92	GEN 4:12	Eb yongbon kuu dembaanban. Eb kuu nane kibine dobiri ye karubban kereeb! Eb kuu wedyamo dewenebi ye karub kereeb kii!” andoon.|H
93	GEN 4:13	Andoone, Keinbed neman yedmoon “Kee dabab darewoob oi! Ne kuu yiminban!
460	GEN 19:2	yedmoon, “Ne korok korok ee! Ne kuu yiib yaa angkodmandamiin kowe nambiwoom minime. Yiib yon ogibko angkekoruwa, awari amkimombed wananiib kuu yimin.” andoon. Kwanandoone, yimbed yedmiwen, “Yii, taun kidangkambed amnoom kuu dobaranuuwe waraneen.” andiwen.
465	GEN 19:7	yedmoon, “Nangkodmia! Mokorondime, yiib kuu arewa kamendaib!
466	GEN 19:8	Ne dana koyu ayoob kuu karub yoom dangindo kumbed yiib yaa be mene domondaniine komo kamaniib kuu yiib dowakenmo. Kumban owoddan ayoob keyaa arewa kamendaib! Yi kuu nambiwoom miniwen kowe, nembed yi kukbaraniin.” andoon.
467	GEN 19:9	Kwanandoone, Sodomdanbed yedmiwen, “Angkane! Eb kuu nub ambibkinmanban kumban, eb kuu nub wengyundi korok kerandameewoo? Yiminban kii! Angkane! Angkanokban kuu yi ayoob yaa kuu arewa kerundanuub kuu burudande eb yaa kuu arewa darewoob arimbed kerubdanuub.” andiwen. Andekoriwa, Lot dedmonenib ambongko monmarande kamiwen.
475	GEN 19:17	Winiiwe, engyu ayoob ye karub maambed yedmoon, “Bobnaub ande kabaanmo winime! Ika anuk wedmaib! Kankubunen yiri wene yinmonaib! Kabaanmo wene aangko daanime! Kwamunaniib kuu duknaibban.” andoon.
476	GEN 19:18	Kwanandoone, Lotbed yedmoon, “Ne korok, kwamunaabned, nub kuu yiminban ii!
480	GEN 19:22	Kowe, kirod kabaanmo wene! Ma kamainban, eb kuu wene yakuyaa nandaneeb kumbed.” andoon. Lotbed kambong kuu embeng andoon kowe yaningko kuu Soar andimaib.
524	GEN 21:10	Serambed wedmekoru Abraham yaa yedmeen, “Dabderem yiri dobere no deme awinembiri ye wonongiib yu dana mingkiyiib kee yedmebko winime! Amborom kuu dana kee eb yiribman bi ye yumbon kandi kuu yiminban. Eb bobnaneeb kuu Aisekmo baneen.” andeen.
531	GEN 21:17	Godbed dana ye ameng wengamberekore, ambid arimbed God ye engyumbed Hagar yaa dandoon “Komandewed meeni darewoob kerewen? Unaab! Godbed dana ye ameng kuu wengamboroon kowe.
560	GEN 22:12	Kowe, engyumbed yedmoon, “Eb dana kuu ayaab! Kibireb kee eb wengambere anam ande kwami God yaa kuu wedmaan, eb dana mingki mimo kuu ebka amuknokban, ne yaa kuu.” andoon.
791	GEN 28:17	Ye kuu unekore yedmoon, “Keyaom kee unimbon, okad keyaom God yambib kii! Ewen ari daani ye kiwaan kuda!” andoon.
832	GEN 30:1	Kwane Reksel kuu Yekob yaa dana woonimokban kere wedmekoru, yu oni yaa wungkandeen. Wungkandekoru, Yekob yaa yedmeen “Dana kawe! Kawaabban kuu bobnaniin!” andeen.
888	GEN 31:14	Andoone, Reksel yoom Lea yoom Yekob yaa man yedmiwen “Nub ambe bobnaneene ye yiribman nekwiiwe nub kuu yiribman mimo maandaubban. Dowan!
911	GEN 31:37	Ebka onmewen, ne yiribman korem yuraan yaa, kumban eb yiribmaniib ma dabokne angkiboroona akmindo, dowan! Ma akmewen keroka kanmene nub karubkim arinambo ari korokbende, yi wedme kanembed ambarakmoon kanembed ambarakmindo kamime.
917	GEN 31:43	Lebanbed Yekob yaa yedmoon “Nima kee ne mungkana. Angkon, yi meed kwangkon ne man. Angkon, sibiyiib naningkodiib kee kangkon ne dingkan kab. Angkon, yiribman korem akmeeb kuu ne yiribmanmo, kumban neka ne mungkanayiib yi meediib ika baniin dee? Yiminbanaa!
938	GEN 32:10	Kwamune, Yekob kurikuri kere yedmoon “Oo nawo Abraham ye God, nambe Aisek ye God! Yariman oo! Ebbed yedmewewen ‘Ika eb ambibkiniib eb ena ambeyiib eb karubkimiib yaa wene. Eb yaa oone amun amun kamaniin.’ andewen.
947	GEN 32:19	eb kuu kwamune yedme ‘Dingkan kab korem kee eb deme karub Yekob yeman kii! Yi kuu munob dingkan ye korok Isau yaa bangkanoon. Angkon ye kuu nub yoman meneen.’ ande.” andoon.
955	GEN 32:27	Kwamune karub kumbed yedmoon “Ware weneen kii! Kui yaa, kwamune domowebko wana yaa!” kamoone, Yekobbed man yedmoon “Kwamaubbanaa! Ebbed ne yaa amuniib kawewedned domobdain oo!” andoone,
966	GEN 33:5	Kwamunekoriwa, Isau kerekanabe wedmoona nimayiib danayiib yayaa doriib. Wedmekore kaamonoon “Kee kaneya eb yoom meniib?” andoone Yekobbed man yedmoon “Ne korok ee! God kuu ne yaa amun kewoon kowe, yi kuu dana yembed ne yaa bangkawoon.” andoon.
976	GEN 33:15	Andoone, Isaumbed yedmoon “Ne karub yenayiib domobde wananiina dore awabdaniiwa mananeewoo?” andoone Yekobbed yedmoon “Dowanoo! Kwamaawaa! Ne yaa eb niindem aom dowakeniib kumbedmo kuu yiminaa.” andoon.
1002	GEN 34:21	“Keyee karub kee nub yaa amun amun kamiib kii! Kowe, korondanuuwa nub okad ari dobaraniib kuu yimin. Nub kumkam yi yaa berengkanuuwa yi kumkam nub yaa berengkaniiwa kamanuub kwangkon yimin, bidambib kuu darewoob yimin yiyiib nuwiib dobiri kuu. Nubbed yi koyu awadmubko, man yimbed nub nima koyu awadmibko kamanuub kwangkon yimin.
1004	GEN 34:23	Kwamanuub kuu yi sibiya buromakauya yiribmana dingkan kawa kuu korem nub man keraneen kii! Kowe korondekoruwa, weng mimo kere yi weng wengambere kere ee andekorub, ibmo doberem.” andiwen.
1103	GEN 37:19	Yikarebmo yedmiib “Kuned kuu kiyuuman meneen kii!
1113	GEN 37:29	Kwane yomanbed Ruben menene ok dobon dem yiri Yosef kuu dore wedmoonka, dobirindo dowan keroon! Ye kerebkarab kamene mimyob darewoob kowene yebkad kuu biringkoon, ye mimyob darewoob keroon kowe.
1114	GEN 37:30	Ye ika wenene ye damana yaa yedmoon “Kewedman ok dobon dem yiri kuu dowan! Komo kamaniin?” andoon.
1117	GEN 37:33	Ye darobe wedmekore yedmoon “Oo anam, ne dana yebkad doboob kei! Arud awaan dingkan mamaambed ayoon kii! Anam Yosef kuu aye bunge aniwen!” andoon.
1164	GEN 39:14	yu ambiwoom deme nima yaa yumbed baanduune miniiwe yedmeen “Wedmime. Hibruman kee nenmene kowako nub yaa kwane emdangke doborok ande nenmonoon kii! Yembed mene neyiib yaa dangem ande monoon, kumban ne kuu kabang kamaane
1181	GEN 40:8	Yi ayoob inande yedmiwen “Nub ayoob ibonmo kiyuum wanabuwen kii! Kumban nub kiyuum weng id kuu kanembed kedmengkandaanban.” ande yedmiwen. Yosefbed yedmoon “God, yembedmo kuu kiyuum weng id kedmengkandi ye karub. Yiib kiyuum weng kuu dakmibko wengambara.” andoon.
1263	GEN 42:10	Andoone, yimbed man yedmiwen “Nub yariman, yii! Nub kuu eb deme karub kowe, mene animan berengkanduwed, kumbedmo.
1274	GEN 42:21	Kwanekorib, yikareb neman yedmenoon yedmenoon kamiwen “Anam kii. Nub kuu nub daman ye dowad dabab kanduub kii! Nub kuu ye dabab wedmuwen, ye wadkeri dowad nub yaa eekmoon kumban, nub kuu ye yaa wengamberenindo kowe, dabab kee nub yaa monoon kii.” andiwen.
1332	GEN 44:7	yimbed inande yedmiwen “Komande kwane andeeb kii! Nub kuu kwamune kamindo.
1342	GEN 44:17	Kumban, Yosefbed yi yaa yedmoon “Yiminban oo! Ne kwanainban oo! Karub mimo kabusiib wedmiwen kumbedmo ne dabderem yiri dobere no deme awinembiri ye karub keraneen kuu yimin. Yiib korem yena kuu igakman amunmo yiib ambeyiib yaa winime.” andoon.
1343	GEN 44:18	Kwanandoona, Yudambed yaro dore ye dia wenene ye yaa yedmoon “Ne yariman ee! Nub kuu eb deme karub kedi! Ne yaa kongewaab. Wengamberebko, ne weng yedma. Eb yoom Fero yoom kuu ibmo.
1346	GEN 44:21	Yariman ee! Ebbed ‘Nenminibko nekarewiib wedmandamiin.’ andewen,
1354	GEN 44:29	kowe, ye damaniib nenwananiibkob ye yaa arewa keraneen kuu ne kuu ye dowad mimyob darewoob kowe wene bobnaniin.’ andoon kii!
1359	GEN 44:34	Nembed yeyiibban nambe yaa ika wini kuu yiminban! Angkon, ne kuu nambembed mimyob durud yewed kandod wedmi kuu yiminban.” andoon.
1362	GEN 45:3	Yosefbed ye aagoroka yaa yedmendoon “Ne kuu Yosef kii! Nambe kuu wad doreen dee?” andoon kumban, ye aagoroka kuu yi neman ma inandindo, amborom kuu ye yumbon aom kuu uniwen kowe.
1385	GEN 45:26	Yimbed yi ambe yaa daaniwen “Yosef kuu bobnindo, wad doreen kii! Angkon yembed Idyip okad korem kuu yembed korok keroon.” andiwen, kumban Yekob binangki darewoob keroon kowe, yi weng kuu anam ande meenindo, kerebkarab kamoon.
1436	GEN 47:15	Kwanaane, Idyipdan yi odiib angkon Keenandan yi odiib kuu dowan keroon. Od dowan keroon kowe, Idyipdan korembed Yosef yaa wene yedmiwen “Nub yaa animan bangkande yaa! Yiminoo? Anaubban kuu eb arinambo arimbed bobnanuub kii! Nub od dowan kii!” ande kamiwen.
1439	GEN 47:18	Kwane kuye weeb burudande weeb ari kuu nimakarubbed Yosef yaa ika mene yedmiwen “Ebkaad aa! Nub kuu odiibban, angkon nub dingkan kab kuu ebmanmo. Nub idiib nub okadiib kuu nubman, kumbedmo. Mamayiibban.
1440	GEN 47:19	Anam kii! Anaubban kuu eb arinambo arimbed nub yoom nub okad yoom duknanuub kii! Nub yoom nub okad yoom berengkekoreb, animan nub yaa bangkande! Kwananeeb kuu king Fero ye dabderem yiri dobere no deme awinembiridan keranuub. Nub okad kwangkon Fero yeman keraneen. Yob bungki yeman nub yaa bangkande. Kwananeeb kuu wad dobaranuub, duknaubban. Angkon kwananeeb kuu nub okad kuu ingkudmo keraunban.” andiwen.
1470	GEN 48:18	yedmoon “Ambe, yii! Keke ayi kii. Kowe, eb dingki wiwi kuu kande ye korok ari kowe.” andoon
1526	GEN 50:19	Kumban Yosefbed yi yaa weng amuniib yedmoon “Unaiwaa! Ne kuu God ye yumbon kandaan dee? Dowan oo!
1527	GEN 50:20	Yiib dowakenbed kuu ne yaa arewa kamiwen kumban, Godbed amonombe nub yaa amun kerundoon kowe, karub yemoon duknindo, wad doburuub kii!
13963	PSA 3:2	O Yariman, ne bondan kuu yemoon! Ne yaa manmo keriwendan kuu yemoon!
13969	PSA 3:8	O Yariman, ne God, yeedere mene ne nen burudanduwe! Ne bondan korem kuu yi mongodkono aangkeneb, arewadan ne yaa manmo keriwen kuu yi ningkambo domangke.
13974	PSA 4:4	Kumban kaadkerime! Yariman kuu ye kiwaan arimo doriibdan kuu ben yeka ye dowad angkara nongkoboon. Kowe, nembed Yariman yaa baandaniin kuu wengamberewaneen.
13998	PSA 6:6	Dukniwendan kuu eb yaa meendobimokban, dowan. Kane kanembed bobkonombon aom doriib kuu ewaningko kankoonimaib dee? Dowan!
14008	PSA 7:5	Ne angkodmi nende ye bondan yaa kondaan dee? Ne yaa manmo keroonman kuu idiibban kumbed anbande ye yiribman yid baan dee? Dowan!
14023	PSA 8:2	O Yariman, nub Yariman, ewaningko kuu nambiri manimanandewiib, okad kiri ye kumkam korem burudande arimbed keroon kii! Eb nambiri kuu Ewen burudande arimbed kowewen.
14031	PSA 8:10	O Yariman, nub Yariman, ewaningko kuu nambiri manimanandewiib, okad kiri ye kumkam korem burudande arimbed keroon kii!
14064	PSA 10:12	O Yariman, yaro dembe! Eb dingki kankoone yire. O God, dabab kandiwendan yaa nonondandundaab.
14128	PSA 17:13	O Yariman, yaro dembe! Yi durunde yenbande ben yiri kubudere. Eb kerewangbed arewa kamidan yaa ne nen burudande angka kowe.
14162	PSA 18:32	Kedi, kane kuu God? Yariman yembedmo! Kane kuu yone aromnimbon? Nub God yembedmo!
14177	PSA 18:47	Yariman kuu doreen kii! Ne yaa yone aromni ye God yaningko kankoonem! Ne nen bobni yaa burudande bindi ye God yaningko kankoonem!
14206	PSA 20:10	O Yariman, king kuu nen burudande angka kowe! Nub baandubka inande!
14208	PSA 21:2	O Yariman, eb aromkono ye dowad king kuu kuboon. Ebbed awanenewen kowe kubi darewoob keroon!
14244	PSA 22:24	Yariman yaa unimaibdan, yiib kuu ye aningko kankoonime! Yekob yawoya korem, yiib kuu ye yaa nambiri konime! Israeldan korem, yiib kuu ye yaa bumangkime!
14247	PSA 22:27	Kamboknondan kuu ane mikmonaniib. Kane kane Yariman ande onmimaib kuu ye aningko kankoonaniib. Kubi dowaken kuu yiib niindem aom aron korem angkimborok!
14303	PSA 27:1	Yariman kuu ne kiwaan ari weniin yaa nambirimaan ye karub, kwane ye kuu ne nen bobni yaa burudande nendi ye karub, kowe kane yaambed ne kuu unaniin? Dowan! Yariman kuu ne wadkeri ye aromne angkumonimbon, kowe kane yaambed ne kuu unaniin? Dowan!
14322	PSA 28:6	Yariman yaa amun kerunem! Amborom kuu ne awawi ye dowad baandaan kuu wengamberewoon kowe.
14373	PSA 31:24	Yembed yorokmo kerundoondan, yiib korem kuu Yariman yaa mimyob dowaken keenime! Korondiyiibban anam ande doriibdan kuu Yarimanbed dorondare awandimaan, kumban kerengkan kamiibdan kuu yembed kumundinmo ine dabab kondimaan.
14385	PSA 32:11	Yorokmodan, yiib kuu Yariman yaa dowaken kere kubime! Kwane, niindem aom kangdommo doriibdan, yiib kuu ye yaa kube baandime!
14440	PSA 35:10	Ne inamen korem kumbed baandaniin, “O Yariman, kanembed eb yaa iibmo keroon? Dowan! Kamboknondan kuu aromkonodanbed yenbandimaib kuu ebbed yi ben burudande angka nongkobimaab, kwane kamboknondaniib awandime ande meeniibdaniib kuu yidbidan mene yi yiribman bimaib kuu ebbed yi ben burudande angka nongkobimaab.
14453	PSA 35:23	Yaro dembe. ne angkumone kebeni dowad yaro mene! Ne God, ne Yariman, ne dowad koromoni weng nekwe!
14466	PSA 36:8	O God, eb womoniyiibban ye mimyob dowaken kuu miin manimanandeb anam! Nimakarub kuu eb buraab ye kubun kurumbon areb ebbed kukbimaabbon aombed doriib.
14621	PSA 44:24	O Yariman, yaro dembe! Komande angkimaab? Ebkareb yaro dembe! Nub yaa aron korem wunekarundaab.
14713	PSA 50:13	Buromakau yom animainoo? Dowan. Naningkod yi umkan animainoo? Dowan kii!
14716	PSA 50:16	Kumban arewa kamidan yaa kuu Godbed kamune yedmoon, “Yiibbed ne amob ben yena yaa daandaniib kuu yimin dee? Dowan! Kwane ne amob weng kuu yiib mongkodkonombed dakmaniib kuu yimin dee? Dowan!
14785	PSA 55:14	Nangkodmi amun, ne yoom dabokne yari ye karub kui, eb kuu ne areb kumban, anam kuu ebbed ne yaa manmo keruwewen kii!
14818	PSA 57:9	O ne kingkin, yaro dembe! Haap yoom laiya yoom yaro dembime! Yiiwiib wangke wingkani aron kakmendaniine awawini nambere wananuun.
14824	PSA 58:3	Dowan! Yiib niindem aom kuu yorokmomban unitab ye inamen ongmenabimaib, kwane yiib dingkimbed yeremborom ye inamen yaambed okad yiridan yaa ambangkimaib.
14837	PSA 59:4	O Yariman, kedi, yi kuu ne nande bikne dibo meedmiib kuu wedme! Naawonmo yenbandidan kuu ne dowad nuubnaan kamiib kii, ne yi yaa ma wabkad kerindo o ma ambarakmindo kuned.
14915	PSA 65:5	Kane kane ebbed kingkeneb eb kurikuri ambib ye kuuk aom dobiri dowad dia ben menebewen kuu amun kerundoon kii! Eb kurikuri ambib ye amun amun kuu nub yaa miknemoon areb kerundoon, eb kurikuri ambib karadmo yaambed kui.
14925	PSA 66:1	Okad yiridan korem, God yaa kubenib komkime!
14926	PSA 66:2	Yaningko ye nambiri ye dowad wingkime, yaningko kankoone nambiri konime!
14927	PSA 66:3	God yaa yedmime, “Ebbed ambangkanabewen kuu yeka mamaa yoo! Eb aromkono kuu miin darewoob kowe, eb bondan kuu unebde ika anuk irinambenimaib.
14929	PSA 66:5	Godbed komo kamoon kuu mene wedmime. Nimakarub yi dowad yembed ambangkoon kuu yeka mamaa yoo!
14988	PSA 68:36	O God, eb kurikuri boyambib darewoob aom doreeb kuu binangke ewaningko kankooni yeman. Israeldan yi God yekareb nimakarub yaa aromkonoyiib arudkonoyiib bangkandimaan. God yaningko kankoonem!
15021	PSA 69:33	Dabab meneboondan kuu kwane wedmenekorib kubaniib, yiib kane kane God ande onmiibdan, yiib niindem aom kuu kubimbed angkimborok!
15031	PSA 70:6	Kumban ne yaa dabab meneboon, nangkon kamboknon keraan, o God, ne yaa kirod mene! Eb kuu ne awawi ye karub, eb kuu ne nen burudande angka kowi ye karub, o Yariman, erebnaraab, kibireb mene!
15050	PSA 71:19	O God, eb yorokmo kerekmen kuu kwane kawene ambid aommo doroon, o God, eb kuu kami miin darewoob ambangkanabewen kowe, kane kuu eb areb keroon? Dowan!
15070	PSA 72:15	Ye kuu weeb yemoon kwane doberemborok! Kwane Siba ambibkin ye bot gold kuu ye yaa bangkanok. Ye dowad nimakarub womoniyiibban aron korem kurikuri kamembirime. Kwane aronki doboob kuu ye yaa amun kerunime.
15086	PSA 73:11	Yi kuu kwane yedmimaib, “God kuu komo kere yekaadkeraneen? Dowan! Korem Burudandoon Arimbed Ye God kuu inamen kaadkeriyiib dee? Dowan!” andimaib.
15145	PSA 76:8	Unebdi ye karub kuu ebbedmo. Eb norin wandaneeb kuu kanembed koromone eb kiringkono ari dobaraneen? Dowan!
15164	PSA 77:14	O God, eb dobiri ye kiwaan kuu karadmo. Kedi, god maa kuu nub God darewoob arimbed kwamune arewiib ma keroon dee? Dowan!
15259	PSA 80:3	Efraima Benjamina Manaseya yi arinambo ari kuu eb aromkono korokbe. Yaro dembe nub kuu arudbon yaa burudande binde!
15271	PSA 80:15	O Ana Nangmidan Yemoon Ye God, nub yaa angkon ika mene! Ewen arimbed yiri kerekne wedmende! Nong keyaa kee keenombere oone,
15278	PSA 81:2	Nub aromkono kondi ye God yaa kubi yook wingkem, Yekob ye God yaa kubimbed baandime!
15322	PSA 84:2	O Ana Nangmidan Yemoon Ye Yariman, eb dobirimbon kuu yeka mamaa manimanandeb kii!
15333	PSA 84:13	O Ana Nangmidan Yemoon Ye Yariman, eb yaambed angkumone doreenman kuu amun kerunewen kii!
15382	PSA 88:11	Binangke eb kuu anam andi yeman kuu dukniwendan yi dowad ongmaneewoo? Dowan! Dukniwendan kuu yaro dembe ewaningko kankoonaniiwoo? Dowan!Selah
15383	PSA 88:12	Eb womoniyiibban ye mimyob dowaken ye weng kuu bobkonombon yiri daandaniiwoo? Dowan! Eb ma korondiyiibban no awinembiri ye kerekmen ye weng kuu monmarimbon yiri daandaniiwoo? Dowan!
15384	PSA 88:13	Binangke eb kuu anam andi yeman kuu kumunbon aom doriibdan kuu yikaadoo? Dowan! Eb yorokmo kamenabi kuu korem nonondandimbon aom doriibdan kuu yikaadoo? Dowan!
15438	PSA 89:48	Ne wadkeri kuu kirodmo dowan keraneen kuyaa ika meene. Kedi, nimakarub korem kuu idiib kerindeban ye dowad ongmenabewen kii!
15443	PSA 89:53	Yariman yaa aron korem amun kerunemborok! Anam kwanok, kedi, anam kwanok.
15456	PSA 90:13	O Yariman, ika mene! Aron komoyiib kwane manaabban keraneeb? Eb demedan nub yaa kuu mimyob keende.
15482	PSA 92:6	O Yariman, eb kamenabi kuu miin darewoob arimbed! Eb meeni inamen kuu miin indengandengmo.