23233	MAT 1:20	Intok aapo'ik iniat kee tu'isi ju'uneao, achai Liojta betana ankeles, tenkupo benasia au yeu machiak, intok: ―Josee, Labiituka'uta betana yeu simria ―ti au jiiak―, kaachin eenee juka' Maria' teamta em a' jupnee'u betana. Bwe'ituk ju'u a' yoemianee'u, Liojta tu'u jiapsi betana weye.
23258	MAT 2:20	―Yejteka, ili usita a' weiyaaka intok a' malawata, bwiaraa Ijra'eel tea'u nottine. Bwe'ituk jaibu kokkosuk jume'e, juka' usita a' me'ebaeme ―ti au jiiak.
23418	MAT 8:4	Ju'u Jesus intok: ―Yuu, kaabetau a' teuwaane. Ala, jiba aman sika intok ju'u te'opopo che'a yo'otau yebijne. Intok Moiseejtuka'uta nesaweka'po aman, junaka'a Liojtau em na'ikiaka'uta aman weiyaane. Junuen si'imem ju'uneene' betchi'bo, em ko'okoata betana jaibu em tu'isuka'po ―ti au jiiak.
23422	MAT 8:8	Ju'u sontao ya'ut a' yoopnak: ―Achai, ka neu cha'aka in jo'au em yebijne'po. Ala kia au a' ine'etene' betchi'bo, junuen a' teuwaanee jiba. Junak intok au ine'etenee ju'u in uusi.
23435	MAT 8:21	Senu aapo'ik majtim betana: ―Achai, nee jiokoe, in yo'owata ne bat ma'abae ―ti au jiiak.
23439	MAT 8:25	Junak san jume' a' majtim, au sajaka a' busak. Intok: ―Achai, itom jinne'u, abe te ko'om kiimu ―ti au jiiak.
23632	MAT 13:24	Ju'u Jesus, juchi inika'a seenuk, jita ta'abwikut nokaka inen jiiak: ―Teekau, Liojta che'a yo'otaka a' kateka'a betana ju'u nok lutu'uria ket, seenuk yoemta, a' waj bwiapo, tu'i bachiata a' echaka'po benasi weye ―ti jiiak―.
23694	MAT 14:28	Junak ju'u Peeo intok au nookak: ―Achai, empo tua juna'atuko, ba'a bepa weyeka em ane'u nee yebijtua'e ―ti au jiiak.
23730	MAT 15:28	Junak intok ju'u Jesus, iniau: ―Jeewi, tua empo Liojta a suale, em ea'po aman eu chupne ―ti au jiiak. Intok jiba junama naateka ju'u a' jamut asoawa, yuma'isi au ine'etek.
23743	MAT 16:2	Taa aapo inime'e inen yoopnak: ―Kupteo, eme'e: “I'an tu'ibae jume' taewaim, bwe'ituk sikiisi cha'aka ju'u ania”, ti eme'e jijia.
23755	MAT 16:14	Inime'e intok: ―Waate, enchi ju'u yee babatoowame Joantuka'u tiia. Wate intoko enchi ju'u Eliaj tuka'u ti jiia. Ketunia waate enchi ju'u Jeremiaj tuka'u oo jume' bat naataka Liojta betana ju'uneetuawaka yeteu nokame betana seenuk ti jiia.
23773	MAT 17:4	Junak intok ju'u Peeo, Jesujtau: ―Achai, tua su te tu'isi im aane. Enchi junen eao, itepo baji ili juya karim te ya'ane. Ee betchi'bo senuk, Moiseejta betchi'bo senuk, intok Eliajta betchi'bo intok ket seenuk ―ti au jiiak.
23784	MAT 17:15	―Achai, inika'a in ou yoemiata nak jiokole'e. Beja su, aapo epileepsia' teamtae ko'okoeka weeche. Intok tua unnaa jiokot au bicha. Juebenasi tajipo oo ba'apo weeche.
23786	MAT 17:17	Ju'u Jesus inen a' yoopnak: ―Ou, eme'e, kaita sualeka intok tua ka tu'i yoemra. Jakwoo tajtiasa tua nee inien enchim bitne. Jakwoo tajtiasa tua ne jiokot emomak anne. Juka' usita em a'abo neu toja ―ti jiiakai.
23795	MAT 17:26	Ju'u Peeo: ―Jume' omot bwiaraa yoemratau ―ti a' yoopnak. Ju'u Jesus junak: ―Junuentuko, jume' ama bem bwiaarapo yoemem, kaita beje'etuane ―ti au jiiak―.
23817	MAT 18:21	Junak intok ju'u Peeo, ju'u Jesujtau sika au nattemaek: ―Achai, juka' Krijtopo nemak werik, jaikisisa jita ka tu'ik neu a' yaako intok inepo junuen ne inika'a jiokoine. Jaisa woo busanisia ja'ani ―ti jiakai.
23856	MAT 19:25	Inika'a jiikkajakai, jume' aapo'ik majtim tua aet suum eak. Intok bempo: ―Junuentuko, jabesa tua a jinne'uitune ―ti emo naas tetemaen.
23858	MAT 19:27	Junak ju'u Peeo: ―Achai, itepo te si'imeta juka' itom atteasuka'uta a' to'o saka'i, intok itepo emak eaka te emak rejte. Jitasa tua itepo mabetne ―ti au jiiak.
23891	MAT 20:30	Junama'a bo'o bwiikola, liliptim woika ama jookan. Inime'e intok juka' Jesujta junama wa'am a' weye'po a' jikkajakai: ―Achai, Labiituka'uta yoemratat betana yeu simria, itome'e jiokole ―ti kusisi chaaen.
23892	MAT 20:31	Ju'u yoemra am yaatine' betchi'bo, inimmeu omti nookan. Taa bempo che'a juni'i: ―Achai, Labiituka'uta yoemratat betana yeu simria, itome'e jiokole'e ―ti chaaen.
23894	MAT 20:33	Bempo: ―Achai, juchi itom bittuane ―ti a' yoopnak.
23935	MAT 21:40	Ju'u Jesus: ―Junak, ju'u wajta atteakame aman notteko, juname tekipanoareeommak jaisa tua amemak aune ―ti nattemaek.
24145	MAT 26:22	Junak intok bempo tua emo sioktuak. Intok inime'e we'epulaka: ―Achai, jaisa inepo juna'atunee ja'ani ―ti au nattemai japtek.
24148	MAT 26:25	Junak intok nookak ju'u Juuras, ju'u aapo'ik yeu bwijneeme intok: ―Yee majtame, jaisa tua inepo juna'atunee ja'ani ―ti au jiiak. Jesus: ―Jeewi, empo juna'a ―ti a' yoopnak.
24238	MAT 27:40	Intok inime'e: ―Empo, juka' Liojta te'opota tatabeka intok baji ta'apo juchi emo a' yecha'ane'eti jiame, junum emo jinne'u. Empo tua Liojta yoemiatuko, junum kuuset em poponripo ko'om weye'e, ―ti jiakai.
24261	MAT 27:63	intok inime'e: ―Achai, wae yee bai tatta'asukamtau itepo waatek, ketun jiapsakai, junaka'a inen: “Baji taewata weyeka, kokkolam nasuk au jiabijtene'eti”, jiaka a' teuwaaka'ubewi ―ti au jiiak―.
24322	MRK 1:38	Taa ju'u Jesus, inen ameu jiiak: ―Omot, ta'abwi jo'arammeu bicha te saka'ane ―tameu jiiak―, Liojta nokta in ama nokne' betchi'bo. Bwe'ituk inia betchi'bo ne a'abo yebijla ―ti jiia ju'u Jesus.
24334	MRK 2:5	Junak intok ju'u Jesus, junuen aneme bichaka, intok bem jiapsimpo, tua a' sualeme ju'uneyyaka, ko'okoemtau inen jiiak: ―Jeewi, in yoemia ―tiia―, si'imeta waka'a ka tu'ik em ya'ari'ut, aete'e jiokoiri'e ―ti au jiiak.
24441	MRK 5:8	Bwe'ituk ju'u Jesus, inen jaibu au jiulatukan: ―Empo, bebeje'eri ka tu'i jiapsi, inie yoemta jiapsipo wajiwa betana yeu weye'e ―ti au jiulatukan.
24540	MRK 7:8	’Bwe'ituk tua junaka'a Lioj nesaurita su'u tojilamtaka ―tiia, ju'u Jesus―, o'owim betana weyemta junuenim emo a' majtalamtaka junuen aet joiwalataka a' bo'o jooria. Bem ama aet jiji'ibwaa'uta, intok bem ama aet ba'a jejje'ee'uta, intok si'imeta bem sawaa'uta, ba'a si'i si'itakai a' te'ochia, intok kia ta'abwi weemta bo'o jooria ―ti ameu jiiak.
24632	MRK 9:25	Jesus intok, juka' bu'uuraata, bu'uuk au bicha katemta bichakai, juka' bebeje'eri ka tu'i jiapsi eerita, usi'o'outa jiapsipo wajiwa katekamtau, omti nokpo, inen au jiiak: ―Empo, bebeje'eri ka tu'i jiapsi ―tiia―, inika'a usi'o'outa ka a noktuamta, intok ka a' jikkajituamta, pa'akun aet yeu weye'e. Intok ka intok a' jiapsipo aet kibakne ―ti au jiiak.
24659	MRK 10:2	Jume' waate juriom intok, paiseom teame, ama au yajaka, kiala'a ji'obila' betchi'bo au nattemaek: ―Jaisa, senu a' jubiawata a jimmaanee ja'ani ―tim au nattemaen.
24731	MRK 11:22	Jesus intok junak: ―Liojta, em jiapsipo yoem'ea'e ―ti au jiiak―.
24929	MRK 15:34	Intok junama'a, bajim jia'apo, ju'u Jesus kusisi chaaeka, inen jiian: ―Eloi, Eloi, lama sabaktani. ―Ini'i noki intok, inen jiubae: “Lios in achai, jaisa betchi'bo empo kia nee jimaalataka, neaj koptilata benasi aulaa”, ti jiubae.
24975	LUK 1:13	Taa ju'u ankeles iniau: ―Sakariias, kat emo majjaitua ―ti au jiiak―. Bwe'ituk ju'u Lios, aapo'iku bicha em emo nokriaka'uta a' ju'uneiyaala. Intok Elisabeet em juubi, o'outa yoemiane, junaka'a intok, empo Joan ti a' teatuane ―ti au jiiak―.
24992	LUK 1:30	Junako ju'u ankeles: ―Maria, kat majjae. Bwe'ituk Lios enchi yeu pu'ari, junuen juka' kaitau a tamachiatuka tu'ik enchi bittua betchi'bo ―ti au jiiak―.
25000	LUK 1:38	Junak ju'u Maria: ―Inepo, ju'u in yo'owa Liojta betchi'bo jiba ne jiapsa. Ela'po ju'u Lios junuen em neu jia'a benasi neu a' chupa'ane ―ti au jiiak. Junak ju'u ankeles siika.
25028	LUK 1:66	Si'ime jume' inika'a ju'uneiyaa sakame, au waateka intok bempo naas nau nattemaen: ―Chukula, jitasatunee tua ini'i ili uusi ―ti jiakai. Bwe'ituk tua lutu'uriapo, ju'u achai Lios, si'imeku tu'ik a' bittuan.
25090	LUK 2:48	Jume' a' yo'owawam junama'a a' bichakai, kaachin ee machika, kia a' bitchuka taawak. A' aewa intok inen au jiiak: ―Uusi, jaisaaka empo inien itom yaak. Ju'u em yo'owa intok inepo, tua te jachin eaka tee enchi jariusuk ―ti au jiiak.
25144	LUK 4:12	Ju'u Jesus iniau: ―Ketchia, Liojta nok lutu'uriapo inen ji'ojtei: “Juka' Liojta em yo'owata empo ka a' ji'obilabaane” ―ti jiaka a' yoopnak.
25188	LUK 5:12	Junak, Jesujta junama senu ili bwe'u jo'araapo a' aneo, seenu, lepra' teamtae, unnaa ko'okoeka au yepsak. Intok ini'i, Jesujta bichakai, tonommea kikteka, bwiau ko'om cha'aka intok au ujbwanak: ―Achai, empo junen ea'ateko, inia in ko'okoata betana nee ino ine'etetuane ―ti jiakai.
25270	LUK 7:6	Junak ju'u Jesus inimemak siika. Taa bempo'im jo'arau jeela am kateo, junak ju'u ya'ut, watem a' ta'aa'um, Jesujtau am bittuak: ―Achai, ka emo lottane, bwe'ituk tua ka neu lutu'uria in jo'au em yebijne'po.
25304	LUK 7:40	Junak ju'u Jesus, ju'u paiseotau: ―Simoo, senu weemta ne eu teuwaabae ―ti au jiiak. Ju'u paiseo intok: ―Neu a' teuwaa yee majtame ―ti a' yoopnak.
25344	LUK 8:30	Ju'u Jesus: ―Jaisa empo teak ―ti au nattemaek. Aapo intok: ―Lejion, ti ne ta'eewa ―ti a' yoopnak. Inika teuwaak bwe'ituk tua unnaa juebenaekan jume' bebeje'eri ka tu'i jiapsim aet kimulamtuka'um.
25389	LUK 9:19	Bempo inen a' yoopnak: ―Waate, enchi ju'u yee babatoowame, Joan, ti jiia. Wate ket, enchi ju'u Eliias, ti jiia. Wate intok ket enchi, che'a bat naataka jiapsisuka, wate jume' Liojta betana yeteu noktuawakame, senuk a' jiabijtelame'e ti jiia ―ti au jiiak.
25393	LUK 9:23	Chukula si'imemmeu inen jiiak: ―Seenu, ju'u nemak eebaeme, ini'i, ka tu'ik a' tu'uree'uta a' koptane. Intok chikti ta'apo, nemak eaka jiapsine, jiokot au bichaka juni'i.
25424	LUK 9:54	Jume' a' majtim, Jakoobo intok Joan teame, inien a' ju'uneiyaakai, inime'e: ―Achai, jaisa tu'inee ja'ani, itepo a teeka betana tajita ko'om simtuaka junuen inime'e am lu'uta betchi'bo, juka' Liojta betana noktuawakamta Eliaj tuka'uta ayuka'a benasia ―ti au jiiak.
25427	LUK 9:57	Bempo'im junuen bo'o joa'po, senu Jesujtau: ―Achai, jakun juni'i em yebijnee'u, ne emak weene ―ti au jiiak.
25429	LUK 9:59	Ju'u Jesus, senuku: ―Nemak weene ―ti au jiiak. Taa juna'a: ―Achai, nee bo'o bitne, in yo'owata muksuka nee a' ma'a'u tajtia ―ti au jiiak.
25431	LUK 9:61	Junak intok juchi senu inen au jiiak: ―Achai, emak ne weene, taa in jo'au jo'aakame bat nee aman tejwaatua ―ti au jiiak.
25449	LUK 10:17	Jume' baji taka ama woj mamni naj bittuawakame, tua alleaka nottek: ―Achai, kia jume' bebeje'eri ka tu'i jiapsim juni'i, ee betana utte'ata itot ayukamtae, itom ameu nokao, inime'e itom nok jikkajak ―ti au jiakai.
25473	LUK 10:41	Taa Jesus inen a' yoopnak: ―Maata, empo juebena weyemtat emo obisi eetua intok ka allea.
25475	LUK 11:1	Sejtul juka' Jesujta ama jakun, Liojtau bicha a' nokaao, intok junako a' ansuko, a' majtim betana seenu: ―Achai, Liojtau bicha itom nokne' betchi'bo itom majtane, juka' Joanta jume' aapo'ik majtim a' majtaka'a benasia ―ti au jiiak.
25479	LUK 11:5	Ju'u Jesus ket inen ameu jiiak: ―Maasuko, senuk emo betana te iniat inen jiune. Juna'a jabeta a' ta'aa'uta ayuka, intok ini'i nasuk tukaapo a' jo'au yepsaka, iniau: “Empo, in nake'u, paanim bajim nee reuwaane.
25541	LUK 12:13	Ju'u bu'uurata betana senu Jesujtau inen jiiak: ―Empo, yee majtame, juka' nemak werik, au lutu'uriaka iniamak itom nau atteaka'uta, junama'a nee a' mak saune ―ti au jiiak.
25544	LUK 12:16	Junak intok ju'u Jesus inia ta'abwiku a' tamachiaka ameu nookak: ―Seenu, tua yu'in tomeka jiapsan. Intok inia waj bwiam tua yu'in chupuk.
25569	LUK 12:41	Junak intok ju'u Peeo: ―Achai, inika'a ta'abwiku a' tamachiaka em teuwaaka'uta, jaisa empo ito betchi'bo jiba a' teuwaak, oo si'imem betchi'bo ja'ani ―ti au nattemaek.
25593	LUK 13:6	Junak intok ju'u Jesus, inika'a jita ta'abwiku a' tamachiaka ameu nookan: ―Seenu, a' waj bwiapo chuna'ouwota echiakan. Intok ini'i, junaka'a a' takasuk ja'ani ti eaka, aman a' bit betchi'bo siika. Taa junama junaet tua kaita teak.
25599	LUK 13:12	Ju'u Jesus ama a' bichakai, au chaaeka: ―Jamut, empo beja, em ko'okoa betana kaita intok et aayuk ―ti au jiiak.
25610	LUK 13:23	Junama'a senu aanek: ―Achai, jaisa tua iliikinee ja'ani jume' jinne'uimtuneeme ―ti au nattemaekai. Aapo intok:
25638	LUK 14:16	Iniau inen jiiak: ―Seenu, tukaapo tua bwe'uusi ji'ibwa teboka, intok ini'i tu'isi juebenam aman nunu tebok.
25733	LUK 17:13	Intok inime'e: ―Jesus, yee maj majtame, empo itom jiokole ―ti chaaen.
25757	LUK 17:37	Inime'e inika'a jikkajakai: ―Achai, jakunsa ini'i yeu weene ―ti au nattemaek. Aapo intok: ―Jak juni'i mukiata bo'oka'po, junama'a jume' bwere wiirum nau yajine ―ti ameu jiiak.
25783	LUK 18:26	Junako jume' a' jikkajakame: ―Junuentuko, jabesa tua a jinne'uitune ―ti au nattemaek.
25785	LUK 18:28	Ju'u Peeo: ―Achai, itepote si'imeta juka' itom atteasuka'uta tee a' to'o saka'i emak eaka emak rejtibaekai ―ti au jiiak.
25796	LUK 18:39	Jume' aman bat kateme, juname'e a' yaatine' betchi'bo au nookan. Taa aapo che'a juni'i: ―Achai, Labiituka'uta betana yoemratat yeu simria, empo nee jiokole ―ti chaaek.
25798	LUK 18:41	―Jitasa empo nee enchi ya'aria i'a ―ti au nattemaek. Ju'u ka bichame intok: ―Achai, juchi ne bitbae ―ti a' yoopnak.
25805	LUK 19:5	Junama'a ju'u Jesus wa'am weyeka, jikau bitchuk intok: ―Sakeeo, lauti ko'om chepte. Bwe'ituk i'an nee em jo'aapo tawaabae ―ti au jiiak.
25856	LUK 20:8	Junak intok ju'u Jesus: ―Junuentuko, inepo juni'i ket nee ka enchim tejwaanee jabeta betana utte'aka inika'a in a' joa'apo ―ti ameu jiiak.
25857	LUK 20:9	Chukula ju'u Jesus ju'u yoemratau nok taitek intok jita ta'abwiku a' tamachiaka ameu nookan: ―Seenu, a' wajpo, pa'asi ouwom juebenam ja'abwak. Chukula intok wate tekipanoareommeu a' reu tebok. Intok ini'i, junama'a omot bicha sikaa, aman binwatuk.
25966	LUK 22:33	Ju'u Simo'o teame intok: ―Achai, emak eta'anaaka juni'i, intok kia ne emak me'etuneeka juni'i, jiba ne emak weene ―ti au jiiak.
25968	LUK 22:35	Junak intok ju'u Jesus inen ameu nattemaek: ―Sejtul, junak nee enchim naas saweko, enchim ama nu'u sakanee'uta oo tomi boosata intok kia bocham juni'i ka enchim weiyaane'eti jiakai, jaisa junak jita emou be'eka ja'ani ―ti ameu nattemaek. Bempo intok: ―Tua kaita ―ti au jiiak.
25981	LUK 22:48	Junak ju'u Jesus: ―Juuras, jaisa empo inien aet tenteka, juka' inim emo benasi yoemta, yeu a' bwiseka, watem mampo a' su'u toja ja'ani ―ti au nattemaek.
25982	LUK 22:49	Jume' Jesujtamak rejteme, juka' ama weyemta bichakai aapo'iku: ―Achai, jaisa tua itepo inime'e tettebe sisi'iwook kuchi'immea nassuanee ja'ani ―ti au nattemaek.
26003	LUK 22:70	Junako sep juname'e si'ime: ―Junak su, jaisa empo juna'a ja'ani ju'u Liojta u'usi ―ti au nattemaek. Ju'u Jesus intok: ―Jeewi, inepo nee juna'a, jiba enchim a' teuwaari benasia ―ti ameu jiiak.
26006	LUK 23:2	Junama'a intok inime'e sep su a' na'atejo japtek inen jiakai: ―Itepo, tee inika'a o'outa inim itomak yoemrata, ka yanti a' eltuamta te a' ju'uneiyaa. Juka' tomita jum bwe'u jo'ara Romapo, ju'u che'a yo'o ya'aritau bicha weyemta, ka itom a' bejje'etuane'e ti jiia. Intok ketchia, aapo au ju'u che'a yo'o ya'ari a' Krijtotuka'u a' teuwaa ―ti jiakai.
26038	LUK 23:34	Juka' Jesujta, jaibu kuuset a' poponwao: ―Achai, am jiokoine, bwe'ituk inime'e ka ju'uneaka juka' bem joa'uta a' jooa ―ti jiiak. Intok jume' sontaaom, aapo'ik Jesujta tajo'orita nat na'ikimte betchi'bo, amet nau ja'atek.
26046	LUK 23:42	Junak aapo: ―Jesus, neu waatine, chukula empo che'a yo'otaka nesau taiteko ―ti jiiak.
26142	JHN 1:29	Yokoriapo intok ju'u Joan, juka' Jesujta aapo'iku bicha weyemta bichaka: ―Yuu, ake'em a' bicha. Ini'i juna'a wa'a Liojta betana ili bwala ti teuwaawame, ju'u inim bwiapo jiapsame, bem ka tu'uwa ya'arita aapo a' mabetneeme.
26149	JHN 1:36	Intok aapo, juka' Jesujta junama wa'am weyemta bichakai: ―Yuu, ake'em a' bicha. Ini'i juna'a ju'u, Liojta betana ili Bwala ti teuwaawame ―ti ameu jiiak.
26236	JHN 4:11	Ju'u jamut intok: ―Japchi, kia jita juni'i, ba'am em ae yeu wiknee'uta, empo kaita jipue. Posom intok tua mekka ko'omi. Jaksa empo jume' ba'am yee jiapsituame nu'uka, nee am mikneekai ―ti au jiiak―.
26240	JHN 4:15	Junak intok ju'u jamut: ―Japchi, juname'e ba'am nee mikne, junuen ka intok in ba'a ji'ipeene' betchi'bo intok kia ka intok a'abo ba'am maneka'u in babatne' betchi'bo ―ti au jiiak.
26244	JHN 4:19	Inika'a jikkajaka ju'u jamut: ―Japchi, i'an ne ju'unea, Liojta betana ju'uneetuawaka, chukula yeu weenemta em noka'apo ―ti au jiiak―.
26274	JHN 4:49	Taa ju'u yo'oraata betana tekilta joame inen au jiiak: ―Achai, lauti aman weene, juka' in yoemiata kee a' mukeo ―ti au jiiak.
26277	JHN 4:52	Junak intok ameu nattemaek jak weyeo aapo'ik au a' ine'ete taiteka'po. Bempo intok: ―Tuuka, luula yejtesuka ko'om kuakteo, ju'u taji wechia a' su'u tojak ―ti au jiiak.
26286	JHN 5:7	Ju'u ko'okoeme inen a' yoopnak: ―Achai, jume' ba'am emo naas kuutasuk, ju'u nee ama ko'om yecha'aneeme neu be'ee. Bwe'ituk nee ama ko'om weebae'ebeleki, ta'abwika che'a bat ama ko'om weama ―ti au jiakai.
26360	JHN 6:34	Junako inime'e: ―Achai, junaka'a bwa'aamta jiba chikti ta'apo itou a' autuane ―ti au jiiak.
26394	JHN 6:68	Taa ju'u Simoo Peeo' teame: ―Achai, jabetausa intok itepo katne, enchi to'o sajakai. Ju'u em teuwaa'u nooki, jiba yuu jiapsiwamta yee bittuaka nooki.
26491	JHN 8:41	Eme'e jiba juka' enchim yo'owata bo'o jooria'u a' bo'o joa ―ti jiiak. Junak bempo: ―Itepo, katte, jamut ka kunakamta betana kia beja yoemiarim. Itepo si'ime wepu'ulaik te yo'owak, juka' Liojta ―ti au jiiak.
26520	JHN 9:11	Aapo intok: ―Seenu, wa'a Jesuj teame, aapo techoata yaaka, pujpo net a' yaak intok inen neu jiiak: “Aman jum ba'a maneka'u, Siloe' tea'u emo baksiane”, ti neu jiiak. Nee intok aman siika, intok nee junuen ino pujba baksiasukai beja, ne bit taitek ―ti am yoopnak.
26534	JHN 9:25	Junak intok juna'a: ―Inepone, inika'a aapo'ik a' ka tu'i yoem tuka'u betana nee ka ju'unea. Inika'a bat naataka in liptitaka, taa i'an intok in bicha'uta, inika'a ala nee ju'uneiyaa ―ti am yoopnak.
26545	JHN 9:36	Ini'i o'ou intok: ―Achai, inia betana nee tejwaanee a' jabe tuka'uta junuen nee a' sualne' betchi'bo ―ti au jiiak.
26547	JHN 9:38	Junako ini'i o'ou Jesujtau tonommea kikteka a' yo'orek intok: ―Achai, enchi nee suale ―ti au jiiak.
26604	JHN 11:12	Junak jume' a' majtim: ―Achai, aapo kotche'eteko, tu'ibaeka junen koche ―ti au jiiak.
26635	JHN 11:43	Chukula, inika'a teuwaasuka, kusisi nokaka: ―Laasaro, junum a'abo yeu weye ―ti jiiak.
26670	JHN 12:21	Inime'e, Jeriipe' teamtau yajak, ju'u, jum bwiaraa Kalilea' tea'po ili jo'ara Betsaira' tea'po jo'aakamtawi, intok inime'e au ujbwanak: ―Achai, juka' Jesuj teamta te bitbae ―ti au jiakai.
26705	JHN 13:6	Aapo'ik juka' Simoo Peeo'o teamta a' wok baksiabaao, ini'i: ―Achai, jaisa empo nee wok baksiabae ja'ani ―ti au nattemaek.
26724	JHN 13:25	Junak intok ini'i Jesujtau che'a rukteka: ―Achai, jabesa juna'a ―ti au nattemaek.
26735	JHN 13:36	Ju'u Simoo Peeo' teame, Jesujtau: ―Achai, jakunsa empo siime ―ti au nattemaek. Ju'u Jesus intok: ―Jum in weenee'u, i'an empo ka a aman weene. Taa chukula empo a aman neu yebijne ―ti au jiiak.
26736	JHN 13:37	Junak ju'u Peeo: ―Achai, jaisaaka i'an nee ka a emak weene. Kia ee betchi'bo mukneeka juni'i, kaachin ne jiia ―ti au jiiak.