang puluwon nge gamanman u lan e pi binaw ney ngar cha’riyed ni nge milfan ngorad. Machane miyad thang e pogofan rok gubin e girdi’; ni dariy be’ nra paged nib fos.
6483	JOS 24:5	Mu gol’oeg Moses nge Aron, mu gu girengiy e gafgow nib gel nga daken yu Egypt. Mu gu pow’iyrad nga wuru’;
6598	JDG 3:28	Me ga’ar ngorad, “Mu lekedgag! I SOMOL e ke gel nagmed rok e pi to’ogor romed, ni piyu Moab.” Aram miyad lek Ehud nga tan e pe’ning ngar koled fa gin’en nma th’ab piyu Moab e lul’ ni Jordan riy nga barba’; dar paged ta’abe’ nge thap nga barba’.
6651	JDG 5:26	Me fek ba richib ko tent nga baraba’ i pa’, me fek e ama ni yima maruwel ngay nga baraba’ i pa’; me pirdiiy lolugen Sisera nge bilig, me kuruf lolugen nge for u barba’.
7002	JDG 18:7	Ma aram me chuw fa lal i pumo’on u rom ngranod ko fa chi binaw nu Laish. Miyad guy rogon ni be par e girdi’ ko re binaw nem ndariy ban’en ni be buch rorad ni bod piyu Sidon. Bogi girdi’ ni yad ba gapas, ma yad mmoding, ma dariy e malu’ag thin rorad be’; ma gubin e tin nib t’uf rorad ma go’ bay. Yad ma par nib palog rok piyu Sidon ma ku dariy ba tha’ u thilrad yug boch e girdi’.
7004	JDG 18:9	Me lungurad, “Mired, ngdarod da maelgad ngak yu Laish. Kug guyed e re nam nem, ma rib manigil. Dab ku mu pired u roy ndariy ban’en ni gimed be rin’; mpapeygad! Mmarod nga langgin ngam koled!
7005	JDG 18:10	Nap’an ni gimed ra taw ngaram, ma gimed ra pir’eg ni dar tunan’rad ni nge buch ban’en. Ba nam nib ga’; ma urngin e tin ba’adag be’ ma bay riy, ma ke pi’ Got ngomed.”
7035	JDG 19:9	Ma nap’an niki fal’eg fare pumo’on, nge bpin rok, nge fare tapigpig rok rogorad ni ngranod, miki ga’ar e chitamngin fare pin, “Amguyed, chiney e ke chugur ni nge blayal’; kabfel’ ni gimed ra par u roy e nep’ ney. Dabkin’uw nap’an me nep’; mu falegan’um ngay ngam pired u roy e nep’ ney. Bayi gabul mi gimed od ni kakadbul ngam milekaggad nga tafenmed.”
7163	RUT 2:12	Mang e yigi pi’ SOMOL puluwom ko tin ka mu rin’; mang e yigi pi’ SOMOL puluwom ni polo’, ni fare Got nu Israel, ni ir e ka mub ni ngam naf nga tan pa’!”
7187	RUT 3:13	Mu par u roy e nep’ ney, ma bayi kadbul ma gadow guy rogon ngad nangew ko ba’adag e re mo’on nem ni ir e nge ayuwegnem fa dangay, fa’anra ba’adag me ere bfel’; ma ra dabi rin’ me ere gu be yog u p’eowchen SOMOL ni be par nib fos ni bayi mang gag e gu ayuwegnem. Ere mu thig nga but’ ngam par nge kadbul.”
7227	1SA 1:13	Ya be meybil u lanyan’; kemus ni dap’i l’ugun e be mithmith ma der yan lungun. Me finey Eli nike balyang ko rrum,
7243	1SA 2:1	Irera’ e meybil rok Hannah: “I SOMOL e ke suguy ngorongoreg ko felfelan’; kari gu felfelan’ ko tin ke rin’. Ku gu minmin ngak e pi to’ogor rog; ku gu felfelan’ ya ke ayuwegneg Got.
7252	1SA 2:10	Pi to’ogor rok SOMOL e bay ni thirifrad u but’; bayi par u tharmiy nge non ngorad ni gowa dirra’. I SOMOL e bayi pufthinnag e fayleng ni ga’ngin; bayi pi’ gelngin fare pilung ni ir e turguy, bayi gagiyegnag fare pilung ni mel’eg ngi i gel.”
7537	1SA 14:27	Machane de nang Jonathan e re thin nem nike yog e chitamngin ko girdi’; aram me yan i rugoy ba ley i gek’iy ni be fek nga fithik’, nge kay boch. Ka chingiyal’ nem me yib gelngin.
8118	2SA 3:34	Dan m’ag rifrifen pa’ nruw raba’, ma ku dan m’ag rifrifen ay nruw raba’; Ke yim’ ni bod be’ ni li’ e girdi’ ni kireb!” Miki yornag fapi girdi’ bayay.
8440	2SA 16:11	Me ga’ar David ngak Abishai nge ngak urngin e pi tolang rok, “Fakag e be guy rogon ni nge li’eg nggum’; ere mang ni ngad gin gad ngak e cha’ney ni be’ ko genong ni Benjamin! Mu paged ngi i yog e thin nib kireb, ya SOMOL e ke gagiyegnag be yodor ngog.
8526	2SA 19:13	Gimed pi be’ rog, ni gadad ta’ab ufin nge ta’ab racha’; mang ni gimed e th’abi tomur ni ngam muruwliyed nggu sul?”
8625	2SA 22:20	I ayuwegneg nggu chuw u fithik’ e riya’; i chuwegneg u fithik’ e riya’ ya gub fel’ u wan’.
8628	2SA 22:23	Urngin e pi motochiyel rok ni gu be tay nga tagil’; dariy bingyal’ ni ku gu pag ni dag fol ko tin keyog ni ngan rin’.
8699	2SA 24:4	Machane me yog fare pilung ngak Joab nge pi tolang ko yu raba’ i salthaw rok ni kemus ni ngar folgad ko tin nike yog ni ngan rin’; ma aram marchuwgad rok ngranod ko mathe’eg girdi’ nu Israel.
8763	1KI 1:43	Me ga’ar Jonathan, “Danga’, gathi thin ni bfel’; David ni Pilung e ke pilungnag Solomon.
8824	1KI 3:5	U rom u Gibeon e yib i m’ug SOMOL ngak Solomon u malik’ay nnep’; me ga’ar ngak, “Mang e ga ba’adag ni nggu pi’ ngom?”
8969	1KI 7:32	Fapi tayapyap riy e ra reb ma rliw’ nge lal e inch tolngin u but’; ni bay nga tanggin fapi cart, ma fapi axles nib bronze e peth ko fapi cart.
9124	1KI 11:13	Ma dab gu chuweg e gagiyeg ko pilung ni ga’ngin u pa’; ya bay gu pag ta’reb e ganong ngi i gagiyegnag ni bochan e tapigpig rog i David ma ku fan nga Jerusalem ni gag e gu turguy ni nge milfan ngog.”
9231	1KI 14:10	Bochan e ran’ey ma aram e bay gu girengiy e riya’ nga daken e gagiyeg ni be tay e tabnaw rom, ma bay gu thang owchen gubin e pumo’on ni owchem, ni ta’reb rogon e pi’in ni kayad bpagel nge pi’in ke pilbithir. Bay gu thirif e tabnaw rom u but’; ngar chuwgad ni bod t’ay e gamanman.
9373	1KI 18:29	Miyad par ni yad be non ni ba ga’ lamrad nge thig e yal’; machane de yib e fulweg ko meybil rorad, ma da nrung’ag ba lam ni non.
9409	1KI 19:19	Me yan Elijah me pir’eg Elisa ni be maruwel ko garbaw ni pumo’on be gi’ e but’; ragag nge l’agruw wu’ e garbaw e bay nga m’on rok ma wu’ ni tomur e be maruwel ngay. Me luf Elijah wuru’ e mad rok nib n’uw nge yin’ nga daken Elisa.
9598	2KI 3:18	Miki ul ul’ Elisa ngay me ga’ar, “Machane ran’ey e rib mom ngak SOMOL ni nge rin’; ma ku bayi ta’med ngam gelgad ngak e pi Moab.
9721	2KI 7:10	Miyad pag fapi tent ko salthaw nu Syria ngranod ko garog ko binaw miyad pining fapi matanagen e garog me lungurad, “Kug warod ko gin ni bay e tent ko salthaw nu Syria riy ma dariy be’; ma pi os nge dongki e ka rogon ni kani m’ag gafan, ma pi tent e kayug rogon ni pag e salthaw nu Syria.”
9851	2KI 11:18	Ma aram me yan e girdi’ ko fare tempel rok Baal ngar buthuged nga but’; miyad bilig fapi altar nge fapi liyos ni yima meybil ngay, miyad thang e fan rok Mattan ni prist rok Baal u mit fapi altar. Me tay Jehoyada e pi tamatnag ni yad ba maruwel ko fare Tempel,
9881	2KI 13:6	Machane ku dar paged fapi denen nike waliyrad Jeroboam ni Pilung nu Israel nga fithik’, ya ku ra pired ni aram ngongolrad’; ki par fare liyos ni ya’an Asherah u lan yu Samaria.
10023	2KI 17:36	Thingar mu folgad rog, i Gag fare SOMOL, ni gu fekmed nga wuru’ yu Egypt nga feni gel gelngig nge fanag manging’; ngam siro’gad ngog mi gimed pi’ e pi maligach romed ngog.
10139	2KI 21:16	I Manasseh e thang e fan rok bo’or e girdi’ ndariy ban’en ni kar bucheged, nge sugnag e racha’ rorad daken e yupa’ i kanawo’ nu Jerusalem ni be yan ni lul’; i rin’ e ran’ey nge cheg ko girdi’ nu Judah ni waliyrad ngu’ur tedfan yug boch e got, ni aram tapgin miyad denen nib togopluw ngak SOMOL.
10207	2KI 24:1	Nap’an nib pilung Jehoyakim me yib Nebukadnezzar ni Pilung nu Babylonia i kol yu Judah, ma dalip e duw ni par Jehoyakim u tan pa’; ma aram me cheal Jehoyakim nge togopluw.
10802	1CH 15:6	Asayah e ir e ga’ ko karok Merari e girdi’, ma ir e ma yog e thin rok 220 e girdi’;
10803	1CH 15:7	Joel e ir e ga’ ko karok Gershon e girdi’, ma ir e ma yog e thin rok 130 e girdi’;
10804	1CH 15:8	Shemayah e ir e ga’ ko karok Elizafan e girdi’, ma ir e ma yog e thin rok 200 e girdi’;
10805	1CH 15:9	Eliel e ir e ga’ ko karok Hebron e girdi’, ma ir e ma yog e thin rok merak i ragag e girdi’;
11043	1CH 24:23	Jeriah, Amariah, Jehaziel, nge Jekameam, ni bogi pagel ni fak Hebron ni kan yarmiy fithingrad ni tabab ko en ni nganni’;
12304	NEH 1:3	Miyad ga’ar ngog. “Pi’in nra mageygad ndar m’ad u lan binaw nra milgad u kalbus e yad be gafgow, ma yi be changar ngorad nga but’; ma fare yoror nu Jerusalem e ke puth nga but’, ma pi garog riy e ke mo’oruf nga but’.
12352	NEH 3:20	Baruk nib mo’on ni fak Zabbai e ubung e gin migid, nge yan nge mada’ nga langan e mab ko naun rok Eliashib ni fare Prist ni Th’abi Ga’;
12532	NEH 9:17	Ra siyegned ni ngar folgad rom, ma kar paged talin urngin e pin’en ni um rin’; ra paged talin fapi maang’ang ni um ngongliy. Miyad duwgiliy be’ u fithik’ e ufanthin ni nge yog e thin rorad me fulwegrad nga Egypt ngar pired ni yad e sib. Machane gur ba Got ni ga ma n’ag fan u wun’um e kireb; gab gol ma ba t’uf e girdi’ rom, ma ba sowath ni gama damumuw. Runguy rom e ba ga’, aram fan nda mu n’agrad.
12754	EST 3:3	Me fith boch e tolang ko maruwel rok e en pilung ngak Mordekai ko mangfan nder fol ko tin keyog fare pilung’;
12912	JOB 3:4	Got, mu thiliyeg e re rran nem nge ngal’ ni nep’; ma ga pag e binem e rran ndab ku mu leamnag; ma dab ku mu pag e tamilang nge yib ngay.
12970	JOB 5:15	Machane Got e ma chuweg e pi gafgow u pa’ e yam’; mma ayuweg e pi’in ni yibe gafgow nagrad.
12978	JOB 5:23	Yungi flang ni ga ra gi’ ni fan ko woldug e dariy e malang u fithik’; ma pi gamanman ni malboch e yad ba mangmor ngom.
13014	JOB 7:2	bod rogon ba sib ni be yim’ ni bochan e garbeb ko taglul’; fa be’ ni be son ni ngan pi puluwon ko maruwel.
13016	JOB 7:4	Nap’an ni gu ra thig nga but’ ni nggu mol, ma wun’ug e ke n’uw e nep’; polo’ e nep’ ndagur ayal ni gu be yim’ ni bochan ni mang e yigi rran.
13061	JOB 9:6	I Got e ma pi’ e durru’ nge rurug e but’; ma rurug e yuley i duga’ nma dunubiy e fayleng.
13099	JOB 10:9	Kag manang ni mu sunumiyeg ko but’; ere ngkum masengseng nigeg ngkug sul ko ab?
13116	JOB 11:4	Ga be yog ni n’en ni ga be weliy e ba riyul’; ma ga be yog ni ga ba machalbog u mit Got.
13130	JOB 11:18	Ga ra par nib pagan’um ma gabsug ko lagan’; Got e re yoror rom me pi’ e toffan ngom.
13161	JOB 13:4	Gimed be upunguy fanamed minan’ ko mululufith l’ugun romed’; gimed bod e togta ni dabiyag ni nge golnag be’.
13192	JOB 14:7	Dabi mulan’ ba ke gek’iy ni kan th’ab nga but’; ya rayag ni thay e nof riy ngki tugul.
13198	JOB 14:13	Gu be athpeg ni yigum mithageg u lan e fayleng ko yam’; nggu par ni gu be mith nge taw ko ngiyal’ nike m’ay e damumuw rom, ma ga duwgiliy bangiyal’ ni ggub ngan’um.
13211	JOB 15:4	Fa’anra mang e yira fanay e tin ga be yog, ma dariy be’ nra yib madgun Got u wan’; ma ku dariy be’ nra meybil ngak.
13262	JOB 16:20	Pi fager rog e karbarba’ nigedgag’; lan owcheg e be map’ e lu’ riy ngak Got.
13268	JOB 17:4	Ka mu ning laniyan’rad da ku ra nanged e tin ni bfel’; are dab mu pag ngar gelgad ngog.