24990	LUK 1:28	Sya, ngòo angl co'te' nzo mza'. Ndxab angl loo mza': ―San, Mari. ¿Máal, ey? Anze'f thìb con' ndac li Diox anggàc lool le'n huiz ndxè'. Diox nzo noque' lùu. Anze'f tyac lezo'l, Mari, loo rye mèngot co'se' yilo gàc con' ndxè' lool.
25696	LUK 16:7	Ngoloa, mnibdi's mandador loo tedib mbi' co' ndeb loo patrón mandador, ne. Ndxab mandador loo mbi'a: ¿Lùu, à'? ¿Plál ndebl loo patrón daa? Mbi' co' ndeba ndxab: Daa ndeb thìb ayo almud triu loo patrón. Sya, ndxab mandador loo mbi' co' ndeba: Ye's co' nac val lùu ndxè'. Nalle' ftoxcua' tedib val. Ftub cuent loo val co' toxcua'l ba' le' lùu ndeb thap gal almud triu no maste loo patrón daa.
28068	ROM 3:9	¿Cón, sya? ¿Ché' ndli gu' cuent más mèn ndac nac na' co' nac mèn nación Israel leque chol mèn co' inacte mèn nación Israel, cà'? Yende xàa. Nec thìb mod no nec tedib mod gàca tataa, ¿lé'? Tac nu' mquexù'le' loo mèn nación Israel xal loo taamas mèn co' nziri' loo izlyo' co' inacte mèn nación Israel le' ryete mèn dib athu loo izlyo' mcua'n xquin mèn par ndxàp mèn xtol mèn loo Diox.