23331	MAT 5:28	Per daa ngue nii loo gu': Chol mèn co' ndyub yo'f lezo' ngüi' mèna loo thìb xa'got par gàal mèna xa'gota, mblile' mèna yalburrid le'n lezo' mèna con xa'gota.
23373	MAT 6:22	Con ngudloo mèn ngüi' mèn chol con', ¿lé'? Per chele' mèn indyubte yo'f lezo' loo con' ngüi' mèn, mastale' ngüi' mèn loo chol con' ngüi' mèn, no chele' mèn inda'de lugar li mèn con' ye'rsin' por cón che'n con' co' ngüi' mèn, sya, nambìique' ndoo mèn no huen nque tee mèn loo Diox. Sya, ne' ne' inac ngudloo mèn co' ncua'n xquin mèn loo mèn.
23374	MAT 6:23	Per ndxe'leque', chele' mèn thìb lìte ndli xtùuz no nden' mèn le'n lezo' mèn ante li mèn con' ye'rsin' por ngüi' mèn loo con' con ngudloo mèn par gàc che'n mèna cón che'n yalgon' che'n izlyo' ndxè', mèna thidtene ncuau yéc no ncuau loo par ne'ñeede mèna chó ro yila's mèn co'se' tyoodi's mèn. Ne'ñeede lezo' mèna cón che'n xá mod ndxàal que tee ban ndac mèna. No thidtene nanguib mèna.
23387	MAT 7:2	Tac Diox tub rez cón che'n gu' co'se' gàc huiza par tetìi Diox gu' xalque' ngüi' gu' no ñaa gu' loo taamas mèn par quexù' gu' mèna. Xalque' nac mod co' ndxàp gu' con taamas mèn, tataaque' li no Diox gu' co'se' tub rez Diox cón che'n gu'.
23388	MAT 7:3	¿Xá mod más ngüi' gu' loo thìb le' chu'th yix co' nzo ngudloo hues xtàa gu' leque hui' gu' loo yix co' más naroo co' nzo ngudloo gu', co' nee di's, ale más ngüi' gu' loo ndxepte con' ye'rsin' co' ndli hues xtàa gu' no ingüi'de gu' loo huax con' ye'rsin' co' ndlipe' gu', à'?
23472	MAT 9:24	Ndxab Jesús loo mèn co' nzo le'n nyòoa: ―Bli gu' favor, blá' gu' mza'. No biiche gu' thìb lad loo mza'. Part cón chenen, mza' ne'ngathte. Na ngüi' loo mza' xal thìb mza' co' nax yàt. Le' sya, ale le'le' mxìis no rye mèn co' nzo liz mza' co' ngutha Jesús tac non mèna nguthque' mza'.
23533	MAT 11:5	Guuz gu' loo Juàn: Mèn sieu ngüi'. Mèn coj mdyoxcua' nii. No ndyee mèn coj. Mèn co' ndyac yíiz ndxa's lad, co' ndxèe yid lad, ndxac no ndxembìi mèna. Mèn cué' ndxòn di's. Mèn nguth, ale, ndryo xban. Le' loo chol mèn prob no loo mèn naxèn co' ndyac yaltìi na, ndxàthle' no ndxènle' cón che'n di's ndac co' ndlu' cón che'n Diox.
23623	MAT 13:15	Tac lezo' mèna no xtùuz mèna ngòc naad no ngòc nguud. Anze'f nazab ndxòn mèna di's no nden' mèna di's co' ndyoodizen. Loo cón che'n Diox nac mèna xal mèn sieu. No nac mèna xal mèn co' nathath ngüi' loo cón che'n Diox. Ale ryethe con'a ndxàc loo mèna par ne'ta'de mèna cuent no par ne'gònte mèna cón che'n Diox ne' ne' yaa'd di'sa le'n xtùuz mèna no le'n lezo' mèna. Rye con'a ncàb loo mèna par ne'tyalte mèna lyàa yéc mèna no lyàa lezo' mèna. Ne' ne' tyal mèna par zye' mod co' ndxàp mèna par telá'en mèna loo con' ryes. Cona, tataa ndxàca loo mèna xal gunii Sayi cón che'n mèna póla.
23624	MAT 13:16	Huen nda gu', ey, tac gu' ngüi'que' no ndxònque' gu' co' huen huen cón che'n Diox. No ndxaa'dque' gu' di's co' ngue niin loo gu' le'n xtùuz gu' no le'n lezo' gu'.
23625	MAT 13:17	Lìcpe' ba'i, na nii loo gu': ―Huax mèn co' ngo póla, mèn co' ngòc mèn co' mde'th di's co' ndxab Diox no taamas mèn co' ngòc mèn ndac, anze'f mblya's mèna ngüi' mèna loo con' co' ngüi' gu' nalle'. Per ne'ngàcte gan ngüi' mèna con' ndxè'. Lomisque' ne, mblya's mèna ngòn mèna cón che'n con' co' ndxòn gu' nalle'. Per ne'ngàcte gan ngòn mèna cón che'n con' co' ndxòn gu' nalle'.
23662	MAT 13:54	Co'se' mzin Jesús làaz Jesús, tya mtlo Jesús, mblu' Jesús mèn co'te' ndub sinagog che'n mèn gulàaz Jesús. Le' rye mèn co' mqueltàa le'n sinagoga na, ante ngüi' mèna no ante ñaa mèna loo Jesús. No mbez mèna loo xtàa mèna: ―¿Pá ngua té'th mbi' ba' rye con' co' ndxác mbi' no xá mod susque' ndxác mbi' ba' ndli mbi' yalguzye' co' ndli mbi' ba', ne?
23690	MAT 14:24	Le' myen' xin' mté'th Jesús na, láth co'se' nda tetee myen' yòoyaa grolthe loo lagun, ngro' thìb mbiidó' co' mtau' ned nda yòoyaa. Nde nxon', mxít too mbii nít. Ngo mbii nít le'n yòoyaa. No ngüin mbii nít cho yòoyaa.
23733	MAT 15:31	Co'se' ngolo gunèe rye mèn co' ngureri'a ngòc con'a, ante mbui' mèna no ante gunaa mèna co'se' gunèe mèna le' mèn co' ngòc muda ndyoodi's; co'se' gunèe mèna le' mèn co' yende nii no mèn co' yende sa ya' mdyoxcua', ngòc mèna xal mèn huen; co'se' gunèe mèna le' mèn renc mdee; no co'se' gunèe mèna le' mèn sieu ngüi'. Mèna mtlo ngurez Diox, Diox co' nac Dioxpe' mèn nación Israel. Mbez mèn di's roo no di's xèn no di's natú' loo Diox.
23743	MAT 16:2	Per Jesús mcàb. Ndxab Jesús loo mèna: ―Nde niin thìb con' loo gu' co' ta' cuent xá nac gu'. Co'se' mzyèle' izlyo', xèe ngüi' gu' loo bé'. No co'se' ñèe gu' nquée xcuau nane loo bé', mbez gu' loo xtàa gu': Nde zin'le' tiemp lyàa yì', cara.
23777	MAT 17:8	Co'se' ngo che myen', ngüi' ndxè' myen'. Ngüi' ba' myen'. ¿Máa Moisés ryop Lii? Per ñèe myen' yende Moisés. No yende Lii. Ante Jesús no maste ñèe myen' ndoo.
23805	MAT 18:9	No chele' gu' ndli cuent le' ngudloo gu', lìcque', nac co' ndli ncua'n gu' xquin gu' par tyub yo'f ye'rsin' lezo' gu' loo con' ngüi' gu', más huen blo' gu' ngudloo gu' no blobii gu'i tith loo gu'. Tac más huen gàca loo gu' chele' gu' yòo co'te' yòo ban no gu' Diox thidtene con sate ngudloo gu' leque yòo gu' ye'rbìil co'te' ndxetoo quìi no bèel co' ne'yu'de thidtene con ryop ngudloo gu'. Por cona, thidtene ne'cua'nte gu' xquin gu' par ne'yòode gu' le'n ye'rbìil.
23824	MAT 18:28	Per pente ngro' moza. Ndyàa moz. Mzyál' moz tedib xtàa moz ned ndyàa moz co' ndeb pláte pes loo moz. Le' sya, moz co' más ngro' te'fa mxen tedib moza. Ale mdèe moz co' más ngro' te'fa yen tedib moza. No mtlo ngòc nayi' moza loo xtàa moz. Mdi' moza yen xtàa moza. Ndxab moz: ¡Máa yob yécl, sin vergüenz! ¿Pól quixl tmi co' ndebl loon? Inthyontel. Ale nduhuaxù'l tmi daa.
23937	MAT 21:42	Jesús mcàb loo mèna. Ndxab Jesús: ―¿Ché' thidtene tarte lab gu' di's co' ndub loo libr co' nac xti's Diox cà? Hui' gu' nexa. Di's mbez taandxè': Quèe co' mblobii albañil thìb lad, leque quèea mbli sirv par ngòc quèea quèe scuadr co' mdub squin yòo. Yub Tad Diox mbli con'a. No por cona, ante ngüi' na' no ante ñaa na' xal mbez di's ndxè' loo con' co' ngòca.
24011	MAT 23:24	Ay, prob gu' izlyo', gu' co' ndyoo ner loo taamas mèn loo cón che'n Diox, gu', co' nee di's, nac xal mèn sieu co' ndyoo ner loo taamas mèn co' nac xal mèn sieu. Loo cón che'n Diox ndli gu' cuent anze'f mèn nambìi nac gu' no mèn nalì nac gu' loo Diox. Per ale ndxe'leque', loo cón che'n Diox nac gu' xal mèn co' nzib thìb taz café co'se' ndlyàa thìb ngru's chu'th le'n café par gu gu' café. Per ne'ta'de gu' cuent le' loo cón che'n Diox nac gu' xal mèn co' ngueb thìb camell, co' nee di's, nzo le'n taz café co' ngue yu gu'. Per con' co' ndli gu' ba' nee di's ale más ndxòo yéc gu' ndli gu' con' co' intacte arid loo Diox. Ale ndxe'leque', indlide gu' cas no ingüinte gu' arid par li gu' con' co' más ntac loo Diox.
24027	MAT 24:1	Ngolo mdoodi's Jesús rye di'sa loo mèn ciuda Jerusalén, ngro' Jesús le'n templ. Le'pe' tyen Jesús ned bii Jesús, mbii gax myen' xin' mté'th Jesús loo Jesús. Látha, nzi tee yot myen'. Xèe ngüi' myen' loo templ. Mbez myen' loo Jesús: Tad, susque' nabe's ñaa templ ndxè' no susque' naroo templ ndxè', cara.
24028	MAT 24:2	Per ale le'le' mcàb Jesús. Ndxab Jesús loo myen': ―¿Ché' nzi tee yot gu', ngüi' gu' loo templ ndxè' no ndli gu' xtùuz cón che'n templ ndxè', ne, cà'? Per hui' gu' nexa. Lìcque' nac di's co' nde niin loo gu' ndxè': Desde nalle' par delant, nde zin' gaxle' le' mèn sil templ ndxè'. No ya ne'hui'de gu' nec thìb quèe loo ftoo ndxè'. Thidtene telux mèn templ ndxè'.
24266	MAT 28:2	Leque hora, chàa, mbuin thìb xòo brut. Láth ngüin xòoa, ngulàa thìb angl che'n Tad Diox loo bé'. Co'se' mzin angl ro ye'r quèe co'te' mblo Chè thebol Jesús, mteche angl quèe co' ndoo nau' ro ye'r quèea. Ngoloa, mdub angl loo quèe co' mteche angla.
24306	MRK 1:22	Le' sya, ryete mèn co' ndxòn di's co' nac di's ndac che'n Diox co' ngo Jesús yalbàn, ante ngüi' mèna no ante ñaa mèna loo Jesús. Tac Jesús ngue lu' loo mèna xal thìb mèn co' ndxàp con' roo no con' xèn la's nii mèn no la's ya' mèn par ñibe'pe' Jesús loo mèn. Mèna mden' no mda' mèna cuent ingue lu'de Jesús loo mèn xal nac mod co' ndlu' thìb maistr co' ndlu' cón che'n ley co' mxo'f Moisés loo mèn.
24404	MRK 4:12	Tataa ndlin par gàca co'se' hui' mèna loo cón chenen, con'a ndli gàc mèna xal mèn co' ingüi'de. No co'se' gòn mèn di's co' mbezen, gàc mèna xal mèn co' ne'ta'de cuent cón che'n di's co' mbezen par tataa mod ne'lyàade yéc mèna no ne'lyàade lezo' mèna no ne'se'de mèna mod co' ndxàp mèna par ne'tyon'te xtol mèna.
24478	MRK 6:2	Co'se' ngòc huiz sabd co' ngòc huiz descans tiempa, Jesús mtlo mblu' mèn le'n sinagog mèn. Le' mèn co' mbìn di's co' mblu' Jesús na, ante ngüi' mèna no ante ñaa mèna loo Jesús. No mbez mèna loo xtàa mèna: ―¿Pá ngua té'th mbi' ba' rye di's co' ndyoodi's mbi'? No ¿pá ned ngro' co' ndxác mbi' ba' no yalguzye' co' ndli mbi', cara?
24482	MRK 6:6	Látha, ante ngüi' Jesús no ante ñaa Jesús loo mèn gulàaz Jesus tac thidtene indlya'ste mèna yila's mèna loo Jesús. No indxàpte mèna yalxla's loo Jesús. Ngoloa, mque tee lu' Jesús rye mèn yèezya' co' nziri' gax loo yèez co' nac làaz Jesús.
24569	MRK 7:37	Le' rye mèn co' nziri' tya na, ante ngüi' mèna no ante ñaa mèna loo con' mbli Jesús. Mbez mèna: ―Ryete con' huenque' mbli Jesús. Ale axta ndli Jesús le' mèn co' ncue' ndxòn di's no ndli Jesús le' mèn mud ndyoodi's.
24587	MRK 8:18	Ingüi'de gu' con ngudloo gu', ndee. No ne' ne' indxòn gu' con' con nza gu'. ¿Ché' ne'tyede lezo' gu' huax con' co' nde teele' ndlin, cà'?
24593	MRK 8:24	Mbi' co' ngòc sieua mbui' ndxè' no mbui' ba'. Ndxab mbi' loo Jesús: ―Aa. Daa ngue hui' loo mèn co' nziri' go'. Per ngüi'en mèn xal yaa xcàl. No ngüi'en ndyee mèn.
24654	MRK 9:47	No chele' gu' ndli cuent le' ngudloo gu', lìcque', ndli par ncua'n gu' xquin gu' no xtol gu' no par tyub yo'f co' nac con' ye'rsin' le'n lezo' gu' loo con' ngüi' gu', más huen blo' gu' ngudloo gu' no blobii gu' ngudloo gu' thìb lad tith loo gu'. Tac más huen gàca loo gu' chele' gu' yòo co'te' yòo ban no gu' Diox thidtene con sate ngudloo gu' leque lyàa gu' le'n ye'rbìil co'te' ndxetoo quìi no bèel no co'te' ne'yu'de quìi no bèel thidtene.
24689	MRK 10:32	Le'pe' le'n huiza, mnibe' Jesús loo lezo' Jesús ya Jesús ciuda Jerusalén. Láth nda quée Jesús con myen' xin' mté'th Jesús, nda Jesús par ned ciuda Jerusalén no ndoo ner Jesús loo myen'. Le' myen' na, ante ngüi' no ante ñaa xá nzo Jesús ned nda Jesús par ciuda Jerusalén. No mzyeb myen' nda nque myen' xís Jesús. Le' sya, ale mbere Jesús, mbe' Jesús rye si' fchop myen' xin' mté'th Jesús thìb lad. Mtlo Jesús, mda' Jesús cuent loo myen' cón che'n xá mod tyactìi Jesús le'n huiza.
24727	MRK 11:18	Per mèn co' nac jef co' más ñibe' loo rye nguley' no mèn co' nac maistr co' ndlu' cón che'n ley co' mxo'f Moisés loo mèn, mèna mbìn di's co' ndxab Jesús. Sya, mtlo mèna, mcua'n mèna mod guth mèna Jesús tant mzyeb mèna ñèe mèna Jesús. Más de cona, ryete mèn co' nziri' no Jesús ante ngüi' no ante ñaa loo con' ndlu' Jesús.
24753	MRK 12:11	No con' co' ngòca mbli yub Tad Diox. Por cona, por part cón che'n na', ante ngüi' na' no ante ñaa na' xá mod nac con' co' mbli Tad Diox.
24788	MRK 13:2	Per ale mcàb Jesús loo myen'. Ndxab Jesús: ―Ale xèe ndoo yotl, ngüi'l loo templ ba', ¿lé'? Lùu ndli cuent anze'f nabe's ñaa ftoo co' natoxcua' templ ba', ¿lé'? Per na nii lool: Ya ne'yan'te nec thìb quèe loo xtàa quèe co' nacsua' ftoo ba'. Thidtene telux mèn ryethe con' co' ngüi'l co' natoxcua' templ ba' yé' huize'.
25060	LUK 2:18	Co'se' ndxòn chol mèn cuent co' mda' mèna cuent, mèn co' nqueno mbacxil' ndxáal yál', ante ngüi' rye mèna no ante ñaa rye mèna.
25089	LUK 2:47	Co'se' ndxòn rye mèn co' nac maistra di's co' ndyoodi's Jesús, ante ngüi' mèna no ante ñaa mèna xá mod susque' ndxác Jesús no xá mod susque' ndxác Jesús ncàb ndac Jesús loo mèna.
25102	LUK 3:8	Nabe'ste fque tee ban lì gu' no gòc gu' mèn ndac par lu' gu' gu' loo mèn le' gu', lìcque', mzye' mod co' nac gu' no co' ndxàp gu' loo Diox. No ne'gabte gu' loo xtàa gu': Abraham ngòc xudgool na'. Na nii loo gu': Axta loo chol quèe co' ngüi' gu' ba', Diox ndxácque' par li Diox le' quèe ba' gàc xin' Abraham. No gàcque' quèe ba' xin' Abraham.
25152	LUK 4:20	Ngolo mblab Jesús di'sa, mtau' Jesús loo libr. Mda' Jesús libr loo thìb mbi' co' nquenap sinagog. Ngoloa, mdub Jesús. Látha, xèe ngüi' mèn loo Jesús ñeene' cón gab Jesús loo mèna.
25154	LUK 4:22	Látha, rye mèna huenque' mdoodi's cón che'n Jesús. No ante ngüi' mèna no ante ñaa mèna cón che'n di's co' nabe's ndyoodi's Jesús loo mèna. No ale mnibdi's mèna loo xtàa mèna. Mbez mèna: ―¿Xá nee gu'? ¿Ché' inacte mbi' ba' xgan' Chè, cà'?
25256	LUK 6:41	Nde niin tedib con' loo gu', ne: ¿Xá mod más ngüi' gu' loo thìb le' chu'th yix co' nzo ngudloo hues xtàa gu' leque hui' gu' loo thìb le' yaa vig co' nac más naroo co' nzo ngudloope' gu', co' nee di's, ale más ngüi' gu' loo ndxep con' ye'rsin' co' ndli hues xtàa gu' no ingüi'de gu' loo gu' loo huax con' ye'rsin' co' ndlipe' gu', à'?
25286	LUK 7:22	Jesús ndxab loo myen': ―Byàa gu'. No fta' gu' cuent loo Juàn ro lezi'f con' co' ngolo gunèe gu' no con' co' ngolo mbìn gu'. Fta' gu' cuent xá mod mduben xnìi ngudloo mèn sieu no ngüi' mèn sieua; xá mod mtoxcuan nii mèn coj par nalì ndyee mèn coj; xá mod mteyaquen mèn co' ndxa's no ndxèe yid lad; xá mod ndxòn mèn di's, mèn co' mcue' nza; xá mod ngo xbanen mèn nguth. Le' loo mèn prob na, ndethen no ngon yalbàn cón che'n di's ndac che'n Diox loo mèn.
25308	LUK 7:44	Látha, xèe ngüi' Jesús loo xa'gota. Ndxab Jesús loo Mon: ―¿Ché' ngue hui'l con' ngue li no xa'got ndxè' daa, à'? Anon ngòon lizl, ne'nda'del nít loon par ntechen niin. Per ndxe'leque', xa'got ndxè' mtech niin con nít loo xa' co' ndxón' xa'. No mtecui's xa'got ndxè' niin con yis yéc xa'.
25413	LUK 9:43	Ryete mèn co' nziri' tya, ante mbui' mèna no ante gunaa mèna cón che'n con' roo no con' xèn co' mbli Diox loo mbyòoa. Láth ngüi' mèna no ñaa mèna cón che'n con' ngue li Jesús loo mbyòoa, Jesús ndxab loo myen' xin' mté'th Jesús:
25456	LUK 10:24	Daa ngue nii loo gu': Huax mèn co' mde'th di's co' ndxab Diox no huax mèn co' ngòc rey póla, mèna mblya's ngüi' loo con' co' ngue hui' gu' nalle'. Per ne'ngüi'de mèna loo con' ndxè'. Mblya's mèna ngòn mèna cón che'n con' co' ndxòn gu' nalle', ne, per ne'ngácte mèn ngòn mèna con' co' ngue yòn gu' nalle'.
25508	LUK 11:34	Ngudloo mèn ndli ngüi' mèn ned ndyee mèn. Le' xtùuz mèn na, ndli par nteche ntexyath mèn lezo' mèn loo con' huen no loo con' ye'rsin'. Chele' gu' nalì no nambìi ndli xtùuz, le' sya, nalìque' no nambìique' nac yalnaban gu' loo Diox. No chele' ngudloo gu' ihuente ndli, indxú' ndacte con' loo gu' ned ndyee gu'. Lomisque', ndxàca loo gu' nacquele' nac xtùuz gu' xtùuz ye'rsin' co' ngue li gu'a, sya, nac gu' mèn ye'rsin' loo Diox.
25584	LUK 12:56	¡Aa mèn izlyo'! Aa que ndxác gu' ntembìi gu' ro gu' no ntembìi gu' xti's gu'. Non gu' xá ñaa co' ndxàc co'se' ngo' gu' cuent cón che'n señ co' ndxú' loo bé' no señ co' ndxàc loo izlyo'. Chele gu' tataa non no nda' gu' cuent cón che'n bé' no izlyo', ¿chonon ne'gácte gu' ta' gu' cuent cón che'n con' co' ndxàc le'n tiemp ndxè' xal nda' gu' cuent cón che'n señ co' ngüi' gu' no co' ñaa gu', à'?
25629	LUK 14:7	Le' tediba na, xèe ngüi' Jesús xal ndxàc mèn co' nda fandang co'te' mselya' thìb ned myen'. Mdub mèn loo asient co'te' más tyu' mèn no tye's mèn loo xtàa mèn loo mes. Jesús mco'x di's ndxè' loo mèna. Ndxab Jesús loo mèna:
25682	LUK 15:25	Láth ndxàc lnia, mbyòo ndlyoa ngue zin' huan. Co'se' mzyèle' izlyo' huiza, ndye'th mbyòo ndlyo par liz mbyòo. No co'se' nde zin gax mbyòo ndlyo liz mbyòo, ndxòn mbyòo ndlyoa ndxol' musc. No ngüi' mbyòo nzi yol' nii mèn.
25770	LUK 18:13	Per ndxe'leque', prob mbi' co' ndli cobrar cón che'n contribución, tith mdoo mbi'. Ne'ngòode valor loo mbi' mase ngüi' mbi' loo bé'. Ndxe'leque', mbez mbi': ―¡Ay, Dio's! No taa nguin mbi' ya' mbi' pech mbi'. No tolo mbez mbi': Gulat lezo' U' gunèe U' daa, Tad. Daa nac thìb mbi' co' ndxàp xtol no co' ndxàp xquin.
26076	LUK 24:16	Mastale' ngüi' ryop myen' loo Jesús, ale ngòc tont myen'. Ne'nglibe'de myen' no ne'nda'de myen' cuent le' Jesús nac mbi' co' nda no myen'.
26099	LUK 24:39	Hui' gu' la's yan no hui' gu' niin. Yub daa ndoo loo gu'. Buàal gu' daa. No huen huen hui' gu' loon. Thìb xpii ingue node bél'yòo. No ne' ne' ingue no xpii zith xal ngüi' gu' loon ndoon trè'.
26101	LUK 24:41	Per co'se' ñèe Jesús le' myen' xin' mté'th Jesús no mèna tarte yila's di's co' ngue bez Jesús loo myen' no loo mèna tant ndyac lezo' myen', no tant ndyac lezo' mèna, no tant ngüi' no ñaa myen' no mèna cón che'n Jesús, Jesús ndxab loo myen' xin' mté'th Jesús no loo mèna: ―¿Ché' nzo chó con' ngue no gu' co' mbyan' xo'f par huana trè', ey? ―Aa. Nzoca, ndxab myen' xin' mté'th Jesús loo Jesús.
26220	JHN 3:31	Ngue niin loo gu': Le' Crist co' ngro' loo bé', Crist ñibe'pe' loo ryethe con'. Per mèn co' ndxáal loo izlyo', che'n izlyo' nac mèna. No cón che'n izlyo' ndyoodi's mèna. Per Crist co' ngro' le'n bé' loo bé', Crist ngüi' ñaa loo ryethe con'. No ñibe'pe' Crist loo ryethe con'.
26283	JHN 5:4	Tac thìb angl ndryo' le'n bé' no ndlyàa angl loo bé' cad pól no ncuin angl nít. No mèn yíiz co' nerleque' ndlyàa le'n níta láth ngüin nít, ndxac mèna loo chol yíiz co' mque no mèna.
26286	JHN 5:7	Mbi' mcàb loo Jesús. Ndxab mbi': ―Aa, Tad, per yende chó mèn lyath no daa par làa mèn daa le'n tanc co'se' ngüin nít. Tac co'se' ndlyazen làan le'n tanc, no ndoore' zin daa ro tanc, tedib mèn ngulàale' le'n tanc. Cona, ngue niin loo U': Ne'lide thidten gan par làan le'n tanc, Tad.
26418	JHN 7:21	Jesús ndxab loo mèna: ―Por mblin thìb con' huiz sabd co' nac huiz descans, con'a ndli ante ngüi' gu' no ante ñaa gu' loon, ¿lé'?
26516	JHN 9:7	Ngoloa, ndxab Jesús loo mbi'a: ―Huàa tech ngudlool ro tanc co' lèe Siloé ba'. Di's Siloé nee di's ntel' mèn mèn. Sya, xex xex nda mbi' sieua ro tanc. Ngua tech mbi' ngudloo mbi'. Co'se' mbere mbi', ndye'th mbi' loo Jesús, ndxe'sleque' ngüi' mbi'.
26519	JHN 9:10	Sya, mnibdi's mèna loo mbi' sieua. Ndxab mèna loo mbi': ―¿Xá mod ngòca lool? ¿Chonon ngüi'lel nalle', sya?
26524	JHN 9:15	Sya, mbere mèn xley' farise, mnibdi's mèna loo mbi'a tedib vez: ―¿Xá mod ngòc mxyal' ngudlool par ngüi'l nalle', à'? Ndxab mbi' loo mèna: ―Mbi' co' lèe Jesús mtà chu'th ben ngudloon. Ngoloa, ngua techen ngudloon. Cona, ndxe'selque' ngüi'en nalle'.
26527	JHN 9:18	Nde nxon', thidteneque' ne'ndalte mèn co' ñibe', no co' ndyoo ner, no co' ndyoo naa loo mèn nación Israel ngala's mèna le' mbi'a ngòc sieu no hora ngüi'le' mbi'. Ne'ngro'de lezo' mèn con'a. Mbli mèna par ngua rez mèn xud mbi' no xna' mbi' co' ngüi'le'.
26528	JHN 9:19	Sya, mnibdi's mèna loo xud mbi' no loo xna' mbi'. Ndxab mèna: ―¿Ché', lìcque', nac mbi' ndxè' xgan' gu' co' mbez gu' ngóol sieu, cà'? Chele'i tataa nac, ¿xá mod ngòca loo mbi' ngüi' mbi nalle', sya?
26530	JHN 9:21	Per nalle' nu' ne'ñeede no ne'ta'de nu' cuent xá mod mdyub xnìi ngudloo mbyòo par ngüi' mbyòo. Ne' ne' ñee nu' no ne' ne' ta' nu' cuent chó mbli par mdyub xnìi ngudloo mbyòo par ngüi' mbyòo. Mbyòo ngoxle'. Bnibdi's gu' loo mbyòo. Leque mbyòo ta' cuent cón che'n mbyòo loo gu'.
26534	JHN 9:25	Mcàb mbi' loo mèna. Ndxab mbi': ―Tyoxca, lìca; ba'se ne'needen ché' nac mbi' thìb mbi' co' ndxàp xtol, o ché' inacte mbi'i. Thidte con' naneen. No ndan cuent cón chenen anon co'se' ngóol daa, daa sieu. No nalle' ale ngüi'len.
26535	JHN 9:26	Mbere mèna, mnibdi's mèna loo mbi' tedib vez. Ndxab mèna loo mbi': ―¿Cón mbli no mbi'a lùu? ¿Xá mod mbli mbi' par mdub mbi' xnìi ngudlool par ngüi'l nalle', à'?
26539	JHN 9:30	Mcàb mbi'a loo mèn co' ñibe', no co' ndyoo ner, no co' ndyoo naa loo mèn nación Israel. Ndxab mbi'a: ―Lìcpe' ba'i, ale xèe ngüi'en no xèe ñaan loo gu' tatua' mbez gu' loon no ne'ta'de gu' cuent pá ned ngro' tee ngro' yáal mbi'a. Per mbi'a mbli par mdyub xnìi ngudloon par ngüi'en. Ngolo cuent.
26583	JHN 10:33	Sya, mcàb mèn co' ñibe', no co' ndyoo ner, no co' ndyoo naa loo mèn nación Israel loo Jesús. Ndxab mèna: ―Ne'gath quèede nu' lùu por cón che'n huax con' ndac co' ndlil. Ndxe'leque', nu' gath quèe lùu tac nazab nac co' ndlil. Ale ñii yèel ñii tìil cón che'n Diox. Nu' ngüi' nacl thìb mbi' xalque' nu'. No ale, ndxàcl xal Diox loo nu'.
26629	JHN 11:37	Sya, ndxab plá mèna loo xtàa mèn: ―Mbi' ba' mbli par ngüi' mbi' sieua. ¿Xá nee gu'? ¿Ché' ne'ngácte mbi' ba' ngli mbi' par ne'ngathte Lars chele' mbi' ngo trè', cà'?
27025	ACT 2:7	Ante ngüi' no ante ñaa mènléy' co' mqueltàaa. Mbez thìb mèna no tedib mèna loo xtàa mèna. Ndxab mèna: ―¿Ché' inacte mèn ba' mèn gulàaz che'n làaz mèn galile co' ndyoodi's xalque' ndyoodi's na' nalle', cà'? Lìcque', nac mèn ba' mèn gulàaz che'n làaz mèn galile, cara.
27030	ACT 2:12	Ryete mèna ante ngüi' no ante ñaa loo cón ndxàca. Axta ne' ne' ñee mèna cón li mèna xtùuz. No mnibdi's mèna loo xtàa mèna. Ndxab mèna: ―¿Cón con' ndxè'? ¿Chonon tatua' ngue li Diox loo na', yoo?
27034	ACT 2:16	Ndxe'leque', con' co' ndxàc co' ngüi' gu' ba' nac con' co' ndxàc no con' co' mdyaale' xalque' ngòc di's co' gunii Joel co' mde'th di's co' ndxab Diox co'se' ndxab Joel taandxè':
27047	ACT 2:29	Gu' co' nac mèn nación Israel co' nac hues xtàa daa, lìcque', gu' nda'que' cuent le' David co' ngòc xudgool na' nguthque'. No mca's mèn thebol David. No axta nalle' be' nax bá' che'n thebol David co' ngüi' na' no co' ñaa na' loo.
27076	ACT 3:11	Per mbi' coj co' mdee lìa thidtene ngue tee nque xís Pedr ryop Juàn. Indlya'ste mbi' lá' mbi' Pedr ryop Juàn. Le' rye mèn co' nzo le'n templ hora na, ngo too par ngua tee hui' mèna xal ndxàc mbi'a. Thidte mqueltàa rye mèna leque ro portal che'n templ co' ne' lèe Portal che'n Salomón co'te' nzo Pedr ryop Juàn no mbi' coja. Ante ngüi' mèna no ante ñaa mèna xal ñaa con' co' ngòc loo mbi' coja.
27077	ACT 3:12	Co'se' gunèe Pedr ryete mèn mqueltàa loo Pedr, ndxab Pedr loo mèna: ―Aa, mèn nación Israel. ¿Chonon ndxo no lezo' gu' no nzyeb gu', à'? ¿Chonon ale xèe ngüi' gu' loo nu' no ndli gu' cuent ale yub nu' mbli par mdee nalì mbi' coj ndxè' no ndli gu' cuent peser ndxàp nu' ndxep con' roo con' xèn la's nii nu' no la's ya' nu' o ndli gu' cuent por nac nu' mèn co' arid mbez Diox no arid ncòo' nu' yéc nu' loo Diox, con'a mbli nu' par mdee nalì mbi' coj ba', cà'? Yende xàa.
27081	ACT 3:16	No nalle' por lèe che'n leque yub Jesús, co' ngola's mbi' coj ba' loo no ndxàp mbi' yalxla's loo Jesús, por cona, mbli Jesús mbyez nii mbi' no mbyez yen nii mbi' par ngo too lì mbi'. Gu' huen huen ndlibe' mbi' no ngue hui' gu' loo mbi' ba' nalle'. No por ngola's mbi' loo Jesús, con'a mbli mdee lì mbi' thidtene xalque' ngüi' gu' no xalque' ñaa gu' loo mbi' nalle'.
27104	ACT 4:13	Co'se' ñèe ryete mèn co' ñibe', no co' ndyoo ner, no co' ndyoo naa loo mèn nación Israela le' Pedr ryop Juàn con dibaxla's ndyoodi's, no mda' mèna cuent le' Pedr ryop Juàn nac mèn co' ne'nque'de arid scuel, no nac Pedr ryop Juàn xalque' chol mèn, sya, ante ngüi' mèna no ante ñaa mèna. Syare' mda' mèna cuent le' Pedr ryop Juàn, lìcque', mque tee no Jesús.
27219	ACT 7:34	Daa ngüi' xal nden' mèn yalnè no xal ndxàc yaltìi loo mèn, mèn co' nac nacionpe' daa co' nzo ban làaz mèn egipt. Ndxònen xal mbez yèe yath mèna. No nalle', daa ngulàale' loo bé' par telá'en mèn nacionpe' daa la's ya' mèn nación Egipt. Que de ndxè' nexa, Moisés. Na tel' lùu par yal mandad co' ñibe'en lool loo mèn gulàaz egipt.
27226	ACT 7:41	Sya, mtoxcua' xudgool na'a thìb tatol co' ñaa xal ñaa thìb ngon yèn'. Ngoloa, mtlo xudgool na', mbeth xudgool na' má' loo gunab co' ñaa xal ngon yèn' co' ngòc dioxpe' mèna no tatolpe' mèna. No ale mdyac lezo' mèna ngüi' mèna loo con' mtoxcua' ya' mèna.
27258	ACT 8:13	No leque Mon, co' ndli con' ye'rsin'a, ngola's loo cón che'n Jesucrist. Ngòc bautizar Mon, ne. No mtlo Mon, mque tee no Mon Lip. Látha, ante ngüi' Mon no ante ñaa Mon xal ndli Lip yalguzye' no señ co' ndli Lip loo mèn.
27293	ACT 9:8	Leque hora ngo che Saul. Per co'se' ngüi' ndxè' ngüi' ba' Saul, yende mod hui' Saul nec thìb con'. Ale mquin mxen mèn ya' Saul, mbe' mèn Saul ciuda Damasc.
27306	ACT 9:21	Ryete mèn co' ndxòn xal ndyoodi's Saul loo mèna, ante ngüi' mèna no ante ñaa mèna. No mbez mèna loo xtàa mèna: ―¿Ché' inacte mbi' ba' mbi' co' ngue tee ndub ngu's mèn, mèn co' mbez Diox por cón che'n lèe Tad Jesús, mèn co' naban le'n ciuda Jerusalén, cà'? No ¿ché' inacte mbi' ba' leque mbi' co' nde trè' par hue' mbi' mèn co' ndxela's loo Diox por cón che'n Jesús xal pres par ta' mbi' mèna loo jef co' más ñibe' loo rye nguley', ne, cà'? Leque mbi'i, ¿lè'?
27325	ACT 9:40	Sya, luega mnibe' Pedr loo rye mèn co' nziri' par ngro' mèn par fuer. Ngoloa, mdub xib Pedr. No ngurez Pedr Diox le' Diox li par ryo xban thebol Dorc. No ngolo ngurez Pedr Diox, xèe ngüi' Pedr loo thebol Dorc co' nzo'f loo mes. Sya, ndxab Pedr loo thebol Dorc: ―Tabit, goo che co'te' naxl ba', ey. Sya, mxal' Dorc ngudloo Dorc. No co'se' gunèe Dorc Pedr, mdub Dorc.
27332	ACT 10:4	Per Cornel xèe ngüi' loo angl. No anze'f mzyeb Cornel. Por lult mnibdi's Cornel loo angl. Ndxab Cornel: ―¿Cóna, Tad? Angl ndxab loo Cornel: ―Diox ncàaque' cuent di's co' mbez gu' co'se' mbez gu' Diox. No ndxòo lezo' Diox con' ndli gu' co'se' ndlyath no gu' mèn co' ndyac yaltìi co' nquin con'.
27354	ACT 10:26	Per Pedr mxít too Cornel. Ndxab Pedr loo Cornel: ―Mbi', goo too, yey. Ne'tub xibtel loon. ¿Ché' ingüi'del daa, ne, nac lomisque' mbi' xal lùu, Cornel? Lalque' ryop na', ey.
27614	ACT 17:22	Sya, mdoo Pab loo mèn lugar co'te' lèe Areopag. Ndxab Pab loo mèna: ―Mèn ciuda Aten, ngüi'en no ndan cuent axta arid mènley' nac gu' loo chol con' co' mbez gu' nac Diox.
27778	ACT 22:6	Nde tan cuent loo gu' xá ñaa co' ngòc loon láth ndoon ned, ndan ciuda Damasc. Co'se' yamerle' zin daa ciuda Damasc no casque' com rol huiz, chàa, mbya'x thìb xnìi tín' co' ngulàa loo bé' co' ne'nxecte ngudloon par ngüi'en.
28031	ROM 2:1	Hui' gu' nexa. Gu' co' ngüi' no co' ñaa loo xtàa gu', no ndyac gu' le' xtàa gu' ngue tee cua'n xquin xtàa gu' no xtol xtàa gu', na nii loo gu': Yende mod gab gu' indxàpte gu' xquin gu' no xtol gu'. Tac co'se' ngüi' gu' no ñaa gu' loo con' co' ngue tee li xtàa gu' par quexù' gu' xtàa gu', ne'ta'de gu' cuent ale leque gu' ngue tub rez cón che'n gu', ne. Tac leque gu' co' ngüi' no co' ñaa loo xtàa gu'a, leque gu' ndli con' ndli xtàa gu'a.
28032	ROM 2:2	Nanee na' le' Diox nalìque' ngüi' no nalìque' ndub rez Diox cón che'n mèn xalque' nac mod co', lìcque', ndli mèn co'se' nquexù' Diox mèn, mèn co' ndli rye loothe con' ye'rsin'a.
28033	ROM 2:3	Gu' co' ngüi' no ñaa loo xtàa gu' loo ryethe con' ndli xtàa gu', no nquexù' gu' xtàa gu' loo con' ndli xtàa gu', no ndli gu' leque con' ndli xtàa gu', ¿ché' ndyac gu' no ché' ndli gu' cuent lyá' gu' co'se' tub rez Diox cón che'n gu', cà'? ¡Pà gàca tataa, ey!
28208	ROM 8:24	Tac co'se' ngolo ngola's na' loo Crist no loo cón che'n Crist, mcàba loo na' ngure quee lezo' na' le' na' lyá' loo rye yaltìi no yalquìi no yalnè co' ndxàc loo na' nalle'. Per chele' mèn ngüi'pe' loo con' co' nzi quee lezo' mèn, le' sya, ya inzi queede lezo' mèn más loo con' co' nzi quee lezo' mèn. Tac co'se' ngüi' mèn loo con' co' mbez mèn nzi quee lezo' mèn, ya ne'tolode cue quee lezo' mèn loo con'a, ¿lé'?
28285	ROM 11:8	Ngòca loo mèn nación Israela xal ndub di's loo libr co' nac xti's Diox co' mbez: Diox mbli ngòc mèna mèn naad no mèn nguud. Mcuau yéc mèna no mcuau lezo' mèna par ne'yaa'dte cón che'n Diox yéc mèna no lezo' mèna. Diox mbli ngòc mèna loo cón che'n Diox xal mèn co' ingüi'de con' no xal mèn co' indxònte con' co' mbez tedib mèn loo mèna. Tataa ndxàca loo huax mèn nación Israel axta huiza no axta huiz nalze.
28366	ROM 14:18	Mèn co' tataa nzi tee ban loo cón che'n Crist xal ngue niin loo gu' ndxè', mèna ndxòo lezo' Diox ñèe Diox con' ndli mèna. No mèn co' nac hues xtàa mèna ngüi' no nda'que' mèna cuent huenque' nac co' ndli mèna.
28598	1CO 8:3	Per chele' chó mèn nzo co', lìcque', nque' lezo' Diox, Diox ngüi' no ñaa Diox loo mèna, no ngo Diox cuent cón che'n mèna.
28745	1CO 13:12	Lomisque' mod ne, láth be' naban na', loo ryethe cón che'n Diox ndxos xtùuz na' no ne'ñee'de na' cón ngue li na'. Ndxàca loo na' xal mèn co' nathath ngüi' loo thìb spej loo con' co' nac cón che'n Diox nalle'. Per co'se' gàc huiz co' tyaa ryethe con' co' gàc loo na', syare' clarleque' hui' na' no ten' na' no li la's na' ryethe con' xal thìb mbi' co' ndxe'sleque' ngüi' con'. Per nalle' axta ne' ne' indan cuent no ne' ne' iñeen co' huenleque' cón che'n ryethe con'. Per huiza, syase tan cuent no ñeen ryethe con' xalque' non Diox no nanee Diox ryethe con' cón chenen nalle'.
28912	2CO 3:3	Mèn ciuda Corint co' ndxàc huesen por cón che'n Crist, tetaquen thìb di's cón che'n na' no cón che'n Crist loo gu', co' nee di's, gu' nac xal thìb cart co' mque' leque yub Crist loo taamas mèn no mda' Crist lugar huen carta loo mèna, co' nee di's, gu' ndlu' xal nac daa no xal nac Crist loo mèn. Cón che'n con' ndxè' inacte xal thìb cart co' mque' mèn ye's con tint. Ndxe'leque', gu' mzye' mod co' mque tee ban gu' thìb cua'a por cón che'n Xpii Natú' che'n Diox, co' thidtene naban, co' mbli thìb zin' loo gu'. Con' ndxè' ndlu' gu' loo mèn xal ndlu' thìb cart con' loo mèn. Ne'ngàcte con' ndxè' xal ngòc di's co' mque' Diox loo quèe co' mtoxcua' Moisés póla, co' mcàaya' mèn nación Israel. Ndxe'leque', cón che'n zin' co' mbli Xpii Natú' loo gu'a, ngüaa'd le'n lezo' mèn no ngüaa'd le'n xtùuz mèn, ne, par ta' mèn cuent xá nac cón che'n Diox no xá nac daa por cón che'n gu'.
28927	2CO 3:18	Per ryete na' co' ndxela's loo cón che'n Crist, nduble' xnìi yéc na' no nduble' xnìi lezo' na' loo cón che'n Diox, co' nee di's, inacte na' xal mèn co' nau' rloo con thìb le' lar'. No ndxàca loo na' co'se' hui' mèn loo na', nden' mèna ngue hui' mèn loo Crist xal ngüi' mèn loo thìb spej. Tataa ndxàca tac ndyac na' ngue hui' na' loo Crist láth ngue lab na' xti's Diox co' ndlu' cón che'n Crist loo na' xal ñaa loo na' co'se' ngüi' na' loo thìb spej. Làth xtau'a, nzye' mod co' nque tee ban na' par xèegà xèegà que tee ban na' xal nac Crist no tataa mod xèegà xèegà ndxàc na' xal nac Crist. Con' ndxè' ndxàc loo na' por cón che'n Diox co' nac thìb Xpii.
28945	2CO 4:18	Part cón chenen, indliden xtùuz no ingüi'den loo con' co' ndxú' loo mèn. Per ndxe'leque', ndlin xtùuz no ndyóon cón che'n con' co' indxú'de loo mèn. Tac con' co' ndxú' loo mèn, co' ngüi' mèn loo, nac con' co' nxec ndxepte tiemp no maste. Per con' co' indxú'de loo mèn, con'a nxec thidtene. No ne'tyon'te no ne'lyuxte con'a thidtene.