844	GEN 30:13	me ga’ar Leah, “Kar gu felan’! Chiney e bayi yog e pi’in ni ppin ni kug felan’”; ma aram me tunguy fithingan fachi pagel ni Asher.
1789	EXO 10:11	Danga’! Kemus ni gimed e pumo’on e ngam marod ngam meybilgad ngak SOMOL, ni fa’anra ireyer e tin gimed ba’adag.” Min chuwegrow u p’eowchen Farao.
4111	NUM 14:2	Ma yad be non nib togopluw ngak Moses nge Aron ni be lungurad, “Fa’an mang e da m’ad u Egypt ara u roy u daken e ted ma kabfel’!
4905	DEU 1:11	Mang e yigi yo’or nagmed SOMOL ni Got rok e pi ga’ romed ni kakrom ngki mun bokun e biyu’ ngomed, me fal’eg wa’athmed, ni bod nike micheg nra rin’!
5001	DEU 3:24	‘SOMOL ni Th’abi Tolang, kugnang ni kam tabab i dag ngog feni sorom nge feni gel gelngim. Ya dariy ba got u tharmiy fa but’ nrayag rok ni nge ngongliy e pi maang’ang ni kam rin’!
5084	DEU 5:29	Mang e yigi i par lanin’rad ni arrogon ni gubin ngiyal’! Mang e yigi par madgug u wun’rad ni gubin ngiyal’ miyad be fol u gubin e tin kugog ngorad ni ngar rin’ed, nge yag ni ur pired nge pi’in owcharad ni bfel’ rogorad ndariy n’umngin nap’an.
6452	JOS 22:24	Danga’! Kug rin’ed ni bochan e gamad be rus nri yan i daken bi’id me ga’ar e pi’in owchemed ngak e pi’in owchemad, ‘Mang rogmed ngak SOMOL, ni fare Got nu Israel?
6628	JDG 5:3	Mu telmed, e pi pilung! Mu sapgad, e pi’in gimed ma gagiyegnag e girdi’! Ya nggu tang mu gu chubeg e musik ni fan ngak e Got rok piyu Israel, ni ir e SOMOL!
6686	JDG 6:30	Ma aram miyad ga’ar ngak Joash, “Mu fek fare pumo’on ni fakam i yib ngaray nggu li’ed ngem’! Ya ke buthug fare altar rok Baal ma ke th’ab fare pow rok Asherah ni bay u charen.”
7049	JDG 19:23	Machane me yan fare pilibthir nga wean nge ga’ar ngorad, “Gimed e pi tafger rog, wenig ngomed! Danga’! Dab mu rin’ed e mitin e kireb, nib golong! Re pumo’on ney e gag e kug pining.
7266	1SA 2:24	Gal fakag, ngam talegew e tinir e pa’! Ya pi n’ir ni be weliy e girdi’ rok SOMOL murung’agen e bogi n’en nrib kireb!
7734	1SA 20:2	Me fulweg Jonathan ni ga’ar, “Danga’, ri dab mum’! Chitamag e gubin ban’en nma rin’ mma weliy ngog, ndemturug ko ban’en ni ba ga’ fan fa dangay, ma dabiyag ni nge mithag rog e bug nir e thin. Ere gathi er rogon!”
7740	1SA 20:8	Wenig ngom, mu ayuwegneg ko re bugithin ney, ma ga tay nga tagil’ fare bugithin ni mog ngog ni mmicheg u p’eowchen SOMOL. Ma fa’anra gag e kug bucheg ban’en, me gur e ngam li’eg nggum’! Ya dariy fan ni ngam pi’eg nga pa’ e chitamam nge mang ir e li’eg.”
7856	1SA 24:15	Pilung nu Israel, a mu guy e ren’en ni ga be guy rogon ni ngam li’ ngem’! Mu sap ko ren’en ni ga be lol’oeg! Ba pilis nib yam’, ara ba yanuk!
7960	1SA 28:15	Me ga’ar Samuel ngak Saul, “Mangfan ni gu be toffan ma ka mub mmagawon nigeg? Mangfan ni kam piningeg ku gub?” Me fulweg Saul ni ga’ar, “Ke yib e gafgow ngog ni ba ga’! Pi Filistine e kar m’aged e mael ngog, ma ke n’igeg Got. Ra gu fith ban’en ngak ma dakir fulweg, ndakir fulweg taban u l’ugun e pi profet ara u malik’ay. Aray fan ni kug piningem ni ngamog ngog e n’en nthingar gu rin’.”
8132	2SA 4:9	Me fulweg David ni ga’ar, “Kug micheg u fithingan SOMOL ni bepar nib fos nike ayuwegneg u fithik’ urngin e riya’!
8180	2SA 6:20	Me sul David nga tabinaw rok nge yan i guy girdi’en e tabinaw rok, me yan Mikal ni be’ ni bpin ni fak Saul nga wuru’ e naun ni nge mada’nag David. Me ga’ar, “En ni pilung nu Israel e ke gilnag buguwan e daba’! Ya ke chuweg madan u daken u p’eowchen e pi’in ni ppin ni tapigpig ko pi tolang ni bay nga tan pa’ ke darifannag ir!”
8238	2SA 9:8	Me siro’ Mefiboseth bayay me ga’ar, “Ta’reb rogomow ba pilis nib yam’! Ere mang ni ngam t’ufegeg ni er gelngin?”
8294	2SA 12:5	Me ri damumuw David ngak fa’anem nike weliy Nathan murung’agen, me ga’ar David, “Kug micheg nga fithingan SOMOL ni be par nib fos nre mo’on nike rin’ e re n’ir e bay tapgin ni ngan li’ ngem’!
8514	2SA 19:1	Me ri kireban’ David ni Pilung. Me yan ngalang ko fare senggil ni bay u daken e chigiy ko garog nge yor. Ma nap’an ni be yan ngalang ma be yor ni be ga’ar, “Absalom ni fakag! Absalom ni fakag! Fa’an mang e gu wan nga luwam nggum’ ma kabfel’! Absalom ni fakag! Absalom ni fakag!”
8705	2SA 24:10	Machane nga tomuren nike mu’ David i the’eg e girdi’ ni gubin, me par laniyan’ ndariy e gapas riy, me ga’ar ngak SOMOL, “Kug ngongliy ba denen nrib kireb ko ren’ey ni kug rin’! Wenig ngom, mu n’agfan rog. Bbalyang e ngongol ni kug tay.”
9088	1KI 10:6	Me ga’ar ngak Solomon ni Pilung, “Murung’agem nge murung’agen e gonop rom ni gu rung’ag ko nam rog e ba riyul’!
9213	1KI 13:26	Nap’an ni rung’ag fare profet ni pilbithir murung’agen e ran’ey, me ga’ar, “Ireram fare profet nde fol ko tini yog SOMOL ngak ni nge rin’! Ma aram e ke l’oeg SOMOL e re layon nem ni nge thang e fan rok, nri bod rogon ni yog SOMOL.”
9603	2KI 3:23	Mar tolulgad, ni be lungurad, “A racha’! Fa dalip raba’ i salthaw ni yad e to’ogor e dabisiy ni kar chamgad kar li’ed yad karm’ad! Darod ngad feked u yargal e chugom ko pi tent rorad!”
9720	2KI 7:9	Me lungurad, “Tin kad rin’ed e de fel’! Tin kad pir’eged e ngad wereged e thin riy, ma dab da mitheged. Ya fa’an gad ra son nge kadbul ma rib mudugil nra ni gechig nagdad. Ere ka chiney e ngdarod ngad guyed rogon nge nang e pi tolang ni yad bay u tafen e pilung.”
10112	2KI 20:10	Me fulweg Hezekiah ni ga’ar, “Bmom ni nge yan e taglul’ nga m’on ni ragag thal e tawo’! Ere nge sul nga tomur ni ragag thal e tawo’.”
10947	1CH 21:8	Me ga’ar David ngak Got, “Kug ngongliy ba denen nib ga’ ko ran’ey ni kug rin’! Wenig ngom mun’ag fan rog. Ya kug ngongol u fithik’ e balyang.”
11228	2CH 2:11	Ngu’un pining e sorok ngak SOMOL ni Got rok yu Israel, ni sunmiy e tharmiy nge but’! Ke pi’ be’ nib mo’on nib gonop ni fak David ni Pilung, re mo’on ney e ba tamilangan’ ma ba salap, ma ir e be leamnag e chiney ni nge toy ba tempel ni fan ngak SOMOL nge ba naun ko pilung ni nge tafnay.
11374	2CH 9:5	Me ga’ar ngak fare pilung, “N’en ku gu rung’ag u lan e nam rog ni murung’agem nge gonop rom e riyul’!
11562	2CH 18:15	Machane me fulweg Ahab ni ga’ar, “Fa’an mu non ngong u fithingan SOMOL, ma ga weliy e tin riyul’! Bu uw urngin yay ni ngog ngom?”
12396	NEH 5:9	Ma aram mug ga’ar, “Ba kireb e n’en ni gimed be rin’! Thangri mu folgad rok Got mi gimed rin e n’en ni bfel’. Ma aram e dabi yib e tawey rok e pi to’ogor rodad, ni aram e pi’in gathiyad piyu Israel ni ngar moning niged gadad.
12546	NEH 9:31	Machane bochan e runguy rom ni ba ga’ ma da mu n’agrad ara mu thang owcherad. I gur ba Got ni gab gol ma ga ma runguy e girdi’!
12547	NEH 9:32	“Rib sorom, i gur Got ni Got romad! Ri ba ga’ madgum, ma rib gel gelngim! Ga be par nri gab yul’yul’ ko m’ag ni mu ngongliy u thilmed e girdi’ rom. Ngiyal’ ni gafgow nagmad e pi pilung nu Assyria ke mada’ ko chiney e ba gel e gafgow ni kug pired nga fithik’! Pi pilung romad, nge pi’in yad ma gafaliymad, nge pi prist nge pi profet romad, nge pi chitamangimad ni kakrom nge urngin e girdi’ romad nra gafgowgad. Mu leamnag gelngin e gafgow ni yib ngomad.
12692	NEH 13:17	Mu gu thin ngak e pi tayugang’ ko Jew me lungug ngorad, “Mu changargad ko kireb ni gimed be rin’! Gimed be alitnag e Sabbath.
12991	JOB 6:9	Mang e yigi li’eg ngum’!
13023	JOB 7:11	Danga’! Dabi yag ni gu th’ab gulungag! Kug damumuw ma ke buchbuchan’ug. Thingar gu non.
13378	JOB 21:19	Gimed be yog nma gechignag Got ba bitir ni bochan e denen rok e chitamngin. Danga’! Ngan pag Got nge gachignag e pi tadenen; ni bochan e yad e denen rorad.
14001	PSA 6:9	Mu paloggad rog, gimed e pi’in kireb lanyan’! I SOMOL e be rung’ag laman e meyor rog;
14043	PSA 9:12	Ngan tangnag e sorok ngak SOMOL, ni ir e ma gagiyeg u Zion! Ngan weliy ngak gubin e nam e tin ke rin’!
14183	PSA 19:2	Lan e lang e rib gagiyel ni be gilnag buguwan Got! Be m’ug riy e n’en ke rin’!
14268	PSA 24:10	I mini’ e re pilung ni ga’ nem? Fare SOMOL th’abi gel, I ir fare pilung ni ga’!
14290	PSA 25:22	A Got, mu chuweg e girdi’ rom nu Israel ko urngin e gafgow rorad ni kar pired nga fithik’!
14385	PSA 32:11	Gimed e pi’in gimed mmat’aw, e nge felan’med mi gimed uf ni bochan e n’en ke rin’ SOMOL! Gimed e pi’in gimed be fol rok, e ngam tolul niged e felfelan’!
14416	PSA 34:9	Mu gay ngam pir’eg feni manigil SOMOL. Ba felan’ e cha’ ni be naf nga tan pa’!
14528	PSA 38:17	dab mu pag e to’ogor rog ngar felan’gad ni ku gu gafgow; dab mu pagrad ngar giriggad ngog ni ku gu dol’!
14551	PSA 40:3	Me girngiyeg ngalang nggu chuw u lan ba low u thathren e riya’, nib low u fithik’ e rungdu’! Nge teg nga daken ba war nggu par ndabki buch ban’en rog.
14562	PSA 40:14	SOMOL, mu ayuwegneg e chiney! Mu chuwegeg u fithik’!
14656	PSA 47:2	Girdi’en urngin e nam, mu waywaygad ko felfelan’! Mu pininged e magaer nge sorok ngak Got u fithik’ e tang ni ba ga’ lammed!
14660	PSA 47:6	Got e ke yan ngalang nga tagil’! Min tolulnag e felfelan’ me thow e rappa ni be yan SOMOL ngalang!
14681	PSA 49:2	Mu telmed urngin e girdi’! Motoyilgad e girdi’ u gubin yang,
14787	PSA 55:16	Mang e yigi yim’ e pi to’ogor rog ni dawori taw nga nap’rad; mang e ranod ni kayad bafos nga’ar ko fayleng ko yam’! Ya ba sug gumircha’rad nge lan taferad ko kireb.
14872	PSA 61:7	Mu puthuy bo’or e duw ko yafos rok e en pilung; mu tay ni dab ke’ yim’!
14924	PSA 65:14	Ma yungi flang e ke sug ko saf, ma yochi loway e ke suguy e wheat; yad be tolul ma yad be tang ko felfelan’!
14927	PSA 66:3	Mu ga’ar gad ngak Got, “Rib thum’ feni manigil e pin’en ni ga ma rin’! Gelngim e rib ga’, pi to’ogor rom e yad be siro’ u fithik’ e marus u p’eowchem.
14947	PSA 67:3	ya nge nang e fayleng ni polo’ e tin nib magan’um ngay, me nang urngin e pi nam e ayuw ni ga ma pi’!
15005	PSA 69:17	SOMOL, mu fulweg taban e meybil u fanam gol ko fare t’ufeg rom ni dabimus; mu changar ngog u fithik’ gelngin e runguy rom ni ba ga’!
15030	PSA 70:5	Mang e yigi felan’ me uf e pi’in yad be yib ngom, ngar pired nri yad ba felfelan’! Mang e yigi fel’ u wan’ gubin e girdi’ ni ka mu mat’aw nagrad ngom nge gubin ngiyal’ ni nge lungurad, “Ngu’un mathangeluwolnag Got!”
15032	PSA 71:1	SOMOL, kugub ngom ni ngam yoror rog; dab mu pageg bingyal’ nggu waer’!
15070	PSA 72:15	Nge par e en ni pilung nib n’uw nap’an! Mang e yugun pi’ e gol nu Sheba; mang e yugu’un meybilnag ni gubin ngiyal’; mang e yigi fal’eg Got wa’athan ni gubin ngiyal’!
15093	PSA 73:18	Rib mudugil ni kam tayrad ko yungi n’en nib tamasirgig, ma bay mu gagiyeg nagrad ngar mulgad nga fithik’ e riya’!
15211	PSA 78:40	Rib yo’or yay nra togopluwgad ngak u lan e ted ni desert; bo’or yay nra kireb niged lanyan’!
15273	PSA 80:17	Pi to’ogor romad e kar paged e nifiy ngay ma kar th’abed nga but’; mu changar ngorad u fithik’ e damumuw ngam thirifrad u but’!
15438	PSA 89:48	Mu leamnag feni ngoch nap’an e yafos rog; mu leamnag ni mu sunumeg urngin e girdi’ nib mudugil ni yad ra yim’!
15545	PSA 97:1	I SOMOL e pilung! Fayleng, mu felfelan’! Ngam felfelan’gad e pi donguch u lan e day!
15557	PSA 98:1	Nga nin’ ba tang nib be’ech ngak SOMOL; ya tin ke rin’ e rib th’abi fel’! Ba’ ni mat’aw i pa nge pa’ nib thothup e ke gelnag.
15560	PSA 98:4	Polo’ e fayleng mu tangnaged e felfelan’ ngak SOMOL; mu pininged e sorok ngak ko pi tang, mi gimed garusnag e felfelan’!
15575	PSA 100:1	Fayleng ni ga’ngin, mu tangnaged SOMOL u fithik’ e felfelan’!
15576	PSA 100:2	Mu liyorgad ngak SOMOL u fithik’ e felfelan’, mi gimed yib nga p’eowchen ni gimed be tang u fithik’ e felfelan’!
15674	PSA 105:1	Mu pininged e magaer ngak SOMOL, moged u fithik’ e girdi’ feni sorok, mi gimed weliy ngak e pi nam e tin ke rin’!
15675	PSA 105:2	Mu tang niged e sorok ngak SOMOL; mu weliyed urngin e pin’en ni bfel’ nike rin’!
15788	PSA 107:22	Thingar ra urfiyed e gamanman ngar pi’ed ngak ni maligach ni aram e yad be pining e magaer ngak, miyad tang u fithik’ e felfelan’ ngar weliyed urngin e tin ke rin’!
15842	PSA 109:19	Mang e yugur upunguyed ni bod e mad me par u lukngun ni bod e leed ni gubin ngiyal’!
15913	PSA 115:15	Mang e yigi fal’eg SOMOL wa’athmed, ni Ir e sunmiy e tharmiy nge but’!
16108	PSA 119:142	Rogon ni ga ba mat’aw e bayi par ndariy n’umngin nap’an, ma motochiyel rom e gubin ngiyal’ nib riyul’!
16185	PSA 126:2	Ya u da garusgad, ma gadad be tangnag e felfelan’! Me yog yugu boch e nam murung’agdad ni lungurad, “I SOMOL e ke ayuwegrad, ma rogon nike rin’ e ka ni ngat ngay!”
16188	PSA 126:5	Mu gagiyegnag e pi’in ni ur wolduggad ma yad be yor ngar kunuyed wom’ngin e woldug rorad u fithik’ e felfelan’!
16228	PSA 132:9	Manga yigi par e pi prist rom ni gubin ngiyal’ ni yad be rin’ e n’en ni bfel; manga yigi garusnag e tirom e girdi’ e felfelan’!
16235	PSA 132:16	Bay gu fal’eg wa’athan e pi prist riy ko urngin ban’en ni yad be rin’, ma tirok e girdi’ riy e bay u ra tanggad ma yad be tolul ko felfelan’!
16353	PSA 141:8	Machane, ka be pagan’ug ngom, i gur e SOMOL rog nib Th’abi Tolang. Gu be gay e ayuw rom; dab mu pageg nggum’!
16438	PSA 147:17	Ma pi’ e ayis nib el nge aw ni bod e woyang; dariy be’ nrayag ni nge libeg e garbeb nma pi’!
16451	PSA 148:10	nge gimed urngin e gamanman, ni tin ni mongmor nge tin malboch, nge gamanman nma sirgig u daken e but’ i yan nge pi arche’!
16466	PSA 150:2	Ngu’un pining e sorok ngak ko pin’en nib sorok nike rin’! Ngu’un pining e sorok ngak ya ir e ba th’abi sorok!
16481	PRO 1:11	Fa’an mang e yad ra ga’ar ngom, “Moy, ngdarod da guyed be’ ngad li’ed ngem’! Ngad oggad ngak e pi’in ndawor ra bucheged ban’en ni fan e ngad minmingad ngay!
16482	PRO 1:12	Gadad ra mada’ nagrad ma yad ba fos ma ba fel’fel’ rogorad, machane gadad ra pagrad ma yad ba yam’!
16565	PRO 4:5	Nge yag ngom e gonop nge nangan’! Ma dab mu pagtalin ara mu sabalbalyang ko n’en ni gu be yog.
16575	PRO 4:15	Ri dab mu rin’! Mu par u orel ko kireb! Mu siyeg e kireb ma ga yan ko birom e wo’
17697	SNG 7:1	Mu churu’! Mu churu’! Gur fare rugod nu Shulam, Ngguyed gur ni ga be churu’. Mangfan ni gimed ba’adag ni ngu’um yaliyedgag ni gu be churu’ u p’eowchen e girdi’ ni be sap?
17765	ISA 2:10	Bay ur mithgad ngalan bogi yiy ko yochi burey ni go’ war ara ra kired bogi low nga fithik’ e but’ ni yad be guy rogon ni ngar milgad ko damumuw rok SOMOL miyad mith u gelngin nge feni maluplup’!
17785	ISA 3:8	Arogon, Jerusalem e ke riya’! Ma Judah e ke puth! Urngin e tin yad be yog ma yad be rin’ e ba togopluw ngak SOMOL; bgagyal ni yad be gernag Got!
17974	ISA 12:4	Bay reb e rran ni bayib ni bayi tang e girdi’ ni yad be ga’ar, “Moged e magaer ngak SOMOL! Mu pininged ni nge ayuwegmed! Mogned ko urngin e nam e tin ke rin’! Moged ngorad feni sorok!
18006	ISA 14:8	Gek’iy ni cypress nge cedar nu Lebanon e kar felfelan’gad ko fare pilung nike thay, ni bochan e dakriy be’ ni nge th’abrad nga but’, e chiney ni dakimo’!
18085	ISA 19:11	Pi tayugang’ ko binaw nu Zoan e yad bbalyang! Ma pi’in th’abi gonop u Egypt e ra pi’ed e fanow ni de fel’! Bu uw rogon ni yad ra yog ngak e an pilung ni bay tha’rad ko pi’in llowan’ nge pi pilung ni kakrom?
18253	ISA 28:19	Ra aw ngomed bayay nge bayay, u reb e kadbul ngu reb. Ma thingar mu athamgilgad riy ni rran nge nnep’. Ra reb e thin nib be’ech ni yib rok Got mra fek i yib ku reb e marus nrib ga’!
18272	ISA 29:9	Mu pi’ nga daken ngam par ni gab pinat’! Mu pi’ nga daken ngam par ni gab ma’ew! Mu chingaw’ ni dariy e wayin! Mu tuturpeal ni dawor mu unum ta’reb e wa’angchal e rrum.
18322	ISA 31:2	Manang e n’en ni be rin’! Ma pi’ e riya’ nge yib. Ra yog ni nge gechignag e girdi’ ni kireb nge pi’in yad be yoror rorad, ma ra rin’.
18323	ISA 31:3	Piyu Egypt e gathiyad e got, kemus ni yad e girdi’! Pi os rorad e gathiyad e kan! Ra maruwel SOMOL, ma re nam nem nib gel e ra muchbu’ nga but’, ma fare nam nib waer ni be yib e ayuw ngak ko fare nam nib gel e ku ra thay; l’agruw nra kireb.
18369	ISA 33:20	A mu sapgad nga Zion, ni fare binaw ni ud madnom niged riy e madnom ni fan ngak SOMOL. Mu sapgad nga Jerusalem, nib binaw nra ni par riy ma dabi buch ban’en rok be’! Bay i par ni bod ba tent ndabi rur, ni dabiyag ni nge puw e pin’en ni yuluy riy ma dabi math’ gafan.
18499	ISA 40:9	Jerusalem, mman nga daken e burey nib tolang; mu weliy e re thin ney ni bfel’! Zion, mu tolul ni ba ga’ lamam; mu weliy e re thin ney ni bfel’! Mu non ni ba ga’ lamam, ma dab mu rus. Mog ngak e pi binaw nu Judah ni fare Got rorad e be yib!
18523	ISA 41:2	“I mini’ e gagiyegnag fa’anem nma gel ko mael nge yib u ngek demturug e gin be yan riy mma gel ko mael? I mini’ e be gagiyegnag nge gel ngak e pi pilung nge pi nam ko mael? Saydon rok e ma toy ngorad nga but’ ni gowa yad e fiyath! Gan e gat’ing rok e ma weregrad ni bod e nifeng nma wereg e pan nike mlik’!
18626	ISA 44:23	Lan e lang, mu tolulnag e felfelan’! Yungi n’en nib to’ar u fayleng, mu tolulgad. Pi burey nge urngin kaen e gek’iy ko yungi gerger, mu garus niged e felfelan’! I SOMOL e ke biyuliy e girdi’ rok nu Israel, ni aram e ke dag feni gel nge feni sorok.