13949	PSA 1:6	Nido Yawe da amɨn kɨlegɨ kɨlani asak, mani yoki pakpak uŋun tasɨk tokdaŋ.
13955	PSA 2:6	Uŋun da yaŋ yoyɨsak, “Nak da on amɨn kɨla amɨn madepno egɨpjak do kɨlɨ yɨpgum da telagɨ ɨleŋno Saion uŋudon yɨkdak.”
13974	PSA 4:4	Ji gen on do pakyaŋsi nandani. Amɨn morap Yawe dakon pɨŋbinisi ekwaŋ, uŋun iyɨ do manjɨgɨt. Nak uŋun do yaŋ tɨdoko bɨsitno nandɨsak.
13977	PSA 4:7	Amɨn morapmɨ da yaŋ yoŋ, “Namɨn da nin paŋpulugaŋban tagɨsi egɨpneŋ?” Yawe, butgo ninon yɨpmaŋek yo tagɨsi aŋ nibi.
13990	PSA 5:11	Piŋkop, gen yaŋ yomɨŋek yo yokwisi aŋ yobi. Nandak nandak yokwini paŋupbal abi. Yo akdo nandaŋ kokwin aŋ iyɨ uŋudon yokwalni. Uŋun kwen wɨgɨk aŋ gamɨŋek yokwi morapmɨ aŋ, do yolbɨ gak da ɨŋam da dubagɨkon kɨŋ mudoni.
14009	PSA 7:6	yum pɨndagaki uwalno da nak aŋsopmaŋek abɨdoni. Nak tagɨ bamaŋek obɨsi aŋupbal aŋek gɨptɨmno yɨpba kɨmbabaŋon ɨsal tosak.
14012	PSA 7:9	Yawe, mɨŋat amɨn morap dakon aŋpakni kokwin asal, do aŋpulugaŋaki gen pikon teban tokeŋ. Nido, aŋpak kɨlegɨ gat ae aŋpak tagɨsi gat baŋgɨn asat.
14026	PSA 8:5	Mɨŋat amɨnyo nin niaŋen amɨn dɨ baŋ nin do nandak nandak madep asal? Nin yo ɨsalɨsi. Nin dakon kɨla nido kakgɨmansi asal?
14047	PSA 9:16	Mɨktɨmɨ mɨktɨmɨ dɨma nandaŋ gamaŋ amɨn da nin tɨmɨt do gapma wayaŋ, mani iyɨ uŋungwan moŋ. Nin tɨmɨt do pat yopmaŋ, mani iyɨ uŋun paron yokwalaŋ.
14058	PSA 10:6	Yaŋ nandɨsak, “Nak arɨpmɨ dɨma mokeŋ. Bɨsapmɨ bɨsapmɨ yo dɨ da nak arɨpmɨ dɨma abɨŋ nepni.”
14071	PSA 11:1	Nak aŋkutnosak do Yawekon kɨsat. Do gak nido yaŋ nayɨsal, “Amɨn yokwi obipni paŋɨlɨkgaŋ! Pɨlɨn tukgwan amɨn kɨlegɨ yam do dɨkdɨkni bɨsapmon sambaŋ! Do mɨnam kɨnda da yaŋ pasalek kabapgwan wɨgɨ!
14082	PSA 12:5	Uŋun amɨn da yaŋ yoŋ, “Top gen yaŋek teban toneŋ. Nin da galak togon gen yokdamaŋ. Amɨn kɨnda da kosit dɨma sopmaŋ nimjak.”
14088	PSA 13:2	Yawe, ni bɨsapmon aego nandaŋ nabi? Nak do dagok dagogɨ mɨni ɨŋtaŋ namɨŋ wɨgɨkdɨsal bo? Gak bɨsap niaŋ da pasɨl namɨŋaki dɨma gandakeŋ?
14093	PSA 14:1	Nandaŋ kokwini tagɨ dɨma amɨn burɨkon da yaŋ yoŋ, “Piŋkop kɨnda dɨma egɨsak.” Uŋun amɨn yokwisi. Yo wagɨl yokwisi baŋ gɨn aŋ. Kɨnda da aŋpak tagɨ kɨnda dɨma asak.
14099	PSA 14:7	Nak Piŋkop da Saion amɨn kɨnda yabekban abɨŋ Israel amɨn yokwikon baŋ tɨmɨtjak do nandɨsat. Yawe da mɨŋat amɨni paŋpulugaŋban aeni tagɨsi egɨpni bɨsapmon, Israel amɨn kɨsɨk kɨsɨk akdaŋ. Asi, but galaksi egɨpdaŋ.
14106	PSA 16:2	Nak Yawe yaŋ iyɨgɨm, “Gak Amɨn Tagɨno. Yo tagɨsi morap tɨmɨkdat uŋun gak da kɨsiron dagɨn abaŋ.”
14107	PSA 16:3	Piŋkop dakon amɨn uŋun tagɨsi. Nak uŋun gat egɨp do tagɨsi nandɨsat.
14108	PSA 16:4	Amɨn tɨmtɨm yaŋek piŋkop ŋwakŋwarɨkon kwaŋ uŋun jɨgɨ morapmɨ pakdaŋ. Nak paret ak do bɨt kɨlapyo dakon yawi tagal do uŋun gat dɨma muwutneŋ, ae piŋkopni dakon man dɨma yokeŋ.
14116	PSA 17:1	Yawe, nak amɨn kɨlegɨ, do aŋpulugaŋek nandaŋ nabi do yaŋ tɨdosot. Nak top amɨn dɨma, do bɨsitno nandaki do nandɨsat.
14117	PSA 17:2	Ni aŋpak da kɨlegɨ uŋun gak da nandɨsal, do aŋpulugaŋaki gen pikon teban tokeŋ dosi nandɨsat.
14122	PSA 17:7	Nin do but dasi galak taŋ nimɨsal, uŋun dakon bamɨ nolɨŋek yo tagɨsi aŋnibi. Tapmɨm madepgokon da nin paŋpulugosol. Nin gak da kapmatjok egek uwalnin da dɨma nindani do pasɨlgamaŋ.
14124	PSA 17:9	Yaŋ aŋaki kaŋdo uwalno da nak arɨpmɨ dɨma aŋupbal ani. Nɨkba kɨmokgeŋ do aŋdɨgat aŋ.
14126	PSA 17:11	Nak abɨŋ nepdosi nandaŋ teban taŋ, do kandap tamono yolek aŋdɨgat ayɨŋ da ekwaŋ.
14132	PSA 18:2	Yawe, gak da nak aŋteban asal. Nak but dasi galak taŋ gamɨsat.
14134	PSA 18:4	Nak Yawe do bɨsit asat. Aŋpulugaŋakwan uwalno da arɨpmɨ dɨma aŋupbal ani. Yawe uŋun aŋkɨsigɨsi noman.
14135	PSA 18:5	Nap teban da nak tebaisi wamaŋdak, ae tap ɨdap da nak wɨtjɨk do madepsi tamalɨkdak, uŋun da tɨlak kɨmot da nak palɨsi abɨdagɨt.
14151	PSA 18:21	Nak aŋpak kɨlegɨsi agɨm, do Yawe da kobogɨ do yo tagɨsi morapmɨ namgut. Suŋ kɨnda dɨma agɨm do aŋek Piŋkop da yo tagɨsi aŋ namgut.
14168	PSA 18:38	Nak uwal paŋsopmaŋek tɨmɨkgɨm. Yo yokwisi aŋyomɨŋek wagɨl kɨsisi dapbo pasɨlgwit.
14169	PSA 18:39	Nak da yabo maŋ pakgwit. Kandap mibɨlnogwan pakgwit, do arɨpmɨ dɨma pɨdokdaŋ.
14185	PSA 19:4	Teŋteŋɨ gat pɨlɨn tuk gat gen kagani mɨni, do gen arɨpmɨ dɨma yonjil. Nin da uŋun bamot dakon tekni dɨma nandamaŋ.
14193	PSA 19:12	Nak oman amɨngo mama gengo guramɨgek kobogɨ tagɨsi tɨmɨkdat.
14194	PSA 19:13	Namɨn da iyɨ dakon aŋpak yokwini morap nandɨsak? Yokwi dɨwarɨ dɨma nandaŋek asat uŋun wɨrɨrɨkbɨ kɨlegɨsi egɨpbeŋ.
14195	PSA 19:14	Ae uŋun gɨn dɨma, aŋpak yokwi yaŋ dɨno nandaŋek dɨma abeŋ do oman monjɨgo kɨlano aki. Kwen wɨgɨk aŋpak da nak dɨma abɨŋ nepjak do nandɨsat. Nak kɨlegɨsi egek yokwi madep dɨma abeŋ do nandɨsat.
14226	PSA 22:6	Gak do yaŋ tɨdaŋba jɨgɨkon baŋ pulugagɨl. Nandaŋ gadaŋ gamɨŋakwa paŋpulugagɨl, do nandaŋ gadatni uŋun ɨsalɨ dɨma agɨt.
14245	PSA 22:25	Nido jɨgɨ madepsi paŋ amɨn manji dɨma yomɨsak. Tepmɨ jɨgɨyo paŋ amɨn uŋun do nandaban yo ɨsalɨ dɨma asak. Uŋun manji dɨma yomɨsak. Paŋpulugosak do yaŋ tɨdaŋba bɨsitni nandaŋ yomɨsak.
14249	PSA 22:29	Nido Yawe kɨla amɨn madep egek mɨktɨmɨ mɨktɨmɨ amɨn morap kɨlani asak.
14261	PSA 24:3	Namɨn da Piŋkop da kabap madepmon tagɨ wɨgɨsak? Ae namɨn da iyɨ da telagɨ tamokon tagɨ atjak?
14284	PSA 25:16	Naga dage egapbo amɨn da yokwi aŋ namaŋ, do tobɨl abɨŋek nandaŋ yawok nabi.
14293	PSA 26:3	Nido nak do but dasi galak taŋ namɨsal uŋun bɨsapmɨ bɨsapmɨ nandɨsat. Aŋek bɨsapmɨ bɨsapmɨ gak dakon gen bamɨ yoldat.
14294	PSA 26:4	Nak top yoŋ amɨn gat dɨma yɨkgamaŋ. Ae jamba but amɨn gat dɨma akwamaŋ.
14296	PSA 26:6	Yawe, nak dɨwarɨno mɨni yaŋ nandaki do kɨsitno pakbi naŋ sugosot. Nak gak dakon alta aŋgwasɨŋek
14302	PSA 26:12	Nak mɨktɨm kɨlegɨkon akdat. Yawe, amɨn gawak gam do muwukgaŋ uŋun da bɨkbɨgon gak aŋkɨsikeŋ.
14307	PSA 27:5	Nido yo yokwi da nagon noman toni bɨsapmon uŋun da iyɨ da yutnon aŋkɨsɨbɨŋ nepban egɨpbeŋ. Yoma sopmaŋek tagɨsi aŋkɨsɨbɨŋ nepjak. Tɨp madep kɨnda da kwenon nepban tagɨsi egɨpbeŋ.
14308	PSA 27:6	Yaŋ aban uwalno nak aŋgwasaŋ uŋun pabɨŋ yopbeŋ. Nak kɨsɨk kɨsɨk aŋek yaŋ tɨdaŋek iyɨ da telagɨ yutnikon paret aŋ ɨbeŋ. Aŋek kap yaŋek mani aŋkɨsikeŋ.
14311	PSA 27:9	Dɨma gandakeŋ yaŋ do dɨma pasɨlgi. Nak oman amɨngo, do butjap nandaŋek dɨma akwayɨkgi. Piŋkop, gak paŋpulugokno. Gak da nak yokwikon naŋ abɨdosol. Dɨma nepmaŋ dekgi.
14315	PSA 27:13	Nak asisi nandɨsat, don on mɨktɨm egɨsaron Yawe da yo tagɨsi aŋ namdɨsak.
14323	PSA 28:7	Yawe da tapmɨm namɨŋek pasɨkno asak. Yaŋ asak do aŋek nandaŋ gadaŋ ɨmɨsat. Yawe da nak aŋpulugosok uŋun do kɨsɨk kɨsɨk madepsi nandaŋ ɨmɨsat. Nak ya yaŋ iyɨŋek kap morapmɨ yosot.
14346	PSA 30:10	“Nak kɨmakbi tamogwan pɨgɨkeŋ kaŋ, ni yo tagɨ kɨnda da noman tosak? Amɨn kɨmakbi da mango tagɨ aŋkɨsini? Gak da toktogɨ ninon yo tagɨsi asal dakon gen uŋun da tagɨ yaŋ teŋteŋoni? Arɨpmɨ dɨma.
14347	PSA 30:11	Nandaŋ namɨŋek nak do bupmɨ nandaki. Yawe, nak aŋpulugoki.”
14352	PSA 31:3	Nandaŋ namɨŋek tepmɨsi pulugoki. Gak gopbatno ae dam tebano arɨpmɨ dɨma tuwɨlɨ egɨsal, do uwal da arɨpmɨ dɨma abɨŋ nepni.
14357	PSA 31:8	Nak do bɨsapmɨ bɨsapmɨ but dasi galak taŋ namɨsal, do nak gak do but galaksi nandɨsat. Jɨgɨ morapno pɨndagek butjɨk pagɨm uŋun pɨndak nandaŋyo agɨl.
14360	PSA 31:11	Butnokon da jɨgɨ nandaŋ egɨsat. Uŋun da egɨp egɨpno aŋpɨsɨp asak. Kunam morapmɨ takdat do bɨsap dubagɨ dɨma egɨpbeŋ. Nak jɨgɨno madepsi do tapmɨmno mɨnisi aŋakwan kɨdatno wagɨlsi yokwi toŋ.
14362	PSA 31:13	Amɨn kɨmakba ɨŋtaŋ yomamaŋ uŋudeŋ amɨn morap kɨsi nak do ɨŋtaŋ namaŋ. Nak mɨktɨm kwoba pudaŋ kwa maba kwaŋ uŋun yombem.
14363	PSA 31:14	Nak nandaŋapbo uwalno morapmɨ da manji gen yaŋ namaŋ. Yo pasolɨsi da nak aŋgwasaŋ. Muwugek niaŋsi aŋek aŋatno kɨmakban yaŋ do yaŋ nandat aŋ.
14364	PSA 31:15	Mani Yawe egɨp egɨpno gagon tosok yaŋsi nandɨsat. Nak yaŋ yosot, “Gak Piŋkopno.”
14365	PSA 31:16	Nak don egɨ aŋaŋ kɨkdɨsat uŋun gak da kɨsiron tosok. Uwalno nak aŋsopmaŋgaŋ uŋun da kɨsiron baŋ pulugaŋ nepbi.
14371	PSA 31:22	Yawe aŋkɨsino. Nak do but dasi galak taŋ namɨsak. Kokup papmon egapbo uwal da aŋgwasɨŋek nɨt do awit bɨsapmon tagɨsi aŋpulugagɨt.
14382	PSA 32:8	Yawe da yaŋ yosok, “Nak da gayɨŋ degek kosit agɨpbi uŋun golɨkdɨsat. Nawa gen gayɨŋek kɨlago akdɨsat.
14406	PSA 33:21	Nin mani telagɨ uŋun do nandaŋ dagomaŋ, do kɨsɨk kɨsɨk amaŋ.
14409	PSA 34:2	Nak Yawe aŋkɨsikeŋ. Bɨsapmɨ bɨsapmɨ mani aŋkɨsikeŋ.
14414	PSA 34:7	Nak jɨgɨkon egek Yawe do yaŋ tɨdoko bɨsitno nandaŋek jɨgɨ morapnokon naŋ pulugaŋ nepgut.
14417	PSA 34:10	Mɨŋat amɨn kabɨyoni ji Yawe do pasal ɨmni. Nido pasal ɨmaŋ amɨn uŋun yo kɨnda do wadak wadak dɨma aŋ.
14433	PSA 35:3	Dɨkdɨk gat ae gwawiya gat tɨmɨgek nak aŋ sopmaŋgaŋ amɨnon emat abi. “Nak yokwikon baŋ tɨmɨt tɨmɨt amɨngo!” yaŋ nayɨki.
14437	PSA 35:7	Nak da yokwi kɨnda dɨma aŋ yomgum, mani nak abɨdok do pat yɨpgwit, ae nak da mokeŋ do gapma kɨnda wayɨkgwit.
14439	PSA 35:9	Yawe da yaŋ aŋakwan but galak nandaŋ ɨmdɨsat. Nak aŋpulugokdɨsak do tagɨsi nandaŋ ɨmdɨsat.
14442	PSA 35:12	Nak aŋpak tagɨ baŋ aŋ yomɨŋapbo, uŋun da kobogɨ do aŋpak yokwi baŋ aŋ namaŋ. Do but yokwi nandɨsat.
14443	PSA 35:13	Mani sot awit bɨsapmon bupmɨ madepsi nandaŋ yomɨŋek bupmɨ dakon ɨmal wamgum. Nak jap kelek egek gak da paŋpulugoki do bɨsit agɨm.
14444	PSA 35:14	Uŋun notno bo ae padɨgɨno yombem kɨnda do bupmɨ nandagɨm. Nak amɨn kɨnda da meŋi kɨmagakwan bupmɨ ae kunamyokon da agɨsak uŋun yombem. But yokwi nandaŋek kunam ae bupmɨyo aŋek egɨpgum.
14455	PSA 35:25	Yum pɨndagaki iyɨ do “Nin yo ak do nandagɨmaŋ uŋun abɨsok tagɨsisi kɨlɨ uŋun amaŋ” yaŋ dɨma yoni. Yum pɨndagaki “Kɨlɨ aŋupbal amaŋ” yaŋ dɨma yoni.
14456	PSA 35:26	Nagon jɨgɨ noman tak uŋun do kɨsɨk kɨsɨk aŋ, do paŋmayak aŋek paŋɨŋtok abi. Uŋun iyɨ dakon man pawɨgɨk do aŋek nak abɨŋ nepmaŋgaŋ, do mayaktok yomɨŋek mani pabɨŋ yopbi dosi nandɨsat.
14488	PSA 37:17	Nido, Yawe da amɨn yokwi dakon tapmɨm pabɨŋ yopmaŋek amɨn kɨlegɨ kɨlani tagɨsi akdɨsak.
14499	PSA 37:28	Nido Yawe gen kokwin kɨlegɨsi aŋ amɨn do but dasi galak taŋ yomɨsak. Mɨŋat amɨn kabɨni geni guramɨkgaŋ uŋun manji dɨma yomdɨsak. Dagok dagogɨ mɨni Yawe da kosit kɨlegɨ akwaŋ amɨn kɨlani asak, mani amɨn yokwi dakon gwakni uŋun tasɨk tokdaŋ.
14506	PSA 37:35	Nak amɨn yokwi tapmɨmni madepsi kɨnda kagɨm. Sida kɨndap da kɨndap dɨwarɨ yapmaŋ mudosok, uŋun da tɨlak mɨŋat amɨnyo yapmaŋ mudagɨt.
14507	PSA 37:36	Mani don uŋudon kɨŋek mɨni kagɨm. Nak uŋun amɨn wusɨk do pi agɨm, mani dɨma kagɨm.
14515	PSA 38:4	Gak da butjap nandaŋ namɨsal, do sot yokwisi asat. Nak dɨwarɨno toŋ, do gɨptɨmno tapmɨmɨ mɨnisi asak.
14517	PSA 38:6	Gɨptɨmnokon wuda toŋ dakon tabani uŋun madepsi, ae mɨktaŋbi. Nak nandaŋ kokwini mɨni amɨn da arɨpmon aŋpak gulusuŋ agɨm do aŋek uŋun noman taŋ nameŋ.
14523	PSA 38:12	Notnoni gat ae gen kaloŋno gat nak da kapmatjok ap do dɨma galak toŋ, nido wudano yokwisi. Gwakno kɨsi dubagɨkon ekwaŋ.
14524	PSA 38:13	Nɨkba kɨmokgeŋ do nandaŋ amɨn uŋun nak abɨdok do pat yɨpmaŋ. Amɨn nak aŋtasɨk ak do nandaŋ amɨn yo yokwi aŋ nam do gen yoŋ. Bɨsapmɨ bɨsapmɨ yokwi aŋ nam do gen yaŋ paŋteban aŋ.
14525	PSA 38:14	Mani amɨn mɨrakni mɨni yombem geni dɨma nandaŋ yomɨsat. Nak kadɨm yombem, do aŋtaŋ yok kɨnda dɨma asat.
14526	PSA 38:15	Nak amɨn kɨnda gen arɨpmɨ dɨma nandagɨ, ae kobogɨ arɨpmɨ dɨma yogogɨ yombem.
14528	PSA 38:17	Nak bɨsit yaŋ asat, “Yum pɨndagaki sagalek nɨkban uwal da but kwaktok dɨma nandani.”
14529	PSA 38:18	Nido, nak kɨlɨ uŋunjok mokdɨsat. Ae tepmɨ toktogɨsi pasat.
14530	PSA 38:19	Nak gulusuŋno gagon yaŋ teŋteŋosot, aŋek yokwi agɨm do bupmɨsi nandɨsat.
14532	PSA 38:21	Nak aŋpak tagɨsi aŋ yomɨsat, mani kobogɨ do aŋpak yokwi aŋ namaŋ. Nak aŋpak kɨlegɨ yolapbo uŋun do nandaŋek nak dakon uwal dagoŋ.
14534	PSA 38:23	Amɨn Tagɨ, gak yokwikon baŋ tɨmɨt tɨmɨt amɨno. Nak tepmɨsi aŋpulugoki.
14536	PSA 39:2	Nak kɨlɨ yagɨm, “Aŋpak morap abeŋ uŋun kɨla tagɨsi aŋek abeŋ. Ae gen yokeŋon yokwi kɨnda dɨma abeŋ. Amɨn yokwi nak da kapmatjok egɨpni bɨsapmon nak gen kɨnda dɨma yokeŋ.”
14537	PSA 39:3	Nak gen mapmɨt aŋek gen kɨnda dɨma yagɨm. Ae yo tagɨ kɨsi do genjok kɨnda dɨma yagɨm. Mani butjɨkno uŋun madepsi tagaŋek paptaŋ madepsi agɨt.
14538	PSA 39:4	Aŋek butnokon da nandaba kɨksi agɨm. Nak sigɨn nandaŋek butno da jɨgɨ madepsi nandagɨm, do gen yagɨm.
14540	PSA 39:6	Nak dakon bɨsap pɨsɨpmɨsok yɨpgul. Gak da dabɨlon nak dakon bɨsap yo ɨsalɨ. Amɨn kɨnda da mɨrɨm yawɨk pɨsosok, amɨn morap uŋun da tɨlak mɨktɨmon bɨsap pɨsɨpmɨsok gɨn ekwaŋ.”
14542	PSA 39:8	Mani Amɨn Tagɨ, abɨsok nak nido jomjom asat? Nak gak do nandaŋ gadaŋek gak dagɨn aŋpulugoki do jomjom asat.
14544	PSA 39:10	Mani nak gen dɨma yosot. Nak gen mapmɨt gɨn asat. Nido, gak da gaga nak do yo uŋun asal.
14547	PSA 39:13	Yawe, bɨsitno nandaki. Aŋpulugoki do yaŋ tɨdosot uŋun do mɨrak pakyaŋsi yopbi. Mɨrakgo dɨma sopbi, nido gak gat bɨsap pɨsɨpmɨsok gɨn mɨktɨmon egɨpdamak. Nak babɨkno yombem. Uŋun kɨsi bɨsap pɨsɨpmɨsok gɨn mɨktɨmon egɨpgwit.
14550	PSA 40:2	Nak butno yaworɨ taŋakwan Yawe da aŋpulugosak do jomjom agɨm. Aŋek yaŋ tɨdaŋapbo nak da tetgɨn do tobɨlek tekno nandagɨt.
14551	PSA 40:3	Nak gapma dubagɨsikon maŋ neŋak kagagwan egapbo Yawe da ɨlɨkban wɨgɨm. Awɨŋ tɨp kwenon nepban kosit tagɨ agɨpgum.
14554	PSA 40:6	Yawe Piŋkopno, gak nin paŋpulugok do yo tagɨsi morapmɨ agɨl. Gak da nin do nandak nandak asal uŋun madepsi, ae nin paŋpulugok do pi asal uŋun manjɨrɨ mɨni. Nak da amɨn arɨpmɨ dɨma yoyɨko nandaŋ mudogɨ.
14556	PSA 40:8	Do yaŋ yosot, “Nak gagon kɨlɨ abɨsat. Kalɨp nak do gen kɨlɨ mandabi uŋun yaŋ,
14560	PSA 40:12	Yawe, bupmɨ nandaŋ nabi. Nak do but dasi galak taŋ namɨŋek gengo guramɨgek kɨlano dagok dagogɨ mɨnisi abi do nandɨsat.
14561	PSA 40:13	Nido jɨgɨ morapmɨ noman taŋ namaŋ, uŋun manjɨrɨ mɨni. Yokwino morapmɨ da wɨtjɨŋ namɨk da tagɨ dɨma sɨŋtosot. Aŋpakno yokwi morapmɨ da busuŋ daŋgwano dakon tɨlak yapmaŋdak. Butno tagɨ dɨma taŋakwan tapmɨmno mɨnisi asak.