13944	PSA 1:1	Amɨn kɨnda yokwi pakpak amɨn da yabet aŋakwa uŋun yolek dɨma agɨsak, ae amɨn yokwi gat kɨsi dɨma akgaŋ, ae Piŋkop do manji gen yoŋ amɨn gat kaloŋɨ dɨma yɨkgaŋ, uŋun amɨn kɨsɨk kɨsɨk tagɨ asak.
13953	PSA 2:4	Kwen Kokup kɨla amɨn madep yɨtyɨt tamonikon yɨkdak amɨn jɨkgo yanjaŋ yomɨsak. Amɨn Tagɨ da jɨgɨlagon da pabɨŋ yopmaŋdak.
13954	PSA 2:5	Butjapsi nandaŋ yomɨŋek gen tebai yoyɨŋban pasal kɨmokgoŋ.
13955	PSA 2:6	Uŋun da yaŋ yoyɨsak, “Nak da on amɨn kɨla amɨn madepno egɨpjak do kɨlɨ yɨpgum da telagɨ ɨleŋno Saion uŋudon yɨkdak.”
13956	PSA 2:7	Kɨla amɨn madep da yaŋ yosok, “Yawe da yo madep kɨnda nayɨgɨt uŋun yaŋ teŋteŋokdɨsat. Yaŋ nayɨgɨt, ‘Gak Monjino. Abɨsok nak gak dakon Datgo dagosot.
13959	PSA 2:10	Yaŋdo, kɨla amɨn madep ji nandaŋ kokwin tagɨsi aŋek egɨpni. Mɨktɨmon kɨla amɨn, mama geno nandani.
13961	PSA 2:12	Ji monjɨ dakon pɨŋbini egek gawak ɨmni. Butjap tepmɨ nandɨsak, do japmɨ nandaŋ daban dɨ kɨmakbam. Amɨn morap paŋkutnosak do Piŋkopmon kwaŋ uŋun kɨsɨk kɨsɨk tagɨ ani.
13973	PSA 4:3	Amɨn ji, bɨsap niaŋ da man madepno abɨŋ yɨp do pi ani? Bɨsap niaŋ da yo ɨsalɨ mibɨlɨ mibɨlɨ do but dasi galak taŋ yomɨŋ kɨmotni? Bɨsap niaŋ da top aŋpak yolni?
13974	PSA 4:4	Ji gen on do pakyaŋsi nandani. Amɨn morap Yawe dakon pɨŋbinisi ekwaŋ, uŋun iyɨ do manjɨgɨt. Nak uŋun do yaŋ tɨdoko bɨsitno nandɨsak.
13976	PSA 4:6	Paret Yawe da galak tosok uŋun baŋ aŋek egɨp egɨpji Yawekon tosok yaŋsi nandani.
13983	PSA 5:4	Yawe, wɨsa dagokdo morap gak do bɨsit asat. Wɨsa dagokdo gak do bɨsit tebaisi asat. Bɨsitno dakon kobogɨ nabi do jomjom asat.
13984	PSA 5:5	Piŋkop, gak aŋpak yokwi do kɨsɨk kɨsɨk dɨma asal. Yokwi aŋ amɨn gak da kapmatjok tagɨ dɨma egɨpmɨ.
13994	PSA 6:2	Yawe, butjap nandaŋek gen tebai dɨma nayɨki. Butjap madepsi nandaŋek nak aŋmɨlɨp ak do tepmɨ pi dɨma nabi.
13996	PSA 6:4	Butno wagɨlsi jɨk tosok. Yawe, bɨsap niaŋ da jɨgɨ paŋegɨpbeŋ?
14001	PSA 6:9	Kunam tak egapbo Yawe da kɨlɨ nandaŋ namgut, do aŋpak yokwi aŋ amɨn ji kɨsisi nepmaŋdek kɨt.
14010	PSA 7:7	Yawe, pɨdoki! Uwalno da nagon emat tebaisi aŋ. Uŋun butjap nandaŋ yomɨŋek yo yokwisi aŋ yobi. Piŋkopno, aŋpak kɨlegɨ dogɨn galak tosol, do abɨŋek aŋpulugoki.
14011	PSA 7:8	Gak kwensi kɨla amɨn madep yɨtyɨt tamogokon yɨgek mɨŋat amɨn kabɨ morap gak da kapmatjok abɨŋ muwutni do yoyɨki.
14015	PSA 7:12	Piŋkop uŋun gen kokwin kɨla amɨn kɨlegɨsi. Gɨldarɨ gɨldarɨ yokwi pakpak do japmɨ nandaŋek pabɨŋ yopmaŋdak.
14020	PSA 7:17	Gulusuŋ iyɨ asak uŋun da iyɨnaŋ wɨtjɨŋ ɨmɨsak. Ae butjap ematyo amɨn dɨwarɨ do aŋ yom do nandak nandak asak, uŋun da tobɨlek iyɨ naŋ aŋupbal asak.
14024	PSA 8:3	Gak da man madep gamni do mɨŋat monjɨyo gat ae monjɨ ŋakŋak gat yoyɨŋ dekdal. Man madep gamɨŋakwa uwalgo da gak abɨŋ gep do aŋtɨdok aŋek gen mapmɨt aŋ.
14027	PSA 8:6	Piŋkop gak da nin gaga da mibɨlgwanjok nipgul. Gak da nin wasaŋek tɨlɨm gat ae man madep gat nimgul.
14029	PSA 8:8	Sipsip bulmakau, ae joŋ bɨt kɨlapyo gat,
14041	PSA 9:10	Uwalon jɨgɨ paŋ amɨn Yawe da tagɨsi paŋkutnosok. Jɨgɨ bɨsapmon uŋudon kɨŋek pasɨlgaŋ.
14042	PSA 9:11	Yawe, mɨŋat amɨnyo gak wɨsɨŋ gandak do pi aŋ amɨn manji dɨma yomɨsal. Yaŋ asal, do mango nandaŋ amɨn egɨp egɨpni gagon tosok yaŋsi nandaŋ.
14044	PSA 9:13	Yawe da jɨgɨ paŋ amɨn nandaŋ yomɨsak, ae kunam takba mɨrakni dɨma sopmaŋdak. Yokwi aŋ yomaŋ amɨn do kobogɨ yokwisi yomɨsak.
14045	PSA 9:14	Yawe, bupmɨ nandaŋ nabi. Uwal da jɨgɨ tepmɨyo namaŋ pɨndakgi. Palɨ kɨmot do asat, do yokwikon naŋ abɨdaŋaki tagɨsi egɨpbeŋ.
14049	PSA 9:18	Piŋkop manji ɨmɨŋek yokwi aŋ amɨn morap uŋun kɨmakbi kokupmon paŋkɨ egɨpdaŋ.
14050	PSA 9:19	Bɨsapmɨ bɨsapmɨ Piŋkop da yoni mɨni amɨn dɨma ɨŋtaŋ yomɨsak. Jɨgɨni madepsi toŋ amɨn, uŋun Piŋkop da paŋpulugosak do nandaŋ gadat aŋek jomjom aŋ. Uŋun yum pɨndagakwan ɨsal dogɨn jomjom dɨma aŋ.
14057	PSA 10:5	Yo morap aban tagɨsi noman toŋ. Yawe, gak dakon nandak nandak kɨndasok dɨmasi nandɨsak. Uŋun da uwalni do manji gen yaŋ yomɨsak.
14059	PSA 10:7	Bɨsap morap amɨn jobɨt yomɨsak, ae top gen yosok, ae amɨn dap do yosok. Yokwi ak do ae jɨgɨ paŋalon ak do gen tepmɨsi yosok.
14060	PSA 10:8	Uŋun kokupmon pasɨlɨ egek amɨn gulusuŋni mɨni amɨn apba dapban kɨmotni do jomjom asak. Uŋun si pasɨlek amɨn tapmɨmni mɨni paŋupbal ak do yubɨŋ egɨsak.
14064	PSA 10:12	Yawe, abɨŋ yokwi pakpak amɨn kobogɨ yokwi aŋyobi. Piŋkop, amɨn jɨgɨni toŋ uŋun dɨma ɨŋtaŋ yobi.
14069	PSA 10:17	Yawe, gak jɨgɨni toŋ amɨn dakon bɨsit nandaŋek burɨ paŋteban akdɨsal.
14070	PSA 10:18	Meŋ datyoni kɨmakgwit amɨn gat ae uwalon jɨgɨ tɨmɨkgaŋ amɨn gat dakon bɨsitni nandaŋ yomdɨsal. Paŋpulugaŋaki gen pikon atni bɨsapmon teban tokdaŋ. Ae mɨktɨmon mɨŋat amɨnyo da saŋbeŋek yo yokwi dɨma aŋyomdaŋ.
14082	PSA 12:5	Uŋun amɨn da yaŋ yoŋ, “Top gen yaŋek teban toneŋ. Nin da galak togon gen yokdamaŋ. Amɨn kɨnda da kosit dɨma sopmaŋ nimjak.”
14084	PSA 12:7	Yawe dakon yaŋ teban tok gen uŋun bamɨsi. Uŋun silwa kɨndapmon kosirɨ 7 yaŋ soŋba jɨmjɨmɨ mɨnisi aŋ, uŋun yombem wagɨl tagɨsi.
14092	PSA 13:6	Mani bɨsapmɨ bɨsapmɨ but dasi galak taŋ namɨsal yaŋsi nandako dagosok. Ae jɨgɨkon baŋ aŋpulugosol, do gak do kɨsɨk kɨsɨk abeŋ. Yawe da nak do yo tagɨsi agɨt, do mani awɨgek kap yokeŋ.
14099	PSA 14:7	Nak Piŋkop da Saion amɨn kɨnda yabekban abɨŋ Israel amɨn yokwikon baŋ tɨmɨtjak do nandɨsat. Yawe da mɨŋat amɨni paŋpulugaŋban aeni tagɨsi egɨpni bɨsapmon, Israel amɨn kɨsɨk kɨsɨk akdaŋ. Asi, but galaksi egɨpdaŋ.
14100	PSA 15:1	Yawe, namɨn da gak da telagɨ yutgwan tagɨ wɨgɨsak? Telagɨ kabapgokon namɨn da tagɨ egɨpjak?
14101	PSA 15:2	Amɨn kɨnda suŋ kɨnda aban amɨn da yaŋba yokwi tok dɨma aŋ ɨmgwit, ae aŋpakni kɨlegɨsi, ae burɨkon da nandaŋek gen bamɨ gɨn yosok, uŋun amɨn da tagɨ egɨpjak.
14103	PSA 15:4	Yokwi pakpak amɨn do dɨma galak taŋek Yawe do pasolgoŋ amɨn do nandaban wukwan yomɨsak. Yaŋ teban tok asak uŋun jɨgɨ noman taŋ ɨmaŋ bɨsapmon dɨma kɨrɨŋɨgek geni guramɨk kɨmokdok.
14108	PSA 16:4	Amɨn tɨmtɨm yaŋek piŋkop ŋwakŋwarɨkon kwaŋ uŋun jɨgɨ morapmɨ pakdaŋ. Nak paret ak do bɨt kɨlapyo dakon yawi tagal do uŋun gat dɨma muwutneŋ, ae piŋkopni dakon man dɨma yokeŋ.
14112	PSA 16:8	Bɨsapmɨ bɨsapmɨ Yawe nak da kapmatjok ekwan nandɨsat. Kapmatjok egek tapmɨm namɨsak, do yo kɨnda da arɨpmɨ dɨma aŋkwakwalɨtjak.
14115	PSA 16:11	Gak da egɨp egɨp dakon kosit nolɨsal. Gak nak da kapmatjok egɨsal, do kɨsɨk kɨsɨk madepsi asat. Ae aŋpulugaŋaki butno kɨsɨk kɨsɨk taŋakwan dagok dagogɨ mɨni yaŋgɨn taŋ aŋaŋ kɨkdɨsak.
14119	PSA 17:4	Gen tebango guramɨgek emat pɨdokyo aŋ amɨn dakon aŋpak manji yomgum.
14122	PSA 17:7	Nin do but dasi galak taŋ nimɨsal, uŋun dakon bamɨ nolɨŋek yo tagɨsi aŋnibi. Tapmɨm madepgokon da nin paŋpulugosol. Nin gak da kapmatjok egek uwalnin da dɨma nindani do pasɨlgamaŋ.
14123	PSA 17:8	Gaga dakon dabɨlgo kɨla asal uŋudeŋ kɨlano aki. Pup meŋi da pudɨgɨ pɨrɨgwan wutjɨsak uŋun da tɨlak nak wutjɨki.
14125	PSA 17:10	Amɨn dɨwarɨ do nandaŋ yawotjok dɨ dɨmasi aŋ yomaŋ. Gen pap yaŋek iyɨ dakon man pawɨkwaŋ.
14129	PSA 17:14	Yawe, tapmɨm madepgokon da aŋpulugaŋaki uwalno da dɨma nɨkba kɨmokgeŋ. Uŋun mɨktɨm dakon yo baŋgɨn paŋmuwut do nandaŋ. Aŋpak yokwini dakon kobogɨ yo yokwisi aŋ yobi. Ae monjɨni gat ae babɨkni don altoni uŋun yo yokwisi aŋyobi.
14135	PSA 18:5	Nap teban da nak tebaisi wamaŋdak, ae tap ɨdap da nak wɨtjɨk do madepsi tamalɨkdak, uŋun da tɨlak kɨmot da nak palɨsi abɨdagɨt.
14138	PSA 18:8	Bɨsitno nandaŋek uwalno do butjap madepsi nandaŋ yomgut. Aŋek mɨktɨm aban wudɨp madepsi agɨt. Aŋakwan ɨleŋ dakon mibɨlɨ madepsi kwakwalɨkgwit.
14139	PSA 18:9	Mukwa Yawe da tomnokon da pɨdawit. Aŋakwan mɨleŋ asɨp gen kaganikon da baljaŋek yo morapmɨ sowit. Aŋakwan kɨndap patdet yaban dukwan dukwan kɨsi kɨwit.
14142	PSA 18:12	Uŋun da pɨlɨn tuk yɨpban kubɨkgɨt. Gɨkwem pɨlisi sɨkak mok do aŋakwan wamaŋdak uŋun da wɨtjɨgɨt.
14147	PSA 18:17	Yawe kwen egɨsak uŋun kɨsirɨ yɨpban pɨŋakwan nak yokwikon baŋ abɨdagɨt. Tap madep da nak wɨtjɨgɨt, mani ɨlɨkban wɨgɨm.
14152	PSA 18:22	Yawe dakon gen teban tagɨsi yol kɨmakgɨm. Piŋkopno manji ɨmɨŋek yokwi dɨma agɨm.
14155	PSA 18:25	Dabɨlnikon gwaljɨgɨ mɨnisi egɨpgum, do Yawe da aŋpakno kɨlegɨ uŋun do nandaŋek kobogɨ do aŋpak tagɨsi aŋ namgut.
14156	PSA 18:26	Yawe, amɨn kɨnda gak dɨma gepmaŋdetjak kaŋ, gak uŋun amɨn dɨma yɨpmaŋ detdɨsal. Amɨn kɨnda aŋpak kɨlegɨ aŋek gulusuŋni mɨni kaŋ, kobogɨ do yo tagɨsi gɨn aŋ ɨmdɨsal.
14157	PSA 18:27	Amɨn kɨnda aŋpak gwaljɨgɨ mɨni asak kaŋ, gak da aŋpakgo gwaljɨgɨ mɨni uŋun yolɨsal. Mani amɨn kɨnda aŋpak yokwi asak kaŋ, kakgɨmansi kaŋek kobogɨ ɨmɨsal.
14166	PSA 18:36	Yawe, gak da nak uwal da kɨsiron baŋ abɨdagɨl. Pasɨkgo nabɨ uŋun da manjigwan pasɨldat. Kɨsitnokon abɨdaŋaki tebai akdat. Aŋpulugosol, do mɨŋat amɨnyo da dabɨlon man madepno toŋ.
14171	PSA 18:41	Aŋaki uwal tobɨl manji namɨŋek pasal kɨwit. Amɨn dɨma galak taŋ namgwit uŋun wagɨl dapbo pasɨlgwit.
14174	PSA 18:44	Mɨŋat amɨnyo da uwal aŋ namgwit bɨsapmon, aŋpulugaŋaki dɨma aŋupbal awit. Aŋek Amɨn Ŋwakŋwarɨ Kabɨ dakon mibɨltok amɨni egɨpbeŋ do nak manjɨgɨl. Mɨŋat amɨnyo dɨma nandaŋ yomgum, abɨsok nak da yoŋgamgwan ekwaŋ.
14185	PSA 19:4	Teŋteŋɨ gat pɨlɨn tuk gat gen kagani mɨni, do gen arɨpmɨ dɨma yonjil. Nin da uŋun bamot dakon tekni dɨma nandamaŋ.
14186	PSA 19:5	Mani uŋun da mɨktɨm amɨn morap kɨsi yoyɨŋ dekgamal. Geni kɨŋ mɨktɨm morap kɨsi arɨpmɨ asak. Kundukon Piŋkop da gɨldat do ɨmal yut kɨnda wɨtjɨgɨt.
14188	PSA 19:7	Gɨldat dabɨl uŋun kundu dakon dɨwarɨkon da altaŋ wɨŋek terɨ kɨnda kɨsak. Tedepnikon yo kɨnda arɨpmɨ dɨma pasɨljak. Piŋkop dakon geni uŋun wagɨl tagɨsi
14189	PSA 19:8	Yawe dakon nawa gen uŋun gwaljɨgɨ mɨni wagɨl tagɨsisi. Uŋun da egɨp egɨpnin paŋkaluk asak. Yawe dakon gen uŋun bamɨ taŋ taŋ akdaŋ gɨn, dɨma suŋ tokdaŋ. Uŋun da nandak nandakni mɨni amɨn paŋtagap aban nandaŋ kokwini tagɨsi amɨn dagoŋ.
14190	PSA 19:9	Yawe dakon geni tagɨsi uŋun abɨdaŋek but galaksi nandamaŋ. Yawe dakon gen tebani uŋun gwaljɨgɨ mɨnisi. Uŋun da nandak nandak tagɨsi nimɨsak.
14192	PSA 19:11	Yawe dakon geni da gol morapmɨ gwaljɨgɨ mɨni yapmaŋdak, do nin uŋun do madepsi galak tomaŋ. Galagɨni madepsi da kabaŋ kok tamonikon da moŋ uŋun dakon galagɨni yapmaŋdak.
14195	PSA 19:14	Ae uŋun gɨn dɨma, aŋpak yokwi yaŋ dɨno nandaŋek dɨma abeŋ do oman monjɨgo kɨlano aki. Kwen wɨgɨk aŋpak da nak dɨma abɨŋ nepjak do nandɨsat. Nak kɨlegɨsi egek yokwi madep dɨma abeŋ do nandɨsat.
14201	PSA 20:5	Piŋkop da yo morap galak tosol uŋun gamjak, ae pi morap ak do nandɨsal uŋun da aŋpulugaŋakwan arɨpmɨ tagɨ abi dosi nandɨsat.
14203	PSA 20:7	Abɨsok nak nandɨsat. Yawe da kɨla amɨn madepni iyɨ manjɨgɨt aŋpulugosok. Uŋun Kwen Kokup kokupni tagɨsikon egek bɨsitni nandɨsak. Iyɨ da tapmɨmon aŋpulugaŋek uwalni da kɨsiron naŋ abɨdosok.
14213	PSA 21:7	Gak da yo tagɨsi dagok dagogɨ mɨni aŋɨmɨŋ wɨgɨkdɨsal. Gak uŋun da kapmatjok egɨsal, do kɨsɨk kɨsɨk madepsi nandɨsak.
14216	PSA 21:10	Kɨndap madep da yo sosoŋ, uŋun da tɨlak noman altosak bɨsapmon uwalni dapban pasɨldaŋ. Yawe da butjap nandaŋ yomɨŋek pabɨŋ yopmaŋakwan kɨndap da soŋ yomɨŋ mudokdaŋ.
14217	PSA 21:11	Kɨla amɨn madep da uwalni dakon monjɨ gwayoni kɨsi morap dapban kɨmak mudokdaŋ. Aŋakwan monjɨ gwayoni mɨktɨmon saŋbeŋek dɨma egɨpdaŋ.
14222	PSA 22:2	Piŋkopno, Piŋkopno, nido nipmaŋ dekgɨl? Iyoŋ iyoŋ yaŋapbo nido dubagɨkon egek jɨgɨkon naŋ dɨma aŋpulugosol?
14226	PSA 22:6	Gak do yaŋ tɨdaŋba jɨgɨkon baŋ pulugagɨl. Nandaŋ gadaŋ gamɨŋakwa paŋpulugagɨl, do nandaŋ gadatni uŋun ɨsalɨ dɨma agɨt.
14227	PSA 22:7	Mani nak amɨn dɨma, nak waleŋ yombem yo ɨsalɨ. Amɨn morap da nandaba yokwi tok aŋnamɨŋek manji namaŋ.
14229	PSA 22:9	Aŋek yaŋ yoŋ, “Yawe da aŋpulugosak do nandaŋ gadaŋ ɨmɨsak, do yum kaŋakwa uŋun da jɨgɨkon baŋ pulugaŋ yɨpjak. Yawe do madepsi galak taŋ ɨmɨsak, do yum kaŋakwa aŋpulugosak.”
14234	PSA 22:14	Laion da joŋ kɨlap nok do yaŋ tɨdaŋek gen kagani aŋtaŋ kwaŋ, uŋudeŋ uwalno da nak aŋupbal ak do aŋ.
14237	PSA 22:17	Amɨn yokwi da nak pɨŋan da yaŋ aŋgwasaŋ. Aŋek kɨsit kandapyo nokon ɨnjɨŋba geni da gɨptɨmnogwan pɨgeŋ.
14238	PSA 22:18	Kɨdatno kɨsi noman taŋakwa tagɨ manjɨkeŋ. Uŋun da nak da yokwi tat uŋun kaŋek kɨsɨk kɨsɨk aŋ.
14242	PSA 22:22	Laion da gen kaga ae joŋ bulmakau da jomon baŋ pulugaŋ nepbi.
14245	PSA 22:25	Nido jɨgɨ madepsi paŋ amɨn manji dɨma yomɨsak. Tepmɨ jɨgɨyo paŋ amɨn uŋun do nandaban yo ɨsalɨ dɨma asak. Uŋun manji dɨma yomɨsak. Paŋpulugosak do yaŋ tɨdaŋba bɨsitni nandaŋ yomɨsak.
14247	PSA 22:27	Bupmɨ amɨn jap arɨpmɨsi naŋ tugokdaŋ. Ae Yawe wɨsɨŋ kokdo pi aŋ amɨn uŋun da mani aŋkɨsikdaŋ. Piŋkop da paŋpulugaŋban dagok dagogɨ mɨni butni tagɨsi taŋ aŋaŋ wɨgɨkdɨsak.