23282	MAT 4:4	Jisas re tuma sein op wem. God Reri Siglowri Tuma op webo. Tatame rem awoswou habote, rem heyar be tete. Tame rem God Reri Tuma mette, rem heyar tete. (Lo 8:3) Op wemke, re Satan reri wem tuma be metem.
23643	MAT 13:35	Re etop bupo be nenem. Reri nenemkap et kiyiri tuma wesowbem tame eter basrasemkap. Re op basrasem. An remne wete, an remne sikur sakur tumak wete. Kiyisape God re nowsel nenen yam, yam, gwopte mere nugwape tuma re berastene. Er tuma an tegek wesowte. (Buk Song 78:2)
23937	MAT 21:42	Jisas re op wem. Ari weye tuma et kiyi temenem tame remri basrasem tumakap. Kap er tuma kem lam o kem be lam? Rem op basrasem. Tame rem ake nenbem, rem kiyi septim seg sene poten ake etek nenem. Er seg et nawo seg, seg yenbowai. Keryen Yen God re remne er seg peteran rem sene poten yewom. Nem etop lam, nem wem. Et yenbowai. (Buk Song 118:22-23) Kiyi rem etop basrasem.
24753	MRK 12:11	Keryen Yen God re etop nenem. Nem etop lam, nem op wem. Et yenbowai. (Buk Song 118:22-23)
25079	LUK 2:37	Nabe nugwape (84) te wane ta simenem, te keryen ta temenem. Te God Reri Kwobor be mesegenbem. Neirkene yabelkene te God rene lom yokwobem, te awos lek labem, te God rekene tuma namrebem.
25591	LUK 13:4	Letpeis tewo letrane kelare mur kerem tame (18) rem kiyi Siloam kwomri ake lagu re teran tame remne ab botkun sam. Kem map habobo? Rem yaper nenbo wos bukre nenemke, agerbo Jerusalemke tetane tatame rem yaper nenbo wos eisow nenemke, rem ek sam?
25598	LUK 13:11	Gambo gureremenem ta wuri te etek temenem, te sikanuma bukre nenem, nabe letpeis tewo letrane kelare mur kerem (18), te etop temenem. Te kin tepusbem, te kebese heyar be tetebem.
25603	LUK 13:16	Er ta te Abraham eterri yen. Satan re tene yaper nenem, teri kin tepusem. Nabe letpeis tewo letrane kelare mur kerem (18). Satan re tene kepke peikbokap temenem. Egesi Yabel an tene heyar nente, et yenbo.
25696	LUK 16:7	Re agerbo tame rene op wemetem. Ne haneyen rene tokwo mapsen sein newote? Re op wem. An rene awos nugwape (100) sein newote. Yaku lakere tame re rene op wem. Ne tokwo sein newote siglow poten tokwo eisow (80) basraste. Ne haneyen rene nugwape sein kap newote.
25865	LUK 20:17	Jisas re remne lan op wem. Ari weye tuma et sekene. Kiyi temenem tame rem God Reri Tuma etop basrasem. Rem op basrasem. Tame rem seg wuri habom, et seg yaper, rem poten septim. Er seg et nawo seg tem, et seg yenbosubuwai. (Buk Song 118:22)
26284	JHN 5:5	Tame wuri re etek tuknan kowmenem, rene nenbem sikanuma nabe et nugwape (38).
27012	ACT 1:20	Sene Pita re op wem. Er tuma et Buk Songke tetane. Buk Song op webo. Reri ake bupo me tete. Tame wuri etek be tete. (Buk Song 69:25) Er siglow kirkir op webo. Agerbo tame re reri yaku potte. (Buk Song 109:8)
27039	ACT 2:21	Tatame rem Kwobo La God rene wemete, re remne sene poten rem pow tete tetane. (Joel 2:28-32)
27046	ACT 2:28	An heyar somsom temente wule, ne anne peteram. Ne arenkene temente, an okbop tete tetane. (Buk Song 16:8-11)
27087	ACT 3:22	Kiyi Moses re op wem. Kemri Keryen Yen God re anne kemne werasemkap, re kemne Tuma Wesow Tame wuri weraste. Er tame re keremri tame wuri. Reri wete tuma kem heyar meten nente. (Lo 18:15,18)
27088	ACT 3:23	Tatame rem er Tuma Wesow Tame reri tuma be mette, rem God reri tatame etemkene be temente. Rem yaper tete tetane. (Lo 18:19)
27102	ACT 4:11	Jisas re ake nawo segkap, God Reri Siglow Tuma etop webo. Kem ake yaku nen tame, kem seg wuri septim. Er seg re ake nawo seg tem. (Buk Song 118:22)
27278	ACT 8:33	Rem rene tame kwuyem. Rem rene tuma yaper nenem. Rem rene pen sam, re selke sene be tem. Reri gurnan remne reri nenbemkap wos, yike wesowte? Bokem! (Aisaia 53:7-8)
28074	ROM 3:15	Rem agetage yin tatame remne pen sabo. (Aisaia 59:7-8)
28076	ROM 3:17	Agerbo tatamekene heyar me temente wule rem be sanetene. (Aisaia 59:7-8)
28232	ROM 9:9	God re Abraham rene tuma op teiktem. Aren weye yabel, an sene yate. Sara te tauryen ek wurte. (Stat 18:10)
28256	ROM 9:33	God Reri Siglow tuma re er pa rene op webo. Metye. An Pa wuri Saion kwowke rasbo. Eter Pak tatame rem tewo tubanete, rem selke waren tuknate. Tatame rem er Pa rene omuteke habote, rem tewo be tubanen rem be waren tuknate. Rem be semarkute. Rem pap yaper be tete. (Aisaia 28:16)
28261	ROM 10:5	Moses Reri Wule sen God re remne tatame yenbo webo tuma, Moses re op basrasem. Juda etemri wule tatame rem heyarwai sete, rem heyarwai sete, rem yaper wos be wuri nente, rem heyar somsom temente. (Lo 18:5)
28267	ROM 10:11	God Reri Siglow tuma op webo. Aboi tatame rem Jisas rene omuteke habote, rem pap yaper be tete. (Aisaia 28:16)
28380	ROM 15:9	Re Juda bo tatame remne God reri pap metbo wule kirkir peteram, opkap rem God reri sig yenbo kebese webet. God Reri Siglowke basrastene tuma op webo. An Juda bo tatame remkene temente, an neri sig yenbo wete. An sekwo lomun neri sig yenbo wete. (Buk Song 18:49)
28767	1CO 14:21	God Reri Siglow tuma op basrastene. Haneyen re op wem. Juda tatame rem ari tuma be metbo, eker an agerbo kwomri tame werasen ari tuma remri kwom tumak remne wesowte, Rem ari tuma omuteke be mette. (Aisaia 28:11-12)
28813	1CO 15:27	God reri siglowke basrasem tuma op webo. God re aboyei wos Krais eterri kulke pitiwurem. (Buk Song 8:6) Er tuma ‘aboyei wos’, et God rene kirkir be webo. God re Krais reri kulke be tetane.
28840	1CO 15:54	Nemri kupa tebo wesom, nem pelebitete, sene nem agerbo kupa be tebo wesom potte. God reri kiyi basrasem tuma sekene tete. Er sigow op webo. God re tatame sabo wule teitkwunem. Sabo wule sene be tetane. (Aisaia 25:8)
28968	2CO 6:2	God re op webo. Kemne heyar nente yabel temke, an kemri tuma metem. Tatame remne kwobo sene lan potte yabel temke, an kemne heyar ek nenem. (Aisaia 49:8) Metye. Gwopte et God re tatame remne heyar nenbo yabel. Gwopte et God re tatame remne lan potbo yabel.
29015	2CO 8:15	God Reri Siglow Tuma op webo. Tame rem awos nugwape kutebem, rem nugwapewai be potbem. Tame rem awos kerawai kutebem, rem kebese potbem. (Kisim Bek 16:18)
29347	EPH 4:8	God Reri Tuma op webo. Re ikyawai yawumke, re reri keikerem tatame nugwape remne panen yawum. Re tatame remne nkitimena kena kena newom. (Buk Song 68:18)
30052	HEB 2:8	God re wem, tatame rem aboyei wos lakerete. Be wos wuri be mesegente. Aboyei wos et etemri kulke temente. Gwopte nem labo, aboyei wos et tatame etemri kulke be wurtene. (Buk Song 8:4-6)
30077	HEB 3:15	God Reri Tuma op webo. Gwopte kem God Reri Tuma mette wete, kem mangure kap tete. Kiyi kemri yeiwarege rem mangure tem, rem ari tuma muwen anne magel tayem. Remri nenbemkap kem etop kap nente. (Buk Song 95:7-8)
30088	HEB 4:7	Opkap, God re agerbo yabel wuri sene wem. Er yabel et gwotepte. Nabe nugwape yimke, er yabelri tuma God re Devit rene wesowem, Devit re etop basrasem. Ari kemne kiyi basrasye tuma op webo. Gwopte kem God Reri Tuma mette wete, kem mangure kap tete. (Buk Song 95:7-8)
30207	HEB 10:7	Sene an rene op wem. God, an gwor. An neri wuribaike habobokapwou nente yawo. Kiyi rem anne habon basrasemkap, an neren webokap etop nente tetane. (Buk Song 40:6-8)
30383	JAS 2:23	God Reri Siglowri Tuma op webo. Abraham re God rene omuteke habobem, eker God re rene tame yenbo wem. (Stat 15:6; 2 Stori 20:7; Aisaia 41:8) God re Abraham rene wem. Re areri nowu. Et tuma sekene tem.
30466	1PE 1:25	Keryen Yen God Reri Tuma et somsom temente tetane. (Aisaia 40:6-8) Er tuma et Tuma Yenbo rem kemne wesowbem.
30469	1PE 2:3	God Reri Siglowri Tuma op webo. Haneyen re kemne nenbo wule kem seilan op sanetene. Haneyen re kemne yenbo nenbo. (Buk Song 34:8)
30472	1PE 2:6	God Reri Siglowri Tuma op webo. Metye. An kenem nawo seg yenbo ake Saion kwowke nenbo. Er seg rene omuteke habote tatame, rem pap yaper be tete. (Aisaia 28:16)
30473	1PE 2:7	Kem rene omuteke habobo tatame, kem op webo. Krais re nawo seg yenbowai. Omuteke be habobo tatame rem gwopkap. Ake nenbo tame remri muwen mesegenem seg, re kwobor nawo seg tem. (Buk Song 118:22)
30474	1PE 2:8	Sene God Reri Siglowri Tuma op webo. Er segke tatame rem tewo etek tubanete tetane. Remne tewo er segke tubanen rem waren yaper tete tetane. (Aisaia 8:14-15) God eter kiyi wemkap, rem eterri tuma be meten nenem, eker rem tewo etek tubanen waren tuknan yaper tem.
30844	REV 4:8	Er kelpe wos eis rem wulare wulare tipe letrane kelare wuri kere temenem. Rem le nugwape temenem, bitmi yokwokene kin yokwokene op temenem. Remri tipe aboyei lewou temenem. Neirkene yabelkene rem sekwo yenbo som lombem. Rem ege be sibem. Rem sekwo op lombem. Kitimena Sikabewaikene Keryen Yen God re yenbowai, re yenbowai, re yenbowai. Re kiyi temenem, gwopte re som tetane, yuri re yate tetane. (Esekiel 1:18; 10:12; Aisaia 6:2-3)
30856	REV 5:9	Rem sekwo ager rene op lomum. Nerenwou ne siglow kebese poten kep ek saukte. Kiyi rem nene pen sam, nereri nepke ne tatame remne tupam. Tupam, rem God reri tatame tem. Ekeya. Agerbo agerbo tame beig, agerbo agerbo tuma namrebo tatame, agerbo agerbo wes ten yatene tatame, agerbo agerbo nowselri tatame remne ne tupam, eker ne siglow kep kebese saukyewote. (Buk Song 33:3; 98:1; Aisaia 42:10)
30955	REV 11:15	Sene God reri kwomri tame letrane kelare pes kerewe, re reri puw tem. God reri kwomri tuma wuskiy nugwape rem yaye op wem. Gwopte nemri Keryen Yen Godkene reri Lebam Tamekene rep nowselri tatame etemri Keryen Yen tete. Haneyen re aboyei kwom somsom panen simente tetane. (Kisim Bek 15:18; Daniel 2:44; 7:14,27)
31019	REV 15:4	Aboyei tatame rem nene akbo. Aboyei tatame rem neri sig bukre webo. Nerenwou ne yenbowai. Aboyei nowselri tatame rem neri nenbo wule yenbo labo, eker rem yan nene lom yokwobet. (Jeremaia 10:7; Buk Song 86:9)
31066	REV 18:4	Sene an metem, agerbo tuma wuskiy Hevenke op webem. Ari tatame. Kem Babilon kwom mesegen. Kem tene mesegen. Kem teri nenbo wule yaper mane nente. An tene yaper sein nente tetane. Kem tekene kirkir yaper kap tete. (Aisaia 48:20; Jeremaia 50:8; 51:6)
31081	REV 18:19	Rem pap yaperwai ten rem til waren kirawe basewe tuma op wem. Pap metbo. Kwom sag bukre te yaperwai teye. Aboyei kersepkap okke yibo sip mutame rem teri kel poten wosbas nugwape tame tem. Sene bo. Pap metbo. Yabel wuriwouke et kwom te yaperwai teye. (Aisaia 23:14; 24:8; Esekiel 27:26-36)
31082	REV 18:20	God reri kwomke tetane tatame kem okbop te. God reri tatame, Jisas reri werasen yi tame, reri tuma wesowbo tame, kem metekwasen okbop te. Babilon kwom te kemne yaper nenbemkap, God re tene tuma nenen yaper sein nenbo. Eker, kem metekwasen okbopwai te. (Lo 32:43; Jeremaia 51:48)
31086	REV 18:24	Babilon kwom te God Reri Tuma wesow tamekene rene omuteke habobem tatamekene remne pen sabem. God re remri nep eter Babilon kwomke lam. Nowselke temenem pen sam tatame remri nep kirkir, re etekwou lam. (Jeremaia 51:48-64)
31154	REV 22:5	Neir sene be tektete. Etemri Keryen Yen God re yabel rik pasmente. Eker yabel be paste, tuw be kerete. Rem Keryen Yen yaku somsom nenbet. (Aisaia 60:19; Daniel 7:18)
31161	REV 22:12	Jisas re op wem. Metye. An yate matnaye. An tokwo yenbokene yaperkene sen yate. Tatame remri nenbemkap wule, an remne tokwo sein wulare wulare newote tetane. (Aisaia 40:10, 62:11; Buk Song 28:4)