23218	MAT 1:5	Samoni dana Bouasinu damama. (Bouasinu danuana Reiabu.) Bouasi dana Oubedinu damama. (Oubedinu danuana Ruta.) Oubedi dana Jesinu damama.
23224	MAT 1:11	Josaia dana Jekonaiaini danu dabuemutu emanu damama. I kowaro Babaronia orofa uwarama i Ju uwara mutate Babaronia orofaro dibura odinono uta.
23225	MAT 1:12	I uwarama Ju uwara Babaronia orofaro woure oitaro Jekonaiama Sirutio yanae muni. Sirutio dana Serubabeonu damama.
23230	MAT 1:17	Enoba bodere Eibaramubairoma abuamutu arebe arebe arebe are Deiwidibai fotini (14) are me sini. Nono Deiwidibairoma abuamutu are Babaronia orofaro oita kowabai mui fotini (14) are me sini. Nono i Babaronia orofaro oita kowabairoma abuamutu arebe are Godi Danu ma wiroe mune aneta Amara Yesubai mui fotini(14) are me sini.
23239	MAT 2:1	Merima Yesu Judia orofa Betiremu suro muni. I kowarona dera yawoeta amara Erodima i orofa yawotebi. I muni kowaro moana muinanu ubi iwata derawere uwarama i kowa amueta orofa yafawereroma Jerusaremu suro are fatate weita, i Ju uwaranu reka muninu yawoeta amara aboro? Kowa amueta afu Danu muina esiba iba Dawa guriguri ufene farisia weita.
23243	MAT 2:5	weiro weita, Judia orofa Betiremu suro. Godinu we bou ueta amarama eno owawa ue odi, a Judia orofa Betiremu su, ana su kikiratu nono ana i Judia yawoeta uwarabai ana derawere, abairoma mui dera yawoeta amara uyafite Godinu Isaraero uwara yawofisu, eno owawa ue odi weita.
23246	MAT 2:8	Weite wei, Betiremu suro aniawete i kuita doberegou uawe wei. Kuita doberebe atafoitana nabai are wiawero ma dari Dawabai animate guriguri umau wei.
23254	MAT 2:16	I iwata derawere uwarama Erodibai ane farawa utaro Erodima i uwara na iruita we imuteda ibo derawere ui. Ibo uite dawa i uwarabai iwata uiba moana uwara siaia uteda eno wei, aniawete Betiremu suini nono i gigirari su suro oya sadei me sinawa masiguraratu nesia ma uiawe wei.
23315	MAT 5:12	Yanu moko muneta derawere urero muboitaba yaru derawere uawe. Bodere i uwaranu danatamutuma Godinu we bou ueta uwaraba enanari siosa utebita.
23319	MAT 5:16	Enanari yanu kobere ueta nanefa ario ari uawero emema efitate yanu urero ibinu Baba Godinu ifu we ma derawere ufita Yesuma wei.
23348	MAT 5:45	Eno ufoitana yanu urero ibinu Babanu adarabu siboita. Godima i uwara nesiaba eno uteda Danu kowa ario i kobere uwaraini i siosa uwaraba matasute Danu obi i kobere uwaraini i siosa uwaraba enanari matasu.
23352	MAT 6:1	Yanu ununa emema yanu ueta sineta efitate yanu ifu we ma derawere ufitae iba da uforo. Emema efitate yanu ifu we ma derawere ufitae ufoitana ina yanu moko muneta nono yanu urero ibinu Babama yaba kobererau me maeta moko da mafisu.
23360	MAT 6:9	Guriguri utedana eno wiawe, yanu urero ibinu Baba, Anu ifu kakarawereba Aba ititi kakara utaisi.
23377	MAT 6:26	I gasira imue eawe. I gasirama ana tai waitawa ana tai fira utawa, emabai ietata oeta su mero nono yanu urero ibinu Babama emaba ieta matasu. Godima ema imuteda nono yabana derawere imuegou utasu.
23383	MAT 6:32	I Ju me aika uwarama ina doberegou utaitaro nono yanu urero ibinu Baba ina yanu ibeta Dawa iwata utasu.
23406	MAT 7:21	Moana uwara faiyawere Naba Dera Amara, Dera Amara waitana nono i uwara nesia i ure yawoeta orofaro da anibitaro Nanu urero ibinu Babanu imueta utaita uwarama torowa iro anibitaita.
23431	MAT 8:17	Bodere Godinu we bou ueta amara Isaiyama weiba Yesuma enanari ui. Isaiyama eno wei, Dawa yanu ofe ba me munite yanu oferi woureta mune ma wiroi, Isaiyama eno wei.
23434	MAT 8:20	Weiro Yesuma dawaba wei, i oi egina emanu su bobo, gasirana emanu mowa bobo, nono i Ba Eme Sini Amara Danu aineta kabesina me wei.
23454	MAT 9:6	Yesuma eno weite wei, i nasiniro inarasu Ba Eme Sini Amaranu buna derawereba iba emenu neno neno ueta munasute imutawa utasuro yana nesia ereda iwata utaita weite i age sanawa buri inarawa amaraba wei, uyate anu wia muate anu suro ania wei.
23470	MAT 9:22	Buriro Yesuma owerite i aweta ereda wei, aruma, neno kimu ua. Anu naueta derawereba iba wirosinu wei. Weina i aweta daido ba ido wiroi.
23488	MAT 10:2	I uwara tueronu (12) ifuna ewado, botaina Saimoni danu mui ifuna Fita. Dawaini danu dabue Enuduruini Jebedinu amara Jeimisini danu dabue Joni. Emaini Firifini Batoromiuini Tomasini i takesi muneta amara Matiu. Emaini Arofiasinu amara Jeimisini Tediasini Keinani amara Saimonini Yesu do mai amara Judasi Isikarioti. Emanu ifu ifu ido.
23509	MAT 10:23	Yaba siosawere ufitaitana mui natofo suro sau aniawe wei. Yaba ba watane, i Isaraero uwaranu su suro anebe anebe sau da ane me siboro i Ba Eme Sini Amarama ido fafisu wei.
23510	MAT 10:24	I ue iwata amarana derawere me, danu tisa amarana derawere. I gaukara amarana derawere me, danu dawa yawoeta amarana derawere. I ue iwata amaraini tisa amaraini arotorowa sibisisina ina ido. I gaukara amaraini yawoeta amaraini arotorowa sibisisina ina ido Yesuma wei. Na i su ubi amaraba Biesabo, seitani waitana, ya i su gaukara uwaraini ifu siosararabo webitaita wei?
23515	MAT 10:29	Emema gui gasira sadei kiki gebiro oi demuraima oiya ue mataitaro itaita. Mui gasiraratu nasiniro me sara da itafisu. Yanu ure Babama i gasirararatunu itareta Dawa iwata.
23518	MAT 10:32	Anama emebai nanu naueta Yesubai ode webisuna Nana Nanu urero ibinu Bababai dawa Na imutatane wemau.
23519	MAT 10:33	Anama emebai Yesu na iwata me webisuna Nana Nanu urero ibinu Bababai i amara dawa Na iwata me wemau wei.
23547	MAT 11:19	Nono i Ba Eme Sini Amarama farite buredini wainini itasuro yana eno meo waita, Dawa iteba gabariwere amara, waini itasuro beforo siosa utasu amara. Dana takesi muneta uwaraini neno neno ueta uwaranu domaya waitana Godinu imueta Godinu uwara imufitaitana Dawaini Danu imueta daido ba, i eraita uwarama eno imufitaita, Yesuma eno wei.
23549	MAT 11:21	Enoba Yesuma dua sina emaba wei, ya Korasini su uwaraini Besaida su uwaraini eforo! Godinu buna ueta faiyawere ya erebitaba i Taira su uwaraini Saidoni su uwaraini ina efitarona aramawere wadia barufitate konua kofiri deiro odeda emanu ba me ueta ekodifitae wei.
23550	MAT 11:22	Godinu koto kowa fafiro Godima i Taira su uwaraini Saidoni su uwaraini fanisi kikiratu mafite ya Korasini su uwaraini ya Besaida su uwaraini fanisi derawere mafisu wei.
23553	MAT 11:25	I kowaro Yesuma eno wei, Baba, Ana ureini nasinini yawotasu. Ana Anu imueta nesia i orofa atata iwata derawere uwarabai ma fearasute i koiniboro ari uwarabai ma borobarasuro iba we ma kobererau utatane.
23554	MAT 11:26	Ina Anu kobere imueta iba eno utasu Yesuma wei. Weite Danu iwata ueta uwaraba wei, Nanu Babama Danu imueta nesia Naba matasuro enanari utatane. Emema Nanu Babanu Amara anaiya iwawa utaitaro Godi torowana Danu Amara Dawa iwata utasu. Enanari Godi iwawa utaitaro Godinu Amarama Godi iwata utasute anabai Godi ma borobarasuro emana Godi iwata utaita wei.
23566	MAT 12:8	I Ba Eme Sini Amara Dawana i sabate kowanu ubi amara. Dana i kowa yawotasu, Yesuma wei.
23582	MAT 12:24	I Ferosi uwarama ina nautate weita, ewa amarama i botai siosa imumu Biesabonu bunaro torowa seitaninu siosa imumu we yowerasu weita.
23585	MAT 12:27	Na Biesabonu bunaroma seitaninu siosa imumu we beratanena yanu uwarama seitaninu siosa imumu ananu bunaroma we berataita wei? Ibago i uwarama ya koto ufitate ya meo waita webitaita wei.
23590	MAT 12:32	Anama i Ba Eme Sini Amaraba siosa sina webisuna ina mubite imutawa ufisu. Anama Godinu Imumu Kotofuba siosa sina webisuna ina da mubite imutawa ufiro i siosana dawabai ibene ibene ibeibisu wei.
23598	MAT 12:40	Jonama dera erio eginu desini ubarero kowa rarogonu dumu rarogonu ibiba enanari i Ba Eme Sini Amarama nasini ubarero kowa rarogonu dumu rarogonu ibifisu.
23600	MAT 12:42	Godinu koto kowa fafiro Siba orofanu yawoeta aweta, emanu kuini, uyafite ewa uwara wawei webite do mafisu. Boderewere dana orofa emiroma Soromoninu bunawere we mawetu ueta sina naufie fari. Soromonina dera amara me. Awonana yabai dera amarawere ibinuba i kowaro i awetama uyafite ya wawei webisu wei.
23608	MAT 12:50	Ana anama Nanu urero ibinu Baba Godinu sina nautaitate enanari utaitana emana Nanu nabuemutuini arumaini baya ari wei.
23610	MAT 13:2	Iro yaubiro uwara faiyawere Dawa inare kara utaba Yesuma uyarite bouti ubarero amui. Bouti ubarero amo yauriro i uwarama maguaro inata.
23645	MAT 13:37	Weitaro wei, i kobere tai waitasu amarana i Ba Eme Sini Amara.
23649	MAT 13:41	I Ba Eme Sini Amarama Danu aneru siaia ufiro tarafitate Danu orofaro i siosa ue ereta uwaraini i siosa uwaraini nesia mubitate i uitawa inaro sabitaro iro anibitaita emema emanu nio bijari uteda i webitaita.
23669	MAT 14:3	Bodere Erodima Joni diburaro odi. Erodima danu dabue Firifinu aweta Erodiasi waira ue muni.
23709	MAT 15:7	Weite wei, ya meo meo ueta uwara! Bodere Isaiyama yaba ba we bou uteda wei, Godinu wei sina edono, ewa uwarana Naba bebeturoma waitate nenoma Na imutawa utaita.
23715	MAT 15:13	Weitaro Yesuma wei, Nanu urero Babanu waitawa ui yo nesia Dana ini bobo ma dorodafisu.
23752	MAT 16:11	Ina imutawa utaita? Burediba wiawa unero aneba iwawa utaita? I Ferosi uwaraini Sadusi uwaranu wawareta ira yisiti eforo watane wei.
23754	MAT 16:13	Duburo Yesuma Sesaria Firifai orofaro ane fari. Iro farite Danu iwata ueta uwaraba wei, ewa uwarama i Ba Eme Sini Amarana abo amara waita wei?
23758	MAT 16:17	Weiro Yesuma wei, Saimoni Jonanu amara, Godima a we ma kobererau usinu. Mui amarama i moko sina aba wiawa usinuro Nanu urero ibinu Babama ina aba we ma boroyarinuro iba wenu wei.
23768	MAT 16:27	I Ba Eme Sini Amaraini Danu aneruini ema Danu Damamanu bunaini araetaro fafisuna uwara nesia ane ane utaitaba emaba enanari moko mafisu wei.
23769	MAT 16:28	Yaba ba wemaro nauawe. Moana ewado inaibinita uwarama da uifitaro i Ba Eme Sini Amara Danu yawoeta orofaroma ido fafiro efitate nono uifitaita Yesuma wei.
23778	MAT 17:9	Maidaniroma taratana Yesuma emaba bunawere wei, ewa tubetube erita imumu moana uwaraba da wiawero i Ba Eme Sini Amara uietaroma uyafisuna ido wiawe wei.
23781	MAT 17:12	Nanu sina wemaro nauawe. Iraija dawa fariro emana dawa iwawa utate dawaba siosawere uta. Enanari i Ba Eme Sini Amaraba siosawere ufitaita wei.
23791	MAT 17:22	Duburo Gareri orofaro ibebitana Yesuma emaba wei, i Ba Eme Sini Amara mui uwaranu age duro odifitaro Dawa ufitaro uifiro kowa rarogonu me sibiro uietaroma nono uyafisu wei. Weiba Danu iwata ueta uwara neno siosa derawere uta.
23803	MAT 18:7	Ewa orofa atata uwarabai siosawere ue ereta faiyawere ibinuba siosawere utaita. Ba me ue ereta faiyawere fareibisu. Nono mui amarama mui amarabai ba me ue efisuna Godima dawa fanisi mafisu wei.
23804	MAT 18:8	Yanu mui buri agema ya ma siosa ufisuna i ya ma siosa ufisu buri age umane tuawete buri age demuraima ibifoitana ina kobererau. Buri age sadeima uitawa inaro ya sabitaitana ina siosawereba iba buri age umane tuawe.
23806	MAT 18:10	Koiniboroba ewa amakanu ari emaba me sara nenoma ibo da uforo! Yaba ba wemaro nauawe. Emanu yawoeta aneruna urero Nanu Bababai ibinitaba iba emaba ibo da uforo wei.
23807	MAT 18:11	Weite wei, i Ba Eme Sini Amarama i Godinu sina nautawa uwara ma wirofie iba ewaro fari wei.
23810	MAT 18:14	Enanari yanu urero ibinu Baba Dawa unutawa ewa koiniboro ari uifitate uitawa inaro aneta wei.
23815	MAT 18:19	Nono yaba ba wemaro nauawe. Yabai amara sadeima aba moana uwarama imueta daba demurai imuteda Godibai wenauefitaitana Nanu urero ibinu Babama ina emaba mafisu.
23817	MAT 18:21	Fitama Yesubai farite wei, Dera Waria Amara, nanu naiye naba aboabo siosawere ufiro mumate imutawa umau? Ba me nesia seweni (7) ufiro mumate imutawa umau wei?
23831	MAT 18:35	Enoba yanu yaiyemutunu ba me ueta da mune imutawa ufoitana Nanu urero ibinu Baba Godima yanu ba me ueta da mune imutawa ufisu wei.
23859	MAT 19:28	Weiro Yesuma emaba wei, ba wemaro nauawe, i Ba Eme Sini Amarama i reka fafisu orofaro Danu kobere yawoeta yaureta deiro yaufisu. Yaubifiro yana Nanu buribi anaita uwarama mui yawoeta yaureta deiro yaufote i Isaraero uwaranu abua tuero (12) yawofoita wei.
23874	MAT 20:13	Weitaro waiya ubi amarama emanu mui amaraba wei, naiye, aba siosawere utawa une. Botai oi sina we matanisite siriwa oi demurai yaini naini eno ufeisi weisiba anu oi ido muate ania. Nanu unu i dubu anita uwaraini ya botai anita uwara arotorowa maetaba iba eno mane wei.
23878	MAT 20:17	Yesuini Danu iwata ueta uwaraini Jerusaremu suro anita. Anebitana Yesuma Danu iwata ueta uwara tuero (12) ema mune aika odite emaba wei, Jerusaremu suro anaisi eawe. Iro fafero i Ba Eme Sini Amara i dera fuyo ode sina weta uwaraini tarawatu tisa uwaranu age duro odifitaro Dawa uifie webitate i aika uwaranu age duro odifitaita.
23889	MAT 20:28	Enanari i Ba Eme Sini Amara emema Dawaba durua da ufitaro emeba durua ufie iba ewaro fari. Dawa uifiro Danu wiroeta onono nasiniro itafiro nono Danu ononoma uwara faiyawere moko mae munono ari ufisu wei.
23896	MAT 21:1	Jerusaremu suro fafitae ureda mui su Oriwa Maidani gigiraribai ibi Betifeiji suro are fata. Fataro Yesuma Danu iwata ueta amara sadei siaia uite wei, etei kirisi weto suro aniawa. Ane fafawaisina mui donikini danu otowa natuini doie oitaro inaibinuba efawaisina ema ma uregari uawate woure Nabai arawa.
23912	MAT 21:17	Weite Yesu ema ekodite Jerusaremu suroma Beteni suro ane aini.
23996	MAT 23:9	Yana ewa orofaro mui amaraba Baba da wiawe. Yanu Baba demurai urero ibinua
24022	MAT 23:35	Eno ufoitaba Godima ya fanisi mafisu. I kobere uwaranu ma uietana yanu kerere. Eiborobairoma Barakaiasinu amara Sakaraiyabai, i amara i fuyo oeta kabesini dera dubu su abanaro yana dawa ma uita, i uwara nesianu ma uieta ina yanu kerere.
24041	MAT 24:15	Boderewere Godinu we bou ueta amara Daniera dana eno wei, mui siosawere emetuma kakara su koruro inafiro efoita wei. Enoba ya yawitaita uwara ina iwata utaita, iba eregou ufoe watane Yesuma wei.
24047	MAT 24:21	I kowaro awe derawere uyafisu. Boderewere Godi i orofa atata ubu ui kowaroma awona eno erawa utaisiba nono duburo eno da efoita.
24053	MAT 24:27	Bidama kowa amueta afu kowa itareta afu tiriri ue fa taneda ario utasuro eraita enanari i Ba Eme Sini Amaranu fareta efoita wei.
24056	MAT 24:30	Idoba i kowaro i Ba Eme Sini Amaranu fareta tanana urero ufiro efitate i orofa atata uwara nesia i webitaita. I Ba Eme Sini Amara gosoro bunaini ario derawere ido fafiro efitaita.
24058	MAT 24:32	I boruba ana eawete iwata uawe. Boruba ana reka tua ido yarebasuro obi kowa ido farinu webaita.
24059	MAT 24:33	Enanari Nanu wene i sina nesia ufiro efoitana i Ba Eme Sini Amara fafie uteda bebetoro inarinu iwata ufoita.
24063	MAT 24:37	Noanu kowaro ane ane utebita enanari i Ba Eme Sini Amaranu fareta kowaro ufitaita.
24064	MAT 24:38	Noanu kowaro emema ietaini ogoini itebitate aweta awera munebitana Noa danu bouti ubarero amuiro obi oku derawere ido fariba uwara nesia ogo okuro imuie me sita. Enorogo ema i emabai fafie arebi emetu iwata me. Emanu unu ibaiabai utebitaro oku farite ema woure ane me sinina ido nesia iwata uta. I arina i Ba Eme Sini Amaranu fafisu kowaro enanari ufisu.
24070	MAT 24:44	Idoba i Ba Eme Sini Amaranu fareta kowa ya iwata meba ainewaure toafurau yawoteiboro wei.
24073	MAT 24:47	Ba wemaro nauawe. I yawoeta amarama i amara danu ibaiabai nesia yawofie mune odifisu wei.
24103	MAT 25:26	Weiro wei, ana siosawerero ofe ejiwawere gaukara amara! Nana kimu yawoeta amara. Beata waitawa ietata munatanete ane ane odawa odeda nono munatane.
24108	MAT 25:31	I Ba Eme Sini Amaraini danu aneruini ario derawerero fafitaitana Dawa Danu dera yaure yawoeta orofaro yaufisu.
24109	MAT 25:32	Ido yaufiro i orofa atata uwarama Danu iboro fafitate inafitaita. Inafitaro ema ma saragari ufisu. Mamoe yawoeta amarama danu mamoeini goutini ma saragari uteda aika maika odasu enanari i Ba Eme Sini Amarama i mamoe ari uwara Danu banibira age afuro odifite i gouti ari uwara Danu ewani age afuro odifisu.
24124	MAT 26:1	Yesuma i sina nesia we me sinite Danu iwata ueta uwaraba wei, kowa sadei me sibiro i Godima Isaraero uwara Ijifiroma woure aneta ogaro kowa fafisu. I kowaro i Ba Eme Sini Amara moana uwaranu age duro mafitaro korosiro ure odifitaita wei.
24129	MAT 26:6	Yesuma Beteni suro ane yaubi. Dawa amaima derawere amara Saimoninu suro ane yaubiro mui awetama bonana ogowere, danu dawana derawere, gebiro kawaburo woure farina Yesu ieta itebiro i awetama bonana ogowere Danu kofiriro ma wegari uiro ogo kofiri deiro itari.
24147	MAT 26:24	I Ba Eme Sini Amara uifisu Godinu bukaroma eno wasuba enanari uifisu. Nono Dawa do mafisu amaraba fanisi derawere mafisua wei. I do maeta amaranu danuama dawa da mubirona ina kobererau wei.
24152	MAT 26:29	Ba watane, ewa na didi tai dumamu duburo da imaro Nanu Babanu yawoeta kowa fafisuna Danu yawotasu orofaro kowaro yaini Naini nono ifeisi wei.
24162	MAT 26:39	Weite ema ekodite fuyaratu anite arubi uteda guriguri uite eno wei, Baba, ewa siosawere wakiki ogo ari Nabairoma anibisuna anibisu. Nono Nanu ununa da uate Baba Anu unu torowa ua wei.
24165	MAT 26:42	Eno weite nono anite guriguri uteda wei, Baba ewa siosawere urane yaraneta Nabairoma da anibisuna Anu unu umate uimau wei.
24167	MAT 26:44	Erite nono owerite ani. Ane guriguri uteda enanari weite uyarite Danu iwata ueta uwarabai fari. Farite emaba wei, ya daido nauta ainibeda imoitaita? I kowa ido farinuba i Ba Eme Sini Amara siosawere uwaranu age duro odifitaita.
24176	MAT 26:53	Imue eawe! Nanu unu umauna Nanu Bababa wemaro aneru faiyawere siaia ufiro tarafitate Na durua ufitaita. Na eno umauna Godinu bukaroma wasu sina enanari da ufisu.
24187	MAT 26:64	Weiro Yesuma wei, anu sinana ba wei. Weite wei, awonaroma i Ba Eme Sini Amarama i buna derawere Godinu banibira age afuro yaufite nono duburo i gosoro fafiro efoita wei.
24214	MAT 27:16	I kowaro mui siosawere dibura amara, danu ifuna Barabasi, dawa diburaro ibi.
24215	MAT 27:17	I uwara nesia guruguru utaro Faeratima emaba wei, abo amara ma uregari umau? Barabasi aba Yesu i Keriso waita amara ma uregari umau? Wiawero nauma wei.
24218	MAT 27:20	Nono aubokona i dera fuyo ode sina weta uwaraini Ju uwaranu baeta uwaraini emana i guruguru uwaraba weita, Faeratima webisuna Barabasi ma uregari uate Yesu ma uia wiawe weita.
24219	MAT 27:21	Dera yawoeta amarama nono wei, i amara sadei eawero abo amara ma uregari umau wiawero nauma wei. Weiro Barabasi ma uregari ua weita.
24224	MAT 27:26	Eno weitaro Faeratima Barabasi ma uregari uite weiro i ami uwarama Yesu isuma uta. Utaro Faeratima Yesu korosiro ure odifitae ami uwara emaba mai.
24283	MAT 28:19	Idoba i orofa atata uwara nesiabai aniawete Godinu sina wiawero naufitate Nanu iwata ueta uwara sibitaro ema babataito uawe. Baba Godinu ifuro Danu Amaranu ifuro Danu Imumu Kotofunu ifuro ema babataito uawete Nanu yaba bunawere we sina emaba enanari we mawetu uawero naufita wei. Yabai ibimaro ureini nasini me sibiro yabai daido ibimau. Ina imue eawe Yesuma eno wei.