23230	MAT 1:17	Enoba bodere Eibaramubairoma abuamutu arebe arebe arebe are Deiwidibai fotini (14) are me sini. Nono Deiwidibairoma abuamutu are Babaronia orofaro oita kowabai mui fotini (14) are me sini. Nono i Babaronia orofaro oita kowabairoma abuamutu arebe are Godi Danu ma wiroe mune aneta Amara Yesubai mui fotini(14) are me sini.
23468	MAT 9:20	Ido anitaro mui aweta ofe derawere wourebe onono woroworo munebi. Oya tuero (12) eno munebi. I awetama eno we imui, Danu wadia fifiro burimate wiromau we imuite Yesunu dubena afuro farite Danu wadia fifiro buri.
23487	MAT 10:1	Yesuma weiro Danu iwata ueta uwara tuero (12) Dawabai fata. Fataro Yesuma ema seitaninu siosa imumu we yowefitate ofe aika maika wouretaini oferi aika maika ma wirofitae iba emaba buna mai.
23488	MAT 10:2	I uwara tueronu (12) ifuna ewado, botaina Saimoni danu mui ifuna Fita. Dawaini danu dabue Enuduruini Jebedinu amara Jeimisini danu dabue Joni. Emaini Firifini Batoromiuini Tomasini i takesi muneta amara Matiu. Emaini Arofiasinu amara Jeimisini Tediasini Keinani amara Saimonini Yesu do mai amara Judasi Isikarioti. Emanu ifu ifu ido.
23491	MAT 10:5	Yesuma i uwara tuero (12) siaia uteda sina eno we kakara ui, i Ju me aika uwarabai da aniawete i Samaria uwaranu su suro da aniawete i Isaraero uwara, i uwarana feareta mamoe ari, i uwarabai aniawe wei.
23529	MAT 11:1	Yesuma Danu iwata ueta uwara tuero (12) emaba we mawetu ue me sinite ani. Anite i Ju uwaranu natofo su suro we mawetu utebi.
23616	MAT 13:8	Moana yo kobere nasiniro itatate waraegou utate tai faiyawere uwata. Tai demurairoma tai wani aderedi (100) uwani. Mui tai demurairoma tai sikisiti (60) uwani. Mui tai demurairoma tai toti (30) uwani weite wei, ya ome bobo uwarana Nanu sina nauegou uawe wei.
23631	MAT 13:23	Anama Godinu sina nauteda iwata utasuba dawa Godinu gaukara utasu. Mui amarama Godinu gaukara derawere utasu yawietana wani aderedi (100) ari utasu. Mui amarama Godinu gaukara deranono utasu yawietana sikisiti (60) ari utasu. Mui amarama Godinu gaukara kikiratu utasu yawietana toti (30) ari utasu, Yesuma wei.
23686	MAT 14:20	I uwara nesia itaro dia uri. Ie me sitaro iwo muduna mutate bosioro youtaro bosio tuero (12) wate fata.
23808	MAT 18:12	Ewa imue eawe! Mui amarama mamoe wani aderedi (100) boboro nono mamoe demurairatu feafisuna mamoe nainiti naini (99) maidaniro ekodifite i mamoe demurai dobere anibisu. Eno ufisu aba me? Aiwia eno ufisu.
23820	MAT 18:24	Eno utebina mui gaukara amarama dawabai fari. I amarama dera kinibai oi derawere teni mirioni kina (K10,000,00) munite nono moko matawa ui.
23859	MAT 19:28	Weiro Yesuma emaba wei, ba wemaro nauawe, i Ba Eme Sini Amarama i reka fafisu orofaro Danu kobere yawoeta yaureta deiro yaufisu. Yaubifiro yana Nanu buribi anaita uwarama mui yawoeta yaureta deiro yaufote i Isaraero uwaranu abua tuero (12) yawofoita wei.
23878	MAT 20:17	Yesuini Danu iwata ueta uwaraini Jerusaremu suro anita. Anebitana Yesuma Danu iwata ueta uwara tuero (12) ema mune aika odite emaba wei, Jerusaremu suro anaisi eawe. Iro fafero i Ba Eme Sini Amara i dera fuyo ode sina weta uwaraini tarawatu tisa uwaranu age duro odifitaro Dawa uifie webitate i aika uwaranu age duro odifitaita.
23885	MAT 20:24	Weiro i moana iwata ueta uwara teni (10) i sina nautate i amara sadeiba ibo uta.
24078	MAT 25:1	Godinu ure yawoetana ewa sina ari Yesuma wei. Arumami teni (10) emanu nanefa mutate i aweta muneta amara atafitae anita.
24092	MAT 25:15	Mui amaraba fai tausani kina (K5,000) maite mui amaraba tu tausani kina (K2,000) maite mui amaraba wani tausani kina (K1,000) mai. I uwaranu buna aika maikaba iba oi aika maika mai. I oi mae me sinite iroma mui orofaro ani.
24137	MAT 26:14	Judasi Isikarioti dawana Yesunu mui tuero (12) iwata ueta amara. Dawa i dera fuyo ode sina weta uwarabai anite wei, Yesu yanu agero odimauna naba ane mafoita wei? Weiro dawaba siriwa oi toti (30) mata.
24143	MAT 26:20	Yawi sinina Yesuini Danu iwata ueta uwara tuero (12) ieta itebita.
24280	MAT 28:16	Yesunu iwata ueta uwara ireweni (11) Gareri orofaro anita. Ane fatate Yesunu wei maidani iro manita.
24371	MRK 3:14	Yesu eme nesina tuero (12) Dawaini ibetaba munite Danu sina webiro webitae munite seitaninu siosa imumu mune saneibitae buna derawere mai.
24400	MRK 4:8	Moana uiti yo kobere nasiniro itatate waraegou utate tai faiyawere uwata. Moana faiya nono uwata, tai demurairoma tai nesia toti (30) uwata. Moana faiyawere uwata, tai demurairoma tai nesia sikisiti (60) uwata. moana faiya faiyawere uwata, tai demurairoma tai nesia wani aderedi uwata (100) wei.
24402	MRK 4:10	Duburo i guruguru uta uwara anitaro moana inaibita uwaraini Danu iwata ueta uwara nesia tuero (12) i kasei sinanu ubi dobetate weitaro wei, Godima Danu ureroma nesia yawoe anasu kiwu sina ma borobarasuro ya iwata utaita. Nono Godinu sina nautawa uwara kasei sinaroma torowa nautaitate kasei sinanu ubi iwawa utaita wei.
24412	MRK 4:20	Moana uwara ema kobere nasini ari. Godinu sina nautaitate imuegou uteda emanu kobere ueta yawietana faiyanono toti (30) ari utaita. Moana uwara faiyawere nautaita, emanu kobere yawietana sikisiti (60) ari utaita. Moana uwara faiya faiyawere nautaita, emanu kobere yawietana wani aderedi (100) ari utaita, Yesuma wei.
24453	MRK 5:20	Anite Dikaforisi su teni (10) ibita orofaro ane Yesunu bunaini neno arama ueta nesia we inarebiro i uwara nesia nautebitate neno kirifu utebita.
24458	MRK 5:25	Mui awetaini anita. I aweta ofe derawere wourite onono munebi. Oya tuero (12) muneda dogetabai inarebi. Oya tuero danu oi sane me sinite wirotawa ofe derawere daido ibebi. Ibebiro iro Yesunu buna ueta nauite iba ani.
24484	MRK 6:8	I kowaro Yesuma siaia ufiro anibitae weiro Danu iwata ueta uwara tuero (12) Dawabai fata. Fatate sadei sadei aneibitate seitaninu moana siosa imumu mune saneibitae buna derawere maite wei, ietaini yoateini oini da mubote akurini sadoroini barueta wadia demurai torowa muboita wei.
24515	MRK 6:39	Weitaro Yesuma wei, wiawero kabesi aika maika yaufita wei. Weiro mui kabesiro uwara wani aderedi (100) yauta. Mui kabesiro uwara fifiti (50) yauta.
24518	MRK 6:42	Itaro dia uriro iwoiwo mutate bosio youtaro bosio tuero (12) wate fata.
24588	MRK 8:19	Bodere Na buredi nesia fai (5) ma birabiarero eme faiyawere fai tausani (5,000) itaro iwo muduna bosio abo abo youta wei? Weina bosio nesia tuero (12) yousi weita.
24689	MRK 10:32	Jerusaremu dabaro Yesu ko manebi. Maniro Danu iwata ueta uwara neno kirifu utate manitaro moana uwara iyatate manita. Yesuma Danu uwara tuero (12) munite kebiro anite duburo fafisu uetaba wei, Jerusaremu suro anibero mui amarama Ba Eme Sini Amaraba wawei sina webite mafiro dera fuyo ode sina weta uwaraini tarawatu tisa uwara dawa mubitate ma uieta sina webitaita wei.
24698	MRK 10:41	Danu moana uwara teni (10) i sina nautate Jeimisini Joniba ibo utaro Yesuma emaba yua weite wei, i aika dera yawoeta uwarama emanu uwaraba kimuwere yawoteda emanu imueta emaba kimuwere odaitaro ya ue iwata utaita wei.
24720	MRK 11:11	Fare anite Jerusaremu suro ane farite Dera dubu su ubare mui koruro amui. Amuite iro ane ane nesia erebiro yawi siniba ekodi. Dawaini Danu uwara tuero (12) owere Beteni suro ane fata.
24833	MRK 14:10	Judasi Isikarioti, dawa Yesunu mui tuero (12) iwata ueta amara, dana dera fuyo ode sina weta uwaraba wawei webie fare anite weiro nautate yaru utate oi mafitae weita. Weitaro Judasi Isikariotima Yesu do mafie daba doberebi.
24892	MRK 14:69	Kokora webiro i arumama nono erite guruguru ubita uwaraba wei, ewa amara Yesunu amara weina Fitama na me wei. Duburo i guruguru ubita uwarama Fitaba weita, ana i uwara tuero (12) emanu domaya. Ana Gareri amarade weita.
24956	MRK 16:14	Nono duburo Danu uwara ireweni (11) ieta iteda yaubitaro emabai ane fari. Farite Danu torowa ma boroyarite emanu imutawa uetaini neno kimu uetaini ieta uwaranu emaba are weita sina nautawa uetaba dua sina wei.
25084	LUK 2:42	Yesu oya tuero (12) muniro emanu kakara anebita enanari anita. Iro ane ibebita.
25095	LUK 3:1	Taibiriasi Sisa, Romani gaemani dera yawoeta amara, dawa oya fifitini (15) i orofa nesia yawotebi. Danu botai yawotebi oya fotini (14) me siniro dubu oya yawotebina Godima Danu sina Jonibai siaia uiro dawabai tarari. Joni Sakaraiyanu amara, dawa eme ibawa orofaro ibebiro Godinu sina dawabai tarari. I kowaro Faeratina Judia orofa yawotebi. Erodima Gareri orofa yawotebi. Erodi danu dabue Firifima Aituriaini Turekonaitini orofa yawotebi. Risaniasima Eibirina orofa yawotebi. Einasini Kaiyafasini ema i dera fuyo ode sina weta gaukara utebisi.
25228	LUK 6:13	Waikukuro Danu buribi aneta uwara nesia yua weiro Dawabai mane fata. Mane fataro emabairoma amara tuero (12) we munite emaba ya afosoro uwara wei.
25315	LUK 8:1	Mui kowaro Yesuma Godinu yawotasu orofa kobere sina we inarebi. Danu uwara tueroini (12) Dawaini anitaro Yesuma seitaninu moana siosa imumu bobo ofe woureta ma wiroi awetabo Dawaini anita. Moana awetabonu ifuna eno, Meri, Maderini waita aweta. Yesuma i awetanu neno ubareroma seitaninu siosa imumu nesia seweni (7) we yowerite i aweta ma wiroi.
25322	LUK 8:8	Moana yo kobere nasiniro itatate waraegou utate tai faiya faiyawere uwata. Yo demurairaturoma mui tai wani aderedi (100) uwani weite wei, i ome bobo uwara Nanu watane sina nauegou uawe wei.
25357	LUK 8:43	Mui awetaini ani. I aweta ofe derawere woureda oya tuero (12) onono munebi. Oya tuero (12) onono munedaba dogetabai inarebe danu oi sane me siniro wirotawa ui.
25371	LUK 9:1	Mui kowaro Yesuma weiro Danu iwata ueta uwara tuero (12) Dawabai fata. Fataro Yesuma ema seitaninu moana siosa imumu we yowefitate ofe aika maika woureta ma wirofitae iba emaba buna mai.
25387	LUK 9:17	Nata nata utaro mune itaro dia uri. Ie me sitaro ieta iwo muduna mutate bosio youta. Bosio nesia tuero (12) youtaro wate fari.
25591	LUK 13:4	I Sairomu uita uwaranu ikiki nauta? Uwara eitini (18) etu yafa gebiro su ubu utaro i su jugari uite i uwara uriro uita. I uita uwarana siosawere uwara nono i moana Jerusaremu suro ibeta uwarana siosa me we imutaita?
25598	LUK 13:11	We mawetu uite erina seitaninu mui siosa imumuma mui aweta ma arama uiro ragani eitini (18) rorowarau anawa daubite yaubiro Yesuma eri.
25603	LUK 13:16	Eno utaitaba ewa aweta Eibaramunu sisia aruma, seitanima dawa oya eitini (18) ma arama uiro ibasu iba dawa sabate kowaro wirofisu aba me wei?
25641	LUK 14:19	Mui amarama wei, na borumakau nesia teni (10) oiya uneba animate ema ere bou umauba iba ogaro da animau wei.
25653	LUK 14:31	Imue eawe! Mui dera yawoeta kini amarama mui kini amaraini ane urafie uteda botai yaufite danu meremere uwara yawifisu. Danu meremere uwara faiya me teni tausani (10,000) torowa nono i mui kini amaranu meremere uwarana faiya faiyawere tueniti tausaniba (20,000) iba imuegou ufisu.
25660	LUK 15:3	Yesuma emaba kasei sinaroma wei, yabai mui amarama mamoe wani aderedi (100) boboro nono mamoe demurairatu feafisuna mamoe nainiti naini (99) eme ibawa orofaro ekodifite i mamoe demurai doberebe doberebe atafisu. Eno ufisu aba me?
25665	LUK 15:8	Yesuma eno weite mui kasei sina nono eno wei, aweta demurai danu teni (10) siriwa oi boboro nono demurai feafisuna nanefa beafite yawewe aifite doberegou utebe utebe atafisu. Eno ufisu aba me wei?
25695	LUK 16:6	Weina wani aderedi (100) kerosini duromu ari wei. Weiro yawoeta amarama wei, anu feifa mune anu moko fifiti (50) owawa ue odia wei.
25696	LUK 16:7	Eno weite mui amaraba wei, nanu dera amaraba ane moko mafasu wei? Weina raisi begi ari wani aderedi (100) mamau wei. Weiro yawoeta amarama wei, anu feifa sau mune anu moko eiti (80) owawa ue odia wei.
25732	LUK 17:12	Yesu ido ane mui suro farina moana amaima bobo uwara nesia teni (10) dawa atatate etararo inaibeda derawere yua weita, Yesu, Dera Amara, ya neno arama ua weita.
25737	LUK 17:17	I amara eno uiro Yesuma wei, uwara nesia teni (10) wirota aba me? I moana uwara naini (9) aboro anita wei?
25788	LUK 18:31	Yesuma Danu amara tuero (12) mune aika odite emaba wei, Jerusaremu suro anaisi eawe wei. Iro fafeisina Godinu we bou ueta uwarama i Ba Eme Sini Amaraba anene webita sina enanari ufisu wei.
25813	LUK 19:13	Enoba danu gaukara uwara nesia teni (10) weiro dawabai fata. Dawabai fataro emaba tueniti kina (K20) tueniti kina maite wei, ewa oi yawoegou uawete besenesi gaukara uawero fama wei.
25817	LUK 19:17	Weiro dera amarama wei, ana kobere gaukara amara. Ana kikiratu kobererau yawosinuba natofo su teni (10) yawofasu wei.
25818	LUK 19:18	Mui abana amarama wei, dera amara, anu mai tueniti kina (K20) mui wani aderedi kina (K100) deiro odine wei.
25936	LUK 22:3	I kowaro seitanima Judasi Isikariotinu neno ubarero itari. Judasina Yesunu mui tuero (12) iwata ueta amara.
25963	LUK 22:30	Nanu yawoeta orofa iro Nanu kaiyobai yaubeda Naini ietaini ogoini ifote i Isaraero uwaranu abua tuero (12) yawoteiboita wei.
25980	LUK 22:47	Yesuma eno weina eme fefera ido fata. Judasi mui tuero (12) iwata ueta amara dawa ko fariro i uwara nesia danu buribi fata. Fataro Judasima Yesubai farite Yesu koku uiba Yesuma wei, Judasi, i Ba Eme Sini Amarabai koku utasuna ina eno uraneta uwara woure fareda utasu wei?
26068	LUK 24:8	Eno weisiro Danu sina imutate uri oeta kabesi ekoitate anita. Ane Yesu Danu iwata ueta uwara nesia irewenini (11) nono moana uwarabai i eta sina nesia weita.
26093	LUK 24:33	Idoba i amara sadeima emanu su ekoisite iroma Jerusaremu suro owere anisi. Jerusaremu suro ane fasiro Yesuma iwata ueta uwara nesia irewenini (11) Yesunu buribi aneta uwaraini i amara sadeiba weita, yanu Dera Amara uyarinu. Dawa Fitabai farinua weita!
26339	JHN 6:13	Weiro buredi iwo muduna mutate bosio youtaro bosio tuero (12) wate fata.
26393	JHN 6:67	Anitaro Yesuma Danu iwata ueta uwara tueroba (12) wei, ya enanari Na ekodifote yanu unu dabaro aniboita, wei?
26396	JHN 6:70	Weiro Yesuma emaba wei, ya uwara tuero (12) Nana we mune odero nono mui amara dawana seitani wei.
26397	JHN 6:71	Yesuma Saimoni Isikariotinu amara Judasiba wei. Judasi dawa mui tuero (12) iwata ueta amara. Judasima Yesu do mafisu amara.
26975	JHN 21:8	Eno uina i moana iwata ueta uwarana boutiro anita. Ane erio egi wate fari woto ma youre maguaro ane fata. Emanu daba yafa me, fuyaratu, wani aderedi (100) mita torowa.
26978	JHN 21:11	Weiba Saimoni Fitama boutiro anite erio egi bobo woto fokia ma youre maguaro odi. Wotoro erio egi wanaderedi fifiti tiri (153) faiyawererogo woto ma babarawa ui.
27007	ACT 1:15	I kowaro Fitama uyarite guruguru ubita uwara faiyawere, wani aderedi tueniti (120) emaba wei, masigu, Godinu bukaro wei, enanari ui. Imumu Kotofuma Judasinu ueta nesiaba Deiwidinu bebeturoma wei. I amarama Yesuba do maiba Yesu muta.
27018	ACT 1:26	Weitate erawa utate mui ifu mutate etana Mataiusinu ifu muta. Eno utaba Mataiusima mui afosoro tueronu (12) kabesi munite mui afosoro amara sini.
27032	ACT 2:14	I nautebita uwarama eno weitaba Fitaini i amara ireweni (11) ido uyatate Fitama wei, nanu Ju uwaraini Jerusaremu suro yaubinita uwara nesia, nanu sina nauegou uawe wei.
27172	ACT 6:2	Eno utaba i tuero (12) afosoro uwarama i Godinu sina naueta uwara nesia yua weitaro fata. Fataro weita, Godinu sina da webete ietaini oini nata nata ufeisina ina kobererau meba iba Godinu Imumu Kotofu bobo beforo bunawere uwara seweni (7) muawero i nata nata ueta gaukararo odife weita.
27193	ACT 7:8	Godima Danu we bou ueta Eibaramuba mai. I we bou uetanu towanana ofe tureta. Eibaramuma Aisiki yanae muniro kuitanu kowa eita (8) me siniro danu ofe turi. Aisikima Jeikofu yanae muni. Jeikofu yanu sirorari uwara tuero (12) yanae muni.
27197	ACT 7:12	Ieta Ijifi orofaro ibinu weitaro Jeikofu nauite danu adarabu ireweni (11) iro siaia uiro anitate oweta.
27410	ACT 12:4	Weiro anitate Fita budari utate mune ana eba suro oita. Oitaro Erodima weiro meremere uwara faiyawere nesia sikisitini (16) dawa yawota. Erodima eno we imui, Godima Isaraero uwara Ijifiroma woure aneta ogaro me sibiro Fita i Ju uwaranu iboro woure odimate ma uimau we imui. Eno we imuiro Fita diburaro oitaro ibi.
27661	ACT 19:7	Amara tuero (12) eno uta.
27673	ACT 19:19	Moana wada barau uwarama emanu barau ibaiabaini bukaini woure kabesi demurairo sane oitate inama yata. I bukana faiyawere. I bukanu dawana teni tausani kina (K10,000).
27848	ACT 24:11	Kowa tuero (12) me sini, i buribi dera dubu suro anete guriguri ue wei. I kowa iwata utasu wei.
28109	ROM 4:19	Dawa iwata, danu ofe kimu uiba ina uieta amaranu ofe ari sinono ui. Danu oyana wanaderedi (100). Danu aweta Sera dawa burukawereba dawa kuita da mubisu eno iwata uite danu naueta ma wawana wawana utawa Godibai kimuwere odegou ui.
28791	1CO 15:5	Yesuma uietaroma uyarite Fitabai fariro eri. Nono i mui iwata ueta uwara tuerobai (12) fariro eta.
29092	2CO 12:2	Na iwata, Godima mui amara, dana na, ma uyariro Godinu ibinu urero dawa urero yadama mani. Dawa boderewere mani. I maneta kowaroma are ewa kowaro oya fotini (14) arebe are me sininu. (Dawa ba ofe boboro mani aba imumuro torowa mani na iwata me. Godi Dawa iwata utasu).
29142	GAL 1:18	Godima na yua weiro nauete oya rarogonu me siniro ido Jerusaremu suro mane nanu ununa Fita atamate iwata umane iba dawabai mane farete kowa fifitini (15) iro ibebitara.
29145	GAL 1:21	Iro kowa fifitini (15) ibebe ekodete iroma Siriaini Sirisia orofaro ane.
29149	GAL 2:1	Na aboro aboro inarebe Godinu afosoro uwarabai anawa ue. Emabai anawa uero oya fotini (14) me siniro nono Jerusaremu suro ane. Banabasini Taitasini naini yana Jerusaremu suro anisi.
30334	JAS 1:1	Na Jeimisi, nana Godini yanu Dera Waria Amara Yesu Kerisonu gaukara amara. Ya mui abua tuero (12) Isaraero uwara yanu ba su ekoitate orofa atata aika maikaro wo bogaru ue anitaba yaba ario sina weda ya uwarabai ewa owawa siaia umane iba owawa ue odatane. |L
30597	2PE 3:8	Naiyemutu ewa sina nauegou uawe. Yanu Dera Waria Amarama imutasu, kowa demuraini oya wani tausani (1000) ina arotorowa eno imutasu.
30882	REV 7:4	Dana naba eno wei, i isi muta uwarana faiya faiyawere. I Isaraero abuamutu uwara nesiabairoma uwara faiyawere wani aderedi foti fo tausani (144,000) mune Godibai odi weiro naue. Emanu yawietana eno, Juda uwarabairoma uwara tuero tausani (12,000) mune emanu beforo Danu isi sane odi. Rubeni uwarabairoma uwara tuero tausani emanu befororo Danu isi sane odi. Gedi uwarabairoma uwara tuero tausani mune emanu befororo enanari sane odi.
30960	REV 12:1	Nono mui ereta derawere urero ere. Ina eno, mui aweta iro ibiro ere. I aweta danu baruetana kowa baruite danu kofina muina tuero (12) odite i sakara deiro inaibeda dana kuita sau mubie uteda oferi derawere woureda i webi.
30965	REV 12:6	I aweta iyarite i eme ibawa orofaro ani. Godima i orofana dawaba ue bou ue odiba iro ibifiro kowa tuero aderedi sikisiti (1260) dawaba ieta mafite yawofisu.
31109	REV 20:2	Dana nasiniro itarite i dera uwaya ari emeru, i dera tabaiwere danu mui ifuna dewira o seitani waita dawa munite oya faiyawere wani tausani (1000) ibifie iba senima uwane tari.
31111	REV 20:4	Nana mui eno ere, moana yaure yawoeta orofaro moana uwara yautaro ere. Godima emaba buna mairo emeba koto uta. Nana erena moana uwarama Yesunu we ma boroyari ba sinaini Godinu sina webitaba uwarama ema urebitaro uitebitaro emanu imumu Godibai manitaro emanu imumu nana ere. I uwarama i buna egini danu imumubai guriguri utawa utate ema unutawa danu isi emanu beforoini agero oetaba iba munawa uta. Emana uitebitate nono uietaroma uyarebitaba emaini Yesu Kerisoini oya wani tausani (1000) yawofitaita.
31112	REV 20:5	I uietaroma uyaretana ina botai uietaroma uyareta. Moana uwarama uietaroma da uyafitaro oya wani tausani (1000) me sibiro nono uyafitaita.
31134	REV 21:12	I natofo sunu dowana edaroma eminaro yafawere. I dowaro kasimu tuero (12) ibitaro aneru tueroma (12) yawota. I kasimuro Jeikofunu adarabu ifu ifu owawaroma yanataro ibita.
31136	REV 21:14	I tauninu dowa danu taiyana gebiro nesia tuero (12). I taiyanaro i Reka Mamoenu afosoro uwara tueronu ifu ibita.
31151	REV 22:2	I ogo iroma wawaro amuite i tauninu daba abanaro fare ani. I ogo etarafu mui wiroeta ana inaibiro ewafu mui wiroeta ana inaibi. I ana inaibeda tai ibo aika maika tuero (12) sakara demui demuiro eno uwanebita. Nono emanu tatana i orofa atata uwara nesianu ma wiroeta.