23220	MAT 1:7	Soromoni dana Reoboamunu damama. Reoboamu dana Abaijanu damama. Abaija dana Asanu damama.
23249	MAT 2:11	I uwarama i su ubarero amutate etana kuitaini Danu danua etate jejerigari uteda Dawa guriguri uta. Eno utate emanu kobere me maeta ememetu ma ifegari utate Dawaba goruini bonanawere faudaini bonanawere ogoini mata.
23251	MAT 2:13	I uwarama ane me sitaro Godinu aneruma Jousefabai tuberoma farite wei, uyate i kuitaini Danu danua muate Ijifi orofaro sau ania. Erodima i kuita dobere ma uifie utasuba iro ane ibiaro Nana wemaro nono owere ara wei.
23252	MAT 2:14	I dumuro Jousefa uyarite i kuitaini Danu danua munite iroma woure Ijifi orofaro ani.
23253	MAT 2:15	Ijifi orofaro ane ibifiro Erodi uifiro fafie iba ani. Godinu we bou ueta amarama wei iba enanari ui. Godima Danu we bou ueta amaranu bebeturoma eno wei, Nanu amara Ijifiroma ara wei, iba eno ui.
23257	MAT 2:19	Erodi ido uiro Godinu aneruma Ijifiro Jousefabai tuberoma farite wei, uyate i kuitaini Danu danua muate Isaraero orofaro ania. I kuita ma uifitae utebita uwarana uie me sinitaya ania wei.
23332	MAT 5:29	Anu banibira afu ditima a ma siosa ufisuna ma guju uate mu sate diti demuraima ibifasuna ina kobererau, diti sadeima i uitawa inaro anibasuna ina siosawere iba ma guju uate mu sa.
23339	MAT 5:36	Yanu kofiriro da wiawe yana i fouma iji da weboro inawere aba dubawaru da ufisu wei.
23341	MAT 5:38	Mosesinu wei sina ya nauta. I sina eno, mui amarama mui amaranu diti ma guju ufisuna danu diti moko ma guju uawe. Mui amarama mui amaranu nio ma furiafisuna danu nio moko ma furiawe eno weiya wei.
23370	MAT 6:19	Ibaiabai derawere ewa sakairo deiro deiro da odiawe. Ewaro jirikoini towima ina itaitaro waira ueta uwarama ibaiabai waira utaitaba yanu nauetaini Godibai gaukara ueta ina urero ibaiabai ari iba nauegou uteda ibaiabai ewa sakairo deiro deiro da odiawe.
23410	MAT 7:25	Danu su eno ubu uiro obi matebiro oku farebiro oyau derawere farebiro su gebiro deiro ibiba jugari utawa ui.
23412	MAT 7:27	Eno uiro obi matebiro oku farebiro oyau derawere farebe i su ma jugari uiro i su daido me sini Yesuma eno wei.
23416	MAT 8:2	Mui amaimawere amara Yesubai farite jegirari uteda nui wei, Dera Waria Amara, Anu unu ufasuna na ma wirofaro wiromau wei.
23425	MAT 8:11	Yaba watane, eme faiyawere kowa amueta afuini kowa itareta afuini ure yawoeta orofaro fafitate Eibaramuini Aisikini Jeikofuini kaiyobai yaubeda ieta ifitaro nono i Ju uwara, i ba urero yawoeta kabesi mubitae utaita uwara, Godima ema wawa, i dumuwere kabesiro mu sabiro iro emanu nio bijari uteda i webitaita wei.
23466	MAT 9:18	Yesuma emaba eno webina mui Ju uwaranu dubu su yawoeta amarama farite Yesunu buri gigirariro jegirari uteda wei, nanu aruma uisinua arate Anu agema dawa buriaro wirofite me ibifi wei.
23516	MAT 10:30	Godima yaba imuegou utasu. Dawa yanu fouma iji nesia yawiteda iwata utasu.
23542	MAT 11:14	Idoba yanu unu i sina imufoe ufoitana Joni dawana Iraija ido fari.
23649	MAT 13:41	I Ba Eme Sini Amarama Danu aneru siaia ufiro tarafitate Danu orofaro i siosa ue ereta uwaraini i siosa uwaraini nesia mubitate i uitawa inaro sabitaro iro anibitaita emema emanu nio bijari uteda i webitaita.
23657	MAT 13:49	Ewa orofa atata dubu kowa me sibiro enanari ufisu. Godinu aneruma enanari ufitaita. Godinu aneruma tarafitate i siosawere uwara i kobere uwarabairoma mubitate uitawa inaro sabitaro iro anibitaita emema nio bijari uteda i webitaita wei.
23727	MAT 15:25	Weiro i awetama fare Danu buri gigiraribai jegirari uteda wei, Dera Waria Amara, na durua ua wei.
23743	MAT 16:2	Weitaro Yesuma emaba wei, yawi sinebasuro gajigaji beatasu goso eraitate waidumu kowa inafisu waita.
23755	MAT 16:14	Weiro weita, moana uwarama Dawana Joni babataito amara waita. Moana uwarama Dawana Iraija waita. Moana uwarama Dawana Jeremaia aba mui we bou ueta amara waita weita.
23759	MAT 16:18	Fita Nanu sina naua. Ana Fita. Anu ifunu ubina gebiro. Nono i gebiro deiro Nanu sina naueta uwara odimaro i uietanu bunama ina da ma jugari ufisu.
23772	MAT 17:3	Eno uiro Mosesini Iraijaini Yesubai ido me ari usite fare sina sina webisi.
23773	MAT 17:4	Enoba Fitama Yesuba wei, Dera Waria Amara yanu ewado ibinisina kobererau. Anu ununa nana moana kiki suraratu rarogonu umau. Anu mui, Mosesinu mui, Iraijanu mui, Anu ununa ina ubu umauna ubu umau wei.
23779	MAT 17:10	Weiro i iwata ueta uwarama weita, i tarawatu tisa uwarama Iraija dawa ko fafisu aneba eno webaita weita?
23780	MAT 17:11	Weitaro Yesuma wei, ba waita. Iraija dawa ko farite ibeda ane ane nesia ue bou bou utebi wei.
23781	MAT 17:12	Nanu sina wemaro nauawe. Iraija dawa fariro emana dawa iwawa utate dawaba siosawere uta. Enanari i Ba Eme Sini Amaraba siosawere ufitaita wei.
23783	MAT 17:14	I guruguru ubita uwarabai ta fataro mui amarama Yesubai farite jegirari uteda wei, Dera Waria Amara, nanu amaraba neno arama ua wei. Nanu amarama uieta ari utebasu. Moana kowaro inaini ogoro faiya faiyawere itarebasu. Enoba oferi derawere wourasu.
23786	MAT 17:17	Weiro Yesuma wei, ya imutawa jaja bujiji utaita uwara! Yabai kowa aboabo ibimaro Na naue imue ufoita wei? Eno weite wei, i amara ewaro Nabai woure ara weiro eno uta.
23805	MAT 18:9	Yanu mui ditima ya ma siosa ufisuna i diti torowa ma guju uawete mu sawete diti demuraima ibifoitana ina kobererau. Diti sadeima uitawa inaro ya sabitaitana ina siosawereba iba diti ma guju uawete diti demuraima ure orofaro aniboitana ina kobererau, diti sadei bobo uitawa inaro aniboitana siosawere wei.
23822	MAT 18:26	Weiro i gaukara amarama dera kinibai jegirari uteda nui wei, dera amara yawoaro i oi nesia aba enanari mama wei.
23825	MAT 18:29	Weiro i mui gaukara amarama jegirari uteda nui wei, yawoaro nesia moko mama wei.
23881	MAT 20:20	Jebedinu awetama danu amara sadei mune Yesubai woure fari. Wo farite jegirari uteda danu ununa kobererau mubie iba eno ui.
23896	MAT 21:1	Jerusaremu suro fafitae ureda mui su Oriwa Maidani gigiraribai ibi Betifeiji suro are fata. Fataro Yesuma Danu iwata ueta amara sadei siaia uite wei, etei kirisi weto suro aniawa. Ane fafawaisina mui donikini danu otowa natuini doie oitaro inaibinuba efawaisina ema ma uregari uawate woure Nabai arawa.
23954	MAT 22:13	Wate mu uiro kini amarama mui ogaro yawoeta amaraba wei, danu buri age uwane tariate dawa i wawa dumuwere kabesiro saro itafi. I kabesiro uwarama nio bijari uteda i webitaita.
24077	MAT 24:51	Ido fafite dawa fanisi mafite i meoma weta uwarabai sane odifiro iro emema nio bijari uteda i webitaita Yesuma eno wei.
24103	MAT 25:26	Weiro wei, ana siosawerero ofe ejiwawere gaukara amara! Nana kimu yawoeta amara. Beata waitawa ietata munatanete ane ane odawa odeda nono munatane.
24107	MAT 25:30	I siosawere gaukara amara muate i dumuwere wawa kabesiro mune sawero itafi. Idoba iro emema emanu nio bijari ufitate i webitaita, i dera amarama eno wei. Yesuma i sina emaba wei.
24124	MAT 26:1	Yesuma i sina nesia we me sinite Danu iwata ueta uwaraba wei, kowa sadei me sibiro i Godima Isaraero uwara Ijifiroma woure aneta ogaro kowa fafisu. I kowaro i Ba Eme Sini Amara moana uwaranu age duro mafitaro korosiro ure odifitaita wei.
24140	MAT 26:17	I wawareta ira yisiti me buredi ogaro kowa ido fari. I kowa ido fariro Danu iwata ueta uwara Dawabai fatate weita, anu Godima Isaraero uwara Ijifiroma woure aneta ogaro aboro ue bou ufeisi weita?
24182	MAT 26:59	I dera fuyo ode sina weta uwaraini i kanisoro uwara nesia Yesuba meo wawei weda Yesu ma uifitae daba dobeta. Dobetana uwara faiyawere fatate Yesu meo wawei weita. Meo wawei weitaba Yesu ma uieta daba atanawa uta. I uwarama enoma enoma wawei weitaro nono amara sadei fasite weisi, ewa amarama wei, Godinu dera dubu su ma jugari umate kowa rarogonuro nono ubu umanu weiya weisi.
24205	MAT 27:7	Eno weitate mui sina we matatate jogo okia ubu ueta amaranu nasini aika uwara uifitaro ema iro uri ufitae iba i nasini oiya uta.
24213	MAT 27:15	I Godima Isaraero uwara Ijifiroma woure aneta ogaro kowaro oya mui muiro Isaraero uwarama emanu unu webitaro dera yawoeta amarama enanari dibura amara demurai ma uregari utebiro anebi.
24227	MAT 27:29	Eno utate sinisini bobo emetu kofi ubu utate Danu kofiri deiro oita. Oitate akuri Danu banibira agero oitate jejerigari uteda irue weita, Ju uwaranu dera yawoeta amara eawe enoma enoma weita.
24237	MAT 27:39	I fare anebita uwarama irueta sina weitate kofiri kereu kereu uteda yo weitate weita, A dera dubu su ma jugari ufate kowa rarogonu nono ubu ufasu weide, botai Anu torowa ma wiroa. Ana Godinu Amara aba me? Ana Godinu Amarana korosiroma ita, eno irue weita.
24245	MAT 27:47	Weiro i guruguru ubita uwarama nautate moana uwarama weita, etei Amarama Iraija yua wasu weita.
24247	MAT 27:49	Aniro moana uwarama weita, kodia, Iraija fafite Dawa ma wirofisu aba me ari, ina efeisi weita.
24273	MAT 28:9	Anisina Yesuma ema dabaro atanite wei, farisi wei. Weiro ema Danu buri gigirari jegirari uteda Dawa guriguri usi.
24324	MRK 1:40	Buri age amaima utebi amara Yesubai farite jegirari uteda nui wei, anu unu ufasuna na ma wirofaro wiromau wei.
24365	MRK 3:8	Nautate eme faiya faiyawere Yesubai ata. Gareri orofa uwaraini Judia orofa uwaraini Jerusaremu su uwaraini Idumeia orofa uwaraini Jodani etarafu orofa uwaraini Taira su uwaraini Saidoni su uwaraini eme faiyawere nautate ataba Yesuma Danu iwata ueta uwaraba wei, jamana mune bou uawe wei. I uwarama Dawa taka uotoba.
24395	MRK 4:3	Yesuma imueta faiyawere kasei sinaroma webie wei, Nanu sina nauawe, mui amara uiti yo waifie waiya umanite jiru turite nasini daure bou uite yo munite sanebi.
24491	MRK 6:15	Moana uwara eno weita, etei amarana Iraija weita. Moana uwara eno weita, Dawana Godinu we bou ueta amara, bodere we bou ueta uwara ari weita.
24524	MRK 6:48	Yesuma erebiro oyau derawere fariro i uwara jawe urebitana you anawa utebi.
24597	MRK 8:28	Weiro weita, moana Joni babataito amara waita. Moana Iraija waita. Moana Godinu mui we bou ueta amara waita weita.
24611	MRK 9:4	Iraijaini Mosesini me ari ue fasite Yesuini sina sina webitaro i amara rarogonu etate Fitama Yesuba wei, Dera Amara, ewado kobererau yaubinisiba kiki suraratu rarogonu Anu mui Mosesinu mui Iraijanu mui ufeisi aba me wei?
24618	MRK 9:11	Weitate Dawaba weita, tarawatu tisa uwarama eno waita, Iraija dawa ko afisu. Aneba eno waita weita?
24619	MRK 9:12	Weitaro wei, ba waita. Iraija dawa ko farite ibeda nesia ue bou bou utebi wei. Godinu bukaroma Ba Eme Sini Amaraba eno wasu, oferi derawere woufiro Dawaba uwarama neno ka ufitaita, eno wasu wei.
24620	MRK 9:13	Enoba yaba watane, Iraija fariro emanu unu enanari dawabai uta. Godinu bukaroma edono wasu, Yesuma eno wei.
24654	MRK 9:47	Anu ditima a ma siosa ufisuna diti enabira ma guju ue mu sate diti demuraima Godinu yawotasu orofaro eno anibasu ina kobererau. Diti sadei bobo ina kabesiro a sabisuna ina siosawere.
24656	MRK 9:49	Yesuma weite nono wei, Godima Danu ba kimuwere naueta uwara nesiaba emema emanu wari inaro yare fije ure ma rorowarau utaita i ari Godima Danu uwara inama yare ma rorowarau unono utasu wei. Eno uteda emanu naueta ma kimu ufitae kimuwere inama eme ba yarebasu i ari utasu wei.
24674	MRK 10:17	Yesu i orofa ekodite dabaro ani. Anebina mui amara durami ue are farite jegirari uteda wei, kobere Tisa Amara, anene umate ibene ibene me ibeta mumau wei?
24710	MRK 11:1	Yesuini Danu iwata ueta uwaraini Jerusaremu dera natofo suro fafitae arebita. Arebe arebe are mui su sadei Betifeijini Beteni i oriwa maidanibai ibita. Enoba inarebe i su sadei ibita orofa abanaro are fata. Nono iroma Jerusaremu suna yafa me. Are fatate Yesuma Danu iwata ueta mui amara sadei siaia uteda wei, etei yanu ibo afu ibinu mui kirisi weto su ifu Betifeiji iro aniawate eawaro mui su gigirari tubune tutubaro bodere mui amarama yaurawa i otowa doniki egi nama doie odifitaro ibifiro efawaisina ido na ma uregari ue muawate Nabai woure arawa wei.
24743	MRK 12:1	Yesuma mui kasei sina Danu torowaba emabai eno wei, mui amara gureifi tai waiya umanite jiru turite gebiroma dowa ure kara uite gureifi amune adidiareta koru ubu uite danu dobo uite gureifi yo wai. Eno uite danu waiya moana uwaraba yawofitae mateda mui orofaro ani.
24824	MRK 14:1	Godima i Isaraero uwara Ijifiroma woure ani ogaroini wawareta ira yisiti me buredi ogaro kowa sadei fafiro iteibitaitaba dera fuyo ode sina weta uwaraini tarawatu tisa uwarama Yesu kiwuma mubitae utate Yesunu ma uieta daba we turebe weita, ogaro kowaro da budari ufeisi weita. Eno uoisiro uwara nesia emanu emanu aika ibo uotote uraotoa weita.
24835	MRK 14:12	Wawareta ira yisiti me buredi ogaro, danu botai kowa ido fariro Godima Isaraero uwara Ijifiroma woure ani mamoenatu ogaro uetaba urebitaro Danu iwata ueta uwarama weita, Anu ogaro aboro ufete ifeisi weita?
24880	MRK 14:57	Moana uwarama uyareda meo sina weita, ewa amarama botai wei, eme agema uta dera dubu su ma jugari umate kowa rarogonu me sibiro reka su agema da umate sau ue me simau weiya weita.
24901	MRK 15:6	Godima Isaraero uwara Ijifiroma woure ani ogaro kowaro i uwarama dibura amara demuraiba webaitaro dera yawoeta amarama uregari utebasu.
24914	MRK 15:19	Eno weitate isuma kofiriro ureda witua uteda jejerigari uteda irueta sina webita.
24924	MRK 15:29	I fare anebita uwarama irueta sina weitate kofirima kereu kereu uteda yo weitate weita, A dera dubu su ma jugari ufate kowa rarogonu nono ubu ufasu weide weita?
24930	MRK 15:35	Eno weiro moana inaibita uwara nautate weita, nauawe, Dawana Iraija yua wasu weita.
24931	MRK 15:36	Weitaro mui amara anite uriri ari munite isuro uwanite diririwere ana tai dumamuro ma inuite Yesunu bebeturo odite wei, Iraija ido fafite mubiro efe wei.
24967	LUK 1:5	Boderewere Erodi, dana gaemani dera yawoeta amara. Dana Judia orofa yawotebi. Yawotebina i kowaro mui fuyo ode sina weta amara, danu ifu Sakaraiya, iro ibebi. Danu danata demurai uwarana Abaija waita uwara ido. Dawaini danu uwaraini dera dubu suro Godinu gaukara utebita. Sakaraiyanu awetanu ifuna Erisabeti. Erisabetinu waria amarana Eroni. Eroninu uwaraini Godinu fuyo ode sina webita.
24970	LUK 1:8	I Abaija waita uwaranu gaukara kowa ido fari. I fuyo ode sina weta uwaranu baeta eno, emanu gaukara kowa farinuba emanu ifu ifu feifaro yanatebitate bosioro youtebita. Eno utebitate guriguri utebitate ifu demurai munebita.
24979	LUK 1:17	Iraijanu ueta sinetaini bunaini dana mubite dawa ko anibisu. Anibite emanu damamamutuini koiniboroini ma demurai ufiro ibifitaita. I Godinu sina naue ekoeta uwaranu neno ma owereibiro nono imueta kobererau imuteibitaita. Dawa i uwara eno ue bou ufiro Dera Waria Amara ido fafisu, aneruma eno wei.
25083	LUK 2:41	Danu danuaini damama oya ainewaure Jerusaremu suro Godima Isaraero uwara Ijifiroma woure aneta ogaro anebisi.
25157	LUK 4:25	Ba watane, Iraija imue eawe! Iraijanu ibeda utebi gaukara kowaro wabu awetabo faiyawere ibita. I kowaro oya rarogonuini nono mui oya abanaro obi matawa me ibebiro sinai derawere fari.
25158	LUK 4:26	Fariro Godima Iraija danu su wabu awetabobai siaia utawa uite Iraija Saidoni orofa Serefati su wabu aweta torowabai siaia uiro aniro durua ui wei.
25178	LUK 5:2	Eno utaro inaibeda erina bouti sadei mesau gigirariro ibitaro eri. I bouti ubi uwarama bouti ekoitate emanu iwame mune ogoro urotebitaro erite Saimoninu boutiro ane amui. Ane amuite Saimoniba wei, jawe uaro eta eta anibe weiro enanari ui. Yesu i bouti ubarero yaubeda iroma i uwara we mawetu ui.
25263	LUK 6:48	Mui amarama su ubu ufie ui. Su tutubu eba yafawere daure taranite tutubu gebiro deiro sanite gebiroini sakaini sanite isuma yanairo kimu ui. Danu su eno ubu uiro obi oku farite su ma jugari utawa ui.
25264	LUK 6:49	I uwarama Nabai fafitate Nanu sina naufitate gifena ufitaitana i uwara ewa sina i ari we enanari umau. Mui amarama su ubu ufie uite tutubu sanawa uite su sakai deiro ubu ui. Eno uiro obi oku farite su sau ma jugari uiro i su daido me sini, Yesuma eno wei
25302	LUK 7:38	Amo farite Yesu yaubiro i aweta Danu buri dubena afu gigirariro inaibeda i webiro inodi Yesunu buriro itari. Enoba i awetama Yesunu danu buri fouma ijima maiturite Yesunu buri koku uite i bonana ogo buriro ma wegari uiro ogo buri deiro itari.
25308	LUK 7:44	Eno weite owerite i aweta ereda Saimoniba wei, ewa aweta erasu? Anu suro amunero a buri uroeta ogo Naba matawa usinuro i awetama Nanu buri diti inodima urosinute danu fouma ijima maiturinu.
25318	LUK 8:4	Su su uwara faiyawere guruguru utaro Yesuma emaba kasei sinaroma we mawetu uteda eno wei, mui amarama yo waifie waiyaro ani. Ane farite jiru turi. Jiru turi me sinite yo mune sane inarebi. Yo sanebiro moana yo dabaro itataro emema deiro amune adire inarebitaro gasirama itebita.
25378	LUK 9:8	Moana uwarama weita, Iraija dawa ido owere fari. Moana uwarama weita, mui bodere we bou ueta amara ido fari.
25389	LUK 9:19	Weiro weita, moana uwarama Ana Joni babataito amara waita. Moana uwarama Ana Iraija waita. Moana uwarama Ana mui bodere we bou ueta amara uietaroma uyariba ido owere farinu waita weita.
25400	LUK 9:30	Eno uina amara sadei iro me ari fasite Yesuba weisi. Mosesini Iraijaini Godinu araetaro fasite Godinu unu Yesu Jerusaremu suro uieta sina Dawaba weisi.
25403	LUK 9:33	Mosesini Iraijaini Yesu ekodifitae utana Fitama Yesuba wei, Dera Amara, yanu ewado yaubinisina kobererauba kiki suraratu rarogonu Anu mui, Mosesinu mui, Iraijanu mui ubu ufeisi wei. Danu imuetana rorowarau meba iba eno wei.
25411	LUK 9:41	I amarama eno weiro Yesuma wei, ya imutawa jaja bobo utaita uwara. Yabai kowa aboabo ibimaro imufoita? Anu amara Nabai woure ara wei.
25466	LUK 10:34	Neno arama uiba i amarabai ane jegirari uteda ira amairo odite badesina danu amai wayari. Eno uite i amara mune danu doniki egi deiro ma yaurite ani. Ane otere suro farite i amara yawoegou ui.
25535	LUK 12:7	Godima yanu fouma iji nesia yawitasu iba iya da uyawe. Godima i gasirararatu imutasute nono yabana derawere imuegou utasu wei.
25545	LUK 12:17	I amarama yaubeda we imui, nanu waiya ieta faiyawerero mui su meba aboro odimau we imuite wei, eno umau, nanu ietata oeta su nesia ma jugari umate reka derawere ietata oeta su ubu umate iro nanu feameini nanu ibaiabai nesia odimate nanu torowaba wemau, na ane imumane nabai ibaiabai faiya faiyawere ibinuba ietaini ogoini woroworo iteimate yaru uteimau eno wemau weiya wei.
25561	LUK 12:33	Yanu ibaiabai oiya ue mawete i ba me ibeta uwaraba oi moana mawe wei. Eno ufoitana yanu ibaiabai urero ibene ibene ibifisu. Iro waira uwarana me. Iro jirikoma ibaiabai ma arama da ufisu.