13950	PSA 2:1	¿Bizx que tuʼtsatsa bönachi yuguʼ yödzö en tuʼpáʼa nítisö le ilúngaca?
13952	PSA 2:3	taʼnná: “Uzxuzxaj uquínnajruʼ le taʼnná béʼenëʼ rëʼu, en chúʼunaruʼ yuguʼ le tuʼzenëʼ bach rëʼu.”
13955	PSA 2:6	Innë́ʼ: “Nuzóa cazaʼ bönniʼ nabö́ cazaʼ xilatjëʼ ga inná bëʼë. Inná bëʼë lu Guíʼa Sión, le naca guíʼa láʼayi quiaʼ.”
13956	PSA 2:7	Quíxjöiʼidaʼ libíʼiliʼ didzaʼ nuzóëʼ tsaz Dios. Xanruʼ Dios gudxi cazëʼ nedaʼ: “Liʼ nacuʼ Zxíʼinaʼ. Naʼa dza nuzóa cazaʼ Liʼ.
13958	PSA 2:9	Quitsjuʼ léguequi len tu xiyaga guíë. Uzxuzxjuʼ léguequi ca run nu riláʼa tu zxigaʼ yö́ʼöna.”
13961	PSA 2:12	Guliʼgún bal Zxíʼinëʼ Dios para cabí ilétenëʼ, en para cabí udxi queë́liʼ laʼ nöza. Laʼ ilentë yöl-laʼ rilé queëʼ. ¡Bicaʼ ba yúguʼtë nupa tuʼzxöni ladxiʼ Lëʼ!
13964	PSA 3:3	Zián nupa taʼnnë́ quiaʼ, taʼnná: “Bitiʼ usölë́ʼ Dios lëʼ.”
13969	PSA 3:8	¡Guyasa, Xan! ¡Busölá nedaʼ, Dios quiaʼ! Budxía huëʼ xágaʼgaca nupa tuʼdíʼi nedaʼ, en buquínnajdaʼ nupa nácagaca xihuiʼ.
13970	PSA 3:9	Xan, rusölá cazuʼ bönachi quiuʼ. Ben ga gaca dxiʼa quégaca bönachi quiuʼ. ¡Caʼ gaca!
13973	PSA 4:3	Rnnëʼ Dios: “Libíʼiliʼ, bönachi, ¿gácaʼxte ulidza dítajliʼ nedaʼ? ¿Gácaʼxte caz idxíʼiliʼ le cabí nazacaʼ, en güíʼi ládxiʼliʼ le cabí naca?”
13977	PSA 4:7	Zián nupa taʼnná: “¿Nuzxi caz gun ga gaca dxiʼa queë́ruʼ?” Lu yöl-laʼ dxiʼi ladxiʼ quiuʼ buyú netuʼ, Xan.
13996	PSA 6:4	Röʼö böniga idútë le nacaʼ. ¿Gácaʼxte caz gaca caní, Xan?
14021	PSA 7:18	Guíaʼ-nëʼ Xanruʼ: “Xclenuʼ” tuʼ náquiëʼ tsahuiʼ, en gul-laʼ yöl-laʼ ba que Lëʼ Xanruʼ, Nu nayë́pisëtërö.
14023	PSA 8:2	¡Xanaʼ Dios, bicaʼ ba Loʼ idútë yödzölió! ¡Xitsáʼtërö ca lúzxiba nayë́pisuʼ Liʼ!
14026	PSA 8:5	níʼirö rnníaʼ: ¿Bizxi caz bönniʼ, tuʼ röjné cazuʼ lëʼ? ¿Bizxi caz nu naca bönáchisö, tuʼ ruíʼi ládxuʼu Liʼ nu naʼ?
14031	PSA 8:10	¡Xanaʼ Dios, bicaʼ ba loʼ idútë yödzölió!
14033	PSA 9:2	¡Idú ládxaʼa riguʼa Liʼ yöl-laʼ ba, Xan! ¡Usiyöndaʼ bönachi ca naca yúguʼtë yöl-laʼ huáca nunuʼ!
14034	PSA 9:3	¡Udzéjadaʼ, en uziʼa xibóʼ! ¡Gul-laʼ yöl-laʼ ba que Loʼ, tuʼ nayë́pisëtëruʼ!
14035	PSA 9:4	¡Taʼzxunnaj nupa taʼdáʼbagaʼ nedaʼ! ¡Taʼdzö́ʼö, en tuʼniti loʼ Liʼ,
14036	PSA 9:5	tuʼ nubéajuʼ tsahuiʼ le naca dxiʼa runaʼ! ¡Röʼu ga rinná bëʼu, en ruchiʼa rusörö́uʼ queë́tuʼ ca naca le naca tsahuiʼ!
14053	PSA 10:1	¿Bizx que zuʼ ziʼtuʼ, Xan? ¿Bizx que rucachiʼ loʼ cateʼ bi raca quiaʼ?
14058	PSA 10:6	Rëʼ laʼ cuinsëʼ: “Gatga ichíxidaʼ. Catu caz bi gaca quiaʼ.”
14063	PSA 10:11	Rëʼ laʼ cuinsëʼ: “Nal-la ládxëʼë Dios. Nucachiʼ lahuëʼ, en bitiʼ caʼ riléʼenëʼ le runaʼ.”
14064	PSA 10:12	¡Guyasa, Xan! ¡Gulís noʼo, Dios! ¡Bitiʼ gal-la ládxuʼu nupa taʼguíʼi taʼzacaʼ!
14065	PSA 10:13	¿Bizx que bönniʼ naʼ ruʼë döʼ nuzóëʼ Dios tsöláʼalö? Gudxëʼ laʼ cuinsëʼ: Bitiʼ uzíʼ lëʼ Dios nedaʼ.
14071	PSA 11:1	Ruzxöni ládxaʼa Xanruʼ gácalenëʼ nedaʼ. ¿Naruʼ guíëtsoʼ nedaʼ: “Buzxúnnaj lu guíʼa ca runbaʼ biguínnidoʼ”?
14073	PSA 11:3	Channö ilaʼguínnaj yuguʼ le tuʼzóa tsutsu le naca dxiʼa, ¿bizxi caz gaca gun nu naca tsahuiʼ?
14074	PSA 11:4	¡Zoa cazëʼ Xanruʼ yudoʼ láʼayi queëʼ! Yehuaʼ yubá zoa ga röʼë rinná bëʼë Xanruʼ Dios. Riléʼe guiö́j lahuëʼ para uyúëʼ le tun bönachi.
14082	PSA 12:5	Taʼnná: “Güíʼiruʼ didzaʼ ca rizësö ládxiʼruʼ, ateʼ cuntu nu táʼbagaʼ rëʼu. ¿Nuzxi caz inná beʼe rëʼu ca naca didzaʼ ruíʼiruʼ?”
14083	PSA 12:6	Rnnëʼ Xanruʼ: “Naʼa guídaʼ tuʼ nacuáʼ nupa tun ziʼ nupa taʼyadzaj taʼyudxi, ateʼ rinnë́ ládxiʼgaca nupa ni tuʼ zoa nu ribía no léguequi. Ca taʼzësö ládxiʼgaca, laʼ guídateaʼ dusöláʼ léguequi.”
14088	PSA 13:2	¿Gácaʼxte caz gal-la ládxuʼu nedaʼ, Xan? ¿Naruʼ tsaz gal-la ládxuʼu nedaʼ? ¿Gácaʼxte caz ucacheʼ cuinuʼ lahuaʼ?
14089	PSA 13:3	¿Gácaʼxte caz gun bayudxi guáʼ ilenaʼ le réquidaʼ ziʼ? ¿Gácaʼxte caz huíʼinidaʼ rëla, en te dza? ¿Gácaʼxte caz ucúl-lágaca nedaʼ nupa taʼdáʼbagaʼ nedaʼ?
14091	PSA 13:5	Níʼirö bitiʼ gaca ilaʼnná nupa taʼdáʼbagaʼ nedaʼ, bitiʼ ilaʼnná: “Bucúl-laruʼ lëʼ.” Bitiʼ gaca uluʼdzeja tuʼ nö́tjadaʼ ládxaʼa nedaʼ.
14096	PSA 14:4	¿Naruʼ cabí taʼyéajniʼi nupa tuáʼ döʼ? Le tun nupa naʼ naca tsca tagu bönachi quiaʼ ca nu ragu yöta. Bitiʼ caʼ tuʼlidza nedaʼ, Xángaca bönachi.
14100	PSA 15:1	¿Nuzxi caz bönachi tsöjsóa xilatjuʼ, Xan? ¿Nuzxi caz tsöjsóa ga naca láʼayi quiuʼ?
14106	PSA 16:2	Lu icja ládxiʼdaʼahuaʼ gudxaʼ-nëʼ Xanruʼ: “Liʼ nacuʼ Xanaʼ. Bítiʼrö bi zoa quiaʼ le naca dxiʼa, pero tuzuʼ Liʼ.”
14132	PSA 18:2	¡Nadxíʼideʼedaʼ Liʼ, Xan! ¡Liʼ rutipa cazuʼ ládxaʼa!
14162	PSA 18:32	¡Tuzëʼ Xanruʼ náquiëʼ Dios! ¡Tuzëʼ Dios rapa chiʼë rëʼu!
14177	PSA 18:47	¡Zoëʼ nabanëʼ Xanruʼ! ¡Yöl-laʼ ba Nu naʼ run chiʼi nedaʼ! ¡Guliʼgún zxön Dios Nu rusölá nedaʼ!
14194	PSA 19:13	¿Nuzxi caz gaca inö́z channö richixi rinigui? Busölá nedaʼ lu dul-laʼ nunaʼ le cabí gúquibeʼedaʼ benaʼ.
14222	PSA 22:2	Dios quiaʼ, Dios quiaʼ, ¿bizx que nusán noʼo nedaʼ? ¿Bizx que bitiʼ riyönnuʼ le rinnëdaʼ ládxaʼa, en bitiʼ rácalenuʼ nedaʼ?
14229	PSA 22:9	“Lëʼ buzxöni ládxëʼë Xanruʼ para usölë́ʼ lëʼ. Xanruʼ usölë́ʼ lëʼ channö tsaza ládxëʼë lëʼ.”
14244	PSA 22:24	¡Guliʼcuʼë Xanruʼ yöl-laʼ ba, libíʼiliʼ naʼ rádxiliʼ-nëʼ! ¡Guliʼgun zxön Lëʼ, yúguʼtëliʼ zxíʼini xiʼsóëʼ Jacob! ¡Guliʼgadxi Lëʼ, yúguʼtëliʼ zxíʼini xiʼsóëʼ Israel!
14261	PSA 24:3	¿Nuzxi caz bönniʼ dë lu nëʼë cuenëʼ guíʼa láʼayi queëʼ Xanruʼ? ¿Nuzxi caz gaca tsaza lu lataj láʼayi queëʼ?
14266	PSA 24:8	¿Nuzxi caz Bönniʼ unná bëʼ nayë́pisëtërëʼ naʼ? Náquiëʼ Xanruʼ nál-latërëʼ, en nápatërëʼ yöl-laʼ huáca, Lëʼ, Xanruʼ, Nu rideliʼ lu gudil-la.
14268	PSA 24:10	¿Nuzxi caz Bönniʼ unná bëʼ nayë́pisëtërëʼ naʼ? Náquiëʼ Xanruʼ Dios quéguequi niʼa nëʼë guizxi yu. Lëʼ náquiëʼ Bönniʼ unná bëʼ nayë́pisëtërëʼ naʼ.
14297	PSA 26:7	para gul-laʼ le guíaʼ Liʼ: “Xclenuʼ” en usiyöndaʼ bönachi ca nácagaca le zxön nunuʼ.
14303	PSA 27:1	Náquiëʼ Xanruʼ Dios beníʼ quiaʼ, en Nu rusölá nedaʼ. ¿Nuzxi caz ral-laʼ gádxidaʼ? Rapa chiʼë Xanruʼ Dios caz yöl-laʼ naʼbán quiaʼ. ¿Nuzxi caz gaca gun ga gadxi idzö́bidaʼ?
14308	PSA 27:6	Gunëʼ ga ucul-laʼ nupa tuʼdíʼi nedaʼ, ateʼ lu yöl-laʼ rudzeja quiaʼ cö́dxiʼaticaʼsaʼ cateʼ bi unödzjaʼ queëʼ lu yuʼu lidxëʼ. ¡Gul-laʼ queëʼ! ¡Ön, gul-laʼ queëʼ Xanruʼ yöl-laʼ ba!
14310	PSA 27:8	Cateʼ Liʼ gudxuʼ nedaʼ: “Buguilaj nedaʼ”, idú ládxaʼa bubiʼa didzaʼ, gunníaʼ: Uguiljaʼ Liʼ, Xan.
14316	PSA 27:14	¡Guliʼgún lözëʼ Xanruʼ! ¡Guliʼgaca tsutsu, en buliʼtipa ládxiʼliʼ! ¡Ön, guliʼgún lözëʼ Xanruʼ!
14322	PSA 28:6	¡Yöl-laʼ ba Xanruʼ, tuʼ riyönnëʼ cateʼ rinábidaʼ Lëʼ gácalenëʼ nedaʼ!
14323	PSA 28:7	Xanruʼ caz náquiëʼ yöl-laʼ huáca quiaʼ, en le run chiʼi nedaʼ. Ruzxöni ládxaʼa Lëʼ, ateʼ rácalenëʼ nedaʼ. Que lë ni naʼ ruzíʼ xibë́ʼ ládxiʼdaʼahuaʼ, ateʼ gul-laʼ le guíaʼ Lëʼ: “Xclenuʼ.”
14326	PSA 29:1	¡Guliʼcuʼë yöl-laʼ ba Xanruʼ, libíʼiliʼ, nácaliʼ zxíʼinigaquiëʼ bönniʼ nayë́pisëgaquiëʼ! ¡Guliʼcuʼë yöl-laʼ ba Xanruʼ, en guliʼguíëʼ: “Napuʼ yöl-laʼ huáca idú”!
14327	PSA 29:2	¡Guliʼcuʼë yöl-laʼ ba Xanruʼ le ral-laʼ gataʼ que Lëʼ tuʼ náquiëʼ láʼayi! ¡Guliʼgún bal Xanruʼ, tuʼ naca lachi le naca láʼayi queëʼ!
14334	PSA 29:9	Chiʼë Xanruʼ run ga taʼbéquibaʼ bidxinaʼ guixiʼ böaʼ huë́ʼënidoʼ quégacabaʼ, en run ga taʼguínnaj yúguʼtë lagaʼ dxíagaca yuguʼ yaga. Lu yudoʼ queëʼ tuíʼi didzaʼ yúguʼtë le nacuáʼ, taʼnná: “¡Yöl-laʼ ba Lëʼ!”
14341	PSA 30:5	¡Guliʼgul-la yöl-laʼ ba queëʼ Xanruʼ, libíʼiliʼ néquiliʼ quez queëʼ! ¡Guliʼguíëʼ: “Xclenuʼ” ca naca Lëʼ le naca láʼayi!
14343	PSA 30:7	Cateʼ guca dxiʼa quiaʼ, níʼirö gunníaʼ: “Gatga bi utsáʼ nedaʼ.”
14346	PSA 30:10	¿Bizxi xibé uziʼtsoʼ channö gátiaʼ, en tsöjtsáziaʼ lataj chul-la ga dzöʼö nupa nátigaca? ¿Naruʼ huácatsö cuʼa Liʼ yöl-laʼ ba channö huöácaʼ bëchtö yu? ¿Naruʼ huácatsö uluʼa lo le naca idú quiuʼ?
14349	PSA 30:13	Bil-la böʼ naca cazaʼ yöl-laʼ ba quiuʼ, en bitiʼ soa dxisö. Guíëticaʼsaʼ Liʼ: “Xclenuʼ”, Xanaʼ Dios.
14369	PSA 31:20	¡Bicaʼ zxön yöl-laʼ dxiʼi ladxiʼ quiuʼ, lë naʼ napuʼ para gácalenuʼ nupa tadxi Liʼ! Runuʼ caní quégaca nupa tuʼzxöni ladxiʼ Liʼ lógaca nupa tun ba zxön cuíniguequi.
14371	PSA 31:22	¡Yöl-laʼ ba Xanruʼ Dios, tuʼ buluíʼinëʼ nedaʼ ca nadxíʼinëʼ nedaʼ cateʼ niʼ zoaʼ tu yödzö ga nagúʼugaquiëʼ lë́ʼajlö bönniʼ tuʼtíl-lalenëʼ nedaʼ!
14372	PSA 31:23	Lu yöl-laʼ radxi ridzöbi quiaʼ gunníaʼ: “Ilútiëʼ nedaʼ loʼ Liʼ, Xan”, pero biyönnuʼ le gunábidaʼ Liʼ, cateʼ niʼ bulidzaʼ Liʼ.
14373	PSA 31:24	¡Guliʼdxíʼi-nëʼ Xanruʼ, libíʼiliʼ néquiliʼ queëʼ! Rapa chiʼë Xanruʼ nupa taʼyéajlëʼ Lëʼ, en rubiʼë ca saʼyéaj queëʼ bönniʼ run ba zxön cuinëʼ.
14374	PSA 31:25	¡Guliʼgaca tsutsu, en buliʼtipa ládxiʼliʼ, yúguʼtëliʼ naʼ runliʼ löza Xanruʼ Dios!
14375	PSA 32:1	¡Bicaʼ ba bönniʼ naʼ Dios buniti lahuëʼ lëʼ ca naca döʼ biʼë, en bugǘëʼ dul-laʼ queëʼ!
14376	PSA 32:2	¡Bicaʼ ba bönniʼ naʼ Dios rnnëʼ bitiʼ nabáguëʼë xiguiaʼ, en bitiʼ zóalen lëʼ yöl-laʼ rizíʼ yëʼ!
14379	PSA 32:5	Níʼirö guxóalëpaʼ dul-laʼ nabágaʼa loʼ Liʼ, en bitiʼ bucáchaʼa le xihuiʼ benaʼ. Gunníaʼ: “Ixóalëpaʼ döʼ biʼa lahuëʼ Xanaʼ”, ateʼ buniti loʼ nedaʼ ca naca xiguiaʼ gubágaʼa.
14382	PSA 32:8	Liʼ gunuʼ ga gúl-laticaʼsaʼ quiuʼ Liʼ tuʼ rusölóʼ nedaʼ. Rnnëʼ Dios: “Nedaʼ uzéajniʼidaʼ liʼ, en uluíʼidaʼ liʼ le ral-laʼ gunuʼ. Usédidaʼ liʼ, en uyúticaʼsaʼ liʼ.
14383	PSA 32:9	Bitiʼ gacuʼ ca tu böaʼ o tu mula cabí taʼyéajniʼibaʼ. Ral-laʼ cuʼu guíë en du rúʼugacabaʼ para inná béʼenuʼ légacabaʼ.” Channö cabí gunuʼ caní, bitiʼ caʼ ilunbaʼ ca rë́ʼënuʼ.
14387	PSA 33:2	Guliʼguíëʼ Lëʼ: “Xclenuʼ”, quínniliʼ lëʼe bihuél-la. Guliʼgul-la yöl-laʼ ba queëʼ, quínniliʼ le zë chi du que.
14409	PSA 34:2	¡Innë́ticaʼsaʼ queëʼ Xanruʼ náquiëʼ dxiʼa! ¡Cúʼuticaʼsaʼ Lëʼ yöl-laʼ ba!
14416	PSA 34:9	Guliʼsíʼ bëʼë, ateʼ inö́ziliʼ náquiëʼ Xanruʼ dxiʼa. ¡Bicaʼ ba bönniʼ ruzxöni ládxëʼë Lëʼ!
14420	PSA 34:13	¿Nuzxi caz bönniʼ rë́ʼënëʼ soëʼ ibanëʼ, en rë́ʼënëʼ soëʼ iz zián para uziʼë xibé le naca dxiʼa?
14440	PSA 35:10	Ilaʼnná dxita néquinidaʼ: “Xan, ¿nuzxi caz naca ca nacuʼ Liʼ? Rusölóʼ nu riguíʼi rizácaʼ lu naʼ nu nál-latërö ca le. Rusölóʼ nu riguíʼi rizácaʼ, en riyadzaj riyudxi lu naʼ bönniʼ ribanëʼ le nequi que.”
14447	PSA 35:17	Xan, ¿gácaʼxte caz uyú ináʼasuʼ le tunëʼ? Busölá nedaʼ lu döʼ tuʼë quiaʼ. Busölá nedaʼ lu náʼagaquiëʼ bönniʼ naʼ nácagaquiëʼ ca yuguʼ bëdxi guixiʼ.
14448	PSA 35:18	Guíaʼ Liʼ: “Xclenuʼ” lógaca bönachi zián uluʼdúbigaca quiuʼ. Cuʼa Liʼ yöl-laʼ ba ga nudúbigaca ziantë bönachi.
14451	PSA 35:21	Buluʼsalaj ruíʼiguequi, en gulaʼnnë́ quiaʼ, gulaʼnná: “¡Ön, biléʼe quézituʼ le nunëʼ!”
14452	PSA 35:22	¡Biléʼe quézinuʼ Liʼ lë ni, Xan! ¡Bitiʼ suʼ dxisö! ¡Bitiʼ ucáʼanuʼ nedaʼ, Xan!
14453	PSA 35:23	¡Guyasa, Xan! ¡Busubán ládxuʼu, Xan, para uchiʼa usörö́uʼ quiaʼ! ¡Gúcalen nedaʼ, Xanaʼ Dios!
14454	PSA 35:24	¡Tuʼ nacuʼ tsahuiʼ, buchiʼa busörö́ quiaʼ, Xanaʼ Dios! ¡Bitiʼ guʼu léguequi lataj uluʼdzeja niʼa que le raca quiaʼ!
14455	PSA 35:25	¡Bitiʼ guʼu léguequi lataj ilaʼnná: “Ön, bidéliʼruʼ le guzë́ ládxiʼruʼ”! ¡Bitiʼ guʼu lataj ilaʼnná: “Chibucúl-laruʼ lëʼ”!
14456	PSA 35:26	¡Ben ga uluʼtuíʼi, en uluʼgáʼana cáʼasö nupa tuʼdzeja cateʼ ruhuíʼinidaʼ! ¡Ben ga uluʼtuíʼi, en uluʼgáʼana cáʼasö nupa taʼdáʼbagaʼ nedaʼ!
14457	PSA 35:27	¡Ben ga ilaʼbö́dxiʼa lu yöl-laʼ rudzeja quéguequi, en uluʼzíʼ xibé nupa tuíʼi ládxiʼgaca urúajaʼ tsahuiʼ! ¡Bëʼ lataj ilaʼnnáticaʼsö: “Nayë́pisëtërëʼ Xanruʼ Dios, tuʼ raza ládxëʼë gunëʼ ga gaca dxiʼa quégaca huen dxin queëʼ”!
14458	PSA 35:28	Níʼirö gunaʼ ba nalí quiuʼ, inníaʼ: “¡Nacuʼ tsahuiʼ!” en cuʼa Liʼ yöl-laʼ ba idú dza.
14539	PSA 39:5	Xan, ¿gácaʼxte caz soaʼ ibanaʼ? Buluíʼi nedaʼ tsca iz soaʼ ibanaʼ. Ben ga inözdaʼ channö chizóa caz gátiaʼ.
14542	PSA 39:8	¿Bizxi caz gaca gunaʼ löza, Xan? Ruzxöni ládxaʼa Liʼ.
14562	PSA 40:14	¡Busölá nedaʼ, Xan! ¡Gudáchi gácalenuʼ nedaʼ, Xan!
14564	PSA 40:16	Ben ga uluʼdú ládxiʼgaca tuʼ nabíxigaca nupa naʼ tuʼtitaj nedaʼ, taʼnná: “¡Buyútsöcaʼ le raca queëʼ!”
14565	PSA 40:17	Ben ga uluʼdzeja, en uluʼzíʼ xibóʼ yúguʼtë nupa tuʼguilaj Liʼ. Ben ga ilaʼnnáticaʼsö nupa taʼdxíʼi yöl-laʼ rusölá quiuʼ, ilaʼnná: “Nayë́psëtërëʼ Xanruʼ.”
14572	PSA 41:6	Nupa bitiʼ taʼléʼe nedaʼ dxiʼa taʼnnë́ quiaʼ, taʼnná: “¿Bátaxi gátiëʼ, en huáca gal-la ládxiʼgaca bönachi lëʼ?”
14575	PSA 41:9	Taʼnnë́ quiaʼ, taʼnná: “Yuʼë yödzöhuë́ʼ le guti lëʼ. Bítiʼrö caz huöásëʼ ga naʼ dëʼ lu le denëʼ.”
14580	PSA 41:14	¡Yöl-laʼ ba Xanruʼ, Dios quégaca bönachi Israel! ¡Guliʼcuʼë yöl-laʼ ba naʼa dza, en yuguʼ dza siʼ zaca! ¡Caʼ gaca! ¡Ön, caʼ gaca!
14583	PSA 42:3	Ribidxi ládxaʼa Liʼ cazuʼ, Dios. ¿Bátaxi udxinaʼ ga dë quiaʼ, en tsuʼa le yúbölö yudoʼ láʼayi quiuʼ?
14584	PSA 42:4	Rëla, en te dza ribödxaʼ, en bitiʼ bi rahuaʼ. Yuguʼ dza nacuáʼ nupa taʼnábini nedaʼ, taʼnná: “¿Gazxi caz zoa Dios quiuʼ?”
14586	PSA 42:6	¿Bizx que risë́bidaʼ ládxaʼa, en bizx que röʼa böniga? Uzxöni ládxaʼa-nëʼ Xanruʼ Dios, tuʼ huadxín dza cuʼa-nëʼ yöl-laʼ ba le yúbölö. Náquiëʼ Nu rusölá nedaʼ, en náquiëʼ Dios quiaʼ.
14590	PSA 42:10	Guíaʼ-nëʼ Dios, Nu ruzóa nedaʼ tsutsu, inníaʼ: ¿Bizx que nál-la ládxuʼu nedaʼ? ¿Bizx que run bayúdx quíʼi sácaʼticaʼsaʼ lu náʼagaca nupa bitiʼ taʼléʼe nedaʼ dxiʼa?
14591	PSA 42:11	Rutsaba yúguʼtë dxita yuʼa tuʼ tuʼdidzaʼ yudxi nedaʼ. Yuguʼ dza taʼnábini nedaʼ, taʼnná: “¿Gazxi caz zoa Dios quiuʼ?”
14592	PSA 42:12	¿Bizx que risë́bidaʼ ládxaʼa, en bizx que röʼa böniga? Uzxöni ládxaʼa-nëʼ Xanruʼ Dios, tuʼ huadxín dza cuʼa-nëʼ yöl-laʼ ba le yúbölö, tuʼ náquiëʼ Nu rusölá nedaʼ, en náquiëʼ Dios quiaʼ.
14594	PSA 43:2	Liʼ cazuʼ nacuʼ Dios, Nu rutipa ládxaʼa. ¿Bizx que nusán noʼo nedaʼ? ¿Bizx que ruhuíʼinidaʼ tuʼ taʼbía no nedaʼ nupa tuʼdíʼi nedaʼ?
14597	PSA 43:5	¿Bizx que risë́bidaʼ ládxaʼa, en bizx que röʼa böniga? Uzxöni ládxaʼa-nëʼ Xanruʼ Dios, tuʼ huadxín dza cuʼa-nëʼ yöl-laʼ ba le yúbölö, tuʼ náquiëʼ Nu rusölá nedaʼ, en náquiëʼ Dios quiaʼ.
14606	PSA 44:9	Cúʼuticaʼstuʼ Liʼ yöl-laʼ ba, en guíëticaʼstuʼ Liʼ: “Xclenuʼ.”
14621	PSA 44:24	¡Bubán, Xan! ¿Bizx que rásitsoʼ Liʼ? ¡Guyasa! ¡Bitiʼ usán noʼo netuʼ chadía chacanna!
14622	PSA 44:25	¿Bizx que nucachiʼ loʼ lotuʼ netuʼ? ¿Naruʼ nál-la ládxuʼu ca raca queë́tuʼ, en ca riguíʼi rizácaʼtuʼ?
14624	PSA 44:27	¡Gudáchi gácalenuʼ netuʼ, en lu yöl-laʼ dxiʼi ladxiʼ quiuʼ busölá netuʼ!
14631	PSA 45:7	¡Chadía chacanna naguixjuʼ ga röʼu rinná bëʼu, Dios! ¡Ca naca le naca tsahuiʼ rinná béʼenuʼ bönachi quiuʼ!
14642	PSA 45:18	Gunuʼ ga tsöjnégacaticaʼsö bönachi ca nacuʼ Liʼ. Que lë ni naʼ yúguʼtë bönachi ilë́ liʼ “Xclenuʼ” yuguʼ dza siʼ zaca.
14644	PSA 46:2	¡Náquiëʼ Dios Nu run chiʼi rëʼu, en Nu ruzóa rëʼu tsutsu! ¡Zóaticaʼsëʼ gácalenëʼ rëʼu cateʼ bi raca queë́ruʼ!
14653	PSA 46:11	Rnnëʼ: “Guliʼsóa dxisö, ateʼ guéquibeʼeliʼ naca cazaʼ Dios. Nayë́pisëtëraʼ yuguʼ lu yödzö, en lu idútë yödzölió.”
14656	PSA 47:2	¡Lu yöl-laʼ rudzeja queë́liʼ guliʼcapaʼ náʼaliʼ, bönachi yúguʼtë yödzö! ¡Guliʼcuʼë yöl-laʼ ba Dios, len yuguʼ le rúl-lalenliʼ!
14661	PSA 47:7	¡Guliʼgul-la yöl-laʼ ba queëʼ Dios! ¡Guliʼgul-la! ¡Guliʼgul-la yöl-laʼ ba queëʼ Bönniʼ rinná béʼenëʼ rëʼu! ¡Guliʼgul-la!
14662	PSA 47:8	¡Rinná bëʼë Dios idútë yödzölió ni! ¡Idú ládxiʼliʼ guliʼgul-la yöl-laʼ ba queëʼ!
14663	PSA 47:9	¡Zoa cazëʼ Dios lataj láʼayi queëʼ ga röʼë rinná bëʼë! ¡Rinná béʼenëʼ bönachi yúguʼtë yödzö!
14664	PSA 47:10	Tuʼdubi nupa taʼnná beʼe yuguʼ yödzö tsözxö́n len bönachi queëʼ Dios queëʼ Abraham. ¡Nequi queëʼ Dios yöl-laʼ zxön quégaca yúguʼtë yödzö nacuáʼ yödzölió! ¡Nayë́pisëtërëʼ Lëʼ!
14705	PSA 50:5	Rnnëʼ Dios: “Guliʼtúbi nupa néquiguequi quez quiaʼ, nupa naʼ gulunlen nedaʼ didzaʼ dzaga, en buluʼlalaj rön lahuaʼ le ben tsutsu didzaʼ dzaga naʼ.”
14707	PSA 50:7	Rnnëʼ: “Buliʼzë nágaliʼ, bönachi quiaʼ, ateʼ guʼa didzaʼ. Buliʼzë́ nágaliʼ, bönachi Israel, ateʼ uzéguiaʼ libíʼiliʼ didzaʼ. Naca cazaʼ Dios. Ön, nacaʼ Dios queë́liʼ.
14713	PSA 50:13	¿Naruʼ gágutsaʼ xipë́laʼgacabaʼ bëdxi, o guíʼjatsaʼ xichö́ngacabaʼ chivo?”
14714	PSA 50:14	Le ral-laʼ unö́dzjaliʼ queëʼ Dios naca yöl-laʼ rë Lëʼ: “Xclenuʼ” ateʼ ral-laʼ gunliʼ lahuëʼ Dios nayë́pisëtërëʼ ca naca le guzxíʼ lu náʼaliʼ gunliʼ.
14715	PSA 50:15	Rnnëʼ caʼ: “Ral-laʼ ulídzaliʼ nedaʼ cateʼ bi gaca queë́liʼ. Gácalen cazaʼ libíʼiliʼ, ateʼ gunliʼ nedaʼ bal.”
14716	PSA 50:16	Dios rëʼ bönniʼ huíaʼ döʼ, rnnëʼ: “¿Bizx que ruʼu didzaʼ ca nácagaca xibá naguixjaʼ? ¿Bizx que ruʼu didzaʼ ca naca didzaʼ dzaga núnlenaʼ bönachi?
14723	PSA 50:23	Nu rë nedaʼ: Xclenuʼ, runna quiaʼ le run nedaʼ bal, ateʼ nu run ca rnna xtídzaʼa, usölá cazaʼ nu naʼ.”
14747	PSA 52:3	¿Bizx que run ba zxön cuinuʼ niʼa que döʼ ruʼu, bönniʼ nál-la? Zóaticaʼsö yöl-laʼ dxiʼi ladxiʼ queëʼ Dios.
14753	PSA 52:9	“¡Buliʼyútsöcaʼ! Bönniʼ ni bitiʼ gúʼunnëʼ uzxöni ládxëʼë Dios, pero buzxöni ládxëʼë yöl-laʼ tsahuiʼ queëʼ, en le zián le guzë́ ládxëʼë le cabí bi nazacaʼ.”
14755	PSA 52:11	Guíëticaʼsaʼ Liʼ: “Xclenuʼ” tuʼ ben cazuʼ Liʼ ga naca caní, ateʼ gunaʼ löza Loʼ le naca dxiʼa lógaca nupa néquiguequi quez quiuʼ.
14757	PSA 53:2	Taʼzáʼ ládxëʼë bönniʼ canö́z, taʼnnë́ʼ: “Bitiʼ caʼ zoëʼ Dios.” Nácagaquiëʼ xihuiʼ bönniʼ caní, en núngaquiëʼ le nácatërö xihuiʼ. Cuntu nu bönniʼ zoëʼ runëʼ le naca dxiʼa.
14760	PSA 53:5	¿Naruʼ cabí nápagaquiëʼ yöl-laʼ réajniʼi bönniʼ naʼ tuʼë döʼ? Tuʼsunítiëʼ bönachi quiaʼ ca tu nu ragu yöta, en bitiʼ caʼ tuʼlidzëʼ nedaʼ.
14770	PSA 54:8	Idú ládxaʼa gútiaʼ-baʼ böaʼ-bëdxi loʼ. Guíaʼ Liʼ: “Xclenuʼ” Xan, tuʼ naca dxiʼa Loʼ.
14778	PSA 55:7	Gunníaʼ: “Gaca ládxaʼa gataʼ quiaʼ xílabaʼ guʼdödoʼ, para gaca tödaʼ lu böʼös, en idxinaʼ tu lataj ga gaca uzíʼ ládxaʼa.
14780	PSA 55:9	Uyijaʼ carelö tu lataj ga tsöjsóaʼ tsutsu, para cabí bi gun quiaʼ le naca ca böʼ budunuʼ.”
14800	PSA 56:5	Ruzxöni ládxaʼa-nëʼ Dios, en riguʼa yöl-laʼ ba xtídzëʼë. Ruzxöni ládxaʼa-nëʼ, en bitiʼ bi gádxidaʼ. ¿Bizxi caz gaca ilún quiaʼ bönachi?
14804	PSA 56:9	Nöz quézinuʼ Liʼ ca röʼa böniga. Nurixuʼ Liʼ nisa ribödxi quiaʼ. ¿Naruʼ cabí nuzúʼ léguequi lu guichi quiuʼ?
14807	PSA 56:12	Ruzxöni ládxaʼa-nëʼ, en bitiʼ bi gádxidaʼ. ¿Bizxi caz gaca ilún bönachi quiaʼ?
14808	PSA 56:13	¡Gunnaʼ quiuʼ, Dios yuguʼ le guzxíʼ lu naʼa! ¡Cuʼa Liʼ yöl-laʼ ba!
14811	PSA 57:2	¡Buéchiʼ ladxiʼ nedaʼ, Dios! ¡Buéchiʼ ladxiʼ nedaʼ tuʼ ruzxöni ládxaʼa Liʼ gun chiʼu nedaʼ! Guxóa noʼo nedaʼ ca runbaʼ böra run chíʼigacabaʼ bö́radoʼ zxan xílabaʼ, ga idxinrö tödi bönadxi raca quiaʼ.
14817	PSA 57:8	¡Chinabáʼa quiaʼ, Dios! ¡Chinabáʼa quiaʼ! ¡Gul-laʼ quiuʼ, en cuʼa Liʼ yöl-laʼ ba!
14818	PSA 57:9	¡Bubán, böʼ naca cazaʼ! ¡Guliʼbán arpa, en bihuël-la! ¡Zíladoʼ ubanaʼ,
14819	PSA 57:10	en gul-laʼ quiuʼ Liʼ, Xan, ladaj bönachi yuguʼ yödzö! ¡Cuʼa Liʼ yöl-laʼ ba lógaca yúguʼtë bönachi!
14823	PSA 58:2	¿Naruʼ ruíʼiliʼ didzaʼ idútë li, libíʼiliʼ naʼ, rinná bë́ʼëliʼ? ¿Naruʼ ruchiʼa rusöröliʼ ca naca le naca tsahuiʼ?
14824	PSA 58:3	¡Bitiʼ caʼ! Rizáʼ ládxiʼliʼ yuguʼ le xihuiʼ, en rusacaʼ zíʼiliʼ bönachi len yuguʼ le cabí nácatë runliʼ.
14828	PSA 58:7	¡Dios quiaʼ! ¡Buzxuzxaj láyiʼgaquiëʼ! ¡Guladzuʼ yuguʼ layiʼ tuchiʼ quégaquiëʼ nácagaca ca layiʼ tuchiʼ quégacabaʼ bëdxi guixiʼ!
14829	PSA 58:8	¡Ben ga ilaʼnítiëʼ ca raca que nisa yegu gubóʼo cateʼ ruhuíʼi! ¡Ben ga ilaʼcuádiëʼ ca raca que guixiʼ röʼö laʼ nöza!
14830	PSA 58:9	¡Ben ga ilaʼnítiëʼ ca yuguʼ bö́ruhuinna tuʼúnabaʼ lu gubidza, o ca tubiʼ bíʼidoʼ nuzóanu-biʼ nigula zíʼalö ca ral-laʼ gáljabiʼ, en chinátitëbiʼ!
14833	PSA 58:12	Ilaʼnná bönachi: “Le nácatë zoa le rubiʼë Dios quégaca nupa nácagaca tsahuiʼ. Le nácatë zoëʼ Dios Nu ruchiʼa rusörö́ quégaca nupa nacuáʼ yödzölió.”
14841	PSA 59:8	Buyútsöcaʼ, didzaʼ tuʼë nácagaca ca le rë́bigaquiëʼ. Nácagaca didzaʼ tuʼë ca yuguʼ guíë tuchiʼ. Taʼnnë́ʼ: “¿Nuzxi caz yöni?”
14851	PSA 59:18	¡Naca cazuʼ Liʼ Nu rutipa ládxaʼa! ¡Gul-laʼ quiuʼ yöl-laʼ ba, tuʼ nacuʼ Liʼ Nu run chiʼi nedaʼ, Dios, en Nu nadxíʼi nedaʼ!
14859	PSA 60:8	Lu le naca láʼayi queëʼ bëʼë didzaʼ Dios, gunnë́ʼ: “Uziʼa xibé, en quísiaʼ xiyúgaca bönachi Siquem, en urixaʼ luyú dë cuita yegu Sucot.
14861	PSA 60:10	Xiyúgaca bönachi Moab naca ca tu ga riguibi naʼa, ateʼ cuʼa lölaʼ uléajaʼ xiyúgaca bönachi Edom. Cö́dxiʼa tuʼ uxicjaʼ bönachi Filistea.”
14862	PSA 60:11	¿Nuzxi caz gaca ichë́ʼ nedaʼ lu yödzö zoa zöʼö idú gásibiʼilö le run chiʼi yödzö naʼ? ¿Nuzxi caz ichë́ʼ nedaʼ lu xiyúgaca bönachi Edom?
14863	PSA 60:12	¿Naruʼ cabí nusán ládxuʼu netuʼ, Dios? ¿Naruʼ cabí tséajlenuʼ bönniʼ queë́tuʼ röjáquiëʼ gudil-la?
14874	PSA 61:9	¡Gúl-laticaʼsaʼ yöl-laʼ ba que Loʼ, para gaca gunaʼ tu tu dza le guzxíʼ lu naʼa!
14876	PSA 62:2	¡Tuzëʼ Dios ruzxöni ládxaʼa, en rizë́ ládxaʼa Lëʼ! ¡Lë cazëʼ rusölë́ʼ nedaʼ!
14877	PSA 62:3	¡Tuzëʼ Lëʼ rapa chiʼë nedaʼ, en rusölë́ʼ nedaʼ! ¡Ruzóëʼ nedaʼ tsutsu, ateʼ bitiʼ gaca nu uzötaj nedaʼ!
14878	PSA 62:4	¿Gácaʼxte caz güíʼi ládxiʼliʼ ucúl-laliʼ nedaʼ? Rë́ʼënisiliʼ uzö́tjaliʼ nedaʼ ca tu zöʼö chizóa iguínnaj, o ca tu lëʼaj yaga le chinatëbi.
14880	PSA 62:6	¡Tuzëʼ Dios ruzxöni ládxaʼa, en runaʼ löza Lëʼ!
14881	PSA 62:7	¡Tuzëʼ Lëʼ rapa chiʼë nedaʼ, en rusölë́ʼ nedaʼ! ¡Ruzóëʼ nedaʼ tsutsu, ateʼ bitiʼ gaca nu uzötaj nedaʼ!
14882	PSA 62:8	¡Tuzëʼ Dios rusölë́ʼ nedaʼ, en runëʼ ga nacaʼ bicaʼ ba! ¡Dios nuzóëʼ nedaʼ tsutsu, en rapa chiʼë nedaʼ!
14886	PSA 62:12	Tu luzuísö bëʼë didzaʼ Dios. Chopa luzuí biyöndaʼ ca naca lë ni rnna: “Nápatërëʼ Dios yöl-laʼ huáca,
14887	PSA 62:13	ateʼ zóaticaʼsö yöl-laʼ dxiʼi ladxiʼ queëʼ.” Ubíʼi cazuʼ, Xan, quégaca bönachi tsca naca le núngaca.
14892	PSA 63:5	Guíaʼ Liʼ: “Xclenuʼ” tsanni ni zoaʼ nabanaʼ. Uchisaʼ naʼa, en ulidzaʼ Loʼ.
14905	PSA 64:6	Bitiʼ caʼ tuʼcáʼanëʼ le naca döʼ të́ʼënëʼ ilunëʼ. Tuʼë didzaʼ ca gaca uluʼcáchëʼë yuguʼ du yalaj quégaquiëʼ, taʼnnë́ʼ: “¿Nuzxi caz gaca iléʼe yuguʼ du naʼ?”
14906	PSA 64:7	Tunëʼ didzaʼ ca naca le naca döʼ ilunëʼ, taʼnnë́ʼ: “Chinabáʼa le gunruʼ.” Tuʼcáchiʼgaquiëʼ le taʼzáʼ ládxëʼë, en le taʼbequi icjëʼ.
14925	PSA 66:1	¡Guliʼgüíʼ zidzaj didzaʼ lahuëʼ Dios lu yöl-laʼ rudzeja queë́liʼ yúguʼtëliʼ zóaliʼ yödzölió!
14926	PSA 66:2	¡Guliʼgul-la ca naca yöl-laʼ ba que Lëʼ! ¡Guliʼcuʼë yöl-laʼ ba!
14927	PSA 66:3	Guliʼguíëʼ Dios: “¡Zxö́ntërö nácagaca le nunuʼ tuʼ naca zxö́ntërö yöl-laʼ huáca quiuʼ!” Nupa bitiʼ taʼléʼe Liʼ dxiʼa uluʼluíʼi cuini ca nupa tun ca rnna xtídzuʼu.
14932	PSA 66:8	¡Guliʼgún zxönëʼ Dios queë́tuʼ, libíʼiliʼ bönachi yúguʼtë yödzö, en guliʼcuʼë yöl-laʼ ba gátiʼtës!
14933	PSA 66:9	¡Run cazëʼ Lëʼ ga zóaruʼ nabanruʼ, en bitiʼ ruʼë lataj cuila níʼatuʼ!
14944	PSA 66:20	¡Yöl-laʼ ba Dios! ¡Bitiʼ gudáʼbaguëʼë nedaʼ cateʼ bulidzaʼ-nëʼ, en bitiʼ bugǘëʼ yöl-laʼ nadxíʼi queëʼ nedaʼ!
14957	PSA 68:5	¡Guliʼgul-la queëʼ Dios! ¡Guliʼgul-la yöl-laʼ ba que Lëʼ! Buliʼpáʼa nöza ga tödëʼ gapa dë lataj. ¡Nazíʼi lëʼ Xanruʼ! ¡Buliʼdzeja lahuëʼ Lëʼ!
14965	PSA 68:13	“¡Taʼzxúnnajëʼ! ¡Taʼzxúnnajëʼ bönniʼ taʼnná bëʼë, encaʼ bönniʼ röjáquiëʼ gudil-la guizxi yu quégaquiëʼ!” Nigula gulaʼbö́zanu lídxigacanu buluʼzíʼinu xibé le gutáʼ quégaquiëʼ.
14969	PSA 68:17	¿Bizx que ruzxéʼeliʼ, yuguʼ guíʼa zxön? ¿Bizx que ruzxéʼeliʼ guíʼa naʼ guzë́ ládxëʼë Dios tsöjsóëʼ ga naʼ? Le nácatë tsaz soëʼ Dios niʼ.
14972	PSA 68:20	¡Yöl-laʼ ba Dios, Nu ruáʼ suaʼruʼ tu dza tu dza! ¡Náquiëʼ Dios Nu rusölá rëʼu!
14973	PSA 68:21	¡Dios queë́ruʼ rusölë́ʼ rëʼu! ¡Rusölë́ʼ Xanruʼ Dios rëʼu lu yöl-laʼ guti!
14975	PSA 68:23	Ruʼë didzaʼ Xanruʼ, rnnëʼ: “Ubéajaʼ léguequi lu guíʼa Basán, en ubéajaʼ léguequi lu nísadoʼ,
14976	PSA 68:24	ateʼ ulíbiliʼ léguequi ga idxintë irúaj rön quéguequi, ateʼ ilë́ʼajbaʼ zxículiʼ xichö́ngaca nupa taʼdil-lalen libíʼiliʼ.”
14985	PSA 68:33	¡Guliʼgul-la queëʼ Dios, bönachi yúguʼtë yödzö! ¡Guliʼgul-la yöl-laʼ ba queëʼ Xanruʼ!
14987	PSA 68:35	¡Guliʼgún zxönëʼ Dios! Yöl-laʼ nayë́pisë queëʼ rusubagaʼ bönachi Israel. Yöl-laʼ huáca zxön queëʼ naláʼ lúzxiba xitsáʼ.
14988	PSA 68:36	Rubániruʼ ca nacuʼ Liʼ, Dios, lu lataj láʼayi quiuʼ. Runnuʼ quégaca bönachi quiuʼ yöl-laʼ nal-la, en yöl-laʼ huáca. Náquiëʼ Dios quégaca bönachi Israel. ¡Yöl-laʼ ba Lëʼ Xanruʼ Dios!
15006	PSA 69:18	Bitiʼ ucachiʼ cuinuʼ lahuaʼ nedaʼ, huen dxin quiuʼ. ¡Röʼa böniga! ¡Gudáchi gúcalen nedaʼ!
15007	PSA 69:19	¡Gudá ga zoaʼ dusölóʼ nedaʼ! ¡Ben ga uláʼ lu náʼagaca nupa taʼdíl-lalen nedaʼ!
15019	PSA 69:31	¡Cuʼa-nëʼ yöl-laʼ ba Dios len tu le gul-laʼ! ¡Gunaʼ Lëʼ zxön, en guíaʼ-nëʼ: “Xclenuʼ”!
15023	PSA 69:35	¡Guliʼcuʼë yöl-laʼ ba Dios, libíʼiliʼ yehuaʼ yubá, en luyú ni, encaʼ nísadoʼ, en yúguʼtë le nacuáʼ tu tu lataj naʼ!
15027	PSA 70:2	¡Busölá nedaʼ, Dios! ¡Gudáchi gácalenuʼ nedaʼ, Xan!
15029	PSA 70:4	Ben ga uluʼhuécja lu yöl-laʼ rutuíʼi quéguequi nupa naʼ tuʼtitaj nedaʼ, taʼnná: “Ja, ja.”
15030	PSA 70:5	Ben ga uluʼdzeja, en uluʼzíʼ xibóʼ yúguʼtë nupa tuʼguilaj Liʼ. Ben ga iluíʼiticaʼsö didzaʼ nupa taʼdxíʼi yöl-laʼ rusölá quiuʼ, ilaʼnná: “¡Zxö́ntërö náquiëʼ Dios!”
15031	PSA 70:6	Nedaʼ nacuídiʼdaʼ, en bitiʼ bi gaca gunaʼ. ¡Gudáchi gácalenuʼ nedaʼ, Dios! Nacuʼ Nu rácalen nedaʼ, en Nu rusölá nedaʼ. ¡Bitiʼ caʼ tsenuʼ guíduʼ quiaʼ, Xan!
15032	PSA 71:1	Nuzóa cazuʼ nedaʼ dxiʼa tsáhuiʼdoʼ ga naʼ zuʼ, Xan. ¡Bitiʼ guʼu lataj utuíʼidaʼ!
15033	PSA 71:2	¡Tuʼ nacuʼ tsahuiʼ gúcalen nedaʼ, en busölá nedaʼ! ¡Buzë́ naguʼ nedaʼ, en busölá nedaʼ!
15037	PSA 71:6	Ruzxöni ládxaʼa Liʼ ga gudélaʼtë guljaʼ, tuʼ guzóalen cazuʼ nedaʼ cateʼ niʼ buzóanu xináʼa nedaʼ. ¡Cúʼuticaʼsaʼ Liʼ yöl-laʼ ba!
15039	PSA 71:8	¡Rigúʼuticaʼsaʼ Liʼ yöl-laʼ ba, en tu dza tu dza ruluʼa lahui yöl-laʼ ba quiuʼ!
15040	PSA 71:9	¡Bitiʼ usán noʼo nedaʼ naʼa, ni nacaʼ bönniʼ gula! ¡Bitiʼ ucáʼanuʼ nedaʼ naʼa cateʼ ni rudú ládxaʼa!
15042	PSA 71:11	Taʼnná: “¡Nusán nëʼë Dios lëʼ! ¡Guliʼdá sönruʼ-nëʼ tuʼ cuntu nu zoa gácalen lëʼ!”
15043	PSA 71:12	¡Dios, bitiʼ suʼ ziʼtuʼ ga ni zoaʼ! ¡Dios quiaʼ, gudáchi gácalenuʼ nedaʼ!
15045	PSA 71:14	¡Nedaʼ gúnticaʼsaʼ löza Liʼ, en cúʼuticaʼsaʼ Liʼ yöl-laʼ ba!
15047	PSA 71:16	¡Guʼa didzaʼ ca nácagaca le zxön benuʼ Liʼ, Xanaʼ Dios! ¡Usiyöndaʼ bönachi tuzuʼ Liʼ nacuʼ tsahuiʼ!
15049	PSA 71:18	Naʼa nacaʼ bönniʼ gula, en chinaguchaʼ. ¡Bitiʼ usán noʼo nedaʼ, Dios! Benna nedaʼ lataj usiyöndaʼ yuguʼ zxíʼini xsoaʼ ca naca yöl-laʼ huáca quiuʼ, ateʼ quíxjöiʼidaʼ nupa ilalaj ca naca yöl-laʼ nál-la quiuʼ.
15050	PSA 71:19	¡Le tsahuiʼ nacuʼ, Dios, ridxintë lúzxiba! ¡Nunuʼ Liʼ yuguʼ le zxö́ntërö! ¡Cúnturö nu zoa nu naca ca nacuʼ Liʼ, Dios!
15053	PSA 71:22	¡Le nácatë cuʼa Liʼ yöl-laʼ ba, en gul-laʼ tu bihuël-la, Dios! ¡Gul-laʼ ca runuʼ ca rnnoʼ, en nacuʼ Nu naca láʼayi lógaca bönachi Israel!
15054	PSA 71:23	¡Lu yöl-laʼ rudzeja quiaʼ cö́dxiʼa cateʼ gul-laʼ quiuʼ, en idú ládxaʼa gul-laʼ tuʼ busölóʼ nedaʼ!
15055	PSA 71:24	¡Idú dza guʼa didzaʼ ca nacuʼ tsahuiʼ! ¡Tuʼtuíʼi, en taʼbö́ʼ baguíʼi nupa gulë́ʼëni iluáʼ döʼ quiaʼ!
15073	PSA 72:18	¡Yöl-laʼ ba Xanruʼ Dios, Dios quégaca bönachi Israel! ¡Tuzëʼ Lëʼ runëʼ le túngaca ga rubániruʼ!