23243	MAT 2:5	Chiy laadeb guniideb: —Láani guɨdx Belén tuby guɨdx xte Judea, te pur ziy gunii profet chi guniib:
23246	MAT 2:8	Ax bxiaaldbɨ laadeb Belén, raipbɨ laadeb: —Gulchia ruy, chiy gulgacbezaac irate pur bdooqui. Ne chi abdxialtɨby, gultixtee luaa te par chalee chatozacaby.
23263	MAT 3:2	ax guniib: —Gulyialaaz pur de xtuldtɨ te pur abdzɨngax guelrnabee xte Dios.
23275	MAT 3:14	Per gulo quɨt rcaaztib itiubnisbɨ laany, raipbɨ laany: —Laabiuy riáld itiubnisbiu nare, gati naretia itiubnisa laabiu.
23276	MAT 3:15	Chiy raipy Jesús laab: —Bsaan su chagac ziy, te pur mazru güen idxannɨ irate zec ni rnabee Dios. Chiyru guzigueld Juany btiubnis laany.
23278	MAT 3:17	Chiy bíeny rsee ni gunii desdɨ llayabaa: —Laabɨy llingaana ni quesentiand rcaaza ne ni quesentiandza rzaclaaznía.
23281	MAT 4:3	Ax güegaany bɨndxab prueb laany, raipiy laany: —Belati guldípacu noo Lliin Dios, gunabee gac de guiaré guechtily.
23282	MAT 4:4	Per Jesús cuaibny: —Lo xquiits Dios rnii: “Gati púrzi pur guechtilti ibány bniety sino que néza pur irate de diidx ni rnii Dios.”
23284	MAT 4:6	raipiy laany: —Belati guldípacu noo Lliin Dios, biab desde ruc axtquɨ niguét, te pur lo xquiits Dios rnii: Dios sxiaaldny de ánglɨ xtenny par icualodeny liú. Sldiasdeny liú cun naadeny par quɨt gunna guia niiu.
23285	MAT 4:7	Jesús cuaibny: —Ziyza rnii lo xquiits Dios: “Quɨt gúntiu prueb Xtadu Dios.”
23287	MAT 4:9	ax raipiy laany: —Nare inɨɨdxa liú irate ndé, belati sullibiu luaa ne itoo nare.
23295	MAT 4:17	Desde chiy guzulo bliuu Jesús xtiidx Dios de bniety, raipny laadeb: —Gulchu zec ni nabánytɨ te pur abdzɨngax guelrnabee xte Dios.
23297	MAT 4:19	Chiy raipy Jesús laadeb: —Gulsanald nare, te iseeda laat xa xquel gúntɨ par itoptɨ bniety xlat ni inaaztɨ beld.
23306	MAT 5:3	—Xíclabaa de bniety ni racbee dec rquiinpacdeb guelgucné xte Dios, te pur ziálddeb rut canabeeny.
23418	MAT 8:4	Chiyru raipy Jesús laab: —Bcuadiag ni iniia liú. Quɨt tu chagaiptiu dec abiacu. Lo bxozzi güeliuu liú, ne güené ni riáld chaníu lo Dios zec ni gunii Moisés, par gacbee irate bniety dec abiacu.
23421	MAT 8:7	Chiy cuaby Jesús lob: —Nare chasiacab.
23424	MAT 8:10	Chi bindiag Jesús ziy, quesentiand bdxalony pur de xtiidx capitánqui ax raipny de bniety ni zanald laany: —Rguixtiia lot, per niclɨ Israel gady idxialtia tuby bniety ni quesentiand reldilaaz Dios zec ni reldilaaz bnietquɨ Dios.
23427	MAT 8:13	Chiyru raipy Jesús capitánqui: —Quebiabiu lizbiu, ne su chagac zec ni agüeldilaazbiu. Ax hóracqui biac xmos capitánqui.
23434	MAT 8:20	Ax raipy Jesús laab: —De begu nuu xcuevdem, ne de maniin nuu xpitiaazdem. Per nare Bniety ni bxiaald Dios quɨt naptia niclɨ rut quixquiaa.
23436	MAT 8:22	Per Jesús raipny laab: —Quedanald nare, bsáan xtadu cun de bniety ni quɨt rcaaz sanald nare.
23445	MAT 8:31	ax banlas de bɨndxabqui lo Jesús: —Belati cuéebiu dunnɨ, bsaanbiu idxúun láani de cuchre.
23450	MAT 9:2	Ruy güené de bniety tuby bniety nguiu ni aguty tɨɨxni, nágaab lo daa xtenbɨ. Chi guná Jesús dec laadeb reldilaazdeb laany ax raipny bniety racxúqui: —Guzaclaazu llingaana. Abaania perdón de xtuldu.
23457	MAT 9:9	Chi bdiia Jesús ruy, deni zény ax gunány tuby bniety nguiu ni lá Madeu. Laab zubbɨ rut runbɨ cobrɨ xte de impuest, ax raipny laab: —Guzanald nare. Chiyru güesú Madeu zenaldbɨ Jesús.
23460	MAT 9:12	Chi bindiag Jesús xi caniideb, ax cuaibny: —De bniety ni nazaac ne ni nadaan quɨt xi lieedxti racdeb doctor sino que de bniety ni racxú, laadebɨy raclieedxdeb doctor.
23463	MAT 9:15	Jesús cuaibny lodeb: —Rut rac tuby saa, ¿tatix ruu de bioos nalas chi zuguané bíiny laadeb? Per teru idzɨny dxi ni ibicá bíiny, chiyru icuuandeb.
23466	MAT 9:18	Lalzi ni canii Jesús ziy, bdzɨny tuby bniety ni rnabee laniudoo xte de bniety Israel, ax guzullibbɨ lo Jesús, raipbɨ laany: —A llindxaapa téstepac guty. Per belati laabiu gueedbiu izubnaabiu quiaby ax sbíi ibányby stuby.
23470	MAT 9:22	Per Jesús gubiecquiny, ax gunány gunaaqui chiy raipny laab: —Guzaclaazu llindxaapa. Abiacu pur ni güeldilaazu nare. Parzi hóracqui biacbɨ.
23472	MAT 9:24	Chiy raipy Jesús laadeb: —Guldiia láanquɨ. Dxapeenquɨ quɨtllɨ gutytiby, raaissiby. Parzi blliznédeb laany.
23477	MAT 9:29	Chiyru bguaald Jesús bslodeb, raipny laadeb: —Su chagac zec ni reldilaaztɨ.
23478	MAT 9:30	Chiy guzulo rianlodeb, ax raipny laadeb: —Quɨt tu gaiptit xa guc bianlot.
23481	MAT 9:33	Ne cuantpac gulée Jesús bɨndxabqui láani gúpqui, ax guzulo rniib. Parzi quesentiand bdxalo de bniety ne guniizadeb: —Gady chúuti dxi inián saa milagrɨc nez Israelré.
23482	MAT 9:34	Per de fariseu guniideb: —Bnietquɨ rbéeb de bɨndxab láani de bniety pur lagac guelrnabee xte bɨndxab ni rnabee lo de bɨndxab.
23491	MAT 10:5	Anste ni ixiaald Jesús irate tsɨbtiop xpɨnny, laany raipny laadeb: —Quɨt chiatit nez rut rbez de ni quɨt ná bniety Israel, niclɨza de guɨdx Samaria
23532	MAT 11:4	Chiy raipy Jesús laadeb: —Gulchia chiy gultixtee lo Juany ni caguiaat ne ni caguindiagtɨ.
23553	MAT 11:25	Láani de dxiqui Jesús guniiny: —Nare rzubyaa laabiu, Xtada, Dad ni rnabee llayabaa ne lo guɨchliu, te pur abliuubiu de bniety ni quɨt xi gán de cos ni bcuaatsbiu lo de ni nán ne de ni racbee.
23560	MAT 12:2	Parzi chi guná de fariseu ni cayundeb, ax raipdeb Jesús: —Bguiaabiu de xpɨnbiu caniábiu, adeb cayun ni quɨt riáld gúndeb dxi ni rzilaaz bniety.
23569	MAT 12:11	Chiy cuaby Jesús lodeb: —Belati laat naptɨ tuby llíily ne chiy yabmɨ láani bzia dxi ni rzilaaz bniety ax, ¿tatix quɨt cuéetmɨ dxiqui?
23571	MAT 12:13	Chiyru raipy Jesús bniety ni ná naani ziy: —Bldí noo. Ax bldí bnietqui naani ne hóracqui guczaac naab, biianni zecac stuby ladni.
23582	MAT 12:24	Chi bindiag de fariseu ziy ax guniideb: —Bnietquɨ rbéeb de bɨndxab láani de bniety pur lagac guelrnabee xte Beelzebú ni rnabee lo de bɨndxab.
23583	MAT 12:25	Per Jesús cun nánnacny xa cayundeb xgab, ax raipny laadeb: —Irate naciony o ciudaza rut ná bɨny tiop cuaa pur didxguidx, rlasaapacdeb ne ziyza rut ná tuby family tiop cuaa pur didxguidx, ziyza rlasaadeb.
23605	MAT 12:47	ax guu ni gudixtee lony: —A xnanbiu cun de betsbiu zuguaa detsquɨ, rcaazdeb ininédeb laabiu.
23607	MAT 12:49	Chiy ax rliunaany de xpɨnny guniigany: —De bnietré rac xnana ne de betsa.
23611	MAT 13:3	Ax zienzi ni guzulo bseedny laadeb per cun púrzi de cuend, raipny laadeb: —Tuby bniety bdiiab güecuaab biny lo lliab.
23624	MAT 13:16	’Per laat —raipy Jesús de xpɨnny— dichos laat caguiaat ni caguiaat ne caguindiagtɨ ni caguindiagtɨ.
23632	MAT 13:24	Jesús benény laadeb stuby cuend, raipny laadeb: —Guelrnabee xte Dios ná zec tuby bniety ni bcuaa nallzipac triguzaac lo lliani.
23639	MAT 13:31	Jesús benény laadeb stuby cuend, raipny laadeb: —Guelrnabee xte Dios ná zec tuby biny xte cuaan ni lá mostaza ni rbaaicqui bniety lo lliani.
23641	MAT 13:33	Ziyza bené Jesús laadeb cuendré, raipny laadeb: —Guelrnabee xte Dios ná zec levadur ni rguuch tuby bniety gunaa cun chon medid harin te pur masquɨ duudxzi levadurqui, per rzagui irate cubqui.
23644	MAT 13:36	Chi gulull guniné Jesús de bniety, ax biiuny laniuu cun de xpɨnny. Chiy raipdeb laany: —Guniibiu dunnɨ xi zelo cuend xte de cuandxab cun trigu.
23645	MAT 13:37	Chiyru raipy Jesús laadeb: —Bniety ni rbaaicqui triguzaacqui naa nare Bniety ni bxiaald Dios,
23660	MAT 13:52	Chiy raipy Jesús laadeb: —Irate de maistrɨ ni nán ley ne anre caseeddeb xa ná guelrnabee xte Dios, laadeb nádeb zec tuby ricu ni nán rbée cuby ne yiiux de lo irate ni napbɨ.
23665	MAT 13:57	Parzi quɨt niuntideb cuend Jesús. Per laany raipny laadeb: —Iranezte ráp bniety didxdoo tuby profet, per ladxbɨ quɨt tu rápti didxdoo laab niclɨza lizbɨ.
23668	MAT 14:2	Ax raipbɨ de xpɨnbɨ: —Juany Bautistiy agubány stuby. Ninguila napbɨ guelrnabee runbɨ de milagrɨ.
23670	MAT 14:4	te pur Juany raipbɨ Herodesqui: —Quɨt náti par cuezníu lagac chial betsu.
23674	MAT 14:8	Chiy dxaapqui xnanbɨ raipy laab xi inaabbɨ, ax raipbɨ Herodes: —Bnɨɨdxbiu nare quia Juany Bautist lo tuby plad.
23681	MAT 14:15	Chiguld guc gudxi, ax güebinuu de xpɨnny laany, raipdebny: —Agudxini ne quɨt tu rbezti nezquɨ. Gutsbiu de bnietquɨ aguld chiadeb, te par chiadeb de guɨdxiin rut chasiideb ni iquiindeb.
23682	MAT 14:16	Per Jesús cuaibny: —Quɨtllɨ rquiinti chiadeb. Laat guldeed ni iquiindeb.
23683	MAT 14:17	Chiy laadeb cuaibdeb: —Per dunnɨ gaayzi guechtily caan cunzi tiop beld.
23684	MAT 14:18	Chiy raipy Jesús laadeb: —Gultanéni ré.
23699	MAT 14:33	Ax de ni nuu láani barcuqui guzullibdeb lo Jesús, raipdeb laany: —Didxldícpacquɨy laabiuy Lliin Dios.
23712	MAT 15:10	Chiyru gurɨdx Jesús de bniety ax raipny laadeb: —Gulcuadiag ne gulgacbee ni iniia laat.
23715	MAT 15:13	Chiy Jesús cuaibny: —Irate ni quɨt zéed pur Xtada Dios ni rbez llayabaa, zuu chi nitloy.
23725	MAT 15:23	Chiy Jesús quɨt xi cuaibtiny. Ax gubii de xpɨnny rut zuguaany, raipdeb laany: —Baanbiu cuend gunaac ax gutsbiub chiab, te rbɨxtiatib zanaldbɨ dunnɨ.
23726	MAT 15:24	Chiy gunii Jesús: —Dios bxiaaldny nare par gacnía púrzi de bniety Israel ni zé nez mal.
23728	MAT 15:26	Jesús cuaibny: —Quɨt náti güen idzɨcá bniety guechtily lo lliinni par ideedbɨni de beecu.
23734	MAT 15:32	Jesús gurɨdxny de xpɨnny, ax raipny laadeb: —Rgáczaca de bnietquɨ, te pur aguc chon dxi zuguanédeb nare ne quɨt caatideb xi iquiindeb. Quɨt rcaaztia ixiaaldadeb lizdeb sin quɨt iquiindeb te quɨt gun yabxcaydeb lo nez.
23736	MAT 15:34	Jesús gunabdiidxny laadeb: —¿Béld guechtily caat? Laadeb cuaibdeb: —Gadz guechtily cun stuudx beld.
23743	MAT 16:2	Per Jesús cuaibny lodeb: —De gudxi chi rguiaat xnia llayabaa, ax rniit dec güen dxi gac illí te pur xnia llayabaa.
23747	MAT 16:6	Parzi chi raipy Jesús laadeb: —Gulcualo cun levadur xte de fariseu ne xte de saduceu.
23748	MAT 16:7	Chiy guzulo raipdeb de saadeb: —Laany guniiny dunnɨ ziy pur ni quɨt caatin guechtily.
23755	MAT 16:14	Laadeb cuaibdeb: —Nuudeb rniideb dec laabiu nábiu Juany Bautist. Nuuzadeb rniideb dec laabiu nábiu profet gulal ni bdialá Elías. Ne nuuzadeb rniideb dec laabiu nábiu profet gulal ni bdialá Jeremías o stuby de profet gulal.
23757	MAT 16:16	Chiy cuaby Simóny Bed: —Laabiu nábiu Crist, Lliin Dios ni rbez nabány.
23758	MAT 16:17	Ax raipy Jesús laab: —Dichos liú Simóny, llingaan Jonás, te pur gati bɨnguɨchliuti gunii liú xa iniiu sino que Xtada ni rbez llayabaa.
23765	MAT 16:24	Chiyru raipy Jesús irate de xpɨnny: —Belati nuu ni rcaaz gac xpɨnnia quɨt náti par gúnbɨ zec ni ná xgabbɨ, güelaazbɨ guelziitisy ni teedbɨ ne sanaldbɨ nare.
23774	MAT 17:5	Lalzi ni canii Bed ziy, biat tuby zá rcuabcháa ni bcuaa blda quiadeb, chiy láani záqui bíeny rsee tuby ni gunii: —Bnietré rac llingaana ni lá rcaaza, ne ni quesentiand rzaclaaznía. Gulcuadiag xtiidxbɨ.
23778	MAT 17:9	Ax lalzi cayiatdeb quia danyqui, raipy Jesús laadeb: —Quɨt tu chagüenétit diidx ni agunát, axtisy chi agubíi gubány Bniety ni bxiaald Dios.
23780	MAT 17:11	Jesús cuaibny: —Didxldíquɨy nidoote Elías gueed ne laab cuexnezbɨ irate.
23789	MAT 17:20	Chiy raipy Jesús laadeb: —Te pur laat gullieezy reldilaaztɨ nare. Rguixtiia lot belrulati guldípactɨ reldilaaztɨ ax masquɨ zeczipac tuby biny xte mostaza ná guelreldilaaz xtentɨ, zelee gaiptɨ danyré: “Quegubicá ruc, güesub stuby lat”, ne danyquɨ scuadiagni xtiidxtɨ. Quɨt xi niacti nagán par laat.
23791	MAT 17:22	Lalzi ni candzadeb de nez Galilea cun Jesús, laany raipny laadeb: —Nare Bniety ni bxiaald Dios, zaca entriagu laznaa de bɨny
23794	MAT 17:25	Bed cuaibbɨ: —Rguillylab impuest. Chiy chi biiu Bed laniuu rut zuguaa Jesús, nidoote laany guninény laab, raipny laab: —¿Xi rniiu Simóny? ¿Tú de rguilly impuest lo de rey xte lo guɨchliuré? ¿Ta de bɨnladxacdeb o de bɨnzít?
23795	MAT 17:26	Chiy cuaby Bed: —De bɨnzít. Chiyru gunii Jesús: —Chiy de bɨnladxdeb quɨt náti par quillydeb impuest.
23799	MAT 18:3	ax guniiny: —Rguixtiia lot belati laat quɨt yialaaztɨ pur de xtuldtɨ ne belati quɨt gactɨ zecpacza tuby bniniin, quɨt xo yiiutit lo guelrnabee xte Dios.
23818	MAT 18:22	Jesús cuaibny: —Gati gadz güeltsiti, axt pur gayuaa güelt ná par gúnu perdón tuby de soo.
23831	MAT 18:35	Chi gulull gunii Jesús ziy ax guniiny: —Anre ziyzaquɨy gunné Xtada ni rbez llayabaa laat belati quɨt guldípactɨ gúntɨ perdón de saat.
23839	MAT 19:8	Chiyru raipy Jesús laadeb: —Bsaanla Moisés gac ziy pur causɨ quɨt rcuadiagtɨ diidx, per gati ziyti ná ni rac desdɨ gulo.
23841	MAT 19:10	Chiy gunii de xpɨny Jesús: —Belati ziy ná guelguchnaa, güenru quɨt guchnaati bniety.
23842	MAT 19:11	Jesús cuaibny: —Gati irati bniety zelee gacbee ni caniia, sino que de ni aguudzi guelrieny par gacbeeni.
23845	MAT 19:14	Chiyru raipy Jesús laadeb: —Gulsaan guedná de bniniin nare, quɨtru rcuat. Te pur guelrnabee xte Dios ná par de bniety ni ná zec laadeby.
23847	MAT 19:16	Tuby bniety güeb rut zuguaa Jesús, chiy gunabdiidxbɨ laany: —Güen Maistrɨ, ¿xi de cos güen riáld gúna par gapa guelnabány par chazy?
23849	MAT 19:18	Chiy gunii bnietqui: —¿Xi de mandamient? Ax raipy Jesús laab: —Quɨt quinxútiu bniety. Quɨt náti par gapu stuby gunaa. Quɨt gactiu gubaan. Quɨt güeetiu dixú pur de bniety.
23851	MAT 19:20	Chiy raipy bnietqui Jesús: —Irate de cosquɨ cayuna desdɨ chi naa bichiin. Anre, ¿xiru rieedx gúna?
23852	MAT 19:21	Jesús cuaibny: —Belati rcaazu ibániu zec ni riáld nez lo Dios, quegüetóo irate ni napu chiy bdeed mɨlyqui de prob. Ziy xquel gapu guelnazaac llayabaa. Chiyru quedanald nare.
23854	MAT 19:23	Chiyru raipy Jesús de xpɨnny: —Rguixtiia lot dec quesentiand nagán par yiiu tuby ricu lo guelrnabee xte Dios.
23857	MAT 19:26	Jesús bguiaany lodeb ax guniiny: —Nagán gac ziy par bniety guɨchliu, per par Dios quɨt xi nagánti.
23858	MAT 19:27	Chiy raipy Bed Jesús: —Dunnɨ absáannɨ irate de ni rdxapnɨ par izanaldnɨ laabiu. ¿Xidxa idxáldnɨ?
23859	MAT 19:28	Jesús cuaibny: —Nare rguixtiia lot dec chi idzɨny dxi ni icuby irate, chi idzɨny dxi ni cuiaa nare Bniety ni bxiaald Dios lo yallily rut inabiia, chiy laat ni zanaldtɨ nare sbet lo tsɨbtiop yallily par gúntɨ guelgurtisy irate de ni zá lo tsɨbtiop family xte Israel.
23862	MAT 20:1	Ziyza raipy Jesús laadeb: —Guelrnabee xte Dios ná zec tuby bniety ni nap sroo guɨchliu. Chiy sidoote bdiiab zetíilybɨ mos par gún dzɨɨny lo lliab,
23879	MAT 20:18	—Laat nántɨ dec azoon Jerusalén. Ruy nare Bniety ni bxiaald Dios zaca entriagu lo de bxoz ni rnabee de bxoz ne lo de maistrɨ ni nán ley, chiy laadeb inabeedeb gatia.
23882	MAT 20:21	Ax raipy Jesús laab: —¿Xi rcaazu? Laab cuaibbɨ: —Nare rcaaza dec chi acanabeebiu chiy isiáldbiu tuby lliinia cue lad naldí xtenbiu, chiy stuby lliinia cue lad rbes xtenbiu.
23883	MAT 20:22	Per Jesús raipy laadeb: —Laat quɨt gántit xing rnaabtɨ. ¿Tatix zelee teedtɨ guelzii zec ni ná par teda? Laadeb guniideb: —Zeleela.
23884	MAT 20:23	Chiy cuaby Jesús: —Didxldíquɨy sdeedtɨ guelzii zec nare, per ni cuet lad naldí o lad rbesza xtena, gati naretia riáld inɨɨdxani laat, te pur laani a náni par de ni abcuabee Xtada Dios yáldni.