23239	MAT 2:1	Merima Yesu Judia orofa Betiremu suro muni. I kowarona dera yawoeta amara Erodima i orofa yawotebi. I muni kowaro moana muinanu ubi iwata derawere uwarama i kowa amueta orofa yafawereroma Jerusaremu suro are fatate weita, i Ju uwaranu reka muninu yawoeta amara aboro? Kowa amueta afu Danu muina esiba iba Dawa guriguri ufene farisia weita.
23242	MAT 2:4	Erodima weiro i dera fuyo ode sina weta uwaraini tarawatu tisa uwaraini dawabai fata. Fataro wei, i we bou ueta uwarama Keriso aboro mubie weita wei? I kuita, Ju uwaranu kini, aboro muninu wei?
23245	MAT 2:7	Erodima i iwata derawere uwaraba kiwuma weiro dawabai fata. Fataro wei, i muina abo kowaro fariro eta wei?
23266	MAT 3:5	Jerusaremu su uwaraini Judia orofa uwaraini i Jodani orofa mamamama uwara nesia Jonibai fatate emanu neno neno ueta we ma borobayataro Jonima ema Jodani ogoro babataito utebi. Jonima erina i Ferosi uwaraini Sadusi uwaraini dawabai fataro erite emaba wei, ya tabainu muneta! Anama Godinu fafisu neno ka ueta yaba weiba iba serigari ufote iya aniboe nabai durami ue faraita wei?
23275	MAT 3:14	Joni dawa unutawa i babataito ueta iba Yesuba wei, nana Abai babataito uegou umau rairo aneba nabai are farinu wei?
23316	MAT 5:13	Yana ewa orofa atata uwaranu soru ari. Emema imonawere soru itebaita i ari yana kobererau utebaitana emema ereda ina kobererau webaita. Sorunu imona me sibisuna anene danu imona nono imona ufisu? Ina ba meba mu sanaitaro emema deiro amune adire anaita, i ari yana siosawere ufoitana emema yanu sina da naufitaita.
23378	MAT 6:27	Anama eno imutebe imutebe danu ibeta kowa ma yafa ufisu? Me.
23379	MAT 6:28	Aneba wadiaba imutaita? I sigina imue eawe! I sigina emanu torowa gaukara utawa emanu torowa wadia ue yurawa me warataita.
23388	MAT 7:3	Aneba mui amaranu diti ubarero ifururatu eregou utaitate yanu diti ubarero ibinu ana tumi erawa utaita?
23389	MAT 7:4	Aneba waita, kaka, ueta siosawere kikiratu, ifuru ari, anu ditiro ibinu ma mumu umau waitana yanu diti ubarero ueta siosararabo, ana tumi ari, ibinuro ya erawa utaita? Ya meo meo uwara yanu diti ubarero ibinu ana tumi botai mu sabote eregou ufoitana nono yanu yatae yabuenu diti ubarero ifuru ma mumu ufoita wei.
23394	MAT 7:9	Ananu amarama ietaba nui webisuna gebiro mafisu? Me.
23395	MAT 7:10	Ananu amarama erio egiba nui webisuna towi mafisu? Eno da ufisu.
23441	MAT 8:27	Enoba i uwarama neno kirifu uteda weita, ewa amara abo amararo oyauini ogoini Danu sina nautaita weita?
23443	MAT 8:29	I amara sadeima Yesu atasite weisi, Godinu Amara waba ane ufae utasu? Wanu koto kowa farawaba waba fanisi da ma weisi.
23452	MAT 9:4	Weitaro Yesuma emanu imueta iwata uteda emaba wei, aneba nenoma siosawere imutaita?
23453	MAT 9:5	Abo sinama wemau? Anu neno neno ueta mumate imutawa umau aba uyate anu wia muate ania ari? Abo sinama kimuwere wei?
23459	MAT 9:11	Fataro i Ferosi uwara etate Yesunu iwata ueta uwaraba weita, yanu tisa amaraini i takesi muneta uwaraini neno neno ueta uwaraini aneba uruama ieta itaita weita?
23462	MAT 9:14	Joninu iwata ueta uwarama Yesubai fatate weita, i Ferosi uwaraini yaini baetaba ieta itawa ka utaiside nono Anu iwata ueta uwarama aneba ka utawa ieta itaita weita?
23476	MAT 9:28	Weisiro suro amuina i amara sadei iro amusite Dawabai fasiro Yesuma emaba wei, eno umau imutaisi wei? Weina weita, Dera Waria Amara, aiwia weisi.
23510	MAT 10:24	I ue iwata amarana derawere me, danu tisa amarana derawere. I gaukara amarana derawere me, danu dawa yawoeta amarana derawere. I ue iwata amaraini tisa amaraini arotorowa sibisisina ina ido. I gaukara amaraini yawoeta amaraini arotorowa sibisisina ina ido Yesuma wei. Na i su ubi amaraba Biesabo, seitani waitana, ya i su gaukara uwaraini ifu siosararabo webitaita wei?
23520	MAT 10:34	Ane we imutaita? Na yaba merau ibeta, wesa mamane fare, eno we imutaita? Enoba ewaro farawa ue. Na ewa nasiniro wesarau ueta mamane farawa. Na wesarau ueta mamane farawarogo Nanu sina wemaro moana uwara nauteibitaro moana uwara nautawa uteda urane yarane uteibitae iba farea wei.
23530	MAT 11:2	Jonima diburaro ibina Yesunu sina weitaro nauite danu iwata ueta uwara Yesu Kerisobai siaia uiro anitate weita, Ana yanu yawotaisi Amara aba mui amarama fafiro efeisi weita?
23535	MAT 11:7	I uwarama Yesu ekoitate anita. Anitaro Yesuma i guruguru ubita uwaraba Joninu sina eno wei, i eme ibawa orofaro ane efoe anita? Oyauma oua ma wawana wawana utasuna i amara buna me, oua ari, efoe anita?
23536	MAT 11:8	Ane efoe anita? Wadia dawana derawere bobo amara efoe anita? I wadia dawana derawere uwarana dera yawoeta uwaranu suro ibinita.
23537	MAT 11:9	Aneba iro anita? Godinu we bou ueta amara efoe anita? Nanu sina nauawe. Dawa otowaratu we bou ueta amara me. Dawana dera we bou ueta amarawere.
23544	MAT 11:16	Weite Yesuma nono wei, ewa ibinita uwara abo uwara ari? Ewa uwara ane ari wemau? Ewa uwarana koiniboro ari watane. Koiniboroma su abanaro yauraitate emanu domayamutuba waita, buma uraisiro ya yaura urawa utaita. Ya neno arama sorara utaisiro nono ya sorara utawa utaita.
23551	MAT 11:23	Yesuma nono wei, ya Kafenamu su uwara, urero manibene waita? Iro da manibote uitawa inaro aniboita wei. Godinu buna ueta faiyawere erebitaba i Sodomu su uwarama ina efitarona emanu su awona ibifie wei.
23561	MAT 12:3	Weitaro Yesuma emaba wei, Deiwidinu osi uriba ieta munebi ikiki yawitaita aba me?
23563	MAT 12:5	Godinu tarawatu bukaro dera fuyo ode sina weta uwarama Godinu sabate kowa ma siosa utebita sina ibinuro ina yawitaita aba me wei? I uwarama Godinu sabate kowa ma siosa uteda enanari Godinu tarawatu ma siosa utebitana nono Godima emabai kerere odawa ui wei.
23568	MAT 12:10	Amuina age arama amarama ido yaubiro eri. Eriro moana uwarama Yesu meo wawei sina webitae Dawaba weita, sabate kowaro ma wiroetana kobererau aba me weita?
23569	MAT 12:11	Weitaro Yesuma emaba wei, yanu moana egi sabate kowaro sakai uri yafa derawere ubarero itafitaro ma youforo amufitaita aba me wei?
23570	MAT 12:12	Yana egi imutaitate nono eme imuegou utawa utaita wei? Enoba sabate kowaro kobererau uetana ido aba me wei?
23581	MAT 12:23	I uwara nesia neno kirifu utate weita, ewa amarana Godinu ma wiroe mune aneta amara aba me weita?
23585	MAT 12:27	Na Biesabonu bunaroma seitaninu siosa imumu we beratanena yanu uwarama seitaninu siosa imumu ananu bunaroma we berataita wei? Ibago i uwarama ya koto ufitate ya meo waita webitaita wei.
23587	MAT 12:29	Mui amarama buna amaranu ibaiabai waira ufie uteda anene ufisu? Dawa i buna amaranu buri age ko botai uwane tarifite nono duburo danu ibaiabai waira ufisu.
23592	MAT 12:34	Ya towinu muneta! Yana siosawereba anene kobererau weboita wei? Mui amaranu neno ubarero i imuetama wate farinuba iba wasu.
23606	MAT 12:48	Weiro Yesuma dawaba wei, Nanu bayaini nabuemutude anaiya wei?
23618	MAT 13:10	Yesuma i sina we me siniro Danu iwata ueta uwarama Yesubai fatate weita, aneba emaba kasei sinaroma wasu weita?
23635	MAT 13:27	Enoba i gaukara uwarama su ubi amarabai fatate weita, dera amara, ana kobere tai wai aba me? Nono anene uru faiyawere waratasu weita?
23636	MAT 13:28	Weitaro wei, mui amarama naba wasai uite iba eno ui wei. Weiro i gaukara uwarama dawaba weita, i uru ma rerefeisi aba me weita?
23659	MAT 13:51	Yesuma emaba wei, i watane sina nesia nautaita wei? Weina nautaisi weita.
23662	MAT 13:54	Ane Danu orofaro farite i Ju uwaranu dubu suro we mawetu ui. We mawetu utebiro i uwarama neno kirifu utate weita, ewa amara Danu iwata derawere aboro muninute Danu buna ueta anene utasu?
23663	MAT 13:55	Dawa etei su ma inareta amaranu amara aba me? Meride Danu danua aba me? Jeimisini Jousefaini Saimonini Judasini ema Danu dabureta aba me?
23664	MAT 13:56	Danu arumami yabai ibinita aba me? Ewa amarana anene dera amara? Danu iwata aboro muninu weita?
23682	MAT 14:16	Weitaro Yesuma wei, aneba anibitaita? Emaba ieta mawe wei.
23703	MAT 15:1	Moana Ferosi uwaraini tarawatu tisa uwaraini Jerusaremu suroma Yesubai ane fatate weita, Anu iwata ueta uwarama yanu baeta uwaranu ueta sina nautawa utaita. Ieta itaitana age urotawa utaita. Aneba eno utaita weita?
23705	MAT 15:3	Weitaro Yesuma emaba wei, yade, aneba yanu baeta sina nauegou utaitate nono Godinu tarawatu sina nautawa utaita?
23718	MAT 15:16	Weiro Yesuma wei, ya uwara imueta bobo meba ewa sina iwawa utaita?
23735	MAT 15:33	Weiro Danu iwata ueta uwarama Dawaba weita, ewa yao orofade ieta aboro mubero i uwara nesia ifitaita weita?
23736	MAT 15:34	Weitaro Yesuma emaba wei, buredi aboabo yabai ibinu wei? Weiro buredi sewenini (7) erio egi ba torowaratu weita.
23749	MAT 16:8	Weitaro Yesuma emanu sina iwata uteda emaba wei, ya kikiratu naueta uwara. Aneba burediba sina we matanaita?
23750	MAT 16:9	Aneba iwawa utaita? Aubokona buredi fai ma birabiarero eme fai tausani (5,000) itaro bosaru bosio aboabo youta? Ina imutawa utaita?
23751	MAT 16:10	Nono buredi seweni (7) ma birabiarero eme fo tausani (4,000) itaro bosaru bosio aboabo youta?
23752	MAT 16:11	Ina imutawa utaita? Burediba wiawa unero aneba iwawa utaita? I Ferosi uwaraini Sadusi uwaranu wawareta ira yisiti eforo watane wei.
23754	MAT 16:13	Duburo Yesuma Sesaria Firifai orofaro ane fari. Iro farite Danu iwata ueta uwaraba wei, ewa uwarama i Ba Eme Sini Amarana abo amara waita wei?
23756	MAT 16:15	Weitaro Yesuma emaba wei, yade, Naba anene waita wei?
23767	MAT 16:26	Mui amarama ewa orofa atata ibaiabai nesia mubiro danu me ibeta imumu siosa kabesiro feafisuna ina kobererau me. Eno ufisuna danu imumu anene moko oiya ufisu wei?
23779	MAT 17:10	Weiro i iwata ueta uwarama weita, i tarawatu tisa uwarama Iraija dawa ko fafisu aneba eno webaita weita?
23786	MAT 17:17	Weiro Yesuma wei, ya imutawa jaja bujiji utaita uwara! Yabai kowa aboabo ibimaro Na naue imue ufoita wei? Eno weite wei, i amara ewaro Nabai woure ara weiro eno uta.
23788	MAT 17:19	Duburo Danu iwata ueta uwara emanu aika Yesubai fatate weita, i seitaninu mui siosa imumu aneba we ma beratawa uisi weita?
23793	MAT 17:24	Yesuini Danu uwara Kafenamu suro fata. Fataro i Ju uwaranu dubu su takesi muneta amarama Fitabai farite wei, anu tisa amarama i dubu su takesi oi sanasu aba me wei?
23794	MAT 17:25	Weiro Fitama wei, aiwia, Dawa sanasu wei. Duburo Fitama suro fariro Yesuma wei, Saimoni ane imutasu? I dera kini uwarama abo uwarabai takesi oi munaita? Emanu daburetabai aba moana uwarabai? Ane imutasu wei?
23797	MAT 18:1	Mui kowaro Yesunu iwata ueta uwarama Dawabai fatate weita, ure yawoeta orofaro yabaina abo amarama iro dera amara sibisu weita?
23808	MAT 18:12	Ewa imue eawe! Mui amarama mamoe wani aderedi (100) boboro nono mamoe demurairatu feafisuna mamoe nainiti naini (99) maidaniro ekodifite i mamoe demurai dobere anibisu. Eno ufisu aba me? Aiwia eno ufisu.
23817	MAT 18:21	Fitama Yesubai farite wei, Dera Waria Amara, nanu naiye naba aboabo siosawere ufiro mumate imutawa umau? Ba me nesia seweni (7) ufiro mumate imutawa umau wei?
23834	MAT 19:3	I Ferosi uwarama Yesubai ue efitae fatate woure ereda weita, mui amarama danu aweta me ekodifie ufisuna yanu tarawatu iba ane wasu weita?
23835	MAT 19:4	Weitaro Yesuma wei, ewa sina yawita aba me? Godima awetaini awera ubu uite wei, idoro i amarama danu danua damama ekodifite danu awetabai taka ufiro emana sadeina merago demurai ari sibisisi Godima wei. I sina ya yawita aba me Yesuma wei? Weite nono wei, Godima eno uiba awetaini awera sadei ari me, emana demurai ari. Godima ema ma taka uiba mui amarama ema da ma darefisu wei.
23838	MAT 19:7	Weiro weita, idorogo nono Mosesima aneba eno wei, mui amarama danu aweta ekodifie uteda ekoeta koto feifa danu awetaba mafite ekodifisu weiya weita?
23847	MAT 19:16	Mui amarama Yesubai farite wei, Tisa Amara, ane kobererau umate me ibene ibene ibimane wasu wei?
23848	MAT 19:17	Weiro Yesuma dawaba wei, ane kobererauba wenauerasu? Godi Danu torowana kobererau. Me ibene ibene ibifae ufasuna Godinu tarawatu sina nesia nauegou ua wei.
23849	MAT 19:18	Weiro i amarama wei, abo sina wei? Weiro Yesuma wei, eme da ma uia, yagera da fa, waira da ua, wawei webasuna meo wawei da wia, anu anua amamaba uegou ua, anu aiyeba anu aika neno arama utasu enanari neno arama ua wei.
23851	MAT 19:20	Eno weiro i reka amarama Yesuba wei, i wenu nesia utebatane, mui anene umau wei?
23856	MAT 19:25	Weiro Danu iwata ueta uwarama nautate neno kirifu derawere uteda weita, enoba anama wirofisu weita?
23858	MAT 19:27	Weiro Fitama moko wei, yanu ane ane nesia ekoisite Anu buribi araisia wei. Enoba ane mubeisi wei?
23867	MAT 20:6	Yawi sinina nono anite erina moana uwara me inaibitaro erite wei, aneba ewa kowaro me inaibinita wei?
23876	MAT 20:15	Ewa oina nanuba anene mamauna mamau. Ina ido aba me? Nanu kobererau uetaba ibo utasu, waiya ubi amarama eno wei.
23882	MAT 20:21	Eno uiro Yesuma wei, ane ufae wei? Weiro i awetama wei, wiaro Anu yawoeta orofaro anibasuna iro nanu mui amara Anu banibira age afuro yaufiro nanu mui amara Anu ewani age afuro yaufisu wei.
23883	MAT 20:22	Weiro Yesuma wei, yanu wenauereta ya iwata mero ya me sara waita. Nanu uraneta wakiki ogo ifawaisi aba me wei? Weina aiwia ifutu weisi.
23893	MAT 20:32	Weisiro Yesuma inarite wei, yaba ane umane waisi wei?
23905	MAT 21:10	Webitaro Yesuma Jerusaremu suro ido fari. Fariro i Jerusaremu uwarama neno wanai uteda weita, ewa amarana ana weita?
23910	MAT 21:15	I dera fuyo ode sina weta uwaraini tarawatu tisa uwaraini Yesunu buna ueta etana i koiniboroma i dera dubu suro weroroka weda Godima we muni odiro Deiwidibairoma sirorari ui Amara Dawa kobererau weitaro nautate ibo utate Yesuba weita, i koiniboronu sina nautasu aba me weita? Weitana aiwia, nautatane wei. Weite wei, ewa sina yawita aba me? I sinana edono, i otowa koiniboroini ama itaita koiniboroini emanu Dera Amaranu ifu we ma derawere ue we ma kobererau utaita. Na iwata, i sina ya yawita wei.
23915	MAT 21:20	Eno uiro Danu iwata ueta uwarama etate neno kirifu utate weita, i boruba ana anene sau sibu urinu weita?
23918	MAT 21:23	Yesuma dera dubu su ubarero amuite we mawetu ui. We mawetu uina i dera fuyo ode sina weta uwaraini Ju uwaranu baeta uwaraini Yesubai fatate weita, ananu bunaro A eno utasu? Anama buna Aba mairo eno utasu weita?
23920	MAT 21:25	Joninu babataito ueta, ina ureroma fari aba emebairoma fari wei? Weina sina we mataneda emanu aika weita ane webeisi? Ureroma fari webeisina Joni aneba nautawa uta webisu.
23921	MAT 21:26	Nono emebairoma fari webeisina i uwara nesia Joni Godinu we bou ueta amara imutaitaba emema yaba ane ufitaita weita?
23926	MAT 21:31	Abo amarama danu damamanu sina naui wei? Weina botai amarama weita. Weitaro Yesuma wei, yaba ba wemaro nauawe. I takesi muneta uwaraini emeba uyare fareta awetaini ema ko Godinu ure yawoeta orofaro anibitaro yana aniboita aba me Yesuma wei.
23935	MAT 21:40	Eno utaba i waiya ubi amarama fafite i waiya yawoeta uwaraba ane ufisu wei?
23952	MAT 22:11	I dera kini amara i ogaro itebita uwara efie fari. Farina mui amarana i aweta muneta wadia yurawa uiro erite wei, naiye, a aweta muneta wadia bobo mede nono anene ewa suro amusinu wei? Weiro sina wiawa wate mu ui.
23958	MAT 22:17	Eno utasuba Romani gaemani uwarabai takesi mafeisina ina ido aba me? Wiaro naufe weita.
23959	MAT 22:18	Weitaro Yesuma emanu siosa imueta iwata uite wei, ya meoma weta uwara! Aneba Na iruteda wenaueraita?
23961	MAT 22:20	Mune ereda wei, ananu kofirini owawaini ewado ibinu wei?
23969	MAT 22:28	Idoba i uie uyareta kowaro ana amarama i aweta mubisu? Ewa orofaro i uwara nesia i aweta mutaba ana amarama i aweta iro mubisu weita?
23976	MAT 22:35	Fataro mui amarama Yesu ue efie uteda wei, tisa abo tarawatuna i botai tarawatu wei?
23982	MAT 22:41	I Ferosi uwara guruguru utaro Yesuma emaba wenauereda eno wei, Godinu Kerisoba ane waita? Dawa ananu amara wei? Weiro Dawaba weita, Dawa Deiwidinu sisia amara weita.
23984	MAT 22:43	Weitaro Yesuma emaba wei, Godinu Imumu Kotofuma Deiwidiba bunawere imueta maiba aneba Deiwidima Keriso nanu Dera Waria Amara wei?
23986	MAT 22:45	Deiwidima i sina bodere aneba eno wei? Deiwidima Kerisoba nanu Dera Waria Amara weina Yesude anene danu sisia amara sini wei?
24004	MAT 23:17	Ya diti basugari gogore uwara! Ane derawere, i goro aba i dera dubu su? I suma goro ma kakara uiba i suna derawere wei.
24006	MAT 23:19	Ya diti basugari erawa utaita uwara! Anema derawere? I fuyo oeta aba fuyo oeta kabesi? I fuyo oeta kabesima fuyo oeta ma kakara utasuba i kabesina derawere.
24020	MAT 23:33	Yana towi ari. Ya towinu muneta nanatu! Ane ufote uitawa inaro da aniboita?
24028	MAT 24:2	Weitaro Yesuma emaba wei, awona yana i dera dubu su su eraita? Yaba ba sina wemaro nauawe. Mui kowa fafiro i su gebiro nesia ma ubefitaro mui gebiroma mui gebironu deiro da ibifisu wei.