25669	LUK 15:12	Nyirtingku manyka wangkana ngunatharntu papu, “Papu, nyinta nyurntiwarnayi, nyinta yungkway ngaliyaw ngurrinngaliyu. Nygayi prupi ngurrinngali nyinkarntu yalampa.” Papuna julu yungkuna ngurrinngali ngunatharntu manykawuyhaw.
25670	LUK 15:13	Mirnawa, nyirtingu manyka wantharna ngurray, kraparna muni pangkarringumarnu ngurrarta warruwarta. Nyirtingu manyka yurlumarna juluwarlu muni.
25671	LUK 15:14	Yala ngunana parni jajawa, muni warrimartawa. Maynu ngunana. Nganimakay ngumana? Ngunhangaatu ngurra thaka warrimarta. Ngunana kamungu puwarri. Ngunana mirtaawarlu mankuna thakay.
25672	LUK 15:15	Nyirtinguna jaapu mankuna. Ngunana kraparna thakay yungkway ngurralaw yartmayalaw.
25673	LUK 15:16	Yala nyirtinguna kamunguwa. Ngunana ngarrkuna ngurralayarntu thakay. Ngunana krukanjarna, Ngananyu mirtawarlu ngayu yungkuna thakay. Papula parni maru ngartangali muntiwa ngarrkungu thakay. Maynu ngayi. Ngayi parni kamungu.
25675	LUK 15:18	Ngunana krukanjarna, ngayi kalinjarri papunguwarta. Ngunana krukanjarna, ngani ngayi wangkay papungu. Ngayi wangkay ngunaku, “Wajimunti ngayi parnina. Wajimana nyinkarntu wirrartku. Wajimana Papungarntu Minkalarntu wirrartku.”
25676	LUK 15:19	Ngayi wangay papungu, “Ngayi wajimunti nyinkarntu mirtawa manyka nyirtinguna. Ngayi nyinkarntu mirtawa manyka parni yala. Ngayi warkinman nyinkarntu parni.”
25677	LUK 15:20	Nyirtinguna manyka kalinjarrina ngurrarta. Papuna nawuna manykay warruwaymu kanangkarriyangu. Papuna mirta payawirrina, ngunana ngurruwarnina. Karramana ngunatharntu manykay.
25678	LUK 15:21	Nyirtingunampa wangkana papungu, “Wajimunti ngayi parnina. Wajimana nyinkarntu wirrartku. Wajimana Papungarntu Minkalarntu wirrartku. Ngayi wajimunti nyinkarntu manyka nyirtinguna. Ngayi nyinkarntu mirtawa manyka parni yala.”
25679	LUK 15:22	Papuna yunina ngunatharntu warkinmanngali. Wangkana, “Kanangkarrima murtimarnu. Krapanma klinpala warangali wanthakay ngularta. Jujiku wanthanma jinangka. Murtimanma.
25680	LUK 15:23	Ngayintharri kumalamarri ngarrkway. Ngayintharriyarntu yangupala puliman nyurntimanma. Ngayintharri ngarrkway.”
25682	LUK 15:25	Marartana manka kanangkarrina warkamulangu. Ngunana nawuna juluu ngarrkungu.
25683	LUK 15:26	Ngunana payawirrina. Papuna wangkana, “Kanangkarrima ngayintharriyarta ngarrkway. Nyinkarntu maraa wantharna ngurray. Yala kalinjarrina ngunana.” Mararta wangkana, “Nyinta ngayu mirta nyurntimana pulimanku. Ngayi parinina mirtawaji.”
25688	LUK 15:31	Papuna wangkana marartangu manykay, “Nyinta parnina ngayhala. Ngani ngarntu nhungkiirri yala, julu nyinkarntu.
25689	LUK 15:32	Ngayuwarta parni ngurru. Nyinkarntu marraa ngurray wantharna. Yala ngunana kalinjarrina. Kuway, kanangkarrima ngayintharriyarta ngarrkway.”