13944	PSA 1:1	Bicaʼ ba bönniʼ bitiʼ runëʼ ca naca le taʼgúʼu yöl-laʼ lëʼ nupa tuʼcáʼana Dios, en bitiʼ ridálenëʼ tsözxö́n nupa tun dul-laʼ, en bitiʼ runëʼ tsözxö́n le tun nupa taʼzíʼ quidzaʼ Dios.
13946	PSA 1:3	Bönniʼ ni náquiëʼ ca tu yaga dxeʼ ga naca raʼ nisa, le ribía sizxöni cateʼ ridxín dza que, en bitiʼ caʼ rizóa gubáʼayisö. Yúguʼtë le runëʼ taʼrúaj dxiʼa.
13947	PSA 1:4	Bitiʼ raca caní quégaca nupa tuáʼ döʼ. Nácagaca ca bëbu zxe café ruáʼ le böʼ.
13950	PSA 2:1	¿Bizx que tuʼtsatsa bönachi yuguʼ yödzö en tuʼpáʼa nítisö le ilúngaca?
13951	PSA 2:2	Bönniʼ taʼnná bëʼë luyú taʼdáʼbaguëʼë Dios. Tun tuz xtídzaʼgaca nupa dë lu náʼagaca para ilaʼdáʼbagaʼ Xanruʼ, en Nu naʼ nabö́ cazëʼ para inná bëʼë,
13961	PSA 2:12	Guliʼgún bal Zxíʼinëʼ Dios para cabí ilétenëʼ, en para cabí udxi queë́liʼ laʼ nöza. Laʼ ilentë yöl-laʼ rilé queëʼ. ¡Bicaʼ ba yúguʼtë nupa tuʼzxöni ladxiʼ Lëʼ!
13964	PSA 3:3	Zián nupa taʼnnë́ quiaʼ, taʼnná: “Bitiʼ usölë́ʼ Dios lëʼ.”
13966	PSA 3:5	Bëʼa zidzaj didzaʼ, bulidzaʼ-nëʼ Xanruʼ, ateʼ Lëʼ biyönnëʼ chiʼa ga naʼ zoëʼ lataj láʼayi queëʼ.
13968	PSA 3:7	Bitiʼ gádxidaʼ gayuáʼ gayuáʼ bönachi, nupa naʼ nagúʼugaca nedaʼ lë́ʼajlö.
13969	PSA 3:8	¡Guyasa, Xan! ¡Busölá nedaʼ, Dios quiaʼ! Budxía huëʼ xágaʼgaca nupa tuʼdíʼi nedaʼ, en buquínnajdaʼ nupa nácagaca xihuiʼ.
13970	PSA 3:9	Xan, rusölá cazuʼ bönachi quiuʼ. Ben ga gaca dxiʼa quégaca bönachi quiuʼ. ¡Caʼ gaca!
13972	PSA 4:2	Bubíʼi didzaʼ cateʼ rulidzaʼ Liʼ, Dios. Nacuʼ Nu ruchiʼa rusörö́ le raca quiaʼ. Cateʼ guröʼa böniga, bida cazuʼ Liʼ ga zoaʼ, en gúcalenuʼ nedaʼ. Ruhuéchiʼ ladxiʼ nedaʼ, en ruzë́ naguʼ le rinábidaʼ Liʼ.
13981	PSA 5:2	Ruzë́ naguʼ didzaʼ ruáʼa, Xan. Buyú ca rinnëdaʼ ládxaʼa lu yöl-laʼ ruhuíʼini quiaʼ.
13985	PSA 5:6	Bitiʼ ruʼu lataj nupa tun ba rahui ilaʼdxín loʼ, en bitiʼ riléʼenuʼ dxiʼa nupa nácagaca xihuiʼ.
13988	PSA 5:9	Tuʼ nacuáʼ zián nupa taʼlé nedaʼ, buluíʼi nedaʼ le naca dxiʼa rë́ʼënuʼ gunaʼ, Xan. Busëdi nedaʼ para gaca gunaʼ ca rë́ʼënuʼ Liʼ.
13989	PSA 5:10	Bitiʼ gaca nu tseajlë́ʼ didzaʼ tuíʼi nupa naʼ taʼlé nedaʼ. Nácagaca xihuiʼ icja ládxiʼdoʼguequi. Naca ruáʼagaca ca tu yeru ba nayalaj, en lu yöl-laʼ rizíʼ yëʼ quéguequi tuíʼi yulaj didzaʼ.
13990	PSA 5:11	Ben léguequi xiguiaʼ, Dios. Ben ga bitiʼ udxín xtídzaʼguequi. Gurúʼuna léguequi tuʼ túnticaʼsö dul-laʼ, en tuʼ taʼdáʼbagaʼ xtídzuʼu.
13994	PSA 6:2	Bitiʼ uzenuʼ bach nedaʼ lu yöl-laʼ rilé quiuʼ, Xan. Bitiʼ gunuʼ nedaʼ xiguiaʼ lu yöl-laʼ ridzáʼa quiuʼ.
13995	PSA 6:3	Buéchiʼ ladxiʼ nedaʼ, Xan, tuʼ rudú ládxaʼa. Bun nedaʼ, Xan, tuʼ riguíʼi rizácaʼa.
14000	PSA 6:8	Röʼö gui guiö́j lahuaʼ tuʼ ribö́dxiticaʼsaʼ. Bitiʼ gaca iléʼedaʼ tuʼ nö́zigaca nupa tuʼdíʼi nedaʼ.
14005	PSA 7:2	Ruzxöni ládxaʼa Liʼ, gácalenuʼ nedaʼ, Xanaʼ Dios. Busölá nedaʼ lu náʼagaca nupa taʼbía no nedaʼ, en gúcalen nedaʼ
14009	PSA 7:6	bëʼ lataj soa reguʼ nedaʼ nu naʼ bitiʼ riléʼe nedaʼ dxiʼa, en ucul-la nedaʼ. Bëʼ lataj nu naʼ quin nedaʼ lu yu, en ucáʼana nedaʼ cáʼasö.
14011	PSA 7:8	Ben ga uluʼdubi quiuʼ yúguʼtë bönachi, en gunná beʼe léguequi ga niʼ zuʼ xitsáʼtërö.
14012	PSA 7:9	Ruchiʼa rusörö́uʼ quéguequi yúguʼtë bönachi, Xan. Bubéaj nedaʼ tsahuiʼ, Xan, tsca naca le tsahuiʼ nunaʼ, en tuʼ nacaʼ idú tsahuiʼ.
14013	PSA 7:10	Ben ga udxi que le xihuiʼ tun nupa tuáʼ döʼ, pero buzóa tsutsu nupa tun le naca dxiʼa, tuʼ nacuʼ Liʼ idú tsahuiʼ, Dios, en ruchiʼa rusörö́uʼ le taʼzáʼ ládxiʼgaca bönachi, en le taʼguínnaj ícjaguequi.
14018	PSA 7:15	Buyútsöcaʼ, riguínnaj icjëʼ bönniʼ ruʼë döʼ le xihuiʼ gunëʼ. Ruíʼi ládxëʼë le naca döʼ, en rizíʼ yëʼë.
14020	PSA 7:17	Budxín laʼ queë́zëʼ döʼ naʼ biʼë, en dxíëʼ huëʼ ca naca xiguiaʼ nabáguëʼë.
14026	PSA 8:5	níʼirö rnníaʼ: ¿Bizxi caz bönniʼ, tuʼ röjné cazuʼ lëʼ? ¿Bizxi caz nu naca bönáchisö, tuʼ ruíʼi ládxuʼu Liʼ nu naʼ?
14037	PSA 9:6	Bulidza ziʼu yuguʼ yödzö, en busunítiuʼ nupa tuáʼ döʼ. Tsaz busuluʼ lu guichi quiuʼ gapa gulaʼzúaj láguequi.
14038	PSA 9:7	Chigulaʼniti nupa gulaʼdáʼbagaʼ Liʼ. Tsaz naguínnajgaca gapa gulaʼcuáʼ. Busunítiuʼ yuguʼ yödzö gapa naʼ gulaʼcuáʼ, ateʼ cuntu nu zoa röjné yuguʼ yödzö naʼ.
14043	PSA 9:12	Guliʼgul-la yöl-laʼ ba queëʼ Xanruʼ, zoëʼ ga naʼ nazíʼi le Sión. Buliʼsiyö́n bönachi yuguʼ yödzö ca naca yuguʼ le nunëʼ.
14044	PSA 9:13	Bitiʼ ral-la ládxëʼë nupa taʼguíʼi taʼzacaʼ cateʼ tuʼlidza Lëʼ, tuʼ röjné léguequi Nu naʼ ruzíʼ lëbi nu ruti bönachi.
14045	PSA 9:14	Buéchiʼ ladxiʼ nedaʼ, Xan. Buyú ca tun nedaʼ ziʼ nupa tuʼdíʼi nedaʼ. Ruchisuʼ Liʼ nedaʼ cateʼ chirequi gátiaʼ
14047	PSA 9:16	Yöjbíxigaca bönachi yuguʼ yödzö lu yeru gulaʼchö́ʼöna ga tsöjbíxigaca luzë́ʼeguequi. Bilaʼröli niʼaguequi lu yöxaj buluʼcachiʼ para ilaʼzö́n léguequi.
14051	PSA 9:20	Guyasa, Xan. Bitiʼ guʼu lataj tsë́pisë nu naca bönáchisö. Buchiʼa busörö́ quégaca bönachi yuguʼ yödzö.
14052	PSA 9:21	Buxö́s léguequi, Xan. Ben ga uluʼúnbëʼ le nácgaca, tuʼ nácagacasö bönachi.
14053	PSA 10:1	¿Bizx que zuʼ ziʼtuʼ, Xan? ¿Bizx que rucachiʼ loʼ cateʼ bi raca quiaʼ?
14054	PSA 10:2	Lu yöl-laʼ run ba rahui quégaca nupa tuáʼ döʼ taʼbía no nupa nácagaca yechiʼ. Ben ga ilaʼzö́n du yalaj naʼ nucáchiʼgaca laʼ léguequisö.
14055	PSA 10:3	Run ba zxön cuinëʼ bönniʼ ruʼë döʼ ca naca le xihuiʼ rizë́ ládxëʼë. Bönniʼ ruhuídiʼnëʼ rulidza ditjëʼ luzë́ʼë, en ruzóëʼ Dios tsöláʼalö.
14056	PSA 10:4	Lu yöl-laʼ run ba zxön cuinëʼ bönniʼ huíaʼ döʼ bitiʼ ruíʼi ládxëʼë Dios. Rizáʼasö ládxëʼë, rnnëʼ: Bitiʼ caʼ zoa Dios.
14057	PSA 10:5	Ruziʼë xibé yúguʼtë le runëʼ. Bitiʼ caʼ réquibeʼenëʼ zoëʼ Dios Nu ruchiʼa rusörö́ quégaca bönachi. Ruzóëʼ tsöláʼalö nupa bitiʼ taʼléʼe lëʼ dxiʼa.
14060	PSA 10:8	Rucachiʼ cuinëʼ yuguʼ lu yödzö. Bagáchiʼsö rútiëʼ nupa bitiʼ bi nabágaʼgaca. Ruyúlanëʼ nu bi gaca gun que.
14064	PSA 10:12	¡Guyasa, Xan! ¡Gulís noʼo, Dios! ¡Bitiʼ gal-la ládxuʼu nupa taʼguíʼi taʼzacaʼ!
14065	PSA 10:13	¿Bizx que bönniʼ naʼ ruʼë döʼ nuzóëʼ Dios tsöláʼalö? Gudxëʼ laʼ cuinsëʼ: Bitiʼ uzíʼ lëʼ Dios nedaʼ.
14067	PSA 10:15	Bugúa yöl-laʼ unná bëʼ quégaca nupa tuáʼ döʼ, en nácagaca xihuiʼ. Bubíʼi quéguequi ca naca xiguiaʼ nabágaʼgaca.
14071	PSA 11:1	Ruzxöni ládxaʼa Xanruʼ gácalenëʼ nedaʼ. ¿Naruʼ guíëtsoʼ nedaʼ: “Buzxúnnaj lu guíʼa ca runbaʼ biguínnidoʼ”?
14072	PSA 11:2	Buyútsöcaʼ, zö́ngaca nupa tuáʼ döʼ yaga uxitiʼ. Nuzóagaca yágadoʼ lahui tuchiʼ lu du rusé, para ilútiëʼ bagáchiʼsö nupa nácagaca dxiʼa.
14075	PSA 11:5	Rizíʼ bëʼë Xanruʼ nu naca tsahuiʼ. Bitiʼ riléʼenëʼ dxiʼa nu ruáʼ döʼ, en nu raza ladxiʼ taʼdáʼbagaʼ yúlahuiʼ.
14079	PSA 12:2	Busölá nedaʼ, Xan, tuʼ cabirö zoa nitú nu naca dxiʼa, en bitiʼ gaca nu idzöli nitú nu run ca rnna xtídzaʼa.
14090	PSA 13:4	Buyú nedaʼ, Xan, en bubíʼi didzaʼ. Butipa ládxaʼa para cabí gátiaʼ.
14091	PSA 13:5	Níʼirö bitiʼ gaca ilaʼnná nupa taʼdáʼbagaʼ nedaʼ, bitiʼ ilaʼnná: “Bucúl-laruʼ lëʼ.” Bitiʼ gaca uluʼdzeja tuʼ nö́tjadaʼ ládxaʼa nedaʼ.
14093	PSA 14:1	Lu icja ládxiʼdaʼahuëʼ rnnëʼ bönniʼ tuʼ canö́z, rnnëʼ: Bitiʼ zoa caz Dios. Nachixi nanítigaquiëʼ bönniʼ caní, en tunëʼ le cabí riléʼenëʼ dxiʼa Dios. Cuntu nu zoa nu run le naca dxiʼa.
14096	PSA 14:4	¿Naruʼ cabí taʼyéajniʼi nupa tuáʼ döʼ? Le tun nupa naʼ naca tsca tagu bönachi quiaʼ ca nu ragu yöta. Bitiʼ caʼ tuʼlidza nedaʼ, Xángaca bönachi.
14105	PSA 16:1	Ben chiʼi nedaʼ, Dios, tuʼ ruzxöni ládxaʼa Liʼ.
14106	PSA 16:2	Lu icja ládxiʼdaʼahuaʼ gudxaʼ-nëʼ Xanruʼ: “Liʼ nacuʼ Xanaʼ. Bítiʼrö bi zoa quiaʼ le naca dxiʼa, pero tuzuʼ Liʼ.”
14108	PSA 16:4	Ilaʼyán le ilaʼguíʼi ilaʼzacaʼ nupa taʼyéaj ladxiʼ yuguʼ dios izáʼa. Bitiʼ caʼ cuʼa láhuiguequi rön ca tun bönachi naʼ, en bitiʼ ulidzaʼ lágaca dios naʼ.
14116	PSA 17:1	Ruzë́ naguʼ nedaʼ, Xan. Lu le naca tsahuiʼ quiaʼ rulidzaʼ Liʼ. Bëʼ ladxiʼ le rinábidaʼ Liʼ tuʼ cabí caʼ rizíʼ yëʼa.
14117	PSA 17:2	Buchiʼa busörö́ quiaʼ tuʼ runuʼ Liʼ le naca tsahuiʼ.
14118	PSA 17:3	Núnbëʼu Liʼ le yuʼu ládxiʼdaʼahuaʼ. Ruyúʼ nedaʼ chiʼi dzö́ʼölö. Guzxíʼ bëʼu nedaʼ, ateʼ burúajaʼ tsahuiʼ. Bitiʼ caʼ ruáʼa didzaʼ le cabí naca idú dxiʼa.
14122	PSA 17:7	Buluíʼi lahui yöl-laʼ dxiʼi ladxiʼ quiuʼ. Rusölá cazuʼ nupa tuʼzxöni ladxiʼ Liʼ lu náʼagaca nupa taʼdáʼbagaʼ léguequi.
14123	PSA 17:8	Ben chiʼi nedaʼ ca run chiʼu laʼ guiöj lo cazuʼ. Bucachiʼ nedaʼ cuituʼ Liʼ ca runbaʼ böra, rucáchiʼgacabaʼ bö́radoʼ zxan xílabaʼ,
14125	PSA 17:10	Bitiʼ caʼ zóalen léguequi yöl-laʼ ruhuéchiʼ ladxiʼ, ateʼ tuíʼi didzaʼ lu yöl-laʼ run ba zxön cuínguequi.
14128	PSA 17:13	Gudá, Xan, gudáʼbagaʼ nupa taʼlé nedaʼ, en bucul-la léguequi. Busölá nedaʼ lu náʼagaca nupa tuáʼ döʼ, ugunuʼ dxin guíë tuchiʼ quiuʼ.
14137	PSA 18:7	Lu le guca quiaʼ bulidzaʼ-nëʼ Xanruʼ. Bulidzaʼ-nëʼ Dios quiaʼ para gácalenëʼ nedaʼ. Ga naʼ zoëʼ lataj láʼayi queëʼ biyönnëʼ chiʼa. Buzë́ naguëʼ le gunabi yúdxidaʼ Lëʼ.
14139	PSA 18:9	Birúaj dzön zxínëʼë, ateʼ birúaj guíʼ ruʼë le buzegui le dë idú gásibiʼilëʼ, ateʼ buguelaʼ guíʼ yuguʼ boʼ yalaj.
14140	PSA 18:10	Benëʼ ga bötaj lúzxiba, en bö́tajëʼ Lë cazëʼ, ateʼ guzóa zxan niʼë le naca chul-la.
14142	PSA 18:12	Busubagaʼ cuinëʼ le naca chúl-lasö. Lë naʼ naca böaj gasaj le richë́ʼlëʼe nisa.
14144	PSA 18:14	Gunnë́ guziúʼ que chiʼë Xanruʼ lúzxiba xitsáʼ. Biyö́n chiʼë Dios nayë́pisëtërëʼ, lu dzön, en yuguʼ lu boʼ yalaj, en lu guiö́j böguiʼ yöla sunna.
14147	PSA 18:17	Bötjëʼ zacaʼ xitsáʼalö, en gudélëʼë nedaʼ. Bubéajëʼ nedaʼ lu nisa zili.
14148	PSA 18:18	Busölë́ʼ nedaʼ lu naʼ nu bitiʼ riléʼe nedaʼ dxiʼa, en nál-latërö, encaʼ lu náʼagaca nupa tuʼdíʼi nedaʼ, en nál-lágacatërö ca nedaʼ.
14150	PSA 18:20	Bubéajëʼ nedaʼ, en buzóëʼ nedaʼ tu lu lataj zxön. Busölë́ʼ nedaʼ tuʼ guyaza ládxëʼë nedaʼ.
14151	PSA 18:21	Bubiʼë Xanruʼ quiaʼ tsca le tsahuiʼ nacaʼ, en benëʼ quiaʼ le naca dxiʼa tuʼ cabí nabágaʼa xiguiaʼ,
14154	PSA 18:24	Bitiʼ bi le naca döʼ nabágaʼa lahuëʼ Lëʼ, ateʼ ben chiʼa le inníaʼ para cabí guʼa döʼ.
14168	PSA 18:38	Guzóa réguʼa nupa tuʼdíʼi nedaʼ, en bucul-laʼ léguequi. Bitiʼ buécjaʼ ga bidxintë busunítiaʼ léguequi.
14170	PSA 18:40	Benuʼ nedaʼ nál-la para tsejaʼ gudil-la, en benuʼ ga bucul-laʼ nupa gulaʼdáʼbagaʼ nedaʼ.
14171	PSA 18:41	Benuʼ ga buluʼzxunnaj lahuaʼ nupa bitiʼ taʼléʼe nedaʼ dxiʼa, ateʼ busunítiaʼ nupa naʼ buluʼdíʼi nedaʼ.
14172	PSA 18:42	Buluʼlidza nu gácalen léguequi, pero cuntu nu zoa usölá léguequi. Buluʼlidza caʼ Xanruʼ, pero bitiʼ bubiʼë didzaʼ.
14173	PSA 18:43	Buzxuzxjaʼ léguequi ca bëchtö yu nachë́ʼ lu böʼös. Bulibaʼ léguequi ca rulibaʼ gunaʼ laʼ nöza.
14174	PSA 18:44	Busölóʼ nedaʼ lu náʼagaca nupa taʼdáʼbagaʼ, en nunuʼ ga rinná béʼedaʼ bönachi zián yödzö. Tun ca rnna xtídzaʼa bönachi bitiʼ núnbëʼa zíʼalö.
14185	PSA 19:4	Bitiʼ zoa didzaʼ tuíʼi, en bitiʼ riyö́n tu le taʼnná. Bitiʼ riyö́n chíʼiguequi.
14188	PSA 19:7	Ga naguelaʼ lúzxiba rilén gubidza, en ridödi ga ridxintë ga ribía. Bitiʼ bi zoa le cabí rutsëʼe gubidza naʼ.
14194	PSA 19:13	¿Nuzxi caz gaca inö́z channö richixi rinigui? Busölá nedaʼ lu dul-laʼ nunaʼ le cabí gúquibeʼedaʼ benaʼ.
14195	PSA 19:14	Ben chiʼi nedaʼ para cabí udödi cuinaʼ lu dul-laʼ, para cabí inná beʼe nedaʼ lë naʼ naca dul-laʼ. Níʼirö ugáʼanaʼ tsahuiʼ, en bitiʼ ibágaʼa xiguiaʼ.
14196	PSA 19:15	Ben ga ilaca didzaʼ ruáʼa, en le rizáʼ ládxaʼa ca raza ládxuʼu Liʼ. Nacuʼ Xanaʼ ruzúʼ nedaʼ tsutsu, en ruhuöáʼauʼ nedaʼ.
14206	PSA 20:10	Busölá netuʼ, Xan, tuʼ nacuʼ Nu rinná beʼe netuʼ. Rinábituʼ Liʼ uzë́ naguʼ netuʼ cateʼ ulídzatuʼ Liʼ.
14209	PSA 21:3	Bunödzjuʼ queëʼ le rizë́ ládxëʼë. Bitiʼ gudáʼbaguʼu le gunábinëʼ Liʼ.