23264	MAT 3:3	God Reri Tuma wesowbem tame, Aisaia, re Jon rene kiyi wesowem. Re op wem. Tame wuri re tamekene bo emik yaye tete. Re op tete. Kem Haneyen reri yate kelow heyar nen. Reri yate kelow kem sagwunate. (Aisaia 40:3)
23623	MAT 13:15	Er tatame remri wuribai kiyi yaper temenem. Remri wanke er tuma mette rem muwem, rem wan gerowkap tem. Rem remri le birkeremenem. Rem etop be nente wem, rem heyar late wem, rem heyar mette wem, rem wuribai habote wem. Rem anne omuteke habote wem, an remne heyar nente wem. (Aisaia 41:1-4)
23740	MAT 15:38	Am tame rem nugwapewai (4,000) Rem yenta kirkir be karem. Rem tameyenwou karem.
23751	MAT 16:10	Agerbo yabel an geil letrane kelare pes kere poten nugwape tame (4,000) remne newon am. Awos tep eip mapsen kem sene yewom?
24094	MAT 25:17	2,000 kel potem tame eter mere re kel pot yaku nenen sene re degerbekene kel poten sene bowgen et 4,000.
24099	MAT 25:22	2,000 kel potem tame re yan op wem. Keryen yen, kiyi ne anne 2,000 kel newom, an kel pot yaku nenem, an degerbekene 2,000 kel ek poten bowgem. Gwor 4,000 kel et neri. Ne opu pot.
24287	MRK 1:3	Tame wuri re tamekene bo emik temente, re yaye op tete. Haneyen re yate. Kem reri yate kelow heyar nen. (Aisaia 40:3)
24578	MRK 8:9	Awos am tame rem nugwapewai, 4,000.
24589	MRK 8:20	Jisas re sene wemetem. Kiyi an geil letrane kelare pes kerem poten belokteyewom, nugwape tame (4,000) remne newon am, tep kem eip mapsen poten yewon pulawem? Rem sein op wem. Nem eip letrane kelare pes kerem op yewon pulawem.
24665	MRK 10:8	Repri wesom wuriketwou. (Stat 2:24) Rep sene kena kena bo. Yehow. Repri wesom wuriketwou.
25079	LUK 2:37	Nabe nugwape (84) te wane ta simenem, te keryen ta temenem. Te God Reri Kwobor be mesegenbem. Neirkene yabelkene te God rene lom yokwobem, te awos lek labem, te God rekene tuma namrebem.
25134	LUK 4:2	Neir tame pesri ok, yabel tame pesri ok (40), re etek temenem. Jisas re awos be abem, re bupo me temenem. Yuri er yabel aboyei legem, re kwoi sam, gambo remri keryen yen, Satan, re yan rene seilam.
26184	JHN 2:20	Juda rem op wem. Gwor kwobor rem nenem, nabe nugwape (46) rem yaku nenen legem. Yabel murwu ne kebese sene be nente.
26995	ACT 1:3	Jisas re sam, re wow sene potem, yabel tame pesri ok (40) re nowselke temenem. Re reri werasen yi tame remne tewok tewok lasyim. Re remne God eter kwom panen site tuma nugwape wesowbem. Rem rene heyar lan rem op webem. Jisas re le kelpe som tetane et sekenewai.
27113	ACT 4:22	Er tewo yaper sene heyar tem tame, reri nabe et tame pesri ok (40).
27164	ACT 5:36	Kiyiri tame wuri, Teudas, re yan op wem. An Israelri keryen yen. Op wemke, tame nugwape (400) rem eterri yokwok tem. Yuri ei nai tame rem Teudas rene pen sam, reri anepoi rem aboyei yikwute yakwutem. Reri nenbem yaku et kelpe emik yim.
27191	ACT 7:6	God re Abraham rene op wem. Yuri neri gurnan rem agerbo selke yite tetane. Rem agerbo tameri yaku nente tetane. Rem tokwo be potte, rem yaku bupo me nenbet tetane. Agerbo nowselri tame rem nereri yuriri gurnan remne paku pebet tetane, rem mus bukre metbet tetane. Nabe nugwape (400) rem er nowselke temente tetane.
27208	ACT 7:23	Moses reri nabe tame pesri ok (40) temke, re op habom. An ari tame beig Israel remne lasyite. Rem agerbo tameri yaku bop nenbo, rem tokwo be potbo.
27215	ACT 7:30	Nabe tame pesri ok (40) Moses re Midian nowselke temenem, re Sainai kwow meknik tetane tamekene bo emik yin temenem, re lam, me eisow ker etek meipem. Er ker tauleke God reri kwomri tame wuri re Moses rene lasyam.
27221	ACT 7:36	Moses re Israel tatame remne Isip sel mesegenen remne panen yam, re metkereke kitimenakene bukre wos Isip nowselke, Kupkap Ok peik kupak nenbem. Sene rem nabe tame pesri ok (40) tamekene bo emik sewurbem, re metkereke kitimenakene bukre wos etek kirkir nenbem.
27227	ACT 7:42	Rem etop nenem, God re remne lewouke lan magel tayem, rem sow, liyp, yabel lom yokwobem. God Reri Tuma wesowbem tame rem God reri siglowke kiyi op basrasem. God re wem. Israelri tatame. Kem nabe nugwape (40) tamekene bo emik temenem, kem bulmakaukene sipsipkene botkun kwar pebemke, kem arenne kwar be pebem. Yehow. Kem sukwiye tare etemne kwar pebem.
27449	ACT 13:18	Nabe tame pesri ok (40), rem nowsel yaperke sewurbem, rem yaper wos nenbem, God re remne eipye sein be pem.
27451	ACT 13:20	Er wos tem nabe, rem nugwape (450). Sene God re lakerebo tame leban rem Israel tatame remne panen sibem, negwon negwon yuri tuma wesowbo tame, Samuel, re tem.
27452	ACT 13:21	Samuel re temenem yabel, Israel tatame rem nowsel panen site keryen yen wuri God rene wemetem. God re Kis eterri yen, Sol, rene lebam. Re Benjamin reri tame beigri tame. Sol re keryen yen ten nabe tame pesri ok (40) Israel remne panen sibem.
27478	ACT 13:47	Keryen Yen re nesne gwor tuma weiwen op wem. An nene webo, ne Juda bo tatame remne tuwkap kerete. Ne nugwape nowselri tatame remne kwobo lan op wesowte. An remne potte. (Aisaia 42:6; 49:6)
27770	ACT 21:38	An op haboye, ne Isipri tame. Kiyi Isip tame wuri re gavman remkene ei ker kutem. Re ei nai tame nugwape remri tame ok et 4,000, rem pi nau seterin tamekene bo emik panen yim. Ne kap eter tame bo?
27951	ACT 27:28	Rem sel palan yibem, mei som temenem (40 mita). Kerakap yin rem sene palam, bar matnamenem (30 mita).
28015	ROM 1:17	Er Tuma Yenbo, God re tatame remne tatame yenbo webokap, nemne peterabo. Reri tatame remne sene potbo wule re gwopkap. Rem Jisas eterne omuteke habote, God re remne potte. Omuteke habobo wulewouke, re remne potte. Reri siglow op webo. Tatame rem God Reri Tuma omuteke som habobet, God re remne op wete. Kem tatame yenbo, kem heyar som temente. (Habakuk 2:4)
28063	ROM 3:4	Bupo sekenewai. God reri wemkap re nente tetane. Aboyei tatame rem tuma yikokobo. God eterwou re sekene tumawou webo. God Reri Siglow tuma op webo. God, ne anne tuma nenbo, neri wulekene neri tumakene et sagunatene. Yike nene tuma nente, ne remne teitkwunte tetane. (Buk Song 51:4)
28071	ROM 3:12	Rem aboyei rem God rene magel taikeipem. Aboyei rem yaper woswou nenbem. Remri yike be wos yenbo be wuri nenbo. Buposubuwai. (Buk Song 14:1-3)
28072	ROM 3:13	Remri elemoike webo tuma et tame pen sabo tuma. Biyir sopo rem tame tan sabokap, remri taule rem yikoko tumakene tatame remne yaper nenbo tumakene webo. (Buk Song 5:9; 140:3)
28079	ROM 3:20	Tatame rem Moses Reri Wule nente, God re remne op be wete, kem tatame yenbo. Yehow. Moses Reri Wule nemne peterabo, nem aboyei nem Wule biragiyebo tatame. (Buk Song 143:2)
28220	ROM 8:36	Sekene. Opkap wos yaper nemne tebo. God Reri Siglow tuma op webo. Nem nene omuteke habobo tatame, opkap, agerbo tame rem nemne kwokwos kwokwos pen sabo. Por wale remne pen sate nenbokap, rem nemne etop nenbo. (Buk Song 44:22)
28264	ROM 10:8	Omuteke habobo wule op webo. God Reri Tuma et kemne meknik tetane. Et keremri gwusi taulek tetane. Et keremri wuribaike tetane. (Lo 30:11-14) Er omuteke habobo wuleri tuma nem kemne op wesowbo.
28274	ROM 10:18	An wemetbo. Tatame rem God Reri Tuma metem o rem be metem? Ekeya, rem metem. God Reri Siglow tuma op webo. Tuma wesow tame remri tuma wuskiy kwomke kwomke yim. Remri tuma gene genewaike yim. (Buk Song 19:4)
28285	ROM 11:8	God Reri Siglow tuma op webo. God re wemke, tatame rem purere yaper tem. Rem welepe be habobem. Re remne weragerem, rem kebese be lam, rem God Reri Tuma kebese be metem. Kiyi op tem, gwopte rem etopkap som tetane. (Lo 29:4)
28304	ROM 11:27	An remkene tuma op natebote. An remri yaper nen wos aboyei poten septite. (Jeremaia 31:33-34)
28311	ROM 11:34	God Reri Siglow tuma op webo. Yike rem Haneyen reri wuribai latene? Yike rene purere lei kebese newote? (Aisaia 40:13)
28312	ROM 11:35	Yike rene wos newom, opkap re wos sein sene newote? Bupo sekenewai. (Job 41:11)
28359	ROM 14:11	God Reri Siglow Tuma op webo. An tetane. An tuma sekene webo. Aboyei tatame rem areri bitmi tobok gulke pan anne lom yokwote. Aboyei rem anne kwom geike op wete. Ne Keryen Yen God sekene. (Aisaia 45:23)
28380	ROM 15:9	Re Juda bo tatame remne God reri pap metbo wule kirkir peteram, opkap rem God reri sig yenbo kebese webet. God Reri Siglowke basrastene tuma op webo. An Juda bo tatame remkene temente, an neri sig yenbo wete. An sekwo lomun neri sig yenbo wete. (Buk Song 18:49)
28381	ROM 15:10	God Reri Siglow tuma sene op webo. Kem Juda bo tatame, kem God eter kenem tatame etemkene okbop ten metekwaste. (Lo 32:43)
28450	1CO 1:19	God Reri Siglow op webo. An wete, purere bukrekene tame remri purere yaper tete tetane. An wete, tuma wule nugwape sanetene tame remri purere an teitkwunte tetane. (Aisaia 29:14)
28462	1CO 1:31	Etop tetane, eker God Reri Siglow webokap nem etop nente. Tatame rem gabote, rem Haneyen reri nenbokap gabote. (Jeremaia 9:24)
28471	1CO 2:9	God Reri Siglowri Tuma op webo. Tame lek be lam, wanke be metem, wuribaike kiyi be habom wos, God rene pap yewobo tatame remne re opkap heyar nente tetane. (Aisaia 64:4)
28478	1CO 2:16	God reri basrasem tuma op webo. Tatame rem Haneyen reri wuribai be sanebo. Tatame rem rene wuribai purere kebese be newobo. (Aisaia 40:13) Krais reri wuribai neremkene tetane.
28498	1CO 3:20	God Reri Siglow op basrastene. Purerekene tame remri habobokap et oksubu tebo. Keryen Yen re etop sanetene. (Buk Song 94:11)
28551	1CO 6:16	Tame re mare bisi yi ta tene yibo, rep wesom wuriwou tetane. Kap, kem gwor tuma be mettene? God Reri Siglow op basrasem. Tamekene takene rep wesom wuri tete. (Stat 2:24; Matyu 19:5; Efesus 5:31)
28617	1CO 9:9	God re Moses rene newom Wule op webo. Bulmakau rem wit supa teit sigabo, kem remri tumas kep kap peikkerete. Rem wit supa kirkir ate, et yenbo. (Lo 25:4) Kap, God re bulmakauwou remne habon etop wem?
28636	1CO 10:1	Ari gesmase. Yei warege remne tem wos, kem habo. Rem Moses rene tobom, God re remne aboyei gwan kitkerem, rem heyar temenem. Aboyei rem sewuren Retsi, kersepkap ok kelarek heyar wum. (Kisim Bek 13:21-22; 14:22-29)
28661	1CO 10:26	God Reri Siglow tuma op webo. Gwor nowselkene nowselke tetane woskene, et Haneyen eterriwou. (Buk Song 24:1)
28841	1CO 15:55	Sabo wule reri kitimena re mak tetane? Neri tatame remne mus newobo wule mak tetane? (Hosea 13:14)
28968	2CO 6:2	God re op webo. Kemne heyar nente yabel temke, an kemri tuma metem. Tatame remne kwobo sene lan potte yabel temke, an kemne heyar ek nenem. (Aisaia 49:8) Metye. Gwopte et God re tatame remne heyar nenbo yabel. Gwopte et God re tatame remne lan potbo yabel.
28984	2CO 6:18	An keremri Apiy tete, kem areri yen tete. Kitimena Bukre Tetane Keryen Yen re etop webo. (2Samuel 7:14; 1Stori 17:13; Aisaia 43:6)
29056	2CO 10:17	God reri basrasem siglow tuma op webo. Tatame rem gabote, rem Haneyen eter nenem woswou gabote. (Jerimaia 9:24)
29092	2CO 12:2	Krais eterri tame wuri an rene sanetene, an kemne wesowte. Kiyi nabe letpeis tewo eis kere (14) yim, God re rene eterri ikya tetane kwom murwek panen yawum. Kapkene, re eterri wesomkene etop re yawum, o eterri wow re yawum. God eterwou re etop lam.
29142	GAL 1:18	Nabe mur yimke, an Jeruselemke ek yin Pita rene lasyim. An eterkene tuma namren yabel letpeis tewo eis kere (14) eterkene temenem.
29149	GAL 2:1	Nabe letpeis tewo eis kere (14) yim, nes Barnabas rekene Jerusalemke sene ek yim. An Taitus rene kirkir panen nem etep yim.
29186	GAL 3:17	An kemne er tuma tobo wesowte. God re Abraham rekene kiyi natebom. Sene nabe nugwape (430) yim, God re Moses rene wule ek newom. Er yuri newom wule re God reri Abraham rekene kiyi natebom tuma be teitkwunem.
29225	GAL 4:27	God Reri Siglowke basrastene tuma op webo. Yen game a ta, ne metekwaste. Yen be wuren mus be metbo ta, ne okbopwai ten yaye tete. Bupo me tetane ta teri yen rem nugwapewai tete tetane. Tamekene ta teri yen rem nugwape be tete tetane. (Aisaia 54:1)
29402	EPH 5:31	God Reri Siglowri Tuma op webo. Opkap, tame re nawoha mesegenen ta panebo, rep wesom wuriwou tebo. (Stat 2:24)
29469	PHP 2:11	Gulke pate, rem aboyei kwom geike op wete. Jisas Krais re Keryen Yen. Op wetek, Apiy God reri sig hadebaswai tete. (Aisaia 45:23)
30035	HEB 1:5	Kiyi God re Yener rene op wem. Ne ari Yen. Gwopte an neri ha teye. (Buk Song 2:7) Re sene op wem. An eterri Ha. Re Areri Yen. (2Samuel 2:4) God re reri kwom tame remne etop kirkir be wem. Yehow.
30037	HEB 1:7	God re reri kwom tame etemne habon op wem. Ari kwom tame rem polikap tete. Ari kwom tame rem ker taulekap tete. (Buk Song 104:4)
30039	HEB 1:9	Wule yenbo ne okbop tebo. Wule yaper ne muwai webo. Juda tame rem etemri keryen yen remne kwar tarek sirbokap, God re nene lebam, nene keryen yen wem. Eker ne okbopwai tebo, ne 2 sig bukre tetane. Re nene heyar nenemkap, re agerbo tame remne etop be nenem. (Buk Song 45:6-7)
30052	HEB 2:8	God re wem, tatame rem aboyei wos lakerete. Be wos wuri be mesegente. Aboyei wos et etemri kulke temente. Gwopte nem labo, aboyei wos et tatame etemri kulke be wurtene. (Buk Song 8:4-6)
30071	HEB 3:9	Rem etek temenem, nabe nugwape (40) rem ari nenbemkap labem. Labem, rem anne som seilabem.
30079	HEB 3:17	Nabe nugwape (40) God re yaper wos nenbem tame rem tamekene bo emik sayewom, etemne God re pap yokem.
30103	HEB 5:6	Sene re rene op wem. Ne Melkisedek eterkap tete, ne God reri akeri yaku nente, ne som me nenbet. (Buk Song 110:4)
30148	HEB 7:17	God Reri Siglow eterne op webo. Ne Melkisedek eterkap, ne God Reri Akeri yaku nen tame som temente. (Buk Song 110:4)
30207	HEB 10:7	Sene an rene op wem. God, an gwor. An neri wuribaike habobokapwou nente yawo. Kiyi rem anne habon basrasemkap, an neren webokap etop nente tetane. (Buk Song 40:6-8)
30383	JAS 2:23	God Reri Siglowri Tuma op webo. Abraham re God rene omuteke habobem, eker God re rene tame yenbo wem. (Stat 15:6; 2 Stori 20:7; Aisaia 41:8) God re Abraham rene wem. Re areri nowu. Et tuma sekene tem.
30410	JAS 4:6	God re nemne pap meten kwobo labo wule nugwape newobo. God Reri Siglowri Tuma op webo. Kworer be habobo tatame, God re remne pap meten kwobo labo. Kworer gabobo tatame, God re remne teitkwunbo. (Gutpela Sindaun 3:34)
30457	1PE 1:16	God Reri Basrastene Tuma et op webo. Aren, an yenbowai. Eker kerem mere, kem yenbowai te. (Wok Pris 11:44-45; 19:2)
30466	1PE 1:25	Keryen Yen God Reri Tuma et somsom temente tetane. (Aisaia 40:6-8) Er tuma et Tuma Yenbo rem kemne wesowbem.
30469	1PE 2:3	God Reri Siglowri Tuma op webo. Haneyen re kemne nenbo wule kem seilan op sanetene. Haneyen re kemne yenbo nenbo. (Buk Song 34:8)
30474	1PE 2:8	Sene God Reri Siglowri Tuma op webo. Er segke tatame rem tewo etek tubanete tetane. Remne tewo er segke tubanen rem waren yaper tete tetane. (Aisaia 8:14-15) God eter kiyi wemkap, rem eterri tuma be meten nenem, eker rem tewo etek tubanen waren tuknan yaper tem.
30475	1PE 2:9	Kem God reri kenem tatame. Kem Keryen Yen God eterri Kwoborri yaku nenbo tatame. Kem tame beig yenbowai tetane. Kem God eterri tatame sekene. Kiyi kem kerneirke temenem, sene God re kemne wepotem, kem eterri yabel geike tetane. Re kemne lebam, kem reri wule yenbo nugwape tatame remne etop wesowbet. (Kisim Bek 19:5-6; Lo 4:20; Aisaia 9:2, 43:21)
30503	1PE 3:12	Wule yenbo nenbo tatame remne Keryen Yen re lakerebo. Remri wemetbokap re aboyei heyar metbo. Wule yaper nenbo tatame remne God re sewaibo. (Buk Song 34:12-16)
30537	1PE 5:5	Kem muyensi yen tatame, kem etopwou nente. Kem keryen tame etemri kulke temente. Kem aboyei, kem kworer teitkwunen awosein awosein kwobo labet. God Reri Tuma op webo. Kworer gabobo tatame God re remne teitkwunbo. Kworer teitkwunbo tatame remne God re pap meten heyar nenbo. (Gutpela Sindaun 3:34)
30773	REV 1:8	Kitimena Sikabewaikene Keryen Yen God re op webo. An Temnas Yi Tame. An Tiptiwu Yate Tame. Eter re kiyisape temenem, gwopte re som tetane. Yuri re yate tetane. (Kisim Bek 3:14)
30780	REV 1:15	An lam, reri tewo kerke lisen me bandebem braskap malebem. Reri tuma wuskiy kwowke yerbo ok pi ken rik metbemkap. (Esekiel 1:24)
30782	REV 1:17	An rene op lam, an aken reri tewo tobok selke yerisyan sa tamekap tuknamenem. Re reri mame yokwo letke anne keren op wem. Ne kap akte. An Temnas Yi Tame. An Tiptiwu Yate Tame. (Aisaia 44:6)
30852	REV 5:5	Sene keryen tame wuri re anne sewayen op wem. Ne kap kirate. Ekla. Juda tame beig remri Laion mow wale re tetane. Re Keryen Yen Devit eterri Nan. Re wule yaperkene peiktamekene remne teitkwunem, eker re kep letrane kelare pes kere kebese saukte, siglow ek berarete. (Stat 49:9; Aisaia 11:1,10)
30853	REV 5:6	Sene an lam, Sipsip Yen wuri re tetemenem. Rene kiyi pen samkapker lam. Re Keryen Yen eterri wolbaye bukre borke tetemenem. Kelpe wos eiskene tame wuriri ok wuriri eis kere keryen tamekene rem rene kur rasmenem. Reri tare akiykap wos letrane kelare pes kere etek temenem. Reri le rem letrane kelare pes kere temenem. Er akiykap woskene lekene et God Reri Wow letrane kelare pes kere. God re remne kiyi werasen rem agerbo agerbo nowselke yikwute yakwutem. (Aisaia 53:7; Sekaraia 4:10)
30856	REV 5:9	Rem sekwo ager rene op lomum. Nerenwou ne siglow kebese poten kep ek saukte. Kiyi rem nene pen sam, nereri nepke ne tatame remne tupam. Tupam, rem God reri tatame tem. Ekeya. Agerbo agerbo tame beig, agerbo agerbo tuma namrebo tatame, agerbo agerbo wes ten yatene tatame, agerbo agerbo nowselri tatame remne ne tupam, eker ne siglow kep kebese saukyewote. (Buk Song 33:3; 98:1; Aisaia 42:10)
30882	REV 7:4	Rem anne wem, God reri sig mokwok ket pem tatame rem nugwapewai, 144,000. Rem Israelri letpeis tewo pes kere tame beigri tatame.
30942	REV 11:2	God Reri Kwobor makele kubusel kap seylate. Er makele et God rene be habobo tatame etem wurbo makele. Liyp tame pesri ok pes kere (42), Jerusalem kwom yenbowai er tatame rem teitkerete tetane.
30955	REV 11:15	Sene God reri kwomri tame letrane kelare pes kerewe, re reri puw tem. God reri kwomri tuma wuskiy nugwape rem yaye op wem. Gwopte nemri Keryen Yen Godkene reri Lebam Tamekene rep nowselri tatame etemri Keryen Yen tete. Haneyen re aboyei kwom somsom panen simente tetane. (Kisim Bek 15:18; Daniel 2:44; 7:14,27)
30982	REV 13:5	Mowyis por re reri sig kworer bukre wen God rene yogu townebem. Eterri purerek re nowselri tatame remne panen sim. Liyp nugwape kera (42) etopwou God re mowyis por rene me la leikwumenem.
30996	REV 14:1	Sene an lam, Sipsip Yen re Saion Kwowke tetemenem. Nugwape tatame, 144,000, rem eterkene etek tetemenem. Sipsip Yen reri sigkene eterri Ha reri sigkene etemri mokwok ket pen yamenem.
30998	REV 14:3	Er 144,000 tatame rem sekwo ager Keryen Yen reri wolbaye tobok lombem. Rem kelpe wos eiskene keryen tamekene etemri bitmik etek lombem. God re er nowselri tatame remri wule yaper tupam. Etemwou rem er sekwo kebese meten lombem.