23284	MAT 4:6	Lex re Bzelo lo Ne: ―Belne nli XPee Dëdyuzh nak de, gutsas nee, gugyab lyu, porke lo xgyiich Dëdyuzh re: Dëdyuzh yxaal xangel chen gapkwent xangel Ne de. Ylisgya xangel Ne de kon nya xangel Ne chen tsakadet gye nii de.
23285	MAT 4:7	Wke Ne re Ne: ―Laake re ke lo xgyiich Dëdyuzh: “Ylaadet de preb XDëdyuzh de.”
23301	MAT 4:23	Ydendxee lo lyu ne la Galilea wa Jesus waneluu Ne mén lenydoo te te gyëz ne wa Ne, wzëët Ne zegne rkyeen Dëdyuzh no wneseyaken Ne yrandxee mén ne rzak kwaskyertee gyelgyiz no le gyelerzebyoob.
23302	MAT 4:24	Ydendxee Siria ruu mén xdiiz Ne, lex rdxiin men lo Ne rdxinno men yrandxee mén ne baanske rlaa, mén ne rzak kwaskyertee gyelgyiz, mén ne rzak gyelerzebyoob, mén ne nuu menzab lextoo, mén ne rzak gyiz ne ngyidet, mén ne noze waknet led; wneseyaken Ne men yrandxee men.
23324	MAT 5:21	’Laa de yra de che nan de ne re Dëdyuzh lo xpenkwlal de: “Yketet de mén, porke men ne rket mén tesudet ne sakzi men.”
23330	MAT 5:27	’Laa de yra de che nan de ne re lo ley: “Ykanodet de mén ne nakdet lzaa de.”
23336	MAT 5:33	’No che nan ke de ne re Dëdyuzh lo xpenkwlal de: “Ygondet de Dëdyuzh noze xla, sinke gugun kumplir logne che re de ne ylaa de.”
23342	MAT 5:39	Per noo yna noo lo de: Ychereedet de ne mal ne rlaa semén de de; belne nuu mén gap gyedkwes de ladbëë, gucheree stebkoo we gap men.
23359	MAT 6:8	Ylaadet de zegne rlaa men, porke che nan Dëdyuzh gan pe rkyiinen de yra de antes ne ynab do lo Ne.
23364	MAT 6:13	Ydeedet de si ylaa noo ne mal, sinke gukoo noo lo ne mal. Porke ydeblo siguelendxee rnebééy de, rap de poder, nzoon de. Zengaw.
23370	MAT 6:19	’Yedet de gan pezee gapbëë gapduxtee de ne non ne nuu gyëzlyuree, ledne rluzh mlaa we, ledne rzhiino no ledne rdee ngbaan rbaano.
23386	MAT 7:1	’Yleedxdet de semén de, chen ylaadet ke Dëdyuzh gyelextis lo de.
23391	MAT 7:6	’Ylebaadet de ne nakleey lo mëëk, tegue ybig ma noze ylabyu maa de, no ylebaadet de ne non lo kuch, tegue noze gyichnii ma we.
23404	MAT 7:19	Yrandxee yag ne rkaadet nexwen lo, rruugo ra we lo gyi.
23432	MAT 8:18	Ne wii Jesus ne ndalyaa ndalduxtee mén ndxin kbii Ne, re Ne lo xpén Ne: “Yoo tekaa be stebkoo nis.”
23474	MAT 9:26	Ydendxee nes guin wrëëts diiz neguin ne wak.
23494	MAT 10:8	Yneseyaken de mengyiz, yneban de mén ne che wet, yneseyaken de mén ne rzak gyiz ne la lepra, koo de menzab lextoo mén. Laa de yra de noze weeden de poderree, zenga ke bet gobdet de ne ylaa de yra neree.
23514	MAT 10:28	Ydxedet de mén ne rap poder yket de, waldegue bet gundet men gan ylaa men no xanem de. Mazdee gudxe Dëdyuzh ne rluzh kwerp no ne yxaal ke anem linfyeren.
23541	MAT 11:13	Yrandxee profet che wzëët ne rkyeen Dëdyuzh no rakzëët ko lo ley ne wdee Dëdyuzh lo Moises axtegue ne le Xwa wdxiid, le we wak kumplir.
23556	MAT 11:28	Yra men ne che wzaguen no ne che wyëëden, chiid men lo noo, noo ylaa ne yne men.
23564	MAT 12:6	Yna noo lo de yra de ne nee zu te men ne nondee ke lo ydoo.
23583	MAT 12:25	Per kom nan Jesus gan pe rlebleedx men, lex re Ne lo men: ―Yrandxee gobyeren ne rdil laake xpén, rdiidet gobyeren guin; no yrandxee gyëz o familye ne rdilelsaa, laake rdiidet men.
23591	MAT 12:33	’Yagwen, wen nex ne rkaa lo we, per le yag ne ngyidet, ngyidet ke nex ne rkaa lo we. Porke yag ryakbeeyo por nex ne rkaa lo we.
23594	MAT 12:36	Yna noo lo de yra de ne chene ydxiin dxe ne ylaa Dëdyuzh gyelextis, yrandxee mén ydee kwent lo Ne por yra diiz ne bat rkyiindet ne wnii men.
23642	MAT 13:34	Yra neree ne wzëët Jesus lo mén, teblose zegnak kwent wzëët No; bet nzëëdet Ne lo men belne nzëëdet No zegnak kwent.
23660	MAT 13:52	Lex re Ne lo men: ―Yra maxter ley ne rseed ne rkyeen Dëdyuzh, nak men zegnak te ngwzan ne rbe ne kweb no le ne yuux lad yra ne non ne ngutsoow men.
23665	MAT 13:57	Por neguin wukasdet men Jesus, per re Ne lo men: ―Yrandxee lugar rzaknon mén te profet, per le laz men rzaknondet mén men, ni men ne nak xfamilye men rzaknondet men men.
23682	MAT 14:16	Orguin wke Jesus, re Jesus lo men: ―Yët neguin ne tsa men; laa de gudee ne gu men.
23687	MAT 14:21	Yra mén guin ne wu, zeg gaaymil nak nonchee mgyeey, ngabdet no wnaa ni minwin.
23693	MAT 14:27	Orguin wnii Jesus lo men, re Ne: ―¡Ydxedet de, nzholeedx gugak, noo nee!
23710	MAT 15:8	Yra ménree noze xdiiz men za ne rzaknon men noo, per rlaadet meno ydeblextoo men.
23715	MAT 15:13	Wke Ne re Ne: ―Yrandxee gyizh ne let Xuzdet noo ne zob gyeybaa wlabni, slaazo axtegue ydeblu we.
23722	MAT 15:20	Yra neree rlaa ne rak mén mendol; per le ne raadet nya mén antes ne gu men, let neguindet rlaa ne rak mén mendol.
23740	MAT 15:38	Yra men ne wu, tapmil nak nonchee mgyeey, ngabdet no wnaa ni minwin.
23789	MAT 17:20	Wke Ne re Ne: ―Porke rlaleedxdet de Dëdyuzh ydeblextoo de. Yna noo lo de belne rlaleedx de Dëdyuzh mase medid landxel te medx lyagwlizh, zun de gan gue de lo gyeeyree: “Gubetxee nee, gutsa sob de stebkoo”, no zono xdiiz de. Yët ne gakdet gan gak belne rlaleedx de Dëdyuzh ydeblextoo de.
23818	MAT 18:22	Wke Jesus, re Ne: ―Ynadet noo ne guedxegue tir, sinke axtegue guedx tsonlalno-chii tir.
23840	MAT 19:9	Yna noo lo de yra de, kwaskyertee mgyeey ne rchil xgyeltsëlnya yrup men xewnaa men, lex rtsëlnya men yrup men ste wnaa, belne nakdeto por ne wkano xewnaa men ste mgyeey, reey mgyeey guin dol ne la adulterio. Zenga ke mgyeey ne rtsëlnya wnaa ne che wbil xgyeltsëlnya, laake reey ke men dol ne la adulterio.
23848	MAT 19:17	Wke Jesus, re Ne: ―¿Penak na de ne wen noo? Yët menwen; nonchee Dëdyuzh wen. Per belne rlaan de ne gap de gyelembán ne nunk luzhdet, gulaa ne zëëd lo ley.
23849	MAT 19:18	Lex re men: ―¿Gonezhe? Wke Ne re Ne: ―Yketet de mén, ykanodet de mén ne nakdet lzaa de, kwandet de, ykagyiidet de mén,
23851	MAT 19:20	Wke men re men lo Jesus: ―Yrandxee negwa che rlaa noo axtegue ne win noo; ¿pagoxre rak falt ylaa noo?
23873	MAT 20:12	re men: “Yra menree ne wdee lo dxiin lultim, tendxee or wlaa men dxiin, no lal ke ne wgyizh de wka noo yra noo wgyizh de wka men, no noo yra noo nak ne wun wantar wlaa dxiin lo neey ydebdxendxee.”
23897	MAT 21:2	re Ne lo men: ―Gutsa gyëzwin ne nak ngali nee. Nga kaduu te burgos yrup ma zhiin maa. Ychil de ma, chidno de maa.
23923	MAT 21:28	Zhich guin re Jesus lo men: ―Yzëët noo diizree lo de yra de gan pe yna de. Te mgyeey rap men txup xpee men, lex re men lo me te mee: “Zhiin, gutsa ylaa de dxiin lo blag ub nedxeree.”
23936	MAT 21:41	Lex wke yra mén guin, re men lo Jesus: ―Yket men yra menmal guin, gapdet lextoo men men. Lex kodiin men xeblag ub men lo stebëd mén ne ydee ub ne ryal men chene ydxiin tyemp ne le ub wal gyët.
23949	MAT 22:8	Zhich guin re rrey lo xmos rrey: “Yrandxoo che list nak chen gak dooy, per yra ménro ne re noo lo ne chiid, rzëëldetre men chiid men.
23989	MAT 23:2	―Yra maxter ley no yra men ne nak farisew, laa men rneluu zegne zëëd lo ley ne wdee Dëdyuzh lo Moises.
23992	MAT 23:5	Yrandxee ne rlaa men, rlaa meno noze por ne kwii mén ne rlaa men. Rtseleedx men yliib men tebla gyed ne ka xdiiz Dëdyuzh xudx men no le zhuuk men no rtseleedx men gak men lër ne kesentyent ngool luzh.
24021	MAT 23:34	Yxaal noo profet, yxaal noo mennan, yxaal noo maxter lad de yra de, per sket de men gwrol men, gwrol zeg men ykaa de lo kruz, gwrol zeg men ydee de xkwent lenxeydoo de, no ykanal de men gyëz por gyëz chen yzakzi de men.
24056	MAT 24:30	Cheguin tsuu beey gyeybaa ne chiid Men ne wdxiid wak Mén. Yrandxee mengyëzlyu kesentyent goon men no swii men Men ne wdxiid wak Mén zëëd men lad bëw ydebxpoder men no ydebxgyelenzoon men.
24080	MAT 25:3	Yra nzaap ne bet wadet lextoo, wzen nzeb bnii, per weeydetre nzeb seyt;
24086	MAT 25:9	Per wke yra nzeb ne waklist, re nzeb: “Yniizdet noo we, porke naap gaglodeto por noo ni por laa de yra de. Mazdee gutsa ledne rdoo we, yka de ne ykyiinen de.”
24109	MAT 25:32	Ydop yrandxee mén ne nuu ydendxee gyëzlyu lo men; lex kowaa men mén zegne rlaa men ne rapkwent mëkzhiil, rbowaa men mëkzhiil lad chib.
24117	MAT 25:40	Yke rrey guin, gue men: “Nligue yna noo lo de yra de ne chene wlaa do por te ménree ne nak xpén noo, mase zhindxee non men, lo noo nga wlaa do.”
24122	MAT 25:45	Yke rrey guin, gue men: “Nligue yna noo lo de yra de, yra ne wlaadet de por te ménree ne nak xpén noo, mase zhindxee non men, lo noo nga wlaadet do.”
24123	MAT 25:46	Yra men ne wlaa zenga gya ledne sakzi men ydeblo siguelendxee, le yra menwen gap gyelembán ne nunk luzhdet.
24128	MAT 26:5	Per re men: ―Ylaadet bo lo lni chen gakntozdet mengyëz lo be.
24154	MAT 26:31	Lex re Ne lo men: ―Sboleedx de noo yrandxee de negyëëlree, porke zenga zëëd lo xgyiich Dëdyuzh ledne re: “Yket noo men ne rapkwent mëkzhiil, le mëkzhiil noze yrëëts.”
24180	MAT 26:57	Yra mén ne wa wanëëz Jesus, wano men Ne lo Caifás, fxuz ne mazre nondee. Nga ndxin yra maxter ley yra men men ne rnebééy lo men-Israel.
24217	MAT 27:19	Or ne le Pilato zob ledne rlaa Pilato gyelextis, wxaal xewnaa Pilato diiz lo Pilato, re men: “Ygaldet de mgyeey gwa, bet xdoldet men. Porke kesentyent ndxiin wnexgyëëlen noo negyëëlree por laa men.”
24237	MAT 27:39	Yrandxee mén ne rdee nga, rdxii xtoo men, rninyaan men lo Ne,
24269	MAT 28:5	Lex re ne lo yrup wnaa guin: ―Ydxedet de. Che nan noo ne Jesus rye de, men ne wkaa lo kruz.
24270	MAT 28:6	Yëtre men nee; le men che wban zegne re men. No re angel: ―Gutaa kwii de ledne wguu mén men gante.
24274	MAT 28:10	Lex re Ne lo men: ―Ydxedet de; gutsa gue de lo yra xpén noo tsa men Galilea; nga kwii men noo.
24311	MRK 1:27	Yrandxee mén wzee wzak, rnabdizlsaa men, re men: ―¡Pagoxlegree! ¿Pe ne kwebzheree rneluu ménree? ¡Gukwii gante, rap ménree poder rnebééy men axtegue lo menzab, no ron menzab xdiiz men!
24322	MRK 1:38	Per wke Ne re Ne: ―Yoo tsa be yra ledne nak guex nee chen yzëët noo xdiiz Dëdyuzh no nga, porke por neguin zëëd noo.
24340	MRK 2:11	―Yna noo lo de, gutsaxee gulis xloon de, gugya ruxyuu de.
24427	MRK 4:35	Dxe ke guin, chene che rzëë lyu, re Jesus lo yra xpén Ne: ―Yoo tekaa be stebkoo nis.
24440	MRK 5:7	Lex ndípse wnii menzab ne nuu lextoo mgyeey guin, re menzab lo Ne: ―¿Penak rgal de noo, Jesus XPee Dëdyuzhnzoon? Ynab noo lo de por la Ne ne yzakzidet de noo.
24449	MRK 5:16	Yra mén ne wii neguin ne wak, laa men wuu diiz gan pezee wzak mgyeey guin ne nuu menzab lextoo no gan pezee wzak yra kuch guin.
24453	MRK 5:20	Lex sya mgyeey guin wzelo men wuu men diiz lo mén yra gyëz ne ngab Decápolis ne nzoon guin ne wlaa Jesus men. Yrandxee mén wzee wzak.
24456	MRK 5:23	Kesentyent wnab men lo Ne, re men: ―Le xsaap noo che kaluzhlo. Yoo tsa be yxob nya de led nzeb chen gyaken nzeb no chen ybánre nzeb.
24469	MRK 5:36	Per wukasdet Jesus neguin ne re men, lex re Ne lo mén guin ne rnebééy lenydoo: ―Ydxedet de; noze gulaleedx noo.
24480	MRK 6:4	Per re Ne lo men: ―Yrandxee lugar rzaknon mén te profet, per le laz men rzaknondet mén men, ni men ne nak xparyent men, ni men ne nak bechpee men rzaknondet men men.
24485	MRK 6:9	Ykaa xgyël men nii men, gak men xab men, per gweeydet men steb nëzo.
24520	MRK 6:44	Yra mén guin ne wu, gaaymil nak nonchee mgyeey.
24526	MRK 6:50	por tant rdxe men, porke yrandxee men wii Ne. Per wnii Ne lo men, re Ne: ―¡Ydxedet de, nzholeedx gugak, noo nee!
24538	MRK 7:6	Wke Ne re Ne: ―Gugannaa laa de wen. Nli ke ne re profet-Isaías por laa de yra de chene re men: Yra ménree noze xdiiz men za ne rzaknon men noo, per rlaadet meno ydeblextoo men.
24555	MRK 7:23	Yra ne malree, lextoo mén rruu we. Laa we nak ne rlaa ne rak men mendol.
24569	MRK 7:37	Kesentyent rzee rzak yra mén, re men: ―Yrandxee ne rlaa ménree, wen rlaa meno; axtegue mennkwëët rlaa men ne ryenii gyedyag no rlaa men ne rnii menngup.
24578	MRK 8:9	Yra mén guin ne wu, zeg tapmil nak men. Zhich guin wguli Jesus yra mén guin nëz, sya men.
24600	MRK 8:31	Zhich guin re Jesus lo men: ―Men ne wdxiid wak Mén, rap men degne kesentyent gak men sufrir, no ylaandet maxter ley men yra maxter ley fxuz ne rnebééy lo yra fxuz no le men ne rnebééy lo men-Israel. Yket men men, per chene gyon gbiz, yban ke men.
24630	MRK 9:23	Orguin re Jesus lo men: ―¿Pezee ne “belne gun de gan”? ¡Yrandxoo zak gan gak belne rlaleedx de Dëdyuzh!
24675	MRK 10:18	Wke Ne re Ne: ―¿Penak na de ne wen noo? Yët menwen; nonchee Dëdyuzh wen.
24676	MRK 10:19	Laa de che nan de gan pagox rkyeen Dëdyuzh: “Ykanodet de mén ne nakdet lzaa de, yketet de mén, kwandet de, ykagyiidet de mén, ykadedet de, gugaknzebnëz lo xuz de, gugaknzebnëz lo xnaa de.”
24711	MRK 11:2	re Ne lo men: ―Gutsa gyëzwin ne nak ngali nee. Ne ydxiin de, tsël te bur bëën bëënleg ne kaduu nga lo de no ne rutlel gardet kwib. Ychil de ma, chidno de maa.
24751	MRK 12:9	’Naaree naa, ¿pagox ylaa xpexwaan blag ub yra mén guin ne wapkwent blag ub? Yna noo lo de ne chiid men yket men yra mén guin, lex ydee men blag ub lo stebëd mén.
24773	MRK 12:31	Le ne wrup nak: “Gugyaan semén de zegne ryaan ke de de.” Yëtre ne mazre nondee ke lo yrup neree.
24788	MRK 13:2	Wke Ne re Ne lo men: ―Ydonzhooree ne rwii de, ni te gye gyandet led ste gye, yrandxoo luzh.
24825	MRK 14:2	Per re men: ―Ylaadet bo lo lni chen gakntozdet mengyëz lo be.
24837	MRK 14:14	Yuu ne tee men, gue de lo xpexwaan yuu guin: “Zere na Maxter, ¿go lenyuuzhe guxsëë Maxter lo pask yra Maxter xpén Maxter?”
24850	MRK 14:27	Lex re Ne lo men: ―Sboleedx de noo yrandxee de negyëëlree, porke zenga zëëd lo xgyiich Dëdyuzh ledne re: “Yket noo men ne rapkwent mëkzhiil, le mëkzhiil noze yrëëts.”
24924	MRK 15:29	Yrandxee mén ne rdee nga, rdxii xtoo men, rninyaan men lo Ne, re men: ―Laa de nga nlitla xeydoo Dëdyuzh no tsonegue gbiz nlep ke do ste,
24936	MRK 15:41	Yra wnaaree nak ne wrunal Jesus, laa men wun xyudar Ne chene ka Ne lo lyu ne la Galilea; no ndalre wnaa ne wdxinnal Ne Jerusalén zu nga.
24948	MRK 16:6	Per re mgyeey guin lo men: ―Ydxedet de. Che nan noo ne Jesus men-Nazaret rye de, men ne wkaa lo kruz. Yëtre men nee; le men che wban. Gukwii ledne wguu mén men gante.
24960	MRK 16:18	gob men mëël kon nya men; belne goo men ne nuu ngwaan, bet sakdet men; yxob nya men led mengyiz, no syaken mengyiz. Yra beeyree ylaa yra men ne ylaleedx noo.
25008	LUK 1:46	Lex re nzeb: Ydeblextoo noo rzaknon noo Dëdyuzh,
25027	LUK 1:65	Yrandxee mén ne nuu guex ruxyuu men wzee wzak, no yrandxee gyëz ne nak nes gyeey lo lyu ne la Judea ruu mén diiz neguin ne wak.
25028	LUK 1:66	Yra mén ne wono, nuu we lextoo men, lex re men: ―¿Txu gakleg mëëd gwa? Porke nlipee ne Dëdyuzh raknonen ne.