23216	MAT 1:3	Juda dana Feresini Sira emanu damama. Emanu danuana Teima. Feresi dana Esaromunu damama. Esaromu dana Remunu damama.
23242	MAT 2:4	Erodima weiro i dera fuyo ode sina weta uwaraini tarawatu tisa uwaraini dawabai fata. Fataro wei, i we bou ueta uwarama Keriso aboro mubie weita wei? I kuita, Ju uwaranu kini, aboro muninu wei?
23245	MAT 2:7	Erodima i iwata derawere uwaraba kiwuma weiro dawabai fata. Fataro wei, i muina abo kowaro fariro eta wei?
23266	MAT 3:5	Jerusaremu su uwaraini Judia orofa uwaraini i Jodani orofa mamamama uwara nesia Jonibai fatate emanu neno neno ueta we ma borobayataro Jonima ema Jodani ogoro babataito utebi. Jonima erina i Ferosi uwaraini Sadusi uwaraini dawabai fataro erite emaba wei, ya tabainu muneta! Anama Godinu fafisu neno ka ueta yaba weiba iba serigari ufote iya aniboe nabai durami ue faraita wei?
23296	MAT 4:18	Yesuma Gareri mesau nioro inarebe erina dataeini dabue Saimoni danu mui ifu Fita dawaini danu dabue Enuduruini emanu iwame ogoro sane inarebisiro eri. I amara sadeina erio egi woureta amara sadei.
23304	MAT 5:1	Yesuma i uwara faiyawere erite maidaniro manite yaurina Danu iwata ueta uwara Dawabai mane fata. Fataro emaba yare wei.
23323	MAT 5:20	Yaba wemaro nauawe wei. Weite wei, i Ferosi waita uwaraini tarawatu tisa uwarama aneane kobererau utaitate nono moana ueta uegou utawa utaita. Nono yana Godina torowa Kobererau uegou uforo yanu kobere ueta sinetama i Ferosi uwaraini tarawatu tisa uwaranu ueta sineta serigari ufisuna i ure yawoeta orofaro ane ibifoita wei.
23428	MAT 8:14	Yesuma Fitanu suro amui. Amo erina Fitanu daroya ofe wakiki wourite ainibiro eri.
23429	MAT 8:15	Erite danu agero mamiro ofe wakiki ido toba ui. Toba uiro Fitanu daroyama uyarite Yesuba ieta mai.
23459	MAT 9:11	Fataro i Ferosi uwara etate Yesunu iwata ueta uwaraba weita, yanu tisa amaraini i takesi muneta uwaraini neno neno ueta uwaraini aneba uruama ieta itaita weita?
23462	MAT 9:14	Joninu iwata ueta uwarama Yesubai fatate weita, i Ferosi uwaraini yaini baetaba ieta itawa ka utaiside nono Anu iwata ueta uwarama aneba ka utawa ieta itaita weita?
23482	MAT 9:34	Weitaro i Ferosi uwarama weita, Dawa i dera siosa imumunu bunaroma seitaninu siosa imumu we beratasu weita.
23487	MAT 10:1	Yesuma weiro Danu iwata ueta uwara tuero (12) Dawabai fata. Fataro Yesuma ema seitaninu siosa imumu we yowefitate ofe aika maika wouretaini oferi aika maika ma wirofitae iba emaba buna mai.
23488	MAT 10:2	I uwara tueronu (12) ifuna ewado, botaina Saimoni danu mui ifuna Fita. Dawaini danu dabue Enuduruini Jebedinu amara Jeimisini danu dabue Joni. Emaini Firifini Batoromiuini Tomasini i takesi muneta amara Matiu. Emaini Arofiasinu amara Jeimisini Tediasini Keinani amara Saimonini Yesu do mai amara Judasi Isikarioti. Emanu ifu ifu ido.
23560	MAT 12:2	Eno utebitaro Ferosi uwarama etate Yesuba weita, yanu tarawatuma wasu, sabate kowaro eno da uawe wasude Anu iwata ueta uwarade aneba eno utaita ea weita.
23572	MAT 12:14	Eno uiro i Ferosi uwarama wawaro itatate Dawa anene ufete ma uifeisi weda we matanebita.
23582	MAT 12:24	I Ferosi uwarama ina nautate weita, ewa amarama i botai siosa imumu Biesabonu bunaro torowa seitaninu siosa imumu we yowerasu weita.
23596	MAT 12:38	Moana tarawatu tisa uwaraini Ferosi uwaraini Yesuba weita, Tisa, buna ueta uaro efe weita.
23669	MAT 14:3	Bodere Erodima Joni diburaro odi. Erodima danu dabue Firifinu aweta Erodiasi waira ue muni.
23671	MAT 14:5	Weiba Firifinu aweta Erodiasima ibo uite woroworo webiba Erodima Joni diburaro odite ma uifie wei. Weiro i uwara nesia Joni Godinu we bou ueta amara imutaba Erodima iyarite Joni ma uitawa ui.
23694	MAT 14:28	Weiro Fitama wei, Dera Waria Amara, ina Ana wiaro ogo deiro Abai ama wei.
23695	MAT 14:29	Weiro Yesuma ara wei. Weina Fitama boutiroma itarite Yesubai ani.
23696	MAT 14:30	Anina oyau fariro ufe uyariro Fitama ereda iyarite ogoro inui. Inuteda derawere wei, Dera Waria Amara, na ma wiroa wei.
23697	MAT 14:31	Weiro Yesuma Fitanu agero sau munite wei, ana imueta kikiratu amara! Aneba imutawa usinu wei.
23702	MAT 14:36	Fare oitaro ofe woureta uwarama weita, Anu wadia fifi burifene waisi weita. Idoba ana anama Yesunu wadia fifiro buritana ido wirota.
23703	MAT 15:1	Moana Ferosi uwaraini tarawatu tisa uwaraini Jerusaremu suroma Yesubai ane fatate weita, Anu iwata ueta uwarama yanu baeta uwaranu ueta sina nautawa utaita. Ieta itaitana age urotawa utaita. Aneba eno utaita weita?
23712	MAT 15:10	Yesuma weiro i uwarama Dawabai fata. Fataro Yesuma wei, Nanu sina nauawete enanari ue iwata uawe wei.
23714	MAT 15:12	Danu iwata ueta uwarama Dawabai fatate weita, i Ferosi uwarama Anu sinaba dua uita weita.
23717	MAT 15:15	Fitama Yesuba wei, i kasei sinanu ubi wiaro naufe wei.
23742	MAT 16:1	Moana Ferosi uwaraini Sadusi uwaraini Yesu ue efitae Dawabai fatate weita, buna ueta uaro urero ufiro efe weita.
23747	MAT 16:6	Ferosi uwaraini Sadusi uwaranu sinana wawareta ira yisiti ari. Sina kikiratu webitaitana derawere ufiro emema naufitaitaba eforo watane wei.
23752	MAT 16:11	Ina imutawa utaita? Burediba wiawa unero aneba iwawa utaita? I Ferosi uwaraini Sadusi uwaranu wawareta ira yisiti eforo watane wei.
23753	MAT 16:12	Eno weiba Dawa i Ferosi uwaraini Sadusi uwaranu wawareta ira yisitiba wiawa uite Ferosi uwaraini Sadusi uwara emanu we mawetu uetaba weiro iwata uta.
23754	MAT 16:13	Duburo Yesuma Sesaria Firifai orofaro ane fari. Iro farite Danu iwata ueta uwaraba wei, ewa uwarama i Ba Eme Sini Amarana abo amara waita wei?
23757	MAT 16:16	Weiro Saimoni Fitama wei, Ana Godinu Mesaia, Ana i me ibinu Godinu Amara wei.
23759	MAT 16:18	Fita Nanu sina naua. Ana Fita. Anu ifunu ubina gebiro. Nono i gebiro deiro Nanu sina naueta uwara odimaro i uietanu bunama ina da ma jugari ufisu.
23763	MAT 16:22	Eno we mawetu uiro Fitama Yesu mune aika odite we kakara uteda wei, Dera Waria Amara, nanu ununa Godima i uwaranu ueta mune ekodifisuba Aba eno da ufitae watane wei.
23764	MAT 16:23	Weiro Yesuma owerite Fitaba eno wei, seitani anu imuetama Nanu imueta garari ufie utasuba Nabairoma eta ania weite wei, ana Godinu imueta imutawa, emenu imueta imuteda iba eno wasu wei.
23770	MAT 17:1	Kowa sikisi (6) me siniro Yesuma Fitaini Jeimisini danu dabue Jonini emanu aika munite dera maidaniro mani.
23773	MAT 17:4	Enoba Fitama Yesuba wei, Dera Waria Amara yanu ewado ibinisina kobererau. Anu ununa nana moana kiki suraratu rarogonu umau. Anu mui, Mosesinu mui, Iraijanu mui, Anu ununa ina ubu umauna ubu umau wei.
23793	MAT 17:24	Yesuini Danu uwara Kafenamu suro fata. Fataro i Ju uwaranu dubu su takesi muneta amarama Fitabai farite wei, anu tisa amarama i dubu su takesi oi sanasu aba me wei?
23794	MAT 17:25	Weiro Fitama wei, aiwia, Dawa sanasu wei. Duburo Fitama suro fariro Yesuma wei, Saimoni ane imutasu? I dera kini uwarama abo uwarabai takesi oi munaita? Emanu daburetabai aba moana uwarabai? Ane imutasu wei?
23795	MAT 17:26	Weiro Fitama wei, moana uwarabai wei. Weiro Yesuma wei, idoba i daburetana takesi oi sanawa utaitate me inaraita wei.
23796	MAT 17:27	Nono i dubu su takesi muneta uwara yaba ibo da ufitaitana enearo aniate erio egi kimai ogo abanaro sa. Sate i botai erio egi muate danu bebeturo siriwa oi eate ina aini Naini wanu takesi oi. I oi ido mune i takesi muneta uwarabai ane ma wei. Yesuma eno weiro Fitama enanari ui.
23817	MAT 18:21	Fitama Yesubai farite wei, Dera Waria Amara, nanu naiye naba aboabo siosawere ufiro mumate imutawa umau? Ba me nesia seweni (7) ufiro mumate imutawa umau wei?
23834	MAT 19:3	I Ferosi uwarama Yesubai ue efitae fatate woure ereda weita, mui amarama danu aweta me ekodifie ufisuna yanu tarawatu iba ane wasu weita?
23858	MAT 19:27	Weiro Fitama moko wei, yanu ane ane nesia ekoisite Anu buribi araisia wei. Enoba ane mubeisi wei?
23870	MAT 20:9	Eno weiro i oi yawotebi amarama weiro i kowa otoro anita uwara ido fata. Fataro emaba siriwa oi demurai amara demui demuiba eno matebi.
23886	MAT 20:25	Ibo utaro Yesuma weiro i iwata ueta uwara nesia Dawabai fata. Fataro Yesuma emaba wei, i aika uwaranu dera yawoeta uwarama emanu gaukara uwaraba kimuwere yawoteda emanu imueta emaba kimuwere odaita. Eno utaitana ina ya iwata utaita wei.
23896	MAT 21:1	Jerusaremu suro fafitae ureda mui su Oriwa Maidani gigiraribai ibi Betifeiji suro are fata. Fataro Yesuma Danu iwata ueta amara sadei siaia uite wei, etei kirisi weto suro aniawa. Ane fafawaisina mui donikini danu otowa natuini doie oitaro inaibinuba efawaisina ema ma uregari uawate woure Nabai arawa.
23905	MAT 21:10	Webitaro Yesuma Jerusaremu suro ido fari. Fariro i Jerusaremu uwarama neno wanai uteda weita, ewa amarana ana weita?
23940	MAT 21:45	I dera yawoeta uwaraini Ferosi uwaraini i kasei sina nauteda Dawa yaba wasu we imuta.
23941	MAT 21:46	Eno we imutate Yesu budari ufitae weita. Weitaro i guruguru ubita uwarama Yesu Godinu we bou ueta amara imutaba dera fuyo ode sina weta uwaraini Ferosi uwaraini iyatate ekoita.
23952	MAT 22:11	I dera kini amara i ogaro itebita uwara efie fari. Farina mui amarana i aweta muneta wadia yurawa uiro erite wei, naiye, a aweta muneta wadia bobo mede nono anene ewa suro amusinu wei? Weiro sina wiawa wate mu ui.
23956	MAT 22:15	I Ferosi uwarama Yesu ekoitate wawaro anita. Ane emanu unu Yesu irufitaro Yesu ane moko sina webiro budari ufitae iba emanu aika sina sina we matata.
23975	MAT 22:34	Yesuma i Sadusi uwaranu sina weta daba garari uiro Ferosi uwarama nautate nesia ma aitate Yesubai fata.
23976	MAT 22:35	Fataro mui amarama Yesu ue efie uteda wei, tisa abo tarawatuna i botai tarawatu wei?
23982	MAT 22:41	I Ferosi uwara guruguru utaro Yesuma emaba wenauereda eno wei, Godinu Kerisoba ane waita? Dawa ananu amara wei? Weiro Dawaba weita, Dawa Deiwidinu sisia amara weita.
23988	MAT 23:1	Yesuma i guruguru ubita uwaraini Danu iwata ueta uwaraba wei, i tarawatu tisa uwaraini Ferosi uwaraini Mosesinu tarawatu iwata uteda i Ju uwaranu dubu suro we mawetu utaita wei.
24000	MAT 23:13	Yesuma we kakara sina eno wei, ya tarawatu tisa uwaraini Ferosi uwaraini ya meoma weta uwara eregou uforo! Godinu ure yawoeta orofa daba garari utaitaba emema anawa utaita. Yana iro anawa utaitaro nono emema emanu unu i ure orofaro anibitae utaitana emanu anaita daba garari utaita.
24001	MAT 23:14	Ya tarawatu tisa uwaraini Ferosi uwaraini ya meoma weta uwara eregou uforo! Yana wabu awetaboba meoma uteda emanu ibaiabai nesia suini waira utaitate nono guriguri yafawere irue utaita. Enoba Godima ya fanisi derawere mafisu wei.
24002	MAT 23:15	Ya tarawatu tisa uwaraini Ferosi uwaraini ya meoma weta uwara eregou uforo! Mui amara yanu iwata ueta amara sibie enea ubarero, duero, aboro aboro dobere anaita. Nono mui amarama yanu iwata ueta amara sibisuna yana yanu siosa ueta dawaba maforo siosa derararabo sibiro yaini dawaini uitawa inaro aniboro Godima yaba fanisi mateda dawaba fanisi derawere mafisu wei.
24010	MAT 23:23	Ya tarawatu tisa uwaraini Ferosi uwaraini ya meoma weta uwara eregou uforo! Yana waiyaro ibaiabaini moana kikiratu ibaiabai nesia taisi odegou utaitate nono i tarawatu buna ememetu, uwaraba kobererau uetaini neno arama uetaini Godi naue imuetaini ina utawa utaita. I taisi oetaini ina nesia da imutawa ufote nono i tarawatu ueta nesia uegou uforo wei!
24012	MAT 23:25	Ya tarawatu yawoteda ueta uwaraini Ferosi uwara, yaba watane, eregou uforo! Yana eno utaita, kafusini nabero etu deiro torowa urotaitate nono ubarerona igabuga derawere ibebasu. Enanari yanu ofe deirona urotaitaro nono yanu neno ubarena igabugawere. Iro waira uetaini eme uretaini eno imueta faiyawere imutaita.
24013	MAT 23:26	Ya Ferosi waita uwara. Yana diti basugari bobo uwara ari. I kafusi ubare botai urofoitana danu wawaro roatarau sibisu.
24014	MAT 23:27	Ya tarawatu tisa uwaraini Ferosi uwaraini, ya meoma weta uwara eregou uforo! Yana eme uri oeta kabesi ari. Deiro ariowere ina kobererau. Nono ubarero uieta uwaranu taini igabuga ememetu faiyawere ibinu. Yana i ari.
24016	MAT 23:29	Ya tarawatu tisa uwaraini Ferosi uwaraini ya meoma weta uwara eregou uforo! Yana i we bou ueta uwaranu uri oeta kabesi ma wirotaitate Godinu kobere uwaranu uri oeta kabesiro werei werei ue odeda waita, yanu abuamutubai ibiferona i we bou ueta uwara da ma uifene waita. Eno waitana yana i we bou ueta uwara ma uitebita uwaranu koiniboro weda waita. Eno waitaba emanu siosawere ueta enanari ue me siboita wei.
24021	MAT 23:34	Idoba yabai we bou ueta uwaraini iwata derawere uwaraini tarawatu tisa uwaraini ema nesia yabai siaia umaro fafitaita. Fafitaro moana ma uifote moana korosiro odifote moana yanu dubu suro isuma ufote yanu natofo su suro emaba siosawere ufote ure yowefoita.
24091	MAT 25:14	Godinu ure yawoetana ewa sina ari Yesuma wei. Mui amarama mui orofaro anibie uteda danu gaukara uwara weiro dawabai fata. Fataro ema danu waiyaini suini ibaiabai nesia yawofitae wei. Eno weite danu gaukara uwaraba oi mai.
24097	MAT 25:20	Fataro i fai tausani kina muni amarama danu mui fai tausani kina oi deiro woure farite wei, dera amara, ana naba fai tausani kina mairo nono mui fai tausani kina deiro ue odineba ewado mua wei.
24156	MAT 26:33	Weiro Fitama bunawere wei, i uwara nesia aba maru ufitate A ekodifitaitarogo nono nana A da ekodimau wei.
24158	MAT 26:35	Weiro Fitama wei, aini uimane umauna Aba meo da wemau wei. Eno weiro Danu iwata ueta uwara nesia enanari weita.
24160	MAT 26:37	Weite Fitaini Jebedinu amara sadei munite ani. Anite neno siosa derawere uteda i amara rarogonuba wei, Nanu neno bomu kakei utasuba Na uieta neno utasu wei. Ewado yaubeda Naini yawoawe wei.
24163	MAT 26:40	Weite uyarite Danu iwata ueta uwarabai ane farina nauta aitaro ereda Fitaba wei, ni furatu Naini aneba yawotawa utaita?
24167	MAT 26:44	Erite nono owerite ani. Ane guriguri uteda enanari weite uyarite Danu iwata ueta uwarabai fari. Farite emaba wei, ya daido nauta ainibeda imoitaita? I kowa ido farinuba i Ba Eme Sini Amara siosawere uwaranu age duro odifitaita.
24181	MAT 26:58	Fitama etararowere i uwaranu buribi ani. Ane Kaiyafasinu su teteuro farite i forisimani uwarabai Yesuba ane ufitaro efie yaubi.
24192	MAT 26:69	Eno utebitana Fitama wawa i su teteuro yaubi. Yaubiro mui arumama dawabai farite wei, ana Yesu Gareri Amarabai ibi wei.
24193	MAT 26:70	Weiro Fitama i uwara nesia emanu iboro yaubeda wei, anu sina na iwata me wei.
24195	MAT 26:72	Weiro Fitama wei, firisi, ba watane, i amara na iwata me wei.
24196	MAT 26:73	Duburo i me inaibita uwarama Fitabai fatate weita, ana Danu mui amarade. Aini Danu wate tanana arotorowa waisiba ana Danu mui amara iwata utaisi weita.
24197	MAT 26:74	Weitaro Fitama wei, na meo me, ba watane. Na meo wemauna Godima na ma uifisu. I amara na iwata me eno meo wei. Eno weiro kokora ido wei.
24198	MAT 26:75	Kokora ido weiro Fitama nauite Yesunu bodere wei sina, kokora webiro a ko Nanu ifu rarogonu we ma feafate meo webasu wei. I sina imuteda wawaro anite i derawere wei.
24200	MAT 27:2	We matatate Yesu mutate Danu age uwane taritate Dawa Romani gaemani dera yawoeta amara, Faeratibai woure ane oita.
24211	MAT 27:13	Sina wiawa uiba Faeratima Yesuba wei, emanu wawei weta nausinu? Aneba sina moko wiawa utasu wei?
24215	MAT 27:17	I uwara nesia guruguru utaro Faeratima emaba wei, abo amara ma uregari umau? Barabasi aba Yesu i Keriso waita amara ma uregari umau? Wiawero nauma wei.
24216	MAT 27:18	I uwarama Yesuba ubusi uyareda iba Faeratibai oitaro Faeratima ina iwata ui.
24218	MAT 27:20	Nono aubokona i dera fuyo ode sina weta uwaraini Ju uwaranu baeta uwaraini emana i guruguru uwaraba weita, Faeratima webisuna Barabasi ma uregari uate Yesu ma uia wiawe weita.
24220	MAT 27:22	Weitaro Faeratima wei, Yesu i Keriso waita amaraba anene umau wei? Weina korosiro ure odia weita.
24221	MAT 27:23	Weitaro Faeratima wei, ane siosawere usinu wei? Weina ibo derawere utate weita, korosiro odia weita.
24222	MAT 27:24	Faeratima erina i uwarama danu sina munawa utate urafitae utaba Faeratima ogo danu agero ma wegari uite i uwaranu iboro danu age uroteda wei, Danu uietaba mui emeru da umauba uifisuna nanu kerere me, yanu aika uawe wei.
24224	MAT 27:26	Eno weitaro Faeratima Barabasi ma uregari uite weiro i ami uwarama Yesu isuma uta. Utaro Faeratima Yesu korosiro ure odifitae ami uwara emaba mai.
24226	MAT 27:28	Fatate Yesunu wadia ma kosugari utate i dera yawoeta uwaranu kukuiwere yafa wadia ma baruta.
24256	MAT 27:58	Dawa ido ane farite Faeratibai ane Yesunu ofe mubie fari. Ido ane fariro Faeratima danu uwaraba weiro enanari Yesunu ofe mata.
24260	MAT 27:62	I ogaro ue bou ueta kowa me siniro wai uriro i dera fuyo ode sina weta uwaraini Ferosi uwaraini Faeratibai fatate weita, dera amara, etei meo amara bodere me ibebi i odoro wei, kowa rarogonu me sibiro nono uyamau weiro nausite imutaisiba iba farisia weita.