23275	MAT 3:14	Ndxab Jesús loo Juàn li Juàn bautizar Jesús. Per co'se' mbìn Juàn li Juàn bautizar Jesús, ne'ndalte Juàn li Juàn bautizar Jesús. Ndxab Juàn loo Jesús: ―U' ndxàal li bautizar daa, Tad. ¿Xá mod ndlya's U' ale daa li bautizar U', yey?
23276	MAT 3:15	Ndxab Jesús loo Juàn: ―Lìcque' nac di's co' ngolo guneel ba'. Yende cón niin lool. Per mastale' nden'l ndxàal lin bautizar lùu, bli co' ñibe'en lool. Bli bautizar daa tac taandxè'que' ndxàal li na' par tyaaque', no gàcque', no tyubque' di's xal mnibe' Diox par gàca. Syare', mdyal Juàn. Mbli Juàn bautizar Jesús.
23278	MAT 3:17	Leque hora, mbyèn thìb di's loo bé' co' ndxab: ―Mbi' ba' nac xgan' daa co' anze'f ngudloon no lezon. Por cón che'n mbi' ba' anze'f ndyac tín' lezon.
23281	MAT 4:3	Látha, ngua Mebizya loo Jesús par ñee Mebizya ñeene' ché' tli Jesús co' gab Mebizya loo Jesús tac Mebizya nanee le' Jesús ndlyan'. Ndxab Mebizya loo Jesús: ―Chele' lùu, lìcque', nac xgan'pe' Diox, bnibe' loo quèe ndxè' gàc quèe ndxè' pan par hual.
23284	MAT 4:6	Tya, ndxab Mebizya loo Jesús: ―Chele' lùu nacque' xgan'pe' Diox, lyazen que'l thìb brinc trè' axta loo yòo. Tac loo libr co' nac xti's Diox ndub di's co' mbez: Yub Diox ñibe' loo angl che'n Diox par quenap angl lùu. Angl te'f ya' angl par lyàal ya' angl par ne'lyàadel loo quèe no ne'huí'de ladl loo quèe.
23297	MAT 4:19	Sya, ndxab Jesús loo Pedr no loo Ndech: ―Ya' gu' nda na'. Ftoo nque gu' xísen. Daa li le' ryop gu' gàc mbi' co' lu' loo mèn cón che'n Diox par yòo mèn loo cón che'n Diox xal ndxàc co'se' ndyen gu' mbèel con yex gu'.
23334	MAT 5:31	Tolo ndxab Jesús loo mèna: ―Nonque' gu' no naneeque' gu' xal nac di's co' ndub loo ley co' mxo'f Moisés loo mèn póla le' chol mèn co' mbez lá'xù' mèna xin' sa'l leque mèna, ta' mèna ye's co' lèe act co' ta' cuent no co' lu' le' mèna mblá'xù' xin' sa'l.
23418	MAT 8:4	Le' sya, ndxab Jesús loo mbi'a: ―Hui' nexa. Yende chó loo gabtel cón che'n con' co' mbli nonl ba', ndee. Ante ndlyazen huàa lu'l loo nguley'. No huàa ta'l ofrend co' mnibe' Moisés ta' mèn co' mbyac loo yíiz ba' par ta' mèn cuent no non mèn le' lùu mbyacle' loo yíiz ba'.
23434	MAT 8:20	Mcàb Jesús loo mbi'. Ndxab Jesús: ―Hui' nexa. Mbe'th ngue no quèe lyo' co'te' ndxàt mbe'th. Le' mbin bé' na, ngue no xyòn mbin co'te' ndxàt mbin, ne. Per daa, co' mbal yáal loo izlyo' xalque' ndxáal chol mèn, ingue noden thìb lugar co' nac che'npe'en co'te' guixen chu'th yéquen par ryo xcuen chu'th laden, co' nee di's, tegaan chu'th xísen par lin descans.
23445	MAT 8:31	Sya, mbii che'n xpii ye'rsin'a mbli par nalyat ndxab ryop mbi'a loo Jesús: ―Chele' U' co' nu' trè', bla' U' yòo nu' loo partid nguch co' nzi tee go'.
23446	MAT 8:32	Sya, ndxab Jesús loo xpii ye'rsin'a: ―Gro' gu'. Huàa yòo gu' loo nguch, tá. Hora ngro xpii ye'rsin'a loo ryop xa'bi'a. Ngua yòo xpii ye'rsin'a loo partid nguch. Ngoloa ale ryete ngucha mquée mbii. Ale mbyùub nguch lad yii co'te' nzi tee yuhua nguch. Ngulàa ryete ngucha axta le'n lagun. Nguap nguch nít. Ale nguth ryete nguch.
23485	MAT 9:37	Sya, ndxab Jesús loo myen' xin' mté'th Jesús: ―Lìcpe' ba'i, anze'f huax mèn nzo co' ndxàal gòn cón che'n di's ndac par lyá' mèn loo ryethe co' nac con' ryes xal co'se' ndláp mèn cosech par ne'yiza'de cosech no par ne'tyuhuante cosech. Per yende huax mèn co' ya te'th no co' ya lo yalbàn cón che'n di's ndac loo mèn.
23487	MAT 10:1	Ngolo tataa mdoodi's Jesús loo mèn, ngurez Jesús ryete si' fchop myen' xin' mté'th Jesús. Ndxab Jesús loo myen' xin' mté'th Jesús: ―Nalle' lin loo gu' par gác gu' co' gu' xpii ye'rsin' loo mèn, no par teyac gu' mèn co' ngue no chol yilíiz, no par teyac gu' ryete mèn yíiz ned ya que tee gu'.
23560	MAT 12:2	Làth mèn co' ndoo nque xís Jesús ngo ndxep mèn xley' farise. Co'se' ñèe mèn xley' farise ndli myen' con'a, ndxab mèn xley' farisea loo Jesús: ―Hui' nexa, mbi'. Myen' xin' mté'th lùu ngue li zin' co' indxàalte li myen' huiz sabd co' nac huiz descans, cara.
23571	MAT 12:13	Ngolo ndxab Jesús di'sa loo mèna, ndxab Jesús loo mbi' yíiza: ―Ftega' ya'l, ey. Co'se' mtega' mbi' ya' mbi', mbyac ya' mbi' xalque' taasa lad ya' mbi' co' nac ya' huen mbi'.
23582	MAT 12:24	Co'se' mbìn mèn xley' farise tataa gunii mèna no mdoodi's mèna cón che'n Jesús, ndxab mèn xley' farise loo mèna: ―Mbi' ba' ngo' xpii ye'rsin' ante por ryethe con' roo no con' xèn co' nzo la's nii no co' nzo la's ya' che'n xa' co' lèe Beelzebú co' nac jef che'n rye xpii ye'rsin'.
23605	MAT 12:47	Sya, thìb xa' co' ndoo xì'tha xexte ndxab loo Jesús: ―Xna' U' no myen' huespe' U' nzi fuer ba'. No ndlya's xa' tyoodi's no xa' U', Tad.
23607	MAT 12:49	Sya, mblu' Jesús myen' xin' mté'th Jesús loo xa'a no loo mèn co' nziri'a. Ndxab Jesús: ―Myen' ba' nac xal xnan no myen' ba' nac xal huespe'en, ne, ey.
23645	MAT 13:37	Jesús mcàb loo myen' xin' mté'th Jesús. Ndxab Jesús loo myen'a: ―Xa' co' ngo nzob bin ndac co' nac triu, xa'a nac daa, daa co' mbal yáal loo izlyo' xalque' ndxáal chol mèn.
23681	MAT 14:15	Co'se' ñèe myen' xin' mté'th Jesús nde zèle' izlyo' huiza, ngua myen' loo Jesús. Ndxab myen' loo Jesús: ―Mzyèle' izlyo', Tad. Neeque' U' co'te' nziri' na' ndxè' nac thìb lugar nagán. No yende chó mèn nzo co' tho' co' hua mèn trè'. Más huen gunii U' Diox loo mèn ba' par bii mèn par ya cua'n mèn con' hua mèn le'n yèez ba' no le'n ranch co' nziri' le'n yii ba'.
23699	MAT 14:33	Le' sya, co'se' gunèe ryete myen' co' nzo le'n yòoyaa con' co' ngòca, mdub xib myen' loo Jesús. Mcòo' myen' yéc myen' loo Jesús. No ndxab myen' loo Jesús: ―Lìcpe' ba'i, Tad, U' nac xgan'pe' Diox.
23748	MAT 16:7	Per myen' xin' mté'th Jesús, mtlo myen', ndxab myen' loo xtàa myen': ―Tatua' gunee Tad loo na', cara, tac ne'nte'de lezo' na' ndi' na' pan par que no na' pan.
23757	MAT 16:16	Sya, ngro' nxon' Mon Pedr. Ndxab Mon Pedr loo Jesús: ―U' nac yubpe' Crist. Nac U' xgan'pe' Diox co' nabanpe'.
23765	MAT 16:24	Sya, ndxab Jesús loo myen' xin' mté'th Jesús: ―Chele' chol gu' ndlya's tyoo nque xísen ned ndan, leque gu' bli par ne'lide gu' co' ndyub yo'f lezo' gu' par li gu'i. Ndxe'leque', gàp gu' lezo' gu' no ñibe' gu' loo lezo' gu' par ne'lide gu' con' co' ndyub yo'f lezo' gu' li gu'. Blec lezo' gu' par xec gu' tyactìi gu' co'se' tyub ngu's mèn gu' no li mèn preb tethon mèn gu' por cón chenen ned nda na'. Le' sya, ya' gu' too nque gu' xísen. Nda na'.
23774	MAT 17:5	Tatabe' ndoo toodi's Pedr con Jesús, chàa, ngulàa beu. Mtau' beu loo ryete xa'. Látha, chàa, mbyèn thìb di's le'n beu co' ndxab: ―Mbi' ndxè' nac xgan'en. Anze'f ngudloon no lezon mbi' ndxè'. Bìn gu' di's co' ndyoodi's mbi' loo gu', ndee gu'.
23780	MAT 17:11	Jesús mcàb loo myen'. Ndxab Jesús loo myen': ―Lìcque' nac xal mbez mèn le' Lii yi'th. Lìca, ngole' Lii làth mèn le'n tiemp ndxè'. Lii mbli par lyàa yéc mèn no lyàa lezo' mèn no zye' mod co' ndxàp mèn par thìb lìte yòo mèn loo cón che'n Diox tedib vez.
23799	MAT 18:3	Ndxab Jesús loo myen': ―Lìcque' nac co' nde niin loo gu' ndxè': Chele' gu' ne'tyalte lyàa yéc gu' no lyàa lezo' gu' no zye' mod co' ndxàp gu' par gàp gu' mod xal ndxàp mbedbi' chu'th ndxè' mod, chele' gu' ne'taade li, ne'tyalte Diox ta' Diox lugar loo gu' yòo gu' loo cón che'n Diox par ñibe'pe' Diox loo gu'.
23845	MAT 19:14	Sya, ndxab Jesús loo myen' xin' mté'th Jesús: ―La' gu' tetee myen' bix ba' loon chele' myen' bix ba' nde loon. Ne'tau'te gu' loo mèn co' nde no myen' bix ba'. Tac mèn co' ndyal no nda' mèna lugar ñibe'pe' Diox loo mèna, ndxàca loo mèna ndxàc mèna xal myen' bix ba'.
23852	MAT 19:21	Jesús ndxab loo mbyòo: ―Chele' lùu, lìcque', lya's gàc mèn nambìi no mèn nalì loo Diox, huàa tho' ryethe con' ndxàpl par ryo' tmi looi. Yiloa qui'thl tmia loo mèn co' ndyac yaltìi. Le' sya, tataa mod tolo gàpl yalgon' no yalndac loo bé'. Yiloa ndye'thl. Tyoo nquel xísen. Nda na'.
23859	MAT 19:28	Jesús mcàb loo myen'. Ndxab Jesús: ―Lìcpe' ba'i, na ngue nii loo gu': Co'se' gàc tiemp no co'se' gàc cub ryethe con', no lomisque', co'se' tub ñibe'en, daa co' mbal yáal loo izlyo' xalque' ndxáal chol mèn, loo thìb asient co'te' gàc thìb lugar co'te' ñibe'pe'en por cón che'n ryethe con' roo con' xèn co' gàpen la's niin no la's yan huiza, le' sya, gu' co' ndoo nque xísen nalle', gu' co' ne'nglá'de daa, ryete si' fchop gu' tyub loo si' fchop asient par tub rez gu' cón che'n mèn nación Israel huiza, mèn co' nac si' fchop ned co' mblec biz no bin.
23879	MAT 20:18	―Hui' gu' nexa. Nase ñee gu' no nda' gu' cuent le' na' ndoole' ned. Nda quée na' par ciuda Jerusalén. No gàca loon le' thìb mbi' ta'xù' daa loo mèn, mèn co' nac jef co' más ñibe' loo rye nguley' no loo mèn co' nac maistr che'n ley co' mxo'f Moisés loo mèn. No axta quexù' que' fals mèna daa par guthxù' mèna daa, daa co' mbal yáal loo izlyo' ndxè' xalque' ndxáal chol mèn.
23884	MAT 20:23	Jesús mcàb loo myen'. Ndxab Jesús: ―Lìcpe' ba'i, le'i gàc loo gu' le' gu' tyactìi tín' xalque' gàc yaltìi tín' loon yé' huize' axtaque' gath gu' xalque' gath daa. Per con' co' ndlya's gu' gàc gu' xal thìb síndico no xal thìb juez par ñibe' no gu' daa, inacte con'a cón chenen par tan lugar loo gu' gàca tataa loo gu'. Ndxe'leque', mèn co' gàc xal juez no xal síndico co' ñibe' no daa, mèna nac mèn co' gunee lezo' xuden Diox, no mèn co' mdoo lezo' xuden Diox gàc mèna xal síndico no xal juez co' lyath no daa co'se' ñibe'en loo mèn nación Israel.
23894	MAT 20:33	Ryop xa'bi' sieua mcàb. Ndxab xa' loo Jesús: ―Nu' ndlya's gác nu' hui' nu', Tad.
23904	MAT 21:9	Sya, rye mèn co' nda no Jesús, mtlo mèna, mbez yèe mèna. Le'le' mbez yèe mèn co' ndoo ner loo Jesús. No le'le' mbez yèe mèn co' ndoo nque ned xís Jesús. Mbez mèna: ―Mbi' roo mbi' xèn nac mbi' co' nac bin David co' ngòc rey póla. Toloque' gab na' di's natú' no di's roo di's xèn cón che'n mbi' co' mtel' Diox: ¡Ay, Dio's! Anze'f Diox roo no Diox xèn nac Tad Diox.
23916	MAT 21:21	Jesús mcàb loo myen'. Ndxab Jesús loo myen': ―Lìcpe' ba'i, na nii loo gu': Chele' gu' yila's loon no ne'gàc chopte lezo' gu' loo cón chenen, le' sya, iante gác gu' li gu' xal mblin loo yaa ngudyuug ba'. Ndxe'leque', gu' gab loo yii co' ndub go': Yii, biiche tua'. Huàa tyub le'n níttó'. Tataaque' gàca loo gu'.
23920	MAT 21:25	Co'se' mbi'th li Juàn Bautist bautizar mèn, ¿chó mnibe' loo Juàn Bautist mbi'th li Juàn Bautist bautizar mèn, à'? ¿Ché' Diox mnibe' loo Juàn mbi'th Juàn o ché' nzo chó mèn co' nziri' loo izlyo' mnibe' loo Juàn, cà'? ¿Xá nee gu'? Fcàb gu' loon. Co'se' mbìn mèna tataa mnibdi's Jesús loo mèna, mtlo mèna, mdoodi's no mèna xtàa mèna. Ndxab mèna loo xtàa mèna: ―Chele' na' gab: Diox mnibe' loo Juàn, sya, ñee Jesús loo na': Chele' Diox mnibe' loo Juàn, ¿chonon ne'ngala'ste gu' loo con' mbli Juàn, sya? Aa, que tont gu' se.
23922	MAT 21:27	Con'a, mcàb mèna loo Jesús. Ndxab mèna: ―Ne'neede nu' chó mtel' Juàn. Sya, ndxab Jesús loo mèna: ―Ne' daa ne'niide loo gu' chó mnibe' loon mblin con' mblin ná'a, no con' ndlin loo mèn, no chol con' ndlu'en loo mèn.
23933	MAT 21:38	Per co'se' ñèe mèna nde xgan' mbi' co' nac che'n lus uva, le' sya, mèn co' ndli zin' loo lus uva, mèna ndxab loo xtàa mèn: ―Hui' gu' nexa. Mbi' ba' nac mbi' co' yan' no yòo co' nac che'n lus uv ndxè'. Ya' gu' nda yuth na' mbi' par gàc che'n na' yòo lus uv ndxè'.
23936	MAT 21:41	Mèna mcàb loo Jesús. Ndxab mèna: ―Mbi' co' nac che'n lus uva guth mèna. Ne'lyatte lezo' mbi' ñèe mbi' mèna. No yilo guth mbi' mèn ye'rsin'a, ta' mbi' xyòn mbi' loo tedib ned mèn co' li zin' loo xyòn mbi'. Mèna gàc mèn co', lìcque', li rol uv co' gàc che'n mbi' co'se' gáal tiemp làa mèn uv.
23984	MAT 22:43	Sya, ndxab Jesús loo mèna: ―Chele' Crist nac xgan' David, ¿chonon ndxab David por cón che'n Xpii Natú' che'n Diox le' Crist nac yub Tad che'n David, sya? Tac David ndxab:
23989	MAT 23:2	―Le' maistr co' ndlu' cón che'n ley co' mxo'f Moisés loo mèn nación Israel no mèn xley' farise, anze'f ndli ryop ned mèn ba' cuent le' mèna ngue no zin' co' nac zin' co' ndlu' mèn cón che'n ley co' mxo'f Moisés loo mèn.
24125	MAT 26:2	―Gu' neeque' no nonque' gu' taachopte huiz no maste ndxàc falt gàc lni pasc. Le'n huiz lnia tyenxù' mèn daa, daa co' mbal yáal loo izlyo' xal ndxáal chol mèn, par que' mèna daa loo thìb cruz.
24144	MAT 26:21	Láth nzi yuhua rsè no Jesús myen', ndxab Jesús loo myen': ―Lìcpe' ba'i, na ngue nii loo gu': Thìb gu' co' nzo làth na' ndxè' cua'n mod xexte ta'xù' gu' daa loo mèn co' nac ngolo ngola's chenen.
24156	MAT 26:33	Sya, mcàb Pedr loo Jesús. Ndxab Pedr: ―Mastale' ryete myen' xi lezo' no tyoo xà' lezo' myen' nal yál' por cón che'n con' ryes co' gàc loo U', na ne'xide lezo' no ne' ne' tyoo xà' lezon co'se' gàc cón gàc loo U', Tad.
24158	MAT 26:35	Pedr mcàb. Ndxab Pedr loo Jesús: ―Mastale' no daa gath con U', per par cà dizen U', daa ne'cà di'ste U' loo mèn. No ale ryete myen' xin' mté'th Jesús, leque di'sa ndxab myen' loo Jesús.
24159	MAT 26:36	Ngoloa, ngua no Jesús myen' xin' mté'th Jesús thìb lugar co' lèe Getsemaní. Ndxab Jesús loo myen' xin' mté'th Jesús: ―Trè' gaate ftub gu' láth nda bezen Diox tua'.
24171	MAT 26:48	Le' Jud co' mblu'xù' Jesús no co' mda'xù' Jesús loo mèna na, Jud mbli thìb con' con mèna ndoore'. Ndxab Jud loo mèna: ―Mbi' co' seron cuat, mbi'a nac Jesús. Luega tyen gu' mbi' no bli gu' segur mbi' co' huen huen.
24175	MAT 26:52	Sya, ndxab Jesús loo mbi' co' ngòc xin' mté'th Jesús: ―Blosua' spadl le'n cubiert. Tac ryete mèn co' ndxuth xtàa con spad, leque loo spad ya mèn looi, ne.
24184	MAT 26:61	Mèna ndxab: ―Nu' mbìn le' mbi' ba' gunii pezea, ndxab mbi' le' mbi' cobii templ che'n Diox. No bere mbi', xít te'f mbi' templ le'n son huiz no maste. ¿Xá nee gu'? ¿Ché', lìcque', li mbi' con'a?
24188	MAT 26:65	Sya, jef co' más ñibe' loo nguley' ngo too nde'f. Mched jef xab jef. No ndxab jef: ―Mbi' ndxè' thidteneque' ñii yèe ñii tìi cón che'n Diox con di's co' ndyoodi's mbi'. ¿Cón li taamas mèn co' ta' cuent cón che'n mbi' ba' loo na'? Ya inquinte na' taamas mèn, ¿lé'? Gu' nde teele' ndxòn di's co' ndyoodi's mbi' co' ñii yèe ñii tìi mbi' cón che'n Diox.
24189	MAT 26:66	¿Xá nee gu'? ¿Xá gàc mbi'? ¿Cón li no na' mbi'? Mèna mcàb: ―Ndxàalque' gath mbi' tac mbi' ndxàp dol.
24194	MAT 26:71	Le'pe' nda ro Pedr ro puert co'se' gunèe tedib mozgot Pedr. Sya, ndxab mozgota loo mèn co' nziri' tya: ―Mbi' ba', ne, mque tee noque' Jesús co' nac mèn yèez Nazaret.
24196	MAT 26:73	Pente ndxàc mcà di's Pedr cón che'n Jesús, mbere mèn co' nziri' tya, ngua bii gax mèna loo Pedr. Ndxab mèna loo Pedr: ―Lìcpe' ba'i, cara, lùu, ne, nac thìb mbi' co' mque tee noque' Jesús tac ndxàc be'l axta por mod co' ndyoodi's lùu.
24219	MAT 27:21	Mbere Pilat co' nac gobernador, ndxab Pilat loo mèna. No mnibdi's Pilat loo mèna tedib vez: ―De loo ryop mbi', ¿chó mbi' ndlya's gu' telá'en, à'? Mèna ndxab: ―Blo' Barrabás lezi'f. No bla' bii Barrabás.
24220	MAT 27:22	Pilat mnibdi's tedib vez loo mèna. Ndxab Pilat: ―Le' loo Jesús co' mbez mèn nac Crist, ¿cón ndlya's gu' li non Jesús, à'? Ryete mèna mcàb: ―Fcàa Jesús. Fque' loo cruz.
24223	MAT 27:25	Sya, ryete mèna mcàb loo Pilat. Ndxab mèna: ―Yan' cón che'n mbi' co' gath ba' cón che'n nu' no cón che'n xin' nu', xàa. Mbi' gath. Ngolo cuent.
24245	MAT 27:47	Ndxep mèn co' nziri' tya mbìn di's co' ndxab Jesús. Sya, ndxab mèna loo xtàa mèna: ―Mbi' ba' ngue bez Lii. Gu' neeque' no nonque' gu' le' Lii ngòc thìb mbi' co' mde'th di's co' ndxab Diox póla, ¿lé'?
24252	MAT 27:54	Le' sya, co'se' ñèe capitán con solndad co' nzi quenap Jesús mbuin xòo no tolo ngòc taamas con' naze'f, anze'f mzyeb capitán con taamas solndada. Ale ndxab capitán no mèn co' nziri' no capitana: ―Lìcpe' ba'i, ndee gu'. Mbi' ba', lìcque', ngòc xgan' Diox.
24263	MAT 27:65	Pilat ndxab loo mèna: ―Gu' ngue no thìb tant solndad la's ya' gu' co' ngue li sirv loo gu'. Más huen leque gu' nibe' par ya quenap solndad ro ye'r quèe thìb mod co' más gác solndad quenap solndad ye'r quèe co' nac bá'.
24277	MAT 28:13	No ndxab mèna loo solndad: ―Taandxè' gab gu' loo mèn che'n ciuda Jerusalén. Gab gu': Láth nzi yàt nu' xhuina, ne'nden'te nu' no ne'nda'de nu' cuent xal mbi'th li huan' myen' xin' mté'th thebol Jesús thebol Jesús le'n ye'r quèe.
24282	MAT 28:18	Sya, mbii gax Jesús loo myen' xin' mté'th Jesús. Ndxab Jesús loo myen': ―Hui' gu' nexa, ey. Diox mbli par ndxàpen rye loothe con' roo con' xèn la's niin no la's yan par ñibe'en loo ryethe con', que naca con' co' nziri' loo izlyo' ndxè', que naca con' co' nzo loo bé'.
24291	MRK 1:7	Co'se' ngo Juàn yalbàn loo mèn cón che'n di's ndac, taandxè' mod mbez Juàn: ―Nare' yi'th thìb mbi' co' más ndxàp con' roo con' xèn la's nii mbi' no la's ya' mbi' leque daa. Por con' roo con' xèn co' ndxàp mbi' la's nii mbi' no la's ya' mbi', pà tan con mbi' con co' ndxác mbi'. Axta ne' ne' lin ryes còo'en loo mbi' par xaquen bòo co' natedó' yilid co' ngue nii mbi.
24301	MRK 1:17	Ndxab Jesús loo ryop hues Ndech Mon: ―Ya' gu' nda na', ey. Ftoo nque gu' xísen. Na li le' gu' gàc mèn co' lu' loo mèn cón che'n Diox par yòo mèn loo cón che'n Diox xal ndxòo mbèel le'n yex co'se' ndyee ten gu' mbèel.
24304	MRK 1:20	Ngurez Jesús Cob no Juàn. Ndxab Jesús loo myen: ―Ya' gu' nda na'. Ftoo nque gu' xísen. Sya, nda no myen' Jesús. Taate mtan' myen' xud myen', Zebede, le'n yòoyaa con moz.
24328	MRK 1:44	―Hui' nexa. Yende chó loo gabtel co' ngolo mbli nonl ba', ndee. Ante ndlyazen yal loo nguley' par ñèe nguley' lùu. No sangya lá'l ofrend co' nac gòn loo Diox por cón che'n con' co' mtembìin ladl, ofrend co' nac gòn co' mnibe' Moisés ta' mèn par tataa mod ñèe mèn no yila's mèn le' lùu mbyacle' loo yíiz ndxa's co' mque nol ladl. Ngolo gunii Jesús Diox loo mbi', mtel' Jesús mbi', bii mbi' par liz mbi'.
24362	MRK 3:5	Sya, ngocloo Jesús mbui' Jesús loo mèna. No mxi lezo' Jesús con mèna tac ne'nglàa huente di's co' ndxab Jesús le'n lezo' mèna. No ne'ngaa'dte mèna di's co' mbez Jesús loo mèna. Sya, ndxab Jesús loo mbi' yíiza: ―Ftega' ya'l, ey. Sya, mtega' mbi' ya' mbi'. Ngoloa, ale chàa, mbyac ya' mbi'.
24368	MRK 3:11	Co'se' ñèe mèn co' mque no xpii ye'rsin'a Jesús, xpii ye'rsin' co' nzo loo mèna mbli par mdub xib mèna loo Jesús. No cabii mbez yèe mèna loo Jesús. Mbez mèna: ―U' nacpe' xgan' Diox.
24401	MRK 4:9	Tolo ndxab Jesús loo mèna: ―Gu' co' ndxác ta' gu' cuent co' huenleque' cón nee di's di's co' ngue toodizen loo gu' ndxè', no chele' gu' ten' cón nee di's di's ndxè', bìn gu' di's co' ngue niin loo gu' ndxè' no fta' gu' lugar yaa'd di's ndxè' le'n lezo' gu'.
24427	MRK 4:35	Leque huiza co'se' ngulàa yál' izlyo', Jesús ndxab loo myen' xin' mté'th Jesús: ―Ya' gu' nda na' tedib lad ro lagun ba', ey.
24442	MRK 5:9	Sya, mnibdi's Jesús loo mbi'. Ndxab Jesús loo mbi': ―¿Chó lèel, à'? Le' sya, xpii ye'rsin' co' nzo loo mbi'a mbli ndxab mbi': ―Nu' lèe Legión tac anze'f huax nac nu'.
24445	MRK 5:12	Rye xpii ye'rsin' co' ngo loo mbi' mbli ndxab mbi' loo Jesús: ―Ftel' U' nu' loo nguch co' nzi tee go' par yòo nu' loo nguch.
24507	MRK 6:31	Jesús ndxab loo myen': ―Ya' gu' nda li na' chu'th descans thìb lugar co'te' ne'ñeede mèn na'. Tataa ndxab Jesús tac anze'f thìb mèn, chó mèn ndyàa no chó mèn nde loo Jesús, axta ne' ne' yen mod hua Jesús con myen' xin' mté'th Jesús mase thìb le' yèth.
24513	MRK 6:37	Per Jesús, ndxe'leque,' mcàb. Ndxab Jesús loo myen': ―Gu' nee, xàa. Fta' gu' con' hua mèn ba'. Myen' mcàb loo Jesús. Ndxab myen' loo Jesús: ―Tad, ¿xá nee U'? ¿Ché' tàal thìb mil chop ayo pes pan par hua mèn ba' chele' nu' ya ti' pan par hua mèn ba', à'?
24552	MRK 7:20	Jesús ndxab loo myen' xin' mté'th Jesús, ne: ―Con' co' ndryo' le'n lezo' mèn no con' co' ndli mèn xtùuz, con'a ndli leque mèn ndli con' ye'rsin' loo Diox no ndxàc mèn mèn ye'rsin' loo Diox.
24603	MRK 8:34	Sya, ngurez Jesús myen' xin' mté'th Jesús. No ngurez Jesús mèn co' nziri' no Jesús. Ndxab Jesús loo myen' no loo rye mèna: ―Chele' chó gu' ndlya's, lìcque', tyoo nque gu' xísen, leque gu' bli par ne'lide gu' con' co' ndyub yo'f lezo' gu' par li gu'i. Ndxe'leque', gòp gu' lezo' gu' no ñibe' gu' loo lezo' gu' par ne'lide gu' con' co' ndyub yo'f lezo' gu'. No blec lezo' gu' par xec gu' tyactìi gu' co'se' tub ngu's mèn gu' por cón che'n daa ned nda na'. Le' sya, ya' gu' too nque gu' xísen. Nda na'.
24608	MRK 9:1	Tolo ndxab Jesús loo mèn, ne: ―Lìcpe' ba'i, na nii loo gu': Le' ndxep gu' co' nziri' loon nalle', ne'gathte gu' axtaque' ñèe gu' co'se' gàc huiz co' tlo ñibe'pe' Diox loo mèn loo izlyo' xal nac ryethe con' roo no con' xèn co' nzo la's nii Diox no co' nzo la's ya' Diox.
24614	MRK 9:7	Látha, ngulàa beu. Mtau' beu loo ryete xop xa' co'te' ngure xa'. Le'n beua mbyèn thìb di's co' ndxab: ―Mbi' ndxè' nac xgan' daa. Anze'f ngudloon no lezon mbi' co' nac xgan' daa ndxè'. Bìn gu' ro mbi'.
24619	MRK 9:12	Jesús mcàb. Ndxab Jesús loo myen': ―Lìcque' le' Lii yi'th ner. Per co'se' yi'th Lii, Lii li nab mèn no te'th Lii loo mèn par ta' mèn lugar no tyal mèn yila's mèn loo Crist no yila's mèn cón che'n Crist yiloa. Per ¿xá nac di's co' ndub loo libr co' nac xti's Diox cón chenen, daa co' mbal yáal loo izlyo' xalque' ndxáal chol mèn loo izlyo' ndxè'? Loo libr co' nac xti's Diox ndub di's co' ndxab le' daa tactìique', no tè'b mèn daa thìb lad, no xìis no mèn daa, no yáp xyán' mèn ñèe mèn daa.
24630	MRK 9:23	Jesús ndxab loo mbi': ―Chele' lùu yila'spe' loon le' daa ndxác teyac mbyòo, sya, lina. Tac ryethe con' nzoque' mod gàc loo mèn, mèn co' ndxela's loon no co' ndxela's loo con' ndlin.
24642	MRK 9:35	Sya, mdub Jesús loo myen' no ngurez Jesús ryete si' fchop myen' xin' mté'th Jesús. Ndxab Jesús loo myen': ―Chele' chol gu' ndlya's gàc mèn co' tyoo ner loo xtàa gu', no co' tyoo naa, no co' ñibe' loo xtàa gu', nquin gàc gu'a xal thìb moz prob co' nque zin' loo mèn par li gu' sirv loo xtàa gu'.
24668	MRK 10:11	Sya, ndxab Jesús loo myen' xin' mté'th Jesús: ―Mènbi' co' lá' xa'got co' nac sa'l mènbi'a, no selya' mènbi'a con tedib xa'got, mènbi'a ngue cua'n xtol co' nac yalburrid loo ner xa'got co' nac sa'lpe' mènbi'a.
24671	MRK 10:14	Co'se' gunèe Jesús ngue yoo myen' mèna, ngocloo Jesús loo myen'. Ndxab Jesús loo myen': ―Bla' gu' yi'th myen' bix ba' loon. Ne'càde gu' loo myen'. Tac mèn co' ndxòo loo cón che'n Diox par ñibe'pe' Diox loo mèn, mèna ndxàc xal nac myen' bix ba'.
24686	MRK 10:29	Jesús mcàb loo Pedr. Ndxab Jesús: ―Lìcpe' ba'i, na nii loo gu': Chol mèn co' lá'ya' liz, no hues, no fta'n, no xud, no xna', no sa'l, no xin', no xyòn ante por cón chenen no maste, no ante por cón che'n di's ndac co' ndlu' xá mod lyá' mèn loo con' ryes,
24690	MRK 10:33	Ndxab Jesús loo myen' xin' mté'th Jesús: ―Gu' naneeque' no nda'que' gu' cuent le' na' ndoole' ned. Nda quée na' par ned ciuda Jerusalén co'te' tyenxù' mèn daa, daa co' mbal yáal loo izlyo' ndxè' xalque' ndxáal chol mèn loo izlyo'. Mèn co' nac jef loo rye nguley' co' más ñibe' no mèn co' nac maistr co' ndlu' cón che'n ley co' mxo'f Moisés loo mèn, mèna quexù' que' fals daa par ta'xù' mèna daa loo mèn co' inacte mèn nación Israel.
24696	MRK 10:39	Myen' mcàb loo Jesús. Ndxab myen': ―Xec nu'i, Tad. Jesús mcàb loo myen'. Ndxab Jesús: ―Lìcpe' ba'i, gàca loo gu' le' gu' tyactìi tín' xalque' gàc yaltìi tín' loon yé' huize' axtaque' gath gu' xalque' gath daa.
24699	MRK 10:42	Sya, ngurez Jesús myen'. No ndxab Jesús loo myen': ―Gu' nda'que' cuent no nonque' gu' le' mèn co' nac gobiern loo chol nación dib athu loo izlyo', gobierna ñibe' yèe loo mèn rye naciona. Le' mèn co' nac mèn roo no mèn xèn co' naqueltàa loo gobierna, mèna, ne, nqueltàa con gobierna par tolo nquil' mèna gobiern par sate más ñibe' gobiern loo mèn naciona axta ne' ne' xec prob mèna loo con'a.
24705	MRK 10:48	Ale huax mèn ale mtlo mbyoo mbi' par yau' ro mbi'. Per ndxe'leque', sate más cabii mbez yèe mbi'. Mbez mbi': ―U' co' nde bin David co' ngòc rey póla, gulat lezo' U' gunèe U' daa, niin.
24709	MRK 10:52	Jesús ndxab loo mbi': ―Nzole' mod biil, ey. Ngudlool mdyuble' xnìi tac ngola'sque'l loon. Leque hora ndxe'sleque' mbui' mbi' sieua. Ngoloa, mdoo nque mbi' xís Jesús. Nda no mbi' Jesús ned nda Jesús.
24740	MRK 11:31	Sya, leque mèna mtlo, noo noo mdoodi's no mèna xtàa mèna cón che'n di's co' ndxab Jesús loo mèna. Ndxab mèna loo xtàa mèna: ―Chele' na' gab: Diox mtel' Juàn, le' sya, càb mbi' ba' loo na'. Ñee mbi': ¿Chonon ne'ngala'ste gu' loo Juàn, sya?
24742	MRK 11:33	No por mzyeb mèna, mcàb mèna loo Jesús. Ndxab mèna: ―Ne'ñeede nu' chó mtel' Juàn, cara. Sya, ndxab Jesús loo mèna: ―Ne' daa ne'niide loo gu' con chó yalñibe' mblin con' co' mblin ná'a.
24766	MRK 12:24	Sya, mcàb Jesús loo mèna. Ndxab Jesús: ―Susque' ndxos xtùuz gu' no susque' yéc brèl gu'. Ndxàc con' ba' loo gu' tac ne'ta'de gu' cuent cón mbez di's co' ndub loo libr co' nac xti's Diox. No ne' ne' ta' gu' cuent con' co' nac con' roo no con' xèn co' nzo la's nii Diox no co' nzo la's ya' Diox.
24774	MRK 12:32	Sya, ndxab maistr co' ndlu' cón che'n ley co' mxo'f Moisés loo mèn loo Jesús: ―Huenque' gunee U', Maistr. Lìcque' naca xal ngolo gunee U'i ba'. Thidte Diox nzo no yende tedib Diox co' nzo.
24785	MRK 12:43	Sya, ngurez Jesús myen' xin' mté'th Jesús. Ndxab Jesús loo myen': ―Lìcpe' ba'i, na nii loo gu': Le' Diox más ngo cuent cón che'n gòn co' mblo prob xa'got viud ba' le'n caj leque gòn co' mblo mèn ric le'n caj.
24829	MRK 14:6	Per Jesús ndxab loo mèna: ―Bla' gu' tee tub xa'got ndxè'. ¿Chonon ngue tethon gu' xa' no ngue li xol gu' xa', à'? Tac con' co' ngue li xa'got ndxè' loon anze'f huen naca.
24841	MRK 14:18	Co'se' ndub yuhua rsè no Jesús myen' xin' mté'th Jesús loo mes, ndxab Jesús loo myen': ―Lìcpe' ba'i, na nii loo gu' le' thìb gu', co' ngue yuhua no daa, ta'xù' daa loo mèn co' nac ngolo ngola's che'n daa.
24852	MRK 14:29	Sya, ndxab Pedr loo Jesús: ―Mastale' ryete myen' ba' xi lezo' no tyoo xà' lezo' myen' ba' loo cón che'n U', per part cón chenen daa ne'xide lezo' no ne' ne' tyoo xà' lezon ñèen cón gàc loo U'.
24854	MRK 14:31	Per Pedr mbli nèe di's. Ndxab Pedr loo Jesús: ―Mastale' gath daa con U', Tad, na ne'cà di'ste U'. No ale ryete myen' xin' mté'th Jesús thidte di's ndxab loo Jesús.
24857	MRK 14:34	No ndxab Jesús loo myen': ―Nden' lezon axta arid nalyat gàca loon co'se' tetìi mèn daa axta gath daa. Trè'te byan' gu'. Gure naa gu' no ne'gàtte gu', ndee gu'.
24867	MRK 14:44	Le' Jud co' mda'xù' Jesús loo mèn ye'rsin' na, ndxab loo mèn co' nde no Jud ndoore' ryo' Jud con mèna: ―Neeque' gu' mbi' co' tan thìb chit ro, mbi'a nac Jesús. Tyen gu' mbi'. No ne'lá'de gu' mbi'.
24881	MRK 14:58	―Nu' mbìn le' mbi' ba' ndxab le' mbi' telux templ che'n Diox co' mtoxcua' mèn póla. No tolo ndxab mbi' le'n son huiz no maste xít te'f mbi' tedib templ. No templ co' mbez mbi' toxcua' mbi' ne'toxcua'de chol mèn. Ne' ne' lyath no mèn mbi' toxcua' mbi' templa.