13952	PSA 2:3	Gen yaŋ yoŋ, “Uŋun bamot dakon amɨn wamwam nap teban paŋdagono. Ain nap kandapninon paŋteban agɨmal uŋun wɨtdalno.”
13955	PSA 2:6	Uŋun da yaŋ yoyɨsak, “Nak da on amɨn kɨla amɨn madepno egɨpjak do kɨlɨ yɨpgum da telagɨ ɨleŋno Saion uŋudon yɨkdak.”
13956	PSA 2:7	Kɨla amɨn madep da yaŋ yosok, “Yawe da yo madep kɨnda nayɨgɨt uŋun yaŋ teŋteŋokdɨsat. Yaŋ nayɨgɨt, ‘Gak Monjino. Abɨsok nak gak dakon Datgo dagosot.
13958	PSA 2:9	Gak da kɨla amɨn pi tapmɨmɨ toŋsi aŋek kɨla amɨn madep dakon kɨndap kɨrɨŋ ain naŋ wasaŋbi uŋun naŋ uwalgo pudaŋ monɨŋ monɨŋ akdɨsal. Amɨn da mɨktɨm kwoba pudaŋ monɨŋ monɨŋ aŋ uŋun da tɨlagon akdɨsal.’ ”
13964	PSA 3:3	Uŋun da yaŋ yoŋ, “Piŋkop da arɨpmɨ dɨma aŋpulugokdɨsak.”
13977	PSA 4:7	Amɨn morapmɨ da yaŋ yoŋ, “Namɨn da nin paŋpulugaŋban tagɨsi egɨpneŋ?” Yawe, butgo ninon yɨpmaŋek yo tagɨsi aŋ nibi.
14058	PSA 10:6	Yaŋ nandɨsak, “Nak arɨpmɨ dɨma mokeŋ. Bɨsapmɨ bɨsapmɨ yo dɨ da nak arɨpmɨ dɨma abɨŋ nepni.”
14063	PSA 10:11	Amɨn yokwi da yaŋ nandɨsak, “Piŋkop da nak ɨŋtaŋ namgut. Iyɨ dakon dabɨl kɨlɨ sopgut, do dɨma nandɨsak.”
14065	PSA 10:13	Yokwi pakpak amɨn da nido Piŋkop do yaŋba yokwi tok aŋ? Ae nido “Piŋkop da kobogɨ yokwi dɨma nimdɨsak” yaŋ nandaŋ?
14071	PSA 11:1	Nak aŋkutnosak do Yawekon kɨsat. Do gak nido yaŋ nayɨsal, “Amɨn yokwi obipni paŋɨlɨkgaŋ! Pɨlɨn tukgwan amɨn kɨlegɨ yam do dɨkdɨkni bɨsapmon sambaŋ! Do mɨnam kɨnda da yaŋ pasalek kabapgwan wɨgɨ!
14073	PSA 11:3	Aŋpak kɨlegɨ dakon teban tokni kɨsi tuwɨl kɨ mudoni kaŋ, amɨn kɨlegɨ niaŋ ani?”
14082	PSA 12:5	Uŋun amɨn da yaŋ yoŋ, “Top gen yaŋek teban toneŋ. Nin da galak togon gen yokdamaŋ. Amɨn kɨnda da kosit dɨma sopmaŋ nimjak.”
14083	PSA 12:6	Mani Yawe da yaŋ yosok, “Amɨn yokwi da tapmɨmni mɨni amɨn pabɨŋ yopmaŋgaŋ, ae yoni mɨni amɨn iyoŋ iyoŋ yaŋek ekwaŋ. Do nak da abɨŋ paŋpulugokeŋ. Uŋun nak da paŋkutnokeŋ do yoŋ, do yaŋsi akdɨsat.”
14091	PSA 13:5	Yaŋ aŋaki kaŋdo uwalno da “kɨlɨ abɨŋ yɨpmamaŋ” yaŋ dɨma yoni. Ae nak da maŋ pokgo kaŋek kɨsɨk kɨsɨk dɨma ani.
14093	PSA 14:1	Nandaŋ kokwini tagɨ dɨma amɨn burɨkon da yaŋ yoŋ, “Piŋkop kɨnda dɨma egɨsak.” Uŋun amɨn yokwisi. Yo wagɨl yokwisi baŋ gɨn aŋ. Kɨnda da aŋpak tagɨ kɨnda dɨma asak.
14096	PSA 14:4	Piŋkop da yaŋ yosok, “Yokwi aŋ amɨn nandak nandak tagɨ dɨ dɨmasi tɨmɨtdaŋ. Bret naŋba mudoŋ, uŋun da tɨlak mɨŋat amɨno naŋ mudoŋ. Ae nak da paŋpulugokeŋ do bɨsit dɨma aŋ namaŋ.”
14106	PSA 16:2	Nak Yawe yaŋ iyɨgɨm, “Gak Amɨn Tagɨno. Yo tagɨsi morap tɨmɨkdat uŋun gak da kɨsiron dagɨn abaŋ.”
14229	PSA 22:9	Aŋek yaŋ yoŋ, “Yawe da aŋpulugosak do nandaŋ gadaŋ ɨmɨsak, do yum kaŋakwa uŋun da jɨgɨkon baŋ pulugaŋ yɨpjak. Yawe do madepsi galak taŋ ɨmɨsak, do yum kaŋakwa aŋpulugosak.”
14334	PSA 29:9	Yawe da gen yaŋakwan kɨndap teban da kwasɨgɨlgaŋ, aŋakwa koron kɨndap tam morap kɨsisi bɨrɨpmɨgɨ moŋ. Yaŋ aŋakwan Telagɨ Yut Madepnikon amɨn kɨsisi da yaŋ tɨdaŋek yaŋ yoŋ, “Piŋkop uŋun tɨlɨmni toŋ!”
14343	PSA 30:7	Kalɨp nak tagɨsi egek yaŋ yagɨm, “Yo kɨnda da arɨpmɨ dɨma aban yokwi tokeŋ.”
14346	PSA 30:10	“Nak kɨmakbi tamogwan pɨgɨkeŋ kaŋ, ni yo tagɨ kɨnda da noman tosak? Amɨn kɨmakbi da mango tagɨ aŋkɨsini? Gak da toktogɨ ninon yo tagɨsi asal dakon gen uŋun da tagɨ yaŋ teŋteŋoni? Arɨpmɨ dɨma.
14347	PSA 30:11	Nandaŋ namɨŋek nak do bupmɨ nandaki. Yawe, nak aŋpulugoki.”
14364	PSA 31:15	Mani Yawe egɨp egɨpno gagon tosok yaŋsi nandɨsat. Nak yaŋ yosot, “Gak Piŋkopno.”
14372	PSA 31:23	Uŋun bɨsapmon wurɨpdagek yaŋ yagɨm, “Gak da nak nolbɨ gak da dubagɨkon egɨsat.” Mani bupmɨ nandaŋek aŋpulugoki do yaŋ tɨdoko nandaŋ namgul.
14379	PSA 32:5	Don dɨwarɨno gagon yaŋ teŋteŋagɨm. Aŋpakno yokwi kɨnda dɨma aŋkɨsɨbɨgɨm. “Yawekon dɨwarɨno kɨsi yaŋ kwokeŋ” yaŋ yagɨm. Yaŋkwok abo dɨwarɨno kɨsisi wɨrɨrɨk namgul.
14382	PSA 32:8	Yawe da yaŋ yosok, “Nak da gayɨŋ degek kosit agɨpbi uŋun golɨkdɨsat. Nawa gen gayɨŋek kɨlago akdɨsat.
14383	PSA 32:9	Gak os bo donki da yaŋ kadɨm dɨma dagoki. Uŋun amɨn da gen kaganikon ain tɨm toŋ uŋudon nap teban paŋteban aŋek ɨlɨkba geni guramɨkgaŋ.”
14433	PSA 35:3	Dɨkdɨk gat ae gwawiya gat tɨmɨgek nak aŋ sopmaŋgaŋ amɨnon emat abi. “Nak yokwikon baŋ tɨmɨt tɨmɨt amɨngo!” yaŋ nayɨki.
14440	PSA 35:10	Butnokon da yaŋ iyɨkeŋ, “Yawe, gak yombem kɨnda mɨni. Gak da tapmɨmni mɨni amɨn uŋun tagɨsi paŋpulugaŋaki amɨn tapmɨmni toŋ da dɨma paŋupbal aŋ. Gak da bupmɨ amɨn wadak wadak aŋ uŋun paŋpulugaŋaki kabo noknok da yoni dɨma tɨmɨkgaŋ.”
14451	PSA 35:21	Uŋun da gen papmon da gen yaŋsi yaŋ namaŋ, “Asisi, nin da gandaŋapno aŋpak yokwi agɨl.”
14455	PSA 35:25	Yum pɨndagaki iyɨ do “Nin yo ak do nandagɨmaŋ uŋun abɨsok tagɨsisi kɨlɨ uŋun amaŋ” yaŋ dɨma yoni. Yum pɨndagaki “Kɨlɨ aŋupbal amaŋ” yaŋ dɨma yoni.
14457	PSA 35:27	Mani nak do amɨn kɨlegɨ yaŋ nayɨki do nandaŋ amɨn, uŋun kɨsɨk kɨsɨk dakon yaŋ tɨdok aŋek burɨ tagɨsi toni dosi nandɨsat. Bɨsapmɨ bɨsapmɨ yaŋ yoni, “Yawe uŋun mani wukwisi! Oman amɨni tagɨsi egɨpjak do but galaksi nandɨsak.”
14528	PSA 38:17	Nak bɨsit yaŋ asat, “Yum pɨndagaki sagalek nɨkban uwal da but kwaktok dɨma nandani.”
14536	PSA 39:2	Nak kɨlɨ yagɨm, “Aŋpak morap abeŋ uŋun kɨla tagɨsi aŋek abeŋ. Ae gen yokeŋon yokwi kɨnda dɨma abeŋ. Amɨn yokwi nak da kapmatjok egɨpni bɨsapmon nak gen kɨnda dɨma yokeŋ.”
14539	PSA 39:5	Yawe bɨsit yaŋ iyɨgɨm, “Egɨp egɨpno dakon wasɨp nayɨŋbɨ nandako. Bɨsap niaŋ da egɨpbeŋ uŋun nayɨŋbɨ nandakeŋ. Egɨpbeŋ dakon bɨsap uŋun pɨsɨpmɨsok uŋun do nayɨki.
14540	PSA 39:6	Nak dakon bɨsap pɨsɨpmɨsok yɨpgul. Gak da dabɨlon nak dakon bɨsap yo ɨsalɨ. Amɨn kɨnda da mɨrɨm yawɨk pɨsosok, amɨn morap uŋun da tɨlak mɨktɨmon bɨsap pɨsɨpmɨsok gɨn ekwaŋ.”
14556	PSA 40:8	Do yaŋ yosot, “Nak gagon kɨlɨ abɨsat. Kalɨp nak do gen kɨlɨ mandabi uŋun yaŋ,
14557	PSA 40:9	Piŋkopno, nak gak dakon galaktok yol do tagɨsi nandɨsat. Gak dakon nawa gen butnokon toŋ.”
14565	PSA 40:17	Mani gak wɨsɨŋ gandak do pi aŋ amɨn burɨ tagɨsi aŋakwa but galaksi nandaŋ. Mɨŋat amɨnyo gak da yokwikon baŋ tɨmɨkgɨl uŋun do but galaksi nandaŋ amɨn, uŋun da, “Yawe uŋun wukwisi” yaŋ tagɨ yoni.
14571	PSA 41:5	Nak yaŋ yagɨm, “Yawe, nak yokwi gak do aŋgamɨsat, do bupmɨ nandaŋ namɨŋek sotno aŋmɨlɨp abɨ pasɨljak.”
14572	PSA 41:6	Uwalno da nandaba yokwi taŋban namɨŋek yaŋ yoŋ, “Ni bɨsapmon kɨmagek mani pasɨljak?”
14575	PSA 41:9	“Sot yokwisi kɨnda da abɨdak, do pokdok tamokon da arɨpmɨ dɨma pɨdosak.”
14584	PSA 42:4	Gɨldarɨ ae kalbiyo amɨn da yaŋ yoŋ, “Piŋkopgo dukon egɨsak?” Yaŋ nayaŋ, do bɨsapmɨ bɨsapmɨ kunam tagegɨsat. Gɨldarɨ ae kalbiyo kunam baŋ japmɨ do naŋegɨsat.
14590	PSA 42:10	Piŋkop tɨp madepno yaŋ iyɨsat, “Gak nido ɨŋtaŋ namɨsal? Yum pɨndagaki uwal da abɨŋ nepmaŋakwa butno nido obɨsi jɨk tosok?”
14591	PSA 42:11	Toktogɨsi uwalno da sɨtnok aŋ namɨŋek yaŋ yoŋ, “Piŋkopgo dukon egɨsak?” Gen uŋun da gobɨŋ da yaŋ yamaŋ namɨŋakwan kɨmot do nandɨsat.
14653	PSA 46:11	Uŋun da yaŋ yosok, “Ji tayaŋgok egek nak Piŋkop bamɨsi uŋun pakyaŋsi nandaŋ namni. Mɨktɨmɨ mɨktɨmɨ amɨn nak do nandaba wukwan namni. On mɨktɨmon nak dogɨn nandaba wɨgɨsak.”
14698	PSA 49:19	Ekwaŋ bɨsapmon, yoni uŋun do kɨsɨk kɨsɨk aŋ. Uŋun pi madepsi aŋek yo morapmɨ tɨmɨgakwa mɨŋat amɨnyo da “amɨn tagɨsi” yaŋ yoŋ.
14705	PSA 50:5	Piŋkop da yaŋ yosok, “Mɨŋat amɨn kabɨno nak gat saŋbek saŋbek aŋek uŋun aŋteban ak do mukwa sowit ji nagon apba muwutneŋ.”
14706	PSA 50:6	Kwen Kokup da iyɨ yaŋ teŋteŋaŋek yaŋ yosok, “Piŋkop uŋun aŋpakni kɨlegɨsi. Uŋun iyɨ gen kokwin agak ami.”
14707	PSA 50:7	Piŋkop da yaŋ yosok, “Mɨŋat amɨn kabɨno mɨrak pani. Nak gen kɨnda dayɨkdɨsat. Israel amɨn nak da gen pikon depdɨsat. Nak Piŋkop egɨsat. Nak ji dakon Piŋkop.
14715	PSA 50:15	Ji yaŋ aŋek jɨgɨ altaŋ damni bɨsapmon nak do yaŋ tɨdaŋba paŋpulugokdɨsat. Yaŋ aŋapbo man madep namni.”
14716	PSA 50:16	Mani Piŋkop da amɨn yokwi do yaŋ yosok, “Ji nido gen tebano ɨsaldogɨn gen kagakon da yoŋ? Ae nak dakon saŋbek saŋbekno dakon gen nido yoŋ?
14722	PSA 50:22	“Mɨŋat amɨnyo manji namaŋ amɨn ji nandani. Ji yaŋ gɨn egɨpni kaŋ, nak da ji paŋupbal aŋapbo amɨn kɨnda da ji yokwikon baŋ arɨpmɨ dɨma tɨmɨtjak.
14723	PSA 50:23	Amɨn kɨnda ya yaŋ nayɨsak, uŋun paret naŋ yaŋ namɨsak. Uŋun amɨn da mano awɨgɨsak. Ae nak da amɨn geno guramɨtni uŋun yokwikon baŋ tɨmɨtdɨsat.”
14753	PSA 52:9	“Kabɨt. Uŋun amɨn Piŋkop da aŋpulugaŋek aŋteban asak do dɨma nandagɨt. Uŋun moneŋ yo morapni do nandaŋ gadagɨt, aŋek aŋpak yokwi da aŋpulugaŋakwa tagɨsi egɨpbeŋ yaŋ nandagɨt.”
14755	PSA 52:11	Piŋkop, gak da nak aŋpulugagɨl, do bɨsapmɨ bɨsapmɨ ya yaŋ gayɨkeŋ. Aŋek mɨŋat amɨnyogo da dabɨlon mango awɨgek “Piŋkop da nak do yo tagɨsi aŋ namɨsak” yaŋ yokdɨsat.
14757	PSA 53:2	Nandaŋ kokwini tagɨ dɨma amɨn da “Piŋkop kɨnda dɨma egɨsak” yaŋ yoŋ. Uŋun amɨn aŋpak kosirɨkon dɨma aŋ. Uŋun aŋpak amɨn da dɨmasi agagɨ baŋ aŋ. Kɨnda da aŋpak tagɨ kɨnda dɨmasi asak.
14760	PSA 53:5	Piŋkop da yaŋ yosok, “Yokwi aŋ amɨn nandak nandak tagɨ dɨ dɨma tɨmɨkgaŋ. Amɨn da bret naŋba mudoŋ, uŋun da tɨlak amɨn yokwi da mɨŋat amɨno naŋ mudoŋ. Ae nak da paŋpulugokeŋ do bɨsit dɨma aŋ.”
14778	PSA 55:7	Do yaŋ yosot, “Bupmɨsi, nak kɨnarɨm da yaŋ pɨtno toŋ ak do nandɨsat. Aŋek pɨrɨropmaŋ kɨŋ yɨk yawot tamo kɨnda wusɨŋ kaŋ uŋudon yɨkgeŋ.
14780	PSA 55:9	Tepmɨsi kɨŋek yoŋgamno kɨnda aŋalon aŋek mɨrɨm ae sɨkakyo madepsi da dubagɨkon tagɨ egɨpbeŋ.”
14833	PSA 58:12	Aŋakwa amɨn dɨwarɨ da yaŋ yokdaŋ, “Asisi, Piŋkop da amɨn kɨlegɨ do kobogɨ do tomni tagɨsi yomɨsak. Asisi, Piŋkop da gen pikon amɨn morap dakon aŋpak kokwin asak.”
14841	PSA 59:8	Nandaki, gen kaganikon da gen yokwisi da moŋ. Uŋun emat agak sɨba geni tepmɨsi yombem. Mani yaŋ yoŋ, “Namɨn da nandaŋ nimjak?”
14859	PSA 60:8	Piŋkop iyɨ da yutnon egek yaŋ yagɨt, “Nak emaron kɨlɨ teban tat. Do nak kɨsɨk kɨsɨk aŋek Sekem dakon mɨktɨm gat ae Sukot dakon galegɨ oba uŋun gat mɨŋat amɨno do kokwinɨk yomdɨsat.
14861	PSA 60:10	Mani Moap mɨktɨm uŋun nak dakon pakbi sogok ɨdap. Ae Idom mɨktɨm uŋun nak dakon kandap gwɨl yopyop tamo. Aŋek nak emaron Pilistia amɨn pabɨŋ yopmaŋek kɨsɨk kɨsɨk aŋek yaŋ tɨdokdɨsat.”
14879	PSA 62:5	Nak man madepno toŋ, mani ji nak dakon man madepno aŋupbal ak do nandak nandak paŋkosit aŋ. Ji top gen dogɨn galak toŋ. Ji Piŋkop da nak do yo tagɨsi aŋ namjak do gen tagɨsi yoŋ, mani butjikon da “Piŋkop da aŋupbal asak kaŋ tagɨsi” yaŋ nandaŋ.
14886	PSA 62:12	Bɨsap morapmɨ Piŋkop da yaŋ yaŋban nandagɨm, “Nak naga Piŋkop, tapmɨmno madepsi.
14887	PSA 62:13	Nak bɨsapmɨ bɨsapmɨ amɨn do but dasi galak taŋ yomɨsat.” Amɨn Tagɨ, aŋpak amaŋ uŋun da arɨpmon gak da amɨn kaloŋ kaloŋ do kobogɨ nimɨŋ nimɨŋ asal.
14905	PSA 64:6	Iyɨ paŋteban ak do aŋpak yokwi uŋun aŋ. Amɨn dɨwarɨ yokwalni do pat yopmaŋek gen yaŋ yoŋ, “Amɨn kɨnda da nin arɨpmɨ dɨma nindakdɨsak.”
14906	PSA 64:7	Aŋpak yokwi ak do gen yaŋ paŋteban aŋek yaŋ yoŋ, “Aŋpak yokwi kɨnda ak do dakon nandak nandak tagɨsi amaŋ. Yo uŋun akdamaŋ uŋun amɨn kɨnda da arɨpmɨ dɨma kaŋ nandaŋyo asak.” Amɨn dakon but nandak nandakyo arɨpmɨ dɨma nandaneŋ. Uŋun pasɨlɨsi.
14927	PSA 66:3	Piŋkop yaŋsi iyɨni, “Yo morap asal uŋun wagɨl tagɨsisi. Tapmɨmgo uŋun madepsi, do uwalgo da madepsi pasolgoŋ.
14928	PSA 66:4	Mɨktɨmon amɨn morap gak gawak gamaŋ. Kap yaŋek mango yaŋ aŋkɨsaŋ.”
14975	PSA 68:23	Amɨn Tagɨ da yaŋ yosok, “Nak da uwalji Basan ekwaŋ uŋun aeno tɨmɨk paŋapdɨsat. Tap ɨdap da kadagɨkonsi baŋ tɨmɨk pawɨkeŋ.
14976	PSA 68:24	Ji uwalji dakon yawi baŋ kandapji sugokdaŋ. Aŋakwa pɨŋanji da galak toknikon nokdaŋ.”
14979	PSA 68:27	Uŋun kap yaŋ yoŋ, “Nin Piŋkop dakon mɨŋat amɨnyo, nin muwugek Piŋkop dakon man awɨgɨno. Israel amɨn, nin Yawe dakon man awɨgɨno.”
15030	PSA 70:5	Mani amɨn gagon obaŋ, uŋun burɨ tagɨsi aŋakwa gak do kɨsɨk kɨsɨk ani. Mɨŋat amɨnyo uŋun gak da yokwikon baŋ tɨmɨkgɨl uŋun do but galaksi nandaŋek toktogɨsi “Piŋkop uŋun wagɨl tagɨsisi!” yaŋ tagɨ yoni.
15042	PSA 71:11	Uŋun yaŋ yoŋ, “Kɨlɨ yolek abɨdono. Uŋun aŋpulugosak amɨn kɨnda dɨma egɨsak. Piŋkop kɨlɨ yɨpmaŋ dekgɨt.”
15047	PSA 71:16	Amɨn Tagɨ Yawe, gak dakon tapmɨm do nandaŋek gak aŋkɨsikeŋ. “Yawe kaloŋ gɨn uŋun amɨn kɨlegɨsi” yaŋ yoyɨŋ teŋteŋokeŋ.
15086	PSA 73:11	Amɨn yokwi da gen yaŋ yoŋ, “Piŋkop da yo nin da amaŋ uŋun arɨpmɨ dɨma nandɨsak. Piŋkop Wukwisi da nin dakon aŋpaknin dakon mibɨlɨ nandɨsak dakon kosit kɨnda dɨma tosok.”
15129	PSA 75:3	Piŋkop da yaŋ yosok, “Nak da gen pikon depbeŋ dakon bɨsap kɨnda kɨlɨ manjɨgɨm. Gen kokwin kɨlegɨsi akdɨsat.
15131	PSA 75:5	Nak da iyɨ do nandaba wɨkwaŋ amɨn yaŋ yoyɨsat, ‘Ji pɨbɨt tɨdok dɨma ani.’ Ae amɨn yokwi yaŋ yoyɨsat, ‘Ji dɨsi dakon man dɨma pawɨgɨni.
15132	PSA 75:6	Dɨsi dakon tapmɨm do kɨsɨk kɨsɨk dɨma ani, ae madepsi yaŋ tɨdaŋek manji gen dɨma yaŋ namni.’ ”
15158	PSA 77:8	“Amɨn Tagɨ da toktogɨ manji namjak bo? Nak do saŋbeŋek dɨma galak tosak bo?
15160	PSA 77:10	Piŋkop da kɨlɨ ɨŋtaŋ nimgut da bupmɨ nandaŋ nim do dɨma bo nandɨsak? Butjapni da bupmɨni sopmaŋdak bo?”
15161	PSA 77:11	Nak yaŋ nandaŋek yagɨm, “Piŋkop Wukwisi, gak abɨsok nak dɨma aŋpulugosol, do nak uŋun do butno obɨsi jɨk tosok.”
15176	PSA 78:5	Piŋkop da Jekop do geni yomgut. Israel dakon babɨni da guramɨtni do yomgut. Kalɨpsigwan babɨknin yaŋ yoyɨgɨt, “Ji monjɨ gwayosi nak dakon gen teban morapno pakyaŋsi yoyɨŋdetni.”
15190	PSA 78:19	Piŋkop manji gen yaŋ ɨmɨŋek yaŋ yawit, “Piŋkop mɨktɨm kɨbɨrɨ tɨmon jap morapmɨ arɨpmɨ tagɨ nimjak?
15191	PSA 78:20	Asi, mibɨltok tɨp tɨdaŋban pakbi madepsi noman tagɨt. Mani bret gat ae bɨt kɨlapyo dɨ arɨpmɨ tagɨ nimjak bo dɨma?”
15253	PSA 79:10	Amɨn Ŋwakŋwarɨ Kabɨ da nin do yaŋ yoŋ, “Piŋkopni dukon egɨsak?” Uŋun tagɨ dɨma. Uwal da oman amɨngo dapba kɨmakgwit, do yawinin dakon kobogɨ do gak da Amɨn Ŋwakŋwarɨ Kabɨ yo yokwisi aŋ yomɨŋaki gandak do nandamaŋ.
15283	PSA 81:7	Nak amɨn kɨnda tekni dɨma nandɨsat uŋun da gen yaŋban nandɨsat. Uŋun da yaŋ yosok, “Nak yo jɨgɨ morap ji da kwapmon tawit uŋun kukwaŋ yopgum. Ae mɨktɨm sɨmɨl gok paŋpulugoko mibɨlɨkon yopba taŋakwa pi teban saŋbeŋek dɨma awit.
15285	PSA 81:9	“Nak dakon amɨn kabɨno, nawa dayɨko nandabɨt. Israel amɨn, nak dakon gen nandaŋek guramɨtni do madepsi nandɨsat.
15288	PSA 81:12	“Mani babɨkji da nak dakon gen nandak do dɨma galak tawit. Asisi, Israel amɨn nak dakon gen guramɨt do dɨma galak tawit.
15290	PSA 81:14	“Nak mɨŋat amɨno da geno guramɨk kɨmotni dosi nandɨsat. Ae Israel amɨn nak dakon galaktok yol kɨmotni do nandɨsat.
15293	PSA 81:17	Mani nak da ji do bret galagɨsi, ae kabaŋ kok koron nani dabeŋ, aŋapbo butji tugokdaŋ.”
15295	PSA 82:2	Aŋek yaŋ yoyɨsak, “Ji bɨsap niaŋ da gen kokwin pi gulusuŋ ani? Ji yokwi pakpak amɨn nido paŋpulugoŋ?
15299	PSA 82:6	Nak gen yaŋ yosot, ‘Ji piŋkop ekwaŋ. Ji Piŋkop Wukwi Madep dakon monjini ekwaŋ.
15300	PSA 82:7	Mani amɨn morap kɨmokgoŋ jiyo yaŋ gɨn kɨmotdaŋ. Kɨla amɨn morap kɨmokgoŋ jiyo yaŋ gɨn kɨmotdaŋ.’ ”
15306	PSA 83:5	Uŋun da yaŋ yoŋ, “Kɨlɨ kɨno! Israel amɨn dapno pasɨl mudaŋakwa, amɨn da saŋbeŋek dɨma nandaŋ yomni.”
15314	PSA 83:13	Uŋun amɨn da yaŋ yawit, “Piŋkop dakon sipsip upmot mɨktɨmni nin do aŋawatneŋ.”
15368	PSA 87:4	Piŋkop da yaŋ yosok, “Namɨn amɨn da nak dakon gen guramɨkdak, uŋun manjɨkeŋ bɨsapmon, Isip ae Babilon kɨsi manjɨkeŋ. Aŋek Pilistia, Tair ae Itopia do yaŋ yokdɨsat, ‘Uŋun yo kɨsi Jerusalem amɨn gɨn.’
15369	PSA 87:5	“Nak Jerusalem do yaŋ yokdɨsat, ‘Uŋun mɨŋat amɨn morap kɨsi dakon kokup pap.’ ” Ae Piŋkop Wukwisi da Jerusalem aŋpulugaŋban tebaisi tokdɨsak.
15371	PSA 87:7	Aŋakwan mɨŋat amɨnyo uŋun kap yaŋek kɨsɨk kɨsɨk aŋek yaŋ yokdaŋ, “Jerusalem, gak yo tagɨsi morap ninon toŋ uŋun dakon mibɨlɨsi.”
15394	PSA 89:4	Gak da yaŋ yagɨl, “Naga dakon amɨno manjɨŋek uŋun gat saŋbek saŋbek kɨlɨ agɨm. Oman monjɨno Dewit uŋun do yaŋ teban tok kɨlɨ agɨm.
15395	PSA 89:5	Aŋek yaŋ iyɨgɨm, ‘Israel dakon kɨla amɨn madep noman taŋ noman taŋ ani uŋun gak da kabɨkon dagɨn noman tokdaŋ. Babɨkon da babɨkon gak da kabɨkon nani kɨnda da kɨla amɨn madep yɨyɨt tamokon yɨtdɨsak.’ ”
15410	PSA 89:20	Kalɨpsigwan oman amɨn kabɨgo tagɨsi do dɨpmɨn yolɨgɨl, aŋek yaŋ yoyɨgɨl, “Nak da emat amɨn tagɨsi kɨnda kɨlɨ manjɨgɨm. Nak da mɨŋat amɨnyo da binapmon naŋ kɨla amɨn madep egɨpjak do abɨdagɨm. Aŋek kɨla amɨn madep dakon pelɨt kɨnda busuŋɨkon yɨpmaŋ ɨmgum.
15417	PSA 89:27	Aŋek Dewit da yaŋ nayɨkdɨsak, ‘Gak Datno ae Piŋkopno. Gak da tɨp tebano egek toktogɨsi aŋpulugosol.’
15421	PSA 89:31	“Mani babɨni kabɨ nawa geno pabɨŋ yopni, ae nak dakon gen dɨma yolni kaŋ,
15428	PSA 89:38	Kanek da kundukon tosok, uŋun da tɨlak toktogɨsi yaŋ egɨ wɨgɨkdaŋ.” Uwal da kɨla amɨn madep abɨŋ yɨpgwit bɨsapmon kunam takgwit
15446	PSA 90:3	Gak da yaŋ yosol, “Mɨŋat amɨnyo ji aesi mɨktɨm dagoni.” Yaŋ yaŋek mɨŋat amɨnyo abɨ kɨmagek ae mɨktɨm dagoŋ.
15462	PSA 91:2	Nak Yawe do yaŋ yosot, “Gak da dam madepno arɨpmɨ dɨma tuwɨlɨ egek nak tagɨsi aŋkutnosol. Gak Piŋkopno. Egɨp egɨpno gagon tosok yaŋsi nandɨsat.”
15474	PSA 91:14	Yawe da yaŋ yosok, “Amɨn nak do but dasi galak taŋ namaŋ uŋun yokwikon baŋ tɨmɨkgeŋ. Amɨn nak dakon man do nandaŋ teban toŋ uŋun paŋkutnokeŋ.
15476	PSA 91:16	Nak da yokwikon baŋ tɨmɨgek egɨp egɨpni saŋbeko dubagɨ aŋakwan tagɨsi nandakdaŋ.”
15492	PSA 92:16	Aŋek yaŋsi yaŋ teŋteŋokdaŋ, “Yawe uŋun aŋpakni kɨlegɨ gɨn. Uŋun tɨp madepnin egɨsak, ae yokwini kɨnda dɨmasi taŋ ɨmɨsak.”
15504	PSA 94:7	Aŋek yaŋ yoŋ, “Yawe da nin dɨma nindasak. Israel amɨn dakon Piŋkop yo nin da amaŋ uŋun do nandaba kɨk dɨma asak.”
15515	PSA 94:18	Nak yaŋ nandagɨm, “Kandapno sagalegɨ, do kɨlɨ uŋun maŋ nɨtdɨsak.” Mani dɨma. Yawe, nak do but dasi galak taŋ namɨŋek abɨdaŋaki dɨma magɨm.
15528	PSA 95:8	Yawe da yaŋ yosok, “Kalɨp babɨkji da mɨktɨm kɨbɨrɨ tɨmon, Meriba ae Masa mɨktɨmon, but teban awit. Ji yaŋ dɨma ani.
15530	PSA 95:10	Nak bɨlak 40 uŋun amɨn do butjap nandaŋ yomgum. Aŋek yaŋ yagɨm, ‘Butdasi nak dɨma nolgaŋ. Nak dakon gen dɨma guramɨkgaŋ.’
15531	PSA 95:11	Yaŋdo, nak japtaŋek yaŋ yoyɨgɨm, ‘Asi dayɨsat, ji nak dakon yɨk yawot kokupgwan dɨmasi pɨgɨni.’ ”
15541	PSA 96:10	Mɨktɨmɨ mɨktɨmɨ egɨ aŋaŋ kwaŋ uŋun dakon amɨn yaŋ yoyɨni, “Yawe uŋun kɨla amɨn madep egɨsak. Uŋun da mɨktɨm daman aŋteban aban wayɨŋ dɨma asak. Yawe da don gen kokwin pi kɨlegɨsi aŋek amɨn dakon aŋpak kokwin akdɨsak.”
15607	PSA 102:20	Gen uŋun yaŋ mandaneŋ, “Yawe iyɨ da telagɨ kokupmon kwen egek sɨŋtaŋban pɨgɨt. Uŋun Kwen Kokup egek sɨŋtaŋban mɨktɨmon pɨgɨt.
15608	PSA 102:21	Aŋek dam tebanon amɨn jɨgɨ paŋek kunam tagakwa nandagɨt. Ae dapba kɨmotni do yaŋbi amɨn uŋun pulugaŋ yopban kɨwit.”
15612	PSA 102:25	Do nak yaŋ iyɨgɨm, “Piŋkopno, toktok teban egɨsal. Nak amɨn pelaŋ dɨma at, do egɨp egɨpno abɨsok dɨma gwayeki.
15616	PSA 102:29	Oman amɨngo nin dakon mɨŋat monjɨyo gak da buron egɨpdaŋ. Ae uŋun dakon dɨwatni paŋpulugaŋaki gak gat tagɨsi egɨpdaŋ.”
15684	PSA 105:11	Uŋun da yaŋ yagɨt, “Nak da Kenan mɨktɨm gak do gabeŋ. Mɨktɨm uŋun babɨgoni do tosak.”
15688	PSA 105:15	Kɨla amɨn madep uŋun yaŋ yoyɨgɨt, “Mɨŋat amɨnyo uŋun nak dakon pi ani do manjɨgɨm, do aŋpak yokwi dɨma aŋyomni. Nak dakon kombɨ amɨno do yokwi dɨma aŋyomni.”
15766	PSA 106:48	Yawe aŋkɨsineŋ. Uŋun Israel amɨn nin dakon Piŋkop abɨsok ae don egɨ aŋaŋ kɨneŋ kɨsi dakon. Amɨn morap kɨsi da yoni, “Uŋun asi!” Yawe aŋkɨsini!
15817	PSA 108:8	Piŋkop telagɨ yutnikon egek yaŋ yosok, “Nak emaron kɨlɨ teban tat, do nak kɨsɨk kɨsɨk aŋek mɨŋat amɨno do Sekem mɨktɨm kokwinɨtdɨsat, ae Sukot mɨktɨm dakon kuldukgɨbaŋ kokwinɨk yomdɨsat.
15819	PSA 108:10	Moap mɨktɨm uŋun pakbi sogok ɨdapno. Ae Idom mɨktɨm uŋun kandap gwɨl yopyop tamono. Pilistia amɨn emaron pabɨŋ yopmaŋek kɨsɨk kɨsɨk aŋek yaŋ tɨdokdɨsat.”
15855	PSA 110:1	Yawe da nak dakon Amɨn Tagɨ yaŋ iyɨgɨt, “Gak abɨŋ nak da amɨnsi tet do yɨkgi. Aŋaki uwalgo dakon tapmɨm pabɨŋ yopbo gak dakon pɨŋbisi egɨpni.”
15856	PSA 110:2	Yawe Saion kokup papmon egɨsak. Uŋun da man madep gaban mɨktɨm madep kɨla akdɨsal. Ae yaŋ yosok, “Gak da uwalgo kɨla akdɨsal.”
15858	PSA 110:4	Yawe da gen yaŋ aŋteban aŋek nandak nandakni uŋun kulabɨk dɨma asak. Gen uŋun yaŋ yagɨt, “Melkisedek da mukwa sogok amɨn egɨpgut, uŋudeŋ gak mukwa sogok amɨn kɨnda dagok dagogɨ mɨni egɨ wɨgɨkdɨsal.”
15900	PSA 115:2	Amɨn Ŋwakŋwarɨ Kabɨ da “Piŋkopji dukwan egɨsak?” nido yaŋ niyaŋ?
15920	PSA 116:4	Yaŋ nandaŋ egek Yawe yaŋ iyɨgɨm, “O Yawe, pulugaŋ nepbi!”
15926	PSA 116:10	Nak Piŋkop nandaŋ gadaŋ ɨmɨŋek bɨsit yaŋ agɨm, “Yawe, nak jɨgɨsi nandaŋek egɨsat.”
15927	PSA 116:11	Ae si pasalgɨm bɨsapmon yaŋ yagɨm, “Amɨn kɨsi morap uŋun top amɨn gɨn.”
15939	PSA 118:2	Israel amɨn ji yaŋ yoni, “Dagok dagogɨ mɨni nin do but dasi galak taŋ nimɨsak.”
15940	PSA 118:3	Piŋkop dakon mukwa sogok amɨn kabɨni yaŋ yoni, “Dagok dagogɨ mɨni nin do but dasi galak taŋ nimɨsak.”
15941	PSA 118:4	Mɨŋat amɨnyo morap Yawe do pasal ɨmaŋ amɨn yaŋ yoni, “Dagok dagogɨ mɨni nin do but dasi galak taŋ nimɨsak.”
15952	PSA 118:15	Piŋkop dakon mɨŋat amɨn kabɨni da ɨmal yutnigwan kɨsɨk kɨsɨk aŋek yaŋ tɨdoŋ do nandaki. Yaŋ yoŋ, “Yawe dakon tapmɨm madepni da yo uŋun agɨt!
15953	PSA 118:16	Yawe dakon tapmɨm madepni da nin paŋpulugaŋban emaron teban tagɨmaŋ! Yawe dakon tapmɨm madepni da yo uŋun agɨt!”
16048	PSA 119:82	Gak da yaŋ teban tok agɨl uŋun arɨpmɨ akdɨsal yaŋ do jomjom aŋek sɨŋtaŋ egɨt da dabɨlno tep namaŋ. Aŋek yaŋ yosot, “Ni bɨsapmon butno aŋteban abi?”
16144	PSA 120:2	Bɨsit yaŋ agɨm, “Yawe, top amɨn da nak aŋkewalni yaŋ do nak pulugaŋ nepbi.”
16158	PSA 122:1	“Kɨlɨ apba Yawe da yutnon kɨno” yaŋ nayɨŋba nandabo tagɨsi agɨt.
16163	PSA 122:6	Jerusalem yaworɨsi tosak do bɨsit ani. Bɨsit yaŋ ani, “Yawe, Jerusalem do galagɨ nandaŋ amɨn paŋpulugaŋbɨ tagɨsi egɨpni.
16164	PSA 122:7	Paŋpulugaŋbɨ Jerusalem da nagalgwan ekwaŋ amɨn emarɨ mɨni tagɨsi egɨpni, ae kɨla amɨni gat kɨsi tagɨsi egɨpni dosi nandamaŋ.”
16165	PSA 122:8	Gwakno gat ae notno gat do nandaŋek Jerusalem amɨn do bɨsit yaŋ abeŋ, “Ji emarɨ mɨni tagɨsi egɨpni.”
16166	PSA 122:9	Nak Yawe Piŋkopnin dakon telagɨ yut do nandaŋek bɨsit yaŋ abeŋ, “Yo kɨnda do wadak wadagɨ mɨni tagɨsi egɨpni.”
16171	PSA 124:1	“Yawe da nin dɨma paŋpulugagɨt tam, niaŋɨ?” Israel amɨn da uŋun gen dakon kobogɨ yoni.
16172	PSA 124:2	“Amɨn da butjap nandaŋ nimɨŋek ninon emat awit bɨsapmon Yawe da nin dɨma paŋpulugagɨt tam, uwal da japmɨsi nandaŋek obɨsi tagɨ paŋupbal abam.
16175	PSA 124:5	Pakbi madep uŋun ɨgek tɨmɨkban tagɨ kɨmak mudonom. Mani dɨma.”
16185	PSA 126:2	Nin jɨkgo madepsi yanjagɨmaŋ. Aŋek kɨsɨk kɨsɨk kap yagɨmaŋ. Yaŋ aŋapno mɨktɨm dɨwarɨ dakon mɨŋat amɨnyo da yaŋ yawit, “Yawe da Israel amɨn paŋpulugok do pi madepsi agɨt.”
16202	PSA 129:2	Gak yaŋ yoki, “Monɨŋɨsogon da wɨŋ abɨsok ekwamaŋ bɨsapmon uwal da nak yo yokwisi aŋ namaŋ. Mani nak arɨpmɨ dɨma abɨŋ nepni.
16204	PSA 129:4	Mani Yawe uŋun kɨlegɨsi. Nak amɨn yokwi da nap teban wamgwit uŋun mandaŋ dagaŋakwan oman monjɨ saŋbeŋek dɨma egɨsat.”
16208	PSA 129:8	Ae mɨŋat amɨnyo uwalnin da kapmatjok kɨŋek “Yawe da yo tagɨsi aŋ damɨŋek gɨsam damjak” yaŋ dɨmasi yoyɨni dosi nandɨsat.
16222	PSA 132:3	“Nak yutnon dɨma kɨkeŋ, ae dɨpmɨn potpot tamokon dɨma pokgeŋ.
16224	PSA 132:5	Mibɨltok Yawe do yut kɨnda abeŋ, uŋun Israel amɨn dakon Piŋkop Tapmɨmɨ Toŋ uŋun da egɨpjakdo. Aŋek don yɨk yawot abeŋ.”
16226	PSA 132:7	Kaŋek yaŋ yagɨmaŋ, “Nin kɨlɨ Yawe da yutnon wɨgɨno. Ae uŋun da kapmatjok kɨŋek gawak ɨmneŋ.”
16230	PSA 132:11	Gak da kalɨp Dewit do yaŋ teban tok tebaisi aŋ ɨmgul, ae gengo kulabɨk arɨpmɨ dɨma akdɨsal. Yaŋ iyɨgɨl, “Nak da monjɨ kabɨgokon kɨnda yɨpbo kɨla amɨn madep egɨpjak.
16231	PSA 132:12	Monjɨgoni nak dakon saŋbek saŋbekno guramɨtni, ae gen morapno yobeŋ uŋun guramɨtni kaŋ, don bɨsap dagok dagogɨ mɨni babɨgoni dakon monjini kɨla amɨn madep dagokdaŋ.”
16233	PSA 132:14	Yaŋ yagɨt, “Nak uŋun kokup papmon toktogɨsi egɨpdɨsat. Nak uŋun kokup papmon kɨla amɨn madep egɨpbeŋ do tɨlak kɨlɨ agɨm.
16237	PSA 132:18	Nak da uwalni paŋmayak akdɨsat. Mani kɨla amɨn madepno tɨlɨm madepni gat yɨtdɨsak.”
16293	PSA 137:3	Nido nin tɨmɨk mɨktɨmnikon paŋkɨwit amɨn da kap yoneŋ do niyɨwit. Yokwi aŋnimgwit amɨn da tebai yaŋ niyɨwit, “Nin da kɨsɨk kɨsɨk paneŋ do ji da kap yoni do nandamaŋ. Saion dakon kap kɨnda yoni.”
16297	PSA 137:7	Yawe, gak Idom amɨn da kalɨp Babilon dakon emat amɨn joŋɨkgwit uŋun do aego nandaki. Babilon amɨn da emat wamaŋek Jerusalem abɨdawit bɨsapmon Idom amɨn da gen yaŋ yawit, “Yut morapni kɨsi tuwɨl mudaŋek paŋupbal aŋ mudoni.”
16318	PSA 139:11	Nak “Pɨlɨn tuk da nak aŋkɨsɨbɨsak, ae gɨldat dakon teŋteŋ nak aŋgwasisak uŋun da pɨlɨn tuk asak” yaŋ yokeŋ kaŋ
16338	PSA 140:7	Yawe yaŋ iyɨsat, “Gak Piŋkopno.” Yawe, nak aŋpulugoki. Yaŋ tɨdosot, do nandaŋ nabi.
23233	MAT 1:20	Josep yaŋ nandaŋek egakwan Amɨn Tagɨ dakon aŋelo kɨnda da dɨpmɨnon altaŋ ɨmɨŋek yaŋ iyɨgɨt, “Josep, Dewit da kabɨkon nani, Maria da monjɨ kwap uŋun Telagɨ Wup da tapmɨmon awɨlak, do Maria pak do dɨma pasolgi.
23234	MAT 1:21	Uŋun monjɨ wɨli aŋalaŋban mɨŋat amɨn kabɨni dɨwarɨni wɨrɨrɨgek iyɨ do tɨmɨtdɨsak, do mani Yesu yaŋ iyɨki.”
23236	MAT 1:23	“Nandaki. Mɨŋat kɨnda amɨn gat dɨma pakbi kɨnda da monjɨ kwap awɨlek monjɨ wɨli kɨnda aŋalasak. Aŋalaŋban mani Emanuel yaŋ yoni.” (Emanuel dakon mibɨlɨ uŋun yaŋ: “Piŋkop nin gat egɨsak.”)
23240	MAT 2:2	Abɨŋ Jerusalem amɨn yaŋ yoyɨwit, “Juda amɨn dakon kɨla amɨn madep altagɨt uŋun dukwan yɨkdak? Nin gɨkni gɨldat wɨsak tetgɨn da kaŋek gawak ɨm do abamaŋ.”
23242	MAT 2:4	Erot da gen uŋun nandaŋek Israel amɨn dakon mukwa sogok amɨn dakon amɨn madep kabɨ gat ae gen teban yoyɨŋdet amɨn gat yaŋ yoban abɨŋ muwukgwit. Muwukba yaŋ yoyɨgɨt, “Kristo ni kokupmon altosak do yaŋbi?”
23243	MAT 2:5	Yaŋban kobogɨ yaŋ iyɨwit, “Judia mɨktɨmon Betlehem kokupmon altosak. Kombɨ amɨn kɨnda da kalɨpsigwan yaŋ mandagɨt,
23244	MAT 2:6	‘Betlehem, Judia mɨktɨmon tosok, gagon kɨla amɨn madep kɨnda altokdɨsak, do gak Judia mɨktɨm dakon kokup morap yapmaŋdal. Uŋun amɨn da amɨn kabɨno Israel uŋun dakon kɨla amɨn madep egɨpdɨsak.’ ”
23245	MAT 2:7	Yaŋ yaŋba nandaŋek yoyɨŋban kɨwit. Kɨŋakwa pasɨlɨkon da gɨk dakon mibɨlɨ nandak nandak amɨn Erot da yoyɨŋban apgwit. Apba yaŋ yoyɨgɨt, “Gɨk uŋun ni bɨsapmonsi altagɨt?”
23246	MAT 2:8	Yoyɨŋban gɨk noman tagɨt dakon bɨsap iyɨŋba nandaŋek Betlehem kokupmon yabegek yaŋ yoyɨgɨt, “Ji kɨŋ monjɨ uŋun kɨlegɨsi wusɨŋ koni. Kaŋek abɨŋ nayɨŋba nakyo kɨsi kɨŋ gawak ɨbeŋ.”
23251	MAT 2:13	Nandak nandak amɨn uŋun kɨŋ mudaŋakwa, Amɨn Tagɨ dakon aŋelo da Josep dɨpmɨnon altaŋ ɨmɨŋek yaŋ iyɨgɨt, “Erot da Monjɨ aŋakban kɨmotjak do wɨsɨkdɨsak, do gak pɨdaŋ monjɨ ŋakŋak gat meŋi gat tɨmɨkbɨ Isip mɨktɨmon pasal kɨni. Isip sigɨn egakwa nak da aesi apni do don gayɨkeŋ.”
23253	MAT 2:15	Yaŋ aŋakwa kombɨ amɨn kɨnda da kalɨpsigwan gen yagɨt uŋun bamɨ noman tagɨt. Amɨn Tagɨ da aŋtagap aban yaŋ yagɨt: “Monjɨno Isip egɨsak uŋun opjak do yaŋ ɨmɨsat.” Josep gat mɨŋatni Monjiyo gat Isip mɨktɨmon paŋkɨ egakwa Erot don kɨmakgɨt.
23256	MAT 2:18	“Rama kokupmon kunam ae bupmɨ kapyo madepsi altosok. Resel uŋun monji kɨmakgwit uŋun do nandaŋek kunam madepsi takdak. Monjɨni kɨsi kɨmakgwit, do amɨn da burɨ aŋteban ak do aŋtɨdok aŋ. Kunamni kɨrɨŋɨk ɨmni do dɨma nandagɨt.”
23258	MAT 2:20	Altaŋ ɨmɨŋek yaŋ iyɨgɨt, “Monjɨ aŋat do yawit amɨn uŋun kɨlɨ kɨmakgwit. Do gak pɨdaŋ Monjɨ gat meŋi gat tɨmɨkbɨ aesi tobɨl Israel mɨktɨmon kɨni.”
23260	MAT 2:22	Mani Erot kɨmagakwan monji Akelas da kɨla amɨn madep tamoni abɨdaŋek Judia mɨktɨm kɨla agɨt, do Judia mɨktɨmon kɨk do pasalgɨt. Josep dɨpmɨnon gen kɨnda yaŋ nandagɨt, “Ji Judia mɨktɨmon dɨma kɨni. Galili tetgɨn do kɨni.”
23261	MAT 2:23	Uŋun nandaŋek kokup kɨnda mani Nasaret, Galili mɨktɨmon tosok, uŋudon paŋkɨ egɨpgwit. Yaŋ aba kombɨ amɨn dakon gen bamɨ noman tagɨt. Gen uŋun yaŋ: “Nasaret amɨn yaŋ iyɨni.”
23263	MAT 3:2	Yoyɨŋek yaŋ yagɨt, “Piŋkop da Amɨn Kɨla Asak uŋun dakon bɨsap kwaŋ tosok, do ji but tobɨl ani.”
23264	MAT 3:3	Kalɨpsigwan kombɨ amɨn Aisaia da Jon do gen yaŋ mandagɨt: “Mɨktɨm amɨn da arɨpmɨ dɨma egɨpmɨ tɨmon amɨn kɨnda da yaŋ tɨdaŋek yosok, ‘Amɨn Tagɨ dakon kosit aŋdɨmdɨm ani, kositni pasɨŋ aŋmɨlɨp ani.’ ”
23268	MAT 3:7	Aŋakwan Parisi amɨn morapmɨ gat Sadyusi amɨn morapmɨ gat telagɨ pakbi soŋ yomjak do Jonon apgwit. Apba pɨndagek yaŋ yoyɨgɨt, “Ji tuŋon amɨn emarɨ toŋ dakon gwakni kabɨ, Piŋkop da butjap nandaŋek yokwi pakpak do yo yokwisi aŋ yomdɨsak. Piŋkop dakon butjap apdɨsak namɨn da uŋun dakon but pɨso dayɨk da uŋun yap do pasal kwaŋ?
23270	MAT 3:9	Ji dɨsi do ‘Nin Abraham dakon babɨkni’ yaŋ dɨma yoni. Yaŋsi dayɨsat, Piŋkop da yaŋban on tɨp kabɨ da Abraham dakon babɨkni tagɨ dagoni. Ji uŋun Abrahamon da altawit uŋun da yo madep dɨma asak.
23272	MAT 3:11	“Nak amɨn pakbisi baŋ telagɨ pakbi soŋ yomɨsat uŋun amɨn but tobɨl bamɨ aŋ dakon tɨlak asak. Mani nak da manjikon abɨsak amɨn uŋun dakon tapmɨm da nak dakon tapmɨm yapmaŋdak. Nak yombem yokwi da kandap gwɨlni tagɨ dɨma abɨdaŋ awɨlɨ. Uŋun amɨn da Telagɨ Wup gat ae kɨndap gat soŋ damdɨsak.
23273	MAT 3:12	Uŋun wit dakon sɨbɨt sɨbɨt wɨrɨrɨt kɨndap kɨrɨŋni kɨsitnikon taŋakwan apdɨsak. Abɨŋek bamɨ kokwinɨk tamonikon yopmaŋek sɨbɨt sɨbɨt wɨrɨrɨk maban kɨndap kɨmot kɨmorɨ mɨni uŋudon sokdaŋ.”
23275	MAT 3:14	Mani Jon da kɨrɨŋɨk ɨmɨŋek yaŋ iyɨgɨt, “Nak da telagɨ pakbi soŋ gabeŋ do abɨl, uŋun tagɨ dɨma. Gak da telagɨ pakbi soŋ nabi kaŋ, uŋun da tagɨ asak.”
23276	MAT 3:15	Yaŋ yaŋban Yesu da iyɨgɨt, “Dɨma, gak telagɨ pakbi soŋ nabi. Yaŋ aŋaki Piŋkop da yo morap aneŋ do nandɨsak uŋun kɨndasok dɨma yapmaŋek kɨsisi aŋ mudoneŋ.” Yaŋban Jon da geni guramɨkgɨt.
23278	MAT 3:17	Aŋakwan Kwen Kokupgwan da gen kɨnda yaŋ altagɨt: “Uŋun Monjɨno. Butno uŋun do tagɨsi aŋakwan but dasi galak taŋ ɨmɨsat.”
23281	MAT 4:3	Aŋakwan Paŋkewal Amɨn da abɨŋ altaŋ ɨmɨŋek yaŋ iyɨgɨt, “Gak asi Piŋkop dakon Monji egɨsalon yoyɨŋbɨ tɨp on da bret dagabɨt.”
23282	MAT 4:4	Mani Yesu da kobogɨ yaŋ iyɨgɨt, “Piŋkop da papiakon gen yaŋ tosok: ‘Bret dagɨn amɨn egɨp egɨp tagɨ dɨma yomjak. Piŋkop dakon gen kɨsi morap paŋek egɨp egɨp paŋ.’ ”
23284	MAT 4:6	Yɨpmaŋek yaŋ iyɨgɨt, “Piŋkop papiakon gen yaŋ tosok: ‘Uŋun da aŋeloni yoyɨŋban kɨlago tagɨsi ani. Ae kandapgo tɨpmon dɨma gɨtni yaŋ do aŋelo da gak kɨsit da kendak abɨŋ gepni.’ Gen yaŋ tosok, do gak asi Piŋkop dakon Monji kaŋ, gak amon mibɨlɨkon paŋ ma.”
23285	MAT 4:7	Mani Yesu da yaŋ iyɨgɨt, “Piŋkop dakon papia da gen kɨnda gat yaŋ yosok, ‘Amɨn Tagɨ Piŋkopji dakon tapmɨm kok do aŋek dɨmasi aŋkewaldo.’ ”
23287	MAT 4:9	Yolɨŋek yaŋ iyɨgɨt, “Ŋwakbeŋ aŋek gawak nabi kaŋ, on yo morap kɨsi gabeŋ.”
23288	MAT 4:10	Yaŋban Yesu da yaŋ iyɨgɨt, “Sunduk gak nepmaŋdet! Piŋkop dakon papia da yaŋ yosok: ‘Amɨn Tagɨ Piŋkopji uŋun naŋ gɨn gawak ɨmɨŋek oman aŋɨmni.’ ”
23293	MAT 4:15	“Sebulan mɨktɨm, ae Naptali mɨktɨm, Jodan Pakbi usugap tet do Galili mɨktɨmon tomal. Uŋun mɨktɨm bamot kosit tapmon pɨkwaŋ mɨktɨmon tomal. Galili mɨktɨmon Amɨn Ŋwakŋwarɨ Kabɨkon nani morapmɨ ekwaŋ.
23294	MAT 4:16	Uŋun amɨn pɨlɨn tukgwan egek kɨmot do pasolgoŋ, mani uŋun da teŋteŋɨ madep altaŋ yoban kɨlɨ kaŋ.”
23295	MAT 4:17	Uŋun bɨsapmon Yesu wasaŋek Piŋkop dakon gen yaŋ teŋteŋaŋek yaŋ yagɨt, “Piŋkop da Amɨn Kɨla Asak uŋun dakon bɨsap kwaŋ tosok, do ji but tobɨl ani.”
23297	MAT 4:19	Uŋun amɨn bamot pɨndagek Yesu da yaŋ yoyɨgɨt, “Abɨŋ nak nolgɨl, aŋakwal amɨn tɨmɨt tɨmɨt dakon kosit dolɨko.”
23306	MAT 5:3	“Amɨn morap iyɨ do nak butnokon yo tagɨ mɨnisi yaŋ nandaŋ amɨn, uŋun amɨn da Piŋkop da Amɨn Kɨla Asak da kagagwan ekwaŋ, do uŋun kɨsɨk kɨsɨk ekwaŋ.
23314	MAT 5:11	“Amɨn da ji do Yesu dakon amɨn kabɨ yaŋ yaŋek yaŋba yokwi tok, ae top gen mibɨlɨ mibɨlɨ yaŋ damni, ae yokwiyo kɨsi aŋdamni kaŋ, ji kɨsɨk kɨsɨk ani.