29	GEN 1:29	Kwanandekore yedmoon, “Kedi, yob irimaan yeman koremiib ayowiib yiib yaa kondaan, yiib animan kui.
60	GEN 3:4	Anduune, niinbed yedmendoon, “Dowan, anam kuu yiib kuu bobnaibban.
95	GEN 4:15	Andoone, Yariman Godbed yedmoon “Dowan, kanembed eb aneen kuu neman karub kurubmim inaniin.” andoon. Kwane, Yariman Godbed Kein ye binad ari amob akmi yeman kowe yedmoon “Kane amob akmi yeman wedmenaneen kuu ayi yemanban.” andoon.
213	GEN 9:7	Kwanandekore, ika yedmoon, “Kwane, yiib kuu awoya dana yewudmo yidwarok, yiib kuu okad korem muubnok. Okad yiri yidwarok.” andoon.
215	GEN 9:9	“Kedi, kibikee nekambed ne weng kunduk eb yoom eb awoya ari dobaraniibdan yoom yaa kondaan kii.
362	GEN 15:1	Kwane, amaan Yarimanbed Abram yaa wane korokbene yedmenoon, “Abram, eb unaab. Arud ye barang yaa kuu kombe areb kukbebdembaraniin. Ne kuu eb kakman amun miin darewoob keraan.” andoon.
388	GEN 16:6	Anduune, Abrambed yedmoon “Eyoka, yu kuu kub deme ye kakmaniibban wonong kereene, ub kuu yu korok kowe, kubbed yu yaa komo kamaneeb kuu kub dowakenmo.” andoon. Seraimbed Hagar yaa wenbanduune koronde wuneen.
390	GEN 16:8	yedmoon “Hagar, Serai yu deme ye kakmaniibban wonong, kuna yaambed menebko, kuna yaa weneeb?” andoone, man yedmeen “Ne kuu ne korok yaambed kombere dore meniin.” anduune,
402	GEN 17:4	“Kedi, nembed kekane kamaniin kei. Ne amob weng yedme kowaan kuu kei, eb kuu ambibkin yemoon ye ambokab keraneeb kii.
430	GEN 18:5	Ne angkon animaniib kanmanako, ane aromkono kandekoriwa yiib dowakenmo winime. Yiib dememan neyiib yaa miniwen kowe.” andoon. Andoone, yimbed inande yedmiwen, “Eyoka, eb weng dakmewen kuu kwamune kame.” andiwen.
431	GEN 18:6	Andiiwe, Abraham kuu kirodmo wene ambib kombon aom Sera yaa yedmendoon, “Kirod, flawa yemoon nengke.” andoon.
440	GEN 18:15	Sera kuu uneen kowe dude yedmeen, “Ne ambon kamindo.” andeen. Anduune, Godbed man yedmoon, “Yii, anam kuu ambon kamewen.” andoon.
455	GEN 18:30	Kwanandoone, Abrahambed God yaa yedmoon, “Yariman, ne yaa kongewaab, angkon ika dakmandamiin. Yorokmodan 30iibmo dobaraniib kuu komo kamaneeb?” andoone, Godbed yedmoon, “30iib dobaraniiwe wedmaniin kuu monmarainban.” andoon.
457	GEN 18:32	Kwanandoone, Abrahambed yedmoon, “Yariman, ne yaa kongewaab, angkon ika mimo dakmaniin kuu yimin dee? Yorokmodan angko angkoyiibmo dobaraniib kuu komo kamaneeb?” andoone, Godbed yedmoon, “Angko angkoyiib dobaraniiwe wedmaniin kuu taun kuu monmarainban.” andoon.
460	GEN 19:2	yedmoon, “Ne korok korok ee! Ne kuu yiib yaa angkodmandamiin kowe nambiwoom minime. Yiib yon ogibko angkekoruwa, awari amkimombed wananiib kuu yimin.” andoon. Kwanandoone, yimbed yedmiwen, “Yii, taun kidangkambed amnoom kuu dobaranuuwe waraneen.” andiwen.
479	GEN 19:21	Kwanandoone, engyumbed yedmoon, “Ee, eweng kuu wengambaraan. Kambong ke dakmewen kee monmarainban.
502	GEN 20:6	Godbed kiyuum angkambed Abimelek yaa yedmoon “Ee, nekaadkeraan, eb kuu inamen amunmo kerewen kowe, ebbed ne yaa ambarakmaab andid kuu kebenaan, angkon yu yaa badmendaab andid kuu kebenaan.
538	GEN 21:24	Andoone, Abrahambed yedmoon “Ee, eb weng kuu God yaningko yaambed yedme kowaan.” andoon.
540	GEN 21:26	Abimelekbed yedmoon “Nekaadban, karub kanembed kwamunoon? Eb kuu ne yaa yedmewindo kowe, kibirebmo wengambaraan kii.” andoon.
559	GEN 22:11	kumban ambid aombed Yariman ye engyumbed, “Abraham! Abraham!” ande baandoona, Abrahambed “Ee, ke doriin kei.” ande inandoon.
578	GEN 23:6	“Angkodmi, wengambere. Eb kuu kayabak aromkono darewoowiib, nub aom kuu. Eb dowakenmo kuna yaambed nub bot bob mangkimbon amun kandaneeb kuu yimin. Nub kuu kane ye bot bob mangkimbon keya kee eb dowakenmo kandande meenewen kuu nub ma eb wonong yu bob mangki yaa kuu kebebdaubban.” andiwen.
610	GEN 24:18	Andoone yedmeen “Ee, aamkono, ok ane.” andekoru kirodmo ok nande yiri kowekoru ok koneen.
619	GEN 24:27	yedmoon “Kubem, Yariman God yaa, ne korok ye dowad kuu Godbed ye weng kunduk yaamo kwane ambangkoon. Yariman God kuu nenmene ne korok Abraham ye karubkim doriib yaamo nenmonoon.” andoon.
650	GEN 24:58	yi baandiiwa Rebeka munuuna kaamondiwen “Kub dowaken kuu karub kee yoom wanandameewoo?” andiiwe “Ee, ne dowaken wanandamiin.” andeen kowe,
691	GEN 25:32	Kwanandoone, Isaumbed yedmoon “Kedi, bobnandamiin kowe, ne ayi ye yumbon kuu kabamoon kii!” andoon.
746	GEN 27:18	Bangkanuune Yekob kuu be wene awodki yaa yedmoon “Ambe.” andoone, “Ee, ne dana, eb kuu kane?” andoon.
752	GEN 27:24	Angkon, yembed Yekob yaa kaamonoon “Eb kuu ne dana Isau anam dee?” andoone “Ee, ne kei.” andoon.
755	GEN 27:27	andoone, Yekob kuu wene awodki yaa mandamuk kerunoone, Aisek kuu Isau yebkad baeb kuuwekore amun kerune yedmoon “Aa, ne dana eb baeb kuu dura Yariman Godbed amun kerundoon ye baeb areb.
759	GEN 27:31	Ye kangkon animan ambod amuniib nekwe nengkekore, awodkiyiib yaa kanmenene yedmoon “Ambe, yaro dibere ne dingkan yom kee anekoreb ne yaa amun keruwe.” andoon.
766	GEN 27:38	Andoone, Isaumbed yawodki yaa yedmoon “Ambe, eb kuu amun keri yeman mamaayiib dee? Ne kangkon amun keruwe yaa!” andekore naawonmo ameng kamoon.
790	GEN 28:16	Kiyuum wedmekore, Yekob kuu angkoon yirimbed dembene yeka meenoon, “Anam, Yariman kuu keyaom kumbed ne kuu nekaadkerindo keraan.” andoon.
801	GEN 29:5	yembed yi yaa yedmoon “Yiib kuu Nehor ye awo Leban kuu yiibkaadoo?” andoone, “Ee, ye kuu nubkaadaa.” andiwen.
802	GEN 29:6	Kwane Yekobbed yi yaa kaamondoon “Ye kuu amun dee?” andoone, yimbed yedmiwen “Ee, ye kuu amunmo doreen. Ye mungkan Reksel kuu sibi kee be menuun kei.” andiwen.
821	GEN 29:25	amkimo kerune, Yekob kuu yaro wedme binangkoon, “Ii, Lea kii!” ande meene wedmekore, Leban yaa wene yedmoon “Ne yaa kee komarewa kerewen? Ne kuu Reksel yu dowad eb deme ambangkaan, komandewed ne yaa nemengkawewen?” andoone,
830	GEN 29:34	Amaan angkon ika oyoomiib kerekoru, dana mingki wooneen. Woonekoru, yumbed yedmeen “Kibikee, ne ambimbed ne yaa yubudkawaneen, amborom kuu nembed ye karub dana ayoobmim baan kowe.” andekoru, dana yaningko Livai ande koween.
831	GEN 29:35	Amaan angkon ika oyoomiib kerekoru, dana mingki wooneen. Woonekoru, yumbed yedmeen “Kibikee, Yariman God yaningko kankoonaan.” andekoru, dana yaningko Yuda ande koween. Yoman, Lea kuu ika kurong kereen.
845	GEN 30:14	Yob wi yaron arimbed, Ruben kuu wene mongkobon angka ane oyoomiib keri yeman yaningko mandreek kuu wedmekore, ye ena Leayiib yaa mandreek id benmonoon. Benmonoone, Rekselbed Lea yaa yedmeen “Anam, kub dana ye mandreek id kuu neyiib maawe.” andeen
860	GEN 30:29	Andoone, Yekobbed ye yaa yedmoon “Ebkaadkerewen, nembed eb deme ambangkaan kuu eb sibiyiib naningkodiib kuu nembed amunmo oonaan.
865	GEN 30:34	Andoone, Lebanbed yedmoon “Eyoka, ebbed yedmeeb kuu kwane.” andoon kuned
909	GEN 31:35	kowe, Rekselbed yu awodki yaa yedmeen “Ambe, ne yaa kabawaab. Ne kuu yere yaro dobiri eb arinambo ari kuu yiminban, amborom kuu ne wood wedme dibiin kowe.” andeen. Kwane, Leban kombon dem korem kereknoon kumban ye awad darewoob yi kuruwak kuu ma bindo, dowan.
923	GEN 31:49	Angkon aningko maa Mispa andimamiib, amborom kuu Lebanbed yedmoon “Kwane, nub kuu andokbe yeka yeka wenebanuub kuu Yariman Godbed ewa neya yaa kerendobere wengyunde doborok.
931	GEN 32:3	Kwane, Yekob wedmendekore, yedmoon “Keke, God ye Kombonbonkibi kii!” andoon kowe, aningko kowe yedmoon “Bid kari kee, Mahanaim kii!” andoon.
949	GEN 32:21	daandekore, ika yedmoon “Yiib nonondandaib yedmenime ‘Eb deme karub Yekob kuu nub yoman meneen kii!’ andime.” ande Yekobbed yedmoon, amborom kuu yembed meenoon kuu “Mokuro, munobmo dingkan kab kee bangkananiin kuu, Isaumbed wedmekore, mimyob kewene ne yaa norin dowan kerok anded, ne yaa amunmo kame durunewok meneen dee?” ande meenoon.
1012	GEN 34:31	Yi inande yedmiwen “Kumban, yembed nub yangkura kuu kande kiwaan ari ye wonong areb meenekore ambarakmoon kuu miin arewa kii!” andiwen.
1144	GEN 38:24	Kwane wood ayoobmim dowan keruuna, weng muneen “Eb wonongkim Tamar kuu kiwaan ari wonong areb kere oyoomiib kereen kii.” ande Yuda yaa yedmeniiwa, yedmoon “Nende, wat amotbed nengkibko dene bobnuk.” andoone,
1181	GEN 40:8	Yi ayoob inande yedmiwen “Nub ayoob ibonmo kiyuum wanabuwen kii! Kumban nub kiyuum weng id kuu kanembed kedmengkandaanban.” ande yedmiwen. Yosefbed yedmoon “God, yembedmo kuu kiyuum weng id kedmengkandi ye karub. Yiib kiyuum weng kuu dakmibko wengambara.” andoon.
1265	GEN 42:12	Andiiwe, yembed yi yaa yedmoon “Yii, yiib kuu mene nub ambibkin yaa yi ana nangmidaniibban dee kuna kuyaa wedmok miniwen kii.” andoon
1273	GEN 42:20	Kumban yiib daman yeenbon kuu ne yaa nenminime. Kwananiib kumbed yiib weng daawiwen kuu anam andaniine, yiib kuu bobnaibban.” andoone “Ee, kwananuub kii.” andiwen.
1290	GEN 42:37	Andoone, Rubenbed yawodki yaa yedmoon “Kwane, Benjamin kuu eb yaa angkon ika nenmonokban keraka, ne karub dana ayoob kuu yengkadme. Ebbed ne yaa ‘Ee, korobe oone.’ andekoreb, domowebko nenwenekori ika nenmana.” andoon
1302	GEN 43:11	Kwane, yi awodki Israelmbed yi yaa yedmoon “Anam, kiwaan mayiibban kowe, ambibkin keyaom ye barang amun yemaniib yiib yowo aom kambungke animan ooni ye karub yaa be wene bangkanime. Kad arewa ye muramurayiib, in okiib, animan ambod yemaniib, baeb amun yemaniib, pistasio yowiib, almon yowiib kui.
1335	GEN 44:10	Andiiwe, Yosef ye demedan yi korokbed man yedmoon “Eyoka, karub mim kane yid boon kuu wedmanuub kuu yembedmo ne dabderem yiri dobere no deme awinembiri ye karub keraneen, kumban karub yena yid bindo kuu koronde wananiib kuu yiminaa!” andoone,
1444	GEN 47:23	Kwane, Yosefbed nimakarub yaa yedmendoon “Kibikee, nembed Fero ye dowad yiib yoom yiib okad yoom berengkaan kowe, yob bungki yeman yiib yaa bangkanda. Kwane, yiib yongbon yaa bungkenabime.
1451	GEN 47:30	Bobnaka, ne id kande Idyip domonde wene ne ambeya mangkanabiwen yaa kurimbed mangke.” andoone, Yosefbed inande yedmoon “Eyoka, eb weng kuu kwananiinaa.” andoon.
1470	GEN 48:18	yedmoon “Ambe, yii! Keke ayi kii. Kowe, eb dingki wiwi kuu kande ye korok ari kowe.” andoon
1532	GEN 50:25	yambe Israel ye karub dana yaa daandekore, ika amob weng yedmoon “Anam, Godbed yiib yaa awandaneen kowe, ne bob id kuu keyambed mangkaib, be winime.” ande amob weng ongme kowoone, wiim aangkiwen.
14093	PSA 14:1	Inameniibbandan kuu yi niindem aom kuu “Godiibban, dowan.” ande yedmimaib. Yi kuu yorokmomban, unitab, yi ambangki kuu komyengiib, yi kuyaa mimo kanembed ma amun kamimokban.
14451	PSA 35:21	Ne bondan kembed ne yaa baande yedmimaib, “Ai, ai, kee kamune kamoon kuu nuwindobbed wedmenuwen kii!” andimaib.
14455	PSA 35:25	Korondaawa yi kekamune meenaib, “Ai, nub dowaken keruwen kuu kanduwen kii!” andaib. Kwane korondaawa yi kekamune ne dowad yedmaib, “Nubbed ye monmaruwen dowan!” andaib.
14778	PSA 55:7	Kowe nembed yedmaan, “O, ne kuu on arud areb burawiib karen kimyen wanweneni yiidkaan karen.
15290	PSA 81:14	“O, ne dowaken kuu ne nimakarub ne yaa wengambaraniib andid, Israeldan ne yoman mananiib kuu ne dowaken darewoob kui.
16350	PSA 141:5	Korondebko yorokmomanbed ye mimyob dowaken keendi kerekmen yaambed ongkawe ukum kawok. Kukuu ne korok ari bune amun keruwi ye oiyo areb. “Yii, ne korok ari bunaab.” andainban. Arewa kamenabidanbed arewa kamenabimaib kuu kebenok ande kurikuri kamembirimain.
23233	MAT 1:20	Kwanande kamoon kowe, Yariman ye engyumbed Yosef yaa mene kiyuum angkambed daanoon, “Yosef, Dewid ye awo ari yee! Meri kuu awane eb ambiwoom nenwene. Eb unaab, amborom kuu yu oyoomiib kereen kuu Kingkin Karadmombed yaromkonombed ongmoon.
23250	MAT 2:12	Amnoom angkambed, Godbed menene kiyuum angkambed mindong darobe andangkanabidan yaa yedmendoon, “Amob, yiib kuu king Erod yaa ika wanaib.” andoon. Kwanandoona, kiwaan maambed yi ambibkin angka ika winiwen.
23282	MAT 4:4	Kumban Yesumbed inande yedmoon, “Yii, God Ye Weng wongkiwen kuu, ‘Nimakarub kuu animaniibmo ane dobaraibban, wadkeri yeman anam kuu Godbed komo dakmeen kwangkon wengambere dobaraniib kumbed yimin.’ ande wongkiwen.” andoon.
23288	MAT 4:10	Kumban Yesumbed neman yedmoon, “Seten, koronde wene! Amborom kuu God Ye Weng aombed wongkoon kuu, ‘Yiib Yariman God yaamo bumangkane yaningkomo kankoonenib, ye yaamo wengambere kwanembirime.’ ande wongkoon kui.” andoon.
23293	MAT 4:15	“Galelidan, amyenimbon Sebuluniib amyenimbon Naftalaiyiib kui. Karamok wini ye kiwaan kuyiib, ok Yooden yara kuye okad kui. Yuudan yoom ambibkin maa maadan yoom kui.
23349	MAT 5:46	“Kwane, yiib yaa mimyob dowaken kerundiibdan yaamo mimyob dowaken kerundimaib kuu God ye kakmaniiwoo? Dowan! Arewadaniiwa tak od bimaibdaniiwa kwangkon kwamimaib kii!
23371	MAT 6:20	“Kwane, Ewen arimbed yiib odamod kuu nongkobime, bebeda kemengkoda doraane monmarene yid bidanbed yid baibban.
23379	MAT 6:28	“Ma, komande yiib ebkad ye dowad meenmembirimaib? Kekamune nong wuung amuniib are weneen kuu meenime. Yi kuu yikareb ma deme awinimokban kerene yi ebkad ma ongmimokban.
23382	MAT 6:31	“Kowe, meenmembaraib. Kwamune komo animanbed ananuub o komo okbed ananuub o ebkad kunambed be inwaranuub ande kamaib.
23391	MAT 7:6	“Kwane, komo kuu God ye karadmo yeman kuu kande wabkaddan yaa kondaab, kwananeeb kuu yi kuu wabkad anon areb kowe yimbed amonombesare ewiib kankowe ene bunganiib. Kwane, God ye odamod awinewen kuu kande wabkaddan yaa koraraab, kwamunaneeb kuu yi kuu wabkad awon areb kowe animari dore bunganiiwe kan yon dowood yeman keraneen.
23401	MAT 7:16	“Kumban, yi kami kuu at yob komarewa iraneen areb kumbed wedmende yiibkaadkeraniib. Ma, karub kuu nongyikdem aom kumbed ayob amun ani yeman bimaib dee, yedob kuu yiriwad arimbed bimaib dee?
23411	MAT 7:26	“Kumban, kane kanembed ne weng kekee wengamberekoriwa kwamune kankowe awinokban keraniib kuu, yi korem kuu inameniibban karub yambib kubuk arimbed yenboon areb.
23416	MAT 8:2	Kaningki bowiib ye karub kwangkon menene Yesu ye murubia ari dangbodin bumangke yedmoon, “Yariman, eb dowakeniib keroka ebbed ongmewebko amun kere ne karub yaa ika dabokna.” andoon.
23417	MAT 8:3	Kwane, Yesumbed ye dingki yirene karub yaa angkoronene yedmoon, “Ee, ne dowaken keraan ee. Kwane amun kerok.” andoone kirodmo ye kaningki bob kuu amun keroon.
23420	MAT 8:6	kwane yedmoon, “Yariman, ne deme karub kuu yona dingkia ida yidne wonoona durud yewed miin arewayiib ambiwoom angkeen kii.” andoon.
23421	MAT 8:7	Andoone, Yesumbed ye yaa yedmoon, “Ee, nembed wene ongmaniin.” andoon.
23422	MAT 8:8	Rommanbed inande yedmoon, “Yariman, ewaningko kuu ari, ne kuu yirimo kowe, ne kuu yiminban, eb nende nambiwoom wini kuu. Kowe kwamune no wengmo yedmebko ne deme karub kuu amun kerok.
23435	MAT 8:21	Kwane, ye yoman winimaib ye karub mamaa menene yedmoon, “Yariman, ee andebko ibduruk kuu domoweewo wene nambe mangkekorid, eb yoman mana.” andoon.
23445	MAT 8:31	awad arewambed Yesu yaa eekmiwen, “Kwane, nub kuu yenbure be angka kirarebka, yedmeewo wene awon yi niindem aom awunem.” andiwen.
23462	MAT 9:14	Kwane, Yoon ye kedmengkandeendanbed mene Yesu yaa kaamoniwen, “Komarewakob, nuwiib Farisidaniib kuu animan koronde God yaa meenimo kamimaub, kumban ma eb kedmengkandeebdan kuu kwanimokban?” andiwen.
23470	MAT 9:22	Kwanuune, Yesu amonombene wonong kuu wedmende yedmendoon, “Dana, kub niindem aom aromne dobere. Kub anam andi kumbed ongmebdoona wadkereeb kii!” andoon. Kwanandoon kumbed kirodmo wonong kuu andemwuroon kuu dowan keroona wadkereen.
23476	MAT 9:28	Yesu kwane ambiwoom awunoona, indob tut karub ayoob ye yaa miniiwe, yembed kaamondoon, “Yiib meeniib kuu ne yimin ongmendaniin ande kwane meeniiwoo?” andoone, “Yariman, ee!” andiwen.
23491	MAT 10:5	Karub wad ayoob kee Yesumbed kwamunime andi ye weng wenebe dakmi dowad yedmoon, “Kwane, Yuudan yi ambibkin bunangka wanaib, Samariadan yi taun aom kwangkon awunaib.
23497	MAT 10:11	“Kwane, wene taun o kambong kuna aom dawunibka karub amun kuu kane ande kaamonime. Inandibka karub kuyaa wene kwane yambiwoom kumaombed dobirime. Doberenib kumbed wene wini yaron keraneen.
23502	MAT 10:16	“Kedi, nembed yiib ben yedmaana weniib, sibi bene kandune dura anoniib aom kiribemoon areb kerundaane weniib, kowe kaadkerime. Arewayiib amuniib ongme andangke amunmo dobirime. Kumban ambarakmiyiibban nangkemmo dobirime.
23549	MAT 11:21	“Korasindan, kaadkerime! Betsedadan kwangkon, kaadkerime! Yiib kuu Yuudan kumban yiib yaa kuu Godbed arewa kerundaneen. Yiib aombed God yaromkono wedmi yeman ongmenabaan kuu kwamune taun Taiyayiib Saidoniib aom kwane ongmenabaan karen kuu, yi kuu Yuudanban kumban unyemanbed yi ambarakmi yaa korondenib ebkad karong korob deebenib mimyob wandi dowad yikbod yi korok ari ben nongkobenib God yaa amonombiwen karen kii!
23563	MAT 12:5	“Ma, amob weng Mosesbed wongkoon kuu yiib ma kimingkindokowoo? God dore Yuudan dore wedyiri dobiridan kuu Sabat aron ari kurikuri boyambib darewoob aom deme awinimaib kowe, Sabat aron ye amob domokbimaib. Kumban kukuu God yaa ambarakmimban, amborom kuu Godbed yi deme kei ande kowoon.
23569	MAT 12:11	Kwane, Yesumbed inande yedmendoon, “Kwane, yiib kanembed ye sibi wene Sabat aron arimbed dem yiri kombaraneen kuu komo kamaniib, kuro nen yaro kowaniib dee, korondaniibkob kuri dobaraneen dee?
23574	MAT 12:16	Ongmekore yi yaa weng yobdoodmo daandimaan, “Kwane, yiib wene ari karub yena yaa ye wengiib dakmenmo yaraib.” ande daandimaan.
23584	MAT 12:26	“Kwane, Seten awene kuu yaro yikareb dore yenburaniib kuu andokbe angkara angkara keri yeman. Kwananiib kuu yi ooni yaromkonoyiib dobaraniib dee?
23585	MAT 12:27	“Kwane, yiibbed yedmiwen kuu ne kuu awad arewa yi korok Belsebul yaningko yaambed awad arewa yenburaan kowe, ma yiib karub kuu kane yaningko yaambed yenburiwen? Kwana kowe, yi kuu yiib weng wengyundaniib kii.
23599	MAT 12:41	“Kwane, Godbed wengyundaneen yaron ari kuu Nineva taundanbed yaro menenib kibikee doriibdan kuu arewa anam kii andaniib, amborom kuu Ninevadan kuu Yona ye amonombi weng wengamberekorib, yi dobiri arewa yaa amonombiwen kowe. Kumban kibikee barang maa Yona yaningko burudande miin darewoob anam yeman kuu ke monoon kei.
23600	MAT 12:42	“Ma, Godbed wengyundaneen yaron ari kuu kan kuri kaaron ye kuinbed yaro menenu kibikee doriibdan kuu arewa anam kii andanuun, amborom kuu okad yimin wandoon yaambed menenu Solomon ye weng kangdom wengambarande muneen kowe. Kumban kibikee barang maa Solomon yaningko burudande miin darewoob anam yeman kuu ke monoon kei.
23628	MAT 13:20	“Kwane, nimakarub yena kuu dumnad yiri okad embengmo ari areb, kane kanembed God Ye Weng wengamberekorib kirodmo kubiyiib awiniwen.
23630	MAT 13:22	“Kwane, nimakarub yena kuu okad yik kawiib ari areb, kane kanembed God Ye Weng wengambiriwen kumban, okad yiri dobiri ye meeni darewoowiib yiribman yemoon baniin kuu nekareb yimin keraniin andi ye dobiriyiib kumbed God Ye Weng dabuknandoon kowe, God Ye Weng kuu idiibban keraneen.
23645	MAT 13:37	Kwane, Yesumbed inande yedmoon, “Kei, karuwa kab amun arumoon kuu Karub Ye Mingki kii.
23653	MAT 13:45	“Ma, Godbed korok kere ooni yeman kuu, berengki karub maa wene bot manimanandeb yaningko peel ande onmenmo yaroon areb.
23694	MAT 14:28	Kwane, Pitambed baande yedmoon, “Yariman, anam ebbed meneeb keroka, ne yaayiib yedme kowebko, ok ari ewiib yaa mana.” andoon.
23696	MAT 14:30	Kumban Pita kwane nuuwa oknondoka wedmendekore, unene ok yiri andowe kubune wenene baandoon, “Yariman, ne nenkoone!” andoon.