23278	MAT 3:17	Junak intoko, teeka betana senu jiawai inen jiaka jikkajiwak: ―Ini'i juna'a in yoemia, in nake'u. Ae betchi'bo ne tua allea ―ti jiakai.
23284	MAT 4:6	Intok ini'i: ―Lutu'uriapo empo Liojta betana yoemiarituko, emo ko'om jimaa. Bwe'ituk Liojta nok lutu'uriapo inen ji'ojtei: Ju'u achai Lios, jume' ankelesimmet nesaune, juname'e enchi suuane' betchi'bo, bempo bem maammea enchi nu'une, junuen jita tetat juni'i, ka ko'okosi em aune' betchi'bo ―ti au jiiak.
23288	MAT 4:10	Junak intoko ju'u Jesus: ―Mekka'e bebeje'eri. Bwe'ituk jum Liojta nok lutu'uriapo inen ji'ojtei: “Em achai Liojta yo'orinee intok aapo'ik jiba nok jikkajine” ―ti au jiiak.
23297	MAT 4:19	Junak intok ju'u Jesus: ―Eme'e nemak katne. Inepo intok, ne ta'abwi tekilta enchim makne, ju'u inim yoemrata jiapsammeu, bem jinne'uimtune' betchi'bo ne enchim ameu noktuane ―ti ameu jiiak.
23424	MAT 8:10	Junak ju'u Jesus inika'a ae tana jikkajakai, a' suum eiyaak. Intok jume' aamak katemmeu inen jiiak: ―Lutu'uriapo ne inen emou jiia, si'ime inim Ijra'el yoemrata nasuku, inepo kee jabeta ta'aa, inia o'outa benasia, tua tu'isi Liojtat a yoem'eamta.
23441	MAT 8:27	Jume' intok waate o'owim a' suum eiyaaka intok: ―Ini'i intok, jaku'ubosa jometaka tua, kia ju'u jeeka intok kia ju'u baawe juni'i, aapo'ik ea'po aman aayuk ―ti jiiak.
23482	MAT 9:34	Taa jume' paiseeom teame: ―Ini'i o'ou jume' bebeje'eri ka tu'i jiapsim yeu beba, taa jiba ju'u inime'e bebeje'erimmeu yo'ota a jita a' joa'ue ―ti jiian.
23535	MAT 11:7	Juname'e saka'asuko ju'u Jesus, ju'u Joan teamta betana ju'u yoemratau etejo taitek: ―Eme'e aman bwe'u pa'ariau aneka, jitasa eme'e bitboka aman sajak. Jaisa eme'e senu bakata jekae naas bepwamta bitbaeka aman sajak ja'ani.
23582	MAT 12:24	Junak jume' paiseeom, inika'a jikkajakai: ―Ini'i o'ou, ju'u inimmeu yo'owe, Beelsebuu teamta a' utte'awae jiba, jume' bebeje'eri ka tu'i jiapsim yeu beba ―ti jiian.
23597	MAT 12:39	Jesus, inime'e inen yoopnak: ―Ju'u ka tu'i yoemra intok ka wepulsi Liojta jiba yo'oreme, Liojta a jita joa'uta, machilaata bitbae. Taa inime'e kaita intok naa buusti machilaata bitne, kia juka' Jonajtuka'uta betana ju'u ama ayuka'uta jiba.
23605	MAT 12:47	Senu inen a' tejwaak: ―Ju'u em maala intok jume' em sailam, im pa'aku aane, intok bempo emak etejobae ―ti au jiakai.
23619	MAT 13:11	Aapo, inime'e inen yoopnak: ―Ju'u Lios, teekau aapo'ik che'a yo'otaka a' kateka'u betana, juka' kaabeta ju'uneiyaa'uta, enchim a aet ju'uneetuala. Taa bempo ka junuen inika'a ju'uneiyaatuawa.
23668	MAT 14:2	Aapo intok, jume' ama tekiaka, aamak anemmeu: ―Ini'i jiba ju'u Joan, yee bato'owaame tuka'u. Mukiataka jiabijtela. Kiali'ikun junuen ka a jootu maisi machik a' joone'po au yuma'atualaa ―ti jiiak.
23684	MAT 14:18	Inimmeu Jesus: ―A'abo em neu am toja ―ti ameu jiiak.
23693	MAT 14:27	Taa ju'u Jesus inimmeu nokaka: ―Kate'em jain ea, ineponee juna'a ju'u im aneme. Kate'em majjae ―ti ameu jiiak.
23695	MAT 14:29	Ju'u Jesus intok: ―A'abo neu bicha weyema ―ti au jiiak. Junak san ju'u Peeo jum kuta kanoapo ko'om chepteka, intok ba'a bepa wee taitek junuen Jesujta a' ane'u au yebijbaekai.
23715	MAT 15:13	Taa aapo, essoi nokpo inen am yoopnak: ―Ju'u juya, jitataka juni'i, juka' in achai, teekau katekamta ka a' echiako, chikti nawammak popontune ―ti jiakai―.
23717	MAT 15:15	Junak intok ju'u Peeo, ju'u Jesujtau: ―Inika'a em ta'abwikut nokaka em teuwaaka'uta, ju'unakkiachisia itou a' teuwaane ―ti au jiiak.
23726	MAT 15:24	Junak intok ju'u Jesus, ju'u jamuttau: ―Ju'u Lios, jume' bwalam chiktulame bebenammeu Ijra'el yoemratau jiba nee bittuari ―ti au jiiak.
23734	MAT 15:32	Junak intoko ju'u Jesus, jume' a' majtimmeu chaaeka intok: ―Inika'a yoemrata ne tu'isi jiokole bwe'ituk jaibu baji ta'apo inim nemak aane. Intok inime'e bem bwa'anee'uta kaita nunu'ubwa. Kanne junuen, ka ji'ibwakame, bem jo'au bicha am saka'atuabae, junuen ka inime'e jum bo'ot bem tebae wattine' betchi'bo ―ti ameu jiiak.
23747	MAT 16:6	Junak intok ju'u Jesus: ―Eme'e a' mammatenee jume' paiseom intok jume' saauseeom teame ju'u reberuuata benaka, ka lutu'uriata bem yee majta'u betana emo suuakai ―ti ameu jiiak.
23754	MAT 16:13	Junak ju'u Jesus, bwiaraa Sesarea piliipo' tea'u yepsakai, aapo jume' a' majtimmeu: ―Ju'u yoemra, inia inim yoemtat nokaka, a' jabesa'ati jiia ―ti ameu nattemaek.
23756	MAT 16:15	Junak intok aapo: ―Eme'e intok, nee jabesa'ati jiia ―ti ameu nattemaek.
23774	MAT 17:5	Ket juka' Peota nokao su, naamu, tua beojkoka am roptak. Junama'a namupo betana intok, jiawai jikkajituk: ―Ini'i juna'a ju'u in yoemia in nake'u, ae betchi'bo tua in allea'u. Aapo'ik eme'e a' nok jikkajine ―ti jiakai.
23776	MAT 17:7	Junak intoko ju'u Jesus ameu rukteka, amet mamteka intok: ―Japte'em bu ―ti ameu jiiak―. Kate'em majjae.
23778	MAT 17:9	Bempo'im junae kau betana ko'om kateo, ju'u Jesus amet nesawek: ―Inika'a enchim bittuawaka'uta, kaabetau eme'e a' etejone. Chukula, juka' inim emo benasia yoemta kokkoarim nasuk a' jiabijtesuk ju'ubwa a' teuwaane ―ti ameu jiiak.
23780	MAT 17:11	Junak intok ju'u Jesus inime'e inen yoopnak: ―Lutu'uria juka' Eliaj teamta, utte'a, bat a' yebijnee'u. Intok inika'a si'imeta a' tu'utene'po.
23789	MAT 17:20	Ju'u Jesus inimmeu inen jiiak: ―Bwe'ituk eme'esu tua ka a Liojtat yoem ea. Tua lutu'uriapo ne inen jiia, eme'e, kia ju'u mojtaasa bachiata belleekik juni'i, Liojtat a enchim yoem ea'u emot ayuko, inia kawiu eme'e: “Inim yeu sikaa, omot yejtene”, ti au jiu ean. Ini'i kawi intok omot bicha weene. Junuen eme'e lutu'uriapo Liojtat a yoem ea'ateko, kaita emo betchi'bo obiachine.
23793	MAT 17:24	Juka' Jesujta intok jume' yeu a' pu'arim, bwe'u jo'ara Kapernaum tea'u yeu am yajako, junama'a jume' te'opota betchi'bo tomita nau totojame, ju'u Peotau yajaka intok: ―Ju'u enchim majtame, jaisa tomita te'opota betchi'bo ka a beje'etua ja'ani ―ti au nattemaek.
23794	MAT 17:25	Ju'u Peeo intok: ―Jana'aka ―ti jiiak. Junako, juka' Peota kariu a' kibakeko, ju'u Jesus bat au nonokak: ―Jaisa eu maachi Simoo ―ti jiakai―. Jume' inim bwiapo che'a yo'o ya'arim, inime'e, juka' ya'uraatau bicha tomita weyemta, intok juka' jita'apo yee aniabaawaka tomita, jabemmeusa junuen a' waata, jume' ama bem bwiaraapo jomemmewi oo jume' ka junama'a bwiaraapo joomemmewi, ja'ani ―ti au nattemaekai.
23841	MAT 19:10	Jume' Jesujta majtim junak inen au jiiak: ―Inika'a weyemta inien machiako, ju'u kunawaita a' jubimake, senuk betchi'bo ka jujupwame che'a tu'i ―ti au jiiak.
23845	MAT 19:14	Taa ju'u Jesus inen jiiak: ―Ake'em am su'u toja jume' ili uusim, ela'pom a'abo neu katne, intok iniat ka ameu suuane. Bwe'ituk Liojta che'a yo'otaka a' kateka'u, aman lutu'uriakame, inime'e benasi emo eetuame juname'e ―ti jiiak.
23847	MAT 19:16	Senu ju'ubwa yo'otume Jesujta a' bitbaeka au siika intok ini'i: ―Tu'i yoeme, yee majtame. Jitasa inepo tu'ik yaaka junuen juka' jiba yuu jiapsiwamta a' bitne ―ti au nattemaek.
23851	MAT 19:20	Ju'u ju'ubwa yo'otume intok: ―Si'imeta inika'a inepo in ili usituka'po naatekai ne a' chupa'i. Jitasa ketun neu be'ee ―ti au jiiak.
23882	MAT 20:21	Ju'u Jesus: ―Jitasa empo neu waata ―ti au nattemaek. Ini'i aapo: ―Inime'e woika in yoemiam betana, chukula, jum che'a yo'otaka em yejtene'po, seenuk batatana eu a' yejtene' betchi'bo, juka' senuk intok, mikko'otana eu a' yejtene' betchi'bo junuen nesaune ―ti au jiiak.
23883	MAT 20:22	Taa ju'u Jesus inen am yoopnak: ―Eme'e kate'em ju'unea enchim a'awa'uta. Jaisa eme'e juka' jiokot, ko'okosi machik intok ka alleaka sioksi maisi machik in ine'enee'uta neu weyemta, nele benasi a' ine'enee ja'ani ―ti jiakai. ―Au te yuma'ane ―ti jiiak bempo.
23884	MAT 20:23	Taa aapo inen ameu jiiak: ―Lutu'uria ala eme'e, jiba inile benak jiokot ko'okosi a' ine'ene. Intok eme'e nele benasi ka alleaka sioksi emo bitne. Taa seenuk in batatana neu a' yejtenee'uta, juka' senuk intok mikko'otana a' yejtenee'uta, ka neu lutu'uria in a' teuwaane' betchi'bo. Ala a' bittuanaa, wame'e, in yo'owa Liojta betana junuen ameu a' chupa'im ―ti ameu jiiak.
23906	MAT 21:11	Ju'u intok yoemra: ―Ini'i juna'a ju'u Jesuj teame, chukula yeu weenemta tetteuwaame. Ju'u bwiaraa Kalilea' tea'po, jo'ara Nasaret tea'po joome ―ti jiian.
23914	MAT 21:19	Aapo bo'o mayoat, chuna'ouwota weyekamta bichaka intok iniau ruktek. Taa junae ouwot kaita teak, sawa ausu'liakan. Junak ju'u Jesus, junau: ―Kate'e intok juchi takane ―ti au jiiak. Intok junama'a sep waakek ju'u chuna'ouwo.
23926	MAT 21:31	Inime'e wooim betana, jabesa juka' a' achaiwata joo i'a'uta yaak ―ti ameu jiiak. Bempo intok: ―Ju'u bat weyeme ―ti jiiak. Junak ju'u Jesus inen ameu jiiak: ―Tua lutu'uriapo nee inen emou jiia, jume' ya'uraatau bicha tomita weyemta nau totojame, intok jume' ka tu'i jaamuchim, inime'e emo bepat, jum Liojta che'a yo'otaka a' kateka'u yajine.
23936	MAT 21:41	Bempo inen au jiiak: ―Juname'e ka tu'ik jiapsekame, juna'a, kia ili juni'i ka am jiokoleka am su'ane. Intok ini'i, juka' waj bwiata, tatta'abwi tekipanoareeommeu a' reu tebone. Inime'e, taewaita yumako junama'a echipo a' mabet'ea'uta au a' tojineemmeu.
23983	MAT 22:42	―Ju'u Krijto' teamta betana jaisa eme'e jiia. Jabeta betanasa ini'i yeu simria. Bempo intok: ―Labiituka'uta yoemiam betana ini'i weye ―ti au jiiak.
24028	MAT 24:2	Taa ju'u Jesus inen am yoopnak: ―Eme'e si'imeta inika'a junuen a' bicha. Lutu'uriapo ne inen emou jiia, inime'e, wepu'ulaika juni'i, teta ka jikat tawane. Si'ime chibela tataptune ―ti jiiak.
24029	MAT 24:3	Junak intok bempo, jum Oliibo'okawi' tea'u bicha sajak. Juka' Jesujta intok junama'a a' kateko, junak jume' a' majtim au yajaka, junama'a bempola jiba, inime'e: ―Inika'a jakwoo a' chupne'po oo jakwoo yeu a' weene'po enchi te itou a' teuwaa i'a. Jitaa machilaasa aunee enchi a'abo notteo intok juka' aniata a' lu'utineeo ―ti au jiiak.
24030	MAT 24:4	Junak Jesus inimmeu: ―Tu'isi emo suuane, eme'e kaabeta enchim bai ta'aatuane ―ti ameu jiiak―.
24090	MAT 25:13	Junak intok ju'u Jesus, a' majtimmeu: ―Eme'e emo suuanee bwe'ituk eme'e ka ju'unea juka' taewaita intok kia jak weyeo juka' emo benasi yoemta a' yebijnee'uta ―ti ameu jiiak.
24141	MAT 26:18	Aapo inen ameu jiiak: ―Bwe'u jo'arau eme'e katnee, aman inia senu yoemta a' jo'awi. Junama'a intok iniau eme'e: “Nee betana si'imeta aet chupnee'u, ju'u taewai yuma'asek. Intok jum em jo'apo ne, jume' in yeu pu'arimmak, juka' pajkot joowamta a' chupa'abae”, ti jiia ―ti eme'e au jiune.
24144	MAT 26:21	Bempo'im intok ketuni ji'ibwaao, aapo: ―Lutu'uriapo ne inen emou jiia, emo betana senu nee yeu bwijne ―ti ameu jiiak.
24146	MAT 26:23	Jesus intok inime'e: ―Wa'a in pu'atopo nemak ji'ibwakame, ini'i juna'atunee wa'a nee yeu bwijneeme ―ti am yoopnak―.
24149	MAT 26:26	Bempo'im ketuni ji'ibwao su, ju'u Jesus, paanim nu'uka, ame betchi'bo Liojta baisaek. Intok juname'e rebektasukai, jume' a' majtimmeu am bwisek: ―Ake'em am bwa'ee, ini'i in taka o'oben ―ti ameu jiakai.
24150	MAT 26:27	Chukula ket juka' pa'asi ba'awata ama ayuka'u nu'uka, ae betchi'bo Liojta baisaeka intok inika'a bempo'immeu bicha a' bwisek: ―Si'ime eme'e inika'a ji'ine ―ti jiiak―.
24154	MAT 26:31	Junak intok ju'u Jesus inimmeu: ―Si'ime eme'e inia tukaariat nemak enchim ea'uta a' koptane ―ti ameu jiiak―. Bwe'ituk jum Liojta nok lutu'uriapo: “Juka' bwaram suuamta ne a' me'ene, jume' bwalam intok na'ikimtune”, ti ji'ojtei.
24156	MAT 26:33	Junak intok ju'u Peeo: ―Si'imem junuen emak bem ea'uta am koptak juni'i, inepo ne kaibu junuen aune ―ti au jiiak.
24157	MAT 26:34	Ju'u Jesus junak: ―Lutu'uriapo ne eu inen jiia, inia tukaariat, totoi o'owiata kee a' kuseo, empo, temaiwaka, bajisi ka nee emo ta'a'ati jiune ―ti au jiiak.
24184	MAT 26:61	Inime'e: ―Ini'i o'ou, sejtul inen jiiak: “Juka' Liojta te'opota inepo a' tatabe, intok baji ta'apo ne juchi a' yecha'aneekai”, ti jiakai.
24186	MAT 26:63	Taa ju'u Jesus, kaita a' yoopnak. Junak intok ju'u jume' te'opopo tekiakammeu che'a yo'owe: ―Ju'u Lios, jiba yuu jiapsamta betana lutu'uriaka ne, inepo lutu'uriata enchi teuwaa i'a. Empo ju'u Krijto, ju'u Liojta yoemiatuko, itom tejwaane ―ti au jiiak.
24188	MAT 26:65	Junak intok ju'u te'opopo tekiakammeu che'a yo'owe, tua ka a' tu'uree'uta teuwaakai, a' supewam siutak, intok: ―Ini'i o'ou ju'u a' noka'ue, Liojta beje'eka ka tu'ik teuwaala ―ti jiiak―. Iniae, ju'u a' beje'eka nokneeme ka utte'atune. Eme'e a' jikkajila, Liojta beje'eka juka' ka tu'ik a' teuwaaka'uta.
24194	MAT 26:71	Juka' Peota jaibu yeu a' simbaeo su, junak juchi senu jamut a' bichaka intok jume' ama anemmeu: ―Ini'i ket, Jesus, jo'ara Nasaret tea'u jo'aakamtamak weaman ―ti jiiak.
24204	MAT 27:6	Jume' te'opopo tekiakammeu yo'owe, junaka'a tomita nu'uka, intok: ―Inika'a tomita, jum te'opo tomita auka'po, katte a aman a' jipue. Bwe'ituk ini'i, senuk a' me'etune' betchi'bo ae beje'etuari ―ti jiiak.
24219	MAT 27:21	Ju'u kobanaao juchi ameu nokaka inen ameu nattemaek: ―Inime'e woim betana, jabetasa eme'e su'u toji i'a. Bempo intok: ―Juka' Barabaaj teamta ―ti jiiak.
24222	MAT 27:24	Ju'u Pilaato intok, junuen kaita a tu'utetu'po ju'uneakai, ala, junaka'a junama'a ka nau eewamta ayuka'uta bichakai, ba'am a'awaka intok si'ime junama'a aneme bichapo mam bajimak inen: ―Inika'a yoemta ka tu'ik kaita ya'arika a' mukneemta betana ju'u ka tu'uwa ka net aayuk, eme'e a' ya'ari ―ti jiakai.
24269	MAT 28:5	Junak ju'u ankeles, jume' jaamuchimmeu: ―Kate'em majjae ―ti ameu jiiak―. Ju'uneane, juka' Jesujta a'abo enchim jaiwa'po, juka' kuuset popontukamta,
24274	MAT 28:10	Intok aapo: ―Kate'em majjae. Aman em sajaka, jume' nemak werim etejoriane, jum bwiaraa Kalilea' tea'u bicha bem katnee'po, intok aman bem nee bitne'po ―ti ameu jiiak.
24360	MRK 3:3	Junak intok ju'u Jesus junae yoemta, waki mamakamtau: ―A'abo neu sikaa, in bichapo kikte'e ―ti au jiiak.
24379	MRK 3:22	Waate ket ama aanen, maejtompo ta'eewame, Jerusalen tea'a betana. Juname'e ket inen jiian: ―Juka' yo'o bebeje'eri jiapsi e'eri aet ane'e ―tiian. Juna'a eeri intok, bem nokpo, Be'elsebuupo ta'eewan. Intok ket inen jiian: ―Yo'o bebeje'eritamak a' lutu'uriak ―tiian―. Kiali'ikun junae utte'awatae, jume' bem jiapsimpo jume' waate bebeje'eri e'eerim yetet ane'um, yeu am bepria ―tiian.
24389	MRK 3:32	Intok jume' che'a Jesujtau jeela jokame, inen au jiiak: ―Ju'u em maala, intok jume' em sailam, pa'akun ja'abweka, eu chaitebo ―tim au jiian.
24391	MRK 3:34	Junak intok, si'imem, ae nape konila jokame naj bitchuka inen jiiak: ―Inime'e juname'e, jume' in aem, intok jume' nemak werim.
24395	MRK 4:3	―Neche'em jikkaja ―ti ameu jiiak―. Senu yoeme, echimuta etbaeka, a' wasau bichaa siika.
24431	MRK 4:39	Junak intok sep busak, ju'u Jesus, intok yejteka, jekatau: ―Yaate'e ―ti au jiiak. Bawetau intok ket junalensu: ―Yanti cha'atu'e ―ti au jiiak. Junak intok, ju'u jeeka cha'atuk. Aet chukula intok si'ime, yanti taawak.
24433	MRK 4:41	Juname'e intok, tu'isim a' suum eiyaka taawak. Intok inenim jiian: ―Ini'i intok, jabetakasa tua Kia ju'u jekataka juni'i, intok kia ju'u bawetaka juni'i, aapo'ik nesaweka'po aman aauk ―tiian.
24442	MRK 5:9	Jesus intok, junau, ka tu'i jiapsitau: ―Jaisa empo teak ―ti a' temaek. Juna'a intok, inen a' yoopnak: ―Bu'uuraapo te ta'eewa, bwe'ituk tu'isi juebenate ―ti a' yoopnak. Bem nokpo intok, Lejionpo ta'eewan.
24445	MRK 5:12	Juname'e si'ime intok, bebeje'eri jiapsi ka tu'i e'eri, Jesujtau tu'isi jiokot jiaka, au ujbwanan: ―Juname'e kowimmeu itom bittua'e, amet itom kimune' betchi'bo ―ti au jiakai.
24456	MRK 5:23	tu'isi au ujbwanak: ―Ju'u in maara, unnaa ko'okoe, intok abe muuke ―ti au jiian―. Empo aman au sikaa, aet mamte'e, tiia. Bwe'ituk junuentuka'ateko, juna'a, au inne'eteka, jiapsine ―ti au jiiak.
24469	MRK 5:36	Taa ju'u Jesus inien jiuwamta jikkajaka, yo'o ya'aritau Jairo' teamtau, inen jiiak: ―Kate'e jachin emo eetua'e ―ti au jiiak―. Net yoem'ea'e ―ti au jiiak.
24492	MRK 6:16	Ju'u Eroorej teame intok, inien jiuwamta jikkajaka, aapo inen jiiak: ―Ini'i ju'u Joan yee babatoowame, in koba chuktateboka'u. Kokkolam nasuk jiabijtelataka, inim weama ―tiian.
24494	MRK 6:18	Bwe'ituk ju'u Joan yee babatoowame inen au jiakan, Eroorej teamtawi: ―Kate'e tu'isi aula'e ―ti au jiian―, juka' em saira jubita emo a' juptualatakai.
24501	MRK 6:25	Junak intok juna'a usi jamut, sep Eroorej teamtau kibakeka, inen au jiiak: ―I'an lautipo ―tiia―, Joan yee babatoowamta kobata, pu'atopo neu tojine ―ti au jiiak.
24511	MRK 6:35	Intok jaibu tu'isi kupti taiteo, a' majta'um aman au yajaka inen au jiiak: ―Tu'isi te mekka, pa'ariapo aane, intok jaibu tu'isi kupte ―tim au jiiak―.
24513	MRK 6:37	Aapo ju'u Jesus intok am yoopnaka: ―Eme'e am ji'ibwatua'em ―ti ameu jiiak. Bempo intok inien a' temaek: ―Jaisa jumak, te aman sajaka, tiian, paanim woi sientom lenaariom jinuriaka, am a'a'aboj betchi'bo ja'ani, tiian. Jaksa te jita nu'uka am ji'ibwatuane' betchi'bo.
24526	MRK 6:50	Bwe'ituk si'ime a' bichaka, emo womtak. Taa aapo ju'u Jesus intok, sep ameu nookak: ―Kate'em jachin emo eetua'em ―ti ameu jiiak―, intok katem emo majjaitua. Bwe'ituk inepone juna'a ―ti ameu jiiak.
24538	MRK 7:6	Jesus intok inen am yoopnak: ―Pa'akun tana, eme'e, bitpo tu'i yoememtu machika juni'i, taa enchim jiapsipo wajiwa, ka tu'i yoememtaka junuen em maachi. Inien a' wee'po san ju'u Isa'iajtuka'u emot nokaka, inien a' ji'ojtek: Ini'i yoemra, ti ji'ojtek, kia tenie nee emo yo'oritua, tiia. Taa bem jiapsim, tu'isi mekka neu aane, tiia.
24546	MRK 7:14	Intok si'imemmeu ama anemmeu chaaeka: ―Netche'em jikkaja ―tiia―. Intok aet mammate ―ti ameu jiiak.
24552	MRK 7:20	Taa intok ket inen jiia: ―Si'ime wa'a ka tu'i eeria, intok ka tu'i nooki, yoemta jiapsipo yeu a' weye'etiia. Inia betchi'bo san, au a' jiapsi nasonte'etiia.
24569	MRK 7:37	Junama'a intok, si'ime, tu'isi a' suum eiyaan: ―Si'imeta a' joa'u, tiaka, tu'isi a' jojoa. Bwe'ituk jume' ka jikkajame, a jikkajitua. Intok jume' ka a nokame juni'i, nonoktua.
24571	MRK 8:2	―Inika'a yoemrata ne tu'isi na'a jiokoleka na'a bicha ―ti ameu jiiak―. Bwe'ituk jaibu baji taewaim inim nemak aneka, intok kaita bwa'amachi ―ti ameu jiiak―.
24598	MRK 8:29	Junak intok aapo inen ameu nattemaek: ―Eme'e intok, nee jabesa'atiia. Peeo intok: ―Empo ju'u Krijto ―ti au jiiak.
24612	MRK 9:5	Junak intok ju'u Peeo, Jesujtau: ―Tu'isi ne allea achai ―tiia―, itom inim ane' betchi'bo ―tiia―. Tu'i ean, itepo inim baji ili juya karim yaaka'ateko, senuk ee betchi'bo, senuk intok Eliaj teamta betchi'bo. Intok Moiseejta betchi'bo, ket seenuk.
24614	MRK 9:7	Naamu intok amet ko'om yejteka am roptak. Junama'a namupo intok senu jiawai jikkajituk: ―Ini'i juna'a, ju'u in yoemia ―tiame―, tu'isi in nake'u, enchim nok jikkajinee'u. ―Junuen jikkajituk ju'u jiawai.
24626	MRK 9:19	Junak san ju'u Jesus inen am yoopnak: ―Ini'i yoemra, tua kaita a suale ―ti ameu jiakai―. Jaisa inim jiba nee emomak an machian, intok jiba inim jiokot nee ino bit i'a ja'ani ―ti ameu nattemaek. Junaka'a intok, junuen ko'okoemta au a' toji nesaen.
24631	MRK 9:24	Junak intok, usi'o'outa achaiwa, kia bwan nok jeelaika: ―Ana'a suale ―tiia―, taa netche'e ania'e, che'a yuma'isi in jiapsipo che'a in a enchi sualne' betchi'bo ―ti au jiakai.
24636	MRK 9:29	Aapo intok inen am yoopnak: ―Ini'i weeme ―tiia―, ka kia jachin juni'i pa'akun a yeu a' beepne. Bwe'ituk pa'akun yeu a' bepriabae'eteko, intok che'a a' yo'ori betchi'bo, ka ji'ibwaka, ka je'eka, intok Liojtau bicha a' nokriakai ―tiia.
24660	MRK 10:3	Taa aapo ju'u Jesus intok, inen am yoopnak: ―Ju'u Moiseejtuka'u, jaisa emot a' nesawek ―ti am temaek.
24661	MRK 10:4	Bempo intok: ―Ju'u Moiseejtuka'u ala ―tiian―, jubiarita to'o sim betchi'bo, ya'uraapo, ji'osiata yeu jimmaanesaeka a' nookak. Juname'e ji'osiammea intok, senu, a' jubiawata a to'o simne ―tiian.
24671	MRK 10:14	Jesus intok junuen am bichaka, au o'omtituaka, a' majtimmeu inen jiiak: ―Inime'e ili uusim ela'po a'abo neu tojinaa, katem ammeu suua ―ti ameu jiiak―. Bwe'ituk, inime'e ili usim benasi emo eetuame, juka' Liojta utte'a nesawata kateka'po au lutu'uriane, ama jiapsine' betchi'bo ―tiia―.
24674	MRK 10:17	Aapo intok, junama'a yeu sikaa, bo'ot a' weyeo, senu au tajtia buiteka, aapo'ik bichapo, tonommea kikteka au nattemaeka: ―Tu'u yoeme ―tiia―. Yee mamajtame ―ti Jesujtau jiiak―. Jaisa ne auka tua, juka' yuu jiapsiwamta net aune ―ti a' temaek.
24683	MRK 10:26	Bempo intok, inia weemtat aet ee majjautuan. Bem jiapsimpo inen emo eetuakai: ―Junuentuka'ateko intok, jabesa tua a jinne'utune ―ti emo eetuan.
24690	MRK 10:33	―I'an te Jerusaleneu yajako ―tiia―, junama'a, ju'u emo benasi yoeme, te'opopo yo'o yaa'uchim mampo intok jume' maejtom mampo su'u tojitune. Intok a' me'ena' betchi'bo, ta'abwi yoemrata mampo su'u tojitune, junuen nau a' wepul lutu'uria yaakai.
24699	MRK 10:42	Taa ju'u Jesus, si'imemmeu chaaeka, inen ameu jiiak: ―Eme'e tu'isi ju'unea ―tiia―, inim bwiapo, jume' tekiataka ya'uttuko, yoemratau au yo'o joaka, nesawamta weetua. Taa juname'ebepa ket aane, ame bepa nesaweka, bempo'im juni'i saweme ―tiia―.
24705	MRK 10:48	Intok juebenaka, ka jaiti a' jiusaeka, au omten. Taa juna'a che'a juni san kusisi chaaeka inen jiian: ―Labiituka'utat yeu simria, nee jiokole'e ―ti jiian.
24718	MRK 11:9	Aapat kateme, intok kia ama'a kateme juni'i, alleerimmea chaaeka inenim jiian: ―Itome'e jinne'u'e ―tiian―. Tu'isi tawaari, achai Liojta betana lutu'uriaka inim weyeme ―tim jiu sakan―.