| 23244 | MAT 2:6 | Betlehem kwom et Judia yokwori kwom, et kwom eisow bo, et kwom bukre. Agerbo kwom bukre rem Betlehem kwom be teitkwuntene. Betlehem kwomri tame wuri re keryen yen tete, re kwom panen si tame tete. Re ari Israel tatame remne panen site. (Maika 5:2) |
| 23256 | MAT 2:18 | Rem kira taye Rama kwomke metbo. Rem nugwape kera taye metbo. Resel te teri yen remne kirabo. Teri yen rem aboyei sakeipem, tatame rem tene pap meten heyar nenlaweibo, te pap yaper som tetane. (Jer 31:15) |
| 23264 | MAT 3:3 | God Reri Tuma wesowbem tame, Aisaia, re Jon rene kiyi wesowem. Re op wem. Tame wuri re tamekene bo emik yaye tete. Re op tete. Kem Haneyen reri yate kelow heyar nen. Reri yate kelow kem sagwunate. (Aisaia 40:3) |
| 23282 | MAT 4:4 | Jisas re tuma sein op wem. God Reri Siglowri Tuma op webo. Tatame rem awoswou habote, rem heyar be tete. Tame rem God Reri Tuma mette, rem heyar tete. (Lo 8:3) Op wemke, re Satan reri wem tuma be metem. |
| 23285 | MAT 4:7 | Jisas re rene sein op wem. God Reri Siglowri Tuma kirkir op webo. God re nereri Keryen Yen, ne rene kap seilate. Op webo. (Lo 6:16) |
| 23288 | MAT 4:10 | Jisas re sein op wem. Satan, ne anne pelebiten yite. God Reri Siglowri Tuma op webo. Ne Keryen Yen God eternewou lom yokwote, eternewou yaku nenbet. Op webo. (Lo 6:13) |
| 23643 | MAT 13:35 | Re etop bupo be nenem. Reri nenemkap et kiyiri tuma wesowbem tame eter basrasemkap. Re op basrasem. An remne wete, an remne sikur sakur tumak wete. Kiyisape God re nowsel nenen yam, yam, gwopte mere nugwape tuma re berastene. Er tuma an tegek wesowte. (Buk Song 78:2) |
| 23711 | MAT 15:9 | Rem tame rem nenbo wulewou wesowte habobo, rem op webo. Gwor wule et God reri wule. Op webo, opkap rem God rene bupo me lom yokwobo. (Aisaia 29:13) |
| 23985 | MAT 22:44 | Keryen Yen God re ari Keryen Yen rene op wem. Ne Keryen Yen, ne ari let mame yokwok site. Yuri an wete, ne neri peiktame remne teitkwunte. Ne remne panen site tetane. (Buk Song 110:1) |
| 24286 | MRK 1:2 | Aisaia re God reri kiyi temenem tuma wesowbem tame, re tuma kiyi siglowke op basrasem. Kem wan tai. Gwor tame re ari tuma wesowte tame. An rene weraste, re temnas yin ari tuma wesowte, re neri yate kelow heyar nente. (Malakai 3:1) |
| 24287 | MRK 1:3 | Tame wuri re tamekene bo emik temente, re yaye op tete. Haneyen re yate. Kem reri yate kelow heyar nen. (Aisaia 40:3) |
| 24539 | MRK 7:7 | Rem tamek nenbo wulewou peiken op webo. Gwor wule et God reri wule. Eker rem anne bupo me lom yokwobo. (Aisaia 29:13) |
| 24663 | MRK 10:6 | Kiyisapewai God re aboyei wosbas nenmenem, God Reri Siglowri Tuma op webo. God re takene tamekene nenem. (Stat 1:27, 5:2) |
| 24665 | MRK 10:8 | Repri wesom wuriketwou. (Stat 2:24) Rep sene kena kena bo. Yehow. Repri wesom wuriketwou. |
| 24726 | MRK 11:17 | Sene re tatame remne tuma op wem. God Reri Siglowri Tuma op basrastene. Ari Kwobor et nugwape nowselri tatame remri ankene tuma namrebo ake. Kerem etop be nenbo. Kem bisi a tame remne gwotek berasbo. (Aisaia 56:7) |
| 24778 | MRK 12:36 | Kiyi Krais re nowselke be yamenem, God Reri Wow re Devit rene purere newom, Devit re op wem. Keryen Yen re ari Keryen Yen rene op wem. Ne ari let mame yokwok sin yin an neri peiktame remne neri kulke rasen temente. (Buk Song 110:1) |
| 24850 | MRK 14:27 | Jisas re reri anepoi tame remne op wem. God Reri Siglowke basrasen Tuma op wem. God re sipsip lakerebo tame rene pete, sipsip rem amekiren yikwute yakwutete tetane. (Sakaraia 13:7) Kem etopker nente tetane. Kem aboyei kem anne mesegenen amen yite tetane. |
| 24923 | MRK 15:28 | God Reri Siglowke basrasem Tuma er yabel sekene tem. Siglow Tuma op wem. Rem rene tame yaper remri wuri lam. (Aisaia 53:12; Luk 22:37) |
| 25038 | LUK 1:76 | Sekaraia re op wem, Ari yen, yuri ne Keryen Yen rene temnas yin reri kelow heyarte. Tatame rem nene op wete. Re Hevenke Tetane God Reri Tuma wesowbo tame. (Malakai 3:1) |
| 25041 | LUK 1:79 | Opkap kerneirke sitene tatame rem yabel geike tete. Re nemne kelmenabo kelow peterate, nem pap kwuye mette tetane. (Aisaia 9:2) |
| 25865 | LUK 20:17 | Jisas re remne lan op wem. Ari weye tuma et sekene. Kiyi temenem tame rem God Reri Tuma etop basrasem. Rem op basrasem. Tame rem seg wuri habom, et seg yaper, rem poten septim. Er seg et nawo seg tem, et seg yenbosubuwai. (Buk Song 118:22) |
| 25891 | LUK 20:43 | Yuri an wete, ne neri peiktame remne teitkwunen ne remne kwom panen site tetane. (Buk Song 110:1) |
| 27012 | ACT 1:20 | Sene Pita re op wem. Er tuma et Buk Songke tetane. Buk Song op webo. Reri ake bupo me tete. Tame wuri etek be tete. (Buk Song 69:25) Er siglow kirkir op webo. Agerbo tame re reri yaku potte. (Buk Song 109:8) |
| 27053 | ACT 2:35 | Yuri an wete, ne nereri peiktame remne teitkwunte. Ne remne panen site tetane. (Buk Song 110:1) |
| 27088 | ACT 3:23 | Tatame rem er Tuma Wesow Tame reri tuma be mette, rem God reri tatame etemkene be temente. Rem yaper tete tetane. (Lo 18:19) |
| 27102 | ACT 4:11 | Jisas re ake nawo segkap, God Reri Siglow Tuma etop webo. Kem ake yaku nen tame, kem seg wuri septim. Er seg re ake nawo seg tem. (Buk Song 118:22) |
| 27464 | ACT 13:33 | God re warege remne teiktem tuma nemne nenem. Re Jisas rene wow sene newom, re sele meike sene wayen yim. Nem warege etemri gurnan, nem etop lam. Er tuma re God Reri Siglow, Buk Songri sekwo peswe, et op webo. Ne areri Yen. Gwopte an nereri Apiy. (Buk Song 2:7) |
| 27465 | ACT 13:34 | God re Jisas rene wow sene newom, re sele meike sene wayen yim, re sele meike sene be yin kupoite tetane. Re etop reri siglowke op webo. Tuma sekene. An nene heyar nente tetane. An er tuma Devit rene teiktem. (Aisaia 55:3) |
| 27466 | ACT 13:35 | God reri siglowke tuma sene op webo. Neri yaku omuteke nenbo tame rene ne sele meike be mesegenen kupoite. (Buk Song 16:10) |
| 27478 | ACT 13:47 | Keryen Yen re nesne gwor tuma weiwen op wem. An nene webo, ne Juda bo tatame remne tuwkap kerete. Ne nugwape nowselri tatame remne kwobo lan op wesowte. An remne potte. (Aisaia 42:6; 49:6) |
| 28015 | ROM 1:17 | Er Tuma Yenbo, God re tatame remne tatame yenbo webokap, nemne peterabo. Reri tatame remne sene potbo wule re gwopkap. Rem Jisas eterne omuteke habote, God re remne potte. Omuteke habobo wulewouke, re remne potte. Reri siglow op webo. Tatame rem God Reri Tuma omuteke som habobet, God re remne op wete. Kem tatame yenbo, kem heyar som temente. (Habakuk 2:4) |
| 28054 | ROM 2:24 | God Reri Siglow tuma op webo. Kemri nenbo wule yaper Juda bo tatame rem labo, rem God rene tame kwuyen reri sig teitkwunbo. (Aisaia 52:5) |
| 28063 | ROM 3:4 | Bupo sekenewai. God reri wemkap re nente tetane. Aboyei tatame rem tuma yikokobo. God eterwou re sekene tumawou webo. God Reri Siglow tuma op webo. God, ne anne tuma nenbo, neri wulekene neri tumakene et sagunatene. Yike nene tuma nente, ne remne teitkwunte tetane. (Buk Song 51:4) |
| 28072 | ROM 3:13 | Remri elemoike webo tuma et tame pen sabo tuma. Biyir sopo rem tame tan sabokap, remri taule rem yikoko tumakene tatame remne yaper nenbo tumakene webo. (Buk Song 5:9; 140:3) |
| 28073 | ROM 3:14 | Rem agerbo tatame remne pap yoken suyogu wurabo, remne yaper nente webo. (Buk Song 10:7) |
| 28077 | ROM 3:18 | Rem God rene be habobo, rene be akbo. (Buk Song 36:1) God Reri Siglow tuma etop webo. |
| 28079 | ROM 3:20 | Tatame rem Moses Reri Wule nente, God re remne op be wete, kem tatame yenbo. Yehow. Moses Reri Wule nemne peterabo, nem aboyei nem Wule biragiyebo tatame. (Buk Song 143:2) |
| 28093 | ROM 4:3 | God Reri Tuma op webo. Abraham re God rene omuteke habobem, eker God re rene tame yenbo wem. (Stat 15:6) |
| 28099 | ROM 4:9 | Devit re okbop ten basrasem. Kap, mare tumas kutem tame etemwou rem opkap okbop ten boteyatete? Yehow. Mare tumas be kutem tame, etem mere rem opkap okbop ten boteyatete. God Reri Siglow tuma op webo. Abraham re God rene omuteke habobem, eker God re rene tame yenbo wem. (Stat 15:6) |
| 28107 | ROM 4:17 | God Reri Siglow tuma op webo. God re Abraham rene op wem. Ne nugwape nowselri tatame remri warege tete. (Stat 17:5) Abraham reri omuteke habobem God, eter, re wem, Abraham re neremri warege. Re sam tatame remne wow sene newobo God. Re webo, be temente wos op tete. Reri teiktem tuma re nente tetane. |
| 28108 | ROM 4:18 | Abraham re wuribai pes tebo wule teitkwunbem, re God reri wem teiktem tuma omutekewai som habobem. Eker Abraham re nugwape nowselri tatame etemri warege tem. God Reri Siglow tuma op webo. Abraham, neri gurnan sokonan yen rem sowkap nugwapewai tete tetane. (Stat 15:5) Op wem tuma re sekene tem. |
| 28220 | ROM 8:36 | Sekene. Opkap wos yaper nemne tebo. God Reri Siglow tuma op webo. Nem nene omuteke habobo tatame, opkap, agerbo tame rem nemne kwokwos kwokwos pen sabo. Por wale remne pen sate nenbokap, rem nemne etop nenbo. (Buk Song 44:22) |
| 28230 | ROM 9:7 | Abraham reri gurnan sokonan aboyei rem God reri yen bo. Kiyi God re Abraham rene tuma op teiktem. Aisak eterke ne nugwape nugwape gurnan sokote. (Stat 21:12) |
| 28232 | ROM 9:9 | God re Abraham rene tuma op teiktem. Aren weye yabel, an sene yate. Sara te tauryen ek wurte. (Stat 18:10) |
| 28235 | ROM 9:12 | Re nawot Rebeka tene op wem. Lake re mase reri yaku nen tame tete. (Stat 25:23) |
| 28240 | ROM 9:17 | God Reri Siglow op webo. God re Isipri keryen yen rene op wem. Aren wemke, ne keryen yen bukre tem. Nerenke an ari kitimena bukre tatame remne peterate. Nerenke rem ari sig aboyei kwomke kwomke mette. (Kisim Bek 9:16) |
| 28243 | ROM 9:20 | Ari tame nowu. Ne yike, ne Keryen Yen God rene sewaite, re opkap wule kap nente? Tame re ou rasbo, er ou re ou rasbo tame rene op be wemetbo. Mapurke ne anne gwopkap nenye? Yehow. Re op be wemetbo. (Aisaia 29:16) |
| 28248 | ROM 9:25 | God Reri Tuma wesow tame, Hosea, reri op basrasem siglowke God re op webo. Tatame rem ari tatame be temenem, sene an remne op wete. Kem areri tatame. An remne pap be yewom tame beig, sene an remne op wete. Kem areri meseke mogulri. (Hosea 2:23) |
| 28249 | ROM 9:26 | Remri temenem emik an remne op wem. Kem areri tatame bo. Eter emik an remne sene op wete. Agerbo tatame rem kemne wete, kem somsom tetane Keryen Yen God reri yen. (Hosea 1:10) |
| 28252 | ROM 9:29 | Aisaia re yuri tete wos kiyi op basrasem. Kitimena Sikabewaikene Haneyen re nemri yennan remne ab pete wem, nem Sodomkene Gomorakene rem be temenemkap wem. (Aisaia 1:9) |
| 28256 | ROM 9:33 | God Reri Siglow tuma re er pa rene op webo. Metye. An Pa wuri Saion kwowke rasbo. Eter Pak tatame rem tewo tubanete, rem selke waren tuknate. Tatame rem er Pa rene omuteke habote, rem tewo be tubanen rem be waren tuknate. Rem be semarkute. Rem pap yaper be tete. (Aisaia 28:16) |
| 28261 | ROM 10:5 | Moses Reri Wule sen God re remne tatame yenbo webo tuma, Moses re op basrasem. Juda etemri wule tatame rem heyarwai sete, rem heyarwai sete, rem yaper wos be wuri nente, rem heyar somsom temente. (Lo 18:5) |
| 28267 | ROM 10:11 | God Reri Siglow tuma op webo. Aboi tatame rem Jisas rene omuteke habote, rem pap yaper be tete. (Aisaia 28:16) |
| 28269 | ROM 10:13 | God Reri Siglow tuma op webo. Aboi tatame rem Haneyen Jisas rene op wete. Haneyen, ne anne kwobo late. Op wemetbo tatame, God re remne poten reri kwomke panen yite, rem pow tete tetane. (Joel 2:32) |
| 28271 | ROM 10:15 | God Reri Tuma wesow tame remne be weraste, rem mapurke yin tuma wesowte? God Reri Siglow tuma op webo. Tuma Yenbo wesowbo tame rem nemne lasyabo, et yenbosubuwai. (Aisaia 52:7) |
| 28272 | ROM 10:16 | Aboi tatame rem God Reri Tuma Yenbo omuteke be metem. Aisaia re etop habon op wem. Haneyen, nemri wesowbem tuma yike tatame rem omuteke habobo? (Aisaia 53:1) |
| 28274 | ROM 10:18 | An wemetbo. Tatame rem God Reri Tuma metem o rem be metem? Ekeya, rem metem. God Reri Siglow tuma op webo. Tuma wesow tame remri tuma wuskiy kwomke kwomke yim. Remri tuma gene genewaike yim. (Buk Song 19:4) |
| 28275 | ROM 10:19 | An sene wemetbo. Kap, Israel tatame rem er tuma tobo heyar be metem? Yehow. Rem tuma tobo op metem. Rem omuteke be habote, God re agerbo tatame remne poten rem reri tatame tem. Israel rem etop mettene. Kiyi Moses re God reri wem tuma op wem. An sigkene bo tame beig remne potte, rem ari tatame tete tetane. Israel tatame rem etop late, rem wuribai yaper tete tetane. Purerekene bo tatame an remne heyar nente tetane. Israel rem etop late, rem pap yokte tetane. (Lo 32:21) |
| 28276 | ROM 10:20 | Aisaia re mol pan God reri wem tuma op wem. Anne be sopbo tame rem anne lam. Anne be we sopbo tame an remne op wem. An gwok tegek tetane. (Aisaia 65:1) |
| 28277 | ROM 10:21 | God re Israel remne op wem. Kwokwos kwokwos an wan be metbo tatame, mangure tebo tatame remne nar poten kowtene. (Aisaia 65:2) |
| 28285 | ROM 11:8 | God Reri Siglow tuma op webo. God re wemke, tatame rem purere yaper tem. Rem welepe be habobem. Re remne weragerem, rem kebese be lam, rem God Reri Tuma kebese be metem. Kiyi op tem, gwopte rem etopkap som tetane. (Lo 29:4) |
| 28311 | ROM 11:34 | God Reri Siglow tuma op webo. Yike rem Haneyen reri wuribai latene? Yike rene purere lei kebese newote? (Aisaia 40:13) |
| 28312 | ROM 11:35 | Yike rene wos newom, opkap re wos sein sene newote? Bupo sekenewai. (Job 41:11) |
| 28332 | ROM 12:19 | Ari gesmase. Kerem, kem yaper sein mane nente. Tame rem kemne yaper nente, kem remne God eterri letke raste, eter re remne pap yokte. God Reri Siglow tuma op webo. Aren an yaper sein nente. Aren an paku sein pete. (Lo 32:35) |
| 28359 | ROM 14:11 | God Reri Siglow Tuma op webo. An tetane. An tuma sekene webo. Aboyei tatame rem areri bitmi tobok gulke pan anne lom yokwote. Aboyei rem anne kwom geike op wete. Ne Keryen Yen God sekene. (Aisaia 45:23) |
| 28374 | ROM 15:3 | Krais re eter kworer kwobo late be habobem. God Reri Siglow tuma op webo. Tatame rem nene tame kwuyebo. Remri kwuyebo tuma rem anne kirkir kwuyebo. (Buk Song 69:9) |
| 28380 | ROM 15:9 | Re Juda bo tatame remne God reri pap metbo wule kirkir peteram, opkap rem God reri sig yenbo kebese webet. God Reri Siglowke basrastene tuma op webo. An Juda bo tatame remkene temente, an neri sig yenbo wete. An sekwo lomun neri sig yenbo wete. (Buk Song 18:49) |
| 28381 | ROM 15:10 | God Reri Siglow tuma sene op webo. Kem Juda bo tatame, kem God eter kenem tatame etemkene okbop ten metekwaste. (Lo 32:43) |
| 28382 | ROM 15:11 | Sene God Reri Tuma op webo. Juda bo tatame, kem Keryen Yen reri sig yenbo we. Kwomri kwomri nugwape tatame, aboyei tame beig kem reri sig yenbo we. (Buk Song 117:1) |
| 28383 | ROM 15:12 | Aisaia re kirkir op wem. Warege Jesi reri nan re tete. God re rene nenewayen re aboyei nowselri Juda bo tatame remri keryen yen tete. Rem rene omuteke op habobet. Re nemne heyarwai nente tetane. (Aisaia 11:10) |
| 28392 | ROM 15:21 | God eter wem siglowke basrasemkap, an etop nenbo. Reri siglow tuma op webo. Remne be wem tatame rem late tetane. Tuma be mettene tatame rem heyar mette tetane. (Aisaia 52:15) |
| 28450 | 1CO 1:19 | God Reri Siglow op webo. An wete, purere bukrekene tame remri purere yaper tete tetane. An wete, tuma wule nugwape sanetene tame remri purere an teitkwunte tetane. (Aisaia 29:14) |
| 28462 | 1CO 1:31 | Etop tetane, eker God Reri Siglow webokap nem etop nente. Tatame rem gabote, rem Haneyen reri nenbokap gabote. (Jeremaia 9:24) |
| 28471 | 1CO 2:9 | God Reri Siglowri Tuma op webo. Tame lek be lam, wanke be metem, wuribaike kiyi be habom wos, God rene pap yewobo tatame remne re opkap heyar nente tetane. (Aisaia 64:4) |
| 28478 | 1CO 2:16 | God reri basrasem tuma op webo. Tatame rem Haneyen reri wuribai be sanebo. Tatame rem rene wuribai purere kebese be newobo. (Aisaia 40:13) Krais reri wuribai neremkene tetane. |
| 28497 | 1CO 3:19 | Nowselri tatame rem webo, et purere yenbo. God re webo, et wor tetane purere. God Reri Siglow tuma et op webo. Purerekene tame remne God re etemri purerek remne mankapke keikerebo. (Jop 5:13) |
| 28498 | 1CO 3:20 | God Reri Siglow op basrastene. Purerekene tame remri habobokap et oksubu tebo. Keryen Yen re etop sanetene. (Buk Song 94:11) |
| 28534 | 1CO 5:12 | Tuma sekene. God rene be habobo tatame remne se pebo, et areri wos bo, et God eterri wos. Re remne se pebo. Keremri wos gwop. Kem kemri kwomri Jisas rene habobo tatame remne se pete. God Reri Siglow op webo. Kemri borke tetane tatame yaper remne kem wekroken yite. (Lo 13:5; 17:7) |
| 28551 | 1CO 6:16 | Tame re mare bisi yi ta tene yibo, rep wesom wuriwou tetane. Kap, kem gwor tuma be mettene? God Reri Siglow op basrasem. Tamekene takene rep wesom wuri tete. (Stat 2:24; Matyu 19:5; Efesus 5:31) |
| 28617 | 1CO 9:9 | God re Moses rene newom Wule op webo. Bulmakau rem wit supa teit sigabo, kem remri tumas kep kap peikkerete. Rem wit supa kirkir ate, et yenbo. (Lo 25:4) Kap, God re bulmakauwou remne habon etop wem? |
| 28642 | 1CO 10:7 | Rane rem sukwiye wurabemkap, nem kap wurate. God Reri Siglow tuma op webo. Rem sin awos bukre abem, sene rem ok yaper an sisi pen yage taibem. (Kisim Bek 32:6) |
| 28661 | 1CO 10:26 | God Reri Siglow tuma op webo. Gwor nowselkene nowselke tetane woskene, et Haneyen eterriwou. (Buk Song 24:1) |
| 28813 | 1CO 15:27 | God reri siglowke basrasem tuma op webo. God re aboyei wos Krais eterri kulke pitiwurem. (Buk Song 8:6) Er tuma ‘aboyei wos’, et God rene kirkir be webo. God re Krais reri kulke be tetane. |
| 28831 | 1CO 15:45 | God Reri Siglow op webo. God re temnas yi nenem tame, Adam, re more tame tem. Yuri tem Adam, re tatame remne poten wow sene newobo. (Stat 2:7) |
| 28840 | 1CO 15:54 | Nemri kupa tebo wesom, nem pelebitete, sene nem agerbo kupa be tebo wesom potte. God reri kiyi basrasem tuma sekene tete. Er sigow op webo. God re tatame sabo wule teitkwunem. Sabo wule sene be tetane. (Aisaia 25:8) |
| 28841 | 1CO 15:55 | Sabo wule reri kitimena re mak tetane? Neri tatame remne mus newobo wule mak tetane? (Hosea 13:14) |
| 28940 | 2CO 4:13 | Nem Jisas rene omuteke habobo, eker nem nugwape tatame remne er tuma wesowbo. God eterri siglowke basrasem tame rem omuteke habobokap nem etop kirkirk habobo. God Reri Siglow Tuma op webo. An God rene omuteke habobo, an eker tuma wesowbo. (Buk Song 116:10) |
| 28968 | 2CO 6:2 | God re op webo. Kemne heyar nente yabel temke, an kemri tuma metem. Tatame remne kwobo sene lan potte yabel temke, an kemne heyar ek nenem. (Aisaia 49:8) Metye. Gwopte et God re tatame remne heyar nenbo yabel. Gwopte et God re tatame remne lan potbo yabel. |
| 28982 | 2CO 6:16 | Mapurke God Reri Kwobor yenbokene sukwiye wurabo kwoborkene kirkir temente. Nerem, nem Kelpe Tetane God Reri Kwobor. God Reri Siglow Tuma op wem. An ari tatame remkene temente. An remkene sewurte. An remri God tete, rem areri tatame tete. (Wok Pris 26:12) |
| 28983 | 2CO 6:17 | Keryen Yen God re op wem. Kem remne mesegen. Kem remkene mane tete. Kem wule yaper pelebitete, an kemne poten pap yewote. (Aisaia 52:11) |
| 28984 | 2CO 6:18 | An keremri Apiy tete, kem areri yen tete. Kitimena Bukre Tetane Keryen Yen re etop webo. (2Samuel 7:14; 1Stori 17:13; Aisaia 43:6) |
| 29015 | 2CO 8:15 | God Reri Siglow Tuma op webo. Tame rem awos nugwape kutebem, rem nugwapewai be potbem. Tame rem awos kerawai kutebem, rem kebese potbem. (Kisim Bek 16:18) |
| 29033 | 2CO 9:9 | God Reri Siglow Tuma op webo. Awos supa seiten sewurbokap, re wosbas bo tatame remne etopkap newobo. Reri pap metbo wule er somsom temente tetane. (Buk Song 112:9) |
| 29034 | 2CO 9:10 | God re now nenbo tame remne kwoi lei newobo. Re tatame remne awos newon abo. Opkap, God re kemne nugwape wos kirkir newote, kem yow, kem nugwape ten yaku yenbo nugwape ek nente. Nowri awos nugwape tebokap, God re kemri letke etop nente. (Aisaia 55:10) |
| 29056 | 2CO 10:17 | God reri basrasem siglow tuma op webo. Tatame rem gabote, rem Haneyen eter nenem woswou gabote. (Jerimaia 9:24) |
| 29112 | 2CO 13:1 | Kiyi an kemne tewo pes yan lam. Tewo murwe an kemne sene yan late nenbo. God eterri siglow op webo. Tame re yaper wos nente, agerbo tame pes o mur rem etop late, kem yaper nenem tame rene tuma kebese nente. (Lo 17:6; 19:15) |
| 29225 | GAL 4:27 | God Reri Siglowke basrastene tuma op webo. Yen game a ta, ne metekwaste. Yen be wuren mus be metbo ta, ne okbopwai ten yaye tete. Bupo me tetane ta teri yen rem nugwapewai tete tetane. Tamekene ta teri yen rem nugwape be tete tetane. (Aisaia 54:1) |
| 29347 | EPH 4:8 | God Reri Tuma op webo. Re ikyawai yawumke, re reri keikerem tatame nugwape remne panen yawum. Re tatame remne nkitimena kena kena newom. (Buk Song 68:18) |
| 29402 | EPH 5:31 | God Reri Siglowri Tuma op webo. Opkap, tame re nawoha mesegenen ta panebo, rep wesom wuriwou tebo. (Stat 2:24) |
| 29469 | PHP 2:11 | Gulke pate, rem aboyei kwom geike op wete. Jisas Krais re Keryen Yen. Op wetek, Apiy God reri sig hadebaswai tete. (Aisaia 45:23) |