351	GEN 14:14	Fa’ani rung’ag Abram ni ka ni kol Lot ni fak be’ ni walagen, me kunuy e pumo’on ni be par rok ni pi’in nib yul’yul’, mranod ra gaman gad 318 u gubin, miyad lol’oeg fapi pilung ngar mada’gad nga Dan.
2069	EXO 20:17	“Dab mu chogownag e naun rok be’, ara le’engin’, ara sib rok, garbaw rok, dongki rok; ara ara tin bay rok.”
4035	NUM 11:10	Me rung’ag Moses lungun urngin e girdi’ ni yad be gun’gun’, nra reb e tabinaw ma ke mu’ulung e girdi’ riy nga langan e mab ko birorad e Tent. Me ri damumuw SOMOL ngorad. Me par Moses ni kari dabuy e ren’em,
4063	NUM 12:3	Mi Moses e be’ nrib sobut’an’, ni ir e th’abi sobut’an’ u fithik’ e girdi’ nu fayleng.
4127	NUM 14:18	‘I Gag SOMOL e ba sowath e damumuw nma yib ngog, ma gu ma dag nrib t’uf e girdi’ rog ma gub yul’yul’, ma gu ma n’ag fan e denen nge togopluw ni yima tay ngog. Machane dariy e n’en rarin’ mug pag ni dabgu gechignag e btir nge pifakrad nge pifak pifakrad nge mada’ ko bin dalip nge aningeg e mfen ni bochan e kireb ni i ngongliy e gallibthir.’
5071	DEU 5:16	“‘Mu liyorgad ko chitamangimed nge chitiningimed, ni bod ni Gag SOMOL ni Got romed e kug taychilen ni ngam rin’ed’, ya nge par ni ngi i fel’ wa’athmed ma ku arrogon ni ngki n’uw nap’med u lan tafenmed ni kug pi’ ngomed.
5140	DEU 8:1	“Urngin fapi motochiyel ni kug pi’ ngomed e daba’ e ngu’um folgad riy u fithik’ e yul’yul’, nge yag ni mfosgad mu’um yo’orgad mi gimed tafnay e re nam nem ni SOMOL e micheg ngak pi chitamangimed ni kakrom nra pi’ ngomed.
5364	DEU 16:20	Gubin ngiyal’ ni ngu’um pired nib ta’reb rogon e girdi’ u wun’med ma gimed ba yul’yul’, ya nge yag ni mu tafned fare nam ni bayi pi’ SOMOL ni Got romed ngomed ma ngki yag ni ngu’um pired riy i yan ngaram.
6096	JOS 10:30	Miki tayrad SOMOL ngkur gelgad ngak fare binaw nge pilung riy. Dar paged ta’abe’, ya ra thanged e pogofan rok urngin e girdi’ u rom. N’en ni rin’ed ngak fare pilung nu Jeriko e ku aram e n’en rrin’ed ko fare pilung.
6098	JOS 10:32	Me tay SOMOL piyu Israel ngar gelgad ngak yu Lakish ko rofen ni gaman e l’agruw fen ngay nra maelgad. Nri ku bod rogon ni rrin’en u Libnah, dar paged ta’abe’, ya ra thanged e pogofan rok gubin e girdi’ nu langgin fare binaw.
6775	JDG 9:19	Fa’anra n’en ni kam rin’ed e daba’ ngak Gideon nge girdi’ nu tabinaw rok e kam rin’ed u fithik’ e riyul’ nge yul’yul’, me ere nge fel’ Abimelek u wun’med, mi gimed fel’ u wan’.
7695	1SA 18:17	Me ga’ar Saul ngak David, “Ba’aray Merab ni bin ilal e ppin ni fakag. Fa’anra mpar ni gur ba salthaw ni gab falu’ ma gab yul’yul’, ma ga be un ko pi mael rok SOMOL, ma gu ra pi’ ngom ngam leay.” (Ya be leamnag Saul ni aram kanawo’en me li’ e pi Filistine David, me par ni gathi ir e nge rin’.)
8245	2SA 10:2	Me ga’ar David ni Pilung, “Thingar gu dag ngak Hanun ni gub fager ni gub yul’yul’, ni bod ni rin’ e chitamngin i Nahash ngog.” Ma aram me l’oeg David e pi tamal’og ni ngranod rogned rogon e kirban’ rok ni puruy’ ko yam’. Ma nap’an nra tawgad ngalan yu Ammon,
8285	2SA 11:23	Me yan i ga’ar, “Pi to’ogor e yad ba gel ngomad miyad yib nga wuru’ fare binaw ni nggu maelgad u lan e tafel’fel’, machane ma gamad pi’rad i yan nga langan e garog ko fare binaw.
8613	2SA 22:8	Ma aram me durru’ e but’ ngi i rur; me rur lanelang ngi i da’da’, ya ke damumuw Got!
8772	1KI 1:52	Me fulweg Solomon ni ga’ar, “Fa’anra i par nib yul’yul’, ma mus nga ta’ab gaf i piyan lolugen ndab ni math ngay; ma fa’anra danga’, ma yira thang e fan rok.”
8825	1KI 3:6	Me ga’ar Solomon, “Gubin ngiyal’ ni um dag nrib t’uf rom e chitamag i David ni tapigpig rom, ma i par ni bfel’, ma ba yul’yul’, ma mmat’aw u p’eowchem. Ma ka ga be dag nrib t’uf rom ya kam pi’ be’ nib mo’on ni fak ni ir e be gagiyeg e daba’ u tagil’.
9058	1KI 9:4	Fa’anra um pigpig ngog ni bod ni i rin’ e chitamam i David, ni i par nib yul’yul’, ma ba yal’uw, ma ga be rin’ urngin e tin kugog ngom ni ngu’um rin’, ma ga be fol ko pi motochiyel rog,
9491	1KI 22:8	Me ga’ar Ahab, “Kabay ta’abe’, ni Mikayah fithingan, ni fak Imlah. Machane kug dabuy daken, ya dariy ban’en ni bfel’ nike yi’iynag ngog; gubin ngiyal’ ni ban’en nib kireb e ma yi’iynag ni nge yib ngog.” Me ga’ar Jehoshafat, “Dabmog e bug nir e thin!”
9869	2KI 12:16	Pi pumo’on ni bmilfan e re maruwel ney ngorad e ri yad ba yul’yul’, ere de t’uf ni nganog ngorad ngar ted urngin e salpiy ni yad be fek nga babyor.
10156	2KI 22:7	Pi’in nike milfan e re maruwel nem ngorad e ri yad ba yul’yul’, ere dariy fan ni ngar ted nga babyor urngin e salpiy ni yad be pi’ nga puluwon e maruwel.”
10914	1CH 19:2	Me ga’ar David ni Pilung, “Thingar gu dag ngak Hanun ni gag reb e fager ni gu ba yul’yul’, ni bod ni i rin’ Nahash ni chatamangin ngog.” Ma aram me l’oeg David e pi tamol’og ni ngranod ra pi’ed e puruy’ ngak miyad nang salpen Hanun. Nap’an nra tawgad nga Ammon mranod ra guyed i Hanun ni Pilung,
11704	2CH 24:22	Ma ke pag fare pilung talin ni Jehoyada ni chitamngin Zekariah e i pigpig ngak nrib yul’yul’, me yog ni ngan li’ Zekariah nge yim’. Ma nap’an ni be yan ni nge yim’ Zekariah me tolul ni be ga’ar, “Mang e guy SOMOL e tin ni ga be rin’ nge gechig nigem!”
11881	2CH 32:1	Nga tomuren e pin’ey ni i ngongliy Hezekiah ni Pilung nrib yul’yul’, me yib Sennakerib ni Pilung nu Assyria i m’ag e mael nga Judah. Me longbiy fapi binaw ni kan yororiy nib gel ni fan ko mael me yog ko fa raba’ i salthaw rok ni ngar buthged e yoror ngranod riy.
12722	EST 1:16	Ma aram me yog Memukan u p’eowchen fare pilung nge pi tolang ko salthaw rok ni ga’ar: “I Vashti ni Queen e gathi kemus ni go’ en pilung e ke tamra’nag’, nge pi tolang ko salthaw, ya gubin e girdi’ u ga’ngin yang i gil’ilungun e en pilung!
13013	JOB 7:1	Yafos ko girdi’ e bod feni almarin e maruwel ko salthaw, ni ba maruwel nib gel nib math’kanil’,
13075	JOB 9:20	I gag e bfel’ e rog ma gu ba yul’yul’, machane lingan e thin rog e gawa bbuch e rog, ma gubin ban’en ni gu ra yog e gowa be sul nge togopluw ngog.
14114	PSA 16:10	ya ga be yororiyeg u gelingin e yam’, gu ma pigpig ngom u fithik’ e yul’yul’, ma dab mu pageg nggu waen ko fayleng ko yam’.
14149	PSA 18:19	Nap’an ni ug moy u fithik’ e mo’maw’, miyad cham ngog, machane me yororiyeg SOMOL.
14158	PSA 18:28	Ga ma ayuweg e pi’in yad ba sobut’an’, machane ga ma sobut’nag e pi’in ba tolangan’rad.
14373	PSA 31:24	Mu t’ufegned SOMOL, gimed gubin pi girdi’en ni gimed ba yul’yul’. SOMOL e ma yoror rok e pi’in ba yul’yul’, machane ma gechignag e pi’in tolangan’ nrogon ni nge aw ngorad.
14499	PSA 37:28	Ya SOMOL e ba t’uf rok e tin bmat’aw, ma der ma n’ag girdi’en; ma yoror rorad ni dariy n’umngin nap’an’, ma pi’in owchen e girdi’ nib kireb e bay ni tulufrad ngar chuwgad u daken fare but’.
14705	PSA 50:5	Be ga’ar, “Mu kunuy ngog e girdi’ rog nib yul’yul’, ni pi’in nra ngongliyed ba m’ag u thilmad ko maligach nra pi’ed.”
15266	PSA 80:10	Kam tamilangnag mit ni nge tugul; ke yan lik’ngin nib to’ar’, ke fana’ daken e fare nam.
15529	PSA 95:9	U rom e ra sikeng niged e gumaen’ rog riy nge fanag k’adan’, ni yugu aram rogon ni kar guyed e tin gu rin’ ni fan ngorad.
16301	PSA 138:2	Gub sap ko Tempel rom ni thothup, ni gu be siro’, ma gu be pining e sorok nga fithingam ni bochan e t’ufeg rom ni dabimus nge fanam yul’yul’, ni bochan kam dag ni fithingam nge tin kamog ni ngan rin’ e ba mathangeluwol.
16473	PRO 1:3	Pi thin ney e rayag ni fil ngom rogon ni ngu’um ngongol u fithik’ e tamilangan’, nge rogon ni ngu’um par ni gab yul’yul’, ma ga ba yal’uw ni ga ba gol.
16598	PRO 5:11	Bayi chugur ni ngamum’ ma ga be gel’gel’, ni yi be longlonguy e ufin u dowam kem’ay ngabang,
16755	PRO 10:29	I SOMOL e ma yororiy e pi’in yul’yul’, machane ma kirebnag e pi’in yad ma ngongliy e kireb.
16768	PRO 11:10	Ra felan’ bbinaw ko ngiyal’ nra fel’wa’athan e girdi’ ni yul’yul’, mra yim’ e girdi’ ni kireb mi yira tolul ngalang ko felfelan’.
16892	PRO 15:15	Par ko pi’in gafgow ndariy ban’en rorad e ba math’kenyil’, machane girdi’ nib felfelan’ e gubin ngiyal’ ma bfel’ u wun’rad e yafos rorad.
17017	PRO 19:22	Ra n’en thabi ga’fan u rogon be’ e yul’yul’, ya kabfel’ e gafgow ko fel’fel’ l’ugun.
17030	PRO 20:6	Ra be’ ma be weliy rogon feni fel’ nge feni yul’yul’, machane u uw e ga ra pir’eg be’ riy ni aram rogon?
17052	PRO 20:28	Ba pilung e ra i par lungun u gil’ u n’umngin nap’an ni be gagiyeg nib yul’yul’, ma ba mat’aw, ma der lanyan’.
17165	PRO 24:16	Demturug urngin yay nra paraw e girdi’ nib yul’yul’, ma gubin yay ma kuyad ra sak’iy; machane riya’ e ma thang mit e pi’in kireb.
17289	PRO 28:23	Mu yal’uweg be’ mra tomuren ma ra fel’uwan’, ko bin ngu’um pi’ ngalang ko thin.
17304	PRO 29:10	Girdi’ nib tathang e pogofan e daburad daken e en nib yul’yul’, ma girdi’ nib mat’aw e yad ma ayweg e yafos rok be’ ni aram rogon.
17317	PRO 29:23	Tolngan’ e ra girngiyem nga but’, ma fa’anra gur be’ ni ga ba sobut’an’, ma bay un ta’fam.
17543	ECC 8:15	Ere ku gu t’ar u wun’ug nra be’ ma ngi i rin’ e tin ba’adag’, ya kemus ni felfelan’ rok be’ u lan e yafos rok, e abich nge garbad nge lanyan’ ni ngi i par ni bfel’. Rayag ni ngad rin’ed e pin’ey u fithik’ e maruwel ni gadad be rin’ nike pi’ Got ngodad u roy u fayleng.
18044	ISA 16:5	Ma aram e reb e pi’in owchen David, e bayi mang pilung, ni bayi gagiyegnag e girdi’ ko yul’yul’ nge t’ufeg. Bayi gur ni nge rin’ e tin nib yal’uw’, me guy ni ngu’un rin’ e tin nib mat’aw.)
18145	ISA 22:23	Bay gu tay nib mudugil u gil’ ni bod e yuluy u ban’en ni kan rag nga but’ nib mache’che’, ir kenggin e liyor ni bay un tay ko fare tabnaw rok ni ga’ngin.
18307	ISA 30:20	Ra pagmed Somol ngu’um marod u fithik’ e mo’maw’, machane ir e bay u rom ni bay i fanow nagmed, ni dakriy rogon ni ngam gaweged i yan ngabang.
19197	JER 7:9	Gimed be moro’ro’, ma gimed be thang e pogofan, ma gimed be par e pumo’on nge ppin ni gathi mabgol romed, ma bay mmicheged ni ngam weliyed e tin riyul’ mi gimed lifith l’ugunmed, ma gimed be pi’ e maligach ngak Baal, ma gimed be tay fan boch e got, ni bogi got nda mu nanged murung’agen.
19352	JER 13:17	Fa’anra dab mmotoyil gad, ma bay gu yor nib mith ni bochan fanmed tolngan’; bay gu yor u fithik’ e m’ingan’, nge map’ lu’ag ni bochan e girdi’ rok SOMOL ni ka ni fekrad nga bang ni kalbus.
20112	JER 45:3	ga be yog ni ga be ga’ar, ‘Dabkiyag rog! Ya SOMOL e ki puthuy e gafgowan’ ko tirog e gafgow. Ke m’ay gelngig ko gel’gel’, dakiryag ni nggu pir’eg e toffan!’
21020	EZK 21:12	Nap’an ni yad ra fithem ko mangfan ni ga be gel’gel’, ma gog ngorad ni bochan e thin nib be’ech ni bayi taw. Nap’an nra taw, me suguy e marus lanin’rad, me ul pa’rad, ni mathliyab, me dada’ bugrad. Re ngiyal’ i n’em e ketaw ngay; ketaw ngaray e chiney.” I SOMOL ni Th’abi Tolang e be non.
21074	EZK 22:29	Pi’in ba’aram nib pire’ ban’en rorad e yad ba sasaliyeb miyad ba moro’ro’, ni yad be gafgownag e pi’in gafgow make mangita’ ngorad ni ngu’ur gafgow niged e milekag.
21373	EZK 33:24	I ga’ar, “Fak e girdi’, pi’in yad be par u lan e pi binaw ni kan kirebnag ni bay u lan e nam nu Israel e be lungurad, ‘I Abraham e ta’abe’, me pi’ Got e re nam ney ngak ni ga’ngin. Ma gadad e gadad pire’, ere re nam ney e chiney e ke mil suwon ngodad.’
21990	DAN 6:17	Me pi’ fare pilung e thin ni nga ni fek Daniel nganin’ ngalan fare low ni tafen e layon. Me ga’ar ngak Daniel, “Fare Got rom ni ir e ri ga be pigpig ngak u fithik’ e yul’yul’, e ir e nge ayuwegnem.”
22204	HOS 4:2	Girdi’ riy e yad ra micheg boch e thin ni yad ra rin’ ma darir ted nga tagil’; yad ma lifith l’ugunrad, ma yad ma thang e pogofan, ma yad ma moro’ro’, ma yad ma par e pi’in ni gathi mabgol rorad. Pi kireb ni yad be rin’ e be yo’or i yan, yugu yad be pu’og e racha’.
23048	ZEC 8:3	Bay gu sul nga Jerusalem, ni fare binaw rog nib thothup, nggu par u rom. Re binaw nem e go’ bay nnang ni aram fare binaw nib yul’yul’, nge fare burey rok SOMOL ni Gubin ma Rayag Rok ni bay u nog ni fare burey nib thothup.
23077	ZEC 9:9	Gimed e girdi’ nu Zion, mfelfelan’gad, mfelfelan’gad! Gimed e girdi’ nu Jerusalem, mu garus niged e felfelan’! Mu sapgad, pilung romed e be yib ngomed! Be yib nib felfelan’ ya ma gel ko pi to’ogor rok, machane ba sobut’an’, ma ke yib nike af nga daken ba dongki, ke af nga daken ba fak e dongki.
23364	MAT 6:13	Dab mfekmad i yan ko sikeng nib mo’maw’, machane ngam ayuwegmad rok Fa’anem nib Kireb.’
23399	MAT 7:14	Ma garog ko yafos e ba wen’in, ma kanawo’ ni yan ngay e bmo’maw’, ma ba lich e girdi’ ni be pir’eg.
23999	MAT 23:12	Ma en nra tolangnag ir e yira sobut’nag nge sobut’an’, ma en nra sobut’nag ir e yira tolangnag.
24183	MAT 26:60	machane de yag nra pir’eged’, ni yug aram rogon nib yo’or e girdi’ ni i yib ngam’on ngi i tunguy e thin ni murung’agen. Me yan i tomur me yib l’agruw i pumo’on ngam’on
24311	MRK 1:27	Mi yigo’o gin urngin e girdi’ ko n’en nike rin’ Jesus, miyad yog u fithik’rad ni lungurad, “Gur ren’ey e reb e machib nib be’ech? Cha’ney e bay mat’wun nrayag ni nge yog e n’en ni nge rin’ e mo’onyan’, miyad fol rok!”
24441	MRK 5:8	(I yog e re bugithin ney ni bochan e be ga’ar Jesus ngak,” Mo’onyan’, moy nga wuru’ i downgin e cha’ney!”)
24483	MRK 6:7	Ma aram me ulunguy Jesus fa ragag nge l’agruw i gachalpen me l’oegrad ngranod ni yad lal’agruw. Me pi’ mat’awrad nrayag ni ngar tulufed e mo’onyan’,
24627	MRK 9:20	Miyad fek fachi pagel nike ying ba mo’onyan’ ngak i yan ngak Jesus. Ma nap’an ni guy fare mo’onyan’ Jesus, me gelnag fare mo’onyan’ e m’ar rok fare pagel nge margey ni be da’da’, me thig nga but’ ngi i leapleap u but’, ma be yib e wuth u l’ugun.
24636	MRK 9:29	Me fulweg Jesus ngorad ni ga’ar, “Dakuriy ban’en ngabang nrayag ni nge tuluf e mit ney e mo’onyan’, ya kemus ni meybil e rayag riy.”
24895	MRK 14:72	Ma kachingiyal’ nem me chochol ba nimen, ni aram e yay ni gaman e l’agruw yay ngay, me yib ngan’ Peter e n’en ni yog Jesus ngak ni ga’ar, “Ra dawori chochol e nimen ni nga l’agruw yay, ma dalip yay ni bay mog nda mu nangeg.” Ma aram e dakiyag ni nge k’adan’, me yor.
24950	MRK 16:8	Mranod nga wean miyad mil ngar chuwgad ko fare low ko yam’, ni yad be da’da’, ya kari gel e tamdag ngorad. Ma dar weliyed ngak be’, ya kar tamdaggad. [
26415	JHN 7:18	Ya en ni thin rok e be weliy e be guy rogon ni nge mang ir e yog e girdi’ e sorok ngak. Machane en ni be guy rogon ni nganog e sorok ngak e en ni l’oeg nge yib e ba yul’yul’, ma tin riyul’ e be yog.
26494	JHN 8:44	Gimed e pifak e chitamangimed, ni fare mo’onyan’, ma gimed ba’adag ni ngam folgad ko tin nib m’agan’ e chitamangimed ngay. Ka nap’an ko tabolngin ni i par ni ir be’ nma thang e fan rok e girdi’; dariy ba ngiyal’ nike yib nga ba’ rok e tin riyul’, ya dariy e tin riyul’ rok. Ya ngiyal’ nra lifith l’ugun riy e aram e be rin’ ban’en nib mecham ngak, ya ir be’ nma lifith l’ugun me ir e chitamngin urngin e malulifith.
27044	ACT 2:26	Aram fan ni kug felan’, ma ke sug e thin rog ko felfelan’; mi gag ni yugu aray rogon nra gum’, e bay ug par nike pagan’ug u fithik’ e l’agan’,
27064	ACT 2:46	Gubin e rran ni ur mu’ulunggad ngalan e Tempel, ma yad be abich u ta’bang u tabinaw rorad i yan, ni yad be kay e ggan ni bay rorad u fithik’ e felfelan’ ngu fithik’ e sobut’an’,
27219	ACT 7:34	Kug guy e kireb nge gafgow ni yibe tay ngak e girdi’ rog u Egypt. Ya kug rung’ag lamrad ni yad be gel’gel’, ere ku gub nga but’ ni nggu chuwegrad u tan pa’ yu Egypt. Ere nggu l’oegem ngam man nga Egypt.’
27366	ACT 10:38	Gimed manang murung’agen Jesus nu Nazareth, ngarogon ni pi’ Got fare Kan Nthothup nge gelngin ngak. Me yan nga gubin yang, ni be rin’ e tin ni bfel’ ma be golnag urngin e pi’in yad bay u tan gelngin e mo’onyan’, ni bochan e bay Got rok.
27667	ACT 19:13	Ma boch piyu Israel ni ur milekaggad i yan ngu’ur tulufed e mo’onyan’ rok e girdi’ e ku ra guyed rogon ni ngar maruwelgad nga fithingan Somol Jesus ngar tulufed e mo’onyan’. I lungurad ngak e pi mo’onyan’, “Gu be non ngomed u fithingan Jesus ni ir e be machibnag Paul murung’agen, ni ngam chuwgad.”
27930	ACT 27:7	Ma gamad yan ni gamad ba sowath ni in e rran, nrib mo’maw’, machane me munmun ma gamad taw ngabang nib chugur ko binaw nu Knidus. Ma dakiyag ni gu warod i yan ko gin ni gamad be sor ngay ni bochan e nifeng, ma aram ma gamad sor ko ba’ nib mocha’ ko nam nu Krete, ma gamad yan u to’oben yu Cape Salmone.
28034	ROM 2:4	Sana dariyfan u wun’um feni gol Got, nge feni k’adan’, nge feni gumaen’. Bmuduwgil ni ga manang ni Got e ba gol yabe guy rogon ni nge pow’iyem ngam kolngan’um ko kireb ni ga be rin’ ma ga turguy u wun’um ni ngam pi’ keru’um ngay.
28063	ROM 3:4	Rib muduwgil ndanga’! I Got e dabisiy ni nge par nib yul’yul’, ni mus ni fa’anra yan i par ni urngin e girdi’ ma yad be lifith l’ugunrad. Ni bod rogon ni be ga’ar e babyor nib thothup: “Thangri yib i m’ug ni gab mat’aw ko ngiyal’ ni ga ra welthin; ma thingar mu gel ko ngiyal’ ni yira pufthinnigem riy.”
28127	ROM 5:12	Denen e yib nga fayleng u daken ta’abe’, ma denen ni ngongliy e fek e yam’ i yib. Wenegan ni yib e af e yam’ ngak urngin e girdi’ nu fayleng, ni bochan e urngin e girdi’ ni ngongliy e denen.
28130	ROM 5:15	Machane yow l’agruw ma gathi ta’reb rogorow; ya fare tow’ath rok Got ngak e girdi’ ndariy puluwon e gathi bod e denen ni ngongliy Adam. Rriyul’ ni bo’or e girdi’ ni karm’ad ni bochan e denen ni ngongliy e ta’ab nem e girdi’. Machane runguy rok Got e ri ka ba ga’, ma ku errogon e tow’ath rok ngak e girdi’ ni pire’ ndariy puluwon ni pi’ u daken e runguy rok ta’abe’, ni aram fa’anem i Jesus Kristus.
28132	ROM 5:17	Riyul’ nu daken e denen ni rin’ ta’abe’ me tabab e yam’ i gagiyegnag e girdi’ ni bochan e ta’are girdi’ nem. Machane ri ka ba ga’ wenegan e n’en nike rin’ ta’abe’, ni er Jesus Kristus! Urngin e pi’in yad ra fek e re runguy ku Got nem nri ba ga’ nge fare tow’ath ni aram e ke mat’aw nagrad Got ngak e yad ra gagiyeg ko yafos u daken Kristus.
28219	ROM 8:35	Rogon ni gadad ba t’uf rok Kristus e mini’ e rayag rok ni nge daregdad riy? Gur rayag rok e magafan’, ara n’en nma yib ngodad nib mo’maw’, ara gafgow ni yima tay ngodad, ara uyongol, ara gafgow ni yima tay, ara ban’en ni yira riya’ riy, ara yam’?
28379	ROM 15:8	Ya nggog ngomed ni Kristus e yib i mang ba tapigpig ngak piyu Israel ni fan e nge dag ni Got e ba yul’yul’, ma nge yib i riyul’nag e tin ni yog Got ngak e pi chitamangidad ni bayi rin’,
28655	1CO 10:20	Danga’! N’en ni gu be yog e aram e n’en ni ka ni pi’ ni maligach u daken e altar rok e pi’in ndar nanged Got e ka ni pi’ ngak e pi mo’onyan’, ma gathi ngak Got. Ma dabug ni ngam manged e pi mo’onyan’ ngabang.
28777	1CO 14:31	Gimed gubin nrayag ni ngam weliyed e thin rok Got ni tata’abe’, ni fan e nge urngin e girdi’ miyad nang e thin rok Got me yib e athamgil nga lanin’rad.
28995	2CO 7:11	Mu guyed e n’en ni rin’ Got ko re kireban’ romed nir: a mu guyed rogon e n’en nike rin’ ngomed kam tedan’med, nge rogon nri gimed ba’adag ni ngam daged e mich ri’ nda mu uned ko kireb! Nge rogon e puwan’ ni mu ted ni bochan e de rin’ be’ e tin nib mat’aw, nge rogon ni magafan’med, nge rogon e leam ni mu ted, nge fanmed yul’yul’, nge rogon ni mu fal’eged rogomed ni ngam gechigniged e en nike ngongliy e kireb! Ma kam daged nda mu uned ko re kireb nem.
29100	2CO 12:10	Bfel’ u wun’ug e me’waer, nge thin nib kireb ni nganog ngog, nge tin nib mo’maw’, nge gafgow ni yibe tay ngog, nge tin nib mo’maw’ ban’en ni gu be mada’nag ni fan ngak Kristus. Ya ngiyal’ ni gub me’waer, aram e ngiyal’ ni gub gel.
29185	GAL 3:16	Ere Got e ognag ngak Abraham e tin ni nge pi’ ngak Abraham nge ngak be’ ni bay sum ni owchen Abraham. Ma de yog ni ga’ar, “nge ngak e pi’in bay ra sumgad ni owchen Abraham,” ni fan e re bugithin nem e bo’or e girdi’. Machane rogon ni yog e ga’ar, “nge ngak be’ ni bayi sum ni owchen Abraham,” ni fan e re bugithin nem e kemus nta’abe’, ni aram Kristus.
29251	GAL 5:22	Machane fare Kan Nthothup e ma sunumeg u lanin’dad e t’ufeg, nge felfelan’, nge gapas laniyan’, nge gumaen’, nge gol, nge fel’ ngak e girdi’, nge yul’yul’,
29252	GAL 5:23	nge sobut’an’, nge t’ar laniyan’. Dariy ba motochiyel nib togopluw ko pin’ey.
29409	EPH 6:5	Gimed e pi’in sib e ngu’um folgad rok e masta romed ma gimed be par ni bay madgurad u wun’med; ni ngam rin’ed u fithik’ e yul’yul’, ni gowa gimed be pigpig ngak Kristus.
29579	COL 2:18	Dab mpaged be’ nge mang ir e turguy ni gimed ba kireb ni be yog ni ir e ba ga’ ni bochan e kan piliyeg e changar rok ke guy bogi ban’en, ma be yog nthingar ni sobut’ nigey ni gathi bin riyul’ e sobut’an’, ma yad be yog ni ngan tayfan min meybil ngak e pi engel. Ya ra aram rogon be’ ma ke ufanthin ndariy rogon, ya leam ni be tay e rogon e leam nma tay e girdi’,
29584	COL 2:23	Er rogon, bmuduwgil ni be m’ug e pi motochiyel nem ni gowa bay e gonop u fithik’ ni be ga’ar e thingar nta’ fan min meybil ngak e pi engel, nge bin ni gathi ba riyul’ e sobut’an’, nge gafgow ni yibe tay nga dowey; machane dabiyag rok e pin’ey ni nge talegdad i rin’ e tin ni be ar’arnag e dowef rodad.
29596	COL 3:12	Gimed girdi’en Got; ya gimed ba t’uf rok ma ke duwgiliymed ni ngam manged girdi’en. Aram fan ni runguy, nge gol, nge sobut’an’, nge sumunguy, nge gumaen’ e thingar mon’ed nga dakenmed nge mang mad romed.
29606	COL 3:22	Gimed e pi sib, um folgad ko thin rok e pi’in yad e suwrad gimed u gubin ban’en, ma gathi kemus ni ngiyal’ ni yad be guymed e ngu’um rin’ed riy ni bochan e kemus ni ngam fel’gad u wun’rad, machane ngam rin’ed u fithik’ e tafinay nib yul’yul’, ni bochan e gimed be liyor ngak Somol.