23244	MAT 2:6	Betlehem kwom et Judia yokwori kwom, et kwom eisow bo, et kwom bukre. Agerbo kwom bukre rem Betlehem kwom be teitkwuntene. Betlehem kwomri tame wuri re keryen yen tete, re kwom panen si tame tete. Re ari Israel tatame remne panen site. (Maika 5:2)
23256	MAT 2:18	Rem kira taye Rama kwomke metbo. Rem nugwape kera taye metbo. Resel te teri yen remne kirabo. Teri yen rem aboyei sakeipem, tatame rem tene pap meten heyar nenlaweibo, te pap yaper som tetane. (Jer 31:15)
23687	MAT 14:21	Siteren awos am tame etemwou rem karem, rem ok yen ok tame (5,000). Yenta remne rem be karem.
23750	MAT 16:9	Kap kem be mettene. Kiyi an geil letrane poten nugwape tame (5,000) remne newon am. Kem kap som habobo? Awos tep eip mapsen kem sene poten yewom?
24092	MAT 25:15	Re remri nenbokap kiyi habon remne yaku ek newom. Tame wuri rene re 5,000 kel newon op wem. Gwor kel ne yaku yenbo nente. Tame wuri rene re 2,000 kel newon etopwou wem. Agerbo tame rene re 1,000 kel newon etopwou wem. Op nenen re ek yim.
24093	MAT 25:16	5,000 kel potem tame re yin kel pot yaku nenem, re sene degerbekene kel poten bowgem, reri semenem kel et 10,000 kel.
24097	MAT 25:20	5,000 kel potem tame re yan op wem. Keryenyen, kiyi ne anne 5,000 kel newom. An kel pot yaku nenem, an degerbekene 5,000 kel poten bowgem. Op wemke, re keryen yen rene reri semenem 10,000 kel etop newom.
24516	MRK 6:40	Rem girik girik sim, tatame tame letraneri ok (100) rem girik girik sim. Rane rem tame pesri ok letpeis (50) girik girik sim.
24520	MRK 6:44	Awos am tame rem nugwapewai (5,000).
24588	MRK 8:19	Kiyi an geil letrane belokteyewom, nugwape tame (5,000) remne newon am. Tep kem eip mapsen poten yewon pulawem? Rem sein op wem. Nem eip letpeis tewo pes kerem yewon pulawem.
24663	MRK 10:6	Kiyisapewai God re aboyei wosbas nenmenem, God Reri Siglowri Tuma op webo. God re takene tamekene nenem. (Stat 1:27, 5:2)
24726	MRK 11:17	Sene re tatame remne tuma op wem. God Reri Siglowri Tuma op basrastene. Ari Kwobor et nugwape nowselri tatame remri ankene tuma namrebo ake. Kerem etop be nenbo. Kem bisi a tame remne gwotek berasbo. (Aisaia 56:7)
24923	MRK 15:28	God Reri Siglowke basrasem Tuma er yabel sekene tem. Siglow Tuma op wem. Rem rene tame yaper remri wuri lam. (Aisaia 53:12; Luk 22:37)
25095	LUK 3:1	Taiberius re Rom tatame remri keryen yen temenem. Nabe letpeis tewo letrane (15), re keryen yen som temenem. Pontius Pailat re Judia yokwori tatame remri keryen yen. Herot re Galili yokwori tatame remri keryen yen. Reri maser, Filip, re Ituria yokwo, Trakonitis yokwori tatame remri keryen yen temenem, Lisanias re Abilene yokwori tatame remri keryen yen temenem.
25384	LUK 9:14	Tame nugwapewai (5,000) rem temenem, Jisas re reri anepoi tame remne op wem. Kem remne wete, rem hame girik girik sin yite. Tame pesri ok letpeis (50) rem etop girik sin yite.
25695	LUK 16:6	Re op wem. An kwar yewobo gin nugwape (100) rene newote. Yaku lakere tame re rene op wem. Gwor siglow et neren sein newote siglow. Ne er siglow pot. Ne sein newote tokwo eisow (50) etek basrasen ek newote. Ne haneyen rene nugwape kap newote.
26336	JHN 6:10	Jisas re op wem. Kem tatame remne wen rem yan site. Op wem. Nugwape top eter emi temenem, rem etek siterem. Tame rem okyen oktame (5,000). Rem tame etemnewou karem. Yenta rem be karem.
26507	JHN 8:57	Juda tame rem rene op wem. Ne nabe tame pesri ok letpeis (50) be tetane. Ne ker tame bo. Ne Abraham rene mapurke lam?
26978	JHN 21:11	Op wem, Saimon Pita re perek waren wuli saukwen barke liten yawum. Omyen sikabewou wuli me pulaumenem, omyen nugwape (153) temenem, wuli be negtem.
27012	ACT 1:20	Sene Pita re op wem. Er tuma et Buk Songke tetane. Buk Song op webo. Reri ake bupo me tete. Tame wuri etek be tete. (Buk Song 69:25) Er siglow kirkir op webo. Agerbo tame re reri yaku potte. (Buk Song 109:8)
27087	ACT 3:22	Kiyi Moses re op wem. Kemri Keryen Yen God re anne kemne werasemkap, re kemne Tuma Wesow Tame wuri weraste. Er tame re keremri tame wuri. Reri wete tuma kem heyar meten nente. (Lo 18:15,18)
27095	ACT 4:4	Nugwape tatame rem repri tuma er yabelke metem, rem Jisas rene omuteke habom. Opkap Jisas rene omuteke habom tatame rem nugwape tem. Rem nugwape ta ok tame ok (5,000) tem.
27199	ACT 7:14	Sene Josep re reri ha, Jekop, rene tuma weptim, re op wem. Kem aboyei, kem Isip nowselke yate. Jekop reri yenta, yaku nen tamekene rem nugwape (75) tame temenem.
27228	ACT 7:43	Kem sipsip weske nenem ake sen sewurbem, re areri ake bo, re sukwiye tare Molek, eterri ake. Sukwiye tare sow eterri wurya Refan, rene kem kirkir sen sewurbem. Kem er sukwiye tare rasen lom yokwobem. Kem op nenem, eker an kemne gwor nowsel wekrokte. Babilon nowsel yale yokwok an kemne etek werasen yite, kem etek temente. (Amos 5:25-27)
27278	ACT 8:33	Rem rene tame kwuyem. Rem rene tuma yaper nenem. Rem rene pen sam, re selke sene be tem. Reri gurnan remne reri nenbemkap wos, yike wesowte? Bokem! (Aisaia 53:7-8)
27451	ACT 13:20	Er wos tem nabe, rem nugwape (450). Sene God re lakerebo tame leban rem Israel tatame remne panen sibem, negwon negwon yuri tuma wesowbo tame, Samuel, re tem.
27465	ACT 13:34	God re Jisas rene wow sene newom, re sele meike sene wayen yim, re sele meike sene be yin kupoite tetane. Re etop reri siglowke op webo. Tuma sekene. An nene heyar nente tetane. An er tuma Devit rene teiktem. (Aisaia 55:3)
27673	ACT 19:19	Nugwape nuba nenbem tatame rem remri nuba nenbem woskene siglowkene sen yan kwom geike kerke liskeipem. Siglowri tokwo rem karem, tokwo nugwape tameri ok (50,000) kel silva.
28054	ROM 2:24	God Reri Siglow tuma op webo. Kemri nenbo wule yaper Juda bo tatame rem labo, rem God rene tame kwuyen reri sig teitkwunbo. (Aisaia 52:5)
28063	ROM 3:4	Bupo sekenewai. God reri wemkap re nente tetane. Aboyei tatame rem tuma yikokobo. God eterwou re sekene tumawou webo. God Reri Siglow tuma op webo. God, ne anne tuma nenbo, neri wulekene neri tumakene et sagunatene. Yike nene tuma nente, ne remne teitkwunte tetane. (Buk Song 51:4)
28072	ROM 3:13	Remri elemoike webo tuma et tame pen sabo tuma. Biyir sopo rem tame tan sabokap, remri taule rem yikoko tumakene tatame remne yaper nenbo tumakene webo. (Buk Song 5:9; 140:3)
28074	ROM 3:15	Rem agetage yin tatame remne pen sabo. (Aisaia 59:7-8)
28076	ROM 3:17	Agerbo tatamekene heyar me temente wule rem be sanetene. (Aisaia 59:7-8)
28093	ROM 4:3	God Reri Tuma op webo. Abraham re God rene omuteke habobem, eker God re rene tame yenbo wem. (Stat 15:6)
28099	ROM 4:9	Devit re okbop ten basrasem. Kap, mare tumas kutem tame etemwou rem opkap okbop ten boteyatete? Yehow. Mare tumas be kutem tame, etem mere rem opkap okbop ten boteyatete. God Reri Siglow tuma op webo. Abraham re God rene omuteke habobem, eker God re rene tame yenbo wem. (Stat 15:6)
28107	ROM 4:17	God Reri Siglow tuma op webo. God re Abraham rene op wem. Ne nugwape nowselri tatame remri warege tete. (Stat 17:5) Abraham reri omuteke habobem God, eter, re wem, Abraham re neremri warege. Re sam tatame remne wow sene newobo God. Re webo, be temente wos op tete. Reri teiktem tuma re nente tetane.
28108	ROM 4:18	Abraham re wuribai pes tebo wule teitkwunbem, re God reri wem teiktem tuma omutekewai som habobem. Eker Abraham re nugwape nowselri tatame etemri warege tem. God Reri Siglow tuma op webo. Abraham, neri gurnan sokonan yen rem sowkap nugwapewai tete tetane. (Stat 15:5) Op wem tuma re sekene tem.
28235	ROM 9:12	Re nawot Rebeka tene op wem. Lake re mase reri yaku nen tame tete. (Stat 25:23)
28261	ROM 10:5	Moses Reri Wule sen God re remne tatame yenbo webo tuma, Moses re op basrasem. Juda etemri wule tatame rem heyarwai sete, rem heyarwai sete, rem yaper wos be wuri nente, rem heyar somsom temente. (Lo 18:5)
28271	ROM 10:15	God Reri Tuma wesow tame remne be weraste, rem mapurke yin tuma wesowte? God Reri Siglow tuma op webo. Tuma Yenbo wesowbo tame rem nemne lasyabo, et yenbosubuwai. (Aisaia 52:7)
28272	ROM 10:16	Aboi tatame rem God Reri Tuma Yenbo omuteke be metem. Aisaia re etop habon op wem. Haneyen, nemri wesowbem tuma yike tatame rem omuteke habobo? (Aisaia 53:1)
28276	ROM 10:20	Aisaia re mol pan God reri wem tuma op wem. Anne be sopbo tame rem anne lam. Anne be we sopbo tame an remne op wem. An gwok tegek tetane. (Aisaia 65:1)
28277	ROM 10:21	God re Israel remne op wem. Kwokwos kwokwos an wan be metbo tatame, mangure tebo tatame remne nar poten kowtene. (Aisaia 65:2)
28303	ROM 11:26	God re Israel remne sene potte wule gwopkap. God Reri Siglow tuma op webo. Tatame Sene Potbo Tame re Jerusalem mesegenen yate. Re Jekop reri gurnan sokonan remri mangure tebo wule teitkwunte. (Aisaia 59:20-21)
28332	ROM 12:19	Ari gesmase. Kerem, kem yaper sein mane nente. Tame rem kemne yaper nente, kem remne God eterri letke raste, eter re remne pap yokte. God Reri Siglow tuma op webo. Aren an yaper sein nente. Aren an paku sein pete. (Lo 32:35)
28333	ROM 12:20	Kemri peiktame rem si kwoi sate, kem remne awos newon ate. Rem ok segete, kem remne ok newon ate. Kem remne op nente, rem kemne yaper nenemkap sene habote, rem sebera yate. (Gutpela Sindaun 25:21-22)
28359	ROM 14:11	God Reri Siglow Tuma op webo. An tetane. An tuma sekene webo. Aboyei tatame rem areri bitmi tobok gulke pan anne lom yokwote. Aboyei rem anne kwom geike op wete. Ne Keryen Yen God sekene. (Aisaia 45:23)
28392	ROM 15:21	God eter wem siglowke basrasemkap, an etop nenbo. Reri siglow tuma op webo. Remne be wem tatame rem late tetane. Tuma be mettene tatame rem heyar mette tetane. (Aisaia 52:15)
28497	1CO 3:19	Nowselri tatame rem webo, et purere yenbo. God re webo, et wor tetane purere. God Reri Siglow tuma et op webo. Purerekene tame remne God re etemri purerek remne mankapke keikerebo. (Jop 5:13)
28534	1CO 5:12	Tuma sekene. God rene be habobo tatame remne se pebo, et areri wos bo, et God eterri wos. Re remne se pebo. Keremri wos gwop. Kem kemri kwomri Jisas rene habobo tatame remne se pete. God Reri Siglow op webo. Kemri borke tetane tatame yaper remne kem wekroken yite. (Lo 13:5; 17:7)
28551	1CO 6:16	Tame re mare bisi yi ta tene yibo, rep wesom wuriwou tetane. Kap, kem gwor tuma be mettene? God Reri Siglow op basrasem. Tamekene takene rep wesom wuri tete. (Stat 2:24; Matyu 19:5; Efesus 5:31)
28617	1CO 9:9	God re Moses rene newom Wule op webo. Bulmakau rem wit supa teit sigabo, kem remri tumas kep kap peikkerete. Rem wit supa kirkir ate, et yenbo. (Lo 25:4) Kap, God re bulmakauwou remne habon etop wem?
28792	1CO 15:6	Sene rene omuteke habobem tatame rem wuriwouke duwmenem, rem rene lam. Er tatame remri tame ok et nugwapewai (500). Er tatame, gwopte nugwape rem som tetane. Rane rem sam.
28840	1CO 15:54	Nemri kupa tebo wesom, nem pelebitete, sene nem agerbo kupa be tebo wesom potte. God reri kiyi basrasem tuma sekene tete. Er sigow op webo. God re tatame sabo wule teitkwunem. Sabo wule sene be tetane. (Aisaia 25:8)
28983	2CO 6:17	Keryen Yen God re op wem. Kem remne mesegen. Kem remkene mane tete. Kem wule yaper pelebitete, an kemne poten pap yewote. (Aisaia 52:11)
29034	2CO 9:10	God re now nenbo tame remne kwoi lei newobo. Re tatame remne awos newon abo. Opkap, God re kemne nugwape wos kirkir newote, kem yow, kem nugwape ten yaku yenbo nugwape ek nente. Nowri awos nugwape tebokap, God re kemri letke etop nente. (Aisaia 55:10)
29112	2CO 13:1	Kiyi an kemne tewo pes yan lam. Tewo murwe an kemne sene yan late nenbo. God eterri siglow op webo. Tame re yaper wos nente, agerbo tame pes o mur rem etop late, kem yaper nenem tame rene tuma kebese nente. (Lo 17:6; 19:15)
29225	GAL 4:27	God Reri Siglowke basrastene tuma op webo. Yen game a ta, ne metekwaste. Yen be wuren mus be metbo ta, ne okbopwai ten yaye tete. Bupo me tetane ta teri yen rem nugwapewai tete tetane. Tamekene ta teri yen rem nugwape be tete tetane. (Aisaia 54:1)
29469	PHP 2:11	Gulke pate, rem aboyei kwom geike op wete. Jisas Krais re Keryen Yen. Op wetek, Apiy God reri sig hadebaswai tete. (Aisaia 45:23)
30039	HEB 1:9	Wule yenbo ne okbop tebo. Wule yaper ne muwai webo. Juda tame rem etemri keryen yen remne kwar tarek sirbokap, God re nene lebam, nene keryen yen wem. Eker ne okbopwai tebo, ne 2 sig bukre tetane. Re nene heyar nenemkap, re agerbo tame remne etop be nenem. (Buk Song 45:6-7)
30042	HEB 1:12	Tatame rem tame oub lugen gwolben rasbokap, ne nelkene selkene repne etop nente tetane. Tatame rem tame oub lugen agerbo tame oub wubokap, ne nelkene selkene repne etop sene nente tetane. Nerenwou ne etopwou som temente tetane. Ne etopkap som temente tetane. (Buk Song 102:25-27)
30073	HEB 3:11	An pap bukre yokem, an areri sigke puromon op wem. Ari tetane emi rem ege be yan site. (Buk Song 95:7-ll)
30077	HEB 3:15	God Reri Tuma op webo. Gwopte kem God Reri Tuma mette wete, kem mangure kap tete. Kiyi kemri yeiwarege rem mangure tem, rem ari tuma muwen anne magel tayem. Remri nenbemkap kem etop kap nente. (Buk Song 95:7-8)
30084	HEB 4:3	Nem omuteke habobo tatame nem God reri egesibo emik yite tetane. Kiyisape God re nowselkene nelkene nenem, re yaku ab legem, re egesim. Israelri tatame re remne op wem. An pap yoken ari sigke puromon remne op wem. Ari egesi emi rem be yate tetane. (Buk Song 95:11)
30086	HEB 4:5	Eter siglowke re sene op webo. Ari egesi emi rem be yate tetane. (Buk Song 95:11)
30088	HEB 4:7	Opkap, God re agerbo yabel wuri sene wem. Er yabel et gwotepte. Nabe nugwape yimke, er yabelri tuma God re Devit rene wesowem, Devit re etop basrasem. Ari kemne kiyi basrasye tuma op webo. Gwopte kem God Reri Tuma mette wete, kem mangure kap tete. (Buk Song 95:7-8)
30383	JAS 2:23	God Reri Siglowri Tuma op webo. Abraham re God rene omuteke habobem, eker God re rene tame yenbo wem. (Stat 15:6; 2 Stori 20:7; Aisaia 41:8) God re Abraham rene wem. Re areri nowu. Et tuma sekene tem.
30457	1PE 1:16	God Reri Basrastene Tuma et op webo. Aren, an yenbowai. Eker kerem mere, kem yenbowai te. (Wok Pris 11:44-45; 19:2)
30474	1PE 2:8	Sene God Reri Siglowri Tuma op webo. Er segke tatame rem tewo etek tubanete tetane. Remne tewo er segke tubanen rem waren yaper tete tetane. (Aisaia 8:14-15) God eter kiyi wemkap, rem eterri tuma be meten nenem, eker rem tewo etek tubanen waren tuknan yaper tem.
30475	1PE 2:9	Kem God reri kenem tatame. Kem Keryen Yen God eterri Kwoborri yaku nenbo tatame. Kem tame beig yenbowai tetane. Kem God eterri tatame sekene. Kiyi kem kerneirke temenem, sene God re kemne wepotem, kem eterri yabel geike tetane. Re kemne lebam, kem reri wule yenbo nugwape tatame remne etop wesowbet. (Kisim Bek 19:5-6; Lo 4:20; Aisaia 9:2, 43:21)
30488	1PE 2:22	God Reri Siglowri Tuma op wem. Re wos yaper be wuri nenem. Re tuma be wuri yikokom. (Aisaia 53:9)
30778	REV 1:13	Tame wuri re more tamekap an rene kirkir lam, re er tukmenem lam tukbo tiy borborke tetemenem. Re keryen yen remri tame oub laguna wumenem. Re golke nenem somokep merguwke simenem. (Daniel 7:13,10:5)
30853	REV 5:6	Sene an lam, Sipsip Yen wuri re tetemenem. Rene kiyi pen samkapker lam. Re Keryen Yen eterri wolbaye bukre borke tetemenem. Kelpe wos eiskene tame wuriri ok wuriri eis kere keryen tamekene rem rene kur rasmenem. Reri tare akiykap wos letrane kelare pes kere etek temenem. Reri le rem letrane kelare pes kere temenem. Er akiykap woskene lekene et God Reri Wow letrane kelare pes kere. God re remne kiyi werasen rem agerbo agerbo nowselke yikwute yakwutem. (Aisaia 53:7; Sekaraia 4:10)
30955	REV 11:15	Sene God reri kwomri tame letrane kelare pes kerewe, re reri puw tem. God reri kwomri tuma wuskiy nugwape rem yaye op wem. Gwopte nemri Keryen Yen Godkene reri Lebam Tamekene rep nowselri tatame etemri Keryen Yen tete. Haneyen re aboyei kwom somsom panen simente tetane. (Kisim Bek 15:18; Daniel 2:44; 7:14,27)
30958	REV 11:18	Neri pap yokbo yabel teye. Ne sam tatame remne tuma nente, yabel teye. Eker nene be habobo tatame rem nene pap yokbo. Ne neri yaku nenbo tatamekene neri tuma wesow tamekene nene habobo tatamekene, ne remne yenbo sein nente, yabel teye. Sigkene tatame, sig bo tatame remne ne kirkir yenbo sein nente. Nowsel yaper nenbo tatame remne ne yaper sein nente, yabel teye. (Buk Song 2:5; 110:5; 115:13)
31015	REV 14:20	Er wain supa teitbesbo rewo re kwom sag bukre gwop yokwok temenem, rem wain supa etek teiten besbem. Er tatame remri nep rewo bagwok teybem. Nep re wame geibo okkap geyem. Er wame reri lagu 300 kilomita. Wame reri mei tame wakke tem. (Aisaia 63:3; Krai 1:15)
31018	REV 15:3	Rem God reri yaku nen tame, Moses, reri sekwo wuri op lombem. Sipsip Yen eterri sekwo rem kirkir op lombem. Kitimena Sikabewaikene Keryen Yen God. Neri nenbo wos et bukre, et hadebaswai. Ne aboyei nowselri tatame etemri Keryen Yen. Neri nenbo wule et yenbo, et sekenewai. (Kisim Bek 15:1)
31044	REV 16:21	Nugwape negel met pa nel mesegenen nowselri tatame remne yeren botkuyewom. Pa wulare wulare remri lim 50 kilogram. Er pa tatame remne yaperwai nenbem, eker rem God rene piswayen wesburbem.
31065	REV 18:3	Aboyei nowselri tatame rem Babilon kwom etetri ok yaper an sebera ya wule nenbem. Nowselri keryen yen rem tekene muye bisi yibem. Teri wos hogiye potbo wulekap, nowselri kel yaku nenbo tame rem kel nugwape etopkap wulek potbem. (Aisaia 23:17; Jeremaia 51:7)
31066	REV 18:4	Sene an metem, agerbo tuma wuskiy Hevenke op webem. Ari tatame. Kem Babilon kwom mesegen. Kem tene mesegen. Kem teri nenbo wule yaper mane nente. An tene yaper sein nente tetane. Kem tekene kirkir yaper kap tete. (Aisaia 48:20; Jeremaia 50:8; 51:6)
31082	REV 18:20	God reri kwomke tetane tatame kem okbop te. God reri tatame, Jisas reri werasen yi tame, reri tuma wesowbo tame, kem metekwasen okbop te. Babilon kwom te kemne yaper nenbemkap, God re tene tuma nenen yaper sein nenbo. Eker, kem metekwasen okbopwai te. (Lo 32:43; Jeremaia 51:48)
31086	REV 18:24	Babilon kwom te God Reri Tuma wesow tamekene rene omuteke habobem tatamekene remne pen sabem. God re remri nep eter Babilon kwomke lam. Nowselke temenem pen sam tatame remri nep kirkir, re etekwou lam. (Jeremaia 51:48-64)
31123	REV 21:1	Nelkene nowselkene ager an lam. Kiyiri nelkene nowselkene rep be temenem. Kersepkap ok re kirkir be temenem. (Aisaia 65:17; 66:22)
31166	REV 22:17	God Reri Wowkene, Sipsip Yen Eterri agerke Panetene Takene rep op webo. Opu ya. Gwor tuma metbo tatame etem mere, rem op wete. Opu ya. Ok segebo tatame, kem opu ya. Somsom temente wuleri ok ate selbo tatame, kem er ok yan pot. God re kemne bupo me newote. (Aisaia 55:1)