23240	MAT 2:2	Ne mnaabdiz re zha, nzhab zha: ―¿Ma mbet kuu gak rey chaan re zha Israel, kuu ngola? Tak asta ta nlen wiz mwii nee mbel chaan mbet, kona ndyaad nee gol nee lo mbet.
23268	MAT 3:7	Per or mwii Juan kwathoz re zha fariseo ne re zha saduceo ndyaad gakleyy lo Juan, tsa nzhab Juan lo re zha: ―¡Goo nak zha kuu nakap nak taxal mbeel! ¿Cho ne lo goo tak laa goo lo yalnayii chaan Diox, kuu yaad leettsa lux yezlyu?
23275	MAT 3:14	Ner mzhyalt Juan, tsa nzhab Juan lo Jesús: ―Lu ndoblo tsowleyyʼn. ¿Chebee leel lu ndyaad gakleyy lon?
23316	MAT 5:13	’Goo nak taxal ted lo yezlyu ree, per os lee ted natsigt ted, ¿xomod gak natsig ted tedib welt? Lortsint raay, sinke kobi zhay, tsa lo re men ditse.
23349	MAT 5:46	Os lee goo nke leettsoo goo beeta re zha kuu nkelaaz goo, ¿kwan tsow goo gan? Tak tataga ntsow re zha kuu ndab falt, kuu ntsow kobral temi chaan yezlyu kuu nzhax lo zha Roma.
23350	MAT 5:47	Ne os lee goo ni goo “diox”, beeta lo re zha kuu nak raz chaan goo. ¿Kwan kuu wen ntsow goo tsa? Noga re zha kuu nagt zha Israel tata ntsow, ne yent kwan kayaa zha lo Diox.
23376	MAT 6:25	’Kona nin lo goo: Yat leettsoo goo por re kuu wu goo ne kuu gu goo, tsa ban goo, neeka tsowt goo xgab re lar kuu gok goo. ¿Chu nagt masraa nataak yalnaban goo, nake kuu nzhow goo, kuu nzhuu goo ne kuu nzhok goo?
23378	MAT 6:27	Tsowt goo xgab re kona, tak ¿cho thib goo kuu kwathoz nlaaz ban telut, per tegal nlaaz gooy, gagt tsow goo ban goo neeka telut?
23379	MAT 6:28	’¿Ne chebee kwathoz ntsow goo xgab, naa xomod tsanaa goo lar kuu gok goo? Mas wen wii goo lo re yee kuu ndab wan; nket yee tsiin ne neeka ndexkwaat yee lar.
23381	MAT 6:30	Ne os lee Diox ntsow chul nyaal re yizh kuu ndab wan naltseree, ne lee tedib wiz nzheeke, ¿chu nagt tataga taa Diox reta kuu ndeche goo lo goo, men kuu lutta nyelaaz Diox?
23382	MAT 6:31	Ne yat leettsoo goo gab goo: “¿Kwan dowaa o kwan guʼaa ne kwan gokaa?”
23388	MAT 7:3	¿Chebee nye leettsooʼa ngwiiʼa lo paj kuu nzo ngutlo tedib zha, ne ngwiita lo ya kuu nzo ngutloʼa?
23389	MAT 7:4	Ne os leeʼa nyeenta nzo ya ngutloʼa, ¿xomod nye leettsooʼa mbeza lo tedib zha: “Laa gon paj kuu nzo ngutloʼa”?
23394	MAT 7:9	’Os lee zhiinn goo naab tsa pan lo goo, ¿chu tataa goo thib ke lo zhiinn goo? Wlipaa taat gooy.
23395	MAT 7:10	Ne os lee zhiinn goo naab thib mbel lo goo, ¿chu tataa goo thib mbeel lo zhiinn goo? Wlipaa tsowt goo tata.
23440	MAT 8:26	Jesús mkab ne nzhab: ―¿Chebee kwathoz nzeb goo? ¿Chebee lutta nyelaaz goo Diox? Tsa ngwateli Jesús ne mkox mbi ne nitdoo lo Jesús, ne zheta ngok mbi ne nitdoo.
23441	MAT 8:27	Reta zha kuu ngeteed lo Jesús kwathoz mzegey leettsoo zha, ne mbez zha lo altaa zha: ―¿Cho nak mbyi ree? ¿Chebee asta mbi ne nitdoo nzhon diiz lo zha?
23443	MAT 8:29	Ne mretsyath zha ne nzhab zha: ―¿Chaka ndyaad lo nee, Jesús Xgann Diox? ¿Chu ndyaada tetiʼa nee, leettsa terka tsin wiz kuu tetiʼa nee?
23452	MAT 9:4	Per lee Jesús neʼa naa kwan ntsow re zha xgab, tsa mnaabdiz Jesús lo re zha: ―¿Chebee kwathoz went ntsow goo xgab?
23453	MAT 9:5	¿Kwan ntsow goo xgab? ¿Kwan mas nagant gap na lo mbyiz ree: “Lee re falta myuyya”, per nagan tegwe men zha ne gab men lo zha, “Gwache ne bte”?
23459	MAT 9:11	Ne or mwii re fariseo koree, tsa nzhab zha lo re zha kuu ngeteed lo Jesús: ―¿Chebee nzhow maestr goo, kon re zha kuu ntsow kobral temi chaan yezlyu kuu nzhax lo zha Roma, ne kon re zha kuu ntsow kuu went?
23462	MAT 9:14	Tsa mbig re zha kuu mndeke dits Juan kuu mtsowleyy, ne mnaabdiz zha lo Jesús, nzhab zha: ―¿Chebee re nee, ne re fariseo kwaro ntsow nee ayun, ne lee re zha kuu ngeteed loʼa ntsowt zhay?
23463	MAT 9:15	Jesús mkab, ne nzhab: ―¿Chu tak tsow re zha kuu nzi lo fandan ayun, leettsa lee mbyi kuu mtseyaʼa ndoka lo re zha? Per tetsin wiz kib re zha mal mbyi kuu mtseyaʼa lo re zha; tsasi lee re zha tsow ayun.
23476	MAT 9:28	Per or mndaab Jesús leen yuu, lee rop syeg mbig gax lo Jesús, tsa mnaabdiz Jesús lo rop zha: ―¿Chu nyelaaz goo tak tegwen goo? ―Zha Nabee, tak tsow luy ― mkab rop zha.
23515	MAT 10:29	’Wii goo, ¿chu nthot zha chop min bzhizh por thap rehal? Per leen ni lo goo, neeka thib min lat lo yezlyu ree os lee Xutaa Diox kuu ndob yibaa taat diize.
23535	MAT 11:7	Leettsa ndya re zha kuu mtaal Juan, lee Jesús mndelo mndaa kwent chaan Juan lo re men, ne nzhab Jesús: ―¿Kwan ngwatwii goo ngwa goo yubiz? ¿Chu lo thib nith kuu nkwin mbi ngwatwii goo?
23536	MAT 11:8	Ne os leey nagte tata, ¿kwan ngwa goo ngwatwii goo tsa? ¿Chu lo thib zha kuu nok lar wen ngwa goo ngwatwii goo? Tak reta goo ne lee re zha kuu nzhok lar wen, nak re zha kuu nzo liz rey.
23537	MAT 11:9	Per ne goo lon: ¿Cho lo ngwatwii goo tsa? Wlipaa na nin lo goo, lee goo ngwatwii lo thib profet. Ne Juan nak thib profet kuu mas nataak nake re profet kuu ngoo ndala.
23551	MAT 11:23	Ne lee re goo zha yez Capernaúm, ¿chu ntsow goo xgab lee Diox teno goo yibaa? Nagte tata, lee goo ya asta ta mas naats. Tak os lo re zha yez Sodoma gagak re kuu thoz kuu ngok lo re goo, bee nzika yeza asta nal.
23561	MAT 12:3	Tsa lee Jesús mkab ne nzhab: ―¿Chu ter lab goo xkeets Diox naa kwan mtsow rey David, leettsa mlann David kon re zha kuu nda kon David?
23563	MAT 12:5	Ne, ¿chu ter lab goo ley chaan Moisés ta nzhab, lee re ngwleyy mbint ngwleyy diiz kuu nabee ley, tak mke ngwleyy tsiin leen gwodoo chaan Diox wiz sabd, ne mndaat ngwleyy falt?
23568	MAT 12:10	Ne tya ndo thib mbyi kuu mbiz yaa. Ne kom nkwaan re zha mod keki zha Jesús, tsa nzhab zha lo Jesús: ―¿Chu ndoblo tegwe men thib zha wiz kuu ndroxkwanaa?
23569	MAT 12:11	Ne lee Jesús nzhab: ―Os lee thib goo nap thib mbak zhiil ne la maa leen pos wiz sabd, ¿chu koot goo maa?
23581	MAT 12:23	Reta men mzegey leettsoo, ne nzhab: ―¿Chu nagt zha ree, zha raz chaan rey David?
23606	MAT 12:48	Per lee Jesús nzhab lo zhaʼa: ―¿Cho nak xnaan ne re wetsʼn?
23618	MAT 13:10	Tsa lee re zha kuu ngeteed lo Jesús mbig lo Jesús, ne nzhab zha: ―¿Chebee pur kon kwent nanzee niʼa lo re men?
23635	MAT 13:27	Tsa lee re zha kuu nke tsiin lo zha kuu nak chaan yu, nzhab lo zha: “Zha Nabee, ¡at nzob xtil wen mloʼaa lo yu! ¿Xomod mlen yizh goob xide?”
23636	MAT 13:28	Tsa lee zha kuu nak chaan nzob xtil nzhab: “Thib zha kuu nayii nen mtsow kona”. Tsa lee re zha kuu nke tsiin lo zha mnaabdiz ne nzhab: “¿Chu nlaaza ya nee ne kib nee yizh goob?”
23644	MAT 13:36	Leettsa ngwalo mchaats Jesús re men, tsa mndaab Jesús leen yuu, ne lee re zha kuu ngeteed lo Jesús mbig ne nzhab lo Jesús: ―¿Xomod nak kwent nanzee chaan nzob xtil kon yizh goob?
23659	MAT 13:51	Tsa mnaabdiz Jesús lo re zha, ne nzhab Jesús: ―¿Chu myen goo re kwent nanzee ree? Lee re zha mkab ne nzhab: ―Myen neey.
23662	MAT 13:54	ne mzin re zha laz Jesús. Ne wiz sabd mndelo Jesús mloo lo re men ta nkaltaa re zha Israel nteed xkiiz Diox. Tsa mzegey leettsoo re men mbin kuu mloo Jesús, ne mbez zha lo re altaa zha: ―¿Xomod mteed zha ree yalnzhaak ree? ¿Chebee nzhaak ntsow zha re milagr thoz?
23664	MAT 13:56	Ne leeka loʼaa nzhee nzi re btan zha. ¿Xomod mteed zha re kuu nzhaak zha?
23697	MAT 14:31	Oraaka mzhen Jesús yaa Pey, ne nzhab Jesús lo Pey: ―¿Chebee lutta nyelaaza na? ¿Chebee ngok chop xgaba?
23704	MAT 15:2	―¿Chebee lee re zha kuu ngeteed loʼa ntsowt zha kuu mloo re teyaa zha ndala? ¿Chebee nat zha or nzhow zha, taxal nzhab re teyaa?
23705	MAT 15:3	Tsa mnaabdiz Jesús lo re zha, nzhab Jesús: ―¿Chebee noga goo nzhont goo diiz kuu nabee Diox lo goo tsow goo, leel re kuu mloo teyaa zha ndala ntsow goo?
23714	MAT 15:12	Tsa mbig re zha kuu ngeteed lo Jesús, ne nzhab zha lo Jesús: ―¿Chu myeenta mkezhyan re fariseo mbin kuu nzhaba?
23718	MAT 15:16	Tsa mkab Jesús ne nzhab Jesús: ―¿Chu no goo nyente?
23719	MAT 15:17	¿Chu nyent goo, reta kuu nzhow zha ndya leettsoo zha, ne tsaraa ndrooy?
23735	MAT 15:33	Tsa lee re zha kuu ngeteed lo Jesús nzhab: ―¿Per pa yaxiiʼaa kuu wu thib labaa raa men, thib ta yent men?
23736	MAT 15:34	Jesús mnaabdiz, ne nzhab: ―¿Plal pan nap goo? Tsa nzhab re zha: ―Gaz pan ne chop tsonta mbel.
23749	MAT 16:8	Per myeen Jesús kona, tsa nzhab Jesús lo re zha: ―¿Chebee ni goo nkenot goo pan? ¡Men kuu lutta nyelaaz Diox!
23750	MAT 16:9	¿Chebee terka yen goo lee na, tak ntsowʼn re kuu thoz? ¿Chu ntelaazt goo re gaay pan kuu mndan ndow gaay mil mbyi? Ne, ¿plal chekwit kuu byu mrozhoob?
23751	MAT 16:10	¿Chu neeka gaz pan kuu mndan ndow thap mil mbyi, ntelaazt goo plal chekwite mrozhoob?
23752	MAT 16:11	¿Chebee nyeent goo ngenitʼn kwent lebadur chaan pan? Sinke leen ni lo goo list gok goo, kayaat goo lebadur chaan re fariseo ne chaan re zha saduceo.
23754	MAT 16:13	Leettsa mzin Jesús yezlyu ta nak Cesarea-Filipo, tsa mnaabdiz Jesús lo re zha kuu ngeteed lo Jesús, ne nzhab Jesús: ―¿Cho nak na Kuu Mzin Ngok Men, ni re men?
23756	MAT 16:15	Tsa nzhab Jesús lo re zha: ―Ne lee re goo, ¿cho nakʼn ndak goo?
23767	MAT 16:26	¿Kwan tsow men gan keno zha reta kuu nzo yezlyu ree, ne kenot zha yalnaban kuu thitanax? Gagt taa men neeka thib kwaa lo Diox par taa Diox yalnaban kuu thitanax lo men.
23779	MAT 17:10	Tsa lee re zha kuu ngeteed lo Jesús mnaabdiz lo Jesús, ne nzhab: ―Os leey tata nake, ¿chebee lee re maestr kuu nloo xkiiz Diox nzhab, ner Lí yaad?
23786	MAT 17:17	Jesús mkab ne nzhab lo re zha kuu nzi tya: ―Zha went, kuu nyelaazt Diox nak goo. ¿Asta pol ton lo goo? ¿Asta pol xek leettsoon nen goo? Deno xganna nzhee.
23788	MAT 17:19	Tsa lee re zha kuu ngeteed lo Jesús, ngwa mnaabdiz lo Jesús zhaata ne nzhab re zha lo Jesús: ―¿Xomod lee nee, ngogt gagoo nee mbi fyer baa?
23793	MAT 17:24	Leettsa mzin Jesús kon re zha kuu ngeteed lo Jesús yez Capernaúm, tsa lee re zha kuu ntsow kobral temi chaan gwodoo, ngwa mnaabdiz lo Pey ne nzhab: ―¿At ngixt maestr goo temi kuu nzhax lo gwodoo?
23794	MAT 17:25	Lee Pey mkab ne nzhab: ―Ngix zhay. Ne leettsa lee Pey mndaab leen yuu, lee Jesús mni lo Pey ne nzhab: ―¿Simún, kwan ntsowa xgab? ¿Cho lo ntsow re zha kuu nabee lo yezlyu ree kobral temi chaan yezlyu? ¿Chu lo re tawlaz zhay o chu lo re zha tedib yeze?
23797	MAT 18:1	Thib welt lee re zha kuu ngeteed lo Jesús, mbig lo Jesús ne nzhab: ―¿Cho nak zha kuu mas nataak lo re zha kuu nabee Diox lo?
23808	MAT 18:12	’¿Kwan ntsow goo xgab, kwan tsow thib zha, os lee thib zha tak koree? Os lee thib zha nap thib gayoo mbak zhiil ne tab zha thib maa, wlipaa telaa zha tedib re thap galbtsiiyee maa wan, ne yakwaan zha maa kuu mndaba, asta tsal maa lo zha.
23817	MAT 18:21	Tsa lee Pey mbig lo Jesús ne nzhab: ―Zha Nabee, ¿plal welt ndoblo la leettsoon lo re kuu went kuu ntsow wetsʼn lon? ¿Chu wen asta gaz welt?
23834	MAT 19:3	Tsa lee chop tson zha fariseo mbig lo Jesús, ne mnaabdiz zha thib kuu nzhab lo ley, tsa naa chu takab Jesús thib kuu ndoblot, tak nlaaz zha kwaan zha naa xomod keki zha Jesús, tsa nzhab zha lo Jesús: ―¿Chu tak laa thib mbyi tsaal mbyi por ndota kwaa?
23835	MAT 19:4	Tsa lee Jesús mkab ne nzhab: ―¿Chu ter lab goo lo xkeets Diox, leettsa mdexkwaa Diox yezlyu, thibka mbyi ne thibka ngot mtsaal Diox?
23838	MAT 19:7	Tsa mnaabdiz re zha lo Jesús ne nzhab zha: ―¿Xomod lee Moisés nzhab tak laa mbyi tsaal mbyi, beeta ndoblo taa mbyi thib yeets kuu mroo yuulow kuu nzhab, lee mbyi mtso rop tsaal?
23847	MAT 19:16	Lee thib zha mndyeen ngwa mnaabdiz lo Jesús ne nzhab: ―Maestr wen, ¿kwan kuu wen tsowʼn tsa tsowʼn gan yalnaban kuu thitanax?
23848	MAT 19:17	Jesús mkab lo zha ne nzhab: ―¿Chebee zha wen niʼa lon? Tak neeka thib zha wen yent, beeta Diox wen nak. Per os leeʼa nlaaza kenoʼa yalnaban kuu thitanax, bin diiz re diiz kuu nataak kuu nabee Diox.
23849	MAT 19:18	Tsa lee zha mndyeen nzhab: ―¿Pa kuu tsa? Tsa lee Jesús nzhab: ―Kuthta tabena, gagt ropa kon ngot kuu nagt tsaala, lowannta, kekita tabena kon thib kuu wlit,
23851	MAT 19:20	Lee zha mdyeena nzhab: ―Reta koree nzhona na diiz. ¿Kwan raa ndoblon tsowʼn?
23856	MAT 19:25	Leettsa lee re zha kuu ngeteed lo Jesús mbin kona, tsa kwathoz mzegey leettsoo zha ne mbez zha lo altaa zha: ―¿Cho tak tsow gan yalnaban, os tata nake?
23858	MAT 19:27	Tsa lee Pey nzhab lo Jesús: ―Wii lee re nee. Mlaa nee reta kuu nap nee ne mndeke nee ditsa. ¿Kwan tsow nee gan tsa?
23867	MAT 20:6	Ne telutta ndob wiz mre zha ngwa zha lo xbi tedib welt ne mzal zha tedib net zha, ne nzhab zha lo re zhaʼa: “¿Chebee tbaata nzi goo tree dita wiz ne nket goo tsiin?”
23874	MAT 20:13	Per lee zha kuu nak chaan fink nzhab lo re zha: “Amig, neeka thib kuu went ngetsowtʼn lo goo. ¿Chu myaantaa diiz yizhʼn kaa goo kuu nzhax nkaa thib zha thib wiz?
23876	MAT 20:15	¿chu ndoblotʼn tsowʼn kuu nlazʼn kon temi da? ¿O chu nayii goo ne goo na, tak wen nakʼn?”
23882	MAT 20:21	Tsa lee Jesús mnaabdiz lo ngot ne nzhab: ―¿Kwan nlaaza? Tsa lee ngot nzhab: ―Leettsa nabeeʼa, nlazʼn lee thib xgann na tob lad ban loʼa lee tedib zha tob lad beg loʼa, ta kwathoz nataak.
23883	MAT 20:22	Lee Jesús mkab ne nzhab lo re zha: ―Neeka net goo naa kwan naab goo. ¿Chu texek goo rid goo yalti kuu riidʼn? Lee rop zha nzhab: ―Texek nee.
23893	MAT 20:32	Tsa lee Jesús mlet, ne mrez Jesús rop syeg, ne nzhab Jesús lo rop syeg: ―¿Kwan nlaaz goo tsowʼn lo goo?
23905	MAT 21:10	Ne leettsa mndaab Jesús yez Jerusalén, reta zha yeza mgab ndata leettsoo zha, ne mnaabdiz zha lo altaa zha, ne mbez zha: ―¿Cho nak zha ree?
23911	MAT 21:16	Ne nzhab zha lo Jesús: ―¿Chu nzhona kuu mbez re ndyeen baa? Tsa lee Jesús mkab ne nzhab: ―Ah, nzhon nay. ¿Per chu ter lab goo lo xkeets Diox ta nzhab koree: “Mtsowa lee re ndyeen bzhizh ne re mbetdoo gol loʼa”? [Sal. 8:2]
23918	MAT 21:23	Tsa lee Jesús mndaab lee roo gwodoo, ne mndelo Jesús mloo lo re men, tsa lee re ngwleyy kuu nabee lo re ngwleyy, ne re zha gol kuu nabee lo re zha Israel, mbig lo Jesús, ne mnaabdiz zha lo Jesús, ne nzhab zha: ―¿Cho mndaa diiz ntsowa koree? ¿Ne cho mndaa yalnabee ntsow luy?
23920	MAT 21:25	¿Cho mtaal Juan kuu mtsowleyy re men? ¿Chu Diox mtaal zha o re men mtaal zha? ¡Kab goo lon nal! Tsa lee re zha mndelo mbyodiz kon re altaa zha, ne nzhab zha: ―Os leeʼaa gabaa: “Diox mtaal zha”, tsa ne zha loʼaa: “¿Chebee ngwalaazt goo kuu mni zha?”
23926	MAT 21:31	Lo rop zhaʼa, ¿cho mbin diiz lo xute? ―Zha nera ―nzhab re zha. Tsa lee Jesús nzhab: ―Wlipaa na nin lo goo, re zha kuu ntsow kobral temi chaan yezlyu kuu nzhax lo zha kuu nabee Roma, ne re ngot kuu ntho kwerp, ne tedib net re zha kuu ndaa falt, re zhaʼa tab ta nabee Diox.
23935	MAT 21:40	’Lee nal leettsa yaad zha kuu nak chaan fink, ¿kwan ntsow goo xgab, kwan tsow zha kon re zha kuu nzhann lo yu zha?
23937	MAT 21:42	Tsa lee Jesús nzhab lo re zha: ―¿Chu ter lab goo lo xkeets Diox ta tenzhee nzhab: Lee ke kuu mlobi re zha kuu nta yuu thib lad, leey nak thib ke kuu mas nataak kuu ndob skin yuu? Lee Diox kuu nak Zha Nabee loʼaa mtsow koree; ne mzegey leettsooʼaa neʼaa koree. [Sal. 118:22-23]
23953	MAT 22:12	Tsa nzhab rey lo zhaʼa: “Amig, ¿xomod mndaaba nzhee ne nogta lar kuu nzhok re zha kuu nya fandan?” Ne lee zhaʼa mkabt neeka thib lan diiz.
23958	MAT 22:17	Kona lu ne, kwan ndoblo nee tsow nee: ¿Chu ndoblo kix nee lo zha kuu ntsow kobral temi chaan yezlyu, kuu nzhax lo zha Roma, o ndoblot nee kix neey?
23959	MAT 22:18	Per lee Jesús neʼa went nak xgab re zha, kona nzhab Jesús lo re zha: ―¡Zha nkedi nak goo, zhaa kuu mbez ne zhaa kuu ntsow goo, nlaaz goo naabdiz goo kuu wli per went nak goo! ¿Chebee tabaa mod nkwaan goo ten goo na?
23961	MAT 22:20	Ne or mwii Jesús loy, tsa mnaabdiz Jesús lo re zha: ―¿Cho lo ne cho le nke loy?
23969	MAT 22:28	Kona os lee re men roban, ¿cho gak tsaal ngota, tak re gazta wets zha mtseya kon ngota?
23972	MAT 22:31	Per leen ni lo goo, wlipaa lee re zha nguth teroban. ¿Chu ter lab goo lo xkeets Diox, ta leeka Diox nzhab kwent chaan re zha nguth:
23977	MAT 22:36	―Maestr, ¿cho diiz kuu mas nataak lo ley chaan Moisés?
23983	MAT 22:42	tsa mnaabdiz Jesús lo re zha, ne nzhab Jesús: ―¿Kwaan ntsow goo xgab kwent chaan Crist Kuu Mtaal Diox Nabee? ¿Cho lo raz ndyaad Crist Kuu Mtaal Diox Nabee? Ne lee re zha mkab ne nzhab: ―Lo raz David ndyaad zha.
23986	MAT 22:45	¿Xomod tak gak Crist xgann David, os Zha Nabee nzhab David lo Crist?
24020	MAT 23:33	’¡Goo nak zha nakap nak taxal mbeel! ¿Xomod laa goo lo yalti, goo kuu ndya gabil?
24028	MAT 24:2	Tsa lee Jesús mkab ne nzhab: ―¿Chu nloo re koree lo goo? ¡Wlipaa na nin lo goo, neeka thib re ke ree yaante dits tedibe, reta koree lux!
24029	MAT 24:3	Ne nda re zha yek yii Olib, tya mndob Jesús, tsa lee re zha kuu ngeteed lo Jesús mbig lo Jesús, ne mnaabdiz zha lo thita Jesús ne nzhab zha: ―Nlaaz nee neʼa lo nee, ¿pol gak re koree ne cho seny loo leettsa yaada tedib welt, leettsa lux yezlyu?
24071	MAT 24:45	’¿Cho nak mos kuu ngobee? Lee mos kuu ngobee nak mos kuu mtaan patron liz patron, tsa taa mos kuu wu tedib net re mos, or kuu ndoblo taa zhay.