23216	MAT 1:3	Judá ngok xut Fares ne xut Zara, ne xnaa rop zhaʼa ngok Tamar, Fares ngok xut Esrom, Esrom ngok xut Aram.
23224	MAT 1:11	Josías ngok xut Jeconías ne re wets Jeconías, ne re zhaʼa naban leettsa mndeno re zha Babilonia re zha Israel par Babilonia.
23233	MAT 1:20	Ne leettsa ngetsow Che xgab laa Che Mari, lee thib mandad chaan Diox cha ngwani lo Che lo mkaal, ne nzhab lo Che: ―Che, lu nak thib zha raz rey David, yat leettsooʼa kaaʼa Mari, tak lee Mari ngoo zhiinn por yalney chaan Mbi Nayon,
23234	MAT 1:21	ne gap Mari thib mbet ne tob leʼa mbet Jesús. Tbaa role mbet tak lee mbet tuyy falt chaan re tawlaz mbet.
23244	MAT 2:6	Goo zha yez Belén kuu nzi yezlyu chaan Judá, tegal laz goo nak thib yez kuu nataagt xid re yez kuu nzi yezlyuʼa, per lo goo roo thib zha kuu nabee ne kenap re zha yez da, zha Israel. [Mi. 5:2]
23253	MAT 2:15	ne tya ngoo zha asta nguth Herodes; tsa mrolo kuu nzhab Zha Nabee, por roo profet kuu ngoo ndala leettsa nzhab profet: “Asta yez Egipto mrezʼn xgann na”. [Os. 11:1]
23269	MAT 3:8	Ner ban goo thib mod nali, ne bloo goo mtsee goo mod went kuu nak goo, tsaraa yaad goo tsa tsow leyyʼn goo,
23272	MAT 3:11	Tak wlipaa lee na ntsowleyy goo kon nit, tsa tsee goo mod went kuu nak goo; per lee men kuu ndyaadke ditsʼn, tsowleyy goo kon Mbi Nayon ne kon ki, tak masraa nataak zha nake na, kona neeka dits labyid zha ndoblotʼn xakʼn.
23275	MAT 3:14	Ner mzhyalt Juan, tsa nzhab Juan lo Jesús: ―Lu ndoblo tsowleyyʼn. ¿Chebee leel lu ndyaad gakleyy lon?
23281	MAT 4:3	Tsa lee Maxuuy mbig lo Jesús, tsa naa chu tetsow Jesús kuu gab Maxuuy, tsa nzhab Maxuuy lo Jesús: ―Os leeʼa wlipaa Xgann Diox naka, bloo leeʼa nak Xgann Diox, guz tsa lee re ke ree reyal pan.
23284	MAT 4:6	ne nzhab Maxuuy lo Jesús: ―Os leeʼa wlipaa Xgann Diox naka, bloo leeʼa nak Xgann Diox, brethin par yath, yent kwan taka, tak lee lo libr chaan Salm nzhab: “Lee Diox taal mandad chaan Diox, tsa ten mandad lu kon yaa mandad, tsa gabta lo ke”. [Sal. 91:11-12]
23285	MAT 4:7	Tsa lee Jesús nzhab: ―Noga nzhab lo xkeets Diox: “Kithnota Diox kuu nak Zha Nabee loʼa”. [Dt. 6:16]
23287	MAT 4:9	Tsa nzhab Maxuuy lo Jesús: ―Reta koree tan loʼa, os leeʼa tobxuba lon ne gola lon.
23288	MAT 4:10	Tsa nzhab Jesús lo Maxuuy: ―Beche lon goltʼn loʼa, tak lo xkeets Diox nzhab: “Bil lo Diox kuu nak Zha Nabee loʼa, ne beeta lo Diox ndoblo gona diz”. [Dt. 6:13]
23297	MAT 4:19	Tsa nzhab Jesús lo rop zha: ―Bteke goo ditsʼn, tsa tsowʼn gak goo zha kuu niit men par Diox.
23322	MAT 5:19	Kona loka cho zha kuu gont diiz thib re kuu nabee lo ley, tegal kuu mas nataagte, ne tataga loo zhay lo tedib net zha, leeka tata lee zhaʼa gak zha kuu mas nataagt ta nabee Diox. Per lee zha kuu nzhon diize ne tataka loo zhay lo tedib net zha, zhaʼa gak zha kuu mas nataak ta nabee Diox.
23324	MAT 5:21	’Ne mbin goo kwan nzhab Moisés lo re teyaa zha ndala, leettsa nzhab Moisés: “Kuthta tabena, ne loka cho kuth taben, lee Diox naab kwent lo zhaʼa ne laat zha”.
23325	MAT 5:22	Per lee na ni lo goo, loka cho kuu gak nayii lo taben, tenaab Diox kwent lo zhaʼa, ne loka cho gab lo taben “zha nad”, tenaab jwez kwent lo zhaʼa ne laat zhaʼa, ne loka cho gab “bxen” lo taben, zhaʼa nak thib zha kuu ndoʼa net ndya gabil.
23326	MAT 5:23	’Kona os leeʼa ndyaadnoʼa gona lo bkoog chaan Diox, ne ora telaaza mndaaʼa thib falt lo wetsa,
23328	MAT 5:25	’Os lee thib zha kuu nayii neʼa, teno zha lu lo zha kuu nak tsiin par keki zha lu, kwaan mod tsa wen yaana kon lee zha, or bee ter kwez zha lu lo zha kuu nak tsiin, tak os leeʼa yaanta wen kon zha kuu nayii neʼa, cha yataa zha lu lo zha kuu naab kwent loʼa, ne lee zha kuu naab kwent lo lu taa zha lu lo zha kuu nkenap roo tsib, tsa ko zha lu tsib.
23329	MAT 5:26	Wlipaa na nin roota tya, asta yelo kizha lultm rehal kuu ndobloʼa kizha.
23331	MAT 5:28	Per leen ni lo goo, loka cho thib mbyi kuu ngwii lo thib ngot, ne ntsow zha xgab gak rop zha kon ngota, mndaaʼa zha falt.
23332	MAT 5:29	Kona os lee ngutloʼa ntsow ntsowa kuu went, btsow kuu taxal mlooʼa ngutloʼa ne mlobi luy tith, mas wen luuzha thib ngutloʼa ne ndyaʼa yibaa, nake diba ndya gabil.
23333	MAT 5:30	Ne os lee yaa bana ntsow ntsowa kuu went, btsow kuu taxal mga luy choʼa; tak mas wen luuzha thibka yaaʼa ne ndyaʼa yibaa, nake diba ndya gabil.
23335	MAT 5:32	Per leen ni lo goo, os lee thib mbyi laa tsaal, ne nagte tak ngok rop ngot zha kon tedib mbyi, mbyiʼa ntsow taa ngot falt, leettsa kaa ngot tedib mbyi, ne noga mbyi kuu kaa ngota taa falt.
23336	MAT 5:33	’Noga mbin goo nzhab Moisés lo re teyaa zha ndala: “Lortsinta le Diox par tseloʼa, sinke btsow kuu nzhaba tsowa lo Zha Nabee”.
23339	MAT 5:36	Neeka tselot goo gab goo tan na gathʼn os tsowtʼn kuu nin. Ndoblot tselo goo, tak Diox ntsow nzhak re kwaa ne nagte goo, tak neeka thib goo gagt tsow naguz goo o tsow goo nagat goo thib yitsek goo.
23341	MAT 5:38	’Noga mbin goo nzhab Moisés: “Os lee thib zha koo ngutlo tedib zha, tataka ndoblo tsow zha lo zhaʼa, ne os lee thib zha koo keley tedib zha, tataka ndoblo tsow zha lo zhaʼa”.
23346	MAT 5:43	’Tak noga mbin goo nzhab Moisés: “Bke leettsooʼa tabena, ne byii ne zha kuu nayii neʼa”.
23353	MAT 6:2	’Kona leettsa taa goo karida lo thib zha kuu ndechey, tetht gooy lo re men ne gab goo: “Nlazʼn ne goo leen mtsow ayud zha kuu ndechey”, taxal ntsow re zha kuu nkedi, re zha kuu zhaa kuu mbez ne zhaa kuu ntsow. Tak tabaa ntsow re zhaʼa, ta nkaltaa reʼaa nteedaa xkiiz Diox, noga ntsow zhay net, tsa wen ni re men zha. Wlipaa na nin, beeta kona nak kuu tsow zha gan.
23356	MAT 6:5	’Kona nin lo goo, leettsa tediz goo lo Diox, tsowt goo taxal ntsow re zha kuu nkedi, re zha kuu zhaa kuu mbez ne zhaa kuu ntsow zha. Re zhaʼa nyow leettsoo zha tediz zha lo Diox, ta nkaltaa reʼaa nteedaa xkiiz Diox ne re net, tsa wii re men lo zha lee zha ngetediz lo Diox. Wlipaa na nin, beeta kuu tsow zha gan nak, wen ni re men lo zha, per lo Diox yent kwan tsow zha gan.
23358	MAT 6:7	’Ne leettsa tediz goo lo Diox, gabt goo thibka lan diiz tyen welt, taxal ntsow re zha kuu nagt zha Israel. Tak lee re zhaʼa ntsow zha xgab ton Diox xkiiz zha, ne taa Diox re kuu naab zha, tak nol ndediz zha lo Diox.
23359	MAT 6:8	Tsowt goo taxal ntsow re zhaʼa; tak lee Xutaa neʼa naa kwan ndeche goo, leettsa terka naab gooy lo Xutaa.
23360	MAT 6:9	Kona, tenzhee ndoblo tediz goo lo Xutaa Diox: Xutʼn, kuu ndob yibaa, nlazʼn tsow nataak re mena tak nayon naka.
23361	MAT 6:10	Taxal ntsow re zha kuu nzo yibaa kuu nlaaza, leeka tata nlazʼn tsow re men yezlyu ree kuu nlaaza. Nlazʼn yaada nabeeʼa lo yezlyu ree, taxal nabeeʼa yibaa.
23363	MAT 6:12	Ne btuyy re falta kuu mtsowʼn loʼa, taxal mloʼa na yekʼn re falt kuu mtsow re taben da lon.
23364	MAT 6:13	Btsow tsa tsowtʼn kuu went, leettsa nkiil tedib zha na, ne bkenapʼn lo kuu went kuu nlaaz Maxuuy tsow lon, tak chaana nak ta nabeeʼa, yalney ne ta nla xni chul chaana thitanax. Tata gake.
23373	MAT 6:22	’Os leeʼa ndablaazta re kuu yezlyu ree kuu ngwiiʼa, kona nak nagwe ngutloʼa ne wen nyeni ngutloʼa, tak wiiʼa re kwaa ne tablaazt luy.
23374	MAT 6:23	Per os leeʼa ndablaaza re kwaa yezlyu ree, kuu ngwiiʼa, kona nak taxal nagwet ngutloʼa ne yent kwan nyeni loʼa. Os leeʼa tata naka, reta kuu ntsowa nloo leeʼa nak thib zha ndaa falt.
23382	MAT 6:31	Ne yat leettsoo goo gab goo: “¿Kwan dowaa o kwan guʼaa ne kwan gokaa?”
23383	MAT 6:32	Tak reta zha kuu nagt zha Israel, kwathoz ntsow zha xgab re koree. Per lee Xutaa kuu ndob yibaa neʼa naa kwan ndeche goo.
23388	MAT 7:3	¿Chebee nye leettsooʼa ngwiiʼa lo paj kuu nzo ngutlo tedib zha, ne ngwiita lo ya kuu nzo ngutloʼa?
23389	MAT 7:4	Ne os leeʼa nyeenta nzo ya ngutloʼa, ¿xomod nye leettsooʼa mbeza lo tedib zha: “Laa gon paj kuu nzo ngutloʼa”?
23390	MAT 7:5	¡Zha nkedi, zhaa kuu mbeza ne zhaa kuu ntsowa! Ner bloo ya kuu nzo ngutloʼa, tsa tak wiiʼa wen, tsa tak kooʼa paj kuu nzo ngutlo tedib zha.
23401	MAT 7:16	Tak lebee goo re zhaʼa por re kuu ntsow zha; leeka taxal reta ya nabee ya por xle kuu ndaa ya, tak nthopt men ub lo ya yits, ne neeka nthopt men ig lo yitsti.
23406	MAT 7:21	’Ret men kuu ni lon: “Zha Nabee, Zha Nabee”, tab ta nabee Diox, sinke beeta re zha kuu ntsow kuu nlaaz Xutʼn kuu ndob yibaa, tab ta nabee Diox.
23408	MAT 7:23	Per tsa kabʼn ne nin: “¡Thitanax mlebeetʼn goo, beche goo lon, men kuu ntsow kuu went!”
23409	MAT 7:24	’Kona, loka zha kuu ngeyon kuu ngenin lo goo, ne ntsow zha kuu nin, zhaʼa nak taxal thib mbyi list kuu mta liz dits ke.
23410	MAT 7:25	Tegal mla yi thoz, ne mroo nit ne mroo mbi thoz, ne mdiinne yuuʼa; per mbixt yuu tak lo ke ndob yuu.
23411	MAT 7:26	Per lee zha kuu ngeyon xkizʼn ne ntsowt zha kuu nin, zhaʼa nak taxal thib mbyi bxen kuu mta liz lo gux.
23412	MAT 7:27	Per leettsa mla yi thoz, ne mroo nit ne mroo mbi thoz, mdiinne yuuʼa, tsa mbix yuuʼa ne mlux yuuʼa thitanax.
23416	MAT 8:2	Ne xid re mena mroo thib mbyi kuu ndeye kwerp, mbig lo Jesús ne mtobxub, ne nzhab zha: ―Zha Nabee, os leeʼa nlaaza, tak tegweʼa na lo yiz ree.
23417	MAT 8:3	Tsa mxoob Jesús yaa Jesús dits zha, ne nzhab Jesús lo zha: ―Nlazʼn, weʼa. Ne oraaka mgwe zha.
23418	MAT 8:4	Tsa nzhab Jesús lo zha: ―Wii, yent cho lo gaba koree. Sinke gwa lo ngwleyy ne btaa gona taxal nabee ley chaan Moisés, gon kuu ndaa re zha kuu mgwe lo yiz kuu mzhaaka, tsa ne ngwleyy leeʼa mgweʼa ne gab ngwleyye lo re men.
23422	MAT 8:8	Tsa lee soldad kuu nabee lo thib gayoo soldad nzhab: ―Zha Nabee, ndoblotʼn taba leen lizʼn, anta nabee ne lee mos da gwe.
23423	MAT 8:9	Tak noga na napʼn zha kuu nabee lon, ne noga na napʼn soldad kuu nabeen lo. Os leen gapʼn lo thib zha: “Gwa”, ne nya zha; ne or gapʼn lo tedib zha “De”, ne nyaad zha; ne leettsa mbezʼn lo mos da “Tsow koree”, ntsow zhay.
23430	MAT 8:16	Leettsa mkow yezlyu lee re men kuu nzo yezlyuʼa, myaadno kwathoz re zha lo Jesús, re zha kuu nzo mbi fyer leettsoo ne re zha kuu ndak choraa yiz, ne kon thibka lan diiz mloo Jesús re mbi fyer, ne noga mtegwe Jesús reta mbyiz.
23433	MAT 8:19	Ne ora lee thib maestr kuu nloo xkiiz Diox mbig lo Jesús, ne nzhab: ―Maestr, nlazʼn teken ditsa loka pa ta yaʼa.
23434	MAT 8:20	Ora mkab Jesús lo maestr, ne nzhab Jesús: ―Lee re mbeet nap maa kelyoo ta nyoo maa, ne lee re min nap maa lyaat maa; per lee na Kuu Mzin Ngok Men, neeka ta xoobʼn yekʼn roxkwan na naptʼn.
23435	MAT 8:21	Tsa lee tedib zha kuu ngeteed lo Jesús nzhab lo Jesús: ―Zha Nabee, nlazʼn teken ditsa, per laa anta yelo kaatsʼn xutʼn.
23436	MAT 8:22	Tsa nzhab Jesús lo zha: ―Bteke ditsʼn, laa kaats re zha kuu nyelaazt Diox re zha nguth.
23443	MAT 8:29	Ne mretsyath zha ne nzhab zha: ―¿Chaka ndyaad lo nee, Jesús Xgann Diox? ¿Chu ndyaada tetiʼa nee, leettsa terka tsin wiz kuu tetiʼa nee?
23445	MAT 8:31	Tsa lee re mbi fyer mnaab lo Jesús, ne nzhab: ―Os leeʼa kooʼa nee, taa diiz tab nee leettsoo re nguch baa.
23446	MAT 8:32	Tsa nzhab Jesús: ―¡Gwa goo! Ne lee re mbi fyer mroo leettsoo rop zhaʼa ne mndaab leettsoo re nguch. Ne oraaka mrozhonn re nguch ne mbix maa yek kedoo ngob maa leen nitdoo, ngwaap re maa nit ne thitanax nguth maa.
23450	MAT 9:2	Tya mbe zha thib zha mthans kuu nzoob lo luun lo Jesús. Ne myeen Jesús lee re zha kuu ndyaadno mthansa, nyelaaz lee Jesús tak tegwe mthans, tsa nzhab Jesús lo mthans: ―Wen bloo leettsooʼa; tak reta falta myuyya.
23452	MAT 9:4	Per lee Jesús neʼa naa kwan ntsow re zha xgab, tsa mnaabdiz Jesús lo re zha: ―¿Chebee kwathoz went ntsow goo xgab?
23454	MAT 9:6	Tsowʼn koree lo goo, tsa ne goo lee na, Kuu Mzin Ngok Men, napʼn yalnabee tuyʼn re falt goo. Tsa nzhab Jesús lo mthans: ―Gwache bzhen luuna, ne tyee liza.
23457	MAT 9:9	Leettsa mroo Jesús tya mwii Jesús na kuu le Mateo, ndobʼn ngetsowʼn kobral temi chaan yezlyu kuu nzhax lo zha Roma, tsa ne Jesús lon: ―Bteke ditsʼn. Tsa ngwatelin ne mndekeen dits Jesús.
23458	MAT 9:10	Ne leettsa ngeyow Jesús lizʼn, noga mzin tedib net re zha kuu ntsow kobral temi chaan yezlyu kuu nzhax lo zha Roma, ne tedib net re zha kuu ntsow kuu went, ne mndob re zha roo mes kon Jesús, ne kon re zha kuu ngeteed lo Jesús.
23460	MAT 9:12	Jesús mbin kona, tsa nzhab Jesús lo re zha: ―Lee re zha kuu net ndak, ndechet zha doctor, per lee re mbyiz, zhaʼa ndeche doctor.
23461	MAT 9:13	Tyaa goo, ne bteed goo naa kwan nak re diiz ree: “Kuu nlazʼn nak, blat leettsoo goo ne goo taben goo, nlaztʼn beeta kuth goo maa taa goo lon”. [Os. 6:6] Tak ndyaltʼn ndyaadchezʼn re zha wen, sinke lee na ndyal ndyaadchez re zha kuu ndab falt, tsa tsee zha mod went kuu nak zha.
23462	MAT 9:14	Tsa mbig re zha kuu mndeke dits Juan kuu mtsowleyy, ne mnaabdiz zha lo Jesús, nzhab zha: ―¿Chebee re nee, ne re fariseo kwaro ntsow nee ayun, ne lee re zha kuu ngeteed loʼa ntsowt zhay?
23463	MAT 9:15	Jesús mkab, ne nzhab: ―¿Chu tak tsow re zha kuu nzi lo fandan ayun, leettsa lee mbyi kuu mtseyaʼa ndoka lo re zha? Per tetsin wiz kib re zha mal mbyi kuu mtseyaʼa lo re zha; tsasi lee re zha tsow ayun.
23466	MAT 9:18	Leettsa bee ngenika Jesús lee thib mbyi mzin lo Jesús, mbyiʼa nak thib zha kuu nabee ta nkaltaa re zha Israel nteed xkiiz Diox, ne mtobxub zha lo Jesús ne nzhab zha: ―Ngulota nguth rtsaapʼn; per os leeʼa yaada ne xooba yaaʼa yek nzaa teroban nzaa.
23467	MAT 9:19	Tsa lee Jesús kon re zha kuu ngeteed lo Jesús mndeli ne mndeke dits mbyiʼa.
23468	MAT 9:20	Ne ora lee thib ngot kuu ndaʼa tsiibchop liin nlath ren leettsoo, mbig dits Jesús ne mdiinn ngot xab Jesús.
23470	MAT 9:22	Per lee Jesús mre ne mwii lo ngot, ne nzhab: ―Rtsaapʼn. Wen bloo leettsooʼa, tak ngwalaaza lee Diox tak tegweʼa, kona mgweʼa. Ne leeka ora lee ngot mgwe.
23471	MAT 9:23	Ne leettsa mzin Jesús kon chop tson zha kuu ngeteed lo Jesús liz zha kuu nabeeʼa, tsa mwii Jesús lee re musk nzi ngeyol, ne lee re men nzi nzhonn ne mbetsyath tak nguth nzaa.
23474	MAT 9:26	Ne reta men yezlyuʼa mbin kuu mtsow Jesús.
23475	MAT 9:27	Leettsa mroo Jesús tya, lee chop zha syeg mndeke dits Jesús, dib gan zha mrez zha ne nzhab zha lo Jesús: ―¡Lu kuu nak thib zha raz rey David, blat leettsooʼa neʼa nee!
23479	MAT 9:31	Per or mroo rop zha, mndelo zha mndaa zha kwent kuu mtsow Jesús lo rop zha, lo reta men dita yezlyuʼa.
23481	MAT 9:33	Ne or mloo Jesús mbi fyer leettsoo mbyiʼa, mndelo mbyiʼa mndediz. Tsa mzegey leettsoo re men, ne nzhab re men: ―¡Neeka mas ter wiiʼaa thib kuu tenzhee lazaa!
23498	MAT 10:12	Or kuu tsin goo thib yuu bni goo “diox” lo zha ne guz goo lo zha, lee Diox tsow wen kwin goo liz goo ne bzhen goo yaa re zha kuu nzo yuuʼa.
23499	MAT 10:13	Ne os lee re zha kuu nzo yuuʼa, ndoblo zha lee Diox tsow wen kwin zha liz zha, tsa lee kuu gab goo lo zha, take lo zha; per os lee zha ndoblot zha tsow Diox wen kwin zha liz zha, gagte lo zha.
23500	MAT 10:14	Ne os lee zha kayaat zha goo ne tyalt zha gon zha kuu gab goo, broo goo yuuʼa o yeza ne btsib goo yuyaaz kuu mke nii goo.
23503	MAT 10:17	Bkenap goo goo lo re men, tak teno zha goo lo re zha kuu nataak lo re Israel, ne kin zha goo ta nkaltaa reʼaa nteedaa xkiiz Diox.
23508	MAT 10:22	Reta men yii ne goo tak nak goo zha da. Per lee zha kuu xek rid re koree asta bluz, zhaʼa tsow gan yalnaban kuu thitanax.
23509	MAT 10:23	Per leettsa reke zha dits goo thib yez, bzhonn goo ne tyaa goo tedib yez ne noga tya taa goo kwent chaan da. Tak wlipaa na nin, tsowt goo gan yataa goo kwent chaan da, reta yez kuu nak chaan reʼaa zha Israel, leettsa lee na Kuu Mzin Ngok Men bretab.
23512	MAT 10:26	’Ne tsebt goo ne goo re men kuu ndreke dits goo, tak ndaa goo kwent xkizʼn. “Tak neeka thib kuu ntsow zha xlaanta gagt loote, ne tataka neeka thib kuu ntsow zha xgaatsta gagt loote”.
23518	MAT 10:32	’Os lee thib zha gab zha lo re men lee zha nak zha da, noga na gapʼn lo Xutʼn kuu ndob yibaa lee zha nak zha da.
23519	MAT 10:33	Per lee zha kuu gabt lo re men lee zha nak zha da, noga na gapʼn lo Xutʼn kuu ndob yibaa lee zha nagt zha zha da.
23520	MAT 10:34	’Tsowt goo xgab leen ndyal, tsa wen kwin re men lo yezlyu ree. Ndyaltʼn tsa wen kwin re men lo yezlyu ree; sinke chakʼn ndyal kona lee re zha kuu nyelaazt na kuth re zha kuu nyelaaz na.
23523	MAT 10:37	’Ne loka zha kuu mas nke leettsoo xut ne xnaa nake na, ndoblot zhaʼa gak zha zha da, ne loka zha kuu mas nke leettsoo xgann o rtsaap nake na, ndoblot zhaʼa gak zha zha da,
23524	MAT 10:38	ne loka zha kuu kot leettsoo thib gath, tak ndeke zha ditsʼn, ndoblot zha gak zha zha da.
23525	MAT 10:39	Zha kuu nzeb gath tak nyelaaz zha na lo yezlyu ree, tath zha ne tsowt zha gan yalnaban kuu thitanax, per lee zha kuu nzebt gath lo yezlyu ree, tak nyelaaz zha na, zhaʼa tsow gan yalnaban kuu thitanax.
23526	MAT 10:40	’Zha kuu nkayaa goo noga na nkayaa zha. Ne lee zha kuu nkayaa na, noga nkayaa zha, zha kuu mtaalʼn.
23527	MAT 10:41	Loka zha kuu nkayaa thib profet, tak ne zha nak zha zha Diox, zhaʼa kayaa lo Diox leeka kuu kayaa profet lo Diox; ne loka zha kuu kayaa thib zha kuu nali nak, tak ne zha nali nak zha, zhaʼa kayaa lo Diox leeka kuu kayaa zha kuu nali naka lo Diox.
23528	MAT 10:42	Ne loka cho zha kuu taa thib kuu ndeche goo, tegal beeta thib bas nit kuu gu goo, tak nak goo zha da, wlipaa na nin, noga lo zhaʼa tataa Diox kuu tsow zha gan.
23529	MAT 11:1	Leettsa ngwalo mteni Jesús re tsiibchop zha kuu ngeteed lo Jesús, tsa mroo Jesús tya ne nda Jesús nda loo Jesús ne mndaa Jesús kwent xkiiz Diox lo tedib net re zha kuu nzo re yez kuu nzi yezlyuʼa.
23532	MAT 11:4	Jesús mkab ne nzhab: ―Tyee goo, ne guz goo lo Juan re kuu mwii goo ne re kuu mbin goo ntsowʼn.
23538	MAT 11:10	Juan nak zha kuu nteth xkeets Diox ta nzhab: Na taal thib mos da kuu tener loʼa. Tsa to list zha leettsoo re men par kayaa zha lu. [Mal. 3:1]
23539	MAT 11:11	Wlipaa na nin lo goo, xid reta men kuu nzhal yent raa tedib zha kuu mas nataak nake Juan kuu mtsowleyy. Ne tegal tatay, lee zha kuu mas nataagt xith re zha kuu nabee Diox leettsoo, zhaʼa nak zha kuu mas nataak nake Juan.
23547	MAT 11:19	Per lee nal ndyal na, Kuu Mzin Ngok Men, nzhowʼn ne nzhuun, tsa mbez goo leen nak thib zha kuu nzhowcho ne nzhuucho xit ub, ne nakʼn amig re zha kuu ntsow kobral temi chaan yezlyu kuu nzhax lo zha Roma, ne amig re zha kuu ntsow re kuu went. “Per lee zha kuu nap yalnzhaak chaan Diox, por re kuu ntsow zha nabee lee zha nap yalnzhaak”.
23553	MAT 11:25	Ne lee tsya nzhab Jesús: ―Nzhoolʼn loʼa Xutʼn, Zha Nabee yibaa ne yezlyu, tak mkaatsa re koree lo re zha nzhaak ne lo re zha kuu nyen re kwaa, ne mloo luy lo re zha kuu nlaaz teed.
23554	MAT 11:26	Xutʼn, tabaa mtsow luy tak tabaa nlaaza.
23555	MAT 11:27	Tsa nzhab Jesús lo re men: ―Reta kwaa mndaa Xutʼn lon. Ne yent cho ne cho nakʼn, sinke beeta Xutʼn ne cho nakʼn. Ne yent cho ne cho nak Xutʼn, sinke beeta na ne cho nak Xutʼn, ne beeta lo re zha kuu nlazʼn gapʼn naa cho nak Xutʼn.
23557	MAT 11:29	Bkayaa goo yug kuu tan lo goo, ne bteed goo lon, tak nadoo ne wen nakʼn. Ne tata tak neyy goo.
23560	MAT 12:2	Ne lee re fariseo mwii kona, tsa nzhab zha lo Jesús: ―Wii lee re zha kuu ngeteed loʼa, ngetsow thib kuu ndoblotaa tsowaa wiz kuu ndroxkwanaa.
23565	MAT 12:7	Nyent goo kuu nzhab lo xkeets Diox ta nzhab: “Kuu nlazʼn nak, lat leettsoo goo ne goo taben goo, ne nlaztʼn kuth goo beeta maa par taa goo gon lon”. [Os. 6:6] Ne os gayen gooy, gakekit goo zha kuu ntsow kuu wen.
23566	MAT 12:8	Ngenin re koree lo goo, tak na nak xgann mbyi, Kuu Mzin Ngok Men, ne napʼn yalnabee nabeen lo wiz sabd.
23571	MAT 12:13	Tsa nzhab Jesús lo mbyi kuu mbiz yaa: ―Bteli yaaʼa. Tsa mteli mbyi yaa mbyi, ne mgwe yaa mbyi taxal tedibe.
23574	MAT 12:16	Ne nzhab Jesús lo re zhaʼa, tsa yent cho lo gab zha naa cho nak Jesús.
23576	MAT 12:18	Zha ree nak mos da, kuu mlin, kwathoz nke leettsoon zha, ne kwathoz wen nzo leettsoo nen zha. Taalʼn Mbi Nayon chaan da lo zha, ne taa zha kwent re kuu nali ne kuu wen lo re zha kuu nagt zha Israel.
23583	MAT 12:25	Per lee Jesús neʼa naa kwan ntsow re zha xgab, tsa nzhab Jesús: ―Reta yez naro ne re yez bzhizh, ne asta thib yuu kuu nzhak rol zha, gaxta ndo luzhe.
23585	MAT 12:27	Re goo ni lee na ngo mbi fyer kon yalnabee chaan Beelzebú, os leey tata nake, noga re zha kuu ngeteed lo goo ngoo mbi fyer kon yalnabee chaan Beelzebú. Kona leeka re zhaʼa nloo ngobeet goo kuu ni goo.
23587	MAT 12:29	’Gagt tab thib zha liz tedib zha kuu kwathoz ney par kib zha chaan zhaʼa, os ter liib zha zha. Tak os lee zha tsowt zhay gagt kib zha chaan zhaʼa.
23588	MAT 12:30	Re zha kuu nyelaazt lee na ngo mbi fyer kon yalnabee chaan Mbi Nayon, nzot zhaʼa fabor da ne zhaʼa nayii nen; ne re zha kuu nket tsiin kon na re zhaʼa nluux rtsin na.
23590	MAT 12:32	Ne tetuyy Diox re falt kuu ngode men na, Kuu Mzin Ngok Men, per lee men kuu ngode lo Mbi Nayon, tuyyt Diox falt zhaʼa, neeka lo yezlyu ree ne neeka lo tedib yezlyu kuu yo.
23594	MAT 12:36	Kona nin lo goo, leettsa tsin wiz kuu naab Diox kwent lo reta men, asta re diiz kuu legaʼa ni goo, taa goo kwent lo Diox ora.
23599	MAT 12:41	Leettsa naab Diox kwent lo re men wiz bluz, tsya teti Diox re goo, tak mlaat goo re kuu went kuu ntsow goo, ne telaa Diox re zha kuu ngoo yez Nínive, tak mbin re zhaʼa diiz xkiiz Jonás ne mlaa zha re kuu went kuu mtsow zha. Ne ndoblo ne goo, nzhee ndon ne na nak thib zha kuu mas nataak nake Jonás.
23602	MAT 12:44	“Bretabʼn leeka ta mroon”. Ne leettsa mzin mbi ta mroo mbi, ne mzal mbi mbyiʼa, taxal thib yuu kuu nalath kuu wen nalob ne nambi na.
23603	MAT 12:45	Tsa nda mbiʼa ndaxii tedib gaz mbi kuu masraa went nake mbiʼa, ne ndretab mbi ta ngoo mbi ner. Tsa lee zhaʼa masraa nakap nzhak nake taxal ngok zha ner. Leeka tata gak kon re zha tyemp ree, zha kuu kwathoz nakap nak.
23605	MAT 12:47	Tsa lee thib zha nzhab lo Jesús: ―Lee xnaaʼa kon re wetsa nzi lee, ne nlaaz zha tediz zha loʼa.
23606	MAT 12:48	Per lee Jesús nzhab lo zhaʼa: ―¿Cho nak xnaan ne re wetsʼn?
23607	MAT 12:49	Tsa mwii Jesús lo re zha kuu ngeteed lo Jesús, ne nzhab Jesús: ―Re zha ree nak taxal xnaan ne re wetsʼn ne re btan na.
23608	MAT 12:50	Tak re zha kuu ntsow kuu nlaaz Xutʼn kuu ndob yibaa, zhaʼa nak taxal wetsʼn btan na ne xnaan.
23618	MAT 13:10	Tsa lee re zha kuu ngeteed lo Jesús mbig lo Jesús, ne nzhab zha: ―¿Chebee pur kon kwent nanzee niʼa lo re men?
23622	MAT 13:14	Lo re zhaʼa mrolo kuu nzhab profet Isaí zha ndala, leettsa nzhab profet lo re zha ndala: Tegal gon gooy ne yent gooy, tegal wii gooy ne yent goo kuu ngwii goo.
23627	MAT 13:19	Lee re zha kuu nzhon re diiz, kuu ndaa kwent naa xomod nlaaz Diox nabee Diox leettsoo re men, ne nyent zhay, zhaʼa nak taxal bin kuu mla roo net. Nyaad Maxuuy nkib xkiiz Diox leettsoo zha.
23629	MAT 13:21	Per lee zhaʼa nak taxal bin kuu nzot lozh naats, kona neyt ndo zha lo xkiiz Diox. Ne leettsa nzin thib yalti lo zha o ndreke men dits zha, tak nyelaaz zha Diox, tsa nlaa zha Diox.
23631	MAT 13:23	Per lee bin kuu mla lo yu naal, bina nak zha kuu nzhon xkiiz Diox ne nyen zhay. Zhaʼa nak taxal bin kuu ndaa kwathoz xle. Taxal bin kuu mndaa gayoo nzob, lee tedib net zha nak taxal bin kuu mndaa tsongal nzob, ne lee tedib net zha nak taxal bin kuu mndaa galbtsii nzob.
23635	MAT 13:27	Tsa lee re zha kuu nke tsiin lo zha kuu nak chaan yu, nzhab lo zha: “Zha Nabee, ¡at nzob xtil wen mloʼaa lo yu! ¿Xomod mlen yizh goob xide?”
23638	MAT 13:30	Mas wen blaa goo thibka zhene, asta leettsa dop yalgonn. Leettsa taalʼn re zha kuu thop yalgonn, tsa ner re yizh goob thop zha ne liib zhay par yeeke thitanax. Ne lee nzob xtil thop zha ne kotsow zha leen loo ta nzotsow xoobʼn.”
23646	MAT 13:38	Ne lee yezlyu nak taxal yu, ne lee re zhiinn Diox kuu nabee Diox leettsoo, nak taxal nzob xtil, ne lee re zha kuu nzhon diiz lo Maxuuy, zhaʼa nak taxal yizh goob.
23647	MAT 13:39	Lee zha kuu nayii nen mloo yizh goob, zhaʼa nak Maxuuy. Wiz bluz leettsa naabʼn kwent lo reta men, leey nak taxal wiz kuu thop zha yalgonn, ne lee re mandad chaan Diox, nak taxal re zha kuu thop yalgonn.
23648	MAT 13:40	Leeka taxal nthop re mos yizh goob ne nteyy zhay lo ki, leeka tata gak wiz bluz leettsa naabʼn kwent lo re men.
23649	MAT 13:41	Lee na Kuu Mzin Ngok Men, taalʼn re mandad da thop re zha kuu ntsow, ntsow re zha da kuu went, ne reta zha kuu ntsow kuu went.
23651	MAT 13:43	Tsa lee re zha kuu nali nak lo Diox la xni zha ta nabee Xutʼn, taxal nla xni wiz la xni zha. ¡Os lee goo ndob nza goo ndoblo yen goo koree!
23652	MAT 13:44	’Leettsa nabee Diox leettsoo men, leey nak taxal kwathoz or kuu nzogaats lo thib lo yu. Ne lee thib zha mzal ora, tsa mkaatska zhay tya. Ne kwathoz laz zha ndya zha ne mtho zha reta kuu nap zha, ne mzhii zha yuʼa, par gak ora chaan zha.
23654	MAT 13:46	Ne leettsa nyetsal zha thib kuu kwathoz chul na, tsa ndya zha ne mtho zha reta kwaa nap zha, ne mzhii zha keʼa.
23664	MAT 13:56	Ne leeka loʼaa nzhee nzi re btan zha. ¿Xomod mteed zha re kuu nzhaak zha?
23668	MAT 14:2	Tsa nzhab rey Herodes lo re zha kuu nke tsiin lo rey: ―Juan kuu mtsowleyy re men nak zhaʼa; mroban zha xid re zha nguth; kona nap zha yalnabee ntsow zha re kuu thoz.
23670	MAT 14:4	Tak lee Juan nzhab lo rey Herodes: ―Went kenoʼa tsaal wetsa.
23675	MAT 14:9	Tsa kwathoz nabil ngoo leettsoo rey; per tak kwathoz men nzi or mtselo rey kruz, ne reta zhaʼa mbin kuu nzhab rey, kona nzhab rey lo thib soldad, tsa taa zha yek Juan lo nzaa.
23681	MAT 14:15	Ne leettsa mziʼa yezlyu, tsa lee re zha kuu ngeteed lo Jesús mzin lo Jesús, mbig zha ne nzhab zha lo Jesús: ―Mziʼa yezlyu, ne yent men gax nzhee. Bchaats re men tsa ya zha re ranch kuu nzi gaxta nzhee, tsa tii zha lut kuu wu zha.
23690	MAT 14:24	Ne lee kano kuu nzo re zha kuu ngeteed lo Jesús ndaʼa tith lo nitdoo. Ne lee nitdoo kwathoz nkwin kano, tak par ta nda re zha ndyaad mbi.
23694	MAT 14:28	Tsa lee Pey nzhab lo Jesús: ―Zha Nabee, os luy, btsow tsa no na te lo nitdoo, tsa tsin na ta ndoʼa.
23696	MAT 14:30	Per or myeen Pey kwathoz nax mbi, tsa mzeb Pey, ne lee Pey ndalowgwa leen nit, tsa mretsyath Pey, ne nzhab Pey: ―Zha Nabee, laata lowʼn.
23701	MAT 14:35	Or mlebee re men yeza Jesús, dita lo yezlyuʼa mchaats zha diize, tsa myaadno re zha re mbyiz ta ndo Jesús.
23703	MAT 15:1	Tsa mbig chop tsonta fariseo ne chop tsonta maestr kuu nloo xkiiz Diox, re zhaʼa nak zha Jerusalén, tsa mnaabdiz zha lo Jesús, nzhab zha:
23704	MAT 15:2	―¿Chebee lee re zha kuu ngeteed loʼa ntsowt zha kuu mloo re teyaa zha ndala? ¿Chebee nat zha or nzhow zha, taxal nzhab re teyaa?
23706	MAT 15:4	Tak lee Diox nzhab: “Bke leettsooʼa xuta ne xnaaʼa”. [Ex. 20:12] “Ne loka zha kuu ngode xut ne xnaa, ndoblo gath zha”. [Lv. 20:9]
23707	MAT 15:5	Per lee goo mbez tak gab zha lo xut zha ne lo xnaa zha: “Gagt raa tsowʼn ayud goo, tak reta kuu gatan lo goo mndaʼa nay gon lo Diox”.
23715	MAT 15:13	Tsa mkab Jesús, ne nzhab Jesús: ―Reta zha kuu nloo re leyy kuu nagt leyy chaan Xutʼn kuu ndob yibaa, teluux Xutʼn re zhaʼa, koree nak taxal zha kuu nkib dib lozh thib ya kuu mtot zha.
23724	MAT 15:22	Tya lee thib ngot zha Canaán, kuu nzo tya mbig lo Jesús, ne dib gan zha mrez zha ne nzhab zha lo Jesús: ―¡Zha Nabee, xgann rey David, blat leettsooʼa neʼa na! Tak kwathoz ndakti rtsaapʼn, tak nzo thib mbi fyer leettsoo nzaa.
23726	MAT 15:24	Tsa lee Jesús nzhab: ―Beeta lo re tawlazaa kuu nak taxal mbak zhiil kuu mndab, mtaal Dioxʼn.
23727	MAT 15:25	Per lee ngota mbig lo Jesús mtobxub ne nzhab: ―Zha Nabee, btsow ayudʼn.
23734	MAT 15:32	Tsa mrez Jesús re zha kuu ngeteed lo Jesús, ne nzhab Jesús lo re zha: ―Nlat leettsoon nen re men ree, tak ndaʼa tson wiz nzi zha kon reʼaa nzhee, ne yent kwan nap zha wu zha. Nlaztʼn taalʼn re zha liz zha ne wut zha, tak cha layaal zha net.
23735	MAT 15:33	Tsa lee re zha kuu ngeteed lo Jesús nzhab: ―¿Per pa yaxiiʼaa kuu wu thib labaa raa men, thib ta yent men?
23745	MAT 16:4	Goo kuu ngwii re milagr thoz kuu ntsowʼn, went nak goo ne thitanax mlaa goo Diox. Naab goo thib seny thoz, per neeka thib seny loot lo goo, sinke beeta seny chaan profet Jonás zha ndala loo lo goo. Ngwalo nzhab Jesús kona, tsa mlaa Jesús re zhaʼa ne nda Jesús.
23750	MAT 16:9	¿Chebee terka yen goo lee na, tak ntsowʼn re kuu thoz? ¿Chu ntelaazt goo re gaay pan kuu mndan ndow gaay mil mbyi? Ne, ¿plal chekwit kuu byu mrozhoob?
23752	MAT 16:11	¿Chebee nyeent goo ngenitʼn kwent lebadur chaan pan? Sinke leen ni lo goo list gok goo, kayaat goo lebadur chaan re fariseo ne chaan re zha saduceo.
23755	MAT 16:14	Tsa lee re zha nzhab: ―Thib net zha mbez leeʼa nak Juan kuu mtsowleyy, lee tedib net zha mbez leeʼa nak profet Lí, lee tedib net zha mbez leeʼa nak profet Jeremí, ne lee tedib net zha mbez leeʼa nak tedib re profet.
23756	MAT 16:15	Tsa nzhab Jesús lo re zha: ―Ne lee re goo, ¿cho nakʼn ndak goo?
23758	MAT 16:17	Tsa lee Jesús mkab lo Pey, ne nzhab: ―Wen ndaʼa Simún xgann Jonás. Tak neeka thib men mloot koree loʼa, sinke Xutʼn kuu ndob yibaa mlooy loʼa.
23759	MAT 16:18	Ne na ni lee lu nak Pey, ne lee leʼa nak “ke”, ne dits ke ree tan gwodoo da, kuu nak re zha kuu nyelaazʼn. Ne lee yalney chaan yalguth tsowt gan loy.
23760	MAT 16:19	Ne loʼa tan yab chaan ta nabee Diox. Tsa reta kuu liiba lo yezlyu ree, naliibe yibaa, ne reta kuu xaka lo yezlyu ree, nazhake yibaa.
23763	MAT 16:22	Tsa lee Pey mloo Jesús thib lad, ne mndelo Jesús mkox Jesús lo Pey, ne nzhab Pey lo Jesús: ―Diox, Zha Nabee, lat leettsoo neʼa. ¡Ridta kona!
23764	MAT 16:23	Per lee Jesús mtsere lo, ne nzhab lo Pey: ―¡Btow rooʼa Maxuuy! Lu ngetow lon. Tak ntsowta xgab kuu ntsow Diox xgab; sinke leeʼa ntsow xgab taxal ntsow re men xgab.
23765	MAT 16:24	Tsa lee Jesús nzhab lo re zha kuu ngeteed lo Jesús: ―Os cho goo nlaaz teke ditsʼn, bnithlaaz goo reta kuu nap goo, ne reta kuu nzo yek goo tsow goo, ne thib bloo goo leettsoo goo gath goo, tak nyelaaz goo na.
23766	MAT 16:25	Tak lee zha kuu kot thib leettsoo gath, tak nyelaaz zha na, tath zhaʼa ne tsowt zha gan yalnaban kuu thitanax; per lee zha kuu thib ko leettsoo gath tak nyelaaz na, tetsow zhaʼa gan yalnaban kuu thitanax.
23768	MAT 16:27	Koree nin lo goo, tak lee na Kuu Mzin Ngok Men, yaalʼn kon xni thoz chaan Xutʼn ne kon re mandad Xutʼn, ne tsa taa na lo kadta thib thib zha kuu ndoblo zha.
23773	MAT 17:4	Tsa nzhab Pey lo Jesús: ―Zha Nabee, ¡wen thoz nzi nee nzhee nal! Os leeʼa nlaaza, taa nee tson ramad, thibe gak chaana, tedibe gak chaan Moisés ne lee tedibe gak chaan Lí.
23778	MAT 17:9	Or ndyaadla re zha yek yiiʼa, lee Jesús mnabee lo re zha ne nzhab: ―Neeka thib lo zha gabt goo kuu mwii goo, asta leettsa lee na Kuu Mzin Ngok Men, roban xid re zha nguth.
23781	MAT 17:12	Per leen ni lo goo, myaada Lí per mkayaat re men Lí, sinke mtsowno re men Lí kuu nlaaz men. Ne leeka tata lee na Kuu Mzin Ngok Men, kwathoz ridʼn yalti lo re mena.
23784	MAT 17:15	―Zha Nabee, blat leettsooʼa neʼa xgann na, tak ndak nyo yizguthye. Ne kwathoz ndakti nyo lo yiz; ne kwathoz tyen welt nzhab nyo lo ki ne leen nit.
23785	MAT 17:16	Myaadnon nyo lo re zha kuu ngeteed loʼa, per mtsowt zha gan gategwe zha nyo.
23796	MAT 17:27	Per ndoblot tsowaa, tak leettsoo neeka thib zha. Kona nin loʼa, gwa roo nitdoo, ne blebi answel kuu niita mbel. Ne roo mbel kuu ner niita yetsala thib temi kuu tegaa kizha chaanaa. Bzhene ne gwathix lo re zha.
23800	MAT 18:4	Kona lee zha kuu nadoo nak taxal nyo lut ree, zhaʼa nak zha kuu mas nataak ta nabee Diox.
23801	MAT 18:5	Loka zha kuu nkayaa thib re ndyeen bzhizh, tak nyelaaz zha na, leey nak taxal na nkayaa zhaʼa.
23802	MAT 18:6	’Loka cho kuu tsow lee thib re ndyeen bzhizh kuu nyelaaz na, tsow kuu went; mas wen kee zha thib ke naro yen zhaʼa, ne kobi zha zhaʼa leen nitdoo.
23804	MAT 18:8	’Kona os lee yaaʼa o niiʼa ntsow ntsowa kuu went, mas wen lortsint raa luy, ne btsow taxal mga luy ne mlobi luy tith, tak mas wen taba kayaaʼa yalnaban kuu thitanax tunka, nake nkenoʼa rop yaaʼa ne rop niiʼa ne ndyaʼa lo bel kuu thitanax nyuyyt.
23805	MAT 18:9	Ne os lee ngutloʼa ntsow tsowa kuu went, mas wen lortsint raa luy, tak mas wen taba kayaaʼa yalnaban kon thibka ngutloʼa, nake napa rop ngutloʼa ne ndyaʼa gabil ta nyuyyt bel thitanax.
23806	MAT 18:10	’Wii goo ndoblot tsow nataagt goo, neeka thib re ndyeen bzhizh ree, tak kwathoz nataak ndyeen lo Xutʼn Diox, ne lee re mandad chaan re ndyeen ree thibka nzi lo Xutʼn kuu ndob yibaa.
23811	MAT 18:15	’Os lee wetsa ntsow thib kuu went loʼa, bni lo zha or thita zha, ne btsow yen zha went kuu mtsow zha, tsa tsee zha mod nak zha. Os lee zha gon zha xkiiza, mtsowa lu gan yaan wetsa xith re zha kuu nabee Diox leettsoo.
23812	MAT 18:16	Ne os lee zha gont zha xkiiza, tsa brez thib zha o chop zha da, gwa goo lo zha ne ndoblo tsow goo taxal nke lo xkeets Diox ta nzhab: “Ndeche chop zha o tson zha kuu gab thibka kwaa, ne kuu gab re zhaʼa kona gak, tsa tyatha yaan kwent”. [Dt. 19:15]
23813	MAT 18:17	Os lee zhaʼa gont xkiiz goo, guz gooy lo re zha da kuu nyelaaz Diox. Tsa kox zhaʼa lo re zha da, ne os lee zhaʼa nlaaztga zha gon zha xkiiz re zha kuu nyelaaz Diox, tsa ndoblo wii goo zha, taxal thib zha kuu nagt zha yez chaan Diox, ne taxal thib zha kuu ntsow kobral temi chaan yezlyu kuu nzhax lo zha Roma.
23815	MAT 18:19	’Ne noga nin lo goo: Os beeta chop goo myaan goo diiz lo yezlyu ree, naab goo thib kuu nlaaz goo lo Xutʼn kuu ndob yibaa, tataa Xut nay.
23817	MAT 18:21	Tsa lee Pey mbig lo Jesús ne nzhab: ―Zha Nabee, ¿plal welt ndoblo la leettsoon lo re kuu went kuu ntsow wetsʼn lon? ¿Chu wen asta gaz welt?
23818	MAT 18:22	Jesús mkab ne nzhab: ―Nitʼn gazka welte, sinke leen ni: Thap gayoo thap galbtsii welt, ndoblo la leettsooʼa neʼa wetsa.
23821	MAT 18:25	Ne lee zhaʼa gagt kix lo rey, tsa lee rey mnabee: “Tho zha zha, kon tsaal zha ne kon re zhiinn zha ne kon reta kuu nap zha, tsa tata mod gax kuu ndab zha”.
23822	MAT 18:26	Tsa mtobxub mos ne mnaab mos lo rey ne nzhab mos: “Zha nabee bxek leettsooʼa neʼa na; xlaaz yizhʼn retay loʼa”.
23823	MAT 18:27	Tsa mlat leettsoo rey ne mla leettsoo rey mne zhaʼa, tsa mlaa rey zha taxal thib zha kuu ndabt neeka thib pes.
23824	MAT 18:28	’Per leettsa mroo zha lo rey, tsa nda zha ne mzaal zha thib zha kuu ndab lut temi lo zha. Tsa mzhen zha yen zhaʼa ne mde zha yen zhaʼa, ne nzhab zha lo zhaʼa: “¡Bdix kuu ndaba lon!”
23825	MAT 18:29	Tsa lee zha kuu ndab lo zha, mtobxub lo zha ne nzhab: “Bxek leettsooʼa neʼa na; xlaaz yizhʼn retay loʼa”.
23829	MAT 18:33	Noga lu ndoblo galat leettsooʼa ganeʼa altaaʼa, taxal mlat leettsoon mnen lu.”
23831	MAT 18:35	Tsa nzhab Jesús: ―Tabaaka tsow Xutʼn Diox kuu ndob yibaa lo re goo, os lee goo latta leettsoo goo lo re kuu went kuu ntsow taben goo lo goo.
23847	MAT 19:16	Lee thib zha mndyeen ngwa mnaabdiz lo Jesús ne nzhab: ―Maestr wen, ¿kwan kuu wen tsowʼn tsa tsowʼn gan yalnaban kuu thitanax?
23848	MAT 19:17	Jesús mkab lo zha ne nzhab: ―¿Chebee zha wen niʼa lon? Tak neeka thib zha wen yent, beeta Diox wen nak. Per os leeʼa nlaaza kenoʼa yalnaban kuu thitanax, bin diiz re diiz kuu nataak kuu nabee Diox.
23850	MAT 19:19	bke leettsooʼa xuta ne xnaaʼa, ne bke leettsooʼa tabena taxal nke leettsooʼa leeka lu.