23236	MAT 1:23	Lee thib nzaa kuu ter gak rop thib mbyi, yo zhiinn ne gap thib mbet; ne tob le zha mbet Emanuel, (diiz ree nak: “Diox ndo kon lee”). [Is. 7:14]
23244	MAT 2:6	Goo zha yez Belén kuu nzi yezlyu chaan Judá, tegal laz goo nak thib yez kuu nataagt xid re yez kuu nzi yezlyuʼa, per lo goo roo thib zha kuu nabee ne kenap re zha yez da, zha Israel. [Mi. 5:2]
23253	MAT 2:15	ne tya ngoo zha asta nguth Herodes; tsa mrolo kuu nzhab Zha Nabee, por roo profet kuu ngoo ndala leettsa nzhab profet: “Asta yez Egipto mrezʼn xgann na”. [Os. 11:1]
23256	MAT 2:18	Desde yez Ramá mbin na thib bos, ta mbin na nzhonn ne ndi leettsoo re ngot kuu nak raz Raquel, por re zhiinn re ngot nzhonn ngot, tak nguth re zhiinn ngot, ne nlaazt re ngot tetsey zha leettsoo ngot. [Jer. 31:15]
23264	MAT 3:3	Ne Juan ree mteth profet Isaí, leettsa nzhab profet: Lee thib zha kuu ndo yubiz, dib gan zha kwez zha: “Thib nali bloo goo leettsoo goo, par kayaa goo Zha Nabee, ne nali gok goo lo re kuu ntsow goo”. [Is. 40:3]
23282	MAT 4:4	Per lee Jesús mkab, ne nzhab: ―Lo xkeets Diox nzhab: “Nabant men kon beeta pan, sinke lee men naban por re diiz kuu ndroo roo Diox”. [Dt. 8:3]
23284	MAT 4:6	ne nzhab Maxuuy lo Jesús: ―Os leeʼa wlipaa Xgann Diox naka, bloo leeʼa nak Xgann Diox, brethin par yath, yent kwan taka, tak lee lo libr chaan Salm nzhab: “Lee Diox taal mandad chaan Diox, tsa ten mandad lu kon yaa mandad, tsa gabta lo ke”. [Sal. 91:11-12]
23285	MAT 4:7	Tsa lee Jesús nzhab: ―Noga nzhab lo xkeets Diox: “Kithnota Diox kuu nak Zha Nabee loʼa”. [Dt. 6:16]
23288	MAT 4:10	Tsa nzhab Jesús lo Maxuuy: ―Beche lon goltʼn loʼa, tak lo xkeets Diox nzhab: “Bil lo Diox kuu nak Zha Nabee loʼa, ne beeta lo Diox ndoblo gona diz”. [Dt. 6:13]
23294	MAT 4:16	Lee re zha yeza mndaa falt, kona nabil nzo leettsoo zha, nak zha taxal thib yez kuu nzi lo yalkow, ne mndelo re zha yeza myen xkiiz Diox, kona nak taxal mwii zha thib xni thoz, ne lee re zha kuu nzi thib ta nathoz ta nzo ryez gath zha, mndelo zha myen zha xkiiz Diox, ne nake taxal mla thib xni lo re zha. [Is. 9:1-2]
23431	MAT 8:17	Koree ngok, tsa mrolo kuu mkee profet Isaí zha ndala, leettsa nzhab profet: “Lee zha mbe reta yiz chaanaa ne re yalne chaanaa”. [Is. 53:4]
23461	MAT 9:13	Tyaa goo, ne bteed goo naa kwan nak re diiz ree: “Kuu nlazʼn nak, blat leettsoo goo ne goo taben goo, nlaztʼn beeta kuth goo maa taa goo lon”. [Os. 6:6] Tak ndyaltʼn ndyaadchezʼn re zha wen, sinke lee na ndyal ndyaadchez re zha kuu ndab falt, tsa tsee zha mod went kuu nak zha.
23538	MAT 11:10	Juan nak zha kuu nteth xkeets Diox ta nzhab: Na taal thib mos da kuu tener loʼa. Tsa to list zha leettsoo re men par kayaa zha lu. [Mal. 3:1]
23565	MAT 12:7	Nyent goo kuu nzhab lo xkeets Diox ta nzhab: “Kuu nlazʼn nak, lat leettsoo goo ne goo taben goo, ne nlaztʼn kuth goo beeta maa par taa goo gon lon”. [Os. 6:6] Ne os gayen gooy, gakekit goo zha kuu ntsow kuu wen.
23579	MAT 12:21	Ne reta zha kuu nagt zha Israel ngebet yelaaz zha, zha kuu telaa zha. [Is. 42:1-4]
23623	MAT 13:15	Tak mkow yek re zha yez ree, taxal re zha kuu now nza nak zha, ne taxal re zha kuu now ngutlo nak zha, tsa gagt wii zhay ne gagt gon zhay ne tsa gagt yen zhay kuu nzhon zha. Koree ntsow tsa bretabt zha lon, tsa tegwen zha. [Is. 6:9-10]
23643	MAT 13:35	Koree ngok, tsa mrolo kuu nzhab profet kuu ngoo ndala, leettsa nzhab profet: Kon diiz nanzee nin re kuu nagaats chaan Diox, kuu nzogaats desde leettsa mdexkwaa yezlyu. [Sal. 78:2]
23706	MAT 15:4	Tak lee Diox nzhab: “Bke leettsooʼa xuta ne xnaaʼa”. [Ex. 20:12] “Ne loka zha kuu ngode xut ne xnaa, ndoblo gath zha”. [Lv. 20:9]
23711	MAT 15:9	Nataagt nzhool re zha ree lon, tak purta leyy kuu nloo re men nloo zha. [Is. 29:13]
23812	MAT 18:16	Ne os lee zha gont zha xkiiza, tsa brez thib zha o chop zha da, gwa goo lo zha ne ndoblo tsow goo taxal nke lo xkeets Diox ta nzhab: “Ndeche chop zha o tson zha kuu gab thibka kwaa, ne kuu gab re zhaʼa kona gak, tsa tyatha yaan kwent”. [Dt. 19:15]
23836	MAT 19:5	Ne noga nzhab Diox: “Kona lee mbyi ndoblo roo zhaa lo xut ne lo xnaa, tsa tseya mbyi kon ngot mbyi, ne lee rop zha gak taxal thibka zha”. [Gn. 2:24]
23900	MAT 21:5	Guz goo lo re zha yez Jerusalén: “Wii goo, lee rey goo ndyaad lo goo, zha kuu nadoo nak, ndob dits thib burr ndyaad, zhiinn thib maa kuu nzhee yoo”. [Zac. 9:9]
23908	MAT 21:13	Ne nzhab Jesús: ―Lee lo xkeets Diox nzhab: “Lee lizʼn nak yuu ta ndediz re men lon”, [Is. 56:7; Jer. 7:11] ne noga tedib ta nzhab: Per lee re goo mtsowe taxal liz wann.
23911	MAT 21:16	Ne nzhab zha lo Jesús: ―¿Chu nzhona kuu mbez re ndyeen baa? Tsa lee Jesús mkab ne nzhab: ―Ah, nzhon nay. ¿Per chu ter lab goo lo xkeets Diox ta nzhab koree: “Mtsowa lee re ndyeen bzhizh ne re mbetdoo gol loʼa”? [Sal. 8:2]
23937	MAT 21:42	Tsa lee Jesús nzhab lo re zha: ―¿Chu ter lab goo lo xkeets Diox ta tenzhee nzhab: Lee ke kuu mlobi re zha kuu nta yuu thib lad, leey nak thib ke kuu mas nataak kuu ndob skin yuu? Lee Diox kuu nak Zha Nabee loʼaa mtsow koree; ne mzegey leettsooʼaa neʼaa koree. [Sal. 118:22-23]
23965	MAT 22:24	―Maestr, lee Moisés mkee lo xkeets Diox: “Os lee thib mbyi kuu mtseya gath, ne mkenot mbyi neeka thib zhiinn mbyi, tsa lee wets mbyi ndoblo tseya kon ngot mbyi, tsa keno wets mbyi thib zhiinn mbyi kuu ngutha, tsa gak zhiinn wets mbyi taxal raz chaan mbyi kuu ngutha”. [Dt. 25:5]
23973	MAT 22:32	“Na nak Diox chaan Abraham, Diox chaan Isaac ne Diox chaan Kob”? [Ex. 3:6] ¡Lee Diox nagt Diox chaan re zha nguth, lee Diox nak Diox chaan re zha naban!
23978	MAT 22:37	Tsa lee Jesús nzhab lo zha: ―“Ke leettsoo Diox kuu nabee loʼa kon dib ndroo leettsooʼa, kon dib yalnabana, ne kon dib xgaba”. [Dt. 6:5]
23980	MAT 22:39	Ne lee tedibe mer lalka nak: “Ndoblo ke leettsooʼa tabena taxal nke leettsooʼa lu”. [Lv. 19:18]
23985	MAT 22:44	Lee Diox kuu nak Zha Nabee, nzhab lo Zha Nabee lon: “Btob lad ban lon, asta tsowʼn leeʼa gak nabee lo reta zha kuu nayii neʼa, ne tobxub zha loʼa”. [Sal. 110:1]
24154	MAT 26:31	Tya nzhab Jesús lo re zha kuu ngeteed lo Jesús: ―Nal yaal ree lee re goo laan, tak lee lo xkeets Diox nzhab: “Kuthʼn zha kuu nkenap mbak zhiil, tsa lee re mbak zhiil raats”. [Zac. 13:7]
24208	MAT 27:10	Ne kon temiʼa mzhii zha thib le yu, ta ngoo re men yu ndexkwaa men yet, taxal mnabee Zha Nabee.” [Jer. 32:6; Zac. 11:12-13]
24244	MAT 27:46	Ne oraaka lee Jesús dib gan mrez ne nzhab: ―Elí Elí ¿lama sabactani? (Diiz ree nak: “Diox da, Diox da, ¿chebee mlaaʼa na?”) [Sal. 22:1]
24287	MRK 1:3	Ne dib gan zha kwez zha thib ta yubiz ne gab zha: “Nali bloo goo leettsoo goo par kayaa goo Zha Nabee, ne nali gok goo lo re kuu ntsow goo”. [Is. 40:3]
24539	MRK 7:7	Nataagt nzhool goo lon, tak kuu nloo goo nak leyy chaan re men. [Is. 29:13]
24542	MRK 7:10	Tak lee Moisés nzhab: “Bke leettsooʼa xuta ne xnaaʼa”. [Ex. 20:12] Noga nzhab lo ley: “Lee zha kuu ngode xute ne xnaa, beth goo zha”. [Ex. 21:17]
24665	MRK 10:8	ne lee rop zha gak taxal thibka zha”. [Gn. 2:24] Kona nagt raa zha chop zha, sinke thibka men nak zha rop zha.
24753	MRK 12:11	Lee Diox, Zha Nabee mtsow koree, ne kwathoz nzegey leettsooʼaa mwii leey. [Sal. 118:22-23]
24761	MRK 12:19	―Maestr, Moisés mkee lo xkeets Diox nzhab: “Os lee thib mbyi kuu mtseya nguth ne mkenot mbyi neeka thib zhiinn mbyi, tsa lee wets mbyi ndoblo tseya kon tsaal mbyi kuu ngutha, tsa keno wets mbyi zhiinn mbyi, tsa luxt raz chaan mbyi”. [Dt. 25:5]
24768	MRK 12:26	Wli lee re zha nguth roban, ¿chu ter lab goo xkeets Diox kuu mkee Moisés leettsa mni Diox lo Moisés xid bel chaan ya bxiid? Leettsa nzhab Diox lo Moisés: “Lee na nak Diox chaan Abraham, Diox chaan Isaac ne Diox chaan Kob”. [Ex. 3:6]
24772	MRK 12:30	Bke leettsooʼa Diox kon dib ndroo leettsooʼa, kon dib yalnabana, kon dib xgaba ne kon dib yalney chaana.” [Dt. 6:4-5] Diiz ree nak kuu mas nataak lo reta diiz.
24773	MRK 12:31	Ne lee tedib diiz kuu kwathoz nataak nak: “Bke leettsooʼa tabena, leeka taxal nke leettsooʼa lu”. [Lv. 19:18] Yent raa tedib diiz kuu mas nataak taxal rop diiz ree.
24778	MRK 12:36	Ne leeka David mni por Mbi Nayon chaan Diox ne nzhab: Diox Kuu Nabee reta kwaa, nzhab lo Zha Kuu Nabee lon: “Tob lad ban chon, asta tsigʼn re zha kuu nayii neʼa xann niiʼa; tsa tobxub zha loʼa”. [Sal. 110:1]
24850	MRK 14:27	Tsa nzhab Jesús lo re zha: ―Reta goo laa goo na nal yaal ree, tak lee lo xkiiz Diox nzhab: “Kuthʼn zha kuu nkenap re mbak zhiil, ne lee re maa raats”. [Zac. 13:7]
25033	LUK 1:71	Diox nak cho telaaʼaa lo re zha kuu nayii neʼaa, ne lo re zha kuu went nzo leettsoo neʼaa. [Sal. 106:10]
25098	LUK 3:4	Ne lee kona ngok taxal nzhab Isaí, kuu ngok profet ndala, or nzhab Isaí: Thib zha kuu ndo yubiz nex gab: “Btexkwaa goo xnet Zha Nabee; bxaal goo thib net nali te zha.” [Is. 40:3]
25100	LUK 3:6	ne reta men wii Zha Kuu Mtaal Diox Nabee, zha kuu telaa re men lo yalguth. [Is. 40:3-5]
25136	LUK 4:4	Lee Jesús mkab ne nzhab: ―Lo xkeets Diox nzhab: “Nabant men beeta kon pan, sinke lee men naban kon reta diiz kuu ndroo roo Diox”. [Dt. 8:3]
25140	LUK 4:8	Per lee Jesús mkab, ne nzhab: ―Beche lon Maxuuy, tak lo xkeets Diox nzhab: “Beeta lo Diox kuu nabee loʼa ndoblo gola ne ndoblo tsowa tsiin lo”. [Dt. 6:13]
25143	LUK 4:11	ne ten mandad yaaʼa, tsa yent kwan tak niiʼa lo ke. [Sal. 91:11-12]
25144	LUK 4:12	Jesús mkab, ne nzhab: ―Noga nzhab lo xkeets Diox: “Kwaanta mod par kediʼa Diox kuu nak Zha Nabee loʼa”. [Dt. 6:16]
25151	LUK 4:19	ne tan kwent chaan wiz kuu leettsa lee Zha Nabee, taa re chaane kuu wen lo re men. [Is. 61:1-2]
25291	LUK 7:27	Juan nak zha kuu ndaa xkeets Diox kwent, ta nzhab: Leen taal thib mos da kuu tener loʼa, tsa to list zha leettsoo re men par kayaa re mena. [Mal. 3:1]
25459	LUK 10:27	Lee maestr kuu nloo xkiiz Diox mkab, ne nzhab: ―Ndoblo ke leettsooʼa Diox kon dib ndroo leettsooʼa, ne kon dib yalnaban chaana, ne kon dib yalney chaana, ne kon dib xgaba, ne ndoblo ke leettsooʼa tabena taxal nke leettsooʼa leeka lu. [Lv. 19:18; Dt. 6:5]
25846	LUK 19:46	Tsa nzhab Jesús lo re zha: ―Nkeʼa lo xkeets Diox ta mbez: “Lee lizʼn nak yuu ta ndediz re men lon” [Is. 56:7; Jer. 7:11]; ne lee re goo ntsowe taxal liz wann.
25865	LUK 20:17	Tsa lee Jesús mwii lo re zha, ne nzhab Jesús: ―¿Xomod nak kuu nzhab lo xkeets Diox? Ta nzhab: Lee ke kuu mlobi re zha kuu nta yuu, lee nal leey ngok ke kuu mas wen kuu mtob zha skin yuu. [Sal. 118:22]
25885	LUK 20:37	Ne asta Moisés mloo lee re men roban, leettsa mndaa Moisés kwent chaan ya yits kuu ngeyeek, or mni Zha Nabee lo Moisés, ne nzhab zha: “Na nak Diox Abraham, Diox Isaac ne Diox Kob”. [Ex. 3:6]
25891	LUK 20:43	asta tsiin na re zha kuu nayii neʼa, tsa tobxub zha loʼa”. [Sal. 110:1]
25970	LUK 22:37	Ne leen ni lo goo, ndoblo gak kuu nke lo xkeets Diox kwent chaan da, ta nzhab: “Lee re men ndak no zha nak thib zha went”. [Is. 53:12] Ne reta kuu nzhab lo xkeets Diox kwent chaan da, leechay ndoblo gak.
26136	JHN 1:23	Juan mkab ne nzhab: ―Na, nak taxal thib bos kuu nii thib ta yubiz, taxal nzhab profet Isaí zha ndala, or kuu nzhab zha: ¡Bxaal goo thib net nali par te Zha Nabee! [Is. 40:3]
26181	JHN 2:17	Tsa lee re zha kuu ngeteed lo Jesús mtelaaz xkiiz Diox ta nzhab: “Nkezhyan na por re kuu ntsow zha leen liza”. [Sal. 69:9]
26357	JHN 6:31	Lee re teyaa zha ndala ndow zha pan kuu le maná yubiz, taxal nzhab lo xkiiz Diox: “Pan yibaa mndaa Diox ndow re zha”. [Sal. 78:24]
26435	JHN 7:38	Taxal nke lo xkiiz Diox: “Lee zha kuu nyelaaz na, leen leettsoo zha gats taxal thib yoo kuu ndaa nit kuu ndaa yalnaban thitanax”. [Ez. 47:1; Zac. 14:8]
26584	JHN 10:34	Jesús mkab ne nzhab: ―At lo ley chaan goo mbez: “Na ni lee goo nak diox”, nzhab Diox. [Sal. 82:6]
26664	JHN 12:15	Tsebt goo zha yez Sión. Wii goo, lee zha kuu nak rey goo ndyaad ndob dits thib burr yeen. [Zac. 9:9]
26687	JHN 12:38	tak tabaa mrolo kuu mkee profet Isaí lo re men, leettsa nzhab profet: Zha Nabee, ngwalaazt re men xkiiza kuu mndaa nee kwent lo re men, tegal mtsowa re kuu thoz lo re zha ngwalaazt zha lu. [Is 53:1]
26689	JHN 12:40	Diox mtekow ngutlo re men, ne mtsow nad Diox leettsoo re men, tsa gagt wii zha ne tsa gagt yen zha xkiiz Diox. “Tsa bretabt zha lon, ne tegwetʼn zha”. [Is. 6:10]
26717	JHN 13:18	’Ngenitʼn koree lo reta goo, tak neʼa na cho re zha kuu mlin. Per ndoblo gak kuu mbez lo xkiiz Diox: “Lee zha kuu nzhow kon na, nak zha kuu mnayii nen”. [Sal. 41:9]
26793	JHN 15:25	Per lee re koree ngeyak tsa gak re kuu nke lo ley: Yent xkwan ne nayii zha ne zha na. [Sal. 35:19; Sal. 69:4]
26918	JHN 19:24	Tsa nzhab re soldad lo re altaa zha: ―Chatta lee lar ree, mas wen kooʼaa swert, tsa naa choʼa diinne. Ne tata ngok kuu nzhab lo xkiiz Diox: “Mdid zha xabʼn lo re zha, ne mloo zha swert dits xabʼn”. [Sal. 22:18] Ne tata mtsow re soldad.
26930	JHN 19:36	Ne re koree ngok, tsa ngok re kuu nke lo xkiiz Diox; kuu nzhab: “Kiizt zha neeka thib tsidth zha”. [Sal. 34:20]
26931	JHN 19:37	Ne lee tedib ta nzhab: “Wii re zha lo zha kuu mtsib zha thib le ya roo leettsoo”. [Zac. 12:10]
27012	ACT 1:20	Tak nkeʼa lo yeets chaan Salm ta nzhab: Lee liz Judas gan ne neeka thib zha yote. [Sal. 69:25] Ne noga nzhabe: Tedib zha tsow rtsin Judas. [Sal. 109:8]
27039	ACT 2:21	Ne reta zha kuu naab lo Zha Nabee, tetsow zha gan yalnaban kuu thitanax.” [Joél 2:28-32]
27046	ACT 2:28	Mlooʼa lu net kuu ndaa yalnaban lon, ne lu ntsow naley nzo leettsoon, tak ndoʼa lon. [Sal. 16:8-11]
27053	ACT 2:35	asta yelo tsin re zha kuu nayii neʼa, xann niiʼa, tsa tobxub zha loʼa”. [Sal. 110:1]
27087	ACT 3:22	Moisés nzhab lo re teyaa zha ndala: “Lee Diox kuu nak Xutaa tsow roo thib profet xid re goo, thib profet kuu taa kwent xkiiz Diox taxal na lo re goo, [Dt. 18:15] bin goo diiz lo profet lo reta kuu ne profet,
27088	ACT 3:23	tak reta zha kuu tobyegt xkiiz profet, telux zha thitanax ne tegoo zha zha yez Israel”. [Dt. 18:19]
27090	ACT 3:25	Ne re goo nak zha kuu mdiinn re kuu nzhab re profet. Lo re goo lortsin xkiiz Diox kuu nzhab re profet, ne diinn goo re kuu nzhab Diox taa Diox lo teyaa Abraham, leettsa nzhab Diox lo Abraham: “Por raza kwathoz men dib naxta lo yezlyu kayaa Diox por zha wen”. [Gn. 22:18]
27117	ACT 4:26	Re rey ne re zha kuu nak tsiin lo yezlyu ree, thibka ngok re zha, tsa yii zha ne Zha Nabee, kuu nak Crist Kuu Mtaala Nabee. [Sal. 2:1-2]
27188	ACT 7:3	Diox nzhab lo Abraham: “Broo laza ne blaa re tawlaza, tsa ndyaʼa yezlyu kuu lon loʼa”. [Gn. 12:1]
27191	ACT 7:6	Ne noga nzhab Diox lo Abraham: “Lee re zha raz Abraham ya yo thib yez tith, ne lee re zha yeza tsow, gak re zha raz Abraham mos lo re zha kuu nzo yeza, ne teti re zha yeza re zha raz Abraham thib thap gayoo liin”. [Gn. 15:13]
27192	ACT 7:7	Noga nzhab Diox lo Abraham: “Na teti zha yezlyuʼa, zha kuu tsow gak raza mos lo re zha kuu nzo tya, per bluz roo re raza tya, ne yaad re zha nzhee gol zha lon”. [Ex. 3:12]
27213	ACT 7:28	¿Chu nlaaza kutha na taxal mbetha zha Egipto naaʼa?” [Ex. 2:14-15]
27217	ACT 7:32	“Na nak Diox chaan re teya, Diox chaan Abraham, chaan Isaac ne chaan Kob”. [Ex. 3:6] Tsa lee Moisés mzeb ne mzhiit ne myet raa leettsoo Moisés gawii Moisés kona.
27219	ACT 7:34	Na ngewii naa xa ngeriid re zha da kuu nzo Egipto yalti, ne asta nzhonn zha naab zha lon. Kona mlan tsa gon zha, de nzhee, tsa taalʼn lu Egipto.” [Ex. 3:5,7]
27222	ACT 7:37	Ne leeka Moisés ree nzhab lo re zha Israel: “Diox kwii thib zha xid re goo kuu gak profet taxal na”. [Dt. 18:15]
27225	ACT 7:40	Ne nzhab re zha lo Aarón: “Btexkwaa thib diox kuu tener loʼaa, tak netaa naa kwan ngok kon Moisés kuu mloo reʼaa yezlyu Egipto”. [Ex. 32:1]
27228	ACT 7:43	Mndaat gooy lon sinke leel lo Moloc mbil goo, ne lo mbel chaan Refán, re diox kuu leeka re goo mdexkwaa ne mndeno re goo yuu yid chaan kona. Ta mod taalʼn goo mas tith lo Babilonia. [Amós 5:25-27]
27235	ACT 7:50	¿Chu nagt na cho mdexkwaa reta kwaa? Ne Zha Nabee. [Is. 66:1-2]
27278	ACT 8:33	Ne leettsa mtsowno re men zha taxal nlaaz re men, ne mnaabt zha kwent lo zha taxal ndobloy, ¿Cho tak taa kwent chaan re raz zha? Tak mkib re zha yalnaban chaan zha lo yezlyu ree. [Is. 53:7-8]
27464	ACT 13:33	Lee Diox mtsow koree loʼaa, zha kuu nak raz re zhaʼa, koree mtsow Diox leettsa mteroban Diox Jesús, taxal nke lo salm chop ta nzhab: “Lu nak xgann na, ne na mnda yalnaban loʼa naltseree”. [Sal. 2:7]
27465	ACT 13:34	Diox nzhaba lee Diox teroban Jesús, tsa yetsaat kwerp Jesús; taxal nzhab xkiiz Diox ta nzhab: “Tetsowʼn lo re goo reta kuu nali ne wli kuu nzhapʼn lo David tsowʼn”. [Is. 55:3]
27466	ACT 13:35	Noga tata nzhab tedib salm: “Neʼa lu taata diiz yetsaa kwerp mosa kuu nayon”. [Sal. 16:10]
27472	ACT 13:41	Wii goo, re goo kuu nzhizno re kuu wli, wlipaa tetsegey leettsoo goo naa xa luuxʼn goo, tak lee re wiz kuu naban goo tsowʼn thib kuu kwathoz naro, thib kuu yelaazt goo tegal taa zha kwente lo goo. [Hab. 1:5]
27478	ACT 13:47	Tak tabaa mnabee Diox lo nee, taxal nke lo xkeets Diox ta nzhab: Mton lu tsa gaka taxal xni lo re zha kuu nagt zha Israel, tsa yataaʼa kwent naa xomod laa re zha lo re falt zha, asta lo re zha kuu nzo ta mas tith lo yezlyu. [Is. 49:6]
27529	ACT 15:18	Tata ne Zha Nabee, Diox kuu mtsow mne re zha ndala koree. [Amós 9:11-12]
27807	ACT 23:5	Tsa nzhab Paba: ―Wetsʼn, netʼn lee zha nak ngwleyy kuu nabee lo reta ngwleyy. Tak lo xkeets Diox mbez: “Loozta re zha kuu nabee laza”. [Ex. 22:28]
27994	ACT 28:27	Tak kwathoz mtsow nad goo leettsoo goo, nzhak zha kuu now nza nzhak goo, ne taxal zha kuu nyenit lo nzhak goo, kona nyenite lo goo, neeka nzhont gooy, ne neeka gagt yen gooy, re koree ntsow tsa bretabt goo lon, par tegwen goo. [Is. 6:9-10]
28015	ROM 1:17	Ne Diiz Chul ree nloo naa xomod ntsow Diox nzhak naliʼaa lo Diox, tak nyelaazaa Jesucrist, taxal nzhab lo xkeets Diox: “Lee zha kuu nali ndo lo Diox, tak nyelaaz zha Diox, kona taban zha”. [Hab. 2:4]
28054	ROM 2:24	Taxal nzhab lo xkiiz Diox: “Re zha kuu nagt zha Israel ntsow nataagt zha Diox por re goo”. [Is. 52:5]
28063	ROM 3:4	¡Nagte tata! Thibka ntsow Diox kuu ni Diox, tegal reta men nak zha kuu nkedi; tak lo xkeets Diox nzhab: Diox reta men ne, nali naka lo re kuu niʼa, ne os cho naab kwent loʼa, lu tsow gan. [Sal. 52:4]
28071	ROM 3:12	Reta zha mlaa zha Diox, reta zha mzhen net went, lalka ngok re zha myaan bxen zha. ¡Yent neeka thib zha kuu ntsow kuu wen! ¡Neeka mase thib zha! [Sal. 14:1-3]
28072	ROM 3:13	Lee yeer yen zha nak taxal roo baa kuu ndezhaal, Kon loz zha nkedi zha. [Sal. 5:9] Lee re diiz kuu ndediz zha, nak taxal nit kwaan kuu ndroo xann keley mbeel. [Sal. 140:3]
28073	ROM 3:14	Ne kon roo zha ngode zha re men, ne leeka kon roo zha ni zha re diiz nayan lo re men. [Sal. 10:7]
28076	ROM 3:17	Net zha kuu wen kwin re men. [Is. 59:7-8]
28077	ROM 3:18	Ne thitanax nzebt zha ne zha Diox. [Sal. 36:1]
28093	ROM 4:3	Tak lo xkiiz Diox nzhab: “Tak ngwalaaz Abraham Diox, kona mkayaa Diox Abraham taxal thib zha nali”. [Gn. 15:6]
28098	ROM 4:8	¡Kwathoz wen nda re zha kuu naabt Diox kwent lo! [Sal. 32:1-2]
28099	ROM 4:9	¿Kwan ntsow goo xgab? ¿Chu beeta re nee kuu nke seny, ndoblo nee kayaa nee yalwen ree o chu noga re zha kuu nagt zha Israel kuu nket seny? Tak niʼa na: “Tak ngwalaaz Abraham Diox, kona mkayaa Diox Abraham taxal zha nali”. [Gn. 15:6]
28107	ROM 4:17	Taxal nzhab lo xkeets Diox: “Mton lu tsa gaka xut kwathoz men re yez kuu nzi lo yezlyu”. [Gn. 17:5] Diox kuu ngwalaaz Abraham nzhab koree lo Abraham, Diox kuu ndaa yalnaban lo re zha nguth, Diox kuu ndexkwaa re kuu yent, ne beeta kon xkiiz Diox ntsow Diozhe.
28108	ROM 4:18	Tak kona nzhab Diox lo Abraham: “Kwathoz men gak raz chaana”. [Gn. 15:5] Per tegal ngogt gagak diiz kuu nzhab Diox lo Abraham tsyaka, tak ngooxa Abraham tsya, per thib ngwalaaz Abraham Diox ne mlet Abraham mkayaa Abraham kuu nzhab Diox lo Abraham, ne kona ngok Abraham: “Xut kwathoz men re yez”.
28166	ROM 7:7	Kona, ¿kwan ntsow goo xgab? ¿Chu ley ntsow ntsowaa kuu went? ¡Nagte tata! Per netʼn naa kwan nak falt os yent ley. Ne thitanax ganetʼn naa kwan nak yaltablaaz, os gakete lo ley: “Tablaazta chaan tabena”. [Ex. 20:17; Dt. 5:21]
28220	ROM 8:36	Taxal nzhab lo xkeets Diox: Diox, por lu gandata wiz nzo ryez gath nee, ne ntsowno zha nee, taxal mbak zhiil kuu ndano zha par kuth zha. [Sal. 44:22]
28230	ROM 9:7	Ne ret zha kuu nak zha raz chaan Abraham, nak zha kuu wlipaa nak zha raz Abraham, tak Diox nzhab lo Abraham: “Lee re zha kuu gak zha raza, asta lo Isaac telo tsow men kwent zha”. [Gn. 21:12]
28232	ROM 9:9	Tak koree nak kuu nzhab Diox lo Abraham: “Tedib liin bretabʼn, tsa lee tsaala Sara gap thib mbet”. [Gn. 18:10]
28234	ROM 9:11	Ne leettsa terka gal rop mbet, ne leettsa terka tsow rop zha neeka thib kwaa, neeka kuu wene ne neeka kuu wente, lee Diox nzhab lo Rebeca: “Lee zha kuu gal ner gak mos lo zha kuu gal bluz”. [Gn. 25:23] Ne koree ngok taxal nzhab lo xkeets Diox: “Kwathoz mke leettsoon Kob ne kwathoz mnayiin mnen Esaú”. [Mal. 1:2-3] Tata ngoke, tsa neʼaa lee Diox mbi Diox zha taxal nlaaz Diox. Ne re zha kuu mbi Diox, mbez Diox zha ne ngwiit Diox naa kwan mtsow zha.
28238	ROM 9:15	Tak lee Diox nzhab lo Moisés: “Kwathoz nke leettsoon re zha kuu nlazʼn ke leettsoon, ne nlat leettsoon nen re zha kuu nlazʼn lat leettsoon nen”. [Ex. 33:19]
28240	ROM 9:17	Tak lo xkeets Diox nzhab lee Diox nzhab lo rey Egipto: “Mton lu par gaka rey, tsa por lu ne re men kuu nzo dita lo yezlyu, leen tak tsow reta kwaa, ne tsa yath len dita lo yezlyu”. [Ex. 9:16]
28248	ROM 9:25	Taxal nzhab lo yeets kuu mkee profet Oseas: Re zha kuu nagt zha da, gak zha da, ne re zha kuu mket leettsoon, ke leettsoon. [Os. 2:23]
28249	ROM 9:26	Ne ta nzhab Diox lo re zha: “Nagt goo zha da”. Tya gab Diox lo re zha: “Goo nak zhiinn Diox kuu naban”. [Os. 1:10]
28251	ROM 9:28	Tak mera naab Diox kwent lo re men kuu nzi dita lo yezlyu.” [Is. 10:22-23]
28252	ROM 9:29	Ne leeka Isaí mkee, ne nzhab: Os lee Diox kuu nak Zha Nabee gatant razaa, wlipaa leeʼaa gayaan taxal rop yez kuu nak Sodoma ne Gomorra. [Is. 1:9]
28256	ROM 9:33	Taxal nzhab lo xkeets Diox: Nal tobʼn thib ke yek yii Sión, lee keʼa nak taxal thib ke naro kuu ral nii re men. Ne loka zha kuu yelaaz keʼa, neeka mas thoyt zha. [Is. 28:16]
28261	ROM 10:5	Loka zha kuu nlaaz nali to lo Diox, tak nlaaz zha tsow zha kuu nzhab lo ley kuu mndaa Diox lo Moisés, ndoblo tsow zha re kuu nzhabe, tak tenzhee mkee Moisés: “Loka zha kuu gon diiz reta kuu nzhab lo ley, taban zha”. [Lv. 18:5]
28264	ROM 10:8	Kona lee xkeets Diox nzhab: “Gax loʼa ndo Diiz Chul chaan Diox, gax rooʼa ne gax leettsooʼa ndoy”. [Dt. 30:12-14] Koree nak Diiz Chul kuu ndaa nee kwent.
28267	ROM 10:11	Tak lo xkeets Diox nzhab: “Reta zha kuu yelaaz Jesucrist, thoyt zha ne zha Diox”. [Is. 28:16]
28269	ROM 10:13	Tak tenzhee nzhab lo xkeets Diox: “Reta zha kuu mbez Zha Nabee, tetsow zha gan yalnaban kuu thitanax”. [Joél 2:32]
28271	ROM 10:15	¿Ne xomod taa zha kwent Diiz Chul lo tedib zha, os yent cho taal zha? Taxal nzhab lo xkeets Diox: “¡Kwathoz wen nak leettsa ndyaad thib zha kuu ndaa kwent Diiz Chul chaan Zha Nabee!” [Is. 52:7]
28272	ROM 10:16	Per ret men ndaa yek gon Diiz Chul. Taxal mkee Isaí lo xkeets Diox: “Zha Nabee, ¿neeka thib zha ngwalaazt xkiza kuu mndaa nee kwent?” [Is. 53:1]
28274	ROM 10:18	Ne ¿kwan ntsow goo xgab? ¿Chu mbint re men xkiiz Diox? ¡Wlipaa mbin zhay! Tak lo xkeets Diox nzhab Diox: Reta zha kuu nzi lo yezlyu mbin xkiiz Diox kuu mndaa re zha kwent, asta ta mas tith lo yezlyu mbin zhay. [Sal. 19:4]
28275	ROM 10:19	Noga naabdizʼn lo goo, ¿kwan ntsow goo xgab? ¿Chu myent re tawlazʼn zha Israel koree? Wlipaa myen zhay, tak ner Moisés mndaa kwent xkiiz Diox, ta nzhab Diox: Na tsow gak celos goo, leettsa wii goo naa xa nkenapʼn tedib net re zha kuu nagt zha yez ree; ne tsowʼn tsa yii goo ne goo tedib net re zha, kuu nlaazt yene. [Dt. 32:21]
28276	ROM 10:20	Noga mkee Isaí kuu nzhab Diox: Lee re zha kuu mkwaantʼn, mzalʼn lo zha; ne lee re zha kuu mnaabdizt na, mlebee zhaʼa na. [Is. 65:1]
28277	ROM 10:21	Ne Isaí mndaa kwent chaan re zha Israel ne nzhab Isaí: “Dita wiz mtabʼn yaan ne mrezʼn goo, per mndaat goo yek goo gagon goo diiz xkizʼn ne mlaa goo na”. [Is. 65:2]
28280	ROM 11:3	“Zha Nabee, mbeth zha re profeta, ne mluux zha re bkoog kuu nak chaana, ta ndaa re men maa gon loʼa. Ne beeta na myaan, per noga na nlaaz zha kuth zha.” [1 Rey. 19:10,14]
28281	ROM 11:4	Per lee Diox mkab lo zha, ne nzhab: “Myaant thita lu, noga napʼn gaz mil mbyi kuu mtobxubt lo diox Baal, kuu nagt Diox”. [1 Rey. 19:18]
28285	ROM 11:8	Taxal nzhab lo xkeets Diox: “Diox mtsow ngok nad leettsoo zha, ne tataka nak zha asta wiz naltseree. Tegal ngwii zha ne nzhon zha re kuu mtsow Diox, per myent zha re kuu nzhab Diox.” [Dt. 29:4; Is. 29:10]
28287	ROM 11:10	Nlazʼn kow lo re zha tsa gagt raa wii zha, ne thitanax leng dits zha reta wiz kuu naban zha. [Sal. 69:22-23]
28303	ROM 11:26	Ne leettsa yelo gak re zha kuu nagt zha Israel zha Diox, tsa lee re tawlazʼn zha Israel, tsow gan yalnaban kuu thitanax, taxal nzhab lo xkeets Diox: Yez Sión roo zha kuu telaaʼaa, ne koo zha re zha raz Kob lo kuu went. [Is. 59:20]
28304	ROM 11:27	Ne trat ree nak kuu tsowʼn kon re zha, leettsa kibʼn re falt zha. [Jer. 31:33-34]
28332	ROM 12:19	Reta goo wetsʼn ne btan na kuu kwathoz nke leettsoon, ndoblot tsowaa leeka kuu went lo zha kuu mtsow kuu went loʼaa, ndoblo laaʼaa tsa lee Diox naab kwent lo zhaʼa; taxal nzhab lo xkeets Diox: “Na naab kwent lo zha, na yizh lo zhaʼa ne Zha Nabee”. [Dt. 32:35]
28333	ROM 12:20	Por kona. “Os lee zha kuu nayii neʼa nlann, taa kuu wu zha, ne os nzheek leettsoo zha, taa kuu gu zha; tak leettsa ntsowa koree tsowa thoy zha ne tsowa kwib masraa ki dits zha”. [Pr. 25:21-22]
28343	ROM 13:9	Tak lo ley kuu mndaa Diox lo Moisés nzhab: Gakt rop goo kon zha kuu nagt tsaal goo, kutht goo taben goo, lowannt goo, tablaazt goo chaan taben goo. [Ex. 20:13-17; Dt. 5:17-21] Reta koree ne tedib net re kuu mnabee Diox lo ley, nak thibka koree: “Bke leettsoo goo taben goo leeka taxal nke leettsoo goo goo”. [Lv. 19:18]
28359	ROM 14:11	Tak lo xkeets Diox nzhab: Naban na, ne Zha Nabee, ne lon tobxub reta men, ne reta men ne leen nak Diox. [Is. 45:23]
28374	ROM 15:3	Tak neeka Jesucrist, mtsowt Jesucrist kuu myow leettsoo Jesucrist; sinke mtsow Jesucrist taxal nzhab lo xkiiz Diox: “Reta diiz went kuu mni zha loʼa, lon mni zhay”. [Sal. 69:9]
28380	ROM 15:9	Noga myaad Jesucrist, tsa gol re zha kuu nagt zha Israel lo Diox, tak mlat leettsoo Diox mne Diox re zha, taxal nke lo xkeets Diox: Kona tethʼn lu lo re zha kuu nzo dita lo yezlyu, ne golʼn loʼa. [2 Sam. 22:50; Sal. 18:49]
28381	ROM 15:10	Noga nzhab lo xkeets Diox: Naley bloo goo leettsoo goo, goo kuu nagt zha Israel ne thibka bil goo kon re zha Israel lo Diox. [Dt. 32:43]
28382	ROM 15:11	Ne lee tedib ta nzhab: Reta goo, zha kuu nagt zha Israel bil goo lo Diox, ne reta men ndoblo taa kwent yalnzhaak chaan Diox. [Sal. 117:1]
28383	ROM 15:12	Ne noga Isaí mkee: Lo raz chaan Isaí, xut David, roo thib zha kuu nabee lo re men kuu nzo dita lo yezlyu, ne lee re zha kuu nagt zha Israel kwet tsin zha. [Is. 11:10]
28392	ROM 15:21	taxal nzhab lo xkeets Diox: Re zha kuu mnet naa cho nak Diox, re zhaʼa lebee Diox; ne re zha kuu mbint naa cho nak Diox, re zhaʼa yen naa cho nak Diox. [Is. 52:15]
28450	1CO 1:19	Taxal nzhab lo xkeets Diox: Luuxʼn yalnzhaak chaan re zha nzhaak, ne tsowʼn tsa yent raa kwan yen re zha kuu nyen re kwaa. [Is. 29:14]
28462	1CO 1:31	Kona ndoblo tsowaa, taxal nzhab lo xkeets Diox: “Os lee thib goo nlaaz ley, ndoblo ley goo lo re chaan Zha Nabee”. [Jer. 9:24]
28471	1CO 2:9	Taxal nzhab lo xkeets Diox: Re kuu neeka thib men ter wii, ne re kuu neeka thib men ter gon, ne re kuu neeka ter tsin leettsoo re men, nak re kuu nap Diox par re zha kuu nke leettsoo Diox. [Is. 64:4]
28478	1CO 2:16	Tak lo xkeets Diox nzhab: “¿Cho nlebee xgab chaan Diox? ¿Cho zha tak loo lo Diox?” [Is. 40:13] Per leeʼaa napaa xgab chaan Jesucrist.
28497	1CO 3:19	Tak lee yalnzhaak yezlyu ree nak kuu naxen lo Diox. Taxal nzhab lo xkeets Diox: “Leeka lo yalnzhaak chaan zha nden Diox zha”. [Job 5:13]
28498	1CO 3:20	Ne noga nzhabe: “Lee Zha Nabee neʼa zha lee xgab re zha kuu nzhaak thitanax nataagte”. [Sal. 94:11]
28551	1CO 6:16	¿Chu net goo leettsa lee thib zha nzhak rop kon thib ngot kuu ntho kwerp, thibka nzhak kwerp zha kon ngota? Tak lee lo xkeets Diox nzhab: “Lee rop zha nzhak taxal thibka zha”. [Gn. 2:24]
28617	1CO 9:9	Ne lo ley nzhab: “Kota yex roo ngon leettsa yo ngon ye toni ngon nzob xtil”. [Dt. 25:4] Per nzhabt Diox koree, tak ntsow Diox xgab re ngon,
28642	1CO 10:7	Kona, ndoblot gol goo lo re diox re men yezlyu ree, taxal mtsow tyen re zhaʼa, taxal nzhab lo xkeets Diox: “Lee re men mndob ndow ne ngwii, tsaraa ngwateli re zha ne mkani zha lo diox kuu nagt Diox”. [Ex. 32:6]
28767	1CO 14:21	Tak lo xkeets Diox nzhab: “Kon tedib net diiz nin lo re zha yez ree, ne nin lo zha kon roo re zha tith, ne tegal tatay gont re zha diiz lon ne Zha Nabee”. [Is. 28:11-12]
28813	1CO 15:27	Tak lo xkeets Diox nzhab: “Lee Diox mndaa reta yalnabee lo zha tsa nabee zha lo reta kwaa”. [Sal. 8:6] Ne leettsa nzhabe lo zha mndaa Diox reta yalnabee, nzhabte lee Jesucrist nabee lo Diox, tak lee Diox mndaa reta yalnabee lo Jesucrist.
28831	1CO 15:45	Kona nzhab lo xkeets Diox: “Lee mbyi kuu ner ngok Adán, ngok thib zha kuu mban”; [Gn. 2:7] per lee Jesucrist nak taxal tedib Adán kuu nak mbi kuu ndaa yalnaban.
28840	1CO 15:54	Ne leettsa lee kwerp kuu nlux ree gak thib kwerp kuu luxt raa, ne lee kwerp kuu nzhath ree gak thib kuu thitanax gatht raa, tsya gak kuu nzhab lo xkeets Diox: “Lee yalguth mlux ne lee yalnaban yo thitanax”. [Is. 25:8]
28841	1CO 15:55	Yalguth, “¿ma yalney kuu napa? Yalguth neeka tedib kuu gagt raa tsowa lo nee.” [Os. 13:14]
28940	2CO 4:13	Tak lo xkeets Diox nzhab: “Ngwalazʼn Diox, kona ndan kwent chaan Diox”, [Sal. 116:10] ne leeka tata nyelaazaa Jesucrist, kona ndaaʼaa kwent chaan Jesucrist.
28968	2CO 6:2	Tak lo xkeets Diox nzhab: Wen or mbin na xkiza, ne mtsowʼn ayuda, wiz kuu mlaa re men. [Is. 49:8] Ne nal nak wiz kuu nzhon Diox xkiizaa. Nal nak wiz kuu mlaa reʼaa.
28982	2CO 6:16	Neeka thib kuu yewalt nak kon gwodoo Diox ne kon gwodoo re diox re men yezlyu ree. Tak reʼaa nak gwodoo chaan Diox kuu naban. Taxal nzhab Diox: Yon ne tiyʼn xid zha; gakʼn Diox zha; ne lee re zha gak zha yez da. [Lv. 26:12; Ez. 37:27]
28983	2CO 6:17	Kona noga ne Diox: Broo goo xid re zha kuu went nak, beche goo lo re zha; diinnt goo kuu nambit, tsa kayaan goo, [Is. 52:11]
28984	2CO 6:18	ne tsa gakʼn Xut goo, ne re goo gak xgann na ne rtsaap na, tenzhee ne Zha Nabee kuu nzhaak ntsow reta kwaa. [2 Sam. 7:14; 1 Cr. 17:13; Is. 43:6; Jer. 31:9]
29015	2CO 8:15	Taxal nzhab lo xkeets Diox: “Zha kuu mkeno naroobe mrozhoobte lo zha, ne lee zha mkeno lutte, ngogt falte lo zha”. [Ex. 16:18]
29033	2CO 9:9	Taxal nzhab lo xkeets Diox: Naroob kwaa mndaa Diox lo re zha prob, ne thibka nali nak Diox. [Sal. 112:9]
29175	GAL 3:6	Ngwalaaz Abraham Diox, ne tak ngwalaaz zha Diox kona mkayaa Diox zha taxal thib zha nali. [Gn. 15:6]
29177	GAL 3:8	Ne lo xkeets Diox nzhab, lee Diox kayaa re zha kuu nagt zha Israel taxal zha nali, tak nyelaaz zha Diox, kona desde ndala nzhab Diox diiz chul ree lo Abraham: “Por lu tsowʼn kuu kwathoz wen lo re men kuu nzo dib naxta lo yezlyu”. [Gn. 12:3]
29179	GAL 3:10	Reta zha kuu nyelaaz ley chaan Moisés nzob de dits zha, tak lo xkeets Diox nzhab: “Ngo de zha reta zha kuu ntsowt kuu nzhab lo ley”. [Dt. 27:26]
29180	GAL 3:11	Ne noga nzhab lo xkeets Diox, neeka thib zha kayaat Diox zha taxal zha nali, tak nzhon zha diiz kuu nzhab lo ley chaan Moisés, taxal nzhab lo xkeets Diox: “Zha kuu nyelaaz Diox zhaʼa nak zha nali lo Diox”. [Hab. 2:4]
29181	GAL 3:12	Per lee re zha kuu nyelaaz ley chaan Moisés nyelaazt zha Diox, tak lo xkeets Diox nzhab: “Lee zha kuu nzhon diiz lo ley chaan Moisés, ndoblo tsow zha reta kuu nzhab lo ley, tsa ban zha”. [Lv. 18:5]
29182	GAL 3:13	Jesucrist mtelaaʼaa lo de chaan ley, tak mlode Diox Jesucrist por lee, tak lo xkeets Diox nzhab: “Zha de nak reta zha kuu nkegaa nzhath lo thib ya”. [Dt. 21:23]
29185	GAL 3:16	Leeka tata mtsow Diox trat kon Abraham ne lo raz chaan Abraham. Ne nzhabt lo xkeets Diox: “reta raz chaan Abraham”. Sinke leey nzhab: “thibka raz”, [Gn. 17:8] kuu nak Jesucrist.
29225	GAL 4:27	Tak lo xkeets Diox nzhab: Naley bloo leettsooʼa ngot kuu mndaat Diox mbet lo; naley bloo leettsooʼa ne bzhiz, lu kuu nlebeet yalne chaan thib ngot kuu nzhap mbet. Tak mas tyen zhiinn ngot thib nake ngot kuu nap tsaal. [Is. 54:1]
29228	GAL 4:30	Per, ¿kwan nzhab lo xkeets Diox? Leey nzhab: “Bloo mos ne zhiinn mos, tak gagt kiida chaana lo zhiinn tsaala ne lo zhiinn mosa”. [Gn. 21:10]
29243	GAL 5:14	Tak dita ley tak tsowaa kuu nabeey kon diiz ree: “Bke leettsooʼa tabena taxal nke leettsooʼa leeka lu”. [Lv. 19:18]
29347	EPH 4:8	Taxal nzhab lo xkeets Diox: Leettsa mretab zha yibaa, mloo zha lee zha mtsow gan lo re zha kuu nayii ne zha, ne mndelaaz zha kuu nataak lo re men. [Sal. 68:18]
29402	EPH 5:31	“Kona lee mbyi ndoblo roo zhaa lo xut ne lo xnaa, tsa tseya mbyi kon ngot mbyi, ne lee rop zha gak taxal thibka zha”. [Gn. 2:24]
29406	EPH 6:2	Tak tata nzhab lo ley chaan Moisés: “Bke leettsooʼa xuta ne xnaaʼa, tsa wen yoʼa ne tsa naroob bana lo yezlyu ree”. [Ex. 20:12; Dt. 5:16] Koree nak kuu ner kuu nataak kuu mnabee Diox, tsa wen rid re zha kuu gon diize.
29848	1TI 5:18	Tak lo xkeets Diox nzhab: “Kota yex roo ngon leettsa nyoo ngon leen ye tsa toni maa nzob xtil”. [Dt. 25:4] Noga nzhab lo xkeets Diox: “Lee zha kuu nke tsiin ndoblo gax kaa zha”. [Lc. 10:7]
29913	2TI 2:19	Per lee Diox mtob thib simyent kuu ney ndob thitanax, kuu ndob thib seny kuu nzhab: “Lee Zha Nabee nlebee zha re zha zha”. [Num. 16:5] Ne noga nzhabe: “Reta zha kuu nyelaaz Zha Nabee, ndoblo laa zha re kuu went”.
30035	HEB 1:5	Tak neeka thib welt nzhabt Diox lo thib mandad chaan Diox: Lu nak xgann na; na mnda yalnaban loʼa naltseree. [Sal. 2:7] Ne tedib ta leeka tata nzhab: Na gak Xut zha, ne lee zha gak xgann na. [2 Sam. 7:14]
30036	HEB 1:6	Per leettsa mtaal Diox zha kuu nak thibka Xgann Diox lo yezlyu ree, nzhab Diox tedib ta lo xkeets Diox: Reta mandad chaan Diox gol lo zha. [Dt. 32:43]
30037	HEB 1:7	Ne leettsa mteth Diox re mandad, nzhab Diox: Lee re mandad da nak taxal mbi, ne taxal loz bel. [Sal. 104:4]
30039	HEB 1:9	Ne nke leettsooʼa re kuu nali ne nayiiʼa neʼa re kuu went; kona lee Diox mtoba tsa nabeeʼa, ne mtsow Diox mas naley nzo leettsooʼa nake re altaaʼa. [Sal. 45:6-7]
30042	HEB 1:12	ne kiits luy taxal nkiits zha lar, ne tsee luy taxal ntsee zha lar, per lu nak Diox ne nzeeta; ne lee yalnaban chaana thitanax luxt. [Sal. 102:25-27]
30043	HEB 1:13	Neeka thib welt nzhabt Diox lo thib mandad chaan Diox: Btob lad ban lon, asta yelo tsin re zha kuu nayii neʼa xann niiʼa, tsa tobxub zha loʼa. [Sal. 110:1]
30052	HEB 2:8	Lo reta kwaa mndaaʼa yalnabee lo zha. [Sal. 8:4-6] Ne leettsa mndaaʼa diiz nabee zha lo reta kwaa, neeka thib kwaa mlaata nabeet zha, ne tegal ter loo lee zha nabee reta kwaa.
30056	HEB 2:12	tak lo xkeets Diox nzhab zha: Tan kwent chaan lu lo re wetsʼn ne lo re btan na, ne golʼn loʼa xid re zha kuu nyelaaz lu. [Sal. 22:22]
30057	HEB 2:13	Noga nzhab lo xkeets Diox: Nyelazʼn Diox. [Is. 8:17] Ne noga nzhabe tedib welt: Nzhee ndon kon re wetsʼn ne re btan na kuu mndaa Diox lon. [Is. 8:18]
30073	HEB 3:11	Kona mnayiin mnen re zha, ne nzhapʼn: “Thitanax tabt zha roxkwan zha ta mdexkwaan par roxkwan zha”. [Sal. 95:7-11]
30077	HEB 3:15	Ne kona, nzhab lo xkeets Diox: Os lee goo gon goo kuu ne Diox naltseree, tsow nadt goo leettsoo goo, taxal mtsow re tey goo zha ndala, leettsa mtsow zha mnayiin. [Sal. 95:7-8]
30084	HEB 4:3	Per lee reʼaa kuu nyelaaz Jesucrist, nak re zha kuu tab roxkwan taxal nzhab Diox: Kona lo zhyan da nzhapʼn lo re zha: “Tabt zha roxkwan zha ta mdexkwaan roxkwan zha”. [Sal. 95:11] Ne tegal nzhab Diox koree, per ngwaloʼa mdexkwaa Diox reta kwaa, desde leettsa mdexkwaa Diox yezlyu ree;
30085	HEB 4:4	tak tedib ta lo xkeets Diox ndaa kwent chaan wiz gaz, ta nzhab: Mroxkwan Diox wiz gaz, leettsa ngwalo mtsow Diox reta rtsin Diox. [Gn. 2:2]
30086	HEB 4:5	Ne noga tedib ta lo xkeets Diox nzhab: Tabt zha roxkwan zha ta mdexkwaan roxkwan zha. [Sal. 95:11]