13944	PSA 1:1	Bicaʼ ba bönniʼ bitiʼ runëʼ ca naca le taʼgúʼu yöl-laʼ lëʼ nupa tuʼcáʼana Dios, en bitiʼ ridálenëʼ tsözxö́n nupa tun dul-laʼ, en bitiʼ runëʼ tsözxö́n le tun nupa taʼzíʼ quidzaʼ Dios.
13948	PSA 1:5	Que lë ni naʼ bitiʼ uluʼrúajëʼ tsahuiʼ bönniʼ tuʼë döʼ cateʼ Dios uchiʼa usörö́ëʼ quégaquiëʼ, en bitiʼ ilaʼcuʼë bönniʼ dul-laʼ ga tuʼdubëʼ bönniʼ tsahuiʼ.
13949	PSA 1:6	Rapa chiʼë Xanruʼ Dios nöza ga taʼdë́ʼ bönniʼ tsahuiʼ naʼ, pero uniti tsaz nu ridá gapa taʼdá nupa tuáʼ döʼ.
13951	PSA 2:2	Bönniʼ taʼnná bëʼë luyú taʼdáʼbaguëʼë Dios. Tun tuz xtídzaʼgaca nupa dë lu náʼagaca para ilaʼdáʼbagaʼ Xanruʼ, en Nu naʼ nabö́ cazëʼ para inná bëʼë,
13955	PSA 2:6	Innë́ʼ: “Nuzóa cazaʼ bönniʼ nabö́ cazaʼ xilatjëʼ ga inná bëʼë. Inná bëʼë lu Guíʼa Sión, le naca guíʼa láʼayi quiaʼ.”
13958	PSA 2:9	Quitsjuʼ léguequi len tu xiyaga guíë. Uzxuzxjuʼ léguequi ca run nu riláʼa tu zxigaʼ yö́ʼöna.”
13959	PSA 2:10	Que lë ni naʼ, libíʼiliʼ naʼ rinná bë́ʼëliʼ, guliʼtséajniʼi. Guliʼsedi cuinliʼ, núlöliʼ ruchiʼa rusöröliʼ le raca luyú.
13960	PSA 2:11	Lu yöl-laʼ baʼa ladxiʼ queë́liʼ guliʼgún xichinëʼ Xanruʼ. Lu yöl-laʼ rizxizi queë́liʼ buliʼsíʼ xibë́ʼ.
13961	PSA 2:12	Guliʼgún bal Zxíʼinëʼ Dios para cabí ilétenëʼ, en para cabí udxi queë́liʼ laʼ nöza. Laʼ ilentë yöl-laʼ rilé queëʼ. ¡Bicaʼ ba yúguʼtë nupa tuʼzxöni ladxiʼ Lëʼ!
13964	PSA 3:3	Zián nupa taʼnnë́ quiaʼ, taʼnná: “Bitiʼ usölë́ʼ Dios lëʼ.”
13967	PSA 3:6	Nedaʼ rataʼ, en rasiaʼ, ateʼ rubanaʼ, tuʼ nazö́nticaʼsëʼ Xanruʼ Dios nedaʼ.
13968	PSA 3:7	Bitiʼ gádxidaʼ gayuáʼ gayuáʼ bönachi, nupa naʼ nagúʼugaca nedaʼ lë́ʼajlö.
13972	PSA 4:2	Bubíʼi didzaʼ cateʼ rulidzaʼ Liʼ, Dios. Nacuʼ Nu ruchiʼa rusörö́ le raca quiaʼ. Cateʼ guröʼa böniga, bida cazuʼ Liʼ ga zoaʼ, en gúcalenuʼ nedaʼ. Ruhuéchiʼ ladxiʼ nedaʼ, en ruzë́ naguʼ le rinábidaʼ Liʼ.
13974	PSA 4:4	Guliʼtsöjné nabö́ cazëʼ Xanruʼ nu radxi Lëʼ, ateʼ riyönnëʼ nedaʼ cateʼ rulidzaʼ-nëʼ.
13977	PSA 4:7	Zián nupa taʼnná: “¿Nuzxi caz gun ga gaca dxiʼa queë́ruʼ?” Lu yöl-laʼ dxiʼi ladxiʼ quiuʼ buyú netuʼ, Xan.
13981	PSA 5:2	Ruzë́ naguʼ didzaʼ ruáʼa, Xan. Buyú ca rinnëdaʼ ládxaʼa lu yöl-laʼ ruhuíʼini quiaʼ.
13982	PSA 5:3	Dios quiaʼ, Nu rinná beʼe nedaʼ, ruzë́ naguʼ cateʼ rinábidaʼ Liʼ gácalenuʼ nedaʼ, naʼ güíʼilenaʼ Liʼ didzaʼ.
13986	PSA 5:7	Rusunítiuʼ dërö nupa taʼzíʼ yeʼe luzë́ʼeguequi, en bitiʼ riléʼenuʼ dxiʼa nupa tuti bönachi, en taʼzíʼ yëʼ.
13988	PSA 5:9	Tuʼ nacuáʼ zián nupa taʼlé nedaʼ, buluíʼi nedaʼ le naca dxiʼa rë́ʼënuʼ gunaʼ, Xan. Busëdi nedaʼ para gaca gunaʼ ca rë́ʼënuʼ Liʼ.
13989	PSA 5:10	Bitiʼ gaca nu tseajlë́ʼ didzaʼ tuíʼi nupa naʼ taʼlé nedaʼ. Nácagaca xihuiʼ icja ládxiʼdoʼguequi. Naca ruáʼagaca ca tu yeru ba nayalaj, en lu yöl-laʼ rizíʼ yëʼ quéguequi tuíʼi yulaj didzaʼ.
13999	PSA 6:7	Rudú ládxaʼa tuʼ rinnë́ticaʼsö ládxaʼa. Yuguʼ dzöʼ ribisa le rátiʼdaʼ len nisa ribödxi quiaʼ. Rusubisaʼ xcúguaʼ len nisa ribödxi quiaʼ.
14000	PSA 6:8	Röʼö gui guiö́j lahuaʼ tuʼ ribö́dxiticaʼsaʼ. Bitiʼ gaca iléʼedaʼ tuʼ nö́zigaca nupa tuʼdíʼi nedaʼ.
14002	PSA 6:10	Ruzë́ naguëʼ le rulidzaʼ, rátaʼyuaʼ lahuëʼ, en rubiʼë didzaʼ cateʼ bi rinábidaʼ Lëʼ.
14003	PSA 6:11	Uluʼtuíʼi nupa tuʼdíʼi nedaʼ, en ilaʼbö́ʼ böniga. Lu yöl-laʼ rutuíʼi quéguequi uluʼbigaʼ ga zoaʼ.
14010	PSA 7:7	Lu yöl-laʼ rilé quiuʼ guyasa, Xan. Gudáʼbagaʼ nupa naʼ lu yöl-laʼ ridzáʼa quéguequi táʼbagaʼ nedaʼ. Guyasa, gúcalen nedaʼ tuʼ nacuʼ Nu ruchiʼa rusörö́ le raca quiaʼ.
14012	PSA 7:9	Ruchiʼa rusörö́uʼ quéguequi yúguʼtë bönachi, Xan. Bubéaj nedaʼ tsahuiʼ, Xan, tsca naca le tsahuiʼ nunaʼ, en tuʼ nacaʼ idú tsahuiʼ.
14013	PSA 7:10	Ben ga udxi que le xihuiʼ tun nupa tuáʼ döʼ, pero buzóa tsutsu nupa tun le naca dxiʼa, tuʼ nacuʼ Liʼ idú tsahuiʼ, Dios, en ruchiʼa rusörö́uʼ le taʼzáʼ ládxiʼgaca bönachi, en le taʼguínnaj ícjaguequi.
14014	PSA 7:11	Naca cazëʼ Dios Nu run chiʼi nedaʼ. Rusölë́ʼ nupa nácagaca idú ladxiʼ.
14015	PSA 7:12	Dios ruchiʼa rusörö́ëʼ queëruʼ ca naca le naca tsahuiʼ, en richúguticaʼsëʼ quégaca nupa tuáʼ döʼ.
14017	PSA 7:14	Chinupë́ʼë yuguʼ le rudíʼinëʼ lu gudil-la, en nudxíëʼ lu du uxitiʼ yuguʼ yaga túchiʼdoʼ zoa guíʼ láhuiguequi.
14019	PSA 7:16	Nachö́ʼönëʼ ga rëʼ tu yeru zxön ga nu ibixi, pero lë cazëʼ yöjbixëʼ lu yeru naʼ guchö́ʼönëʼ.
14020	PSA 7:17	Budxín laʼ queë́zëʼ döʼ naʼ biʼë, en dxíëʼ huëʼ ca naca xiguiaʼ nabáguëʼë.
14021	PSA 7:18	Guíaʼ-nëʼ Xanruʼ: “Xclenuʼ” tuʼ náquiëʼ tsahuiʼ, en gul-laʼ yöl-laʼ ba que Lëʼ Xanruʼ, Nu nayë́pisëtërö.
14023	PSA 8:2	¡Xanaʼ Dios, bicaʼ ba Loʼ idútë yödzölió! ¡Xitsáʼtërö ca lúzxiba nayë́pisuʼ Liʼ!
14024	PSA 8:3	Túl-labiʼ bíʼidoʼ, encaʼ biʼi huë́ʼënidoʼ yöl-laʼ zxön quiuʼ sal-laʼ nacuáʼ nupa taʼdáʼbagaʼ Liʼ. Uzóa dxíuʼ nupa naʼ bitiʼ taʼléʼe Liʼ dxiʼa, encaʼ nupa taʼdáʼbagaʼ Liʼ.
14025	PSA 8:4	Cateʼ ruyúaʼ lúzxiba quiuʼ, le nunuʼ len xibö́n naʼzuʼ, encaʼ beuʼ, en yuguʼ bölaj beníʼ nuzúʼ xilátjaguequi,
14030	PSA 8:9	en lës caní nunuʼ caʼ quégacabaʼ biguínnidoʼ, en quégacabaʼ böla dzö́ʼöbaʼ nísadoʼ, encaʼ quégacabaʼ yúguʼtëbaʼ böaʼ taʼdö́dibaʼ lu nísadoʼ.
14034	PSA 9:3	¡Udzéjadaʼ, en uziʼa xibóʼ! ¡Gul-laʼ yöl-laʼ ba que Loʼ, tuʼ nayë́pisëtëruʼ!
14035	PSA 9:4	¡Taʼzxunnaj nupa taʼdáʼbagaʼ nedaʼ! ¡Taʼdzö́ʼö, en tuʼniti loʼ Liʼ,
14036	PSA 9:5	tuʼ nubéajuʼ tsahuiʼ le naca dxiʼa runaʼ! ¡Röʼu ga rinná bëʼu, en ruchiʼa rusörö́uʼ queë́tuʼ ca naca le naca tsahuiʼ!
14039	PSA 9:8	Zóaticaʼsëʼ Xanruʼ Dios. Naguixjëʼ tsaz lataj ga röʼë rinná bëʼë en ruchiʼa rusörö́ëʼ quégaca bönachi.
14040	PSA 9:9	Uchiʼa usörö́ëʼ quégaca bönachi yödzölió lu le naca tsahuiʼ. Uchiʼa usörö́ëʼ quégaca yuguʼ yödzö lu le nácatë.
14043	PSA 9:12	Guliʼgul-la yöl-laʼ ba queëʼ Xanruʼ, zoëʼ ga naʼ nazíʼi le Sión. Buliʼsiyö́n bönachi yuguʼ yödzö ca naca yuguʼ le nunëʼ.
14047	PSA 9:16	Yöjbíxigaca bönachi yuguʼ yödzö lu yeru gulaʼchö́ʼöna ga tsöjbíxigaca luzë́ʼeguequi. Bilaʼröli niʼaguequi lu yöxaj buluʼcachiʼ para ilaʼzö́n léguequi.
14048	PSA 9:17	Chinunëʼ Xanruʼ Dios ga núnbëʼgaca bönachi Lëʼ tuʼ buchiʼa busörö́ëʼ quéguequi. Lu lë naʼ nun nu ruáʼ döʼ zön laʼ cuinsi.
14051	PSA 9:20	Guyasa, Xan. Bitiʼ guʼu lataj tsë́pisë nu naca bönáchisö. Buchiʼa busörö́ quégaca bönachi yuguʼ yödzö.
14052	PSA 9:21	Buxö́s léguequi, Xan. Ben ga uluʼúnbëʼ le nácgaca, tuʼ nácagacasö bönachi.
14054	PSA 10:2	Lu yöl-laʼ run ba rahui quégaca nupa tuáʼ döʼ taʼbía no nupa nácagaca yechiʼ. Ben ga ilaʼzö́n du yalaj naʼ nucáchiʼgaca laʼ léguequisö.
14055	PSA 10:3	Run ba zxön cuinëʼ bönniʼ ruʼë döʼ ca naca le xihuiʼ rizë́ ládxëʼë. Bönniʼ ruhuídiʼnëʼ rulidza ditjëʼ luzë́ʼë, en ruzóëʼ Dios tsöláʼalö.
14057	PSA 10:5	Ruziʼë xibé yúguʼtë le runëʼ. Bitiʼ caʼ réquibeʼenëʼ zoëʼ Dios Nu ruchiʼa rusörö́ quégaca bönachi. Ruzóëʼ tsöláʼalö nupa bitiʼ taʼléʼe lëʼ dxiʼa.
14059	PSA 10:7	Didzaʼ ruʼë nácagaca le rudxía döʼ, encaʼ le rizíʼ yëʼ, en le rudidzaʼ yudxi yuguʼ luzë́ʼë. Ruíʼiticaʼsëʼ didzaʼ le cabí nácatë, en le naca xihuiʼ.
14068	PSA 10:16	Inná bë́ʼticaʼsëʼ Xanruʼ Dios. Nupa tuʼbéaj ícjaguequi Xanruʼ uluʼniti tsaz lu xiyú cazëʼ.
14069	PSA 10:17	Ruzë́ naguʼ, Xan, le taʼnábini Liʼ nupa nácagaca doʼ ladxiʼ. Rutipuʼ ládxiʼguequi, en ruzë́ naguʼ chíʼiguequi.
14070	PSA 10:18	Ruchiʼa rusörö́uʼ quégaca nupa nácagaca uzëbi, en nupa zoa nu ribía no léguequi, para cabirö uluʼxösa bönachi yödzölió ni luzë́ʼeguequi.
14072	PSA 11:2	Buyútsöcaʼ, zö́ngaca nupa tuáʼ döʼ yaga uxitiʼ. Nuzóagaca yágadoʼ lahui tuchiʼ lu du rusé, para ilútiëʼ bagáchiʼsö nupa nácagaca dxiʼa.
14074	PSA 11:4	¡Zoa cazëʼ Xanruʼ yudoʼ láʼayi queëʼ! Yehuaʼ yubá zoa ga röʼë rinná bëʼë Xanruʼ Dios. Riléʼe guiö́j lahuëʼ para uyúëʼ le tun bönachi.
14080	PSA 12:3	Taʼzíʼ yeʼe yúguʼtë bönachi luzë́ʼeguequi. Lu yöl-laʼ rizíʼ yëʼ quéguequi tuíʼilen luzë́ʼeguequi didzaʼ yúlajdoʼ.
14083	PSA 12:6	Rnnëʼ Xanruʼ: “Naʼa guídaʼ tuʼ nacuáʼ nupa tun ziʼ nupa taʼyadzaj taʼyudxi, ateʼ rinnë́ ládxiʼgaca nupa ni tuʼ zoa nu ribía no léguequi. Ca taʼzësö ládxiʼgaca, laʼ guídateaʼ dusöláʼ léguequi.”
14091	PSA 13:5	Níʼirö bitiʼ gaca ilaʼnná nupa taʼdáʼbagaʼ nedaʼ, bitiʼ ilaʼnná: “Bucúl-laruʼ lëʼ.” Bitiʼ gaca uluʼdzeja tuʼ nö́tjadaʼ ládxaʼa nedaʼ.
14093	PSA 14:1	Lu icja ládxiʼdaʼahuëʼ rnnëʼ bönniʼ tuʼ canö́z, rnnëʼ: Bitiʼ zoa caz Dios. Nachixi nanítigaquiëʼ bönniʼ caní, en tunëʼ le cabí riléʼenëʼ dxiʼa Dios. Cuntu nu zoa nu run le naca dxiʼa.
14095	PSA 14:3	Yúguʼtëʼ nadö́digaquiëʼ tsöláʼalö. Nachixi nanítigaquiëʼ tu tuëʼ. Cuntu nu zoa nu run le naca dxiʼa, nitú bönachi.
14099	PSA 14:7	Raca ládxaʼa irúaj Sión Nu usölá bönachi Israel. Cateʼ gunëʼ Xanruʼ ga uluʼdxín bönachi queëʼ nadzúngaca xilátjaguequi, uluʼdzeja zxíʼini xiʼsóëʼ Jacob, bönachi Israel, en uluʼzíʼ xibë́ʼ Dios.
14102	PSA 15:3	Nu naʼ bitiʼ rizíʼ quidzaʼ bönachi, en bitiʼ ruáʼ döʼ que luzë́ʼe, en bitiʼ ruzë́ naga nu rizíʼ quidzaʼ luzë́ʼe.
14115	PSA 16:11	Nunuʼ ga núnbëʼa nöza ichë́ʼ nedaʼ ga soaʼ ibanaʼ. Ga zuʼ Liʼ gataʼ quiaʼ yöl-laʼ rudzeja idú, ateʼ cuituʼ Liʼ uzíʼticaʼsaʼ xibóʼ.
14116	PSA 17:1	Ruzë́ naguʼ nedaʼ, Xan. Lu le naca tsahuiʼ quiaʼ rulidzaʼ Liʼ. Bëʼ ladxiʼ le rinábidaʼ Liʼ tuʼ cabí caʼ rizíʼ yëʼa.
14117	PSA 17:2	Buchiʼa busörö́ quiaʼ tuʼ runuʼ Liʼ le naca tsahuiʼ.
14118	PSA 17:3	Núnbëʼu Liʼ le yuʼu ládxiʼdaʼahuaʼ. Ruyúʼ nedaʼ chiʼi dzö́ʼölö. Guzxíʼ bëʼu nedaʼ, ateʼ burúajaʼ tsahuiʼ. Bitiʼ caʼ ruáʼa didzaʼ le cabí naca idú dxiʼa.
14121	PSA 17:6	Rulidzaʼ Liʼ, Dios, tuʼ rubiʼu didzaʼ. Ruzë́ naguʼ yuguʼ didzaʼ ruáʼa.
14123	PSA 17:8	Ben chiʼi nedaʼ ca run chiʼu laʼ guiöj lo cazuʼ. Bucachiʼ nedaʼ cuituʼ Liʼ ca runbaʼ böra, rucáchiʼgacabaʼ bö́radoʼ zxan xílabaʼ,
14124	PSA 17:9	para cabí bi ilún quiaʼ nupa tuáʼ döʼ, nupa naʼ taʼlé nedaʼ, en nagúʼugaca nedaʼ lë́ʼajlö.
14126	PSA 17:11	Gátiʼtës ga ridödaʼ taʼgúʼu nedaʼ lë́ʼajlö, en të́ʼëni ilaʼguín nedaʼ luyú.
14127	PSA 17:12	Nácagaquiëʼ ca yuguʼ bëdxi guíxiʼdoʼ. Të́ʼënëʼ uluʼsunítiëʼ nedaʼ. Nácagaquiëʼ ca yuguʼ bëdxi guixiʼ. Nucachiʼ cuíngaquiëʼ para ilaʼzönëʼ nedaʼ.
14129	PSA 17:14	Lu yöl-laʼ huáca zxön quiuʼ busölá nedaʼ, Xan, lu náʼagaca nupa tuʼzíʼ xibé naʼa dza, nupa naʼ nuhuö́laj nudzë́ʼegaca yöl-laʼ tsahuiʼ quiuʼ. Nayángacabiʼ zxíʼinigaquiëʼ, ateʼ tuʼcáʼanëʼ lu náʼagacabiʼ le dë sizxöni quégaquiëʼ.
14133	PSA 18:3	Ruzóëʼ Xanruʼ nedaʼ tsutsu, en rapa chiʼë nedaʼ, en rusölë́ʼ nedaʼ. Náquiëʼ Dios quiaʼ, en Nu rutipa ládxaʼa, ateʼ ruzxöni ládxaʼa Lëʼ. Rácalenëʼ nedaʼ lu gudil-la: Rusölë́ʼ nedaʼ, en rizönëʼ nedaʼ.
14134	PSA 18:4	Rulidzaʼ-nëʼ Xanruʼ Nu ral-laʼ cúʼuruʼ yöl-laʼ ba, ateʼ usölë́ʼ nedaʼ lu náʼagaca nupa tuʼdíʼi nedaʼ.
14137	PSA 18:7	Lu le guca quiaʼ bulidzaʼ-nëʼ Xanruʼ. Bulidzaʼ-nëʼ Dios quiaʼ para gácalenëʼ nedaʼ. Ga naʼ zoëʼ lataj láʼayi queëʼ biyönnëʼ chiʼa. Buzë́ naguëʼ le gunabi yúdxidaʼ Lëʼ.
14140	PSA 18:10	Benëʼ ga bötaj lúzxiba, en bö́tajëʼ Lë cazëʼ, ateʼ guzóa zxan niʼë le naca chul-la.
14141	PSA 18:11	Gudödëʼ lu böʼös dxíëʼ tu le nayë́pisë nazíʼi le querubín. Carelö gudödëʼ tu lu böʼ budunuʼ.
14142	PSA 18:12	Busubagaʼ cuinëʼ le naca chúl-lasö. Lë naʼ naca böaj gasaj le richë́ʼlëʼe nisa.
14143	PSA 18:13	Lu le rëpi yösa queëʼ lu böaj gasaj naʼ bilaʼrúaj boʼ yalaj, en guiö́j böguiʼ yöla sunna.
14144	PSA 18:14	Gunnë́ guziúʼ que chiʼë Xanruʼ lúzxiba xitsáʼ. Biyö́n chiʼë Dios nayë́pisëtërëʼ, lu dzön, en yuguʼ lu boʼ yalaj, en lu guiö́j böguiʼ yöla sunna.
14145	PSA 18:15	Gusö́l-lëʼë yuguʼ yaga lahui tuchiʼ queëʼ, en bësilásiëʼ nupa naʼ tuʼdíʼi nedaʼ. Gusö́l-lëʼë yuguʼ yösa queëʼ yuguʼ le buluʼcul-la léguequi.
14148	PSA 18:18	Busölë́ʼ nedaʼ lu naʼ nu bitiʼ riléʼe nedaʼ dxiʼa, en nál-latërö, encaʼ lu náʼagaca nupa tuʼdíʼi nedaʼ, en nál-lágacatërö ca nedaʼ.
14150	PSA 18:20	Bubéajëʼ nedaʼ, en buzóëʼ nedaʼ tu lu lataj zxön. Busölë́ʼ nedaʼ tuʼ guyaza ládxëʼë nedaʼ.
14152	PSA 18:22	tuʼ runaʼ ca naca le rusë́dinëʼ Xanruʼ nedaʼ, en bitiʼ caʼ ridáʼbagaʼa Lëʼ.
14156	PSA 18:26	Ruhuéchiʼ ládxuʼu nupa tuʼhuechiʼ ladxiʼ luzë́ʼeguequi, en nacuʼ idú dxiʼa len nupa nácagaca idú dxiʼa.
14166	PSA 18:36	Lu yöl-laʼ rusölá quiuʼ run chiʼu nedaʼ. Len noʼo nál-la rizönuʼ nedaʼ, en lu yöl-laʼ dxiʼi ladxiʼ quiuʼ nunuʼ ga nayë́pisëtëraʼ.
14169	PSA 18:39	Gudinaʼ léguequi luyú, ateʼ bitiʼ guca uluʼhuöása. Gulaʼdzö́ʼö zxan niʼa.
14173	PSA 18:43	Buzxuzxjaʼ léguequi ca bëchtö yu nachë́ʼ lu böʼös. Bulibaʼ léguequi ca rulibaʼ gunaʼ laʼ nöza.
14179	PSA 18:49	Rusölë́ʼ nedaʼ lu náʼagaca nupa bitiʼ taʼléʼe nedaʼ dxiʼa. Le nácatë runëʼ ga rucul-laʼ nupa taʼdáʼbagaʼ nedaʼ, en rusölë́ʼ nedaʼ lu naʼ bönniʼ ridzáʼa.
14181	PSA 18:51	Rusölá cazëʼ Xanruʼ bönniʼ rinná bëʼë uláz queëʼ, en nadxíʼiticaʼsëʼ nu naʼ nabö́ cazëʼ, nu naʼ naca David, en yuguʼ zxíʼini xiʼsóëʼ ga idxinrö dza udxi.
14185	PSA 19:4	Bitiʼ zoa didzaʼ tuíʼi, en bitiʼ riyö́n tu le taʼnná. Bitiʼ riyö́n chíʼiguequi.
14191	PSA 19:10	Dxíʼadoʼ naca gádxiruʼ-nëʼ Xanruʼ, para sóaticaʼsiruʼ. Idú li naca ca ruchiʼa rusörö́ëʼ Xanruʼ bönachi, en idú tsahuiʼ.
14192	PSA 19:11	Nazácaʼgacatërö didzaʼ naʼ ca oro, encaʼ ca oro ba nequi. Nácagacatërö zxixi ca bidxinaʼ buz, en ca le zxixi queë́baʼ.
14194	PSA 19:13	¿Nuzxi caz gaca inö́z channö richixi rinigui? Busölá nedaʼ lu dul-laʼ nunaʼ le cabí gúquibeʼedaʼ benaʼ.
14198	PSA 20:2	Rinábidaʼ-nëʼ Xanruʼ uzë́ naguëʼ liʼ cateʼ idxín dza quiʼi sacuʼu. Dios queëʼ Jacob gácalenëʼ liʼ.
14199	PSA 20:3	Rinábidaʼ-nëʼ isö́l-lëʼë le gácalen liʼ le irúaj lataj láʼayi queëʼ. Lë naʼ irúaj Sión gun ga gacuʼ tsutsu.
14201	PSA 20:5	Rinábidaʼ-nëʼ gunnëʼ quiuʼ tsca naca le rizë́ ládxuʼu, en gunëʼ ga gácatë yúguʼtë le rizáʼ ládxuʼu.
14202	PSA 20:6	Udzéjatuʼ cateʼ usölë́ʼ liʼ, en uchísatuʼ le gaca bëʼ rulidztuʼ-nëʼ Dios queë́ruʼ. Rinábidaʼ-nëʼ Xanruʼ gunnëʼ quiuʼ yúguʼtë le rinábinuʼ Lëʼ.
14203	PSA 20:7	Naʼa nözdaʼ rusölë́ʼ Xanruʼ nu nabö́ cazëʼ. Riyönnëʼ nu naʼ nabö́ëʼ ga niʼ zoëʼ yehuaʼ yubá laʼayi queëʼ. Isö́l-lëʼë yöl-laʼ huáca idú queëʼ le usölá nu naʼ.
14206	PSA 20:10	Busölá netuʼ, Xan, tuʼ nacuʼ Nu rinná beʼe netuʼ. Rinábituʼ Liʼ uzë́ naguʼ netuʼ cateʼ ulídzatuʼ Liʼ.
14209	PSA 21:3	Bunödzjuʼ queëʼ le rizë́ ládxëʼë. Bitiʼ gudáʼbaguʼu le gunábinëʼ Liʼ.
14212	PSA 21:6	Zxöntë naca yöl-laʼ zxön queëʼ tuʼ nusölóʼ lëʼ. Nunuʼ lëʼ bal, en nunuʼ ga nayë́pisëʼ.
14214	PSA 21:8	Caní raca queëʼ bönniʼ naʼ rinná bëʼë tuʼ ruzxöni ládxëʼë Xanruʼ. Bitiʼ bi utsáʼ lëʼ tuʼ ruhuéchiʼ ládxëʼë Dios nayë́pisëtërëʼ lëʼ.
14218	PSA 21:12	Caní gunuʼ tuʼ gulë́ʼëniguequinëʼ iluʼë döʼ quiuʼ. Gulún xtídzaʼgaquiëʼ bi ilunëʼ, pero bitiʼ gaca ilunëʼ ca rnna xtídzaʼgaquiëʼ,
14224	PSA 22:4	Láʼayi nacuʼ Liʼ. Zuʼ ga riyö́n yöl-laʼ ba taʼgúʼu bönachi Israel Liʼ.
14229	PSA 22:9	“Lëʼ buzxöni ládxëʼë Xanruʼ para usölë́ʼ lëʼ. Xanruʼ usölë́ʼ lëʼ channö tsaza ládxëʼë lëʼ.”
14230	PSA 22:10	Nacuʼ Liʼ Nu guléaj nedaʼ lë́ʼënu xináʼa. Benuʼ ga ruzxöni ládxaʼa Liʼ cateʼ niʼ gúdxaʼa luchúʼunu xináʼa.
14233	PSA 22:13	Gulaʼguʼë nedaʼ lë́ʼajlö ca tunbaʼ yuguʼ bëdxi. Ca yuguʼ bëdxi que yödzö Basán gulaʼbía diʼë nedaʼ.
14234	PSA 22:14	Taʼsalaj ruáʼagaquiëʼ lahuaʼ nedaʼ ca runbaʼ bëdxi guixiʼ, ridunbaʼ, en ribö́dxiʼabaʼ.
14237	PSA 22:17	Taʼguʼë nedaʼ lë́ʼajlö ca tunbaʼ yuguʼ böʼcuʼ. Nagúʼugaquiëʼ nedaʼ lë́ʼajlö bönniʼ tuʼë döʼ. Nuzóagaquiëʼ yeru blaga naʼa, en niʼa.
14238	PSA 22:18	Naláʼgaca yúguʼtë dxita néquinidaʼ. Taʼnë́ʼë nedaʼ, en tuʼyú yénniëʼ nedaʼ.
14239	PSA 22:19	Taʼguísiëʼ zxaʼ que queë́gaquiëʼ, en tuʼyúëʼ le gaca bëʼ lahui lariʼ rixóa cúdzaʼa.
14242	PSA 22:22	Busölá nedaʼ lu ruáʼagacabaʼ bëdxi guixiʼ, en lu lúzugacabaʼ bëdxi gúʼuna. Liʼ riyö́n quézinuʼ chiʼa.
14247	PSA 22:27	Ilágugaca nupa nácagaca nöxaj ladxiʼ, en uluʼhuölaj uluʼdzëʼe. Nupa taʼguilaj Xanruʼ, en taʼgúʼu Lëʼ yöl-laʼ ba uluʼzíʼticaʼsö xibë́ʼ.
14254	PSA 23:2	Runëʼ ga ruzíʼ ládxaʼa ca túngacabaʼ böʼcuʼ zxilaʼ tuʼzíʼ ládxiʼbaʼ gapa dëdaʼ le ilágubaʼ. Ga naca raʼ nisa rizáʼ tsahuiʼ ládxiʼdoʼ richë́ʼë nedaʼ.
14255	PSA 23:3	Runëʼ ga ruhuöáca ládxaʼa. Richë́ʼë nedaʼ ga naca nöza tsahuiʼ tuʼ nadxíʼinëʼ nedaʼ.
14262	PSA 24:4	Huáca bönniʼ naʼ naca dxiʼa ca runëʼ, en ca rizáʼ ládxëʼë, bönniʼ naʼ bitiʼ runëʼ bal budóʼ guiö́j budóʼ yaga, en bitiʼ rizíʼ yëʼë cateʼ rizíʼ lu nëʼë bi gunëʼ.
14263	PSA 24:5	Gunëʼ Xanruʼ ga gaca dxiʼa queëʼ bönniʼ naʼ. Caní gunnë́ʼ Dios, Nu rusölá lëʼ, en náquiëʼ tsahuiʼ.
14265	PSA 24:7	Guliʼsalaj ga nu riyaza yödzö laʼayi. Guliʼsalaj ga nu riyaza xilatjëʼ Dios le nuzóëʼ tsaz, ateʼ tsáziëʼ Bönniʼ unná bëʼ nayë́pisëtërëʼ.
14266	PSA 24:8	¿Nuzxi caz Bönniʼ unná bëʼ nayë́pisëtërëʼ naʼ? Náquiëʼ Xanruʼ nál-latërëʼ, en nápatërëʼ yöl-laʼ huáca, Lëʼ, Xanruʼ, Nu rideliʼ lu gudil-la.
14267	PSA 24:9	Guliʼsalaj ga nu riyaza yödzö laʼayi. Guliʼsalaj ga nu riyaza xilatjëʼ Dios le nuzóëʼ tsaz, ateʼ tsáziëʼ Bönniʼ unná bëʼ nayë́pisëtërëʼ.
14268	PSA 24:10	¿Nuzxi caz Bönniʼ unná bëʼ nayë́pisëtërëʼ naʼ? Náquiëʼ Xanruʼ Dios quéguequi niʼa nëʼë guizxi yu. Lëʼ náquiëʼ Bönniʼ unná bëʼ nayë́pisëtërëʼ naʼ.
14271	PSA 25:3	Bitiʼ ilaʼbö́ʼ böniga nupa tun löza Liʼ, pero uluʼtuíʼi nupa taʼdáʼbagaʼ xtídzuʼu.
14272	PSA 25:4	Buluíʼi nedaʼ le rë́ʼënuʼ gunaʼ, Xan, en buzéajniʼi nedaʼ le raza ládxuʼu Liʼ.
14277	PSA 25:9	Ca naca le naca tsahuiʼ richë́ʼë Dios nupa nácagaca nöxaj ladxiʼ, en ruluíʼinëʼ nupa nácagaca doʼ ladxiʼ le rë́ʼënëʼ ilún.
14278	PSA 25:10	Lu yöl-laʼ ruhuéchiʼ ladxiʼ queëʼ, en yöl-laʼ rusudxín didzaʼ queëʼ, richë́ʼë Xanruʼ nupa tun ca rinná bëʼ xibá naguixjëʼ, en ca naca didzaʼ rucáʼana tsahuiʼ nunëʼ.
14283	PSA 25:15	Ruyúticaʼsaʼ guídëʼ Xanruʼ gácalenëʼ nedaʼ, tuʼ usölë́ʼ nedaʼ lu naʼ nu rë́ʼëni sön nedaʼ.
14293	PSA 26:3	tuʼ richë́ʼ yöl-laʼ dxiʼi ladxiʼ quiuʼ nedaʼ, ateʼ runaʼ ca naca le naca idútë li quiuʼ.
14294	PSA 26:4	Bitiʼ runaʼ tsözxö́n nupa taʼzíʼ yëʼ, en bitiʼ ridálenaʼ nupa tuʼluíʼisö cuínguequi tsahuiʼ.
14299	PSA 26:9	Bitiʼ usunítiuʼ nedaʼ tsözxö́n len nupa tun dul-laʼ, en bitiʼ gútiuʼ nedaʼ len nupa tuti bönachi,
14303	PSA 27:1	Náquiëʼ Xanruʼ Dios beníʼ quiaʼ, en Nu rusölá nedaʼ. ¿Nuzxi caz ral-laʼ gádxidaʼ? Rapa chiʼë Xanruʼ Dios caz yöl-laʼ naʼbán quiaʼ. ¿Nuzxi caz gaca gun ga gadxi idzö́bidaʼ?
14307	PSA 27:5	Cateʼ idxín dza soa bönadxi quiaʼ, ucáchëʼë Lëʼ nedaʼ lu yuʼu lidxëʼ. Ga nagachiʼ lu yuʼu lidxëʼ ucáchëʼë nedaʼ. Uzóëʼ nedaʼ tsutsu ca tu lu guiö́jtoʼo.
14308	PSA 27:6	Gunëʼ ga ucul-laʼ nupa tuʼdíʼi nedaʼ, ateʼ lu yöl-laʼ rudzeja quiaʼ cö́dxiʼaticaʼsaʼ cateʼ bi unödzjaʼ queëʼ lu yuʼu lidxëʼ. ¡Gul-laʼ queëʼ! ¡Ön, gul-laʼ queëʼ Xanruʼ yöl-laʼ ba!
14309	PSA 27:7	Buzë́ naguʼ, Xan, cateʼ ulidzaʼ Liʼ. Buzáʼ ladxiʼ quiaʼ, en bubíʼi didzaʼ ca naca le inábidaʼ Liʼ.
14313	PSA 27:11	Busedi nedaʼ para gunaʼ ca rë́ʼënuʼ Liʼ, Xan. Buluíʼi nedaʼ para gunaʼ le naca tsahuiʼ, tuʼ nacuáʼ nupa taʼdáʼbagaʼ nedaʼ.
14314	PSA 27:12	Bitiʼ usanuʼ nedaʼ lu náʼagaca nupa bitiʼ taʼléʼe nedaʼ dxiʼa para cabí ilún quiaʼ le të́ʼëni. Taʼdáʼbagaʼ nedaʼ nupa taʼzíʼ yëʼ, en nupa të́ʼëni iluáʼ döʼ quiaʼ.
14315	PSA 27:13	Guzxíʼ lu nëʼë Xanruʼ Dios gunëʼ ga iléʼedaʼ le naca dxiʼa, en le naca tsahuiʼ queëʼ ga nacuáʼ nupa nabángaca. Laʼtuʼ cabí réajlëʼa lë ni, chibö́aj ládxaʼa.
14317	PSA 28:1	Rulidzaʼ Liʼ, Xan. Nacuʼ Guiö́j le ruzóa nedaʼ tsutsu. Ruzë́ naguʼ chiʼa, tuʼ channö usayjuʼ ruʼu, gacaʼ ca tu bönniʼ raziëʼ lataj chul-la.
14318	PSA 28:2	Ruzë́ naguʼ le rulidzaʼ Liʼ cateʼ rinábidaʼ Liʼ gácalenuʼ nedaʼ, cateʼ richisaʼ naʼa zacaʼ Lataj Láʼayi ga naʼ zuʼ.
14319	PSA 28:3	Bitiʼ ichëʼu nedaʼ tsözxö́n len nupa tuáʼ döʼ, en tsözxö́n len nupa nácagaca xihuiʼ, nupa naʼ tuíʼi didzaʼ dxiʼa lahuiʼ lógaca dzaga yuʼu quéguequi, pero yuʼu ládxiʼdoʼguequi le cabí naca tsahuiʼ.
14320	PSA 28:4	Bubíʼi quéguequi tsca naca le tun, en tsca naca döʼ ruíʼigaca. Bubíʼi quéguequi tsca naca le tun në́ʼeguequi. Bubíʼi quéguequi tsca ral-laʼ gaca quéguequi.
14323	PSA 28:7	Xanruʼ caz náquiëʼ yöl-laʼ huáca quiaʼ, en le run chiʼi nedaʼ. Ruzxöni ládxaʼa Lëʼ, ateʼ rácalenëʼ nedaʼ. Que lë ni naʼ ruzíʼ xibë́ʼ ládxiʼdaʼahuaʼ, ateʼ gul-laʼ le guíaʼ Lëʼ: “Xclenuʼ.”
14325	PSA 28:9	Busölá bönachi quiuʼ, Dios, en ben ga gaca dxiʼa quéguequi nupa néquiguequi quiuʼ. Ben chiʼi léguequi ca run tu nu ruyú böʼcuʼ zxilaʼ, en guchë́ʼticaʼsö léguequi.
14326	PSA 29:1	¡Guliʼcuʼë yöl-laʼ ba Xanruʼ, libíʼiliʼ, nácaliʼ zxíʼinigaquiëʼ bönniʼ nayë́pisëgaquiëʼ! ¡Guliʼcuʼë yöl-laʼ ba Xanruʼ, en guliʼguíëʼ: “Napuʼ yöl-laʼ huáca idú”!
14328	PSA 29:3	Riyö́n chiʼë Xanruʼ lu nísadoʼ. Riyö́n chiʼë Xanruʼ nayë́pisëʼ ca riyö́n guziúʼ rinnë́. Riyö́n chiʼë Xanruʼ lu nísadoʼ.
14329	PSA 29:4	Nál-latërö naca chiʼë Xanruʼ. Nayë́pisëtërö chiʼë Xanruʼ.
14331	PSA 29:6	Runëʼ Xanruʼ ga taʼxitiʼ guíʼa ca tunbaʼ bë́dxidoʼ. Taʼxitiʼ guíʼa Líbano, en guíʼa Sirión ca tunbaʼ bëdx guíʼa.
14334	PSA 29:9	Chiʼë Xanruʼ run ga taʼbéquibaʼ bidxinaʼ guixiʼ böaʼ huë́ʼënidoʼ quégacabaʼ, en run ga taʼguínnaj yúguʼtë lagaʼ dxíagaca yuguʼ yaga. Lu yudoʼ queëʼ tuíʼi didzaʼ yúguʼtë le nacuáʼ, taʼnná: “¡Yöl-laʼ ba Lëʼ!”
14335	PSA 29:10	Guröʼë gunná bëʼë Xanruʼ cateʼ gurö́ʼö nisa lu idútë yödzölió. Ön, röʼë rinná bë́ʼticaʼsëʼ Xanruʼ.
14342	PSA 30:6	Tu chíʼisö rilenëʼ, pero ruzáʼ ládxiʼticaʼsëʼ queë́ruʼ. Channö cö́dxiruʼ tu yëla, lu yöl-laʼ rudzeja queë́ruʼ cö́dxiʼaruʼ itö́ yu.
14347	PSA 30:11	Ruzë́ naguʼ, Xan, en ruzáʼ ládxuʼu quiaʼ. Gúcalen nedaʼ, Xan.
14352	PSA 31:3	Ruzë́ naguʼ quiaʼ, en rusölóʼ nedaʼ. Gacuʼ ca tu guiö́jtoʼo ga soaʼ tsutsu, en ca tu ga soaʼ dxiʼa tsáhuiʼdoʼ lu gudil-la.
14353	PSA 31:4	Nacuʼ Liʼ guiö́jtoʼo ga zoaʼ tsutsu, en le run chiʼi nedaʼ. Para gaca yöl-laʼ ba que Loʼ guchë́ʼ nedaʼ, en buluíʼi nedaʼ le dxiʼa gunaʼ.
14356	PSA 31:7	Bitiʼ riléʼedaʼ dxiʼa nupa tun zxön budóʼ guiö́j budóʼ yaga, pero nedaʼ ruzxöni ládxaʼa Liʼ, Xan.
14360	PSA 31:11	Riyechiʼ dza quiaʼ tuʼ ruhuíʼinideʼedaʼ, en tuʼ rinnë́ ládxaʼa, en riyechiʼ iz quiaʼ. Rudú ládxaʼa tuʼ nözi döʼ nuʼa, ateʼ nadxita idútë le nacaʼ.
14363	PSA 31:14	Biyöndaʼ didzaʼ ziʼ taʼnnë́ bönachi zián quiaʼ bagáchiʼsö. Gátiʼtës zoa le run gadxi nedaʼ. Tun xtídzaʼgaca bi ilún quiaʼ. Taʼzáʼ ládxiʼgaca nacxi iluti nedaʼ,
14368	PSA 31:19	Ben ga bitiʼ gaca bi inná nu rizíʼ yëʼ, nu naʼ rinnë́ ziʼ queëʼ bönniʼ tsahuiʼ, en run ba zxön cuini, en rulidza ditaj luzë́ʼe.
14371	PSA 31:22	¡Yöl-laʼ ba Xanruʼ Dios, tuʼ buluíʼinëʼ nedaʼ ca nadxíʼinëʼ nedaʼ cateʼ niʼ zoaʼ tu yödzö ga nagúʼugaquiëʼ lë́ʼajlö bönniʼ tuʼtíl-lalenëʼ nedaʼ!
14377	PSA 32:3	Cateʼ guzóaʼ dxisö ca naca dul-laʼ quiaʼ, budú ládxaʼa tuʼ gunnë́ticaʼsö ládxaʼa.
14378	PSA 32:4	Rëla, en te dza buquíʼi busácuʼu nedaʼ, Dios. Budú ládxaʼa ca raca cateʼ röʼ bö́chila.
14383	PSA 32:9	Bitiʼ gacuʼ ca tu böaʼ o tu mula cabí taʼyéajniʼibaʼ. Ral-laʼ cuʼu guíë en du rúʼugacabaʼ para inná béʼenuʼ légacabaʼ.” Channö cabí gunuʼ caní, bitiʼ caʼ ilunbaʼ ca rë́ʼënuʼ.
14385	PSA 32:11	Buliʼdzéjalenëʼ Xanruʼ, en buliʼsíʼ xibë́ʼ, libíʼiliʼ nácaliʼ tsahuiʼ lahuëʼ Lëʼ. Lu yöl-laʼ rudzeja queë́liʼ guliʼcö́dxiʼa, libíʼiliʼ nácaliʼ idú dxiʼa.
14386	PSA 33:1	Lu yöl-laʼ rudzeja queë́liʼ guliʼgul-la lahuëʼ Xanruʼ, libíʼiliʼ nácaliʼ tsahuiʼ lahuëʼ Lëʼ. Nupa nácagaca tsahuiʼ ral-laʼ ilaʼgúʼu Lëʼ yöl-laʼ ba.
14388	PSA 33:3	Guliʼgul-la queëʼ tu le rul-la cubi. Guliʼquinnaj dxíʼadoʼ, en lu yöl-laʼ rudzeja queë́liʼ guliʼcö́dxiʼa.
14391	PSA 33:6	Len didzaʼ bë́ʼësëʼ Xanruʼ, benëʼ lúzxiba, en benëʼ yúguʼtë bölaj beníʼ len böʼ rirúaj ruʼë.
14392	PSA 33:7	Rutubëʼ nisa röʼö nísadoʼ para gaca ca tu guíʼa. Napa chiʼë nisa röʼö zili ga naʼ nupë́ʼë xilataj.
14394	PSA 33:9	Bë́ʼësëʼ didzaʼ Xanruʼ, ateʼ laʼ gúcatë ca naʼ gunnë́ʼ.
14395	PSA 33:10	Gunná bëʼë, ateʼ guca tsutsu le nunëʼ. Runëʼ Xanruʼ ga tuʼhuöáca cáʼasö didzaʼ túngaca bönachi yuguʼ yödzö. Runëʼ ga bitiʼ ilaca le të́ʼëni ilúngaca bönachi.
14397	PSA 33:12	Bicaʼ bágaca bönachi yödzö naʼ náquiëʼ Xanruʼ cazëʼ Dios quéguequi, bönachi naʼ nabö́ cazëʼ Dios para ilaca quez queëʼ.
14401	PSA 33:16	Bitiʼ caʼ ulë́ʼ bönniʼ unná bëʼ nacuáʼ queëʼ bönniʼ guizxi yu röjáquiëʼ gudil-la. Bitiʼ ulë́ʼ bönniʼ zoëʼ gudil-la tuʼ nál-latërëʼ.
14404	PSA 33:19	para usölë́ʼ léguequi lu yöl-laʼ guti, en para ugahuëʼ léguequi cateʼ tsuʼu gubín.
14409	PSA 34:2	¡Innë́ticaʼsaʼ queëʼ Xanruʼ náquiëʼ dxiʼa! ¡Cúʼuticaʼsaʼ Lëʼ yöl-laʼ ba!
14411	PSA 34:4	Guliʼgüíʼ zxönëʼ Xanruʼ tsözxö́n len nedaʼ, en tsözxö́n usiyönruʼ bönachi ca naca Lëʼ Laʼayi.
14412	PSA 34:5	Bulidzaʼ-nëʼ Xanruʼ, ateʼ bubiʼë didzaʼ quiaʼ, en busölë́ʼ nedaʼ lu yuguʼ le gúdxidaʼ.
14413	PSA 34:6	Nupa nácagaca queëʼ bilaʼdxín lahuëʼ, en buluʼzíʼ xibë́ʼ. Bítiʼrö caz uluʼtuíʼi nupa naʼ.
14414	PSA 34:7	Bulidzaʼ-nëʼ Xanruʼ, ateʼ biyönnëʼ quiaʼ nedaʼ, bönniʼ yechiʼ, en busölë́ʼ nedaʼ lu yúguʼtë le guca quiaʼ.
14415	PSA 34:8	Gubáz láʼayi que yaʼabá queëʼ Xanruʼ tapa chiʼë nupa tadxi Lëʼ, en tuʼsölë́ʼ léguequi lu yúguʼtë le raca quéguequi.
14416	PSA 34:9	Guliʼsíʼ bëʼë, ateʼ inö́ziliʼ náquiëʼ Xanruʼ dxiʼa. ¡Bicaʼ ba bönniʼ ruzxöni ládxëʼë Lëʼ!
14419	PSA 34:12	Guliʼdá libíʼiliʼ, bíʼidoʼ, en buliʼzë́ nágaliʼ xtídzaʼa. Uzéajniʼidaʼ libíʼiliʼ para gádxiliʼ-nëʼ Xanruʼ.
14420	PSA 34:13	¿Nuzxi caz bönniʼ rë́ʼënëʼ soëʼ ibanëʼ, en rë́ʼënëʼ soëʼ iz zián para uziʼë xibé le naca dxiʼa?
14423	PSA 34:16	Ruyúticaʼsëʼ Xanruʼ nupa nácagaca tsahuiʼ, en riyö́n quézinëʼ cateʼ tuʼlidza Lëʼ.
14424	PSA 34:17	Uzáguëʼë Xanruʼ xinö́zgaca nupa tuáʼ döʼ, en gunëʼ ga cuntu nu tsöjné léguequi.
14425	PSA 34:18	Nupa nácagaca tsahuiʼ tuʼlidza Xanruʼ, ateʼ riyönnëʼ quéguequi, en rusölë́ʼ léguequi lu yuguʼ le raca quéguequi.
14426	PSA 34:19	Xanruʼ zóalen cazëʼ nupa tuʼhuíʼini ladxiʼ, en rusölë́ʼ nupa nácagaca nöxaj ladxiʼ.
14427	PSA 34:20	Zián le riguíʼi rizáquëʼë bönniʼ tsahuiʼ, pero Xanruʼ rusölë́ʼ lëʼ lu yúguʼtë lë naʼ.
14432	PSA 35:2	Guzxö́n le gun chiʼi nedaʼ lu gudil-la, en gudá gácalenuʼ nedaʼ.
14433	PSA 35:3	Guzxö́n yaga tuchiʼ quiuʼ para uzaguʼu xinö́zguequi nupa taʼzóa reguʼ nedaʼ. Gudxi böʼ naca cazaʼ nacuʼ Liʼ Nu rusölá nedaʼ.
14434	PSA 35:4	Ben ga uluʼtuíʼi, en uluʼgáʼana cáʼasö nupa të́ʼëni iluti nedaʼ. Ben ga uluʼhuécaj, en uluʼgáʼana cáʼasö nupa të́ʼëni iluíʼi döʼ quiaʼ.
14437	PSA 35:7	Buluʼcáchiʼ du yalaj le sön nedaʼ, en bitiʼ bi nunaʼ quéguequi. Gulaʼchö́ʼöna yeru ga tsöjbixaʼ, en bitiʼ bi nunaʼ quéguequi.
14438	PSA 35:8	Ben ga idxín quéguequi tsálidoʼos le usuniti léguequi, en ben ga du yalaj naʼ buluʼcáchiʼ sön laʼ cuínguequi quez. Ben ga ilaʼbixi lu yeru naʼ gulaʼchö́ʼöna.
14441	PSA 35:11	Taʼdáʼbaguëʼë bönniʼ xihuiʼ nedaʼ, en taʼnnë́ʼ quiaʼ. Taʼnabi yúdxinëʼ nedaʼ ca naca yuguʼ le cabí nözdaʼ.
14445	PSA 35:15	pero cateʼ guchixi guníguidaʼ nedaʼ, buluʼdzéjadeʼe, en buluʼdubi tsözxö́n. Yuguʼ bönniʼ naʼ buluʼcáʼanëʼ nedaʼ cáʼasö buluʼdubëʼ para ilunëʼ ga cöʼa baguíʼi. Yuguʼ bönniʼ naʼ bitiʼ núnbëʼa gulúnnaticaʼsëʼ nedaʼ.
14450	PSA 35:20	Catu caz tuíʼi didzaʼ le gun ga soa dxisö didzaʼ bizxaj. Lu yöl-laʼ rizíʼ yëʼ quéguequi taʼnnë́ quégaca nupa taʼbö́ʼ dxiʼa tsáhuiʼdoʼ yödzölió ni.
14451	PSA 35:21	Buluʼsalaj ruíʼiguequi, en gulaʼnnë́ quiaʼ, gulaʼnná: “¡Ön, biléʼe quézituʼ le nunëʼ!”
14453	PSA 35:23	¡Guyasa, Xan! ¡Busubán ládxuʼu, Xan, para uchiʼa usörö́uʼ quiaʼ! ¡Gúcalen nedaʼ, Xanaʼ Dios!
14454	PSA 35:24	¡Tuʼ nacuʼ tsahuiʼ, buchiʼa busörö́ quiaʼ, Xanaʼ Dios! ¡Bitiʼ guʼu léguequi lataj uluʼdzeja niʼa que le raca quiaʼ!
14455	PSA 35:25	¡Bitiʼ guʼu léguequi lataj ilaʼnná: “Ön, bidéliʼruʼ le guzë́ ládxiʼruʼ”! ¡Bitiʼ guʼu lataj ilaʼnná: “Chibucúl-laruʼ lëʼ”!
14457	PSA 35:27	¡Ben ga ilaʼbö́dxiʼa lu yöl-laʼ rudzeja quéguequi, en uluʼzíʼ xibé nupa tuíʼi ládxiʼgaca urúajaʼ tsahuiʼ! ¡Bëʼ lataj ilaʼnnáticaʼsö: “Nayë́pisëtërëʼ Xanruʼ Dios, tuʼ raza ládxëʼë gunëʼ ga gaca dxiʼa quégaca huen dxin queëʼ”!
14461	PSA 36:3	Tuʼ run ba zxön cuinëʼ réquinëʼ bitiʼ nö́zinëʼ Dios nabáguëʼë lëʼ dul-laʼ, en bitiʼ ichúguiëʼ Dios queëʼ.