23218	MAT 1:5	Samoni dana Bouasinu damama. (Bouasinu danuana Reiabu.) Bouasi dana Oubedinu damama. (Oubedinu danuana Ruta.) Oubedi dana Jesinu damama.
23281	MAT 4:3	Osi uiro seitanima Yesubai farite wei, A Godinu amarana wiaro ewa gebiro ieta sibi wei.
23333	MAT 5:30	Anu banibira afu agema a ma siosa ufisuna i mui age umane tuate age demuraima ibifasuna ina kobererau. Ofe ubu nesiaini uitawa inaro anibasuna ina siosawere wei.
23438	MAT 8:24	Anitaro Yesu nauta ainibina oyabibi derawere fari. Oyau fariba enea ufe uyariro bouti inufie uiro Yesu daido nauta ainibi.
23450	MAT 9:2	Ane fariro moana uwarama age sanawa buri inarawa amara wia warafaro oitaro ainiro Yesubai woure fare oita. Oitaro i amara woure fata uwaranu naueta kimuwere Yesuma erite i age sanawa buri inarawa amaraba wei, Nanu amara, anu neno neno ueta Nana mune imutawa unea neno kimu ua wei.
23468	MAT 9:20	Ido anitaro mui aweta ofe derawere wourebe onono woroworo munebi. Oya tuero (12) eno munebi. I awetama eno we imui, Danu wadia fifiro burimate wiromau we imuite Yesunu dubena afuro farite Danu wadia fifiro buri.
23535	MAT 11:7	I uwarama Yesu ekoitate anita. Anitaro Yesuma i guruguru ubita uwaraba Joninu sina eno wei, i eme ibawa orofaro ane efoe anita? Oyauma oua ma wawana wawana utasuna i amara buna me, oua ari, efoe anita?
23690	MAT 14:24	Yesuma iro ibina i boutina ogo abanaro ane fari. Oyau fariro ufe uyariba etarafu anawa.
23700	MAT 14:34	Ogo etarafu yofetate Genesareta orofaro ane inata.
23746	MAT 16:5	Ogo etarafu yofere ane inatana Danu iwata ueta uwarama buredi imutawa utate munawa uta.
23880	MAT 20:19	Odifitaro i aika uwarama Dawa iruteda domuma ufitate korosiro odifitaita. Dawa ido uifiro kowa rarogonu me sibiro nono uietaroma uyafisu wei.
23896	MAT 21:1	Jerusaremu suro fafitae ureda mui su Oriwa Maidani gigiraribai ibi Betifeiji suro are fata. Fataro Yesuma Danu iwata ueta amara sadei siaia uite wei, etei kirisi weto suro aniawa. Ane fafawaisina mui donikini danu otowa natuini doie oitaro inaibinuba efawaisina ema ma uregari uawate woure Nabai arawa.
23900	MAT 21:5	I we bou ueta amarama eno wei, I Saioni Orofa uwaraba wia, emanu Dera yawoeta amara emabai fafisu. Dawa dera amara ari da fafisu. Mui donikinu natu deiro yaufite fafisu wia, I we bou ueta amarama eno wei.
23914	MAT 21:19	Osi uriba ane erina mui boruba ana daba gigirariro inaibiro eri. Erite mune ifie ane farina boruba tai uwanawa me tata torowa ibitaro erite i boruba anaba wei, duburo mui tai da uwafasu wei. Weina boruba ana ido tata reora uite sibu uri.
23945	MAT 22:4	Ogaro ubi amarama nono moana gaukara uwara siaia ufie uteda wei, aniawete i ogaro ifitae wene uwaraba eno wiawe, nanu ogaro nesia ue bou une. I borumakauini keweawere borumakau nanatuini eno unero ietata nesia ue me sineba i aweta muneta ogaro are iawe wiawe wei. Weiro danu gaukara uwara ido anita. Ane fatate danu wei sina enanari weita.
23993	MAT 23:6	Ogaro anaitate eme efitae i dera uwaranu yaureta kabesiro yauraita. Ju uwaranu dubu suro amutaitate eme efitae i botai yauraita kabesiro yauraita.
24024	MAT 23:37	Yesuma nono wei, O Jerusaremu su uwara, yana Godinu we bou ueta uwara ma uitaitate Godinu siaia utasu uwara gebiroma uraitade. Kokora awetama danu nanatu fakinama obari utasu enanari Nanu ununa ya Jerusaremu su uwara yawomane watane nono ya unutawa Nanu yawoeta wei.
24029	MAT 24:3	Yesuma Oriwa maidaniro mane yauri. Ido yauriro Danu iwata ueta uwara emanu aika Dawabai mane fatate weita, Anu dera dubu suba wenu sina abo kowaro eno ufisu? I dubu kowaro anene ufiro efero a fafasu weita?
24033	MAT 24:7	Mui orofa gaemanini mui orofa gaemanini urafitaita. I orofa atata uwara aika maika urafitaita. Orofa faiyawerero sinai derawere woufitaita. Orofa faiyawerero nasini wawana wawana ufisu.
24111	MAT 25:34	Odifite nono i Dera Waria Amarama Danu banibira age afu uwaraba eno webisu, Godima yaba we ma kobererau utasuba arawe. Godima ureini nasinini ubu uteda yanu yawoeta orofaini ido ubu uiba arawete i orofaro yauawe.
24114	MAT 25:37	Eno webiro Godinu sina naueta uwarama eno webitaita, Dera Waria Amara, abo kowaro osi wouriro ereda Aba ieta masi? Ogo nodo uiro Aba ogo masi?
24139	MAT 26:16	Oi mataro Judasima Yesunu do maeta daba doberegou ui.
24149	MAT 26:26	Yesuini Danu uwaraini ogaro ita. Ogaro iteda Yesuma buredi mune guriguri uite ma birabiarite Danu iwata ueta uwaraba mateda wei, ewana Nanu ofe, i mune iawe wei.
24153	MAT 26:30	Yesuini Danu uwaraini soni weitate i su ekoitate Oriwa maidaniro manita.
24154	MAT 26:31	Oriwa maidaniro mane fataro Yesuma emaba wei, ya nesia awona dumuro Na ekodifoita wei. Godinu bukaroma eno wasu, i mamoe yawoeta amara umaro i mamoe nesia wo bogaru ue anibitaita wasu.
24225	MAT 27:27	I dera yawoeta amaranu ami uwarama Yesu woure dera yawoeta amaranu su fefenaro oita. Oitate i ami uwara nesia Yesubai fata.
24227	MAT 27:29	Eno utate sinisini bobo emetu kofi ubu utate Danu kofiri deiro oita. Oitate akuri Danu banibira agero oitate jejerigari uteda irue weita, Ju uwaranu dera yawoeta amara eawe enoma enoma weita.
24233	MAT 27:35	I ami uwarama Yesu korosiro ure oita. Oitate Danu wadia abo amarama mubisu weitate kasi waribo uta.
24292	MRK 1:8	Ogoma babataito utataneba Dana Godinu Imumu Kotofuma ya babataito ufisu wei.
24298	MRK 1:14	Joni babataito ueta amara diburaro oita. Oitaro duburo Yesuma Gareri orofaro ane farite Godinu kotofu sina webie ani. Anite wei, Godima yawotasu kowa baworo baworo fafie usinuba yanu neno neno ueta dubena afu sawete Godinu kotofu sina naue imue uawe. uawete mune befororo odiawe wei.
24318	MRK 1:34	Ofe aika maika woureta uwara faiyawere ma wiroite seitaninu imumu siosa faiyawere we berai. We berairo seitaninu siosa imumu Yesu Dawa iwata utaba emanu sina weta daba garari ui. Iba sina wiawa uta.
24401	MRK 4:9	Weite eno wei, ya ome bobo aba me? Ome bobo uwarana ewa Nanu sina nauegou uawe wei.
24458	MRK 5:25	Mui awetaini anita. I aweta ofe derawere wourite onono munebi. Oya tuero (12) muneda dogetabai inarebi. Oya tuero danu oi sane me sinite wirotawa ofe derawere daido ibebi. Ibebiro iro Yesunu buna ueta nauite iba ani.
24481	MRK 6:5	Eno uteda eno imutebita ueta buna derawere utawa ui. Ofe woureta uwara torowa demui demui Danu age deiro odiro wirota.
24528	MRK 6:52	Weite youro amuiro oyau me sini. Oyau me siniro neno kirifu uta. Emanu neno kimuwereba buredini erio egini mairo ita i ueta iwata utawa uta.
24548	MRK 7:16	(Ome bobo uwara ewa sina nauawe!) Eno weite i uwara nesia ekodite su ubarero amuiro Danu iwata ueta uwarama weita, kasei sinanu ubi anene weita?
24587	MRK 8:18	Diti bobo eraitana erawa? Ome bobo nautaitana nautawa? Ya imutaita aba me wei?
24669	MRK 10:12	O mui aweta danu awera ekodifite mui awera daido mubisina uyare fafite danu botai aweraba siosa ufisu wei.
24700	MRK 10:43	Emanu ueta yanu me. Yabairoma anama dera amara sibisuna ya nesia durua ufisu. O botai amara sibisuna yanu sabua ueta amara sibisu wei.
24722	MRK 11:13	Osi uriro warae ibeta bobo boruba ana iro erite tai mune ifie ani. Ane farite erina tai uwaneta kowa me, tata torowaba wei, a tai da uwanebearo anu tai uwarama da iteibitae watane weiro Danu iwata ueta uwara nauta.
24740	MRK 11:31	Weiro sina we matatate weita, ane webeisi? Ureroma fari webisuna Dana eno webisu, aneba Joninu wei sina imutawa uta webisu weita. O emebairoma webeisi aba euwari weita? I uwara nesiama imuta, Joni ba we bou ueta amara imutaba iyareda weita, ya iwata me weitaba Yesuma wei, ananu bunaro utatane sina yaba da wemaro naufoita wei.
24789	MRK 13:3	Duburo Oriwa maidaniro yaubeda dera dubu su erebiro Fitaini Jeimisini Jonini Enuduruini emanu aika fatate Dawaba weita, Anu wenu sina enanari abododo ufisu? I dubu kowaro anene ufiro efero A fafasu weita?
24849	MRK 14:26	Soniroma Godiba we kobererau uteda soni weitate Oriwa maidaniro manita.
24850	MRK 14:27	Oriwa maidaniro manebe mane fata. Fatate Yesuma wei, ya nesia Naba maru ufote ekodifoitaba Godinu bukaroma eno wasu, i mamoe yawoeta amara umaro i mamoe nesina daba aika maika anibitaita eno wasu wei.
24921	MRK 15:26	Oitate owawa utate i sina eno ewana Ju uwaranu kini, korosi deiro oitate mui waira amara sadei mui korosi enabira afu oitate mui korosi enabira afu oita.
24941	MRK 15:46	Anite reka inawere wadia oiya uite owere anite Yesunu ofe korosiroma munite wayarite woure ani. Ane gebiro uri oeta eraboro odi. Odiro dera gebiro ma uberu uberu ue are bebeto garari uta.
25126	LUK 3:32	Deiwidi, dana Jesinu amara. Jesi, dana Oubedinu amara. Oubedi, dana Bouasinu amara. Bouasi, dana Samoninu amara. Samoni, dana Neisoninu amara.
25133	LUK 4:1	Godinu Imumu Kotofuma Yesunu neno ubarero itarite inune ui. Yesuma Jodani ogo ekodite owere ani. Owere anebina Godinu Imumu Kotofuma Yesu eme ibawa orofaro woure ane odi.
25288	LUK 7:24	Joninu sina weta amara sadei anisiro Yesuma i guruguru ubita uwaraba ereda Joninu sina wei. I eme ibawa orofaro ane efoe anita? Oyauma oua ma wawana wawana utasu i ari i amara buna me, i oua ari, efoe anita? Ane efoe anita? Wadia dawana derawere bobo amara efoe anita? I wadia dawana derawere bobo uwarana eme ibawa orofaro ibawa utaitate i dera yawoeta su suro ibinita.
25337	LUK 8:23	Anebitana Yesu nauta ainibiro oyau derawere fari. Oyau fariba ufe uyariro bouti inufie uiba uifitae uta.
25357	LUK 8:43	Mui awetaini ani. I aweta ofe derawere woureda oya tuero (12) onono munebi. Oya tuero (12) onono munedaba dogetabai inarebe danu oi sane me siniro wirotawa ui.
25486	LUK 11:12	O kokora bakaba wenauefisuna begara mafisu? Eno da ufisu.
25621	LUK 13:34	Eno weite wei, O Jerusaremu su uwara, Jerusaremu su uwara, yana Godinu we bou ueta uwara ma uitaitate Godinu siaia utasu uwara gebiroma uraita. Kokora awetama danu nanatu fakinama obari utasu, enanari Nanu ununa ya Jerusaremu su uwara yawotatanero ya unutawa Nanu yawoeta wei.
25635	LUK 14:13	Ogaro ufasuna ibaiabai me uwaraini buri age aramawere uwaraini buri bebeu uwaraini diti basugari uwaraini waya youa wei.
25671	LUK 15:14	Oi ido sane me siniro i orofaro sinai derawere fariro i amara ido osi woure.
25829	LUK 19:29	Anebe ane Betifeijini Beteni suro fafitae uta. I su sadei Oriwa maidani gigiraribai. Iro fafitae utaro Yesuma weiro Danu iwata ueta amara sadei Dawabai fasiro wei, etei mui natofo suro aniawate i suro fafawaisina su gigirari tubune tutuburo otowa doniki egi doie oitaro inaibinuba eawate na ma uregari uawate woure Nabai arawa wei. I donikinu deiro mui amara yaurawa.
25835	LUK 19:35	I amara sadeima otowa doniki ido wo fare oisi. Oisiro Danu iwata ueta uwarama wadia doniki deiro oitate Yesu deiro weitaro amo yauri. Yesuma ido deiro amo yaurite ani.
25836	LUK 19:36	Yesuma yaurite aniro uwarama emanu wadia dabaro ode anita. Ane Oriwa maidaniroma tarani daba gigirari farebina Danu sina naueta uwara faiyawere buna ueta faiyawere etaba yaru uteda Godinu ifu we ma derawere uteda derawere eno weita, yanu Dera Yawoeta Amara, Godinu ifuro ido farinua weita. Godima Dawa ma kobererau ufisu. Urero wesarau ibinuba Godinu ifu we ma derawere utaisi weita.
25932	LUK 21:37	Yesuma ainewaure dera dubu suro we mawetu utebi. Kowaro we mawetu utebite nono dumurona Oriwa maidaniroma ane ainebi.
25972	LUK 22:39	Yesuma suroma itarite Danu Oriwa maidaniro anebi i enanari aniro Danu iwata ueta uwarama Danu buribi anita.
26058	LUK 23:54	Odiro i sabate kowa ue bou ueta kowa me sibiro sabate kowa ido fafie ui.
26154	JHN 1:41	I amarama danu datae, Saimoni, doberebe atanite wei, i Mesaia Dana i Keriso, Dawa atanisi weite danu datae Yesubai woure fare odi. Odiro Yesuma Fita ereda wei, ana Joninu amara Saimoni. Aba reka ifu Sifasu maimau wei. Sifasuini Fitaini ifu demurai. I ifunu ubina kiki gebiro.
26197	JHN 3:8	Oyauma danu torowa fare anasuro danu rurua nautasute danu are aneta daba iwawa utasu, enanari Godinu Imumu Kotofuma mui amara reka munasuro iwawa utasu wei.
26281	JHN 5:2	I Jerusaremu suro mamoenu fare aneta bebeto gigiraribai mesauratu ibi. Ju uwarama emanu sinaroma Beseda webita. Ofada fai (5) i mesau ode kara utaro ubita.
26282	JHN 5:3	Oferi aika maika woureta uwara faiyawere i ofadaro ainibebita. Moanana buri anawa uwara, moanana buri bebeuwere aneta uwara, moanana diti basugari uwara, moanana buri age bedada buwere uwara. (I uwarama ogo taritari ufie yawotebita.
26451	JHN 8:1	Yesuma Oriwa maidaniro manite iro aini.
26633	JHN 11:41	Yesu eno weiba i gebiro ma ubere eta kebiro oita. Oitaro Yesuma diti etu urero erite guriguri uteda wei, Baba, awonana Na Ana Nanu sina nautasuro A we ma kobererau utatane.
26734	JHN 13:35	Orofa atata uwarama yanu neno arama ueta efitate ya uwarana Yesunu iwata ueta uwara iwata ufitaita wei.
26758	JHN 14:21	Ana anama Nanu tarawatu nauegou ufitaitana Nabai emanu neno odifitaro Godima i uwarabai Danu neno odifisu. Odifiro Nana Nanu neno emabai odimate Nanu torowa emaba mawetu umau wei.
26853	JHN 17:25	O kobere Baba, i orofa atata nautawa uwarama A iwawa utaitaro Nana A iwata utatanero ewa uwarama Ana Na siaia ui iwata utaita.
26911	JHN 19:17	I uwarama Yesu mutaro Yesuma Danu korosi Danu torowa woure ani. Anebe anebe mui orofaro ane fari. (I orofana Kofiri Tai Torowa Orofa webaita). Ju uwaranu sinaroma Gorogata webaita.
27004	ACT 1:12	Oriwa maidani sabate kowaro inareta daba ni yafa meratu Jerusaremu su baworo.
27015	ACT 1:23	Weiba ifu sadei oita. Mui amaranu ifuna Jousefa, danu mui ifuna Basabasi, danu mui ifuna Jasitasi oitate mui amaranu ifuna Mataiusi oitate guriguri utate weita, O Dera Waria Amara, Ana uwara nesianu neno iwata utasuba abo amara Judasinu ekodi kabesi mubisu weita?
27027	ACT 2:9	Orofa atata aika maikaroma fata. I orofanu ifu ifuna ewado, Fatiaini Midini Iramaitini Mesofateimiaini Judiaini Kafadosiaini Fonitusini Eisiaini Furigiaini Famufiriaini Ijifini Ribia Sairinabaini Romanini iroma ba Ju uwaraini Jubai guriguri utebita aika uwara, Kuritini Areibia orofa uwaraini Jerusaremu suro fatate nauteda Godinu buna ueta yanu ba sinaroma waitaro nautaisi weita.
27098	ACT 4:7	Are fatate moana uwarama i afosoro uwaraini buri arama bobo ma wiroeta i amaraini guruguru ubita uwarabai woure are abanaro oita. Oitaro kanisoro uwarama weita, yanu iboro inawe weitate nono weita, ewa anene usi?
27101	ACT 4:10	I wiroeta ubi wemaro yaini Ju uwara nesiaini nauawete iwata uawe wei. Yesu Keriso, Nasareta Amaranu bunama i amaranu buri ma wirosinuro yabai kobererau inaibinu wei. I Yesu yana korosiro oita. Oitaro uiro Godima uietaroma ma uyari.
27147	ACT 5:19	Oitaro dumuro Godinu aneruma ana eba sunu kasimu ma erearite i uwara woure wawaro fare ani.
27190	ACT 7:5	Odite nasini matawa uite ewa orofa atata nesia aini anu koiniboroba mamau we bou ui. I we bou ui kowaroma Eibaramu dawa koiniboro me.
27410	ACT 12:4	Weiro anitate Fita budari utate mune ana eba suro oita. Oitaro Erodima weiro meremere uwara faiyawere nesia sikisitini (16) dawa yawota. Erodima eno we imui, Godima Isaraero uwara Ijifiroma woure aneta ogaro me sibiro Fita i Ju uwaranu iboro woure odimate ma uimau we imui. Eno we imuiro Fita diburaro oitaro ibi.
27452	ACT 13:21	Odiro yanu sirorari uwarama Godiba weita, yanu ununa kini yabai odia weita. Weitaba Godima Kisanu amara Soro, Benijameninu abuaroma sirorari ui amara emaba mai. Mairo Soroma oya foti (40) ema yawotebi.
27453	ACT 13:22	Oya foti (40) yawotebiro Godima dawa kodite Deiwidi ma uyare emanu kini mune odi. Mune odite wei, ewa amara Jesinu amarana Nanu unu amara. Dana Nanu sina nesia naufisu Godima wei.
27500	ACT 14:17	Ereda yawotebe ibo utawa uite ema obi ureroma siaia uiro itari. Obi matebiro emanu ieta derawere waratebiro yaru utebita. Godima eno uite awona enanari utasuba Danu aika eno ma boroyarasuba Dawa ba Godi iwata utaisi weisi.
27576	ACT 16:24	Eno weitaba i amara sadei mune ane i dibura sunu ubare koruro odi. Odite senima emanu buri sadei mune anaro uwane badame ue odi.
27664	ACT 19:10	Oya sadeiro eno utebitaro i Eisia uwara nesia, Ju uwaraini Guriki uwara nesina Yesunu sina nautate moana naueta uwara sitaro moana nautawa uta.
27724	ACT 20:30	(Awe boroma gasira ifie yowere anasuro iya anaita i ari) siosa uwarama uyafitate Godinu sina naueta uwarabai fafitate we berafitaita wei. Moana meo uwarama yabairoma uyafitate meo sina webitate irufitaitaba moana uwarama emanu buribi anibitaitaba ibago yawoegou uforo wei. Nana yabai neno arama uteda i weda ainewaure Godinu sina wegou utedibebitara wei. Oya rarogonu eno utebitara wei. Awonana ya Godibai odimaro ya yawofisu wei.
27769	ACT 21:37	Oitate su ubarero woure amufitae utaro Foroma ami dera yawoeta amaraba wei, aba sina wemau aba me wei? Dera ami yawoeta amarama neno kirifu uteda wei, a Guriki sina iwata utasu wei?
27864	ACT 24:27	Oya sadei me siniro Fosia Fesama Firikinu kabesi muni. Firikima i Ju uwara garo uite wei, Foro dibura suro ibifisu wei. |L
27916	ACT 26:25	Weiro Foroma wei, O kobere amara Fesa, nana gogore me wei. Na ba sina watane wei.
27927	ACT 27:4	Ane farite iroma owere ariro nono boutiro anisi. Oyau derawere fariba Saifurasi mutumutu dubenaro anisi.
27930	ACT 27:7	Maira su ekoisite anisi. Oyau derawere fariba moana kowaro kekerama anebe anebe Sinadasi su serigari usi. Oyau derawere farite yanu aneta daba garari uiba Kuriti mutumutu iboro Saramone su baworo fare anisi.
27935	ACT 27:12	Oyauini obi kowa fariba yanu bouti ibeta orofa ba meba mui Kuriti mutumutu bouti ibeta orofa, Finiki su mubete iro ibifene weita.
27943	ACT 27:20	Oyabibi kowa faiyawere farebe kowaini sakaraini muinaini ba me uiba yana imusina uifeisi eno we imusi.
27967	ACT 27:44	Ogo iwata me uwara i boutiro ibinu ibaiabai o ana o ane ane mune sawete deiro aine aniawe wei. Weiro eno utate i uwara nesia maguaro ane amue me sita.
27969	ACT 28:2	I Mota uwarama yaba kobererau utebita. Obi matebiro iwu farebiba ina moatate yaba ario weita.
27975	ACT 28:8	Fubiasinu damama ofe derawere wouri. Ofe wakikiwere wouriba Foro dawabai anite guriguri uteda age danu ofe deiro odiro wiroi.
27978	ACT 28:11	Sakara rarogonu me siniro ya anisi. Yanu boutina Arekisana suroma fari bouti. Oyabibi kowaro iro ibebe anibie ui. Danu towanana Sokaka Amara sadei ari. Ina emanu godi sadeinu ereta tanana.
28116	ROM 5:1	Ido, yanu naueta Yesu Kerisobai oisi. Oisiro yanu nauetaba Godima yanu neno ma rorowarau ui. Nono Yanu Dera Waria Amara Yesu Kerisoro yaini Godini wesarau ibinisi.
28117	ROM 5:2	Yanu naueta Yesu Kerisobai oisi. Oisiro Dana ya nesiaba i me rorowarau ibeta daba wabue moya uiro awona i me maeta Dawabairoma musite iro inaraisi. Iro inareda nono yaini Godinu kobere araetawere efene utebaisi ibaiabaiba duburo efeisiba iba awona yaru derawere utaisi.