23229	MAT 1:16	ne lee Kob ngok xut Che tsaal Mari xnaa Jesús, Zha Kuu Mtaal Diox Nabee.
23231	MAT 1:18	Tenzhee ngok leettsa ngol Jesús: Leettsa lee Mari xnaa Jesús naka diiz tseya kon Che, per bee ter yo rop zha, ne lee Mari ngoo zhiinn por yalney chaan Mbi Nayon chaan Diox.
23232	MAT 1:19	Tsa lee Che mtsow xgab laa Mari, tak thib mbyi wen nak zha, mtsow zha xgab laa zha Mari xgaatsta, tak nlaazt zha roo yalnathoy Mari lo re men.
23233	MAT 1:20	Ne leettsa ngetsow Che xgab laa Che Mari, lee thib mandad chaan Diox cha ngwani lo Che lo mkaal, ne nzhab lo Che: ―Che, lu nak thib zha raz rey David, yat leettsooʼa kaaʼa Mari, tak lee Mari ngoo zhiinn por yalney chaan Mbi Nayon,
23237	MAT 1:24	Ne leettsa mroo mkaal lo Che, tsa mtsow Che kuu nzhab mandad chaan Diox lo Che, ne mkayaa Che Mari ngok Mari tsaal Che.
23238	MAT 1:25	Per ngogt rop zha, asta leettsa ngol xgann Mari kuu ner; ne mtob le Che mbet Jesús.
23251	MAT 2:13	Leettsa lee re zha kuu nteed kwent chaan mbel mroo ndya, lee thib mandad chaan Diox ngwani lo Che lo mkaal ne nzhab lo Che: ―Gwache, ne teno mbet kon xnaa mbet, tyee goo par yezlyu Egipto, ne kwet goo tya asta or nin lo goo roo goo tya, tak lee rey Herodes nkwaan mbet par kuth mbet.
23252	MAT 2:14	Tsa ngwache Che, leeka yaala ndano Che mbet ne xnaa mbet, ne ndya re zha par Egipto,
23257	MAT 2:19	Per leettsa ngutha rey Herodes, lee thib mandad chaan Zha Nabee ngwani lo Che lo mkaal yez Egipto, ne nzhab lo Che:
23259	MAT 2:21	Tsa ngwache Che ne mndeno Che mbet ne xnaa mbet, ne mretab re zha yezlyu Israel tedib welt.
23260	MAT 2:22	Per leettsa mbin Che lee Arquelao xgann rey Herodes nabee Judea, tsa mzeb Che retab Che tya; per lee Diox mni lo Che lo mkaal; kona ndya Che par yezlyu Galilea.
23261	MAT 2:23	Ne mzin Che ngoo Che yez kuu le Nazaret. Tsa mrolo kuu nzhab re profet, leettsa nzhab re zha: “Nazaren tob le re men Jesús”.
23268	MAT 3:7	Per or mwii Juan kwathoz re zha fariseo ne re zha saduceo ndyaad gakleyy lo Juan, tsa nzhab Juan lo re zha: ―¡Goo nak zha kuu nakap nak taxal mbeel! ¿Cho ne lo goo tak laa goo lo yalnayii chaan Diox, kuu yaad leettsa lux yezlyu?
23275	MAT 3:14	Ner mzhyalt Juan, tsa nzhab Juan lo Jesús: ―Lu ndoblo tsowleyyʼn. ¿Chebee leel lu ndyaad gakleyy lon?
23291	MAT 4:13	Per myaant Jesús yez Nazaret, sinke lee Jesús ndya ngoo yez Capernaúm, yez kuu nzi gax roo nitdoo, yezlyu kuu ngok chaan Zabulón rop Neftalí, tsa loo Jesús lo re men tya.
23301	MAT 4:23	Ne mndiy Jesús dita yezlyu Galilea, ne nloo Jesús lo re men ta nkaltaa re men nteed xkiiz Diox. Ne ndaa Jesús kwent Diiz Chul chaan ta nabee Diox, ne mtegwe Jesús relota yiz ne relota yalne kuu ndak re men.
23376	MAT 6:25	’Kona nin lo goo: Yat leettsoo goo por re kuu wu goo ne kuu gu goo, tsa ban goo, neeka tsowt goo xgab re lar kuu gok goo. ¿Chu nagt masraa nataak yalnaban goo, nake kuu nzhow goo, kuu nzhuu goo ne kuu nzhok goo?
23377	MAT 6:26	Wii goo lo re min kuu nlazbi, nzhannt maa, neeka nthopt maa yalgonn, neeka ngotsowt maa yalgonn leen loo, per lee Xutaa kuu ndob yibaa ndaa loww maa. ¡Chu nagt masraa nataak goo nake re min!
23388	MAT 7:3	¿Chebee nye leettsooʼa ngwiiʼa lo paj kuu nzo ngutlo tedib zha, ne ngwiita lo ya kuu nzo ngutloʼa?
23419	MAT 8:5	Ne or mndaab Jesús yez Capernaúm, lee thib soldad kuu nabee lo thib gayoo soldad, ngwa mnaab thib yalwen lo Jesús,
23440	MAT 8:26	Jesús mkab ne nzhab: ―¿Chebee kwathoz nzeb goo? ¿Chebee lutta nyelaaz goo Diox? Tsa ngwateli Jesús ne mkox mbi ne nitdoo lo Jesús, ne zheta ngok mbi ne nitdoo.
23441	MAT 8:27	Reta zha kuu ngeteed lo Jesús kwathoz mzegey leettsoo zha, ne mbez zha lo altaa zha: ―¿Cho nak mbyi ree? ¿Chebee asta mbi ne nitdoo nzhon diiz lo zha?
23443	MAT 8:29	Ne mretsyath zha ne nzhab zha: ―¿Chaka ndyaad lo nee, Jesús Xgann Diox? ¿Chu ndyaada tetiʼa nee, leettsa terka tsin wiz kuu tetiʼa nee?
23452	MAT 9:4	Per lee Jesús neʼa naa kwan ntsow re zha xgab, tsa mnaabdiz Jesús lo re zha: ―¿Chebee kwathoz went ntsow goo xgab?
23459	MAT 9:11	Ne or mwii re fariseo koree, tsa nzhab zha lo re zha kuu ngeteed lo Jesús: ―¿Chebee nzhow maestr goo, kon re zha kuu ntsow kobral temi chaan yezlyu kuu nzhax lo zha Roma, ne kon re zha kuu ntsow kuu went?
23462	MAT 9:14	Tsa mbig re zha kuu mndeke dits Juan kuu mtsowleyy, ne mnaabdiz zha lo Jesús, nzhab zha: ―¿Chebee re nee, ne re fariseo kwaro ntsow nee ayun, ne lee re zha kuu ngeteed loʼa ntsowt zhay?
23463	MAT 9:15	Jesús mkab, ne nzhab: ―¿Chu tak tsow re zha kuu nzi lo fandan ayun, leettsa lee mbyi kuu mtseyaʼa ndoka lo re zha? Per tetsin wiz kib re zha mal mbyi kuu mtseyaʼa lo re zha; tsasi lee re zha tsow ayun.
23476	MAT 9:28	Per or mndaab Jesús leen yuu, lee rop syeg mbig gax lo Jesús, tsa mnaabdiz Jesús lo rop zha: ―¿Chu nyelaaz goo tak tegwen goo? ―Zha Nabee, tak tsow luy ― mkab rop zha.
23483	MAT 9:35	Tsa mriid Jesús re yez ne re ranch ne reta ta mloo Jesús lo re men, ne mndaa Jesús kwent Diiz Chul chaan ta nabee Diox ne mtegwe Jesús relota yiz ne relota yalne.
23488	MAT 10:2	Tenzhee le re tsiibchop nee kuu mteed lo Jesús kuu noga le apóstl: Simún (kuu noga le Pey), Ndres (wets Pey), Santiag, Juan (wets Santiag, rop zha ree nak xgann Zebedeo), Lip, Bartolomé, Mach, Mateo (kuu nak na, kuu mthop temi kuu nzhax lo zha Roma), Santiag (xgann Alfeo), Lebeo (kuu noga ni zha lo Tadeo), Simún (kuu ngoo xid partid zha Canaán) ne Judas Iscariote (kuu mndaa Jesús lo re zha par mbeth zha Jesús).
23502	MAT 10:16	’¡Wii goo! Na taal goo yataa goo kwent chaan Diiz Chul, taxal mbak zhiil xid re mbeez kuu nayii, kona list gok goo taxal mbeel ne nadoo gok goo taxal palom.
23531	MAT 11:3	tsa yanaabdiz zha lo Jesús, naa chu wli lee Jesús nak Crist Kuu Mtaal Diox Nabee o chu tebet zha tedib zha.
23533	MAT 11:5	Guz goo lo Juan: “Lee ngutlo re zha syeg nyeni, lee re zha mthans ndiy, lee re zha kuu ndeye kwerp ngwe, lee re zha kuu nakwee mzhaal nza; lee re zha nguth ndroban; ne lee re zha kuu nyeen ndeche zha Diox nzhon zha Diiz Chul chaan Diox.
23535	MAT 11:7	Leettsa ndya re zha kuu mtaal Juan, lee Jesús mndelo mndaa kwent chaan Juan lo re men, ne nzhab Jesús: ―¿Kwan ngwatwii goo ngwa goo yubiz? ¿Chu lo thib nith kuu nkwin mbi ngwatwii goo?
23536	MAT 11:8	Ne os leey nagte tata, ¿kwan ngwa goo ngwatwii goo tsa? ¿Chu lo thib zha kuu nok lar wen ngwa goo ngwatwii goo? Tak reta goo ne lee re zha kuu nzhok lar wen, nak re zha kuu nzo liz rey.
23537	MAT 11:9	Per ne goo lon: ¿Cho lo ngwatwii goo tsa? Wlipaa na nin lo goo, lee goo ngwatwii lo thib profet. Ne Juan nak thib profet kuu mas nataak nake re profet kuu ngoo ndala.
23541	MAT 11:13	Reta profet ne ley kuu mkee Moisés mndaa kwent lee Crist yaad, ne asta leettsa myaad Juan, asta tyatha mndaa zha kwente.
23549	MAT 11:21	―¡Aka nati rid re goo zha yez Corazín! ¡Aka nati rid re goo zha yez Betsaida! Os lo re men rop yez kuu nak Tiro ne Sidón gagak re kuu thoz kuu ngok lo re goo, chu nal galaa zha re kuu went kuu mtsow zha ne gayelaaz zha Diox, gagok zha lar kuu nambaat ne gatob zha lo di, tsa galoo zha kwathoz nalatt nzo leettsoo zha por re falt zha.
23551	MAT 11:23	Ne lee re goo zha yez Capernaúm, ¿chu ntsow goo xgab lee Diox teno goo yibaa? Nagte tata, lee goo ya asta ta mas naats. Tak os lo re zha yez Sodoma gagak re kuu thoz kuu ngok lo re goo, bee nzika yeza asta nal.
23561	MAT 12:3	Tsa lee Jesús mkab ne nzhab: ―¿Chu ter lab goo xkeets Diox naa kwan mtsow rey David, leettsa mlann David kon re zha kuu nda kon David?
23568	MAT 12:10	Ne tya ndo thib mbyi kuu mbiz yaa. Ne kom nkwaan re zha mod keki zha Jesús, tsa nzhab zha lo Jesús: ―¿Chu ndoblo tegwe men thib zha wiz kuu ndroxkwanaa?
23575	MAT 12:17	Koree ngok, tsa mrolo kuu nzhab profet Isaí, leettsa nzhab profet kuu nzhab Diox kwent chaan Crist:
23581	MAT 12:23	Reta men mzegey leettsoo, ne nzhab: ―¿Chu nagt zha ree, zha raz chaan rey David?
23606	MAT 12:48	Per lee Jesús nzhab lo zhaʼa: ―¿Cho nak xnaan ne re wetsʼn?
23618	MAT 13:10	Tsa lee re zha kuu ngeteed lo Jesús mbig lo Jesús, ne nzhab zha: ―¿Chebee pur kon kwent nanzee niʼa lo re men?
23636	MAT 13:28	Tsa lee zha kuu nak chaan nzob xtil nzhab: “Thib zha kuu nayii nen mtsow kona”. Tsa lee re zha kuu nke tsiin lo zha mnaabdiz ne nzhab: “¿Chu nlaaza ya nee ne kib nee yizh goob?”
23659	MAT 13:51	Tsa mnaabdiz Jesús lo re zha, ne nzhab Jesús: ―¿Chu myen goo re kwent nanzee ree? Lee re zha mkab ne nzhab: ―Myen neey.
23662	MAT 13:54	ne mzin re zha laz Jesús. Ne wiz sabd mndelo Jesús mloo lo re men ta nkaltaa re zha Israel nteed xkiiz Diox. Tsa mzegey leettsoo re men mbin kuu mloo Jesús, ne mbez zha lo re altaa zha: ―¿Xomod mteed zha ree yalnzhaak ree? ¿Chebee nzhaak ntsow zha re milagr thoz?
23663	MAT 13:55	¡Lee zha ree nak thib zha tbaata, ne nak zha xgann Che kuu nak karpinter ne xnaa zha nak Mari, ne re wets zha nak: Santiag, Che, Simún ne Judas!
23697	MAT 14:31	Oraaka mzhen Jesús yaa Pey, ne nzhab Jesús lo Pey: ―¿Chebee lutta nyelaaza na? ¿Chebee ngok chop xgaba?
23704	MAT 15:2	―¿Chebee lee re zha kuu ngeteed loʼa ntsowt zha kuu mloo re teyaa zha ndala? ¿Chebee nat zha or nzhow zha, taxal nzhab re teyaa?
23705	MAT 15:3	Tsa mnaabdiz Jesús lo re zha, nzhab Jesús: ―¿Chebee noga goo nzhont goo diiz kuu nabee Diox lo goo tsow goo, leel re kuu mloo teyaa zha ndala ntsow goo?
23714	MAT 15:12	Tsa mbig re zha kuu ngeteed lo Jesús, ne nzhab zha lo Jesús: ―¿Chu myeenta mkezhyan re fariseo mbin kuu nzhaba?
23718	MAT 15:16	Tsa mkab Jesús ne nzhab Jesús: ―¿Chu no goo nyente?
23719	MAT 15:17	¿Chu nyent goo, reta kuu nzhow zha ndya leettsoo zha, ne tsaraa ndrooy?
23724	MAT 15:22	Tya lee thib ngot zha Canaán, kuu nzo tya mbig lo Jesús, ne dib gan zha mrez zha ne nzhab zha lo Jesús: ―¡Zha Nabee, xgann rey David, blat leettsooʼa neʼa na! Tak kwathoz ndakti rtsaapʼn, tak nzo thib mbi fyer leettsoo nzaa.
23749	MAT 16:8	Per myeen Jesús kona, tsa nzhab Jesús lo re zha: ―¿Chebee ni goo nkenot goo pan? ¡Men kuu lutta nyelaaz Diox!
23750	MAT 16:9	¿Chebee terka yen goo lee na, tak ntsowʼn re kuu thoz? ¿Chu ntelaazt goo re gaay pan kuu mndan ndow gaay mil mbyi? Ne, ¿plal chekwit kuu byu mrozhoob?
23751	MAT 16:10	¿Chu neeka gaz pan kuu mndan ndow thap mil mbyi, ntelaazt goo plal chekwite mrozhoob?
23752	MAT 16:11	¿Chebee nyeent goo ngenitʼn kwent lebadur chaan pan? Sinke leen ni lo goo list gok goo, kayaat goo lebadur chaan re fariseo ne chaan re zha saduceo.
23754	MAT 16:13	Leettsa mzin Jesús yezlyu ta nak Cesarea-Filipo, tsa mnaabdiz Jesús lo re zha kuu ngeteed lo Jesús, ne nzhab Jesús: ―¿Cho nak na Kuu Mzin Ngok Men, ni re men?
23761	MAT 16:20	Tsa lee Jesús mnabee lo re zha kuu ngeteed lo Jesús, tsa yent cho lo gab re zha, lee Jesús nak Crist Kuu Mtaal Diox Nabee.
23793	MAT 17:24	Leettsa mzin Jesús kon re zha kuu ngeteed lo Jesús yez Capernaúm, tsa lee re zha kuu ntsow kobral temi chaan gwodoo, ngwa mnaabdiz lo Pey ne nzhab: ―¿At ngixt maestr goo temi kuu nzhax lo gwodoo?
23794	MAT 17:25	Lee Pey mkab ne nzhab: ―Ngix zhay. Ne leettsa lee Pey mndaab leen yuu, lee Jesús mni lo Pey ne nzhab: ―¿Simún, kwan ntsowa xgab? ¿Cho lo ntsow re zha kuu nabee lo yezlyu ree kobral temi chaan yezlyu? ¿Chu lo re tawlaz zhay o chu lo re zha tedib yeze?
23797	MAT 18:1	Thib welt lee re zha kuu ngeteed lo Jesús, mbig lo Jesús ne nzhab: ―¿Cho nak zha kuu mas nataak lo re zha kuu nabee Diox lo?
23817	MAT 18:21	Tsa lee Pey mbig lo Jesús ne nzhab: ―Zha Nabee, ¿plal welt ndoblo la leettsoon lo re kuu went kuu ntsow wetsʼn lon? ¿Chu wen asta gaz welt?
23834	MAT 19:3	Tsa lee chop tson zha fariseo mbig lo Jesús, ne mnaabdiz zha thib kuu nzhab lo ley, tsa naa chu takab Jesús thib kuu ndoblot, tak nlaaz zha kwaan zha naa xomod keki zha Jesús, tsa nzhab zha lo Jesús: ―¿Chu tak laa thib mbyi tsaal mbyi por ndota kwaa?
23835	MAT 19:4	Tsa lee Jesús mkab ne nzhab: ―¿Chu ter lab goo lo xkeets Diox, leettsa mdexkwaa Diox yezlyu, thibka mbyi ne thibka ngot mtsaal Diox?
23848	MAT 19:17	Jesús mkab lo zha ne nzhab: ―¿Chebee zha wen niʼa lon? Tak neeka thib zha wen yent, beeta Diox wen nak. Per os leeʼa nlaaza kenoʼa yalnaban kuu thitanax, bin diiz re diiz kuu nataak kuu nabee Diox.
23856	MAT 19:25	Leettsa lee re zha kuu ngeteed lo Jesús mbin kona, tsa kwathoz mzegey leettsoo zha ne mbez zha lo altaa zha: ―¿Cho tak tsow gan yalnaban, os tata nake?
23867	MAT 20:6	Ne telutta ndob wiz mre zha ngwa zha lo xbi tedib welt ne mzal zha tedib net zha, ne nzhab zha lo re zhaʼa: “¿Chebee tbaata nzi goo tree dita wiz ne nket goo tsiin?”
23874	MAT 20:13	Per lee zha kuu nak chaan fink nzhab lo re zha: “Amig, neeka thib kuu went ngetsowtʼn lo goo. ¿Chu myaantaa diiz yizhʼn kaa goo kuu nzhax nkaa thib zha thib wiz?
23883	MAT 20:22	Lee Jesús mkab ne nzhab lo re zha: ―Neeka net goo naa kwan naab goo. ¿Chu texek goo rid goo yalti kuu riidʼn? Lee rop zha nzhab: ―Texek nee.
23905	MAT 21:10	Ne leettsa mndaab Jesús yez Jerusalén, reta zha yeza mgab ndata leettsoo zha, ne mnaabdiz zha lo altaa zha, ne mbez zha: ―¿Cho nak zha ree?
23911	MAT 21:16	Ne nzhab zha lo Jesús: ―¿Chu nzhona kuu mbez re ndyeen baa? Tsa lee Jesús mkab ne nzhab: ―Ah, nzhon nay. ¿Per chu ter lab goo lo xkeets Diox ta nzhab koree: “Mtsowa lee re ndyeen bzhizh ne re mbetdoo gol loʼa”? [Sal. 8:2]
23918	MAT 21:23	Tsa lee Jesús mndaab lee roo gwodoo, ne mndelo Jesús mloo lo re men, tsa lee re ngwleyy kuu nabee lo re ngwleyy, ne re zha gol kuu nabee lo re zha Israel, mbig lo Jesús, ne mnaabdiz zha lo Jesús, ne nzhab zha: ―¿Cho mndaa diiz ntsowa koree? ¿Ne cho mndaa yalnabee ntsow luy?
23920	MAT 21:25	¿Cho mtaal Juan kuu mtsowleyy re men? ¿Chu Diox mtaal zha o re men mtaal zha? ¡Kab goo lon nal! Tsa lee re zha mndelo mbyodiz kon re altaa zha, ne nzhab zha: ―Os leeʼaa gabaa: “Diox mtaal zha”, tsa ne zha loʼaa: “¿Chebee ngwalaazt goo kuu mni zha?”
23937	MAT 21:42	Tsa lee Jesús nzhab lo re zha: ―¿Chu ter lab goo lo xkeets Diox ta tenzhee nzhab: Lee ke kuu mlobi re zha kuu nta yuu thib lad, leey nak thib ke kuu mas nataak kuu ndob skin yuu? Lee Diox kuu nak Zha Nabee loʼaa mtsow koree; ne mzegey leettsooʼaa neʼaa koree. [Sal. 118:22-23]
23958	MAT 22:17	Kona lu ne, kwan ndoblo nee tsow nee: ¿Chu ndoblo kix nee lo zha kuu ntsow kobral temi chaan yezlyu, kuu nzhax lo zha Roma, o ndoblot nee kix neey?
23959	MAT 22:18	Per lee Jesús neʼa went nak xgab re zha, kona nzhab Jesús lo re zha: ―¡Zha nkedi nak goo, zhaa kuu mbez ne zhaa kuu ntsow goo, nlaaz goo naabdiz goo kuu wli per went nak goo! ¿Chebee tabaa mod nkwaan goo ten goo na?
23961	MAT 22:20	Ne or mwii Jesús loy, tsa mnaabdiz Jesús lo re zha: ―¿Cho lo ne cho le nke loy?
23962	MAT 22:21	Lee re zha mkab ne nzhab: ―Chaan César kuu nabee Roma. Tsa nzhab Jesús lo re zha: ―Taa goo lo César kuu ndoblo César, ne taa goo lo Diox kuu ndoblo Diox.
23972	MAT 22:31	Per leen ni lo goo, wlipaa lee re zha nguth teroban. ¿Chu ter lab goo lo xkeets Diox, ta leeka Diox nzhab kwent chaan re zha nguth:
23983	MAT 22:42	tsa mnaabdiz Jesús lo re zha, ne nzhab Jesús: ―¿Kwaan ntsow goo xgab kwent chaan Crist Kuu Mtaal Diox Nabee? ¿Cho lo raz ndyaad Crist Kuu Mtaal Diox Nabee? Ne lee re zha mkab ne nzhab: ―Lo raz David ndyaad zha.
23984	MAT 22:43	Tsa lee Jesús nzhab: ―Os tata nake, xomod leettsa mban rey David ndala lee Mbi Nayon mtsow lee David, nzhab Zha Nabee lo Crist, tenzhee mkee David:
23986	MAT 22:45	¿Xomod tak gak Crist xgann David, os Zha Nabee nzhab David lo Crist?
23997	MAT 23:10	Ne ndoblot ni re men lo goo, “lee goo nak zha kuu nloo xkiiz Diox” tak beeta na Crist Kuu Mtaal Diox Nabee, nak kuu nloo lo goo.
24028	MAT 24:2	Tsa lee Jesús mkab ne nzhab: ―¿Chu nloo re koree lo goo? ¡Wlipaa na nin lo goo, neeka thib re ke ree yaante dits tedibe, reta koree lux!
24031	MAT 24:5	tak kwathoz zha yaad ne: “Na mkayaa yalnabee lo Jesús”. Ne noga ne zha: “Na nak Crist Kuu Mtaal Diox Nabee”, ne kedi zha kwathoz men.
24040	MAT 24:14	Ne dita lo yezlyu taa zha kwent Diiz Chul, kwent chaan xomod Nabee Diox leettsoo re zha Diox, tsa reta men reta yez gone; tsaraa lee yezlyu lux.
24049	MAT 24:23	’Ne lee re wiza, os lee thib zha ne lo goo: “Wii goo, lee Crist Kuu Mtaal Diox Nabee ndo nzhee, o ne zha lee zha ndo baa”, yelaazt gooy,