23216	MAT 1:3	Judá nak xuz Fares yrup Fares Zara, le xnaa men nak Tamar, Fares nak xuz Esrom, Esrom nak xuz Aram,
23262	MAT 3:1	Tyemp ke guin wa Xwa ne rtxobnis wzëët Xwa xdiiz Dëdyuzh denbidx ne nak lo lyu ne la Judea,
23264	MAT 3:3	Laa xkwent Xwaree nga wkaa profet-Isaías chene re men: Te rëz rlen denbidx, re we: “Gulaxnëz xnëz Men ne rnebééy, guxal te nëz ne tebli.”
23268	MAT 3:7	Per chene wyenen Xwa ne ndal men ne nak farisew no le men ne nak sadusew ra lo Xwa chen yrobnis men, nan Xwa lo men: ―¡Xerras mëël! ¿Txu na lo de ne yláá de lo gyelentozroo ne zëdyob?
23320	MAT 5:17	’Tsuudet lextoo de ne noo zëëd ygyitxee ley ne wdee Dëdyuzh lo Moises no le ne wneluu profet. Noo zëëdet noo por ne ygyitxee noo we, sinke le noo zëëd chen gako kumplir.
23458	MAT 9:10	Te chene zob Jesus ruxyuu Mdëw yra Ne xpén Ne, zob Ne lo mezh zobyu Ne yra Ne tebëd men ne rgoob zeg impwest no le stebëd mendol.
23489	MAT 10:3	no le Blib, no le Bartolomé, no le Tmazh, no le Mdëw ne rgoob zeg impwest, no le Jacob xpee Alfeo, no le Lebeo ne la ke Tadeo,
23491	MAT 10:5	Antes ne yxaal Jesus yra chibtxup xpén Ne, re Ne lo men: ―Tsadet de nes ledne nuu mén ne nakdet men-Israel, ni tsateedet de gyëz ne nak Samaria;
23520	MAT 10:34	’Tsuudet lextoo de ne gyelendxi zëdneey noo gyëzlyu; zëdneeydet noo gyelendxi, sinke le noo zëdneey dil.
23549	MAT 11:21	―¡Prob de men-Corazín! ¡Prob de men-Betsaida! Porke belne lad men-Tiro no le lad men-Sidón nyak gyelmilaguer ne wak lad de yra de, che penaadese wsaan men xgyelmal men naa, nbonyoo meno nyak men lër ne rak mén ne ruu gyelgut no ndxiib men di xtoo men.
23550	MAT 11:22	Per yna noo lo de yra de ne chene ydxiin dxe ne ylaa Dëdyuzh gyelextis, ntozdee sakzi de ke lo men-Tiro no ke lo men-Sidón.
23577	MAT 12:19	Tildet men mén, ni terëzdet men mén, no rut gondet xrëz men ne le men kaderëz mén runëz.
23606	MAT 12:48	Per wke Ne re Ne lo men ne waluu diiz lo Ne: ―¿Txu nak xnaa noo? ¿Txu nak bech noo?
23611	MAT 13:3	Lex wzelo Ne wzëët Ne ndal diiz lo men zegnak te kwent, re Ne: ―Te dxe wruu te mén ne rguu bni, zalabni men zhobxtil.
23637	MAT 13:29	Per wke mgyeey guin ne nako xen, re men: “Tsadet de porke tegue ylaaz de no zhobxtil or ne ylaaz do.
23643	MAT 13:35	Wak yra neree chen gak kumplir diiz ne re profet chene re men: Teblose diiz ne nak zegnak te kwent ynii noo yzëët noo logne rdeedet yra mén kwent desde ne waa gyëzlyu.
23692	MAT 14:26	Chene wii yra xpén Ne ne za Ne rzaa Ne lo nis, kesentyent wdxe men, wobtsadii men, re men: ―¡Te bis!
23723	MAT 15:21	Wruu Jesus nga, za Ne nes Tiro no le nes Sidón.
23772	MAT 17:3	Tebegue wii men le Moises no le Elías zu kayuno Ne diiz.
23794	MAT 17:25	Wke Bëd, re Bëd: ―Rgyizh zhaa we. Per zegne wdee Bëd lenyuu, primerdee Jesus re lo Bëd: ―¿Pe na de Simon? ¿Txu lo rgoob rrey ne nuu gyëzlyuree zeg impwest, pe lo zhiin zhaa u lo ste mén?
23797	MAT 18:1	Dxe ke guin wbig yra xpén Jesus lo Ne, re men: ―¿Txuzh nak men ne mazre nondee ledne rnebééy Dëdyuzh?
23856	MAT 19:25	Ne won yra xpén Jesus zenga, kesentyent wzee wzak men, re men: ―¿Txuzh nak ne gun gan yláá lo kastig cheguin?
23905	MAT 21:10	Chene wdee Jesus lenlgyëz-Jerusalén, axtegue nandet yra men-Jerusalén pe wuu lextoo men, wnabdizlsaa men, re men: ―¿Txu wa?
23918	MAT 21:23	Lex wa Jesus lenxeydoo Dëdyuzh; or ne kaneluu Ne mén, wbig yra fxuz ne rnebééy lo yra fxuz yra men men ne rnebééy lo men-Israel, wnabdiiz men lo Ne, re men: ―¿Txu wkyeen de ne rlaa de neree? ¿Txu wnebééy lo de ne rlaa do?
23920	MAT 21:25	¿Txuzh wxaal Xwa ne wtxobnis Xwa mén, Dëdyuzh u noze mén? Orguin wzelo men rulsaa men diiz, re men: ―Belne gue be ne Dëdyuzh wxaal Xwa, naap yna zhaa: “¿Penak wlaleedxdet de Xwa cheguin?”
23923	MAT 21:28	Zhich guin re Jesus lo men: ―Yzëët noo diizree lo de yra de gan pe yna de. Te mgyeey rap men txup xpee men, lex re men lo me te mee: “Zhiin, gutsa ylaa de dxiin lo blag ub nedxeree.”
23924	MAT 21:29	Wke me, re mee: “¡Rlaandet noo tsa noo!” Per zhich guin nuu lextoo mee: “Tsachee noo mazdee.” Lex wa mee.
23946	MAT 22:5	Per wukasdet yra mén guin xmos rrey. Te men za lo xelyu, le ste men za lo xdxiin,
23961	MAT 22:20	Lex wnabdiiz Ne lo men, re Ne: ―¿Txu lo wa no txu la wa ka lo we?
23983	MAT 22:42	re Ne: ―¿Pagox yna de por Crist? ¿Txu xpee nak zhaa? Wke men re men: ―Xpee David.
24064	MAT 24:38	Tyemp guin, antes ne gyab gyoroo gyoduxtee, ru mén, roo mén, rtsëlnya mén, rdee zhinzaap men rtsëlnya, axtegue ne le dxe ne wdee Noé lenbark wdxiin.
24071	MAT 24:45	’¿Txu nak te moswen? Laa men nga nak te men ne noze list zu ne rsan xpatron men yra xpén xpatron men lo men chen ydee men ne gu men or ne ryal gu men.
24092	MAT 25:15	’Te lo mos wdee men gaaymil, le lo men ste men wdee men txupmil, le lo men ste men wdee men temil, te te lo men wdee men lal ne ryenen men ne gun men gan ylano men dxiin. Lex wruu men za men nat.
24215	MAT 27:17	Chene le yra mén wdop, wnabdiiz Pilato lo yra mén, re Pilato: ―¿Txu rlaan de yselaa noo, Barrabás u Jesus ne rnii mén Crist?
24266	MAT 28:2	Tebegue wzelo kesentyent wni lyu, porke wruu te xangel Dëdyuzh gyeybaa, wdxiin ne wgyitxee ne gye ne zemzëë rubaa, lex wzob ne ledo.
24287	MRK 1:3	Te rëz rlen denbidx, re we: “Gulaxnëz xnëz Men ne rnebééy, guxal te nëz ne tebli.”
24291	MRK 1:7	Rzëët Xwa xdiiz Dëdyuzh lo mén, re Xwa lo men: ―Te men ne gyed zëëd, axtegue ni xgyël men rzëëldet noo ychil noo nii men porke mazre rapdee men poder ke lo noo.
24319	MRK 1:35	Te rsil benakre nkeb waxee Jesus, wruu Ne lenlgyëz guin wa Ne te ledne yëtet mén chen ynab Ne lo Dëdyuzh.
24344	MRK 2:15	Te chene zob Jesus ruxyuu Leví yra Ne xpén Ne, zob Ne lo mezh zobyu Ne yra Ne tebëd men ne rgoob zeg impwest no le stebëd mendol, porke che kesentyent ndal men ranal Ne ledne ratee Ne.
24347	MRK 2:18	Te chene rkwan xpén Xwa no le men ne nak farisew por ne saknon men Dëdyuzh, wa tebëd mén lo Jesus, wnabdiiz men lo Ne, re men: ―¿Penak rkwan xpén Xwa no rkwan ke men ne nak farisew, le xpén de rkwandet men?
24352	MRK 2:23	Te dxe ne rne men-Israel, wdee Jesus ledne nuu zhobxtil yra Ne xpén Ne. Lex za za xpén Ne rkyiits men xebzun zhobxtil.
24365	MRK 3:8	No chene waknan mén yra ne nzoon ne rlaa Ne, ndalyaa mén wa lo Ne: men-Judea, men-Jerusalén, men-Idumea, no le men ne wruu stebkoo gyow-Jordán, no le men nes Tiro, no le men nes Sidón.
24375	MRK 3:18	no le Ndrizh, Blib, Bartolomé, Mdëw, Tmazh, Jacob xpee Alfeo, Tadeo, Simon men ne nak cananist,
24390	MRK 3:33	Wke Ne re Ne lo men: ―¿Txu nak xnaa noo? ¿Txu nak bech noo?
24395	MRK 4:3	―Gugon neree gante: Te dxe wruu te mén ne rguu bni, zalabni men zhobxtil.
24431	MRK 4:39	Orguin waxee Ne wakndux Ne lo meroo guin, no re Ne lo nis: ―¡Chi gutsuu! ¡Tsë gutsuu! Orguin wyakchi mee, no wutsë nis, nonchee chi wak.
24442	MRK 5:9	Lex wnabdiiz Jesus lo men, re Ne: ―¿Txu la de? Wke men re men: ―Le noo la Legión, porke ndal nak noo.
24463	MRK 5:30	Orgueguin wyenen Jesus ne wneseyaken Ne te mén kon xpoder Ne. Wcheree lo Ne wii Ne lo yra mén ne zanal zhich Ne, lex wnabdiiz Ne lo men, re Ne: ―¿Txuzh wtee nya led xab noo?
24474	MRK 5:41	Wnëëz Ne nya nzeb, re Ne lo nzeb: ―Talita, cumi ―diizree rna: Nzaape, yna noo lo de, gutsaxee.
24491	MRK 6:15	Nuuzeg mén re: ―Profet-Elías ne. Nuuzeg men re: ―Te profet ne nak zegnak profet ne wuu chekwlo ne.
24556	MRK 7:24	Wruu Jesus nga, za Ne nes Tiro no le nes Sidón. Lex wdee Ne te lenyuu; wlaandet Ne ne nyaknan mén ne wdxiin Ne nga, per wakdet gan ne nkarlaan Ne.
24563	MRK 7:31	Wruu Jesus nes Tiro ste, wdee Ne nes Sidón no le nes Decápolis, wdxiin Ne runis-Galilea.
24595	MRK 8:26	Lex wxaal Jesus men ruxyuu men, re Ne lo men: ―Tsateedet de lenlgyëz, ni rut lo guedet de neree.
24611	MRK 9:4	Tebegue wii men le Elías no le Moises zu kayuno Ne diiz.
24683	MRK 10:26	Ne won yra xpén Ne zenga, mazre wzee wzak men, lex rnabdizlsaa men, re men: ―¿Txuzh nak ne gun gan yláá lo kastig cheguin?
24703	MRK 10:46	Zhich guin wdxiin Jesus Jericó yra Ne xpén Ne. Le chene le Ne wruu gyëz guin yra Ne men no le stebëd mén, wdxiin Ne runëz ledne zob te menngwlëë ne la Bartimeo rnab men goon, xpee Timeo nak men.
24737	MRK 11:28	wnabdiiz men lo Ne, re men: ―¿Txu wkyeen de ne rlaa de neree? ¿Txu wnebééy lo de ne rlaa do?
24739	MRK 11:30	¿Txuzh wxaal Xwa ne wtxobnis Xwa mén, Dëdyuzh u noze mén? Guke bes.
24758	MRK 12:16	Orguin wdee men te med lo Ne; lex re Ne lo men: ―¿Txu lo nee no txu la nee ka lo we? Wke men re men: ―Lo rrey-Roma we no le la rrey-Roma we.
24762	MRK 12:20	Tebtir wuu guedx mén, tese bech men yra men; lex wtsëlnya men ne nak mengoldee lo men yra men, per wet men; wuudet zhiin men.
24777	MRK 12:35	Te chene kaneluu Jesus mén lenxeydoo Dëdyuzh, re Ne lo men: ―¿Penak re maxter ley ne xpee David nak Crist?
24783	MRK 12:41	Tebtir zob Jesus lenxeydoo Dëdyuzh ngali ledne zob ne rguu mén goon, rwii Ne ra mén rguu men goon nga, no ndal ke menrik ra rguu mednyezh leen guin.
24822	MRK 13:36	Tegue ylenza men noze terpent, yga de lo men le de nexguees.
24824	MRK 14:1	Txup gbiz rak falt ne ydxiin pask, lni ne ru mén gyëtxtil ne nootsdet lebadur, wzelo yra fxuz ne rnebééy lo yra fxuz yra men maxter ley rye men gan pezee kode men Jesus chen ynëëz men Ne yket men Ne.
24833	MRK 14:10	Zhich guin wa Judas Iscariote lo fxuz ne rnebééy lo yra fxuz, re Judas ne ydekwent Judas Jesus lo men. Te ke men ne nak xpén Jesus chibtxup nak Judas.
24836	MRK 14:13	Orguin wxaal Ne txup xpén Ne, re Ne lo men: ―Gutsa lenlgyëz. Nga ytsëlo de te mén ne neey tebree nis. Tsanal de men.
24843	MRK 14:20	Wke Jesus, re Ne: ―Te ke de zegnak de chibtxup ne rgoob ne ru lengyaan ke ne rgoob noo ne ru noo nak ne ydekwent noo lo mén chen yzakzi men noo.
24888	MRK 14:65	Orguin wzelo txup tson mén wtxonxen men lo Ne no wtsëë men lo Ne, lex wgupunyet men Ne, re men: ―¿Txu rniiz xkwent de gan? Le men ne rapkwent xeydoo Dëdyuzh rgapgue gyedkwes Ne.
24945	MRK 16:3	Rulsaa men diiz, re men: ―¿Txuzhleg ygyitxee gye ne zemzëë rubaa?
24965	LUK 1:3	No ke noo wkaa wkanabdiiz wen wenendxee yra ne wlaa Ne axtegue ne wzelo Ne. Por neguin ryenen noo ne wen ykaa noo we xnëz xnëzendxee por laa de Teofil ne nak de zhannon,
25005	LUK 1:43	¿Txu nak noo ne zëëd xnaa Men ne rnebééy zëdwii men lo noo?
25028	LUK 1:66	Yra mén ne wono, nuu we lextoo men, lex re men: ―¿Txu gakleg mëëd gwa? Porke nlipee ne Dëdyuzh raknonen ne.
25051	LUK 2:9	Tebegue wlalo te xangel Dëdyuzh lo men, lex wkaa xebtsa Dëdyuzh kbii ledne ndxin men; kesentyent wdxe men.
25053	LUK 2:11	Laz rrey-David wal te mëëd negyëëlree; laa ne yselaa yrandxee mén lo dol; laa ne nga nak CRIST ne rnebééy.
25054	LUK 2:12	Por ne ynebeey de ne: Tsël ne lo de nrël ne lër, nex ne ledne ruu ne ru maa.
25055	LUK 2:13	Tebegue wlalo ndal xangel Dëdyuzh koo angel guin; rzaknon ne Dëdyuzh, re ne:
25095	LUK 3:1	Ne wak chíín iz ne rnebééy rrey-Tiberio, laa Poncio Pilato nak gobernador Judea, le Herodes rnebééy lo lyu ne la Galilea, le bech Herodes Blib rnebééy lo lyu ne la Iturea no le lo lyu ne la Traconite, le Lisanias rnebééy lo lyu ne la Abilinia.
25098	LUK 3:4	Zeree wak kumplir diiz ne wkaa profet-Isaías ledne re: Te rëz rlen denbidx, re we: “Gulaxnëz xnëz Men ne rnebééy, guxal te nëz ne tebli.
25101	LUK 3:7	Chene ra mén lo Xwa ne ytxobnis Xwa men, nan Xwa lo men: ―¡Xerras mëël! ¿Txu na lo de ne yláá de lo gyelentozroo ne zëdyob?
25128	LUK 3:34	Judá nak zhiin Jacob, Jacob nak zhiin Isaac, Isaac nak zhiin Abraham, Abraham nak zhiin Taré, Taré nak zhiin Nacor,
25134	LUK 4:2	Txuplal gbiz wkaa Ne denbidx, lex wlaa Bzelo Ne preb gan pe slaa Ne dol. Bet wudet Ne ydeblo ne wkaa Ne nga, zhich guin wlen wlaanen Ne.
25177	LUK 5:1	Tebtir chene zu Jesus runis-Genesaret, kesentyent ndal mén wdxiin lo Ne. Noze reen men Ne por ne rlaan men gon men xdiiz Dëdyuzh.
25188	LUK 5:12	Tebtir chene ka Jesus te gyëz, wdxiin te mgyeey ne rzak gyiz ne la lepra; zegne wii men Jesus, wzuzhib men lo Ne axtegue wtee lo men lyu, wnab men lo Ne, re men: ―Dechey, belnaal yna de zun de gan yneseyaken de noo.
25193	LUK 5:17	Te dxe ne kaneluu Jesus mén, nga zob tebëd men ne nak farisew no le tebëd maxter ley ne wruu yra gyëz ne nak lo lyu ne la Galilea no le ne nak lo lyu ne la Judea no le Jerusalén. Wdee Dëdyuzh poder lo Jesus chen yneseyaken Ne mén.
25197	LUK 5:21	Orguin nuu lextoo men ne nak farisew yra men maxter ley: “¿Txu nak ménree ne rnii men diznyaan por Dëdyuzh? Rut rundet gan gun perdon xdol mén, sinke nonchee Dëdyuzh run gan run perdon xdol mén.”
25216	LUK 6:1	Te dxe ne rne men-Israel, wdee Jesus ledne nuu zhobxtil yra Ne xpén Ne; wkyiits men xebzun zhobxtil wzibnya meno, wruu zhobxtil wu men.
25230	LUK 6:15	Mdëw, Tmazh, Jacob xpee Alfeo, Simon men ne nak Zelot,
25232	LUK 6:17	Lex wyët Jesus txu gyeey guin yra Ne men, wzutsë Ne te lenleech. Nga ndxin ndalyaa ndalduxtee mén: men-Jerusalén, men ne wruu lo lyu ne la Judea, men ne wruu nes runisdoo ne nak nes Tiro no le nes Sidón. Wdxiin yra mén guin nga chen gon men ne rzëët Ne no chen yneseyaken Ne men ne rzhuun.
25280	LUK 7:16	Ne wii yra mén neguin, wdxe men, wzelo men wzaknon men Dëdyuzh, re men: ―Te profet ne kesentyent non wrukaa lad be. No re men: ―Dëdyuzh zëdgyun xyudar be.
25305	LUK 7:41	Orguin re Ne lo men: ―Zeeb txup mén lo te men ne rbodiin med. Te men zeeb gaaygwyuu denario, le ste men zeeb txupchii we.
25313	LUK 7:49	Orguin wzelo yra mén ne zobno Ne lo mezh rnabdizlsaa men, re men: ―¿Txu nak ménree ne axtegue xdol mén run men perdon?
25319	LUK 8:5	―Te dxe wruu te mén ne rguu bni, zalabni men zhobxtil. Chene kalaal meno, nuu we wyab nëz, wdee mén wgyichnii meno; lex wyab mgyin wu ma we.
25336	LUK 8:22	Te dxe wdee Jesus lenbark yra Ne xpén Ne, re Ne lo men: ―Yoo tekaa be stebkoo nis. Lex za Ne yra Ne men.
25337	LUK 8:23	Or ne za men lo nis, waguees Ne. Tebegue wlen te meroo meduxtee lo nis; wzelo wdaa nis lenbark, le bark chexke zazebgyët.
25344	LUK 8:30	Orguin wnabdiiz Jesus lo men, re Ne: ―¿Txu la de? Wke men re men: ―Le noo la Legión. Re men zenga porke ndalyaa nak menzab ne nuu lextoo men.
25359	LUK 8:45	Lex wnabdiiz Jesus, re Ne: ―¿Txuzh wgal led noo? Kom yra mén re: “Ruttee”, wke Bëd yra Bëd xkompanyer Bëd, re Bëd: ―Maxter, noze reen mén de, noze rtxaap men de, no le de rnabdiiz gan txuzh wgal led de.
25379	LUK 9:9	Per re Herodes: ―Noo wxaal mén ne wa men watxuug men xtoo Xwa. ¿Txu wa ryen diiz ne kalaa yra negwa? Por neguin rye Herodes gan pezee kwii Herodes Jesus.