23214	MAT 1:1	Jesucrist ngol lo raz chaan rey David, ne lo raz chaan Abraham kuu ngok tey re zha Israel ndala.
23215	MAT 1:2	Abraham ngok xut Isaac, Isaac ngok xut Kob, ne Kob ngok xut Judá ne re wets Judá.
23218	MAT 1:5	Salmón ngok xut Booz ne Rahab ngok xnaa Booz, Booz ngok xut Obed ne Rut ngok xnaa Obed, ne Obed ngok xut Isaí.
23219	MAT 1:6	Isaí ngok xut rey David, ne lee rey David ngok xut Salomón, ne lee xnaa Salomón ngok ngot kuu ngok tsaal Urías.
23224	MAT 1:11	Josías ngok xut Jeconías ne re wets Jeconías, ne re zhaʼa naban leettsa mndeno re zha Babilonia re zha Israel par Babilonia.
23225	MAT 1:12	Ne leettsa mtelaa re zha Babilonia re zha Israel; lee Jeconías ngok xut Salatiel, ne lee Salatiel ngok xut Zorobabel.
23230	MAT 1:17	Ne tsiida raz ngoo desde Abraham asta rey David, ne tedib tsiiday desde rey David asta leettsa mndeno re zha Babilonia re zha Israel par Babilonia, ne tedib tsiiday ngoo desde leettsa mtelaa re zha Babilonia re zha Israel, asta leettsa mzin Zha Kuu Mtaal Diox Nabee.
23236	MAT 1:23	Lee thib nzaa kuu ter gak rop thib mbyi, yo zhiinn ne gap thib mbet; ne tob le zha mbet Emanuel, (diiz ree nak: “Diox ndo kon lee”). [Is. 7:14]
23240	MAT 2:2	Ne mnaabdiz re zha, nzhab zha: ―¿Ma mbet kuu gak rey chaan re zha Israel, kuu ngola? Tak asta ta nlen wiz mwii nee mbel chaan mbet, kona ndyaad nee gol nee lo mbet.
23244	MAT 2:6	Goo zha yez Belén kuu nzi yezlyu chaan Judá, tegal laz goo nak thib yez kuu nataagt xid re yez kuu nzi yezlyuʼa, per lo goo roo thib zha kuu nabee ne kenap re zha yez da, zha Israel. [Mi. 5:2]
23258	MAT 2:20	―Gwache, teno mbet ne xnaa mbet ne bretab yezlyu Israel tedib welt, tak ngutha re zha kuu nlaaz kuth mbet.
23259	MAT 2:21	Tsa ngwache Che ne mndeno Che mbet ne xnaa mbet, ne mretab re zha yezlyu Israel tedib welt.
23264	MAT 3:3	Ne Juan ree mteth profet Isaí, leettsa nzhab profet: Lee thib zha kuu ndo yubiz, dib gan zha kwez zha: “Thib nali bloo goo leettsoo goo, par kayaa goo Zha Nabee, ne nali gok goo lo re kuu ntsow goo”. [Is. 40:3]
23292	MAT 4:14	Koree ngok tsa mrolo kuu mkee profet Isaí, or kuu nzhab profet:
23293	MAT 4:15	Yezlyu chaan Zabulón rop Neftalí, kuu nzi roo nitdoo tedib lad roo yoo Jordán, yezlyu Galilea ta nzo re zha kuu nagt zha Israel.
23294	MAT 4:16	Lee re zha yeza mndaa falt, kona nabil nzo leettsoo zha, nak zha taxal thib yez kuu nzi lo yalkow, ne mndelo re zha yeza myen xkiiz Diox, kona nak taxal mwii zha thib xni thoz, ne lee re zha kuu nzi thib ta nathoz ta nzo ryez gath zha, mndelo zha myen zha xkiiz Diox, ne nake taxal mla thib xni lo re zha. [Is. 9:1-2]
23350	MAT 5:47	Ne os lee goo ni goo “diox”, beeta lo re zha kuu nak raz chaan goo. ¿Kwan kuu wen ntsow goo tsa? Noga re zha kuu nagt zha Israel tata ntsow, ne yent kwan kayaa zha lo Diox.
23358	MAT 6:7	’Ne leettsa tediz goo lo Diox, gabt goo thibka lan diiz tyen welt, taxal ntsow re zha kuu nagt zha Israel. Tak lee re zhaʼa ntsow zha xgab ton Diox xkiiz zha, ne taa Diox re kuu naab zha, tak nol ndediz zha lo Diox.
23383	MAT 6:32	Tak reta zha kuu nagt zha Israel, kwathoz ntsow zha xgab re koree. Per lee Xutaa kuu ndob yibaa neʼa naa kwan ndeche goo.
23424	MAT 8:10	Kwathoz mzegey leettsoo Jesús mbin Jesús kona, tsa nzhab Jesús lo re zha kuu ndeke dits Jesús: ―Wlipaa na nin lo goo, ¡neeka thib re tawlazaa zha Israel nyelaazt Diox taxal mbyi ree!
23425	MAT 8:11	Wlipaa na nin lo goo, kwathoz tyen re zha kuu nagt zha Israel, kuu nzo dib naxta lo yezlyu, tob zha wu zha kon Abraham, kon Isaac ne kon Kob ta nabee Diox,
23426	MAT 8:12	per lee re zha Israel kuu nak diiz tob ta nabee Diox, ndya gabil ta nakow na, ne tya gonn zha ne tub zha keley zha.
23431	MAT 8:17	Koree ngok, tsa mrolo kuu mkee profet Isaí zha ndala, leettsa nzhab profet: “Lee zha mbe reta yiz chaanaa ne re yalne chaanaa”. [Is. 53:4]
23466	MAT 9:18	Leettsa bee ngenika Jesús lee thib mbyi mzin lo Jesús, mbyiʼa nak thib zha kuu nabee ta nkaltaa re zha Israel nteed xkiiz Diox, ne mtobxub zha lo Jesús ne nzhab zha: ―Ngulota nguth rtsaapʼn; per os leeʼa yaada ne xooba yaaʼa yek nzaa teroban nzaa.
23488	MAT 10:2	Tenzhee le re tsiibchop nee kuu mteed lo Jesús kuu noga le apóstl: Simún (kuu noga le Pey), Ndres (wets Pey), Santiag, Juan (wets Santiag, rop zha ree nak xgann Zebedeo), Lip, Bartolomé, Mach, Mateo (kuu nak na, kuu mthop temi kuu nzhax lo zha Roma), Santiag (xgann Alfeo), Lebeo (kuu noga ni zha lo Tadeo), Simún (kuu ngoo xid partid zha Canaán) ne Judas Iscariote (kuu mndaa Jesús lo re zha par mbeth zha Jesús).
23492	MAT 10:6	Gwa goo lo re tawlazaa zha Israel, zha kuu mndab xnet Diox, zha kuu nak taxal re mbak zhiil kuu mndab lo bzhaan.
23503	MAT 10:17	Bkenap goo goo lo re men, tak teno zha goo lo re zha kuu nataak lo re Israel, ne kin zha goo ta nkaltaa reʼaa nteedaa xkiiz Diox.
23504	MAT 10:18	Ne teno zha goo lo re zha kuu nak gobyern ne lo re rey kwent chaan da, tata tak taa goo kwent chaan da lo re zha gobyern ne lo re zha kuu nagt zha Israel.
23509	MAT 10:23	Per leettsa reke zha dits goo thib yez, bzhonn goo ne tyaa goo tedib yez ne noga tya taa goo kwent chaan da. Tak wlipaa na nin, tsowt goo gan yataa goo kwent chaan da, reta yez kuu nak chaan reʼaa zha Israel, leettsa lee na Kuu Mzin Ngok Men bretab.
23567	MAT 12:9	Tsa mroo Jesús tya, ne ngwa Jesús ta nkaltaa re zha Israel nteed xkiiz Diox.
23575	MAT 12:17	Koree ngok, tsa mrolo kuu nzhab profet Isaí, leettsa nzhab profet kuu nzhab Diox kwent chaan Crist:
23576	MAT 12:18	Zha ree nak mos da, kuu mlin, kwathoz nke leettsoon zha, ne kwathoz wen nzo leettsoo nen zha. Taalʼn Mbi Nayon chaan da lo zha, ne taa zha kwent re kuu nali ne kuu wen lo re zha kuu nagt zha Israel.
23579	MAT 12:21	Ne reta zha kuu nagt zha Israel ngebet yelaaz zha, zha kuu telaa zha. [Is. 42:1-4]
23622	MAT 13:14	Lo re zhaʼa mrolo kuu nzhab profet Isaí zha ndala, leettsa nzhab profet lo re zha ndala: Tegal gon gooy ne yent gooy, tegal wii gooy ne yent goo kuu ngwii goo.
23623	MAT 13:15	Tak mkow yek re zha yez ree, taxal re zha kuu now nza nak zha, ne taxal re zha kuu now ngutlo nak zha, tsa gagt wii zhay ne gagt gon zhay ne tsa gagt yen zhay kuu nzhon zha. Koree ntsow tsa bretabt zha lon, tsa tegwen zha. [Is. 6:9-10]
23662	MAT 13:54	ne mzin re zha laz Jesús. Ne wiz sabd mndelo Jesús mloo lo re men ta nkaltaa re zha Israel nteed xkiiz Diox. Tsa mzegey leettsoo re men mbin kuu mloo Jesús, ne mbez zha lo re altaa zha: ―¿Xomod mteed zha ree yalnzhaak ree? ¿Chebee nzhaak ntsow zha re milagr thoz?
23709	MAT 15:7	¡Zha nkedi nak goo, zhaa kuu mbez ne zhaa kuu ntsow goo! Wen wen mndaa profet Isaí kwent chaan goo, leettsa nzhab profet:
23711	MAT 15:9	Nataagt nzhool re zha ree lon, tak purta leyy kuu nloo re men nloo zha. [Is. 29:13]
23733	MAT 15:31	Ne lee re zha kuu nzi tya kwathoz mzegey leettsoo zha, or mwii zha, lee re zha mud nzhaak ndediz, lee re zha tunk ngwe, ne lee re zha renk ngwe ne lee re zha syeg nyeni lo. Tsa mndelo re zha mbil zha lo Diox chaanaa, zha Israel.
23859	MAT 19:28	Lee Jesús mkab ne nzhab: ―Wlipaa na nin lo goo, leettsa tsin wiz kuu lee reta kwaa gak kuu kub, tsa lee na Kuu Mzin Ngon Men, tobʼn lo asi chaan yalnabee, ta kwathoz nzhol na ne nabeen, noga re goo kuu ndeke ditsʼn, tob lo thib asi chaan yalnabee, tsa naab goo kwent lo re tsiibchop net raz kuu nak zha Israel.
23880	MAT 20:19	Tsa taa zha na lo re zha kuu nagt zha Israel, zhizno zha na ne yeloʼa kin zha na, tsa kee zha na lo kruz. Per leettsa tsaal tson wiz lee na roban.
23908	MAT 21:13	Ne nzhab Jesús: ―Lee lo xkeets Diox nzhab: “Lee lizʼn nak yuu ta ndediz re men lon”, [Is. 56:7; Jer. 7:11] ne noga tedib ta nzhab: Per lee re goo mtsowe taxal liz wann.
23918	MAT 21:23	Tsa lee Jesús mndaab lee roo gwodoo, ne mndelo Jesús mloo lo re men, tsa lee re ngwleyy kuu nabee lo re ngwleyy, ne re zha gol kuu nabee lo re zha Israel, mbig lo Jesús, ne mnaabdiz zha lo Jesús, ne nzhab zha: ―¿Cho mndaa diiz ntsowa koree? ¿Ne cho mndaa yalnabee ntsow luy?
23973	MAT 22:32	“Na nak Diox chaan Abraham, Diox chaan Isaac ne Diox chaan Kob”? [Ex. 3:6] ¡Lee Diox nagt Diox chaan re zha nguth, lee Diox nak Diox chaan re zha naban!
24002	MAT 23:15	’¡Aka kwathoz nati rid goo maestr kuu nloo xkiiz Diox ne goo fariseo! ¡Zha nkedi nak goo, zhaa kuu mbez goo ne zhaa kuu ntsow goo! Ndiy goo dita lo yezlyu ne ndriid goo lo nitdoo, nkwaan goo re zha kuu nagt zha Israel, tsa teteed goo zha re leyy goo, ne leettsa nyelo nteteed goo zha, ntsow goo nzhak zha chop welt mas nakap nake goo kuu ndya gabil.
24126	MAT 26:3	Ne re wiza lee re ngwleyy kuu nabee lo re ngwleyy, ne re zha gol zha Israel, mkaltaa re zha liz Caifás kuu nak ngwleyy kuu nabee lo reta ngwleyy.
24137	MAT 26:14	Judas Iscariote, kuu nak thib zha lo re tsiibchop zha kuu ngeteed lo Jesús, ngwa lo re ngwleyy kuu nabee lo re ngwleyy.
24170	MAT 26:47	Leettsa lee Jesús bee ngenika, lee Judas kuu nak thib re zha kuu mteed lo Jesús, mzin kon kwathoz zha kuu nzo espad ne ya yaa. Re zhaʼa ndyaad kwent chaan re ngwleyy kuu nabee lo re ngwleyy, ne kwent chaan re zha gol kuu nabee lo re zha Israel.
24180	MAT 26:57	Tsa lee re zha kuu mzhen Jesús ndano zha Jesús liz Caifás, kuu nak ngwleyy kuu nabee lo reta ngwleyy, ne tya nzi re maestr kuu nloo xkiiz Diox ne re zha gol kuu nabee lo re zha Israel.
24182	MAT 26:59	Tsa lee re ngwleyy kuu nabee lo re ngwleyy, kon re zha gol kuu nabee lo re zha Israel, ne kon reta zha kuu mas nataak lo re zha Israel, nkwaan zha naa kwan keki zha Jesús, tegal kuu wlite, tsa kuth zha Jesús.
24199	MAT 27:1	Leettsa ngwani yezlyu, lee re ngwleyy kuu nabee lo re ngwleyy ne re zha gol kuu nabee lo re zha Israel, myaan zha diiz tsa naa xomod tsow zha kuth zha Jesús.
24201	MAT 27:3	Tsa lee Judas kuu mndaa Jesús lo re zha kuu kuth Jesús, leettsa myeen Judas lee re zha kuth Jesús, kwathoz ndowe leettsoo Judas, ne ngwa Judas mtsere re galbtsii temi plat, lo re ngwleyy kuu nabee lo re ngwleyy ne lo re zha gol kuu nabee lo re zha Israel.
24207	MAT 27:9	Tbaa mrolo kuu nzhab profet Jeremí lo re men ndala, leettsa nzhab profet: “Mzhen zha re galbtsii temi plat, lala nataak zha nzhab re zha Israel.
24209	MAT 27:11	Tsa ndano zha Jesús lo Pilat zha kuu nabee tsya. Ne mnaabdiz Pilat lo Jesús ne nzhab Pilat: ―¿Chu lu nak rey chaan re zha Israel? Jesús nzhab: ―Lu ney.
24227	MAT 27:29	Ne mtob zha thib koron kuu natexkwaa kon yits yek Jesús, ne mloo zha thib aga yaa ban Jesús. Ne mtobxub re zha lo Jesús ne mzhizno zha Jesús, ne mbez zha: ―¡Wii goo lo rey chaan re zha Israel!
24235	MAT 27:37	Ne yek kruz Jesús mkee zha thib letr kuu nzhab naa chebee mkee zha Jesús lo kruz. Lee Letr nzhab: “ZHA REE NAK JESÚS KUU NAK REY CHAAN RE ZHA ISRAEL”.
24239	MAT 27:41	Ne tataka ndota kuu mbez re ngwleyy, kuu nabee lo re ngwleyy lo Jesús ne re maestr kuu nloo xkiiz Diox lo re men ne re zha gol kuu nabee lo re zha Israel,
24240	MAT 27:42	mbez re zha: ―Mlaat zha gagath tedib net zha, ¿ne chebee gagt la zha leeka lee zha zha lo kruz? Ne os lee zha nak zha, Zha Kuu Mtaal Diox Nabee lo re zha Israel, ndoblo leeka lee zha la zha zha lo kruz, tsa yelaazaa zha.
24276	MAT 28:12	Tsa lee re ngwleyy kuu nabee lo re ngwleyy mrez re zha gol kuu nabee lo re zha Israel, par yaan re zha diiz. Ne myaan re zha mndaa zha naroob temi lo re soldad,
24279	MAT 28:15	Tsa lee re soldad mkayaa temi, ne mtsow re soldad taxal nzhab re zhaʼa lo re soldad. Kuu nzhab re soldad konaka nak kuu ni re zha Israel asta wiz naltseree.
24286	MRK 1:2	Taxal nke lo xkeets Diox kuu mkee profet Isaí, or nzhab profet: Na taal thib zha kuu tener loʼa, tsa to list zha leettsoo re men, par kayaa men lu.
24287	MRK 1:3	Ne dib gan zha kwez zha thib ta yubiz ne gab zha: “Nali bloo goo leettsoo goo par kayaa goo Zha Nabee, ne nali gok goo lo re kuu ntsow goo”. [Is. 40:3]
24288	MRK 1:4	Tata mrolo kuu nzhab Isaí, or lee Juan kuu mtsowleyy re men mzin mndaa kwent xkiiz Diox thib ta yubiz, ne nzhab Juan lo re men, ndoblo tsee zha re mod kuu went kuu nak zha ne tob yek zha xkiiz Diox, tsa tuyy Diox re falt kuu mtsow zha.
24305	MRK 1:21	Ne mndaab Jesús kon re zha yez Capernaúm wiz kuu nzhool re zha Israel lo Diox, ne ngwa re zha ta nkaltaa re men nteed xkiiz Diox, tsa mndelo Jesús mloo lo re men kuu nzi tya.
24313	MRK 1:29	Leettsa mroo re zha Jesús leen yuu ta nkaltaa re zha Israel, tsa ngwa Jesús kon Santiag ne Juan liz Simún rop Ndres.
24323	MRK 1:39	Ne mndaa Jesús kwent xkiiz Diox ta nkaltaa re zha Israel dita yezlyu Galilea, ne mloo Jesús re mbi fyer kuu nzo leettsoo re zha.
24359	MRK 3:2	Noga nzi thiban zha kuu ngewii, naa chu tetegwe Jesús mbyiʼa wiz kuu nzhool re zha Israel lo Diox, tsa tak keki zha Jesús.
24365	MRK 3:8	Ne noga re zha Jerusalén yez naro, kon zha yezlyu Idumea ngwa lo Jesús; noga ngwa re zha kuu nzo tedib lad roo yoo Jordán, re zha yez Tiro ne zha yez Sidón. Ngwa zha tak mbin zha re kuu thoz kuu ntsow Jesús.
24376	MRK 3:19	ne Judas Iscariote (kuu mndaa Jesús lo yalguth).
24478	MRK 6:2	Leettsa ngok wiz sabd, wiz kuu nzhool re nee kuu nak zha Israel lo Diox, tsa mloo Jesús lo re men, ta nkaltaa zha nteed zha xkiiz Diox. Ne kwathoz mzegey leettsoo re zha mbin zha kuu nzhab Jesús, tsa nzhab zha lo altaa zha: ―¿Pa ngwateed zha ree re kuu nzhaak zha? ¿Ne cho mndaa yalnzhaak lo zha? ¡Kona nzhaak ntsow zha re kuu thoz kuu gagt tsow re men yezlyu ree!
24535	MRK 7:3	Tak lee re fariseo ne reta zha Israel ntsow zha re kuu mloo tey zha lo zha, os lee zha nat zha, wut zha.
24538	MRK 7:6	Jesús mkab lo zha, ne nzhab: ―¡Zha nkedi nak goo, zhaa kuu mbez ne zhaa kuu ntsow goo! Wen wen mndaa profet Isaí kwent naa xomod nak goo. Or kuu nzhab zha: Lee re zha yez ree beeta kon roo zha nzhool zha lon, ne lee leettsoo zha tith ndo lon.
24539	MRK 7:7	Nataagt nzhool goo lon, tak kuu nloo goo nak leyy chaan re men. [Is. 29:13]
24690	MRK 10:33	Ne nzhab Jesús: ―Bin goo koree. Nda goo reʼaa Jerusalén ta taa zha na Kuu Mtaal Diox Ngok Men, lo re ngwleyy kuu nabee lo re ngwleyy, lo re maestr kuu nloo xkiiz Diox, ne lo re zha kuu nagt zha Israel, tsa kuth re zha na.
24768	MRK 12:26	Wli lee re zha nguth roban, ¿chu ter lab goo xkeets Diox kuu mkee Moisés leettsa mni Diox lo Moisés xid bel chaan ya bxiid? Leettsa nzhab Diox lo Moisés: “Lee na nak Diox chaan Abraham, Diox chaan Isaac ne Diox chaan Kob”. [Ex. 3:6]
24771	MRK 12:29	Lee Jesús mkab ne nzhab: ―Lee diiz kuu mas nataak lo reta diiz kuu mnabee Diox nak: “Kenza goo men Israel, lee Diox kuu nabee loʼaa thibka nak.
24777	MRK 12:35	Or ngeloo Jesús lo re men lee roo gwodoo chaan re zha Israel, tsa nzhab Jesús: ―¿Chebee lee re maestr kuu nloo xkiiz Diox mbez: “Lee Crist Kuu taal Diox Nabee, nak thib zha raz chaan David”?
24783	MRK 12:41	Thib welt ndo Jesús lee roo gwodoo chaan re zha Israel, gax ta ngo re zha gon leen alkansi. Tsa mwii Jesús ngo re zha gon leen alkansi, ne tyen re zha rik ngo naroob temi leen alkansi.
24795	MRK 13:9	’Per list gwatsin goo, tak tataa zha goo lo re zha kuu nataak lo re zha Israel, ne kee zhay yek goo ta nkaltaa re men nteed xkiiz Diox. Ne noga tataa zha goo lo re zha kuu nabee ne lo re gobyern, tak nyelaaz goo na. Per tenzhee tak taa goo kwent chaan da lo re zhaʼa.
24824	MRK 14:1	Nzhak falt techop wiz par gak ani kuu le Paskw, leettsa ntelaaz re zha Israel, naa xomod mloo Diox re tey zha, zha ndala Egipto, lo ani kuu nzhow zha pan kuu nyoot lebadur. Tsa lee re ngwleyy kuu nabee lo re ngwleyy kon re maestr kuu nloo xkiiz Diox, zheta mkwaan zha mod ten zha Jesús, tsa kuth zha Jesús.
24833	MRK 14:10	Tsa lee Judas Iscariote kuu nak thib zha lo re tsiibchop zha kuu ngeteed lo Jesús, ngwanii lo re ngwleyy kuu nabee lo re ngwleyy, tsa myaan Judas diiz taa Judas Jesús lo re ngwleyy.
24896	MRK 15:1	Kwathoz til mkaltaa re ngwleyy kuu nabee lo re ngwleyy, re zha gol, re maestr kuu nloo xkiiz Diox, ne reta zha kuu nabee lo re zha Israel. Ne ngwalo myaan re zha diiz, tsa mliib zha Jesús ne mndaa zha Jesús lo Pilat.
24897	MRK 15:2	Lee Pilat mnaabdiz lo Jesús ne nzhab: ―¿Chu lu nak rey chaan re zha Israel? Lee Jesús mkab nzhab: ―Lu ney.
24904	MRK 15:9	Ne lee Pilat mkab ne nzhab: ―¿Chu nlaaz goo telaan Jesús, kuu nak rey chaan re zha Israel?
24907	MRK 15:12	Tsa lee Pilat mnaabdiz tedib welt: ―¿Kwaan nlaaz goo tsowʼn, kon zha kuu mbez goo nak rey chaan re zha Israel?
24913	MRK 15:18	Ne oraaka mndelo re zha mrez zha dib gan zha, ne nzhab zha: ―¡Kwathoz kuubil rey chaan re zha Israel!
24921	MRK 15:26	Ne lee letr kuu mkee zha yek kruz nzhab, naa chebee mbeth zha Jesús, ne lee letr nzhab “REY CHAAN RE ZHA ISRAEL”.
24927	MRK 15:32	Noga nzhab re ngwleyy: ―Lu ne: Lu nak Crist Kuu Mtaal Diox nabee lo re zha Israel. Bla lo kruz nal, tsa ne nee lee lu nap yalnabee, ne tsa yelaaz nee lu. Ne asta rop wann kuu nke lo kruz ntsalzhoo Jesús kon ndota diiz.
24938	MRK 15:43	tsa lee Che kuu nak zha yez Arimatea, kuu nak thib zha kuu kwathoz nataak lo re zha Israel, ne lee zha ngebet wiz kuu nabee Diox. Tsa thib mloo zha yek zha ne ngwa zha lo Pilat. Ne mnaab zha kwerp Jesús.
24978	LUK 1:16	Ne lee xganna tsow, tsa kwaro re zha Israel bre lo Diox kuu nak Zha Nabee.
24995	LUK 1:33	tsa thitanax nabee zha lo re zha Israel. Ne lee yalnabee chaan zha luxt thitanax.
25016	LUK 1:54	Mtsow Diox ayud re nee, zha Israel, ne mlat leettsoo Diox mne Diox nee, mnithlaazt Diox re nee zha kuu nak mos Diox,
25021	LUK 1:59	Ne leettsa mzaal mbet xon wiz, lee chop tson zha liz Zacarí ngwa mkee seny mbet, kuu nak seny re zha Israel. Ne ngwalaaz re zha gatob le zha mbet Zacarí taxal le xut mbet.
25030	LUK 1:68	¡Kwathoz wen nak Zha Nabee, Diox kuu nak Diox reʼaa zha Israel, tak myaad Diox lo reʼaa kuu wlipaa nak zha yez Diox, ne mtelaa Diox reʼaa lo re faltaa!
25042	LUK 1:80	Ne lee mbet ndezhen raa ne nzhak ney mbet lo Mbi Nayon chaan Diox, ne wan ngoo zha, asta wiz kuu mndelo zha mndaa kwent xkiiz Diox lo re zha Israel.
25063	LUK 2:21	Leettsa mzaal mbet xon wiz, tsa mkee zha seny chaan zha Israel mbet, ne mtob le zha mbet Jesús, taxal nzhab mandad chaan Diox lo Mari, leettsa bee ter yo zhiinn Mari.