23374	MAT 6:23	Per belati cayunu ni ná mal, iduibte xcuerpu ná zec rut nacay, ¡zecpacza lúltmɨ rut nacay!
23377	MAT 6:26	Gulguiaa de maniin ni candza llayabaa. Niclɨ quɨt rundem dzɨɨny lo guiix niclɨ quɨt rteedem de guelnazaac, niclɨ quɨtti lizdem rut chuchuu guelnazaac, per Xtadnɨ Dios ni rbez llayabaa rguaad ni godem. ¡Latixcu laat mazru sactɨ que de maniin!
23381	MAT 6:30	Pur ningui, de cuanguiixcla anre rsuchuu Diosni masquɨ illí a náni par chaaicquini. ¡Latixcu laat, de bɨny ni gullieezy reldilaaz laany, quɨt iguaadny ni gacutɨ!
23396	MAT 7:11	Laaclat nát bɨnduld ne nántɨ rdeedtɨ ni rcaaz de lliintɨ, ¡latixcu Xtadnɨ ni rbez llayabaa quɨt inɨɨdxny de cos güen par de bniety ni rnaabni!
23412	MAT 7:27	Parzi chi riab nisguia ne reed nisroo ni rla tɨɨx yuuqui chiy rbíiga bi, ax rbebaan yuuqui. ¡Ne axt niclɨ quɨtru xo icubytiy!
23439	MAT 8:25	Chiy güecuaany de xpɨnny laany, raipdebny: —¡Dad, gucnébiu dunnɨ! ¡A dunnɨ acayaaiznɨ láani nis!
23440	MAT 8:26	Laany cuaibny lodeb: —¿Xínii cuenzi rdxibtɨ? ¡Xípalza gulliaaza reldilaaztɨ nare! Chiyru güesteny ax cun xtiidxny bcuezny bi ne nisqui. Hóracqui irate guridxí.
23549	MAT 11:21	—¡Probeenzactɨ de bɨny Corazín! Ne, ¡probeenzactɨ de bɨny Betsaida! Te pur belati láani guɨdx Tiro ne láani guɨdx Sidón niac de milagrɨ ni guc ladxtɨ, gulal biecquideb cun Dios, ne zacuzadeb lady ngas chiy sdaaibza dé quiadeb zec tuby seny dec rialaazdeb pur de xtulddeb.
23592	MAT 12:34	¡Per laat zecpacza de béeld vivtɨ! ¿Xólesa iniit ni ná güen ne quesentiand mal nát? Te pur desdɨ láani lazdoo bniety rdiia ni rdiia ruu bniety.
23709	MAT 15:7	¡Runzit dec nabánytɨ xnezni! Didxldíquɨy ni gunii profet Isaías pur laat chi guniib:
23745	MAT 16:4	¡De bɨny mal! Quɨt xi reldilaaztit ax rnaabtɨ gúna tuby milagrɨ, per quɨtru xi iniátit quesoltisy zec ni gudeed Jonás. Chiyru bsáanac Jesús laadeb, zégacny.
23749	MAT 16:8	Jesús gucbeeny xi caniideb ax raipny laadeb: —¿Xínii rniit dec quɨt caat guechtily? ¡Xípalza gulliaaza reldilaaztɨ!
23763	MAT 16:22	Chiy güené Bed laany tuby lad, ax raipbɨ laany: —¡Dios quɨt cuelaazny laabiu, Dad! ¡Laany quɨt cuelaazny laabiu teedbiu ziy!
23773	MAT 17:4	Chiy raipy Bed Jesús: —Dad, ¡xípalza güenza né dunnɨ zuguaan rurén! Belati rcaazbiu idxannɨ chon ranchiin, tubyni par laabiu, stubyni par Moisés chiy stubyni par Elías.
23786	MAT 17:17	Chiyru cuaby Jesús: —¿Xípalza laat de bɨnduld niy quɨt reldilaaztɨ nare? ¡Xátidxaza rquiiny suguanía laat ne xátidxa güelaaznía laat! Gultané bniinquɨ rurén.
23803	MAT 18:7	¡Rniaczaquɨng par bniety guɨchliu nuu zienzi ni run, run bniety duld! Nuupac de malquɨ lo guɨchliu, ¡per probllɨza ná bniety ni cugueeu stuby bniety par gún duld!
23904	MAT 21:9	Zeclɨ de bniety ni zanɨɨdy ne zeclɨza de ni zanald rbɨxtiadeb: —¡De diidx zaac ná par Lliin rey David! ¡Dichos ni zéed pur Dios! ¡Xtiosten Xtadnɨ Dios, laany ni rbezny llayabaa!
24004	MAT 23:17	¡Per xípalza tont nát, dxíidxaza lot! ¿Ta quɨt racbeet dec pur yudooqui ningui biacldee orqui?
24011	MAT 23:24	Rcaaztɨ iliuut bniety ne niclɨ laat quɨt gántɨ, ax rcualot quɨt gúntɨ de cos ni quɨt cuenzi náti duld, per quɨt runtit xgab pur de duldroo ni runtɨ. Na xtiidx bniety: ¡Xípalza rcualot quɨt gaibtɨ begueg, ne rabiactɨ camey!
24019	MAT 23:32	Anre, ¡gulchalaa gulgaany ni rieedx niun de to xpɨngul gulaltɨqui!
24024	MAT 23:37	Ziyza gunii Jesús: —¡De bɨny Jerusalén, de bɨny Jerusalén, laat rguinxút de profet ne rcuaat guia de bniety ni zéed pur Dios! ¡Zienzi güelt bcaaza nichasaa laat zec ni rchasaa bɨdy de lliinmɨ láani xiilmɨ, per quɨt ni nátit!
24045	MAT 24:19	¡Probza de gunaa ni amer icáa bdoo ne de gunaa ni acaaza bdoo láani de dxiqui!
24147	MAT 26:24	Didxldíquɨy nare Bniety ni bxiaald Dios ná par teda zec ni rnii lo xquiits Dios. Per, ¡probllɨza ná bniety ni gún entriagu nare! Par laab güenru quɨt níiutib lo guɨchliu.
24191	MAT 26:68	raipdeb laany: —Belati liúy Crist, ¡guniyáa túy btaaz liú!
24202	MAT 27:4	raipbɨ laadeb: —Abaania duld pur ni baania entriagu tuby bniety ni quɨt xi duldti nap. Chiy cuaibdeb lob: —Ruy quɨt xi riáldtin, ¡niy aríianiy pur liú!
24309	MRK 1:25	Chiy gudildné Jesús bɨndxabqui raipniy: —¡Dxichgaruu! ¡Bdiia láani bnietquɨ!
24311	MRK 1:27	Irate de bniety ni zuguaa ruy rdxalodeb ne rnabdidxsaazadeb: —¿Xi cosquɨ ningui laany irɨnquɨ caliuuny dunnɨ? Ne, ¡quesentiandza napny guelrnabee, axt de bɨndxab rcuadiag xtiidxny!
24612	MRK 9:5	Chiy raipy Bed Jesús: —Maistrɨ, ¡xípalza güenza né dunnɨ zuguaan rurén! Te par idxannɨ chon ranchiin, tubyni par laabiu, stubyni par Moisés, chiy stubyni par Elías.
24681	MRK 10:24	De xpɨnny rdxalodeb pur de xtiidxny. Per Jesús gubíi raipny laadeb: —De lliinia, tuby ni zenelaaz de xixtenni, ¡nagánquɨza par yiiub lo guelrnabee xte Dios!
24718	MRK 11:9	Chiy zeclɨ de bniety ni zanɨɨdy ne zeclɨza de bniety ni zanald rbɨxtiadeb: —¡Xtiosten Dios! ¡Dichos ni zéed pur laany!
24719	MRK 11:10	¡Dichos ni zéed inabee zectiziac to xpɨngulnɨ rey David! ¡Xtiosten Xtadnɨ Dios, laany ni rbezny llayabaa!
24803	MRK 13:17	¡Probza de gunaa ni amer icáa bdoo ne de gunaa ni acaaza bdoo láani de dxiqui!
24844	MRK 14:21	Didxldíquɨy nare Bniety ni bxiaald Dios ná par teda zec ni rnii lo xquiits Dios. Per, ¡probllɨza ná bniety ni gún entriagu nare! Par laab güenru quɨt níiutib lo guɨchliu.
25005	LUK 1:43	¡Dichos nare ningui zedtixlo xnan Dad Dios xtena nare!
25056	LUK 2:14	¡Xtiosten Dios ni rbez llayabaa, ne lo guɨchliu zuu guelnaldiulaaz par de ni cayun zec ni rdxalaazny!
25168	LUK 4:36	Iratedeb bdxibdeb ne bdxalozadeb ax guzulo raipdeb saadeb: —¿Xi de diidxquɨ? ¡Bnietré napbɨ guelrnaberoo ne rnabeeb de bɨndxab par rdiiadeb láani bniety!
25338	LUK 8:24	Chiyru güecuaanydeb Jesús, raipdeb laany: —¡Maistrɨ! ¡Maistrɨ! ¡A dunnɨ acayaaiznɨ láani nis! Chiyru güeste Jesús ax bcuezny bidux ne nisduxqui ax irate gulez ne guridxí.
25403	LUK 9:33	Chi gubicá de bnietqui rut zuguaa Jesús, chiy gunii Bed: —Maistrɨ, ¡xípalza güen zuguaan rurén par idxannɨ chon ranchiin, tubyni par laabiu, stubyni par Moisés, stubyni par Elías! Per Bed niclɨ quɨt gánbɨ xiy caniib horqui.
25487	LUK 11:13	Laaclat nát bɨnduld ne nántɨ rdeedtɨ ni rcaaz de lliintɨ, ¡latixcu Xtadnɨ ni rbez llayabaa quɨt inɨɨdxacny Spíritu Sant par de ni rnaabny!
25514	LUK 11:40	¡La nadtɨ! ¿Ta quɨt gántɨ dec tubyzi Dios banchuu xcuerpɨn ne lazdoon?
25552	LUK 12:24	Gulguiaa de bloo. Niclɨ quɨt rundem dzɨɨny lo guiix niclɨ quɨt rteedem guelnazaac, niclɨ quɨtti lizdem rut chuchuu guelnazaac, per Dios rguaad ni godem. ¡Latixcu laat mazru sactɨ que de maniin!
25577	LUK 12:49	’Nare zelda lo guɨchliu zec tuby bal ne, ¡ójla nare acayac zec ni ná par gac!
25578	LUK 12:50	Nare teru ná par teda guelzii niy canuu naa ne, ¡quesentiand nalas rziienia desdɨ anre axtquɨ chi yalo gac zec ni ná par gac!
25584	LUK 12:56	¡Laat rniit tuby cos per quɨt runtit zec ni rniit! Laat nántɨ xi zelo de seny xte llayabaa ne xte lo guɨchliu, ne, ¿xínii quɨt racbeet xi zelo de cos ni cayac lo guɨchliu anre?
25621	LUK 13:34	’¡De bɨny Jerusalén, de bɨny Jerusalén, laat rguinxút de profet ne rcuaat guia de bniety ni zéed pur Dios! ¡Zienzi güelt bcaaza nichasaa laat zec ni rchasaa bɨdy de lliinmɨ láani xiilmɨ, per quɨt ni nátit!
25718	LUK 16:29	Per Abraham raipy laab: “Laadeb napdeb de guiits ni bcuaa Moisés ne de profet. ¡Güenru gúndeb cuend ni cá lo guiitsqui!”
25721	LUK 17:1	Jesús raipny de xpɨnny: —Nuupac de cos ni cugueegu bniety par gúnbɨ duld. Per, ¡probllɨza ná bniety ni cugueegu stuby bniety par gún duld!
25838	LUK 19:38	Laadeb guniideb: —¡Dichos rey ni zéed pur Xtadnɨ Dios! ¡Anuu guelrzaclaaz llayabaa! ¡Xtiosten Dios ni rbez llayabaa!
25918	LUK 21:23	¡Probeenza de gunaa ni amer icáa bdoo ne de ni acaaza bdoo láani de dxiqui! Te pur quesentiand guelzii teed de bniety ne quesentiand guroo castigu yáld de bɨnguɨdxqui.
25955	LUK 22:22	Per nare Bniety ni bxiaald Dios ná par teda zec ni a ná par teda. Per, ¡probllɨza ná bniety ni gún entriagu nare!
26022	LUK 23:18	Per iratedeb guzulo rbɨxtiadeb: —¡Gudinxúbiu bɨnquɨ! ¡Bldábiu Barrabás!
26025	LUK 23:21	per laadeb güelaaru gurɨxtiadeb: —¡Bcuaabiub lo cruzy! ¡Bcuaabiub lo cruzy!
26180	JHN 2:16	Chiy raipny de ni catóo palom: —¡Guldée deng ruc! ¡Quɨt runnét liz Xtada zec lo guee!
26662	JHN 12:13	chiy btiuudeb de lliiz ziny par güechalodebny, rbɨxtiadeb: —¡Dios cayacnény dunnɨ! ¡Dichos bniety ni zéed pur Xtadnɨ Dios ni ná Rey xte Israel!
26894	JHN 18:40	Chiy gurɨxtia irate de bniety Israelqui: —¡Laab quɨt ildátibiu! ¡Güenru bldábiu Barrabás! Ne Barrabásqui tuby gubaaniy.
26900	JHN 19:6	Chiy de bxoz ni rnabee de bxoz cun de ni rcualo yudoroo xte Jerusalén, chi gunádebny guzulo rbɨxtiadeb: —¡Bcuaabiub lo cruzy! ¡Bcuaabiub lo cruzy! Chiy raipy Pilat laadeb: —Laat gulchanéb dxa ne gulcuaab lo cruzy, te nare quɨt xi xfaltib rdxiala.
26906	JHN 19:12	Parzi desde horqui guzulo rguíily Pilat nez par íldab Jesús. Per de bniety Israelqui gurɨxtiadeb: —¡Belati ildábiub gati xmiguti rey César laabiu! ¡Te pur tutix ni rnii ná Rey, contrɨ rey Césariy runbɨ!
26909	JHN 19:15	Per laadeb gurɨxtiadeb: —¡Su gatybɨ! ¡Su gatybɨ! ¡Bcuaabiub lo cruzy! Chiy raipy Pilat laadeb: —Per, ¿ta icuáa rey xtentɨ lo cruzy? De bxoz ni rnabee cuaibdeb: —Quɨtllɨru tu Reyti rdxambeen. Tubyzi rey César rdxapnɨ.
27589	ACT 16:37	Per Pablɨ raipbɨ de suldadqui: —Dunnɨ legítmɨ bniety Roma dunnɨ, ne btaazdeb dunnɨ nez lo bɨnguɨdx. Niclɨ quɨt nisaandeb nideednɨ cuenddeb, ax guluudeb dunnɨ láani lizguiib. Ne anre, ¿ta ildáleizdeb dunnɨ dxiga? ¡Quɨt chaleetiy! Su guedldéedeb dunnɨ laapacdeb.
28183	ROM 7:24	¡Laistmɨ naa! ¿Túlesa lá ni ílda nare lo castigu ni riálda pur de duld ni runa zec bɨnguɨchliu ni naa?
28184	ROM 7:25	¡Per xtiosten Dios dec pur Xtadnɨ Jesucrist agulaa lo castiguqui! Te pur masquɨ xgaba ná gúna púrzipac zec ni rnabee Dios, per zec bɨnguɨchliu ni naa ax ruupac chi run duld gan nare.
28237	ROM 9:14	Anre, ¿ladxa pur ziy ax iniin dec Dios quɨt runtiny zec ni riáld? ¡Per gati ziytiy!
28274	ROM 10:18	Ne, ¿tatix gady chúu chi guindiag bnietni? ¡Per nare rniia dec abindiagdebni! Te pur lo xquiits Dios rnii: Iduibgabiite lo guɨchliu abrɨɨch diidx pur Dios ne axt lúltmɨ rut ná xgaats abindiagdeb pur laany.
28289	ROM 11:12	Anre belati pur ni quɨt rcuadiag de bniety Israel diidx ax blliúni par yáld iraru bɨnguɨchliu de guelnazaac xte Dios, belati pur ni rcuanaadeb ni rcaaz Dios gúndeb, blliúni par gap de ni quɨt ná bniety Israel perdón ax, ¡tal llɨza mazru nasaa gunldee Dios quia bniety chi sigueld de bniety Israel gúndeb zec ni rcaaz Dios gúndeb!
28301	ROM 11:24	Te pur liúclu ni quɨt noo bniety Israel, liú ni caniin noo zec tuby lliiz yag oliv guiix güelee gucu tubyzi cun oliv zaac ni caniin ná de bniety Israel ax, ¡latixcu de bniety Israel ni quɨt rcuadiag xtiidx Dios quɨt ibíi gacdeb tubyzi cun iraru de saa bniety Israeldeb, belati laadeb icuadiagdeb xtiidxny!
28310	ROM 11:33	¡Quesentiandquɨza guroo ná guelnán, guelracbee ne guelnazaac xte Dios! Ruteete quɨt tu chaleeti gacbeldípac xa ná xgab Dios o de ni cayunzacny,
28370	ROM 14:22	Masquɨ belati liú nánnu dec xíteete náti iquiiny bniety nitisy, per güenru liúiscu cun Dios quɨt gúntiu juers de soo pur ziy. Nare rniia dec, ¡xíclabaa bniety ni rquiiny nitisy sin quɨt runtioplaaztib!
28431	ROM 16:27	Anre Dios, laany ni nánny irairate, ¡zaibgueldpac idxapnɨ didxdoony iduibtiampte pur Xtadnɨ Jesucrist! Amén.
28538	1CO 6:3	¿Ta quɨt gántɨ dec axt lo de ánglɨ xte Dios teru idxapnɨ guelgurtisy? ¡Ax axtemás zelee ibexneznɨ ni cadeednɨ lo guɨchliuré!
28550	1CO 6:15	Gulgacbee dec tubyzi anát cun Crist, digapacza choniin xcuerpɨn a ná tuby ldaa xcuerpɨ Crist. Ne chiy, ¿ta icáan xcuerpɨ Crist ni caniin ná xcuerpɨn par chonan tuby gunaadxab? ¡Quɨt chúuti dxi ná par gac ziy!
28624	1CO 9:16	Xíteete quɨt rzubyaatia nare pur caseeda de bniety de didxzaac xte Jesucrist, te pur mandadpacqui abiálda. ¡Ne prollɨza naa belati quɨt iseeda de didxzaacqui de bniety!
28690	1CO 11:22	¿Ta quɨt liztɨ rut iquiintɨ ne guéet zectisy ni rcaaztɨ? O, ¿ta quɨt rcaaztɨ iraru de sanireldilaaztɨ xtiidx Dios ningui rsanxtiut de prob ni quɨt xi nap? Anre, ¿ta rcaaztɨ saclaaznía laat pur ziy? ¡Per zectipac ni cayuntɨ, quɨt xo iniitia laat dec güenquɨ cayuntɨ, pur ni quɨt cayuntit zec ni bseeda laat!
28755	1CO 14:9	Anre ziyzaquɨy laat belati ininét bniety cun diidx ni quɨt racbeedeb, ¿xólesa gacbeedeb xiy rniit? ¡Nalaazquɨt lagacquɨ laatɨy caguenét diidx!
28866	1CO 16:22	Belati nuu bniety quɨt rcaaztib Xtadnɨ Jesucrist, laab ariáldbɨ castigu xte Dios. ¡Xtadnɨ Jesucrist ziub gueedny!
28917	2CO 3:8	Belati chi beedcla leyqui guc ziy, anre, ¡mastecru nasaa ná guindiag bniety pur nez cuby ni rliuu Spíritu Sant anap bniety par cun Dios!
28918	2CO 3:9	Te pur chi beedcla ley ni zédne castigu par bniety, quesentiand nasaa cun tuby guelrcuabcháa beedni, anre, ¡mastecru quesentiand nasaa ná guindiag bniety xa xquel gacníadeb nez lo Dios par gapdeb nez cun laany!
28986	2CO 7:2	¡Gulgac güen cun dunnɨ! Dunnɨ xíteete gady xi idxannétin laat, gady xi malti ne gady xi enganyti idxannɨ laat.
29039	2CO 9:15	¡Xtiosten Dios pur ni abguaadny dunnɨ pur Lliinny axt niclɨ quɨt rdxialnɨ xa iniin pur ziy!
29058	2CO 11:1	Anre, ¡Ójla güelaaznét nare cun tuby tiop xgab ni quɨt inianlaaz xtena! Per nare rniia gulgüelaazni.
29103	2CO 12:13	Irate zectisy ni abaania cun de saniroldilaaznɨ Jesucrist de rut aguaa, abaanzaca cun laat. Ni quɨt baantizia cun laat ná dec quɨt gunaabtia niacnét nare niaca guelnabány lalzi ni guzuguaníaa laat. Per belati bsacluaa laat pur ziy ax, ¡gulgaany perdón nare!
29129	GAL 1:5	Pur ningui, ¡zaibgueldpac idxapnɨ didxdoony iduibtiampte! Amén.
29170	GAL 3:1	¡Xípalza quɨt inianlaaztɨ, de bɨny Galacia! ¿Tú bcuay xquelrientɨ? Negu chi bseednɨ laat, nez lot bdixteen xi par guty Jesucrist lo cruzy.
29209	GAL 4:11	Cuantsi rdxibia pur laat te, ¡tuguanla gadyquɨ bseed xlieezia laat!
29218	GAL 4:20	¡Belrulati zuguaníaa laat te par ininépaca laat, per ziy anre niclɨ quɨt ganna xa gúna cun laat!
29241	GAL 5:12	¡Ójla irate de ni run storbɨ laat dec ná par chúut seny, güenru su itiuudeb lagac laadeb!
29529	PHP 4:20	Ne pur guelrnabee ni nap Xtadnɨ Dios, ¡zaibgueldpac idxapnɨ didxdoony iduibtiampte! Amén.
29871	1TI 6:16	Laany ni quɨt chúuti dxi gatyny, laany ni rbezny rut mazru nanieeny rut quɨt tu chaleeti ibii. Nic tuby bniety guɨchliu gady iniáti laany ne quɨtza xo iniátidebny. ¡Par laany ná didxdoo ne guelrnabee par chazy! Amén.
29955	2TI 4:18	Ne Xtadnɨ Jesucrist, laany íldany nare lo irate mal, laany icualony nare axtquɨ chi idzɨny dxi ni idzɨnia rut canabeeny llayabaa. ¡Par laany ná didxdoo iduibtiampte ne par chazy! Amén.
30231	HEB 10:31	¡Ax quesentiand cuendroo ná yáld bniety castigu xte Dios ni rbeznabány!
30329	HEB 13:21	laany gacnény laat par irate ni ná güen te par chalee gúntɨ zec ni rcaazny. Laany gacnény dunnɨ par gacnɨ zec ni rcaazny pur ni anan tubyzi cun Jesucrist ax, ¡zaibgueldpac idxapnɨ didxdoony iduibtiampte! Amén.
30422	JAS 5:1	Anre, ¡gulcuadiag laat de ricu! Gulguun ne gultɨxtia pur de guelzii ni zedguaald par laat.
30607	2PE 3:18	Güenru gulgaany pur gumbeerupactɨ Xtadnɨ Jesucrist ne guelrcaaz xtenny, laany ni gudillyny pur de xtuldnɨ. Ax, ¡zaibgueldpac gap bniety didxdoony iduibtiampte! Amén.
30751	JUD 1:11	¡Laistmɨ laadeb! Zenuudeb xnez Caín, rundeb pur mɨly zec ni baany Balaam pur mɨly, ax sdeeddeb zec ni gudeed Coré chi bcaazbɨ ninabeeb lo Moisés.
30772	REV 1:7	¡Gulgacbee dec teru gueedny láani de zá! Irate bniety iniá laany axt de ni gunaab gatyny iniá laany, ne irate bɨnguɨchliu quesentiand guundeb chi iniádebny. Niy ná didxldí. Ziy ná ni gac.
30971	REV 12:12	Pur ningui, gulchuzaclaaz iratectɨ ni rbeztɨ llayabaa per, ¡probzactɨ laat ni rbeztɨ lo guɨchliu ne lo nisdoo! Te pur abiat bɨndxab rut rbeztɨ, quesentiand cadxiichbɨ pur nánbɨ dec astuudxzy dxi ríian par laab.
31079	REV 18:17	te pur, ¡tibyratsi gunitlo irate de guelnazaacqui! Irate de ni re láani barcu, ziyza irate de capitán xte de barcu, irate de mariner ne irateru de ni run dzɨɨny lo nisdoo, zit guzudxideb
31081	REV 18:19	Chiy bslodeb yiu quiadeb, ruundeb ne nalas guelzii bziiendeb ax guniideb: —¡Prob! Probza ciudaroo rut biac ricu irate de bɨny negocy ni nap barcu pur guelricu xte ciudaqui te pur, ¡tibyratsi gunitloni!
31087	REV 19:1	Chi gudeed gunáa ne bindiaga ziy, chiyru diipguilliú bindiaga rsee zienguilliú de ni canii llayabaa, laadeb rniideb: ¡Xtiosten Dios! Pur Xtadnɨ Dios zéed perdón, didxdoo ne guelrnabee.
31090	REV 19:4	Ax irate galdbitap de bɨngul cun idapte de many ni nabányqui guzullibdeb nez lo yallily xte Dios rut zubny canabeeny par btodebny, guniideb: —¡Xtiosten Dios! ¡De diidx zaac ná par laany!
31092	REV 19:6	Ziyza bindiaga zec chi ríeny rsee bniety guilliú, o zec chi rubi de nisroo, o zec chi cuenzi juers rnii de guziuu, rniideny: ¡Xtiosten Dios! Te pur acanabee Xtadnɨ Dios, laany ni napny irate guelrnabee.