13947	PSA 1:4	Bitiʼ raca caní quégaca nupa tuáʼ döʼ. Nácagaca ca bëbu zxe café ruáʼ le böʼ.
13951	PSA 2:2	Bönniʼ taʼnná bëʼë luyú taʼdáʼbaguëʼë Dios. Tun tuz xtídzaʼgaca nupa dë lu náʼagaca para ilaʼdáʼbagaʼ Xanruʼ, en Nu naʼ nabö́ cazëʼ para inná bëʼë,
13954	PSA 2:5	Níʼirö lu yöl-laʼ rilé queëʼ güíʼilenëʼ léguequi didzaʼ, en lu yöl-laʼ ridzáʼa queëʼ uzenëʼ bach léguequi.
13955	PSA 2:6	Innë́ʼ: “Nuzóa cazaʼ bönniʼ nabö́ cazaʼ xilatjëʼ ga inná bëʼë. Inná bëʼë lu Guíʼa Sión, le naca guíʼa láʼayi quiaʼ.”
13956	PSA 2:7	Quíxjöiʼidaʼ libíʼiliʼ didzaʼ nuzóëʼ tsaz Dios. Xanruʼ Dios gudxi cazëʼ nedaʼ: “Liʼ nacuʼ Zxíʼinaʼ. Naʼa dza nuzóa cazaʼ Liʼ.
13965	PSA 3:4	Pero Liʼ, Xan, run chíʼiticaʼsuʼ nedaʼ. Nacuʼ yöl-laʼ ba quiaʼ, en Nu rutipa nedaʼ.
13967	PSA 3:6	Nedaʼ rataʼ, en rasiaʼ, ateʼ rubanaʼ, tuʼ nazö́nticaʼsëʼ Xanruʼ Dios nedaʼ.
13972	PSA 4:2	Bubíʼi didzaʼ cateʼ rulidzaʼ Liʼ, Dios. Nacuʼ Nu ruchiʼa rusörö́ le raca quiaʼ. Cateʼ guröʼa böniga, bida cazuʼ Liʼ ga zoaʼ, en gúcalenuʼ nedaʼ. Ruhuéchiʼ ladxiʼ nedaʼ, en ruzë́ naguʼ le rinábidaʼ Liʼ.
13977	PSA 4:7	Zián nupa taʼnná: “¿Nuzxi caz gun ga gaca dxiʼa queë́ruʼ?” Lu yöl-laʼ dxiʼi ladxiʼ quiuʼ buyú netuʼ, Xan.
13982	PSA 5:3	Dios quiaʼ, Nu rinná beʼe nedaʼ, ruzë́ naguʼ cateʼ rinábidaʼ Liʼ gácalenuʼ nedaʼ, naʼ güíʼilenaʼ Liʼ didzaʼ.
13984	PSA 5:5	Nacuʼ Liʼ Dios bitiʼ raza ládxuʼu le cabí naca, en bitiʼ ruʼu lataj ibigaʼ ga zuʼ nu ruáʼ döʼ.
13989	PSA 5:10	Bitiʼ gaca nu tseajlë́ʼ didzaʼ tuíʼi nupa naʼ taʼlé nedaʼ. Nácagaca xihuiʼ icja ládxiʼdoʼguequi. Naca ruáʼagaca ca tu yeru ba nayalaj, en lu yöl-laʼ rizíʼ yëʼ quéguequi tuíʼi yulaj didzaʼ.
14010	PSA 7:7	Lu yöl-laʼ rilé quiuʼ guyasa, Xan. Gudáʼbagaʼ nupa naʼ lu yöl-laʼ ridzáʼa quéguequi táʼbagaʼ nedaʼ. Guyasa, gúcalen nedaʼ tuʼ nacuʼ Nu ruchiʼa rusörö́ le raca quiaʼ.
14014	PSA 7:11	Naca cazëʼ Dios Nu run chiʼi nedaʼ. Rusölë́ʼ nupa nácagaca idú ladxiʼ.
14019	PSA 7:16	Nachö́ʼönëʼ ga rëʼ tu yeru zxön ga nu ibixi, pero lë cazëʼ yöjbixëʼ lu yeru naʼ guchö́ʼönëʼ.
14021	PSA 7:18	Guíaʼ-nëʼ Xanruʼ: “Xclenuʼ” tuʼ náquiëʼ tsahuiʼ, en gul-laʼ yöl-laʼ ba que Lëʼ Xanruʼ, Nu nayë́pisëtërö.
14027	PSA 8:6	Nunuʼ ga naquiëʼ bönniʼ iaʼlatiʼ cuidiʼ ca naca cazuʼ Liʼ. Nuzúʼ queëʼ yöl-laʼ ba quiuʼ, en yöl-laʼ run bal ca tu le néquini oro dxía icjëʼ.
14028	PSA 8:7	Nunuʼ ga rinná béʼenëʼ yuguʼ le nun cazuʼ Liʼ. Yúguʼtë nuzúʼ xiniʼë lëʼ.
14029	PSA 8:8	Nuzúʼ xiniʼë yúguʼtëbaʼ böʼcuʼ zxilaʼ, en yúguʼtëbaʼ bëdxi,
14039	PSA 9:8	Zóaticaʼsëʼ Xanruʼ Dios. Naguixjëʼ tsaz lataj ga röʼë rinná bëʼë en ruchiʼa rusörö́ëʼ quégaca bönachi.
14044	PSA 9:13	Bitiʼ ral-la ládxëʼë nupa taʼguíʼi taʼzacaʼ cateʼ tuʼlidza Lëʼ, tuʼ röjné léguequi Nu naʼ ruzíʼ lëbi nu ruti bönachi.
14057	PSA 10:5	Ruziʼë xibé yúguʼtë le runëʼ. Bitiʼ caʼ réquibeʼenëʼ zoëʼ Dios Nu ruchiʼa rusörö́ quégaca bönachi. Ruzóëʼ tsöláʼalö nupa bitiʼ taʼléʼe lëʼ dxiʼa.
14063	PSA 10:11	Rëʼ laʼ cuinsëʼ: “Nal-la ládxëʼë Dios. Nucachiʼ lahuëʼ, en bitiʼ caʼ riléʼenëʼ le runaʼ.”
14066	PSA 10:14	Liʼ biléʼe quézinuʼ lë ni, Xan. Ruíʼi ládxuʼu nu riguíʼi rizácaʼ, en nu risëbi ladxiʼ, en zóaticaʼsuʼ gácalenuʼ léguequi. Nu naca bayechiʼ rigúʼu cuini lu noʼo, Xan, tuʼ zóaticaʼsuʼ gácalenuʼ nu riyadza riyudxi.
14068	PSA 10:16	Inná bë́ʼticaʼsëʼ Xanruʼ Dios. Nupa tuʼbéaj ícjaguequi Xanruʼ uluʼniti tsaz lu xiyú cazëʼ.
14071	PSA 11:1	Ruzxöni ládxaʼa Xanruʼ gácalenëʼ nedaʼ. ¿Naruʼ guíëtsoʼ nedaʼ: “Buzxúnnaj lu guíʼa ca runbaʼ biguínnidoʼ”?
14072	PSA 11:2	Buyútsöcaʼ, zö́ngaca nupa tuáʼ döʼ yaga uxitiʼ. Nuzóagaca yágadoʼ lahui tuchiʼ lu du rusé, para ilútiëʼ bagáchiʼsö nupa nácagaca dxiʼa.
14077	PSA 11:7	Caní gunëʼ Xanruʼ tuʼ náquiëʼ tsahuiʼ, en nadxíʼinëʼ le naca tsahuiʼ. Nupa tun le nácatë ilaʼléʼe lahuëʼ.
14082	PSA 12:5	Taʼnná: “Güíʼiruʼ didzaʼ ca rizësö ládxiʼruʼ, ateʼ cuntu nu táʼbagaʼ rëʼu. ¿Nuzxi caz inná beʼe rëʼu ca naca didzaʼ ruíʼiruʼ?”
14083	PSA 12:6	Rnnëʼ Xanruʼ: “Naʼa guídaʼ tuʼ nacuáʼ nupa tun ziʼ nupa taʼyadzaj taʼyudxi, ateʼ rinnë́ ládxiʼgaca nupa ni tuʼ zoa nu ribía no léguequi. Ca taʼzësö ládxiʼgaca, laʼ guídateaʼ dusöláʼ léguequi.”
14084	PSA 12:7	Huáca uzxöni ládxiʼruʼ didzaʼ ruʼë Xanruʼ. Nácagaca ca guíë plata ba nequi, le nudxiʼa gadxi luzuí tu lu guíʼ lálëʼe.
14088	PSA 13:2	¿Gácaʼxte caz gal-la ládxuʼu nedaʼ, Xan? ¿Naruʼ tsaz gal-la ládxuʼu nedaʼ? ¿Gácaʼxte caz ucacheʼ cuinuʼ lahuaʼ?
14091	PSA 13:5	Níʼirö bitiʼ gaca ilaʼnná nupa taʼdáʼbagaʼ nedaʼ, bitiʼ ilaʼnná: “Bucúl-laruʼ lëʼ.” Bitiʼ gaca uluʼdzeja tuʼ nö́tjadaʼ ládxaʼa nedaʼ.
14092	PSA 13:6	Nedaʼ ruzxöni ládxaʼa yöl-laʼ dxiʼi ladxiʼ quiuʼ. Rudzéjadaʼ tuʼ rusölóʼ nedaʼ. Gul-laʼ queëʼ Xanruʼ, tuʼ benëʼ quiaʼ le naca dxiʼa.
14093	PSA 14:1	Lu icja ládxiʼdaʼahuëʼ rnnëʼ bönniʼ tuʼ canö́z, rnnëʼ: Bitiʼ zoa caz Dios. Nachixi nanítigaquiëʼ bönniʼ caní, en tunëʼ le cabí riléʼenëʼ dxiʼa Dios. Cuntu nu zoa nu run le naca dxiʼa.
14095	PSA 14:3	Yúguʼtëʼ nadö́digaquiëʼ tsöláʼalö. Nachixi nanítigaquiëʼ tu tuëʼ. Cuntu nu zoa nu run le naca dxiʼa, nitú bönachi.
14096	PSA 14:4	¿Naruʼ cabí taʼyéajniʼi nupa tuáʼ döʼ? Le tun nupa naʼ naca tsca tagu bönachi quiaʼ ca nu ragu yöta. Bitiʼ caʼ tuʼlidza nedaʼ, Xángaca bönachi.
14099	PSA 14:7	Raca ládxaʼa irúaj Sión Nu usölá bönachi Israel. Cateʼ gunëʼ Xanruʼ ga uluʼdxín bönachi queëʼ nadzúngaca xilátjaguequi, uluʼdzeja zxíʼini xiʼsóëʼ Jacob, bönachi Israel, en uluʼzíʼ xibë́ʼ Dios.
14100	PSA 15:1	¿Nuzxi caz bönachi tsöjsóa xilatjuʼ, Xan? ¿Nuzxi caz tsöjsóa ga naca láʼayi quiuʼ?
14101	PSA 15:2	Nu naʼ naca idú ladxiʼ, en run le naca tsahuiʼ, en lu icja ládxiʼdaʼahui ruíʼi didzaʼ le nácatë.
14102	PSA 15:3	Nu naʼ bitiʼ rizíʼ quidzaʼ bönachi, en bitiʼ ruáʼ döʼ que luzë́ʼe, en bitiʼ ruzë́ naga nu rizíʼ quidzaʼ luzë́ʼe.
14103	PSA 15:4	Nu naʼ bitiʼ run bal nu ruáʼ döʼ, pero run bal nupa tun zxön Dios, en sal-laʼ bi uniti cateʼ chinún xtidzaʼ, bitiʼ caʼ rutsáʼ didzaʼ naʼ.
14104	PSA 15:5	Nu naʼ bitiʼ rizíʼ icja dumí cateʼ runödzaj dumí que tu chíʼidoʼsö, en bitiʼ rizíʼ dumí para siʼ yëʼ ca naca le nun nu bitiʼ nabagaʼ xiguiaʼ. Nu naʼ run yúguʼtë le caní bitiʼ caʼ idzáʼ xilataj.
14109	PSA 16:5	Náquiëʼ Xanruʼ Dios Nu nabánidaʼ, en Nu ruziʼa xibé.
14111	PSA 16:7	Gul-laʼ yöl-laʼ ba queëʼ Xanruʼ, Nu rigúʼu yöl-laʼ nedaʼ le naca tsahuiʼ, ga ridxintë ruzéajniʼinëʼ nedaʼ cateʼ niʼ rasiaʼ.
14115	PSA 16:11	Nunuʼ ga núnbëʼa nöza ichë́ʼ nedaʼ ga soaʼ ibanaʼ. Ga zuʼ Liʼ gataʼ quiaʼ yöl-laʼ rudzeja idú, ateʼ cuituʼ Liʼ uzíʼticaʼsaʼ xibóʼ.
14118	PSA 17:3	Núnbëʼu Liʼ le yuʼu ládxiʼdaʼahuaʼ. Ruyúʼ nedaʼ chiʼi dzö́ʼölö. Guzxíʼ bëʼu nedaʼ, ateʼ burúajaʼ tsahuiʼ. Bitiʼ caʼ ruáʼa didzaʼ le cabí naca idú dxiʼa.
14127	PSA 17:12	Nácagaquiëʼ ca yuguʼ bëdxi guíxiʼdoʼ. Të́ʼënëʼ uluʼsunítiëʼ nedaʼ. Nácagaquiëʼ ca yuguʼ bëdxi guixiʼ. Nucachiʼ cuíngaquiëʼ para ilaʼzönëʼ nedaʼ.
14129	PSA 17:14	Lu yöl-laʼ huáca zxön quiuʼ busölá nedaʼ, Xan, lu náʼagaca nupa tuʼzíʼ xibé naʼa dza, nupa naʼ nuhuö́laj nudzë́ʼegaca yöl-laʼ tsahuiʼ quiuʼ. Nayángacabiʼ zxíʼinigaquiëʼ, ateʼ tuʼcáʼanëʼ lu náʼagacabiʼ le dë sizxöni quégaquiëʼ.
14132	PSA 18:2	¡Nadxíʼideʼedaʼ Liʼ, Xan! ¡Liʼ rutipa cazuʼ ládxaʼa!
14133	PSA 18:3	Ruzóëʼ Xanruʼ nedaʼ tsutsu, en rapa chiʼë nedaʼ, en rusölë́ʼ nedaʼ. Náquiëʼ Dios quiaʼ, en Nu rutipa ládxaʼa, ateʼ ruzxöni ládxaʼa Lëʼ. Rácalenëʼ nedaʼ lu gudil-la: Rusölë́ʼ nedaʼ, en rizönëʼ nedaʼ.
14134	PSA 18:4	Rulidzaʼ-nëʼ Xanruʼ Nu ral-laʼ cúʼuruʼ yöl-laʼ ba, ateʼ usölë́ʼ nedaʼ lu náʼagaca nupa tuʼdíʼi nedaʼ.
14138	PSA 18:8	Níʼirö gudödi budóʼ zxuʼ, en guzxizi luyú. Guzxízidaʼ xilíbigaca yuguʼ guíʼa sibi. Guzxízigaca tuʼ gulénëʼ Lëʼ.
14146	PSA 18:16	Níʼirö biláʼ lahui le zoa zxan nísadoʼ, ateʼ biláʼ lahui xilibi yödzölió, cateʼ buzenuʼ bach nupa bitiʼ taʼléʼe Liʼ dxiʼa, Xan, en lu yöl-laʼ rilé quiuʼ bulidza ziʼu léguequi.
14161	PSA 18:31	Idú dxiʼa nácagaca le runëʼ Dios. Nurúaj tsahuiʼ xtídzëʼë. Rapa chiʼë yúguʼtë nupa taʼnábini Lëʼ gácalenëʼ léguequi.
14177	PSA 18:47	¡Zoëʼ nabanëʼ Xanruʼ! ¡Yöl-laʼ ba Nu naʼ run chiʼi nedaʼ! ¡Guliʼgún zxön Dios Nu rusölá nedaʼ!
14178	PSA 18:48	Náquiëʼ Dios Nu rizíʼ la nupa tuʼdíʼi nedaʼ, en runëʼ ga tadxi bönachi guizxi yu nedaʼ.
14190	PSA 19:9	Tsahuiʼ nácagaca xibá queëʼ Xanruʼ, le tun ga rudzeja ládxiʼruʼ. Nácagaca idú dxiʼa le gunná bëʼë Xanruʼ, en taʼgúʼu beníʼ icja ládxiʼdoʼoruʼ.
14192	PSA 19:11	Nazácaʼgacatërö didzaʼ naʼ ca oro, encaʼ ca oro ba nequi. Nácagacatërö zxixi ca bidxinaʼ buz, en ca le zxixi queë́baʼ.
14194	PSA 19:13	¿Nuzxi caz gaca inö́z channö richixi rinigui? Busölá nedaʼ lu dul-laʼ nunaʼ le cabí gúquibeʼedaʼ benaʼ.
14195	PSA 19:14	Ben chiʼi nedaʼ para cabí udödi cuinaʼ lu dul-laʼ, para cabí inná beʼe nedaʼ lë naʼ naca dul-laʼ. Níʼirö ugáʼanaʼ tsahuiʼ, en bitiʼ ibágaʼa xiguiaʼ.
14196	PSA 19:15	Ben ga ilaca didzaʼ ruáʼa, en le rizáʼ ládxaʼa ca raza ládxuʼu Liʼ. Nacuʼ Xanaʼ ruzúʼ nedaʼ tsutsu, en ruhuöáʼauʼ nedaʼ.
14203	PSA 20:7	Naʼa nözdaʼ rusölë́ʼ Xanruʼ nu nabö́ cazëʼ. Riyönnëʼ nu naʼ nabö́ëʼ ga niʼ zoëʼ yehuaʼ yubá laʼayi queëʼ. Isö́l-lëʼë yöl-laʼ huáca idú queëʼ le usölá nu naʼ.
14204	PSA 20:8	Nacuáʼ nupa tuʼzxöni ladxiʼ yuguʼ carreta que gudil-la, ateʼ nacuáʼ bönachi yúbölö tuʼzxöni ladxiʼ yuguʼ böaʼ, pero rëʼu ruzxöni ládxiʼruʼ Lëʼ Xanruʼ Dios.
14206	PSA 20:10	Busölá netuʼ, Xan, tuʼ nacuʼ Nu rinná beʼe netuʼ. Rinábituʼ Liʼ uzë́ naguʼ netuʼ cateʼ ulídzatuʼ Liʼ.
14210	PSA 21:4	Tuʼ raza ládxuʼu lëʼ ruzúʼ queëʼ yuguʼ le naca dxiʼa. Nudxíuʼ icjëʼ tu le néquini oro idú.
14211	PSA 21:5	Gunábinëʼ Liʼ guʼu queëʼ yöl-laʼ naʼbán, ateʼ bëʼu le queëʼ. Nunuʼ ga sóaticaʼsëʼ ibanëʼ yuguʼ dza siʼ zaca.
14212	PSA 21:6	Zxöntë naca yöl-laʼ zxön queëʼ tuʼ nusölóʼ lëʼ. Nunuʼ lëʼ bal, en nunuʼ ga nayë́pisëʼ.
14227	PSA 22:7	Nacaʼ nedaʼ ca tubaʼ bëla gunaʼ, en calëga bönniʼ. Tuʼdíʼi bönachi nedaʼ, en tuʼcáʼana nedaʼ cáʼasö.
14230	PSA 22:10	Nacuʼ Liʼ Nu guléaj nedaʼ lë́ʼënu xináʼa. Benuʼ ga ruzxöni ládxaʼa Liʼ cateʼ niʼ gúdxaʼa luchúʼunu xináʼa.
14231	PSA 22:11	Nagáʼanaʼ lu noʼo Liʼ ga gudélaʼtë guljaʼ. Ga gudélaʼtë buzóanu xináʼa nedaʼ nacuʼ Dios quiaʼ.
14235	PSA 22:15	Nuhuöácaʼ ca nisa nalalaj luyú, ateʼ nazángaca bëch dxita quiaʼ. Nuhuöáca ládxiʼdaʼahuaʼ ca bidxinaʼ buz la lu lëʼa.
14236	PSA 22:16	Nacuidiʼ yöl-laʼ huáca quiaʼ ca tu röʼö naláʼa, ateʼ daʼ lúdxaʼa chichjaʼ. Nuzúʼ nedaʼ lu bëchtö yu que yöl-laʼ guti.
14237	PSA 22:17	Taʼguʼë nedaʼ lë́ʼajlö ca tunbaʼ yuguʼ böʼcuʼ. Nagúʼugaquiëʼ nedaʼ lë́ʼajlö bönniʼ tuʼë döʼ. Nuzóagaquiëʼ yeru blaga naʼa, en niʼa.
14238	PSA 22:18	Naláʼgaca yúguʼtë dxita néquinidaʼ. Taʼnë́ʼë nedaʼ, en tuʼyú yénniëʼ nedaʼ.
14240	PSA 22:20	Bitiʼ gáʼanuʼ ziʼtuʼ, Xan. Gúcalentë nedaʼ, Liʼ, Nu naca yöl-laʼ huáca quiaʼ.
14247	PSA 22:27	Ilágugaca nupa nácagaca nöxaj ladxiʼ, en uluʼhuölaj uluʼdzëʼe. Nupa taʼguilaj Xanruʼ, en taʼgúʼu Lëʼ yöl-laʼ ba uluʼzíʼticaʼsö xibë́ʼ.
14259	PSA 24:1	Nequi queëʼ Xanruʼ Dios luyú ni, en yúguʼtë le dë lahui. Nequi queëʼ yödzölió, en yúguʼtë nupa nacuáʼ niʼ.
14260	PSA 24:2	Naguixjëʼ le lahui nísadoʼ röʼö zxánilö, en nuzóëʼ xilibi luyú ga rëʼ zxan nísadoʼ.
14261	PSA 24:3	¿Nuzxi caz bönniʼ dë lu nëʼë cuenëʼ guíʼa láʼayi queëʼ Xanruʼ? ¿Nuzxi caz gaca tsaza lu lataj láʼayi queëʼ?
14263	PSA 24:5	Gunëʼ Xanruʼ ga gaca dxiʼa queëʼ bönniʼ naʼ. Caní gunnë́ʼ Dios, Nu rusölá lëʼ, en náquiëʼ tsahuiʼ.
14266	PSA 24:8	¿Nuzxi caz Bönniʼ unná bëʼ nayë́pisëtërëʼ naʼ? Náquiëʼ Xanruʼ nál-latërëʼ, en nápatërëʼ yöl-laʼ huáca, Lëʼ, Xanruʼ, Nu rideliʼ lu gudil-la.
14268	PSA 24:10	¿Nuzxi caz Bönniʼ unná bëʼ nayë́pisëtërëʼ naʼ? Náquiëʼ Xanruʼ Dios quéguequi niʼa nëʼë guizxi yu. Lëʼ náquiëʼ Bönniʼ unná bëʼ nayë́pisëtërëʼ naʼ.