23251 | MAT 2:13 | Chukula, jume' o'owim suawakame am saka'asuko, achai Liojta betana ankeles, tenkupo benasi Josee' teamtau au yeu machiak. Intok inen jiiak: ―Yejte'e, usita intok a' malawata weiyaaka, intok bwiaraa Ejipto' tea'u bicha yeu weene. Junaman intok empo tawane, in enchi tejwaa'po tajtia. Bwe'ituk ju'u Eroorej teame, juka' ili usita jariunee a' me'e betchi'bo. |
23281 | MAT 4:3 | Junak intoko, ju'u bebeje'eri, Jesujtau yepsak. Intok junuen, ka tu'ik a' ya'a i'aka: ―Lutu'uriapo, empo Liojta betana yoemiarituko, inime'e tetam, paan aune' betchi'bo nesaune ―ti au jiiak. |
23446 | MAT 8:32 | Junak ju'u Jesus: ―Tu'i, amet em kiimu ―ti ameu jiiak. Jume' ka tu'i jiapsim intok junammet yeu sajaka intok wame koowimmet kiimuk. Chukula ket, si'ime juname'e koowim, kau siibau luula ko'om wattek ba'au ko'omi, intok junama'a kokkokai. |
23454 | MAT 9:6 | Junuen san enchim ne a' ju'uneiyaa i'a, juka' inim emo benasi yoemta, inim bwiapo junuen jume' ka tu'uwa ya'arim, yetet a' jiokoinee'u au a' lutu'uriatuka'po ―ti jiiak. Junak intok aapo, ju'u ka au yekamtau: ―Yejte'e, em jipetekta nu'uka intok em jo'au weene ―ti au jiiak. |
23478 | MAT 9:30 | Inime'e intok, bem puusim sep tu'ireak. Junak ju'u Jesus tua ameu ujbwanak: ―Inika'a, eme'e kaabeta a' ju'uneiyaatuane ―ti ameu jiakai. |
23607 | MAT 12:49 | Junak intok jume' a' majtim naj jikku'ubwaka intok: ―Inime'e, inepo ne in ae benasi intok jume' nemak wewerim benasi ne am eiyaa ―ti jiakai―. |
23644 | MAT 13:36 | Junak intoko ju'u Jesus, jume' ama aneme, si'ime saka'atuasuka, aapo, kariu kibakek. Junama'a jume' a' majtim aapo'iku rukteka intok: ―Ju'u, wajpo ka tu'i juyat nokaka em teuwaaka'uta, ju'unakkiachisi itou teuwaane ―ti au jiiak. |
23645 | MAT 13:37 | Junak intok ju'u Jesus inimmeu: ―Ju'u, juka' tu'i bachiata echakame, ini'i jiba ju'u inim emo benasi yoeme. |
23665 | MAT 13:57 | Inia betchi'bo san, inime'e, kaitat a' jikkajibaek. Taa ju'u Jesus inimmeu: ―Juka'a, Liojta betana chukula yeu weenemtat ju'uneetuawaka yeteu nokame, si'ime tu'isi a' eiyaaka a' bitne. Taa inika'a, tua jum a' bwiaraawapo joomem betana intok jume' a' jo'apo aamak werim betana juni'i, ka junuen eiyaatune ―ti jiiak. |
23674 | MAT 14:8 | Junako ini'i beme jamut, a' malawa betana bat inen tejwaatakai, ju'u Eroorejtau: ―Pu'atopo, juka' yee bato'owaame Joanta koba inimi'i nee makne ―ti au jiiak. |
23692 | MAT 14:26 | Intok junako jume' majtim, aapo'ik ba'a bepa weyemta bichakai, womtek. Intok majjaeka: ―Ini'i, tukaapo yee wom womtame ―ti chaaen. |
23911 | MAT 21:16 | intok Jesujtau inen jiiak: ―Jaisa empo juka' inime'e teuwaa'uta jikkaja ja'ani ―ti jiiak. Jesus intok inime'e yoopnak: ―Jana'aka, a nee a' jikkaja. Taa jaisa eme'e inia betana junuen jum Liojta nok lutu'uriapo inika'a ji'ojteita kee bicha ja'ani: Jume' tua illitchim, intok jume' ketuni che'eeme, empo, inime'e che'a yuma'isi enchi am yo'oribaeka junuen am bwiktualaa, ti a' jiaka'po. |
24171 | MAT 26:48 | Ini'i Juuras, ju'u yeu a' bwisekame, senu machilaata am tejwaalatukan: ―Ju'u, in aet tentenee'u juna'atune. A' bwiseka a' weiyaane ―ti jiakai. |
24173 | MAT 26:50 | Ju'u Jesus: ―Jalla'i, jitasa empo a'abo nu'usek ―ti au jiiak. Junak inime'e au rukteka intok aapo'ik Jesujta bwiseka intok a' nuk sajakai. |
24178 | MAT 26:55 | Junak intok ju'u Jesus jume' a' bwijbokammeu: ―Eme'e, tettebem kukuche'ekai intok kukutakai a'abo yeu sajak nee jita etbwareotuka'a benasi nee bwijbaekai. Chikti ta'apo jum te'opopo nee emo nasuk aneka yee majtan intok junak eme'e ka nee nuk sajak. |
24196 | MAT 26:73 | Che'a chuubatuka jume' junama'a ane'um, Peotau rukteka: ―Lutu'uria, empo ketchia junamemak weye. Bwe'ituk junuen em noka'ut juni'i, empo ju'unakkiachi ―ti au jiiak. |
24202 | MAT 27:4 | Intok: ―Liojta bichapo ne ka tu'ik ya'ari. Senuk, ka tu'ik kaita ya'arik, a' me'etune' betchi'bo yeu a' bwisekai ―ti ameu jiiak. Taa bempo: ―Ini'i, ito betchi'bo kaita teuwaa. Inika'a empo a' ya'ari, em mampo aayuk ―ti au jiiak. |
24209 | MAT 27:11 | Jesus, ju'u kobanaota bichapo yeu tojiwak. Ini'i intok: ―Jaisa empo juna'a ja'ani, ju'u, jume' juriommeu che'a yo'o ya'ari ―ti au nattemaekai. Ju'u Jesus iniau: ―Lutu'uria, junuen em a' teuwaari benasia ―ti au jiiak. |
24245 | MAT 27:47 | Waate, jume' junama'a ane'um, junuen a' jikkajaka: ―Ini'i, bat naataka ju'u Liojta betana ju'uneetuawaka nokakame, Eliaj teamtau chaae ―ti jiian. |
24252 | MAT 27:54 | Junako ju'u sontao ya'ut intok jume' aamak juka' Jesujta suuame, juka' bwiata au yoakamta intok juka' watek yeu sikamta bichaka, inime'e tua majaek, intok: ―Lutu'uriapo, ini'i yoeme, Liojta betana yoemiaritukan ―ti jiiak. |
24277 | MAT 28:13 | Intok inimmeu inen jiiak: ―Eme'e, tukaapo enchim ket kokkocheo, jume' Jesujta majtim ama yajaka, juka' takaata etbwak, ti jiune. |
24507 | MRK 6:31 | Junak intok ju'u Jesus inen ameu jiiak: ―Eme'e, nemak, kaabeta ane'u bicha te nau saka'ane. Intok junama'a, chubala juni'i, yum jo'e betchi'bo, tiia. Bwe'ituk junama'a bem ane'epo, ju'u yoemra tu'isi juebenaka, waate saka'asakan, wate intok au yeu yaji sakan. Intok ka a yum jo'en. Intok kia ka ammea a ji'ibwan juni'i. |
24723 | MRK 11:14 | Junak intok, Jesus junae chuna'ouwotau: ―Kiale'e, jakwoo juni'i, kaibu'e takane'e ―ti au jiiak―. Intok kia jabe juni'i, ka enchi taka bwa'ane ―tiiak. Intok junuen au a' jia'apo, jume' a' majtim a' jikkajak. |
24886 | MRK 14:63 | Junak intok ju'u te'opopo, che'a ama yo'o ya'arime, kujteerimmea, au supe siuti wikeka, ama anemmeu inen jiiak: ―I'an, junuen a' nokaka' betchi'bo ―tiia―, junuet a' nok bwijlataka, intok a' beje'eka aet nokneeme, kaabe intok waatiatune ―tiia―. |
24897 | MRK 15:2 | Pilaato intok inen au nattemaek: ―Jaisa empo juna'a, ju'u juriommeu ju'u rei ―ti au jiakai. Jesus intok: ―Lutu'uria, em noka'u ―ti a' yoopnak. |
25022 | LUK 1:60 | Taa ju'u a' malawa: ―E'e, ka junueni. Ini'i che'a, Joanim ti teane ―ti jiiak. |
25105 | LUK 3:11 | Ju'u Joan inime'e inen yoopnak: ―Wa'a, wooim supekame, ini'i, juka' wepulaim juni'i ka supekamta, wepulaim a' mikpo yuma'i. Ju'u intoko bwa'awamta jipueme, ini'i jiba junaen, ju'u kaita jipuemtau bicha watek na'ikiane ―ti jiakai. |
25168 | LUK 4:36 | Si'ime a' uttiaka a' suum eaka taawak. Inime'e intok: ―Ini'i, a' teuwaa'u ka kia beja nooki. Ala ini'i tua nesaweka intok tua utte'akamta, jume' bebeje'eri ka tu'u jiapsimmeu nooka. Intok inime'e yeu rejte ―ti naas nau jiian. |
25175 | LUK 4:43 | Taa ju'u Jesus inimmeu inen jiiak: ―Utte'a, bemelaka, Liojta che'a yo'otaka a' kateka'u betana juka' tu'i nok lutu'uriata, waate jume' ili jo'arammeu ket in a' teuwaane'po. Bwe'ituk jiba inia betchi'bo inepo a'abo bittuari. |
25189 | LUK 5:13 | Junak intok Jesus, inika'a, aet mamteka: ―Jana'aka, junuentune. Sep tu'ika tawane ―ti au jiiak. Aapo'ik inika'a teuwaako, ju'u lepra' teame ko'okoa iniat kaitatuk. |
25223 | LUK 6:8 | Taa Jesus ju'unean, aapo'ik betana jachin bem emo eetua'po. Intok ju'u ka au mam yekamtau: ―Kikte'e, imin nasukun keka ―ti au jiiak. Ini'i kikteka, aman siika. |
25307 | LUK 7:43 | Ju'u Simoo' teame: ―Ju'u, che'a bu'uukut jiokoiwakame, ti nejpo ea ―ti au jiiak. Jesus intok: ―Tua empo junaen a' teuwaala ―ti au jiiak. |
25335 | LUK 8:21 | Taa aapo inimmeu: ―Wame'e, juka' Liojta nok lutu'uriata jikkajaka intok a' nok jikkajaka jiapsame, inime'e inepo in ae intok jume' nemak werim benasi ne am eiyaane ―ti jiiak. |
25390 | LUK 9:20 | Junak intok aapo ameu nattemaek: ―Eme'esu, nee jabesa'a ti jiia. Ju'u Peeo intok: ―Empo juna'a ju'u Krijto, Liojta yeu pu'ari ―ti au jiiak. |
25450 | LUK 10:18 | Jesus inimmeu: ―Lutu'uria, bwe'ituk jiba ineponee a' bichak juka' bebeje'erita, teeka betana yuku be'oktiata benasi ko'om a' wecheko ―ti ameu jiiak―. |
25469 | LUK 10:37 | Ju'u Moiseejta nesaurim yee majtame: ―Ju'u, junaka'a nak jiokolekame ―ti au jiiak. Junak ju'u Jesus: ―Beja ma, empo ket jiba inile benak bo'o jooriane ―ti au jiiak. |
25529 | LUK 12:1 | Ket junuen a' weyeo su, ju'u yoemra junama'a, ka iliikika, juebena miiltaka ama au yajan. Junuen juebenaka kia ama nat chep chepteka juni'i. Intok ju'u Jesus, a' majtimmeu bat inen jiu taitek: ―Eme'e, jume' paiseeom teame betana, reberuatau a tamachiatuka, ka lutu'uriae bem emo tu'u joa'u betana emo suuane. |
25582 | LUK 12:54 | Ju'u Jesus ket ju'u yoemratau inen jiiak: ―Eme'e, jume' naamum, ta'ata aman weeche'e betana jikau cha'atume bichakai, eme'e sep, i'an yukbae'eti jiia. Intok inien yeu weama. |
25704 | LUK 16:15 | Jesus junak inimmeu: ―Eme'e, ka tu'i yoememtaka juni'i, yoemrata bichapo emo tu'u joame. Taa ju'u Lios emot ju'unea. Bwe'ituk inimi'i, ju'u jume' yoemem betchi'bo tua bem ae emo eiyaa tebo'uta, inika'a, ju'u Lios ka a' bibitpea ―ti ameu jiiak. |
25726 | LUK 17:6 | Junak ju'u yo'owe Jesukrijto inimmeu: ―Eme'e, kia ju'u mojtaasa bachiata beleekik juni'i, Liojta enchim a suale'uta a' ta'a'ateko, inia juya sikoomoro' teamtau a inen jiu ean: “Inim, chikti nawamak yeu sikaa, intok aman baweu kiktene”, ti jiakai, ini'i juya intok enchim a' teuwaaka'po aman au ean. |
25924 | LUK 21:29 | Ketchia inika'a jita ta'abwiku a' tamachiaka ameu nookak: ―Eme'e, juka' chuna'ouwota mammatene, oo kia jita juyataka juni'i, |
25991 | LUK 22:58 | Che'a chukula intok juchi senu a' bichaka: ―Empo ket juname betana weye ―ti au jiiak. Taa ju'u Peeo: ―E'e, kannee juna'a ―ti jiiak. |
26009 | LUK 23:5 | Taa inime'e che'a juni'i jiian: ―Ini'i, yee a' majta'ue inim jurea bwiaraapo, si'ime yoemrata ka yanti eltua. Kalilea bwiaraa' tea'po naateka intok i'an inim ket junaen a' weetua ―ti jiian. |
26287 | JHN 5:8 | Ju'u Jesus iniau: ―Yejte'e, intok juka' em aet bo'oka'uta toboktaka, weene ―ti au jiiak. |
26438 | JHN 7:41 | Wate intok: ―Ini'i juna'a, wa'a Krijto' teame ―ti jiian. Taa junama'a ket waate: ―E'e, ju'u Krijto' teame kaachin, bwiaara Kalilea' tea'a betana jometune ―ti jiaka aanen―. |
26469 | JHN 8:19 | Junako bempo: ―Jaksa aane ju'u em yo'owa ―ti au nattemaek. Jesus intok: ―Eme'e, nee juni'i ka ta'aa intok kia juka' in yo'owata juni'i. Eme'e nee ta'a'ateko, ket juka' in yo'owata eme'e ta'aa ean ―ti ameu jiiak. |
26478 | JHN 8:28 | Inia betchi'bo aapo inimmeu: ―Eme'e, chukula juka' inim emo benasi yoemta, kutat jikat a' poponsuko, junak ju'ubwa eme'e, Liojta betana in weye'ut, intok ket in ea'po aman, kaita in joa'uta, wepulsi juka' in yo'owata nee ju'uneiyaatuaka'uta, junaka'a jiba in noka'ut, eme'e net ju'uneene. |
26481 | JHN 8:31 | Junak intok ju'u Jesus, jume' juriom a' sualeka'ummeu: ―Eme'e, ju'u in emou teuwaa'u betana ka ta'abwisi eaka, ka a' kopta'ateko, lutu'uriapo eme'e in majtimtune. |
26499 | JHN 8:49 | Junak ju'u Jesus inimmeu: ―E'e, kia jita bebeje'eri jiapsita juni'i ka net aane. Ala ju'u in joa'u, ini'i, juka' in yo'owa Liojta a' yo'ori tebonee'u juna'a. Eme'e intok naa buustia ka nee yo'oreka nee bicha. |
26518 | JHN 9:9 | Waate: ―Ini'i juna'a ―ti jiian. Wate intok: ―Ka aapo juna'a, taa tua ale bena ―ti jiian. Taa jiba ini'i, aapo: ―Lutu'uria, ineponee juna'a ―ti jiiak. |
26591 | JHN 10:41 | Junama'a juebenaka au noitek. Intok inime'e: ―Lutu'uria, ju'u Joan tuka'u kaita machilaata, a jita a' joa'uta yaaka juni'i, taa si'ime ju'u, inia yoemta betana a' teuwaaka'u lutu'uria tukan ―ti jiian. |
26616 | JHN 11:24 | Ju'u Maata intok junak: ―Lutu'uria, ju'uneanee chukula taewait, jume' kokkoarim jiabijteneeo, juchi a' jiapsinee'u ―ti au jiiak. |
26629 | JHN 11:37 | Taa juname betana waate: ―Ini'i, waka'a liptita a' bittuakame, jaisa juka' Laasaro tuka'uta, ka a' mukne' betchi'bo a' ania ean ja'ani ―ti jiiak. |
26871 | JHN 18:17 | Junak ju'u jamut, aman kikkimuwa'po a' suuatuawame, Peotau: ―Jaisa empo ka juna'a ketchia, inia o'outa betana senu a' majti ja'ani ―ti au nattemaek. Ju'u Peeo intok: ―E'e, ka inepo juna'a ―ti a' yoopnak. |
26879 | JHN 18:25 | Ju'u Peeo ketun junama'a tajimmeu weeka sukawen. Iniau intok: ―Jaisa empo ka juna'a, ju'u inia o'outa betana majti ja'ani ―ti au jiuwak. Peeo intok: ―E'e, ka inepo juna'a ―ti jiiak. |
26909 | JHN 19:15 | Taa bempo: ―Me'etune, me'etune, kuuset a' popon tebone ―ti chaaen. Ju'u Pilaato inimmeu: ―Jaisa inepo inika'a emou yo'o ya'arita kuuset a' popon tebonee ja'ani ―ti ameu nattemaek. Taa jume' te'opopo tekiakammeu yo'owe: ―Itepo kaabeta intok ta'abwik che'a itou yo'o ya'arita te a' jipue, waka'a jum bwe'u jo'ara Roma' tea'po yo'otaka katekamta jiba ―ti a' yoopnak. |
26999 | ACT 1:7 | Aapo intok inimmeu: ―Eme'e, jakwoo, oo jita ta'apo juka' in yo'owa Liojta, aapo'ik jiba au lutu'uriaka a' ya'anee'uta, junae betana enchim a' ju'uneiyaanee'uta ka emou lutu'uria ―ti ameu jiiak―. |
27003 | ACT 1:11 | Inime'e intok bempo'immeu: ―Eme'e, bwiaraa Kalilea' tea'po joomem, ka intok teekau jikau a' bitchune. Jiba ini'i Jesus, inim emo tana, teekau jikau sikame, aapo jiba inien, junuen a' sika enchim a' bichaka'a benasia juchi nottine ―ti ameu jiiak. |
27032 | ACT 2:14 | Junako ju'u Peeo, watem jume' woj mamni ama weepulaika, Jesukrijtota yeu pu'arimmak, ama kikteka intok kusisi nokaka: ―Eme'e, Jurea bwiaarapo joomem intok eme'e inim bwe'u jo'ara Jerusalen tea'po jiapsame, inika'a ju'uneiyaanee intok inika'a in emou teuwaabae'uta a' mammatene. |
27136 | ACT 5:8 | Ju'u Peeo iniau: ―Nee tejwaa, jaisa juka' waj bwiata eme'e, tomi enchim neu tojaka'uta beekiku a' nenkak ja'ani ―ti au nattemaek. Aapo intok: ―Jana'aka, inia beekiku nenkiwak ―ti au jiiak. |
27163 | ACT 5:35 | Chukula aapo, ju'u ya'uraatau: ―Eme'e, inim Ijra'el yoemra. Inime'e o'owim jachin enchim ame tana ea'u betana aet em emo suua ―ti ameu jiiak―. |
27269 | ACT 8:24 | Junako ju'u Simoon, Peotaimmeu: ―Eme'e, Liojtau bicha nee nokriane, junuen inika'a weemta enchim neu aune'eti jia'uta, ka junuen neu a' chupne' betchi'bo ―ti ameu jiiak. |
27354 | ACT 10:26 | Taa ju'u Peeo a' kechak intok: ―Kikte'e, ineponee ket jiba ele benasi inim bwiapo yoeme ―ti au jiiak. |
27394 | ACT 11:18 | Junako, chukula jume' bwe'u jo'ara Jerusalen tea'po, Krijtota sualeme inika'a teuwaawakamta a' jikkajisukai, bempo, kaita intok a' beje'eka nookak. Intok inime'e, alleaka Liojta bem a' yo'oree'uta teuwaan, intok: ―Lutu'uria, ju'u Lios i'an ket juka' tatta'abwi intok ka jurio yoemrata, juname'e, juka' ka tu'ik a' koptaka intok junuen juka' jiba yuu jiapsiwamta bem a' bitne' betchi'bo, inika'a am ya'aria i'aka, ametana a' waata ―ti jiakai. |
27447 | ACT 13:16 | Junako ju'u Paplo, kikteka intok am yaateka a' jikkajine' betchi'bo maammea ameu nokaka, junak aapo nok taiteka: ―Eme'e, Ijra'el yoemra, intok eme'e jume' Liojtat jiapseka a' yo'ori ta'aame, nee jikkajine ―ti ameu jiiak―. |
27477 | ACT 13:46 | Junako ju'u Paplo intok ju'u Bernabee, ka jain eaka, witti nokakai: ―Utte'atukan, Liojta betana juka' bemela nok lutu'uriata, enchim juriomtuka'po aman, emou bat a' teuwaatunee'uta. Taa i'an intok, eme'e ka a' jikkajibaekai, intok jiba eme'e su juka' jiba yuu jiapsiwamta, enchim au lutu'uriaka'uta, ka emou a' cha'aka'a benasi aneka a' bit tebokai, i'an te itepo, jume' ka juriommeu bicha te katbae. |
27567 | ACT 16:15 | Ini'i, aapo, chukula si'ime jume' aamak jo'aakammak nau bato'owaasuakai, itou nookak: ―Eme'e, tua lutu'uriapo junuen yo'owe Jesukrijtota in a' suale'uta nee mammateka, junuen a' lutu'uriatuka'po ju'unea'ateko, in jo'au tawa betchi'bo ama yajine ―ti jiakai. Intok tua junen jiaka nokakai, ite junama'a taawak. |
27640 | ACT 18:14 | Juka' Paplota au a' nokriabaeka a' nok taiteo su, ju'u kobanaao, Kalion teame juriom yoopnak: ―Inika'a, enchim nunu'ubwa'uta, jissu'alataka oo yee beje'eka tua ka tu'ik a' ya'aria tuko, junaka'a ala inepo, kaachin jiaka, enchim juriom nee iniat enchim jikkaji ean ―ti ameu jiakai―. |
27647 | ACT 18:21 | Junak aapo, junama'a omot bicha weebaeka, ama am tebotuak, intok: ―Utte'a, jum bwe'u jo'ara Jerusalen tea'u, junaman juka' pajkota yumao junak in ama annee'u. Taa chukula, Liojta junen eao, a'abo enchim bit betchi'bo nee juchi a'abo nottine ―ti ameu jiiak. Intok junama'a Eepeso' tea'po aapo, bwe'u kuta kanoau ja'amuka intok junama'a yeu siika. |
27656 | ACT 19:2 | Intok inime'e, aapo: ―Junak, Krijtota sualeka, jaisa eme'e juka' Liojta tu'u jiapsi a' mabetak ja'ani ―ti am temaek. Bempo intok: ―E'e, kaita tee jikkajilamtukan, juka' Liojta tu'u jiapsita a' ayuka'po betana ―ti a' yoopnak. |
27658 | ACT 19:4 | Ju'u Paplo: ―Lutu'uria, ju'u Joan tuka'u, yee babatoowame, jume' ka tu'ik betana emo temaime, bato'owaan. Taa junammeu aapo ketchia, aapo'ikut cha'aka weyemta, juka' Jesujta, bempo'im a' sualne'eti jiian ―ti ameu jiiak. |
27760 | ACT 21:28 | intok: ―Eme'e, Ijra'el tuka'uta betana kateka, inim yoemra, itome'em ania. Ini'i juna'a ju'u, si'imekut naj weyeka, inim itom yoemrata beje'eka, intok ju'u Moiseej tuka'uta nesauri ji'ojteim beje'eka, intok kia inika'a itom bwe'u te'opota beje'eka yee majtame. Intok naa buustia, ini'i i'an inim te'opopo waate rieekom im kima'i, junuen inika'a te'opota, Liojta im ane'e benasi eiyaawamta, ka tu'ik au ya'alaa ―ti kusisi chaae japtek. |
27773 | ACT 22:1 | ―Eme'e, nele benasi yoemem, intok jume' che'a yo'owe, inim in ino nokriaka in teuwaabae'ut nee jikkajine ―ti jiakai. |
27886 | ACT 25:22 | Junako ju'u che'a yo'o ya'ari Akriipa' teame, ju'u Peejto' teamtau: ―Ineponee ket a' jikkajipea, junaka'a o'outa ―ti au jiiak. Ju'u Peejto intok: ―Tu'i, yoko empo a' jikkajine ―ti a' yoopnak. |
30940 | REV 10:11 | Sep ket inen neu jiuwak: ―Utte'a, juchi em a' teuwaane'po juka' achai Liojta si'ime, ka nanau machi yoemrata betana intok ka nanau maisi machik nokame betana intok jume' che'a yo'o ya'arim betana, juka' a' teuwaa'uta. |