23218	MAT 1:5	Le' Salmón na, mblo xin' Rahab, xa'got Salmón. Ngóol thìb mbyòo co' ngro' lèe Booz. Booz na, mblo xin' Rut, xa'got Booz. Sya, ngóol thìb mbyòo co' ngro' lèe Obed. Obed na, ngòc xud thìb mbyòo co' ngro' lèe Isaí.
23327	MAT 5:24	sya, lá' gu' ofrend gu'a loo mes par ner ya gu', ya tàl gu' loo di's no loo cuent loo chol hues gu' no loo chol xtàa gu' co' ndxàc con' ye'rsin' loo. Sya, bere gu', ye'th gu' co'te' ndoo mes. No gab gu' loo Diox: Ofrend nu' ndxè', Tad Diox.
23375	MAT 6:24	Cona, ngue niin loo gu' tedib vez: Yende chó moz nzo co' li zin' loo chop patrón. Tac chele' moz li preb li moz zin' loo chop patrón, sya, yòo xyàn lezo' moz ñèe moz thìb patrón. Le' tedib patrón na, más huen tyac lezo' moz ñèe moz patrona. O bien, más altant tyoo moz loo thìb patrón. Le' loo tedib patrón na, yecloo moz. Cona, ngue niin loo gu': Yende mod li mèn sirv loo Diox chele' mèn más ndxath ndlyux loo cón che'n yalgon' che'n izlyo' ndxè'.
24324	MRK 1:40	Ned nque tee Jesús, ngo thìb mbi' làth mèn. Mbi'a mque no thìb yíiz ndxa's co' nteya's no co' nteyèe yid lad mèn. Mbii gax mbi'a loo Jesús. No mdub xib mbi' loo Jesús. Ndxab mbi' loo Jesús: ―Tad, U' anze'f ndxác nteyac chol yíiz co' ndxàp mèn. ¡Oj li U' favor tembìi U' daa no teyac U' daa loo yíiz ndxa's ndxè', huen!
24741	MRK 11:32	O ¿ché' tab na' loo mbi' ba': Chol mèn izlyo' mtel' Juàn, cà'? Axta ne' ne' ñee mèna cón gab mèna tac mèna mzyeb ñèe rye mèn co' nziri' loo Jesús. Tataa mbez mèna tac mèna naneeque' no mda'que' mèna cuent le' rye mèn co' nziri'a ngola's loo Juàn le' Juàn mdoodi's part cón che'n Diox.
25126	LUK 3:32	Le' Natán na, ngòc xgan' David. Le' David na, ngòc xgan' Isaí. Le' Isaí na, ngòc xgan' Obed. Le' Obed na, ngòc xgan' Booz. Le' Booz na, ngòc xgan' Salmón. Le' Salmón na, ngòc xgan' Naasón.
25741	LUK 17:21	Ne'gabte mèn loo xtàa mèn: Trè' nac co'te' ñibe'pe' Diox loo mèn. O tua' nac co'te' ñibe'pe' Diox loo mèn. Aa. Diox ngue ñibe'pe' loo mèn co' ndyubdi'sque' loo Diox làth gu'.
25743	LUK 17:23	No zin thìb huiz no zin thìb ze co'se' ñee mèn co' nac mèn gutyè'a loo gu': Mzinle' Jesús loo izlyo' tedib vez. Trè' nzo Jesús. O ñee mèn gutyè'a loo gu': Tua' nzo Jesús. Per na ngue nii loo gu': Ne'yila'ste gu' ro mèna. Ne' ne' ta' gu' lugar tyoo nque gu' xís mèna co'se' zin huiza.
27858	ACT 24:21	O ¿ne'stolque' ngue quexù' ngue que' fals mèn ba' daa por cabii ndxaben loo mèn co'se' ngòon làth mèn: Gu' ngue tub rez cón chenen nalze por ndxelazen le' mèn co' nguth ryo xban, cà'?
28248	ROM 9:25	Ndxàca loo mèn nalle' xal ndub di's loo libr co' mque' Ose ye's co' nac xti's Diox. Di'sa mbez taandxè': Mèn co' inacte mèn nacionpe' daa, mèna mcuin no mblo' xà'en mèna par gàc mèna mèn nacionpe' daa. No mèn co' yende chó nque' lezo' ñèe xal thìb xa'got co' yende chó nque' lezo' ñèe, mèna nque' lezon ñèen.
28249	ROM 9:26	Leque loo libr co' nac libr che'n Ose co' mque' Ose ye's, libr co' nac xti's Diox, loo libra ndub di's co' guniique' Diox cón che'n mèn co' inacte mèn nación Israel. Ndxab Diox: Gu' co' inacte mèn nacionpe' daa, per mastale' inacte gu' mèn nacionpe' daa, yiloa gàc gu' xin'pe' daa, daa co' nac Diox co' naban thidtene.
28419	ROM 16:15	Ndlyazen nii gu' Diox, ne, loo Filog no loo thìb xa'got co' lèe Jul no loo Nere' no loo fta'n Nere' no loo xa'got co' lèe Olimp no loo ryete taamas mèn co' ndxàc hues na' co' nzo làth mèna, ne.
28444	1CO 1:13	¿Xá mod nac cona? ¿Ché' ngue li gu' cuent le' Crist ñibe' loo ndxepte gu' no maste, cà'? Yende xàa. Yende mod gàca tataa loo Crist, ey. ¿Ché' ngue li gu' cuent le' daa, co' nac Pab, mquée loo cruz por cón che'n gu', cà'? Yende mod gàca tataa, ne. O ¿ché' ngue li gu' cuent ngòc bautizar gu' por lèe daa, co' nac Pab, cà'? Ne' ne' yen mod gàca tataa, ne. ¡Máa yob yéc gu' na, mèn Corint!
28509	1CO 4:8	Nase yixo. Ale ndyac gu' nacle' gu' mèn co' mté'th axta plóthe cón che'n Diox. No ndyac gu' ya inquinte tolo té'th gu' no gòn gu' más con' cón che'n Tad Crist, ¿lé'? No ale ndyac gu' mcàaya'le' gu' ryethe con' cón che'n Crist. No ale, ndyac gu' axta ngue ñibe' gu' loo cón che'n Diox xal ngue ñibe' Crist loo cón che'n Diox, ne, ¿lé'? Mastale' ne'nglu'de nu'i loo gu', ale ndxe'leque', ndyac gu' nac gu' xal chol rey co' yende chó mèn ñibe' loo. No por ngro xà' gu' loo nu' no por mtè'f gu' nu' thìb lad, ndli gu' con'a. Oj ché' co', lìcque', ngue ñibe' nole' gu' Crist, huen. Le' sya, thidte ñibe' no gu' nu' loo cón che'n Crist, ne.
28782	1CO 14:36	¡Jaa! ¿Ché' ndyac gu' por part cón che'n gu' mdyoxcua' di's co' nac xti's Diox no nzo di's co' nac xti's Diox par ngue no mèn di's, cà'? ¡Aa que naxèn gu' se! Yende mod gàca tataa. O ¿ché' ndyac gu' ante loo gu' mzin xti's Diox, cà'? ¿Chó yila's tataa naca? Yende, ¿lé'?
28850	1CO 16:6	No thìb descuid go non gu' ndxep tiemp. O peser go non gu' par ri'then tiemp xìl' le'n ciuda gu'. Le' yiloa, co'se' ri'th tiemp xìl', nee gu' xal li gu', ya lyath no gu' daa ned ga que tee'en.
28885	2CO 1:17	Co'se' mnibe'en lezon gal neen máa gu' par nedrè', ¿ché' mbli gu' cuent ante guniina loo gu' no angmblin xtùuz tataa lin, cà'? O ¿ché' ndli gu' xtùuz le' daa ngo xnee con' ndlin xal ngo xnee mèn co' nac mèn co' be' ndli cas loo cón che'n xab izlyo' co'se' mbez mèna li mèna thìb con' no yiloa ne'lide mèna con'a, cà'? Yende xàa.
29064	2CO 11:7	O ¿ché' ndyac gu' nac daa mèn co' mcua'n xquin tac asemblin ngòc daa mèn nado' làth gu', cà'? O ¿ché' ndyac gu' ilé'de nac co' mblin tac mblon yalbàn cón che'n di's ndac che'n Diox loo gu' anxle', cà'? Cona angmblin loo gu' par tolo té'th gu' par tyubdi's ndac gu' loo cón che'n Crist, ey.
29134	GAL 1:10	No nalle' con' co' ngue niin loo gu' ndxè' ndxàal niin loo gu': ¿Ché' ngue li gu' cuent ngue niin con' ndxè' loo gu' par yòo lezo' taamas mèn cón chenen, cà'? Yende xàa. O ¿ché' ngue niin con' ndxè' loo gu' par yòo lezo' Diox ñèe Diox daa loo con' co' ngue lin, cà'? Aa. Ngue niin con' ndxè' loo gu' ante par yòo lezo' Diox loo con' ngue niin loo gu', ey. O ¿ché' ngue li gu' cuent ngue tan gust lezo' chol mèn par tyac lezo' mèna con daa loo cón che'n di's ndac che'n Diox, cà'? ¡Máa yob yéc gu', na! Yende xàa. Tac chele' daa be' ngue ta gust lezo' chol mèn cón che'n di's ndac che'n Diox, ya inacte daa mbi' co' nxo'f zin' zin' che'n Crist, sya, xàa.
29173	GAL 3:4	¿Ché' ngue li gu' cuent anxle' ngòc rye con' ryes co' mxactìi gu' por cón che'n Crist, cà'? ¿Ché' yende cón mxac gu' mté'th gu' cón che'n Diox par ngòc con' ndac loo gu' láth mxactìi gu', cà'? Oj, ché' co' càb co' mxactìi gu'a tolo té'th gu' no tolo tyubdi's gu' loo cón che'n Crist taandxep. Huen.
29218	GAL 4:20	Oj, ché' co' nzo mod nzo non gu' par nedrè', huen, par gác daa tyoodiz non gu' tedib mod co' inacte mod xal ngue que'en ye's ndxè' loo gu'. Tac axta ne' ne' neen xá mod tolo lin xtùuz cón che'n gu'.
29241	GAL 5:12	Per nde niin thìb con' loo gu' cón che'n mèn co' ngue li xol loo gu' tac mèna ndlya's gàc circuncidar gu': Oj, ché' co' leque yub mèna cho' xlan' mèna thidtene, huen, par thidtene ryo xà' mèna loo cón che'n Diox thidtene.
29618	COL 4:9	Co'se' yi'th Tiquic loo gu', tel'en Ones con Tiquic loo gu'. Ryop myen' ndxàc hues na' por cón che'n Crist. Mbli nèe lezo' myen' loo cón che'n Crist co' nque' lezon. Nac ryop myen' mèn gulàazpe' gu', ne, par nedrè'. Ryete con' co' ndxàc loo nu' par ned nzo nu' ndxè' ryop myen' ta' cuenta loo gu' trè'.
29892	2TI 1:16	Ndlyazen le' Diox lyat lezo' ñèe Diox mèn guliz Onesifr tac huax vez mbi'th tegàl Onesifr lezon par ngo nagàl lezon. No ne'nthonte Onesifr ngnèe Onesifr mèn por ngue'en lezi'f.
29893	2TI 1:17	Ndxe'leque', co'se' ngo Onesifr ciuda Rom, añenti mcua'n Onesifr daa no mzyal daa loo Onesifr.
29894	2TI 1:18	Timote, lùu nonque' anze'f mblyath no Onesifr na' co'se' ngo na' ciuda Efes. Por cona, ndlyazen lyat lezo' Diox ñèe Diox Onesifr co'se' zin huiz co'se' tub rez Diox cón che'n mèn.
29953	2TI 4:16	Ner vez co'se' mduben razon daa loo mèn, nalì mdan cuent cón che'n di's ndac loo mèn. No yende chó mèn mblyath no daa tiempa. Ndxe'leque', mblá'ya' ryete mèna daa. ¡Oj ne'que' dolte Diox loo mèna por con' co' mbli no mèna daa, huen!
29956	2TI 4:19	Timote, gunii Diox loo Prisc no loo Aquil no loo mèn guliz Onesifr.
30015	PHM 1:10	Filemón, ña'ben thìb favor lool por cón che'n Ones. Ones ngòc xal thìb xgan' daa tac ngola's Ones loo Jesucrist no loo cón che'n Jesucrist por cón che'n daa láth nzon trè' co'te' nac lezi'f.
30016	PHM 1:11	Nonquen no ndaquen cuent le' Ones ngòc thìb moz co' yende chó juis lool thìb cua'a. Per nalle' ndyaquen le' Ones nac thìb moz ndac par gàc Ones moz lùu tedib vez xalque' ndxàc Ones thìb moz ndac loon co'te' nzon par ndxè'.
30017	PHM 1:12	Na tel' Ones lool tedib vez. Nabe'ste fque no Ones. Fque no Ones xalque' lezo'pe'en no ngudloope'en.
30018	PHM 1:13	Na mblyaz ngyan' Ones trè' con daa par li Ones mandad loon cón che'nl láth ngue'en lezi'f por cón che'n di's ndac che'n Diox.
30019	PHM 1:14	Per indlyasten lin nec thìb con' xal ndlyazen no xal nee lezon. Ndlyazen gònl con' ndxè' ñeene' cón ñeel loon, Filemón. Sya, chele' lùu li favor loon tel'l Ones loon tedib vez, ne'gabtel loo lezo'l le' daa ngue ñibe' yèe lool par lil favor ndxè' loon. Ndxe'leque', lila ante xal nee lezo'l.
30020	PHM 1:15	Peser mblá' Ones lùu plá mbe' par gàca thidtene que nol Ones.
30021	PHM 1:16	Indlyasten que nol Ones xal thìb moz co' ñibe' yèe mèn loo. Ndxe'leque', ndlyazen que nol Ones xal thìb huespe'l co', lìcque', nque' lezo'l ñèel. Lìca, daa anze'f ndyac no Ones. Per ndlyazen le' lùu ndxàal más tyac no Ones. Indlyasten ante tyac nol Ones xal ndyac no mèn xtàa mèn loo izlyo' ndxè'. Ndxe'leque', ndlyazen tyac nol Ones xal thìb huespe'l loo cón che'n Tad Crist.
30022	PHM 1:17	Cona, ngue niin lool, Filemón: Chele' lùu ndli cuent nac daa mèn co' ndxàc huesl no xtàal loo cón che'n Diox, fque no Ones xal yub daa, ndee.
30023	PHM 1:18	Chele' Ones mteza' chol con' co' nac cón che'nl no chele' Ones ngro' te'b ndxep tmi lool, fta' cuent loon. Bna'ba loon. Na guix co' ntac con'a. Guixen co' nde'b Ones lool, ne.
30024	PHM 1:19	Daa, Pab, ngue que' ye's ndxè' lool, Filemón. Lìcque', na guix co' nde'b Ones lool. No nase ngue gon valor loon. Ndlyazen lil favor ndxè' loon tac neeque'l daa mbli par ngola's lùu loo cón che'n Jesucrist no loo Jesucrist.
30363	JAS 2:3	no más ngue li gu' par ndyu' mbi' co' noc xab lar' huena, no más ngue li gu' cas mbi' no gab gu' loo mbi': Ftub trè' co'te' más huen nac ndxè'. No ndxe'leque', gab gu' loo prob mbi' ladyoxa: Le' lùu na, huàa too xquin ba'. O tua'te ftub loo yòo.
30829	REV 3:15	Daa naneeque' xal nzi tee ban gu'. Naneen le' gu' indxela's ndacte loon co' huenleque'. No naneen imbede gu' altant loo cón chenen par lu' gu' cón chenen loo mèn. Alithe nziri' gu' loo cón chenen. Indyóode gu' cón chenen. ¡Oj, ché' co' gàc gu' mèn co' altant cue loo cón chenen, huen! O más huen ndoo lìte ryo' gu' loo cón chenen thidtene. Nee teeca.