23230	MAT 1:17	Enoba bodere Eibaramubairoma abuamutu arebe arebe arebe are Deiwidibai fotini (14) are me sini. Nono Deiwidibairoma abuamutu are Babaronia orofaro oita kowabai mui fotini (14) are me sini. Nono i Babaronia orofaro oita kowabairoma abuamutu arebe are Godi Danu ma wiroe mune aneta Amara Yesubai mui fotini(14) are me sini.
23280	MAT 4:2	Yesuma iro ibeda kowa fotini (40) dumu foti (40) ieta itawa. Ieta itawa me ibebe kowa foti (40) me siniro Yesu osi derawere uri.
23740	MAT 15:38	Eme fo tausani (4,000) faiyawere itaro awetaboini koiniboroini ieta ita.
23751	MAT 16:10	Nono buredi seweni (7) ma birabiarero eme fo tausani (4,000) itaro bosaru bosio aboabo youta?
24297	MRK 1:13	Anite Dawa kowa faiyawere foti (40) iro ane ibebiro seitanima Yesu ue efie Dawabai fari. Yesu awe egini ibebiro aneruma taratate Yesu yawotebita.
24578	MRK 8:9	Eme faiyawere (4,000) uwarama ieta ita. Itaro Yesu ema odiro anita.
24589	MRK 8:20	Weitaro wei, nono buredi nesia seweni (7) ma birabiarero eme faiyawere fo tausani (4,000) itaro iwo muduna bosio abo abo youta wei? Weina bosio nesia seweni (7) yousi weitaro wei, awona i uero eta iwata utaita aba me wei? Ieta torowa da imuawete kobere naueta ueta imuawe wei.
25078	LUK 2:36	I kowaro mui we bou ueta aweta danu ifuna Ena, dawa dera dubu su fefenaro ibi. Dana Fanueronu aruma, i Asura Ju uwarana danu abua demurai uwara. I awetana burukawere. Aweraini oya seweni (7) ibebisiro awera uiro danu torowa oya faiyawere, eiti fo (84) ibebi. I awetama dera dubu su ekodawa, iro kowaini dumuini ibeda guriguri uteda moana kowaro ieta itawa utebi.
25095	LUK 3:1	Taibiriasi Sisa, Romani gaemani dera yawoeta amara, dawa oya fifitini (15) i orofa nesia yawotebi. Danu botai yawotebi oya fotini (14) me siniro dubu oya yawotebina Godima Danu sina Jonibai siaia uiro dawabai tarari. Joni Sakaraiyanu amara, dawa eme ibawa orofaro ibebiro Godinu sina dawabai tarari. I kowaro Faeratina Judia orofa yawotebi. Erodima Gareri orofa yawotebi. Erodi danu dabue Firifima Aituriaini Turekonaitini orofa yawotebi. Risaniasima Eibirina orofa yawotebi. Einasini Kaiyafasini ema i dera fuyo ode sina weta gaukara utebisi.
25134	LUK 4:2	Ane odiro Yesuma iro kowa foti (40) ibebina seitanima Yesu ue erebi. Yesuma kowa foti (40) iro ibeda ieta itawa me ibebe kowa me siniro osi derawere uiro.
25808	LUK 19:8	Sakiyasima Yesunu iboro inarite wei, Dera Amara ea, nanu ibaiabai bebemate enabirafu nabai ibifiro enabirafu ibaiabai me uwaraba mamau wei. Weite wei, mui amaranu ibaiabai waira uena dawaba ini nono mui fo (4) deiro mamau wei.
26184	JHN 2:20	Weiro weita, ewa dera dubu su oya foti sikisi (46) ubu utedibebita nono anu aikana i kowa rarogonuro ubu ufae wasu weita?
26260	JHN 4:35	Yesu eno weite wei, ya eno waita, sakara fo (4) me sibiro yanu beataro ieta ibaiabai daufeisi waitaro nono Nana yaba eno watane, i eme nesia eawe, emanu nenona ba sineta ieta ariba i daureta kowa ido farinu watane wei.
26609	JHN 11:17	Yesu Beteni suro ido ane farina Rasarosi uri ue oitaro kowa fo (4) uriro ainibi.
26631	JHN 11:39	Mui gebiroma i uri bebetoro garari ue oitaro ibiba Yesuma wei, i gebiro mune eta kebiro odiawe wei. Weiro i uiro uri ue oita amara dawaini uruama itasi aruma, Matama wei, danu uieta kowa nesia fo (4) me sininuba urara fafisu wei.
26917	JHN 19:23	I ami uwarama Yesu korosiro oitate Yesunu wadia mune nata nata utate kabesi fo (4) ode ode uta. Ami uwara foma (4) Yesu korosiro oitaba iba eno uta. Danu dei baruetaini mutaro nono i dei baruetana kobere wadia, abanaro fifinu ueta me. I wadia deiroma wowonaro rorowarau ubu uiba i ami uwarama we mataneda weita, ewa wadia da ma babafete kasi waribo ufero anama mubisu weita. Godinu bukaroma wasu sina enanari ufisuba iba eno uta. Godinu bukaroma wasu, Nanu wadia mune nata nata ufitate Nanu dei baruetaba kasi waribo ufitaita, eno wasuba iba i ami uwarama enanari uta.
26995	ACT 1:3	Yesuma ba uite uietaroma uyarite emaba Danu torowa ma boroyariba Dawa uitawa awonana urero me ibinu. Dana emabai sakara demurai kowa teni, ina nesia kowa foti (40), ibeda Godinu yawotasu orofaba weda wei, Jerusaremuro ibeda aika da aniawe wei. Nono emaba wei, ewaro yawoawe weite wei Godinu we bou ui sina bodere wero nauta enanari ufisu wei.
27113	ACT 4:22	I wiroi amarana reka amara me. Danu oyana foti (40). Kanisoro uwarama buna derawere sina we kakara utate fanisi matawa uteda me siaia utaro anita.
27164	ACT 5:36	Bodere mui amara danu ifu Teudasi ido yare inarite na dera amara weiro uwara faiyawere fo aderedi (400) dawabai ane taka uta. Eno utaro Teudasi ido ma uitaba danu buribi inareta uwara nesina daba aika maika anita.
27191	ACT 7:6	Godima mui sina Eibaramuba eno wei, anu koiniboro ewa orofa duburo ekodifitate aika orofaro anibitaita. Iro oya faiyawere, fo aderedi (400) ibifitaro aika emema ema kimuwere yawofitaita wei.
27208	ACT 7:23	Mosesima Feronu suro ibebe ibebe oya foti (40) munite uyarite danu Isaraero masigu efie ani.
27215	ACT 7:30	Mosesima iro oya foti (40) ibebe mui kowaro Sainai maidani gigirariro ani. Anebe erina anaraturo ina yarebi. Ina ubarero aneru inaibiro ereda we imui, ewa ane? we imuite durami ue farina Godima wei, Nana anu sirorari uwaranu Godi, Eibaramuini Aisikini Jeikofunu Godina Na wei. Weiro Mosesima iya derawere uyareda erawa ui.
27221	ACT 7:36	Buna uetana faiyawere utebite danu uwara Ijifiroma Kukui Enea ubarero woure fare ani. Yao orofaro ane fatate iro ane fare ane fare utebe oya foti (40) enoma enoma utebita.
27227	ACT 7:42	Utaba Godima i uwara ekodiro i uwarama muinaini kodaraba guriguri utebita. Emanu uetaba Godima we bou ueta uwaranu bukaro wei, yanu eme ibawa orofa oya foti (40) ibeta kowaro fuyo nabai odebita.
27449	ACT 13:18	Woure ane eme ibawa orofaro odite ema oya foti (40) yawotebi. Duburo Godima i Isaraero uwara durua utebiro mui Keinani orofa su su uwaraini uranebita. Enoma enoma utebe orofa su su uwara seweni (7) ure me sitaro Keinani orofa yanu sirorari uwaraba mai. Mairo oya faiyawere fo aderedi fifiti (450) Keinani orofaro ibebita.
27452	ACT 13:21	Odiro yanu sirorari uwarama Godiba weita, yanu ununa kini yabai odia weita. Weitaba Godima Kisanu amara Soro, Benijameninu abuaroma sirorari ui amara emaba mai. Mairo Soroma oya foti (40) ema yawotebi.
27453	ACT 13:22	Oya foti (40) yawotebiro Godima dawa kodite Deiwidi ma uyare emanu kini mune odi. Mune odite wei, ewa amara Jesinu amarana Nanu unu amara. Dana Nanu sina nesia naufisu Godima wei.
27700	ACT 20:6	I Godima Isaraero uwara Ijifiroma woure aneta ogaro kowa me siniro boutiro amusite Firifai suroma Toroasi suro anisi. Anebe anebe kowa fo (4) me siniro Toroasi su musi. Iro fasite kowa seweni (7) yaubisi.
27741	ACT 21:9	Firifi danu karu arumami fo (4). I arumamina awerasi munawa me karu ibeda Godinu sina fo webita.
27754	ACT 21:22	Weitate iba anene ufeisi weita? Anu ewaro fareta sina naufitaitaba iba yanu sina naua weita. Yabai amara fo (4) Godiba we bou utaba awona me yaubinita.
27758	ACT 21:26	Weitaro Foroma naui. Etei mui kowaro Foroini i amara fo (4) dera dubu suro uruama anitate kakara uroeta ogoma urotate dera dubu su ubarero i fuyo oeta uwarabai amuta. I fuyo oeta uwarama emanu kakara kowa ido tutubari uiro kowa seweni (7) me sibiro emanu fuyo egi odifitaro efitae iba emabai amo fata.
27770	ACT 21:38	Weite wei, ana etei Ijifi amara aba me? Etei amarama mui odoro uraneta uwara fo tausani (4000) munite emaini gaemanini uranite eme ibawa orofaro woure ani wei.
27815	ACT 23:13	Uwara foti (40) eno utate i fuyo ode sina weta uwaraini emanu baeta uwarabai anitate weita, ieta da ifete Foro ma uifetema ido ifeisi, we bou utaisi weita.
27823	ACT 23:21	Emanu sinana meo sinaba iba da naua wei, uwara foti (40) feare yaubifitaro Foro fafiro ma uifitaita wei. Anu sina naufitae awona ue bou utaita wei.
27950	ACT 27:27	Uiki sadei me siniro Eidiria enearo me anisi. Dumu abanaro bouti gaukara uwarama we imuta, magua baworo we imutate emanu towoeta na sataro enea ubarero itari. Itariro danu yafa etana foti (40) mita eta. Bouti aniro nono sataro enea ubarero itariro etana toti (30) mita eta.
27952	ACT 27:29	Etate we imuta dera gebiro ane amufeisi we imutate anika fo (4) mune jogono afu enearo sataro itari. Itariro bouti kimu ui. Emanu unu kowa amufie iba guriguri uta.
29092	2CO 12:2	Na iwata, Godima mui amara, dana na, ma uyariro Godinu ibinu urero dawa urero yadama mani. Dawa boderewere mani. I maneta kowaroma are ewa kowaro oya fotini (14) arebe are me sininu. (Dawa ba ofe boboro mani aba imumuro torowa mani na iwata me. Godi Dawa iwata utasu).
29149	GAL 2:1	Na aboro aboro inarebe Godinu afosoro uwarabai anawa ue. Emabai anawa uero oya fotini (14) me siniro nono Jerusaremu suro ane. Banabasini Taitasini naini yana Jerusaremu suro anisi.
29186	GAL 3:17	Ido nanu sina edono, Godima emenu nauetaba ema ma wirofie we bou uteda Danu ifu mai. Dawa eno uiro oya fo aderedi toti (430) me siniro Godima i tarawatu Mosesiba mai. I tarawatuma Godinu botai we bou ueta maiturawa uiro daido ibinu.
30071	HEB 3:9	Iro yanu yanatamutuma Na ue erebita. Nana emaba oya foti (40) durua uteda kobererau utebitararo eredana nono Na unutawa uteda ue erebita.
30079	HEB 3:17	Godima anaba oya foti (40) ibo utebi? Godima i siosawere ue yao orofaro me sara uitebita uwaraba ibo utebi.
30132	HEB 7:1	Mekisideki dana Seiramu orofanu kini amara. Dana i Seiramu orofa uwara yawotebi. Dana i Dera Godinu botai fuyo ode sina weta amara. Eibaramu dana moana kini foini(4) uranebe urane ma serigari uite owere fari. Farebina Mekisidekima ane Eibaramu atanite we ma kobererau ui.
30840	REV 4:4	Nana erena mui yaure yawoeta orofa tueniti fo (24) ima i dera yaure yawoeta orofa ode kara utaro nono dera uwara nesia tueniti fo i yauretaro yaure fare anitaro ere. I uwara nesia emanu wadiana inakeorarabo barutate emanu kofiri baruetana goru eno baruta.
30842	REV 4:6	I dera yaure yawoetanu orofa iboro mui emeru ibiro ere. Ina dera enea ogo, ina garasi ari. Ina roatarau kurisa gebiro ari. Moana me ibene ibene ibeta emeru foma (4) i dera yaure yawoeta orofa ode wayatate inare kara uta. I me ibene ibene ibeta ememetu fo emabaina diti faiyawere ibita. O afuini dubena afuini diti faiyawere ibita.
30845	REV 4:9	I fo me ibene ibene ibeta ememetuma i dera yaure yawoetanu orofaro yaubinu Amarabai Danu ifu we ma derawere utebaitate Dawaba we ma kobererau utebaitana i dera uwara nesia tueniti fo (24) ema i dera yaure yawoetanu orofaro yaubinu me ibene ibene ibeta Godinu iboro arubi utebaitate Dawaba guriguri utebaita. Emana emanu goru kofiri barueta mune Danu iboro odaitate eno soni waita,
30855	REV 5:8	Ane i buka muniro me sinina ido i me ibene ibene ibeta emeru foini i dera uwara tueniti foini (24) ema nesia i Reka Mamoenu iboro arubi uta. Ema nesia gita ari afa waita emetuini korube goru naberoini muta. I korube naberoro fauda ari bonanawere emeruma i korube nabero nesia wate fare ibita. Ina Godinu uwaranu guriguri ueta.
30879	REV 7:1	Ina nesia ue me siniro nana nono erena aneru nesia foma nasininu souko foro (4) inaibitaro ere. Emana inaibeda oyaunu fareta didi ma tarie ibitaro anaroini enearoini nasiniro oyau mamawa ui.
30882	REV 7:4	Dana naba eno wei, i isi muta uwarana faiya faiyawere. I Isaraero abuamutu uwara nesiabairoma uwara faiyawere wani aderedi foti fo tausani (144,000) mune Godibai odi weiro naue. Emanu yawietana eno, Juda uwarabairoma uwara tuero tausani (12,000) mune emanu beforo Danu isi sane odi. Rubeni uwarabairoma uwara tuero tausani emanu befororo Danu isi sane odi. Gedi uwarabairoma uwara tuero tausani mune emanu befororo enanari sane odi.
30889	REV 7:11	I aneru nesiama i dera uwara nesiaini i me ibene ibene ibeta emeru foini (4) i dera yaure yawoetanu orofaini ode kara utate arubi uteda Godibai guriguri utate eno weita, ina ido, Godibai yaru ufero araeta ibifiro iwata ueta nesia ibifiro we ma kobererau ufete Danu ifu we ma derawere ufero i buna nesia ibifisu. I ueta nesia Danuba Dawabai me ibene ibene ibeibisu weita.
30921	REV 9:13	I mui abana aneru danu tawuyo ido ubuiro nauena mui wate Godinu iboro goruma ueta fuyo oeta kabesiro ibinu yawera foma (4) farite wei, i dera Ufareiti waita ogobai uwane tarie oitaro ibinita aneru fo uregari uaro anibita wei.
30956	REV 11:16	Eno weitaro i dera uwara tueniti fo (24) emanu yaure yawoeta orofaro Godinu iboro yaureda ema nesia ubiri tafu rarema uteda Godiba guriguri utate eno weita, yanu Godi, Ana buna derawere. Ana bodere ibebe awonaini daido ibinu. Anu buna derawere munite awona Ana nesia yawotasuba iba ya nesia Aba we ma kobererau utaisi.
31138	REV 21:16	I tauninu souko nesia fo (4). I mamamama nesia arotorowa. I aneruma i tauni danu isuma towoi. I sunu yafaini bodoini edaroma eminaro yafaini nesia arotorowa. Nesia tueniti eita aderedi kiromida (2800) eno towoi.