23223	MAT 1:10	Esikaia dana Manasanu damama. Manasa dana Eimosinu damama. Eimosi dana Josaianu damama.
23228	MAT 1:15	Iriudi dana Iriesanu damama. Iriesa dana Meitaninu damama. Meitani dana Jeikofunu damama.
23229	MAT 1:16	Jeikofu dana Jousefanu damama. Josefa dana Merinu awera. Merima Yesu muni. Yesunu mui ifuna Keriso waita.
23231	MAT 1:18	I Yesu Keriso Danu danuama Dawa muni sinana eno, Yesunu danua Merina bodere datu mata. Josefama mubie datu mataro aweta awera mune matanawa utawa me inarebe dia muni. Godinu Imumu Kotofuma Merinu neno ubarero itariro iba dia munite ibi.
23232	MAT 1:19	Jousefa dana Meri ekodifie we imuirogo nono dana kobere amaraba dawa unutawa emema Meri we iruotoba iba Meri kiwuma ekodifie we imutebi.
23233	MAT 1:20	Eno imutebina Godinu aneru tuberoma farite wei, Deiwidinu amara Jousefa, Meriba iya da uyate dawa anu aweta mua wei. I diaro kuitana Godinu Imumu Kotofuma masinu amara wei.
23234	MAT 1:21	Merima i amara mubiro Danu ifu Yesu maibasuba Dana Danu uwaranu neno neno uetaroma ma wirofisu aneruma eno wei.
23237	MAT 1:24	Jousefa nauta ainibebe ido uyarite Godinu anerunu wei sina enanari uite Meri danu aweta muni. Jousefama ido Meri muniro uruama ainawa me ibisiro Merima i Amara ido muniro Jousefama i Amara Danu ifu Yesu mami.
23239	MAT 2:1	Merima Yesu Judia orofa Betiremu suro muni. I kowarona dera yawoeta amara Erodima i orofa yawotebi. I muni kowaro moana muinanu ubi iwata derawere uwarama i kowa amueta orofa yafawereroma Jerusaremu suro are fatate weita, i Ju uwaranu reka muninu yawoeta amara aboro? Kowa amueta afu Danu muina esiba iba Dawa guriguri ufene farisia weita.
23271	MAT 3:10	Godinu koto fanisi kowa fafie utasu. Mui amarama kowa ramamasute ana umafie utebasu enanari Godinu koto kowa i ari, yanu siosa ueta sineta umafie utasu. Mui ana kobere tai da uwafiro umane tufite mune inaro sabisu wei.
23286	MAT 4:8	Seitanima Yesu nono munite mui yafa maidani otoro woure mane odi. Mane odite i orofa atata kabesini uwaraini nesia tube tuberoma ari ma boroyariro Yesuma eri.
23290	MAT 4:12	Moana uwarama Yesubai fatate weita, Joni budari uta weitaro nauite Gareri orofaro ani.
23317	MAT 5:14	Yana ewa orofa atatanu nanefa ario ari. Mui maidani otoro ibinu su da feafisu.
23320	MAT 5:17	Mosesinu tarawatuini Godinu we bou ueta uwaranu sina mune samau da imuawe. Ina mu samane farawa unete ina ma borobayamane farea wei.
23324	MAT 5:21	Mosesima i bodere uwaraba eno wei, i bodere uwaraba eno weita, eme da ma uiawe. Anama mui amara ma uifisuna dawa koto ufitaita weita. Nono yaba eno watane, anama danu domayaba ibo ufisuna dawa koto ufitaita. Nono anama danu domayaba siosawere webisuna i kanisoro uwarabai woure ane odifitaro dawaba sina kimuwere webitaita.
23328	MAT 5:25	Mui amarama ya koto uwarabai wawei webie woure anibisuna dawaba sau naiye wiawe. Mena i ya wawei webisu amarama ya koto yawoeta dera amaranu age duro odifiro koto yawoeta dera amarama ya forisimaninu age duro odifiro forisimanima ya diburaro odifisu.
23334	MAT 5:31	Mosesima i bodere uwaraba eno wei, anama danu aweta ekodifie utedana danu awetaba dawa ekoeta koto feifa mafite ekodifisu weiya wei.
23335	MAT 5:32	Eno weite wei, nono Nana yaba watane, anama danu igera sasae utawa aweta mui ubi mero me ekodifisu. Me ekodifisuna i aweta ma igera sasae ufisu. Iba i awetama mui amara danu awera mubisuna igera sasae daido utedibeibisu wei. Weite wei, eno uteibiro danu reka aweraini daido dita yagera utedibeibisu wei.
23336	MAT 5:33	Mosesima i bodere uwaraba eno wei sina ya nauta. I sinana eno, buna we bou ufoitana meo da wiawete ane we bou ufoitana Godibai enanari uawe eno weiya wei.
23341	MAT 5:38	Mosesinu wei sina ya nauta. I sina eno, mui amarama mui amaranu diti ma guju ufisuna danu diti moko ma guju uawe. Mui amarama mui amaranu nio ma furiafisuna danu nio moko ma furiawe eno weiya wei.
23342	MAT 5:39	Nono yaba watane, mui amarama yaba siosawere ufisuna moko da uawe. Mui amarama yanu mui taibau ufisuna yanu mui taibau dana nono ufie oweawe.
23344	MAT 5:41	Mui meremere amarama danu ununa danu ego yana woure daba fuyaratu aniboe bunawere webisuna dawaini i yafa dabaro aniawe.
23345	MAT 5:42	Moana uwarama nui webitaitana emaba mawete nono moana uwarama yabai ane we mubitaitana emaba mawe Yesuma eno wei.
23346	MAT 5:43	Mosesinu wei sina ya nauta. I sinana eno, yanu yaiyemutuba neno arama uawete nono yanu wasai uwaraba neno ka uawe eno weiya wei.
23349	MAT 5:46	Moana uwarama ya neno arama utaitaro emaba moko neno arama utaitana Godima ina kobererau da webisu. I takesi muneta uwarama enanari utaita.
23375	MAT 6:24	Mui gaukara amarama dera amara sadeinu gaukara da ufisu. Eno ufisuna mui dera amara ma yaru uteda nono mui dera amara ma ibo ufisu. I dera amara demurainu gaukara uegou uteda nono i mui amaranu gaukara me sara ufisu. Enoba Godinu gaukara uteda gugua gubarini Godini nesia da ma demurai ufote gaukara da ufoita wei.
23378	MAT 6:27	Anama eno imutebe imutebe danu ibeta kowa ma yafa ufisu? Me.
23394	MAT 7:9	Ananu amarama ietaba nui webisuna gebiro mafisu? Me.
23406	MAT 7:21	Moana uwara faiyawere Naba Dera Amara, Dera Amara waitana nono i uwara nesia i ure yawoeta orofaro da anibitaro Nanu urero ibinu Babanu imueta utaita uwarama torowa iro anibitaita.
23416	MAT 8:2	Mui amaimawere amara Yesubai farite jegirari uteda nui wei, Dera Waria Amara, Anu unu ufasuna na ma wirofaro wiromau wei.
23418	MAT 8:4	Yesuma i amaraba wei, eme nesiabai da ane wiate fuyo ode sina weta amarabai torowa aniate anu ofe mawetu uaro efi wei. Anu ofe kobererau usinuba Mosesinu tarawatu buri age amaima fuyo oeta enanari uaro emema efitate anu ofe wirosinu iwata ufita wei.
23423	MAT 8:9	Eno weite wei, nana dera ami amara. Moana dera uwarama na yawotaitaro nana ami uwara faiyawere yawotatanete mui amaraba ania watanero anasu. Mui amaraba ara watanero arasu. Nanu gaukara amaraba eno ua watanero enanari utasu wei.
23457	MAT 9:9	Yesuma iroma ani. Anebina mui takesi muneta amara, danu ifuna Matiu, dawa takesi muneta suro yaubiro Yesuma eri. Erite wei, Nanu buribi ara weina ido uyarite Yesunu buribi ani.
23488	MAT 10:2	I uwara tueronu (12) ifuna ewado, botaina Saimoni danu mui ifuna Fita. Dawaini danu dabue Enuduruini Jebedinu amara Jeimisini danu dabue Joni. Emaini Firifini Batoromiuini Tomasini i takesi muneta amara Matiu. Emaini Arofiasinu amara Jeimisini Tediasini Keinani amara Saimonini Yesu do mai amara Judasi Isikarioti. Emanu ifu ifu ido.
23497	MAT 10:11	Mui natofo suro aniboitana Godinu sina naufie uteda ya we mubisu amara dobere atawete danu suro ibiawe. Mui su suro da ibiawe. I su demurairo torowa ibebe nono i natofo su ekodiawete aniawe wei.
23498	MAT 10:12	I amaranu suro amufoitana ario sina wiawete i suro ibeta uwara kobererauna Godinu wesa kawewera ueta yabai ibifisu we ma kobererau uawe. Mena yanu wesa kawewera ue we ma kobererau ueta owefite yabai ibifie watane wei.
23515	MAT 10:29	Emema gui gasira sadei kiki gebiro oi demuraima oiya ue mataitaro itaita. Mui gasiraratu nasiniro me sara da itafisu. Yanu ure Babama i gasirararatunu itareta Dawa iwata.
23541	MAT 11:13	Godinu we bou ueta uwaraini Mosesinu tarawatuini emana Godinu yawoeta sina we bou utaro Joni ido fari.
23559	MAT 12:1	Mui sabate kowaro Yesuini Danu iwata ueta uwaraini feame waiyaro inarebita. Waiyaro inarebe Danu iwata ueta uwara osi uriba feame ma gogorugari utate agema burau ureda ie inarebita.
23580	MAT 12:22	Moana uwarama diti basugari sina wiawa seitaninu mui siosa imumuma rewoeta bobo amara Dawabai woure oitaro Yesuma dawa ma wiroiro i amara sina wate weda danu diti kobererau siniro eri.
23583	MAT 12:25	Yesuma emanu imueta iwata uite emaba wei, mui gaemani uwara emanu aika uraneda saragari ufitaitana arama ufitaita. Mui natofo su uwara emanu aika uraneda saragari ufitate aika maika da inafitaita. Su demurai uwara emanu aika uraneda saragari ufitaitana aika maika da inafitaita.
23587	MAT 12:29	Mui amarama buna amaranu ibaiabai waira ufie uteda anene ufisu? Dawa i buna amaranu buri age ko botai uwane tarifite nono duburo danu ibaiabai waira ufisu.
23591	MAT 12:33	Kobere ana warafisuna kobere tai uwafisu. Siosa ana warafisuna siosa tai uwafisu. Mui ana kobere tai uwafisuna ina kobere ana webitaita. Mui ana siosa tai uwafisuna ina siosa ana webitaita. Ane uwafisu enanari webitaita wei.
23592	MAT 12:34	Ya towinu muneta! Yana siosawereba anene kobererau weboita wei? Mui amaranu neno ubarero i imuetama wate farinuba iba wasu.
23596	MAT 12:38	Moana tarawatu tisa uwaraini Ferosi uwaraini Yesuba weita, Tisa, buna ueta uaro efe weita.
23613	MAT 13:5	Moana yo gebirowere nasiniro itataro i nasini awewewereba yo sau warata.
23615	MAT 13:7	Moana yo sinisini bobo ruru ubarero itatate waratate orobuwereba tai uwanawa.
23616	MAT 13:8	Moana yo kobere nasiniro itatate waraegou utate tai faiyawere uwata. Tai demurairoma tai wani aderedi (100) uwani. Mui tai demurairoma tai sikisiti (60) uwani. Mui tai demurairoma tai toti (30) uwani weite wei, ya ome bobo uwarana Nanu sina nauegou uawe wei.
23631	MAT 13:23	Anama Godinu sina nauteda iwata utasuba dawa Godinu gaukara utasu. Mui amarama Godinu gaukara derawere utasu yawietana wani aderedi (100) ari utasu. Mui amarama Godinu gaukara deranono utasu yawietana sikisiti (60) ari utasu. Mui amarama Godinu gaukara kikiratu utasu yawietana toti (30) ari utasu, Yesuma wei.
23632	MAT 13:24	Yesuma emaba mui kasei sina eno wei, Godinu yawotasu kowa ewa sina ari. Mui amarama kobere uiti tai danu waiyaro waite ani.
23639	MAT 13:31	Yesuma mui kasei sina emaba eno wei, Godinu ure yawotasuna masita ana tai ari. Mui amarama i tai munite danu waiyaro wai.
23652	MAT 13:44	Yesuma wei, Godinu ure yawotasu ewa sina ari. Mui amarama mui waiyaro feare oitaro ibi i oi derawere daurite eri. I oi daure erite nono sakaima ma tafure odite ani. Suro ane farite danu ibaiabai nesia oiya ue maite oi munite nono i nasini oiya ui wei.
23655	MAT 13:47	Godinu ure yawotasu ewa sina ari. Moana uwarama emanu iwame enea ubarero satate erio egi aika maika nesia mutaro iwame wate fariba i uwarama duero ma youtaro amui. Duero amuiro i uwarama yautate i kobere erio egi bosioro youtate i siosawere erio egi mu sata.
23660	MAT 13:52	Weitaro Yesuma wei, Mosesinu tarawatu tisa amarama Godinu ure yawotasu sina ue iwata utasuna i ibaiabai, bodereini reka ibaiabai, ma borobarasu enanari Mosesinu tarawatu tisa amarama danu bodere imuetaini danu reka imuetaini we mawetu utasu wei.
23663	MAT 13:55	Dawa etei su ma inareta amaranu amara aba me? Meride Danu danua aba me? Jeimisini Jousefaini Saimonini Judasini ema Danu dabureta aba me?
23689	MAT 14:23	Anitaro Yesu Danu torowana guriguri ufie maidaniro mani. Manite dumu siniro Danu aika iro ibi.
23703	MAT 15:1	Moana Ferosi uwaraini tarawatu tisa uwaraini Jerusaremu suroma Yesubai ane fatate weita, Anu iwata ueta uwarama yanu baeta uwaranu ueta sina nautawa utaita. Ieta itaitana age urotawa utaita. Aneba eno utaita weita?
23721	MAT 15:19	Nenoroma siosa imueta faiyawere amutaita. Ma uieta imuetaini dita yagera fareta imuetaini waira ueta imuetaini meo wawei weta imuetaini eno amutaita.
23722	MAT 15:20	Mui amaraba siosa sina weta imueta amutasu. I amutaita imuetama i amara ma siosa utaita. Yanu age urotawa utaitate ieta itaita baetana ina ima i amara ma siosa utawa utasu wei.
23724	MAT 15:22	Iro ane fariro mui Keinani su awetama Dawabai farite derawere wei, Dera Waria Amara, naba neno arama ua. Mui seitaninu siosa imumuma nanu arumanu neno ubarero rewoe ibeda siosa utasuba Deiwidinu amara na durua ua wei.
23731	MAT 15:29	Yesuma iroma ani. Anedana Gareri mesau nioro inarebe iroma maidaniro mani. Mane farite yauri.
23732	MAT 15:30	Mane yaubiro uwara faiyawere Dawabai mane fata. Emanu buri bebeu uwaraini buri age badami uwaraini diti basugari uwaraini sina wate wiawa uwaraini moana uwara faiyawere woure mane fatate Yesunu buri gigirariro oitaro Yesuma ema nesia ma wiroi. Eno uiro i sina wate wiawa uwara wate weitate i buri age badami uwarama buri age rorowarau ue fare anitate i buri bebeu uwarama buri rorowarau ue fare anitate i diti basugari uwarama ba eta. I uwara nesia eno utaro i guruguru ubita uwarama neno kirifu uteda i Isaraero uwaranu Godinu ifu we ma derawere uta.
23739	MAT 15:37	Mataro i uwarama mune ie dia uta. Ie me sitaro ieta iwo muduna mutate bosioro youtaro bosio seweni (7) wate fata.
23741	MAT 15:39	Yesuma ido weiro i guruguru ubita uwara nesia anita. I uwara ido anitaro Yesu bouti ubarero ido amuite boutiroma yofere Magadani orofaro ane fari.
23742	MAT 16:1	Moana Ferosi uwaraini Sadusi uwaraini Yesu ue efitae Dawabai fatate weita, buna ueta uaro urero ufiro efe weita.
23755	MAT 16:14	Weiro weita, moana uwarama Dawana Joni babataito amara waita. Moana uwarama Dawana Iraija waita. Moana uwarama Dawana Jeremaia aba mui we bou ueta amara waita weita.
23757	MAT 16:16	Weiro Saimoni Fitama wei, Ana Godinu Mesaia, Ana i me ibinu Godinu Amara wei.
23758	MAT 16:17	Weiro Yesuma wei, Saimoni Jonanu amara, Godima a we ma kobererau usinu. Mui amarama i moko sina aba wiawa usinuro Nanu urero ibinu Babama ina aba we ma boroyarinuro iba wenu wei.
23760	MAT 16:19	Aba i ure yawotasu orofa na widu ari mamaro ananu ueta ane ane uwane tarifaro dawabai ibifisu enanari urero uwane tarifiro dawabai ibifisu. Ananu ueta ane ane uregari ufate mune aika odifasu enanari urero uregari ufite mune aika odifisu wei. Yesuma eno weite nono bunawere wei, Nana Keriso i Mesaia, moana uwarabai eno da wiawe wei.
23767	MAT 16:26	Mui amarama ewa orofa atata ibaiabai nesia mubiro danu me ibeta imumu siosa kabesiro feafisuna ina kobererau me. Eno ufisuna danu imumu anene moko oiya ufisu wei?
23769	MAT 16:28	Yaba ba wemaro nauawe. Moana ewado inaibinita uwarama da uifitaro i Ba Eme Sini Amara Danu yawoeta orofaroma ido fafiro efitate nono uifitaita Yesuma wei.
23772	MAT 17:3	Eno uiro Mosesini Iraijaini Yesubai ido me ari usite fare sina sina webisi.
23773	MAT 17:4	Enoba Fitama Yesuba wei, Dera Waria Amara yanu ewado ibinisina kobererau. Anu ununa nana moana kiki suraratu rarogonu umau. Anu mui, Mosesinu mui, Iraijanu mui, Anu ununa ina ubu umauna ubu umau wei.
23778	MAT 17:9	Maidaniroma taratana Yesuma emaba bunawere wei, ewa tubetube erita imumu moana uwaraba da wiawero i Ba Eme Sini Amara uietaroma uyafisuna ido wiawe wei.
23783	MAT 17:14	I guruguru ubita uwarabai ta fataro mui amarama Yesubai farite jegirari uteda wei, Dera Waria Amara, nanu amaraba neno arama ua wei. Nanu amarama uieta ari utebasu. Moana kowaro inaini ogoro faiya faiyawere itarebasu. Enoba oferi derawere wourasu.
23797	MAT 18:1	Mui kowaro Yesunu iwata ueta uwarama Dawabai fatate weita, ure yawoeta orofaro yabaina abo amarama iro dera amara sibisu weita?
23808	MAT 18:12	Ewa imue eawe! Mui amarama mamoe wani aderedi (100) boboro nono mamoe demurairatu feafisuna mamoe nainiti naini (99) maidaniro ekodifite i mamoe demurai dobere anibisu. Eno ufisu aba me? Aiwia eno ufisu.
23819	MAT 18:23	Enoba Godinu ure yawotasuna ewa sina ari. Mui dera kini amarama danu dera gaukara uwaranu gaukaraini we muneta oini ma rorowarau ufie ui.
23838	MAT 19:7	Weiro weita, idorogo nono Mosesima aneba eno wei, mui amarama danu aweta ekodifie uteda ekoeta koto feifa danu awetaba mafite ekodifisu weiya weita?
23839	MAT 19:8	Eno weitaro Yesuma emaba wei, yanu neno kimuwereba iba Mosesima eno wei. I tutubari ui kowaroma ina eno utawa utebita.
23843	MAT 19:12	Moana uwara emanu danuamutuma ema eno mutaba aweta munawa utaita. Moana uwarama moana uwara kaiyama tutaba aweta munawa uta. Nono moana uwarama i ure yawotasu sina nauegou ufitae iba aweta munawa utaita. Anama ewa sina nauegou utasuna dawa enanari utasu Yesuma wei.
23844	MAT 19:13	Moana uwarama emanu koiniboro Yesubai woure ane odifitaro Dana Danu age emanu kofiri deiro odifite guriguri ufie iba woure fata. Woure fataro i Danu iwata ueta uwarama emaba dua sina weita.
23847	MAT 19:16	Mui amarama Yesubai farite wei, Tisa Amara, ane kobererau umate me ibene ibene ibimane wasu wei?
23848	MAT 19:17	Weiro Yesuma dawaba wei, ane kobererauba wenauerasu? Godi Danu torowana kobererau. Me ibene ibene ibifae ufasuna Godinu tarawatu sina nesia nauegou ua wei.
23861	MAT 19:30	Nono moana dera uwarana iro kikiratu sibitaita. Moana otowa uwarana iro derawere sibitaita Yesuma wei.
23862	MAT 20:1	I Godinu ure yawotasuna ewa sina ari. Mui su ubi amarama waikunaro uyarite moana uwara danu gureifi waiyaro gaukara ufitae gaukara mafie ani.
23872	MAT 20:11	Matebiro i botai uwarama waiya ubi amaraba kamena weitate weita, i duburo anita uwarama gaukara kikiratu uita. Ya botai anisi uwara waura warairoma ane yawiro kowa yarateda gaukara derawere uisiro nono emaini yaini moko fei arotorowa masinu weita.
23896	MAT 21:1	Jerusaremu suro fafitae ureda mui su Oriwa Maidani gigiraribai ibi Betifeiji suro are fata. Fataro Yesuma Danu iwata ueta amara sadei siaia uite wei, etei kirisi weto suro aniawa. Ane fafawaisina mui donikini danu otowa natuini doie oitaro inaibinuba efawaisina ema ma uregari uawate woure Nabai arawa.
23900	MAT 21:5	I we bou ueta amarama eno wei, I Saioni Orofa uwaraba wia, emanu Dera yawoeta amara emabai fafisu. Dawa dera amara ari da fafisu. Mui donikinu natu deiro yaufite fafisu wia, I we bou ueta amarama eno wei.
23904	MAT 21:9	Moana uwara ko botai anitaro Yesu abanaro aniro nono moana uwarama emanu buribi anebita. Eno utate i botai anebita uwaraini i dubu arebita uwara nesia derawere webita, Godima we mune odiro Deiwidibairoma sirorari ui amara Dawa kobererau. Dana Godinu ifuro ido farinu webita. Godima Dawa ma kobererau ufisu. Ure uwarama Danu ifu we ma derawere utaita. Enoma enoma derawere webita.
23923	MAT 21:28	Ewa sina imue eawe Yesuma wei. Mui amaranu amara sadei dawabai ibisi. Damamama danu botai amarabai anite wei, nanu gureifi tai waiyaro aniate gaukara ua wei.