59	GEN 3:3	kumban ayob mimo kee nub animokban Godbed amob kowoon nub yaa. Yembed yedmoon, ‘Anaib, awinaib. Kwane ananiib o awinaniib kuu bobnaniib.’ andoon.” andeen.
360	GEN 14:23	eb yiribman kuu ma awinainban. Korem ebka bangkabdandamiin, ebkad nong o yonkad nong awinainban. Kwani kowe, ebbed kekane yedmaabban ‘Abram kuu nembed yiribman yemoon bangkanaan kowe, ye kuu yiribman yemoon ye karub keroon.’ andaabban.
599	GEN 24:7	Yariman, Ambid Ari ye God, yembed nambe yambiwoom yaambed ne wooneen ye okad yaambed nenmonoon. Kwane weng kundukbed yedmewoon ‘Keenan ambibkin kee eb awoya yaa kondaniin.’ andoon kowe, Yariman God ye engyumbed yedin arinambo weneneena awabdaneena ne dana ye dowad wonong kuu kuyaambed nenmananeeb.
606	GEN 24:14	Wonong eb deme karub Aisek ye dowad kowewen ne nekaadkeri yeman kuu kui. Yu mananuun kuu ‘Ok maa yunkawebko ana.’ andaniina yedmanuun ‘Ok ane. Angkon, nembed eb kemo ok bangkanda.’ andanuun. Kwananuun kuu eb weng kunduk ne korok yaa kwananeeb kuu nekaadkeraniin.” andoon.
630	GEN 24:38	Kumban ne dana ye awani dowad wonong kuu wene ne karubkim doriib kuyaa kuu ne amyenimbon yaambed wonong kuu bene.’ andoon.
631	GEN 24:39	Andoone kaamonaan ‘Ma wonong kuu ne yoom monokban kuu komo keraniin.’ andaan.
633	GEN 24:41	Ne amob ongmaan kuyaa kuu ne karubkim yaa wananeewa yi yiminban andaniib kumbedmo eb kuu dabab kuu kandaabban.’ andoon.
636	GEN 24:44	yedmanuun ‘Ok ane. Angkon, nembed eb kemo ok bangkanda.’ andanuun kuu ne korok ye mingki ye dowad wonong beni yeman kuu kui yoo andeni baamonaniin.’ andaan.
637	GEN 24:45	Kurikuri dowan kerindo kuned Rebeka ok pot darewoowiib kumbed wene ok yuundeen, kurikuri kere dowan keraankin. ‘Ok maa yunkawebko ana.’ andaane
638	GEN 24:46	ok kirodmo yu kandom arimbed nanyiri kowenu yedmeen ‘Ok ane. Angkon, nembed eb kemo ok bangkanda.’ anduune, ok kuu anaane ne kemo kuu ok bangkandeen.
639	GEN 24:47	Kwane yu yaa kaamondaan ‘Ub ambe kuu kane?’ andaane ‘Nambe kuu Betuel, Nehor yoom Milka yoom yi mingki.’ anduune kumkum kande yangdem yaa derenendekore yeed dingki ari deebendaan.
735	GEN 27:7	‘Dingkan kuu ayekoreb animan ambod amun nekwe nengke kanmenebko, anekori nembed Yariman God ye arinambo arimbed amun kerubda, amaan kuu bobnaniin kowe.’ andoon
885	GEN 31:11	God ye engyumbed kiyuum angka ne yaa baandoon ‘Yekob’ andoone ‘Ee, kee doriin kei.’ andaane,
887	GEN 31:13	Ne kuu God, Betel yaambed wane angkarene wengabdaane ebbed bot doboob numone kowekore, oil bune amob ongmewen ne yaa kii. Kibireb yaa eb yiribman korem nekwekoreb, ambibkin kee koronde eb wooneen ye okad yaa ika wene.’ andoon, kiyuum angkambed ne yaa.” andoon.
903	GEN 31:29	Ne enbandi kuu yimin, kumban amnoom eb ambe ye Godbed daawene yedmewoon ‘Ebkaadkere! Weng amun o weng arewa Yekob yaa daanaab.’ andoon.
938	GEN 32:10	Kwamune, Yekob kurikuri kere yedmoon “Oo nawo Abraham ye God, nambe Aisek ye God! Yariman oo! Ebbed yedmewewen ‘Ika eb ambibkiniib eb ena ambeyiib eb karubkimiib yaa wene. Eb yaa oone amun amun kamaniin.’ andewen.
941	GEN 32:13	Ebbed ne yaa yedmewen ‘Ne kuu korobe ooneni awabdeni ongmaniina dobere dana yemoon kereneeb, karamok kebed yaa ye kubuk mimim kimingki yiminban areb keraniib.’ andewen.” andoon.
947	GEN 32:19	eb kuu kwamune yedme ‘Dingkan kab korem kee eb deme karub Yekob yeman kii! Yi kuu munob dingkan ye korok Isau yaa bangkanoon. Angkon ye kuu nub yoman meneen.’ ande.” andoon.
1159	GEN 39:9	Ambib keyaom kuu ne kuu korok darewoob. Karub maa kanembed kuu ne arewiibban. Kowe, ne korokbed ne yaa kuu ‘Ne kumkam kee araben awinaneeb kuu yimin.’ andoon, kumban ma kwamune andindo kubbed kwaneeb kii, amborom kuu kub kuu ye wonong kowe. Komande kub yaa ambarakmi arewa kamaniin? Kwananiin kuu God yaa ambarakmaniin.” andoon.
1275	GEN 42:22	Andiiwe, Rubenbed yedmoon “Ne kuu yedmendaan ‘Kewedman yaa ambarakmaib.’ andaan kui. Kumban, yiib kuu wengambirindo keriwen kowe, ye bobnoon ye kakman ye ukum kanduub kii.” andoon.
1285	GEN 42:32	Nub kuu ambe mimo ye meed, aagoroka wad ayoowiib, mamaa kuu dowan, angkon yeenbon dana kuu kewedman kowe, ambe yoom Keenan yaa doriib.’ anduwen.
1287	GEN 42:34	Kumban yiib daman yeenbon kuu ne yaa nenminime. Kwananiib kumbed ne kuu nekaadkerekori, yiib kuu darobidanban, anam ye karub andaniin. Andekori, yiib aagorok kuu yiib yaa angkon ika kondaniin, angkon yiib kuu okad keyaom nub yaa berengkiiwo yiib yaa berengkuuwo kamenabanuub kuu yimin.’ andoon.” andiwen.
1290	GEN 42:37	Andoone, Rubenbed yawodki yaa yedmoon “Kwane, Benjamin kuu eb yaa angkon ika nenmonokban keraka, ne karub dana ayoob kuu yengkadme. Ebbed ne yaa ‘Ee, korobe oone.’ andekoreb, domowebko nenwenekori ika nenmana.” andoon
1294	GEN 43:3	kumban Yudambed yawodki yaa man yedmoon “Yi korokbed nub yaa amob darewoob ongme yedmoon ‘Yiib damaniib nenmanaibban kuu ne yumbon aom aomnaibban.’ andoon kowe,
1296	GEN 43:5	Kumban ebbed Benjamin yoom winime andaabban kuu nub wanaubban amborom kuu yembed nub yaa yedmendoon ‘Yiib damaniib nenmanaibban kuu ne yumbon aom aomnaibban.’ andoon kii!” andoon.
1297	GEN 43:6	Kwane, Israelmbed yedmoon “Komande yiibbed yedmiwen ‘Nub kuu damaniib.’ andekoriwa, dabab ne yaa kankawiib?” andoone,
1298	GEN 43:7	yimbed inande yedmiwen “Ye kuu nub yaa kaamobi yemoon keroon. Yembed nub yaa ‘Yiib ambe kuu wad doreen dee? Yiib kuu aagorok maayiib dee?’ ande kwamune kaamondoon kowe, nubbed no inande yedmuwen. Yembed amob ongme yedmoon ‘Yiib damaniib nenminime.’ andoon kuu anuk kuu nubkaadban kii!” andiwen.
1330	GEN 44:5	Komande yiibbed ne yariman ye kabus silva od darewoob yeman yid kandiwen? Kabus kee ye ok ani yeman angkon ye komon yorokmi yeman kii. Keke amob darewoob domokbiwen.’ ande yedme.” andoon.
1345	GEN 44:20	nubbed neman yedmuwen ‘Nub ambe kuu kiomnoon. Angkon kuu ye kiomnoon yaambed dana mingki mimo wooneen. Ye ambang maa awaan mimombed wooneen kuu bobnoon kowe, ye kuu ye awaan anam yaambed aagorok mayiibban. Kwani kowe, awodkimbed ye mimyob darewoob kuyaa kowene ye dowaken dana keroon.’ anduwen.
1346	GEN 44:21	Yariman ee! Ebbed ‘Nenminibko nekarewiib wedmandamiin.’ andewen,
1348	GEN 44:23	Kumban ebbed yedmewen kuu ‘Kewedman kuyiibban kuu ne arinambo ari angkon ma manaibban.’ andeewa,
1350	GEN 44:25	Wunuuwa, nub ambembed yedmoon ‘Yiib angkon wene animan embengmo moone minime.’ andoon,
1351	GEN 44:26	kumban nubbed inande yedmuwen ‘Kewedman kuyiibban kuu ika karub kuye arinambo ari kuu wanaubban.’ anduwen.
1354	GEN 44:29	kowe, ye damaniib nenwananiibkob ye yaa arewa keraneen kuu ne kuu ye dowad mimyob darewoob kowe wene bobnaniin.’ andoon kii!
1357	GEN 44:32	Kowe, nembed ye dana yaa ongme oonaniin andaan nambe yaa, angkon yedmaan ‘Ye kuu nembed eb arinambo ari ika nenkowokban keraniin kuu ne kuu karak dabab darewoob kandaniin. Dabab kee eb kiringkono ari bongmindeban wene bobnaniin kii.’ andaan.
1370	GEN 45:11	Nembed eb dowad kuu oonaniin, amborom kuu weeb angkoyiib kuu animaniibban keraneen kowe. Kwananeeb kuu eb yoom eb ambiwoom doriibdan eb awene yoom eb deme karub yoom eb dingkan yoom, yiib korem kuu mungi bobnenib duknaibban.’ ande yedmime.” andoon.
1419	GEN 46:32	Yi kuu dingkan kab oonidan kowe, yi dingkan kawiib yi yiribman koremiib benminiwen.’ andaniin.
1421	GEN 46:34	neman inande yedmime ‘Nub kuu eb deme karub. Nub kuu dingkan kab oonidan, nub awoya yi deme areb kwane awingkimaub.’ andime. Yiib kuu kwamune andaniib kuu yiib kuu Gosen yaa dobaraniib kuu yimin ande yedmaneen, amborom kuu dingkan kab oonidan kuu Idyip yi dowakenban anam kowe.” andoon.
1456	GEN 48:4	yedmewoon ‘Nembed eb yaa dana yemoon bangkabdaniine yewudmo kere wananeen, angkon nembed eb kuu ongmaniine ambibkin yemoon yi ambokab keraneeb angkon nembed Keenan ambibkin okad korem kuu eb yaa kabdaniine eb awoyambed okad kee aron korem korem yeman kandaniib.’ andoon.
1512	GEN 50:5	‘Nambembed yedmoona, amob ongmaan kuu nambe bobnaneen kuu kanwene ye bobkonombon Keenan ambibkin aom nidkoon kwaom kumbed mangkaniin andaan. Amob kee kowaan kowe, ebbed ee yimin andebka, ne kuu kwari wene nambe ye id mangkekori igakman mananiin.’ andime.” ande Yosefbed yedmoon.
1524	GEN 50:17	Yosef yaa yedmime. ‘Eb aagorokambed eb yaa ambarakmiwen ye kakman kuu are nonondande. Yi kuu eb ambe ye God ye deme karub kowe, angkon yimbed komo arewa eb yaa kamiwen ye dabab kuu are nonondande.’ andoon kii!” ande weng keeniwen. Yosef kuu wengambere mimyob keende inok woon.
15131	PSA 75:5	Nembed kerengkandan yaa yedmaan, ‘Kibikbed ari kuu ma kerengkan kamaib.’ andaan, kwane miin arewa kamenabidan yaa yedmaan, ‘Yiib aromkono yaa kerengkan kamaib.
15132	PSA 75:6	Yiib aromkono yaa miin kerengkan kamaib. Kwane yiib kuu wabkad kere kerengkan kamaib.’ andaan.” andoon.
15299	PSA 82:6	“Nembed yedmaan, ‘Yiib kuu goddan kii, yiib korem kuu Korem Burudandoon Arimbed ye God ye meed.’ andaan.
15368	PSA 87:4	“Idyipdan yoom Babilondan yoom kuu ne yaa anam andaniib kowe, ne karuwa nimaya andaniin. Filistiadaniib Taiyadaniib Kusdaniib kangkon ‘Yi kambong anam kuu Saiyon.’ ande yedmaniin.” ande yedmoon.
15395	PSA 89:5	‘Nembed eb yob dowad aron korem ye yumbon konaniin, kwane eb dibere ooni ye yumbon kuu nimakarub yaro dobere dobere yaro wananiib korem aom kwane angkimbaraneen.’ andaan.” andoon.Selah
15417	PSA 89:27	Yembed ne yaa baande yedmaneen, ‘Eb kuu ne Ambe, ne God, ne Bobni Yaa Burudande Nendi Ye Karub, ne aromkonombon.’ andaneen.
23244	MAT 2:6	‘Kambong Betlehem. Kub aombed Yudea ambibkin angka, kub kuu kambong embeng kumban, taun maa maa yaa Yudea kumaom kuu korok miin darewoob keraneeb, amborom kuu kub aombed King darewoob mananeen kowe, ye kuu ne nimakarub Israeldan oonaneen.’ ande wongkoon.” andiwen.
23282	MAT 4:4	Kumban Yesumbed inande yedmoon, “Yii, God Ye Weng wongkiwen kuu, ‘Nimakarub kuu animaniibmo ane dobaraibban, wadkeri yeman anam kuu Godbed komo dakmeen kwangkon wengambere dobaraniib kumbed yimin.’ ande wongkiwen.” andoon.
23284	MAT 4:6	Kwane awad arewa yi korokbed yedmoon, “Eb kuu God ye Mingki keroka, ebka korongberenande kawene okad yiri kombere, amborom kuu God Ye Weng wongkiwen kuu, ‘Godbed ye engyus yedmaneena, yimbed eb yaa ongme oonebdaniib. Kwane yi dingkimbed eb awine kankoonaniiwa, eb yon kuu bot arimbed wowaanban.’ ande wongkiwen.” andoon.
23285	MAT 4:7	Kumban Yesumbed man yedmoon, “Kekamune angkon God Ye Weng wongkiwen kuu, ‘Yiib Yariman God yaa komboon kaamobaib.’ ande wongkiwen.” andoon.
23288	MAT 4:10	Kumban Yesumbed neman yedmoon, “Seten, koronde wene! Amborom kuu God Ye Weng aombed wongkoon kuu, ‘Yiib Yariman God yaamo bumangkane yaningkomo kankoonenib, ye yaamo wengambere kwanembirime.’ ande wongkoon kui.” andoon.
23324	MAT 5:21	“Yiib wengambiriwen kuu unyeman anuk yaambed dakmoon kuu ‘Yiib kumkayiib o kumaniib yenbandaib. Kanembed kumkayiib o kumaniib yenbandaneen kuu wengyunde dabab darewoob konaneen.’ ande wongkoon.
23330	MAT 5:27	“Yiib wengambiriwen kuu ‘Nenem kamaib.’ ande wongkoon, God Ye Weng aombed.
23334	MAT 5:31	“Kekamune God Ye Weng aombed yedmoon kuu, ‘Karub kanembed kwamune ye wonong dankoraroka ye kuu yu yaa dankorari ye kerekiib wane kankondaneen kumbed yimin.’ ande wongkoon.
23336	MAT 5:33	“Yiib wengambiriwen kuu nimakarub unyeman anuk yirimbed dobiriwen yaa God Ye Weng aombed dakmoon kuu, ‘Yiibbed wiim aangke amob ongmiwen kuu ika yiibkareb domokbaib’, kumban ‘Yariman ye dowad ongmiwen kuu kwamune oone awinime.’ ande wongkoon.
23341	MAT 5:38	“Yiib wengambiriwen kuu, ‘Karub kanembed karub maa ye indob biangkandoka neman ye indob kwangkon biangkandi yeman, ma ningkambo domokboka neman kwangkon ye ningkambo domokbi yeman.’ andimaib.
23346	MAT 5:43	“Yiib wengambiriwen kuu, ‘Yiib dia doriibdan yaa mimyob keendime’, ma ‘Yiib bondan yaa kuu arud wandime.’ andimaib.
23364	MAT 6:13	Kwane, ambarakmaniib dee andi ye kiwaan ari nub ben nongkobaab. No kwane awad arewambed nub yaa manaan ye dowad kuu nub benkoobe.’ kwane andime.
23389	MAT 7:4	Kedi, eb indob aom kuu at kuruk darewoob kwane angkeen kowe, komandewed eb angkodmi yaa yedmenaneeb, ‘Korondeewo nembed at mon eb indob aom kuu kankorara.’ andaneeb?
23407	MAT 7:22	Wengyundi yaron arimbed, nimakarub yemoon daawaniib, ‘Ne Yariman ee! Eb aromkono yaambed eb weng amun ben dakmenub awad arewa yedme yenburenub God yaromkono wedmi yeman yemoon kamuwen kii.’ andaniib,
23408	MAT 7:23	kumban ne weng dianmoyiib yedmendaniin, ‘Yiib kuu ne nimakarubban, ne yaa koronde winime, yiib kuu ne amob domabangke ambarakmembirimaib kowe.’ andaniin.
23461	MAT 9:13	Kumban wenebenib God Ye Weng ye id komarewa dakmeen kuu meenime. Godbed yedmoon, ‘Ne dowaken kuu mimyob kowi awine, aye ningke agedmo kere konimban.’ andoon. Ne kuu kwamune mene yorokmodan amonombime andi dowad minindo, ambarakmidan yaa amonombime andi dowad manaan.” andoon.
23522	MAT 10:36	Karub ye bondan kuu yika yikareb yambib kumaommo.’
23538	MAT 11:10	Ye yaa Godbed kwane andoone wongkiwen kuu kei. ‘Nembed ne weng kanwini ye karub yedmaniina yedin wene eb wananeeb ye kiwaan kuu yembed ongmene nekwaneen.’ ande wongkiwen.
23545	MAT 11:17	‘Nub kuu yiib dowad yurin wurumuwen kumban, yiib ma kube andenabindo, ma nub kuu mimyob wandi ye damakob wingkuwen kumban, yiib kuu ma ameng kamindo.’ andiwen. “Yiib kuu kwamune areb kii,
23547	MAT 11:19	Ma, Karub Ye Mingki menene animan amuniib ok wainiib anene kedmengkandimaan kumban, yiibbed no yedmenimaib, ‘Kedi, ye kuu animan yaamo inamen kowemberene ok arewamo kenambun anemberene kamembirimaan ye karub, angkara ye kuu tak od bidan yoom ambarakmidan yoom yi angkodmi kii.’ andimaib. Kumban God ye meeni kangdomdan kuu yi amun amun kami kuu yena yaa korokboka yi kuu yorokmo andi yeman.” andoon.
23565	MAT 12:7	Godbed dakmoone wongkoon kuu ‘Ne dowaken kuu yiibbed mimyob keendimamime, dingkan nengke agedmo keroka baeb koni kuu ne dowakenban.’ ande wongkoon. Weng id kee yiibbed kandiwen karen, aniwen kumban ambarakmindodan keyaa wengyunde butun kamindo karen.
23602	MAT 12:44	Kwane, awad arewa yekareb yedmaneen, ‘Ii ambib koronde manaan kumaom kuu ika wene wedma.’ andaneen. Kwamune mene wedmaneene, arenib yiribman kuu nekwane ongme yirimbonmo amun keriwen kumban ma doborokban kowe,
23623	MAT 13:15	amborom kuu kwamune keyedan kee yi niindem aom kamkono kerenib, yi wengambiri korondenib, yi indob korem imbune winiwen kowe. Kwanaibban kuu yi indobbed wedmenib, yi kerendembed wengamberenib, yi niindem aombed weng id kandenib, amonombiiwa, nembed ongmendaniin.’ kwane wongkoon.
23636	MAT 13:28	Yembed inande yedmoon, ‘Ei, kee bonman maambed kamoon kii.’ andoon. Kwanandoone, ye demedanbed kaamoniwen, ‘Kwanoka, awine biangke kiradmanuuwoo?’ andiwen.
23706	MAT 15:4	Kedi, Godbed yedmoon, ‘Yiib ambe ena yi weng wengambere awandime.’ andoon. Ma yedmoon kuu, ‘Kanembed ambe ena yaa amkidbaneen kuu ayiwed bobni yeman.’ andoon.
23707	MAT 15:5	“Kumban yiibbed kedmengkandimaib kuu kanembed ambe o ena yaa yedmaneen, ‘Ne yiribman yaambed komo yiib yaa awandaniin kuu kan God yaa munob koni yeman kowe, yiib yaa kondindeban.’ andaneen kuu yimin, yiibbed kedmengkandimaib kuu.
23743	MAT 16:2	Yesumbed inande yedmoon, “Oobne aron kubunanuun kuu yirim kanabaneen kuu yimbed yedmimaib, ‘Oo kwana kowe awari kuu amiibban keraneen.’ andimaib.
23744	MAT 16:3	Kwane, amkimo yaro kangka kuu amukambidiib ambid dodmoyiib wedme ‘Kibikee am aron kii.’ andimaib. Yiib yiibkaad ambid arimbed komarewa korokbimaane kuu wedme kaadkerimaib, kumban kibikee komo keroon kee wedme id bene kaadkerindo.
23789	MAT 17:20	Kwanandiiwe, Yesumbed inandoon, “Yiib kwanindo keriwen amborom kuu yiib anam andi kuu wuudmo. Kedi, nembed yiib yaa ke anam yedmendaan kei, yiib anam andi kuu aromne mastet yob embeng mana areb keraneen kuu aangko yaa baande yedmaniib, ‘Yakuri wene.’ andaniiwa kwananuun. God ye inameniib komo kamandameeb kuu yiminmo.” andoon.
23822	MAT 18:26	Kwanandoone, karub kuu kirod bumangkane okad yiri korok kankibinene eekme yedmoon, ‘Ne yaa yodbirimban iwari meedmeewo, eb dungkum ne yaa kuu korem ari inebda.’ andoon.
23823	MAT 18:27	Kwanandoona, kingbed ye yaa mimyob keenekore yedmoon, ‘Ne dungkum eb yaa kuu korondaan kii. Kowe, eb koronde wene.’ andoona wonoon.
23825	MAT 18:29	Kumban yangkodmi kuu kirod bumangkane eekme yedmoon, ‘Ne yaa yodbirimban iwari meedmeewo, eb dungkum ne yaa kuu ari inebda.’ andoon.
23836	MAT 19:5	Kwane, Godbed yedmoon, ‘Kwamunekob, karub kuu yawodkia awaana domonde ye wonong yaa daboknaneen, daboknaneena yi ayoob kuu id mimo keraniib.’ andoon.
23865	MAT 20:4	Kwane, yembed yedmendoon, ‘Yiib kwangkon wene ne nong yob deme awinime, od kuu yiminmo bangkandaniin yiib yaa.’ andoon kowe,
23868	MAT 20:7	Kwanandoone yimbed inande yedmeniwen, ‘Kwane doruub amborom kuu karub kanembed nub deme awini dowad bindo.’ andiwen. Kwanandiiwa kwane yedmoon, ‘Yiib kwangkon kwane wene ne nong yob deme awinime.’ andoon.
23869	MAT 20:8	“Kwane aron oobneya keruuna, mongkobon yariman kuu yaro ye deme karub korok yaa yedmenoon, ‘Baandeewo deme awiniwendan kuu menebiiwo od bangkande, yomanbed baandaan kumbed andowe bangkandenmo wene yiri yidin baandaan yaa nande.’ andoon.
23873	MAT 20:12	yedmeniwen, ‘Keye karub kuu yi yomanbed aron dukmenmo awiniwen, ma nub kuu aron darewoob amkimombed wene oobneya deme awinuwen, angkon aron angkara aron nimin darewoob kanduwen kumban angkon od kuu yiyiib nuwiib ibmo kwane bangkandeeb kuu yiminban.’ andiwen.
23886	MAT 20:25	Kwane, Yesumbed yi korem baandoona nedbiiwa yedmendoon, “Yiib yiibkaad, korok korok okad kiri ooniwen kuu kwamune, ‘Nembedmo yimin ne weng yaambedmo wengambirime.’ andimaib. Kwane yi korok korokbed yi ambibkindan kankubunaiwe korok yi dabderem aom dobirimaib.
23898	MAT 21:3	Kwane, karub kanembed weng maa yiib yaa daandoka, ye yaa yedmenime, ‘Yarimanbed ye dowaken kwane benminime andoonkob.’ andime. Kwaniiwo, kirodmo ‘Benyuroko benwinime.’ andaneen.” andoon.
23908	MAT 21:13	Kwanekore, daandoon, “Kekamune, God Ye Weng kumaom wongkiwen kuu, ‘Ne kurikuri boyambib darewoob kuu kurikuri yambib andaniib.’ kwane wongkiwen, kumban yiib kwanimaib kumbed ‘yid bimaibdan yi ambib’ areb kereen.” andoon.
23911	MAT 21:16	Norin wandekorib, Yesu yaa kaamoniwen, “Danambed kwane dakmiib kuu wengamberewenoo?” andiwen. Andiiwe, Yesumbed inande yedmoon, “Ee. Yiib kuu God Ye Weng kee ‘Ebbed kinewenkob dana manayiib dana darewoowiib kuu eb aningko kankoonimaib.’ kuu ma kimingkindokowoo?” andoon.
23916	MAT 21:21	Kwanandiiwe, Yesumbed inande yedmoon, “Nembed yiib yaa ke anam yedmendaan kei, yiib kuu anam andi kerenib karekmiyiibban kuu kwane at yaa komo keroon kwamunemo kamaniib kuu yimin. Kwamune ari kuu aangko yaa kwangkon kwane yedmaniib, ‘Kub kuu nenwene karamok yiri korarok.’ andaniib kuu Godbed kwananeen.
23923	MAT 21:28	Kwane, Yesumbed yedmoon, “Yiib komarewa meenaniib? Kwane karub maa kuu ye dana kewed ayoob doriib. Kowe, awodki wene wonobman yaa yedmoon, ‘Ne dana, kibikee eb wene nong yob mongkobon angka deme awine.’ andoone,
23924	MAT 21:29	‘Yii, korondaan.’ ande inandoon, kumban aman ye inamen amonombe wene nong yob mongkobon angka deme awinoon.
23925	MAT 21:30	Kwane, awodki wene dana mingki ningki yaa kwangkon ayi yaa daanoon areb kwane daanoon. Daanoone, ‘Ee, ambe, kwananiin.’ andoon, kumban ye wene deme kwane awinindo korondoon.
23932	MAT 21:37	“Kwani kowe, yarimanbed yedmoon, ‘Ne dana kee, yi kuu ye yaa amun amun kamenib ye weng wengambere kwananiib.’ andoona yeenbon wonoon.
23933	MAT 21:38	Kumban, kwamune mongkobon ooniwendan kuu wedmekorib yikareb dakmiwen, ‘Ke meneen kee, yariman ye yumbon kandi ye karub kii. Wene aye kowekorub, nubbed ye okad kee be nubka oonem.’ ande kamiwen.
23945	MAT 22:4	Kwane, ika ye demedan yenayiib ben yedmendoon, ‘Orok ari minime andaandan yaa kuu minime andime. Buromakau kowiib yeekori bungeni mengkanabeni animan amun amun nekwe dang keraan kowe, wonong orokbon kuu minime andime.’ andoon.
23950	MAT 22:9	kwane wenenib, kiwaan ari bendom bendom yaa wenenib kane kane wedmaniib yaa kuu “Menebenib orok animan anime.” ande dakmenmo yarime.’ andoon.
23973	MAT 22:32	Weng kee, ‘Ne kuu Abraham ye God, Aisek ye God, Yekob ye God kui.’ andoon. Kwanandoon yaron kuu yi kuu yoworiwen kumban yi kingkin kuu wad doriib kowe, ye kuu korem wad doriib yi God.” andoon.
23978	MAT 22:37	Kwane, Yesumbed neman inandoon, “Amob darewoob kuu kei. ‘Eb Yariman God yaa eb mimyob kumundiniib eb kingkin kumundiniib eb inamen kumundiniib kwane mimyob dowaken keene.’
23980	MAT 22:39	Ma, amob ayoob kuu kei. ‘Eb dia doriibdan kuu mimyob dowaken keende, ebmeren kwanimaab areb.’
24003	MAT 23:16	“Yiib kuu indob tut kere kiwaan kei ande ben kinban winimaibdan kui! Godbed yiib yaa arewa kerundaneen. Yiibbed kekane yedmimaib, ‘Karub kanembed kurikuri boyambib darewoob yaningko yaambed amob ongmaneen kuu amob bongmi kuu yimin. Kumban kanembed kurikuri boyambib darewoob yu od gold yaningko yaambed amob ongmaneen kuu amob bongmindeban keraneen.’ andimaib.