23240	MAT 2:2	Lex wnabdiiz men, re men: ―¿Gozh mëëd ne wal ne nak xerrey men-Israel? Porke wii noo wlen xpël ne gyeybaa nes ledne rlen ngbiz, neguin zëëd noo saknzoon noo ne.
23440	MAT 8:26	Wke Ne re Ne: ―¿Penak kesentyent rdxe de? ¡Ake mén ne rlaleedxdet Dëdyuzh ydeblextoo! Wluzhse re Ne zenga, waxee Ne wakndux Ne lo meroo guin no le lo nis; wutsëgoo.
23441	MAT 8:27	Kesentyent wzee wzak yra xpén Ne, rnabdizlsaa men, re men: ―¿Pezee nakleg ménree ne axtegue mee, axtegue nis ron xdiiz men?
23443	MAT 8:29	Zegne wii men Jesus, wzelo menzab rderëz menzab, re menzab: ―¿Penak rgal de noo, Jesus XPee Dëdyuzh? ¿Pe zëëd de nee ne yzakzi de noo antes ne ydxiin dxe?
23452	MAT 9:4	Per kom nan Jesus gan pe nuu lextoo men, re Ne lo men: ―¿Penak rzaa ne mal lextoo de?
23459	MAT 9:11	Ne wii yra men ne nak farisew neguin, re men lo yra xpén Ne: ―¿Penak ru xmaxter de yra men men ne rgoob zeg impwest no le yra men mendol?
23476	MAT 9:28	Chene wdxiin Ne ruyuu ledne nuu Ne, wbig yrup menngwlëë guin lo Ne; lex wnabdiiz Ne lo men, re Ne: ―¿Pe rlaleedx de ne zun noo gan gyenii bzalo de? Wke men re men: ―Rlaleedx noo we, Dechey.
23531	MAT 11:3	chen ynabdiiz men lo Ne, gue men: ―¿Pe laa de nga nak ne nuu diiz ne chiid u rap noo degne ykambë́z noo ste mén?
23535	MAT 11:7	Chene che sya yra mén guin ne wanabdiiz lo Jesus, wzelo Ne wzëët Ne xkwent Xwa lo yra mén, re Ne: ―¿Pagox wa de wii denbidx? ¿Pe te gobkyii ne rlaa mee zere zerotee wa de wii?
23561	MAT 12:3	Wke Ne re Ne: ―¿Pe gardet gool de lo xgyiich Dëdyuzh ledne re ne wlaa David chene wlaanen zhaa yra zhaa xkompanyer zhaa?
23568	MAT 12:10	Lenydoo guin zu te mgyeey ne miitx te nya. Kom rye men ne nak farisew gan pezee ykagyii men Jesus, lex wnabdiiz men lo Ne, re men: ―¿Pe zak yneseyaken me te mengyiz dxe ne rne me?
23581	MAT 12:23	Wzee wzak yrandxee mén, wzelo men re men: ―¿Peguin laa XPee David nee?
23606	MAT 12:48	Per wke Ne re Ne lo men ne waluu diiz lo Ne: ―¿Txu nak xnaa noo? ¿Txu nak bech noo?
23618	MAT 13:10	Lex wbig yra xpén Jesus lo Ne, re men: ―¿Penak rzëët de xdiiz Dëdyuzh lo mén zegnak te kwent?
23659	MAT 13:51	Lex wnabdiiz Jesus lo men yra men, re Ne: ―¿Pe rdee de kwent yra neree? Wke men re men: ―Rdee noo kwento, Dechey.
23662	MAT 13:54	Ne wdxiin Ne laz Ne, wzelo Ne wneluu Ne mén lenydoo ne zob nga. Kesentyent wzee wzak yra mén, re men: ―¿Pazh wseed mén gwa yra negwa ne nan men? ¿Pezee run men gan rlaa men gyelmilaguer?
23704	MAT 15:2	―¿Penak rlaadet xpén de zegnak xkoxtumber xpenkwlal be ne raa nya men antes ne gu men, le xpén de raadet nya?
23714	MAT 15:12	Lex wbig yra xpén Jesus lo Ne, re men: ―¿Pe wyenen de ne wlayaa yra men ne nak farisew ne won men negwa ne re de?
23718	MAT 15:16	Orguin re Ne: ―¿Pe ni laa de yra de gardet ydeedet kwento?
23736	MAT 15:34	Orguin wnabdiiz Jesus lo men, re Ne: ―¿Blazh gyëtxtil neey de wa? Wke men re men: ―Guedxo no le tebëd mëlwin.
23749	MAT 16:8	Wyenen Jesus ne re men zenga, lex re Ne lo men: ―¿Penak re de ne neeydet de gyëtxtil? ¡Ake mén ne rlaleedxdet Dëdyuzh ydeblextoo!
23754	MAT 16:13	Chene wdxiin Jesus nes Cesarea Filipo, wnabdiiz Ne lo yra xpén Ne, re Ne: ―¿Pe re mén txu nak noo?
23779	MAT 17:10	Orguin wnabdiiz yra xpén Ne lo Ne, re men: ―¿Penak re yra maxter ley ne laa Elías rap degne chiid primer?
23788	MAT 17:19	Zhich guin wbig xpén Jesus lo Ne waandxee, wnabdiiz men lo Ne, re men: ―¿Penak wundet noo gan nboo noo menzab lextoo mee gwa?
23793	MAT 17:24	Chene wdxiin Jesus Capernaum yra Ne xpén Ne, wa yra men ne rgoob zeg impwest lo Bëd, re men: ―¿Pe rgyizhdet xmaxter de zeg xeydoo Dëdyuzh?
23794	MAT 17:25	Wke Bëd, re Bëd: ―Rgyizh zhaa we. Per zegne wdee Bëd lenyuu, primerdee Jesus re lo Bëd: ―¿Pe na de Simon? ¿Txu lo rgoob rrey ne nuu gyëzlyuree zeg impwest, pe lo zhiin zhaa u lo ste mén?
23797	MAT 18:1	Dxe ke guin wbig yra xpén Jesus lo Ne, re men: ―¿Txuzh nak men ne mazre nondee ledne rnebééy Dëdyuzh?
23834	MAT 19:3	Lex wbig tebëd men ne nak farisew lo Ne por ne ylaa men Ne preb; wnabdiiz men lo Ne, re men: ―¿Pe zak ychil xgyeltsëlnya me yrup me xewnaa me por kwaskyertee kos?
23835	MAT 19:4	Wke Jesus, re Ne: ―¿Pe gardet gool de lo xgyiich Dëdyuzh ledne re, chene primerendxee wzhexkwaa Ne mén, “wzhexkwaa Ne mgyeey no le wnaa”?
23838	MAT 19:7	Lex re men ne nak farisew lo Ne: ―¿Penak re Moises cheguin ne zak ybil xgyeltsëlnya mén yrup men xewnaa men, noze ne xexkwaa te gyiich ydee men lo xewnaa men ne che wsalzaan men men?
23848	MAT 19:17	Wke Jesus, re Ne: ―¿Penak na de ne wen noo? Yët menwen; nonchee Dëdyuzh wen. Per belne rlaan de ne gap de gyelembán ne nunk luzhdet, gulaa ne zëëd lo ley.
23856	MAT 19:25	Ne won yra xpén Jesus zenga, kesentyent wzee wzak men, re men: ―¿Txuzh nak ne gun gan yláá lo kastig cheguin?
23882	MAT 20:21	Orguin re Ne lo men: ―¿Pagox rlaan de? Wke men re men: ―Rlaan noo ne chene ynebééy de, ykyeen de sob xpee noo koo de, te me sob ladbëë, ste me sob ladbëg.
23893	MAT 20:32	Lex wzutsë Jesus, wbëz Ne men yrup men, re Ne lo men: ―¿Pagox rlaan de ylaa noo por laa de?
23905	MAT 21:10	Chene wdee Jesus lenlgyëz-Jerusalén, axtegue nandet yra men-Jerusalén pe wuu lextoo men, wnabdizlsaa men, re men: ―¿Txu wa?
23911	MAT 21:16	Lex re men lo Jesus: ―¿Pe ron de ne re yra minwin gwa? Wke Jesus, re Ne: ―Ron noo we. ¿Pe gardet gool de lo xgyiich Dëdyuzh ledne re: Axtegue minwin, axtegue mëëd ne roo dud, laa Dëdyuzh wlaa ne saknon miin Dëdyuzh?
23915	MAT 21:20	Ne wii yra xpén Jesus neree, wzee wzak men; wnabdiiz men lo Ne, re men: ―¿Pezee wbidxgue yag-igree, bes?
23918	MAT 21:23	Lex wa Jesus lenxeydoo Dëdyuzh; or ne kaneluu Ne mén, wbig yra fxuz ne rnebééy lo yra fxuz yra men men ne rnebééy lo men-Israel, wnabdiiz men lo Ne, re men: ―¿Txu wkyeen de ne rlaa de neree? ¿Txu wnebééy lo de ne rlaa do?
23937	MAT 21:42	Lex re Jesus lo men: ―¿Pe nunk gardet gool de lo xgyiich Dëdyuzh? Nga re: Gye ne axtegue rlaandet mén ne rlep yuu, laa we wak gye ne mazre rkyiindee. Dëdyuzh wlaa neree, no le be kesentyent rzee rzak.
23961	MAT 22:20	Lex wnabdiiz Ne lo men, re Ne: ―¿Txu lo wa no txu la wa ka lo we?
23983	MAT 22:42	re Ne: ―¿Pagox yna de por Crist? ¿Txu xpee nak zhaa? Wke men re men: ―Xpee David.
23984	MAT 22:43	Lex re Jesus lo men: ―¿Penak chene waknonen Espíritu Sant David cheguin, wnesela David Crist XDëdyuzh David? Porke re David:
24131	MAT 26:8	Ne wii yra xpén Ne ne wlaa wnaa guin zenga, wlaa men, lex re men: ―¿Penak noze wxiin wnaa gwa negwa?
24133	MAT 26:10	Ne won Jesus zenga, re Ne lo men: ―¿Penak rnii de por wnaaree? Neree ne wlaa men noo, weno.
24138	MAT 26:15	re men: ―¿Palal yniiz de noo ynizkwent Jesus lo de? Lex wdee men galebchii med plat lo Judas.
24140	MAT 26:17	Primer dxe lni pask ne ru mén gyëtxtil ne nootsdet lebadur, wbig yra xpén Jesus wnabdiiz men lo Ne, re men: ―¿Pazh rlaan de yzhexkwaa noo ne guxsëë be lo lniree?
24163	MAT 26:40	Zhich guin wberee ke Ne ledne wyan men gyon men; chene wdxiin Ne, le men ndxinguees. Orguin re Ne lo Bëd: ―¿Pe ni te or wakdet nzobna de?
24168	MAT 26:45	Chene wberee Ne ledne ndxin men ste, re Ne lo men: ―¿Pe benak ndxinguees de? ¿Pe benak ndxinne de? Le or ne ynëëz mén Men ne wdxiid wak Mén che wdxiin, chen ydekwent mén men lo mendol.
24178	MAT 26:55	Orguin re Jesus lo yra mén guin: ―¿Penak zëëd de zëdnëëz de noo kon spad, kon yag, zeg teleg ngbaan nak noo? No yzaandxee dxe wzu noo lenxeydoo Dëdyuzh wkaneluu noo de yra de, no wnëëzdet de noo.
24185	MAT 26:62	Orguin wzuli fxuz ne mazre nondee, re men lo Jesus: ―¿Pe bet ykedet de? ¿Pe rna rnii men zeree por laa de?
24192	MAT 26:69	Or ne zob Bëd ruxyuu fxuz ne mazre nondee, wbig te wnaa ne rlaa dxiin nga lo Bëd, re men: ―¿No de nak xpén Jesus men-Galilea ye?
24202	MAT 27:4	re Judas: ―Noze xdol noo wye noo ne wnizkwent noo te mén ne bet xdoldet chen guet men. Per wke men yra men, re men: ―¿Pe ylaa noo cheguin? ¡Xkwent de nga!
24209	MAT 27:11	Chene zu Jesus lo gobernador-Pilato, wnabdiiz men lo Ne, re men: ―¿Pe laa de nak xerrey men-Israel? Wke Ne re Ne: ―Zegwa we zeg na de.
24211	MAT 27:13	Lex re Pilato lo Ne: ―¿Pe rondet de yra ne kanii men por laa de?
24215	MAT 27:17	Chene le yra mén wdop, wnabdiiz Pilato lo yra mén, re Pilato: ―¿Txu rlaan de yselaa noo, Barrabás u Jesus ne rnii mén Crist?
24219	MAT 27:21	Lex wnabdiiz Pilato lo yra mén ste, re Pilato: ―¿Delo yrup ménree, txuzh rlaan de yselaa noo? Wke men re men: ―¡Barrabás!
24220	MAT 27:22	Orguin re Pilato: ―¿Jesus ne rnii mén Crist naa, pagox ylaa noo men? Wke men yra men, re men: ―¡Lo kruz gukaa men!
24308	MRK 1:24	re menzab: ―¿Penak rdee de lad noo Jesus men-Nazaret? ¿Pe zëëd de yluzh de noo? Rnebeey noo de no nan noo ne nakdet de mendol, XPee Dëdyuzh nak de.
24337	MRK 2:8	Per kom nan Jesus gan pe nuu lextoo men, lex re Ne lo men: ―¿Penak rlebleedx de zegwa?
24345	MRK 2:16	Ne wii maxter ley yra men men ne nak farisew ne zobyu Ne yra Ne mén guin, re men lo xpén Ne: ―¿Penak ru xmaxter de yra men men ne rgoob zeg impwest no le yra men mendol?
24347	MRK 2:18	Te chene rkwan xpén Xwa no le men ne nak farisew por ne saknon men Dëdyuzh, wa tebëd mén lo Jesus, wnabdiiz men lo Ne, re men: ―¿Penak rkwan xpén Xwa no rkwan ke men ne nak farisew, le xpén de rkwandet men?
24353	MRK 2:24	Lex re men ne nak farisew lo Ne: ―¿Penak rlaa xpén de ne ndux ylaa be dxe ne rne be?
24354	MRK 2:25	Wke Ne re Ne: ―¿Pe gardet gool de lo xgyiich Dëdyuzh ledne re ne wlaa David chene wlaanen zhaa ne wakyët ne nyu zhaa yra zhaa xkompanyer zhaa?
24361	MRK 3:4	Zhich guin wnabdiiz Ne lo mén ne ndxin nga, re Ne: ―¿Pagox nak ne ryal ylaa me dxe ne rne me, ne wen u ne mal?, ¿yselaa me xgyelembán te mén u yket me men? Per noze chi wbiin men yra men.
24380	MRK 3:23	Lex wbëz Jesus men yra men, re Ne lo men: ―¿Pezee gak koo Bzelo laake sebzelo Bzelo lextoo mén?
24390	MRK 3:33	Wke Ne re Ne lo men: ―¿Txu nak xnaa noo? ¿Txu nak bech noo?
24413	MRK 4:21	No re ke Jesus lo men: ―¿Peguin rgoob mén te bnii por ne yzoob meno zhiin te kaj u por ne yzoob meno zhiin loon? ¿Pe let rzoobdet meno ledne gya chen yzenii we?
24422	MRK 4:30	No re ke Jesus: ―¿Pagox rzaglo ne rkyeen Dëdyuzh, u pagox ynesaglo bo?
24432	MRK 4:40	Lex re Ne lo yra xpén Ne: ―¿Penak kesentyent rdxe de? ¿Pe rlaleedxdet de Dëdyuzh?
24433	MRK 4:41	Kesentyent wdxe men yra men, lex rnabdizlsaa men, re men: ―¿Pezee nakleg ménree ne axtegue mee, axtegue nis ron xdiiz men?
24440	MRK 5:7	Lex ndípse wnii menzab ne nuu lextoo mgyeey guin, re menzab lo Ne: ―¿Penak rgal de noo, Jesus XPee Dëdyuzhnzoon? Ynab noo lo de por la Ne ne yzakzidet de noo.
24442	MRK 5:9	Lex wnabdiiz Jesus lo men, re Ne: ―¿Txu la de? Wke men re men: ―Le noo la Legión, porke ndal nak noo.
24463	MRK 5:30	Orgueguin wyenen Jesus ne wneseyaken Ne te mén kon xpoder Ne. Wcheree lo Ne wii Ne lo yra mén ne zanal zhich Ne, lex wnabdiiz Ne lo men, re Ne: ―¿Txuzh wtee nya led xab noo?
24472	MRK 5:39	Orguin wdee Ne, re Ne lo men: ―¿Penak noze rakrëz de no penak roon de? Wetet xsaap ménree, noze nexguees nzeb.
24478	MRK 6:2	Chene wdxiin dxe ne rne men-Israel, wzelo Ne wneluu Ne mén lenydoo; no ndal mén wzee wzak ne won men ne rzëët Ne, rnabdizlsaa men, re men: ―¿Pazh wseed mén gwa yra negwa? ¿Pazh waxii men yra negwa ne nan men no le yra gyelmilaguer gwa ne rlaa men?
24500	MRK 6:24	Orguin wruu nzeb wanabdiiz nzeb lo xnaa nzeb, re nzeb: ―¿Pagox ynab noo? Lex re men lo nzeb: ―Gunab xtoo Xwa ne rtxobnis.
24513	MRK 6:37	Per wke Jesus, re Ne: ―Laa de gudee ne gu men. Wke men re men: ―¿Pe rlaan de tsaka noo txupgwyuu denario gyëtxtil chen ydee be ne gu men?
24514	MRK 6:38	Lex re Jesus lo men: ―¿Blazh gyëtxtil neey de? Gutsa wii gan. Chene wberee men, re men lo Ne: ―Gaay gyëtxtil no le txup mël.
24537	MRK 7:5	Lex wnabdiiz men ne nak farisew no le maxter ley lo Ne, re men: ―¿Penak rlaadet xpén de zegnak xkoxtumber xpenkwlal be ne raa nya men antes ne gu men, le xpén de raadet nya?
24550	MRK 7:18	Orguin re Ne lo men: ―¿Pe ni laa de yra de rdeedet kwento? ¿Pe rdeedet de kwent ne yrandxee ne ru mén, let laadeto rlaa ne rak men mendol?
24574	MRK 8:5	Orguin wnabdiiz Jesus lo men, re Ne: ―¿Blazh gyëtxtil neey de wa? Wke men re men: ―Guedxo.
24581	MRK 8:12	Orguin wonleedx Ne axtegue gyët, lex re Ne: ―¿Penak rnab ménree lo noo ne ylaa noo te gyelmilaguer? Nligue yna noo lo de yra de ne betre gyelmilaguer kwiidet men.
24586	MRK 8:17	Wyenen Jesus ne re men zenga, lex re Ne lo men: ―¿Penak re de ne neeydet de gyëtxtil? ¿Pe gardet ydee de kwent no pe gardet gyenen de? ¿Pe wdeelel lo beey nkeb xgyeryen de yra de?
24590	MRK 8:21	Lex re Ne: ―¿Pezee gardet ydee de kwent cheguin?
24596	MRK 8:27	Zhich guin wa Jesus yra Ne xpén Ne yra gyëz ne nak nes Cesarea Filipo. Ne za Ne nëz, wnabdiiz Ne lo yra xpén Ne, re Ne: ―¿Pe re mén txu nak noo?
24618	MRK 9:11	Lex wnabdiiz men lo Ne, re men: ―¿Penak re yra maxter ley ne laa Elías rap degne chiid primer?
24623	MRK 9:16	Lex wnabdiiz Ne lo men, re Ne: ―¿Pe kwentzhe rdildiiz de?
24628	MRK 9:21	Lex wnabdiiz Ne lo xuz mee, re Ne: ―¿Pa axtegue or wlen ne rzak me zeree? Lex re xuz mee: ―Axtegue ne win mee.
24630	MRK 9:23	Orguin re Jesus lo men: ―¿Pezee ne “belne gun de gan”? ¡Yrandxoo zak gan gak belne rlaleedx de Dëdyuzh!
24635	MRK 9:28	Chene wdee Jesus lenyuu, wnabdiiz xpén Ne lo Ne waandxee, re men: ―¿Penak wundet noo gan nboo noo menzab lextoo mee gwa?
24640	MRK 9:33	Ne wdxiin Jesus Capernaum yra Ne xpén Ne, chene che wdxiin Ne ruyuu, wnabdiiz Ne lo xpén Ne, re Ne: ―¿Pe kwentzhe rdildiiz de ne zëëd de nëz?
24660	MRK 10:3	Wke Ne re Ne: ―¿Pagox wkyeen Moises, bes?
24675	MRK 10:18	Wke Ne re Ne: ―¿Penak na de ne wen noo? Yët menwen; nonchee Dëdyuzh wen.
24683	MRK 10:26	Ne won yra xpén Ne zenga, mazre wzee wzak men, lex rnabdizlsaa men, re men: ―¿Txuzh nak ne gun gan yláá lo kastig cheguin?
24693	MRK 10:36	Orguin re Ne lo men: ―¿Pagox rlaan de ylaa noo por laa de?
24708	MRK 10:51	Lex wnabdiiz Ne lo men, re Ne: ―¿Pagox rlaan de ylaa noo por laa de? Wke menngwlëë guin, re men: ―Maxter, rlaan noo gyenii bzalo noo.
24714	MRK 11:5	Lex re tebëd mén ne ndxin nga lo men: ―¿Pagox gwa rlaa de? ¿Penak rchil de bur gwa?
24737	MRK 11:28	wnabdiiz men lo Ne, re men: ―¿Txu wkyeen de ne rlaa de neree? ¿Txu wnebééy lo de ne rlaa do?
24757	MRK 12:15	Per kom nan Jesus ne noze rkanlo men wen men, lex re Ne lo men: ―¿Penak rye de gan pezee gyab noo lo xetramp de? Gutano te med kwii noo.
24758	MRK 12:16	Orguin wdee men te med lo Ne; lex re Ne lo men: ―¿Txu lo nee no txu la nee ka lo we? Wke men re men: ―Lo rrey-Roma we no le la rrey-Roma we.