13944	PSA 1:1	Amɨn kɨnda yokwi pakpak amɨn da yabet aŋakwa uŋun yolek dɨma agɨsak, ae amɨn yokwi gat kɨsi dɨma akgaŋ, ae Piŋkop do manji gen yoŋ amɨn gat kaloŋɨ dɨma yɨkgaŋ, uŋun amɨn kɨsɨk kɨsɨk tagɨ asak.
13947	PSA 1:4	Amɨn yokwi uŋun yaŋ dɨmasi. Uŋun wit dakon gɨpmɨ mɨrɨm da wɨrɨrɨk paŋgwaŋ uŋun yombem.
13952	PSA 2:3	Gen yaŋ yoŋ, “Uŋun bamot dakon amɨn wamwam nap teban paŋdagono. Ain nap kandapninon paŋteban agɨmal uŋun wɨtdalno.”
13953	PSA 2:4	Kwen Kokup kɨla amɨn madep yɨtyɨt tamonikon yɨkdak amɨn jɨkgo yanjaŋ yomɨsak. Amɨn Tagɨ da jɨgɨlagon da pabɨŋ yopmaŋdak.
13956	PSA 2:7	Kɨla amɨn madep da yaŋ yosok, “Yawe da yo madep kɨnda nayɨgɨt uŋun yaŋ teŋteŋokdɨsat. Yaŋ nayɨgɨt, ‘Gak Monjino. Abɨsok nak gak dakon Datgo dagosot.
13958	PSA 2:9	Gak da kɨla amɨn pi tapmɨmɨ toŋsi aŋek kɨla amɨn madep dakon kɨndap kɨrɨŋ ain naŋ wasaŋbi uŋun naŋ uwalgo pudaŋ monɨŋ monɨŋ akdɨsal. Amɨn da mɨktɨm kwoba pudaŋ monɨŋ monɨŋ aŋ uŋun da tɨlagon akdɨsal.’ ”
13961	PSA 2:12	Ji monjɨ dakon pɨŋbini egek gawak ɨmni. Butjap tepmɨ nandɨsak, do japmɨ nandaŋ daban dɨ kɨmakbam. Amɨn morap paŋkutnosak do Piŋkopmon kwaŋ uŋun kɨsɨk kɨsɨk tagɨ ani.
13963	PSA 3:2	Yawe, uwalno morapmɨsi! Amɨn morapmɨ da yokwisi aŋ namaŋ.
13965	PSA 3:4	Mani Yawe gak pasɨk da yaŋ nak aŋkɨsɨbɨsal. Aŋpulugaŋbɨ emaron teban tosot. Gak kaloŋ dagɨn but yokwino wɨrɨrɨkbɨ pasɨlakwa aŋteban abɨ tebai akdat.
13967	PSA 3:6	Dɨpmɨn potpot tamokon pagek obɨsi pak ɨŋtosot. Ae don pɨdaŋek tagɨsi egɨsat, nido Yawe da kɨlano tagɨsi asak.
13969	PSA 3:8	Yawe gak apbi! Piŋkopno abɨŋ aŋpulugoki! Uwalno mogɨm kulbak dapbi. Amɨn yokwi uŋun dakon geni dapmaŋ bɨrɨpmɨkgi.
13973	PSA 4:3	Amɨn ji, bɨsap niaŋ da man madepno abɨŋ yɨp do pi ani? Bɨsap niaŋ da yo ɨsalɨ mibɨlɨ mibɨlɨ do but dasi galak taŋ yomɨŋ kɨmotni? Bɨsap niaŋ da top aŋpak yolni?
13974	PSA 4:4	Ji gen on do pakyaŋsi nandani. Amɨn morap Yawe dakon pɨŋbinisi ekwaŋ, uŋun iyɨ do manjɨgɨt. Nak uŋun do yaŋ tɨdoko bɨsitno nandɨsak.
13977	PSA 4:7	Amɨn morapmɨ da yaŋ yoŋ, “Namɨn da nin paŋpulugaŋban tagɨsi egɨpneŋ?” Yawe, butgo ninon yɨpmaŋek yo tagɨsi aŋ nibi.
13982	PSA 5:3	Kɨla Amɨn Madepno ae Piŋkopno, aŋpulugoki do bɨsit asat, do yaŋ ɨlɨtno nandaŋ nabi.
13985	PSA 5:6	Iyɨ do nandaba wɨkwaŋ amɨn gak da dabɨlon tagɨ dɨma atni. Aŋpak yokwi aŋ amɨn morap dɨmasi galak taŋ yomɨsal.
13986	PSA 5:7	Yawe, gak da top gen yogok amɨn morap paŋupbal asal. Amɨn dapba kɨmokgoŋ amɨn gat, ae amɨn paŋkewalgaŋ amɨn gat dɨmasi galak taŋ yomɨsal.
13989	PSA 5:10	Uwalno gen bamɨsok kɨnda dɨmasi yoŋ. Amɨn dɨwarɨ paŋupbal ak dogɨn nandaŋ. Gen kagani uŋun kɨmakbi tamo da yaŋ pɨsoŋ. Amɨn paŋgalak ak do gen morapmɨ yoŋ.
13998	PSA 6:6	Amɨn kɨmakbi dɨma nandaŋ gamaŋ. Kɨmakbi tamogwan da gak dɨma aŋkɨsaŋ.
14000	PSA 6:8	Uwalno morapmɨsi, do kunam gɨn tak egapbo dabɨlno pɨrɨropmaŋ. Aŋakwa yo kɨnda dɨma kosot.
14005	PSA 7:2	Yawe Piŋkopno, gak da nak aŋkutnoki do obɨsat. Aŋpulugaŋaki nak aŋsopmaŋgaŋ amɨn da dɨma nɨkba kɨmokgeŋ. Yokwikon naŋ abɨdaŋaki dɨma tasɨk tokeŋ.
14013	PSA 7:10	Piŋkop gak wagɨl kɨlegɨsi. Amɨn morap dakon nandak nandak butyo pakyaŋsi pɨndak nandaŋyo asal. Amɨn yokwi aŋpak yokwi saŋbeŋek dɨma ani do kɨrɨŋɨk yobi. Mani amɨn kɨlegɨ paŋpulugaŋaki tebai atni.
14017	PSA 7:14	Amɨn uŋun dapban kɨmotni do dɨkdɨkni kɨlɨ paŋnoman agɨt. Dɨkdɨk mɨleŋ asɨpmɨ toŋ paŋnoman asak.
14018	PSA 7:15	Amɨn yokwi uŋun yokwi ak do nandaban teban toŋ. Yokwi mibɨlɨ mibɨlɨ ak do tagap tok asak, ae bɨsapmɨ bɨsapmɨ top yosok.
14019	PSA 7:16	Amɨn kɨnda abɨdok do gapma dubagɨ kɨnda wayɨkdak, mani iyɨ uŋun gapma wayɨkdakgwan mosok.
14020	PSA 7:17	Gulusuŋ iyɨ asak uŋun da iyɨnaŋ wɨtjɨŋ ɨmɨsak. Ae butjap ematyo amɨn dɨwarɨ do aŋ yom do nandak nandak asak, uŋun da tobɨlek iyɨ naŋ aŋupbal asak.
14023	PSA 8:2	Yawe, Amɨn Tagɨnin, mɨktɨmɨ mɨktɨmɨ gak dakon man pɨdaŋbisi. Tɨlɨmgo wukwisi, kundu si yapmaŋdak.
14031	PSA 8:10	Yawe, Amɨn Tagɨnin, mɨktɨmɨ mɨktɨmɨ gak dakon man pɨdaŋbisi.
14036	PSA 9:5	Kɨla amɨn madep yɨtyɨt tamogokon yɨgek gen kokwin kɨlegɨsi asal. Aŋpakno kokwin aŋaki gen pikon teban tosot.
14037	PSA 9:6	Mɨktɨmɨ mɨktɨmɨ dɨma nandaŋ gamaŋ amɨn gen tebai yoyɨgɨl. Amɨn yokwi kɨlɨ paŋupbal agɨl, ae dagok dagogɨ mɨni amɨn da ɨŋtaŋ yomdaŋ.
14040	PSA 9:9	Uŋun aŋpak kɨlegɨkon da mɨŋat amɨn kabɨ morap dakon aŋpakni kokwin akdɨsak. Ae aŋpak tagɨsikon da mɨŋat amɨn kabɨ morap kɨsi kɨla akdɨsak.
14043	PSA 9:12	Yawe Saion kokup papmon uŋudon kɨla amɨn madep egɨsak. Kap yaŋek mani aŋkɨsini. Amɨn morap kɨsikon pi morap agɨt uŋun do yaŋ teŋteŋok ani.
14046	PSA 9:15	Aŋpulugaŋbɨ yo morap agɨl dakon geni tagɨ yaŋek mango awɨgɨkeŋ. Saion kokup pap da wigaron agek yaŋ teŋteŋok aŋek yokwikon naŋ abɨdagɨl uŋun do kɨsɨk kɨsɨk abeŋ.
14048	PSA 9:17	Yawe dakon gen kokwin pi agakni uŋun kɨlegɨsi yaŋ uŋun amɨn da nandaŋ ɨmaŋ. Amɨn yokwi amɨn dɨwarɨ paŋupbal ak do yo awit, mani uŋun yo yokwi da tobɨlek iyɨ baŋ paŋupbal awit.
14054	PSA 10:2	Amɨn yokwi iyɨ do nandaba wɨgakwa yoni mɨni amɨn paŋupbal ak do yolgaŋ. Amɨn dɨwarɨ yokwi aŋyom do nandak nandak aŋ, uŋun yo yokwi iyɨ tɨmɨkgaŋ.
14055	PSA 10:3	Amɨn yokwi galaktok yokwini do nandaŋek pɨbɨt tɨdok asak. Yo morapmɨ tɨmɨt do nandaŋ amɨn paŋkɨsisak, ae Yawe ɨbɨpmaŋdak.
14056	PSA 10:4	Amɨn yokwi iyɨ do nandaban wɨgakwan Piŋkop wɨsɨŋ kok do pi dɨma asak. Piŋkop do nandaban yo ɨsalɨ asak.
14062	PSA 10:10	Aŋakwan uŋudon gɨn tapmɨmni mɨni amɨn tasɨk toŋ. Amɨn yokwi dakon tapmɨm madepni da pabɨŋ yopmaŋdak.
14063	PSA 10:11	Amɨn yokwi da yaŋ nandɨsak, “Piŋkop da nak ɨŋtaŋ namgut. Iyɨ dakon dabɨl kɨlɨ sopgut, do dɨma nandɨsak.”
14065	PSA 10:13	Yokwi pakpak amɨn da nido Piŋkop do yaŋba yokwi tok aŋ? Ae nido “Piŋkop da kobogɨ yokwi dɨma nimdɨsak” yaŋ nandaŋ?
14066	PSA 10:14	Mani gak da yokwi pakpak amɨn dakon aŋpak pɨndak mudosol. Aŋpak yokwi aba amɨn dɨwarɨ da tepmɨ paŋ uŋun pɨndagek kobogɨ yokwi yomɨsal. Jɨgɨ nandaŋ amɨn gak da paŋpulugoki do burɨ gagon yopmaŋgaŋ. Meŋ datyoni kɨmakbi amɨn gak da tagɨsi paŋpulugosol.
14070	PSA 10:18	Meŋ datyoni kɨmakgwit amɨn gat ae uwalon jɨgɨ tɨmɨkgaŋ amɨn gat dakon bɨsitni nandaŋ yomdɨsal. Paŋpulugaŋaki gen pikon atni bɨsapmon teban tokdaŋ. Ae mɨktɨmon mɨŋat amɨnyo da saŋbeŋek yo yokwi dɨma aŋyomdaŋ.
14071	PSA 11:1	Nak aŋkutnosak do Yawekon kɨsat. Do gak nido yaŋ nayɨsal, “Amɨn yokwi obipni paŋɨlɨkgaŋ! Pɨlɨn tukgwan amɨn kɨlegɨ yam do dɨkdɨkni bɨsapmon sambaŋ! Do mɨnam kɨnda da yaŋ pasalek kabapgwan wɨgɨ!
14073	PSA 11:3	Aŋpak kɨlegɨ dakon teban tokni kɨsi tuwɨl kɨ mudoni kaŋ, amɨn kɨlegɨ niaŋ ani?”
14076	PSA 11:6	Amɨn yokwi do kɨndap tepmɨsi sosok uŋun tagal yomɨsak. Aŋek gɨptɨmni obɨsi soŋ yomni do mɨrɨm tepmɨsi sosok uŋun yɨpban abɨsak. Uŋun yokwi awit dakon kobogɨni.
14077	PSA 11:7	Yawe aŋpak kɨlegɨ gɨn asak. Aŋpak kɨlegɨ aŋ amɨn do but dasi galak taŋ yomɨsak. Aŋpak kɨlegɨ aŋ amɨn uŋun da tomno dabɨlni kokdaŋ.
14080	PSA 12:3	Amɨn morap kɨsi amɨn dɨwarɨkon top yoŋ. Paŋkewal do gen galagɨ yoyaŋ.
14081	PSA 12:4	Yawe, gak da gen galagɨ yoŋ amɨn dakon gen kagani sopbi. Ae pɨbɨt tɨdok aŋ amɨn dakon gen kagani sopbi dosi nandɨsat.
14082	PSA 12:5	Uŋun amɨn da yaŋ yoŋ, “Top gen yaŋek teban toneŋ. Nin da galak togon gen yokdamaŋ. Amɨn kɨnda da kosit dɨma sopmaŋ nimjak.”
14083	PSA 12:6	Mani Yawe da yaŋ yosok, “Amɨn yokwi da tapmɨmni mɨni amɨn pabɨŋ yopmaŋgaŋ, ae yoni mɨni amɨn iyoŋ iyoŋ yaŋek ekwaŋ. Do nak da abɨŋ paŋpulugokeŋ. Uŋun nak da paŋkutnokeŋ do yoŋ, do yaŋsi akdɨsat.”
14091	PSA 13:5	Yaŋ aŋaki kaŋdo uwalno da “kɨlɨ abɨŋ yɨpmamaŋ” yaŋ dɨma yoni. Ae nak da maŋ pokgo kaŋek kɨsɨk kɨsɨk dɨma ani.
14092	PSA 13:6	Mani bɨsapmɨ bɨsapmɨ but dasi galak taŋ namɨsal yaŋsi nandako dagosok. Ae jɨgɨkon baŋ aŋpulugosol, do gak do kɨsɨk kɨsɨk abeŋ. Yawe da nak do yo tagɨsi agɨt, do mani awɨgek kap yokeŋ.
14096	PSA 14:4	Piŋkop da yaŋ yosok, “Yokwi aŋ amɨn nandak nandak tagɨ dɨ dɨmasi tɨmɨtdaŋ. Bret naŋba mudoŋ, uŋun da tɨlak mɨŋat amɨno naŋ mudoŋ. Ae nak da paŋpulugokeŋ do bɨsit dɨma aŋ namaŋ.”
14099	PSA 14:7	Nak Piŋkop da Saion amɨn kɨnda yabekban abɨŋ Israel amɨn yokwikon baŋ tɨmɨtjak do nandɨsat. Yawe da mɨŋat amɨni paŋpulugaŋban aeni tagɨsi egɨpni bɨsapmon, Israel amɨn kɨsɨk kɨsɨk akdaŋ. Asi, but galaksi egɨpdaŋ.
14101	PSA 15:2	Amɨn kɨnda suŋ kɨnda aban amɨn da yaŋba yokwi tok dɨma aŋ ɨmgwit, ae aŋpakni kɨlegɨsi, ae burɨkon da nandaŋek gen bamɨ gɨn yosok, uŋun amɨn da tagɨ egɨpjak.
14102	PSA 15:3	Amɨn do yaŋba yokwi tok dɨma asak, ae notni do aŋpak yokwi dɨma aŋyomɨsak, ae notni do top dɨma yaŋ yomɨsak.
14104	PSA 15:5	Amɨn da goman aŋ ɨba dɨ gat saŋbeŋek ɨmni do dɨma yosok. Ae amɨn da topni paŋteban aŋek si yumaŋ naŋakwa amɨn kɨlegɨ gen pikon yop do aba geni dɨma nandaŋ yomɨsak. Uŋun aŋpak kɨlegɨ morap yolgaŋ amɨn uŋun dagok dagogɨ mɨni arɨpmɨ dɨma mokdaŋ.
14106	PSA 16:2	Nak Yawe yaŋ iyɨgɨm, “Gak Amɨn Tagɨno. Yo tagɨsi morap tɨmɨkdat uŋun gak da kɨsiron dagɨn abaŋ.”
14108	PSA 16:4	Amɨn tɨmtɨm yaŋek piŋkop ŋwakŋwarɨkon kwaŋ uŋun jɨgɨ morapmɨ pakdaŋ. Nak paret ak do bɨt kɨlapyo dakon yawi tagal do uŋun gat dɨma muwutneŋ, ae piŋkopni dakon man dɨma yokeŋ.
14110	PSA 16:6	Mɨktɨmno gat ae yo tagɨsi morap gat gagon gɨn tɨmɨkdat. Asisi, yo morap namɨsal uŋun wagɨl tagɨsi.
14111	PSA 16:7	Yawe aŋkɨsikeŋ. Uŋun da tagɨsi egɨpbeŋ do nayɨŋ nolɨsak. Ae kalbi butno da nayɨŋ dekdak.
14113	PSA 16:9	Yum nandaŋaki nak kɨmakbi kokupmon arɨpmɨ dɨma paŋkɨ egɨpbeŋ. Aŋek gak dakon Telagɨ Amɨn yum kaŋaki kɨmakbi tamokon taŋ dɨma mɨktosak. Yaŋdo, butno tagɨsi aŋakwan mango yaŋ aŋkɨsisat. Pasol pasolɨ mɨni tagɨsi egɨsat.
14115	PSA 16:11	Gak da egɨp egɨp dakon kosit nolɨsal. Gak nak da kapmatjok egɨsal, do kɨsɨk kɨsɨk madepsi asat. Ae aŋpulugaŋaki butno kɨsɨk kɨsɨk taŋakwan dagok dagogɨ mɨni yaŋgɨn taŋ aŋaŋ kɨkdɨsak.
14125	PSA 17:10	Amɨn dɨwarɨ do nandaŋ yawotjok dɨ dɨmasi aŋ yomaŋ. Gen pap yaŋek iyɨ dakon man pawɨkwaŋ.
14129	PSA 17:14	Yawe, tapmɨm madepgokon da aŋpulugaŋaki uwalno da dɨma nɨkba kɨmokgeŋ. Uŋun mɨktɨm dakon yo baŋgɨn paŋmuwut do nandaŋ. Aŋpak yokwini dakon kobogɨ yo yokwisi aŋ yobi. Ae monjɨni gat ae babɨkni don altoni uŋun yo yokwisi aŋyobi.
14133	PSA 18:3	Yawe uŋun tɨp madepno, uŋun da nak aŋkɨsɨbɨsak. Uŋun dam tebano arɨpmɨ dɨma tuwɨlɨ egɨsak. Aŋek uwal da kɨsiron naŋ abɨdosok. Piŋkopno uŋun tɨp madepsi yombem, do uwalno da dɨma nandani yaŋ do uŋudon kɨŋ pasɨldat. Yawe uŋun pasɨkno, ae yokwikon naŋ abɨdaŋek kɨlano asak dakon tapmɨm taŋ ɨmɨsak. Uŋun dam tebano.
14134	PSA 18:4	Nak Yawe do bɨsit asat. Aŋpulugaŋakwan uwalno da arɨpmɨ dɨma aŋupbal ani. Yawe uŋun aŋkɨsigɨsi noman.
14137	PSA 18:7	Butno madepsi yokwi tagɨt, mani Yawe do madepsi yaŋ tɨdagɨm. Piŋkop da aŋpulugosak do yaŋ tɨdoko Telagɨ Yutnikon egek yaŋ ɨlɨtno nandagɨt. Aŋek bɨsitno do mɨrak yopgut.
14138	PSA 18:8	Bɨsitno nandaŋek uwalno do butjap madepsi nandaŋ yomgut. Aŋek mɨktɨm aban wudɨp madepsi agɨt. Aŋakwan ɨleŋ dakon mibɨlɨ madepsi kwakwalɨkgwit.
14139	PSA 18:9	Mukwa Yawe da tomnokon da pɨdawit. Aŋakwan mɨleŋ asɨp gen kaganikon da baljaŋek yo morapmɨ sowit. Aŋakwan kɨndap patdet yaban dukwan dukwan kɨsi kɨwit.
14140	PSA 18:10	Uŋun kundu wɨtdalek pɨgɨt. Aŋakwan gɨkwem pɨlisi da kandapni da mibɨlgwan tawit.
14141	PSA 18:11	Uŋun aŋelo madep serabim kɨnda da kwenon yɨkban pɨrɨropmaŋ abɨgɨt. Ae mɨrɨm mɨnam da yaŋ pɨrɨ toŋ da Piŋkop abɨdaŋ tepmɨsi abɨgɨt.
14156	PSA 18:26	Yawe, amɨn kɨnda gak dɨma gepmaŋdetjak kaŋ, gak uŋun amɨn dɨma yɨpmaŋ detdɨsal. Amɨn kɨnda aŋpak kɨlegɨ aŋek gulusuŋni mɨni kaŋ, kobogɨ do yo tagɨsi gɨn aŋ ɨmdɨsal.
14157	PSA 18:27	Amɨn kɨnda aŋpak gwaljɨgɨ mɨni asak kaŋ, gak da aŋpakgo gwaljɨgɨ mɨni uŋun yolɨsal. Mani amɨn kɨnda aŋpak yokwi asak kaŋ, kakgɨmansi kaŋek kobogɨ ɨmɨsal.
14160	PSA 18:30	Piŋkop, aŋpulugaŋaki uwal kabɨ madep uŋun arɨpmɨ tagɨ pabɨŋ yopbeŋ. Ae aŋteban aŋaki kokup pap dakon dam madep arɨpmɨ tagɨ ɨrakgeŋ.
14163	PSA 18:33	Piŋkop dagɨn nak aŋteban aŋakwan tebai akdat. Ae kosit agɨsat bɨsapmon kɨlano tagɨsi asak.
14166	PSA 18:36	Yawe, gak da nak uwal da kɨsiron baŋ abɨdagɨl. Pasɨkgo nabɨ uŋun da manjigwan pasɨldat. Kɨsitnokon abɨdaŋaki tebai akdat. Aŋpulugosol, do mɨŋat amɨnyo da dabɨlon man madepno toŋ.
14171	PSA 18:41	Aŋaki uwal tobɨl manji namɨŋek pasal kɨwit. Amɨn dɨma galak taŋ namgwit uŋun wagɨl dapbo pasɨlgwit.
14172	PSA 18:42	Amɨn da paŋpulugonisi do yaŋ tɨdawit, mani dɨma apgwit. Yawe do kunam takgwit, mani bɨsitni dɨma nandaŋ yomgut.
14174	PSA 18:44	Mɨŋat amɨnyo da uwal aŋ namgwit bɨsapmon, aŋpulugaŋaki dɨma aŋupbal awit. Aŋek Amɨn Ŋwakŋwarɨ Kabɨ dakon mibɨltok amɨni egɨpbeŋ do nak manjɨgɨl. Mɨŋat amɨnyo dɨma nandaŋ yomgum, abɨsok nak da yoŋgamgwan ekwaŋ.
14178	PSA 18:48	Piŋkop da uwalno yokwini dakon kobogɨ do yokwi aŋ yomɨsak. Aŋek amɨn kabɨ mɨktɨmɨ mɨktɨmɨ ekwaŋ uŋun yopban nak da yoŋgamgwan ekwaŋ.
14179	PSA 18:49	Yaŋ aŋek uwalno da kɨsiron naŋ abɨdosok. Asisi, Yawe gak da uwalno da dabɨlon man madep namgul. Aŋpulugaŋaki emat pɨdokyo aŋ amɨn da dɨma nɨkba kɨmakgɨm.
14180	PSA 18:50	Uŋun do aŋek Amɨn Ŋwakŋwarɨ Kabɨ da binapmon mango awɨgɨkeŋ. Yawe, mango awɨgɨk do kap yokeŋ.
14181	PSA 18:51	Yawe da kɨla amɨn madepni nak Dewit aŋ pulugaŋakwan uwal madepsi pabɨŋ yopmaŋdat. Bɨsapmɨ bɨsapmɨ iyɨ do tɨlak agɨt amɨn nak but dasi galak taŋ namɨsak. Ae dagok dagogɨ mɨni dɨwatno don altoni uŋun but dasi galak taŋ yomdɨsak.
14184	PSA 19:3	Gɨldarɨ gɨldarɨ man madepni do yoŋ. Ae pɨlɨni pɨlɨni mibɨlni yaŋakwa nandamaŋ.
14195	PSA 19:14	Ae uŋun gɨn dɨma, aŋpak yokwi yaŋ dɨno nandaŋek dɨma abeŋ do oman monjɨgo kɨlano aki. Kwen wɨgɨk aŋpak da nak dɨma abɨŋ nepjak do nandɨsat. Nak kɨlegɨsi egek yokwi madep dɨma abeŋ do nandɨsat.
14200	PSA 20:4	Uŋun da paret morap asal uŋun do tagɨ nandɨsak dosi nandɨsat. Ae paret morapgo kɨndapmon sosol uŋun do galak tosak dosi nandɨsat.
14203	PSA 20:7	Abɨsok nak nandɨsat. Yawe da kɨla amɨn madepni iyɨ manjɨgɨt aŋpulugosok. Uŋun Kwen Kokup kokupni tagɨsikon egek bɨsitni nandɨsak. Iyɨ da tapmɨmon aŋpulugaŋek uwalni da kɨsiron naŋ abɨdosok.
14204	PSA 20:8	Amɨn dɨwarɨ emat bɨsapmon os da amɨn ɨlɨk pawɨlgaŋ tamoni uŋun do pɨbɨt tɨdok aŋ. Ae amɨn dɨwarɨ osni do pɨbɨt tɨdok aŋ. Mani nin Yawe Piŋkopnin dakon tapmɨm do yo madepsi yaŋ nandamaŋ.
14210	PSA 21:4	But galagon da abɨdaŋek yo tagɨsi ɨmgul. Aŋek kɨla amɨn madep dakon pelɨt gol baŋ wasaŋbi busuŋɨkon yɨpgul.