13949	PSA 1:6	Rapa chiʼë Xanruʼ Dios nöza ga taʼdë́ʼ bönniʼ tsahuiʼ naʼ, pero uniti tsaz nu ridá gapa taʼdá nupa tuáʼ döʼ.
13972	PSA 4:2	Bubíʼi didzaʼ cateʼ rulidzaʼ Liʼ, Dios. Nacuʼ Nu ruchiʼa rusörö́ le raca quiaʼ. Cateʼ guröʼa böniga, bida cazuʼ Liʼ ga zoaʼ, en gúcalenuʼ nedaʼ. Ruhuéchiʼ ladxiʼ nedaʼ, en ruzë́ naguʼ le rinábidaʼ Liʼ.
13973	PSA 4:3	Rnnëʼ Dios: “Libíʼiliʼ, bönachi, ¿gácaʼxte ulidza dítajliʼ nedaʼ? ¿Gácaʼxte caz idxíʼiliʼ le cabí nazacaʼ, en güíʼi ládxiʼliʼ le cabí naca?”
13978	PSA 4:8	Runuʼ ga rudzéjadeʼerödaʼ ca tuʼdzeja nupa tuʼzíʼ xibé zxoaʼ za guizxi yu, en xisi lubá uva.
13981	PSA 5:2	Ruzë́ naguʼ didzaʼ ruáʼa, Xan. Buyú ca rinnëdaʼ ládxaʼa lu yöl-laʼ ruhuíʼini quiaʼ.
13986	PSA 5:7	Rusunítiuʼ dërö nupa taʼzíʼ yeʼe luzë́ʼeguequi, en bitiʼ riléʼenuʼ dxiʼa nupa tuti bönachi, en taʼzíʼ yëʼ.
13992	PSA 5:13	Run cazuʼ Liʼ ga raca dxiʼa quégaca nupa tun ca rnna xtídzuʼu, Xan. Lu yöl-laʼ dxiʼi ladxiʼ quiuʼ run chiʼu léguequi.
13996	PSA 6:4	Röʼö böniga idútë le nacaʼ. ¿Gácaʼxte caz gaca caní, Xan?
13999	PSA 6:7	Rudú ládxaʼa tuʼ rinnë́ticaʼsö ládxaʼa. Yuguʼ dzöʼ ribisa le rátiʼdaʼ len nisa ribödxi quiaʼ. Rusubisaʼ xcúguaʼ len nisa ribödxi quiaʼ.
14000	PSA 6:8	Röʼö gui guiö́j lahuaʼ tuʼ ribö́dxiticaʼsaʼ. Bitiʼ gaca iléʼedaʼ tuʼ nö́zigaca nupa tuʼdíʼi nedaʼ.
14002	PSA 6:10	Ruzë́ naguëʼ le rulidzaʼ, rátaʼyuaʼ lahuëʼ, en rubiʼë didzaʼ cateʼ bi rinábidaʼ Lëʼ.
14005	PSA 7:2	Ruzxöni ládxaʼa Liʼ, gácalenuʼ nedaʼ, Xanaʼ Dios. Busölá nedaʼ lu náʼagaca nupa taʼbía no nedaʼ, en gúcalen nedaʼ
14012	PSA 7:9	Ruchiʼa rusörö́uʼ quéguequi yúguʼtë bönachi, Xan. Bubéaj nedaʼ tsahuiʼ, Xan, tsca naca le tsahuiʼ nunaʼ, en tuʼ nacaʼ idú tsahuiʼ.
14014	PSA 7:11	Naca cazëʼ Dios Nu run chiʼi nedaʼ. Rusölë́ʼ nupa nácagaca idú ladxiʼ.
14018	PSA 7:15	Buyútsöcaʼ, riguínnaj icjëʼ bönniʼ ruʼë döʼ le xihuiʼ gunëʼ. Ruíʼi ládxëʼë le naca döʼ, en rizíʼ yëʼë.
14036	PSA 9:5	tuʼ nubéajuʼ tsahuiʼ le naca dxiʼa runaʼ! ¡Röʼu ga rinná bëʼu, en ruchiʼa rusörö́uʼ queë́tuʼ ca naca le naca tsahuiʼ!
14045	PSA 9:14	Buéchiʼ ladxiʼ nedaʼ, Xan. Buyú ca tun nedaʼ ziʼ nupa tuʼdíʼi nedaʼ. Ruchisuʼ Liʼ nedaʼ cateʼ chirequi gátiaʼ
14055	PSA 10:3	Run ba zxön cuinëʼ bönniʼ ruʼë döʼ ca naca le xihuiʼ rizë́ ládxëʼë. Bönniʼ ruhuídiʼnëʼ rulidza ditjëʼ luzë́ʼë, en ruzóëʼ Dios tsöláʼalö.
14056	PSA 10:4	Lu yöl-laʼ run ba zxön cuinëʼ bönniʼ huíaʼ döʼ bitiʼ ruíʼi ládxëʼë Dios. Rizáʼasö ládxëʼë, rnnëʼ: Bitiʼ caʼ zoa Dios.
14057	PSA 10:5	Ruziʼë xibé yúguʼtë le runëʼ. Bitiʼ caʼ réquibeʼenëʼ zoëʼ Dios Nu ruchiʼa rusörö́ quégaca bönachi. Ruzóëʼ tsöláʼalö nupa bitiʼ taʼléʼe lëʼ dxiʼa.
14058	PSA 10:6	Rëʼ laʼ cuinsëʼ: “Gatga ichíxidaʼ. Catu caz bi gaca quiaʼ.”
14059	PSA 10:7	Didzaʼ ruʼë nácagaca le rudxía döʼ, encaʼ le rizíʼ yëʼ, en le rudidzaʼ yudxi yuguʼ luzë́ʼë. Ruíʼiticaʼsëʼ didzaʼ le cabí nácatë, en le naca xihuiʼ.
14060	PSA 10:8	Rucachiʼ cuinëʼ yuguʼ lu yödzö. Bagáchiʼsö rútiëʼ nupa bitiʼ bi nabágaʼgaca. Ruyúlanëʼ nu bi gaca gun que.
14061	PSA 10:9	Ribözëʼ ga naʼ nucachiʼ cuinëʼ ca runbaʼ bëdxi guixiʼ. Ribözëʼ nu gaca sönëʼ. Rizönëʼ bönniʼ yechiʼ lu du yalaj queëʼ, en ráʼayöjëʼ lëʼ ga nagachiʼ queëʼ.
14062	PSA 10:10	Riguinëʼ luyú nu naʼ nazönëʼ. Zián nupa rucul-lëʼ len nëʼë nal-la.
14063	PSA 10:11	Rëʼ laʼ cuinsëʼ: “Nal-la ládxëʼë Dios. Nucachiʼ lahuëʼ, en bitiʼ caʼ riléʼenëʼ le runaʼ.”
14066	PSA 10:14	Liʼ biléʼe quézinuʼ lë ni, Xan. Ruíʼi ládxuʼu nu riguíʼi rizácaʼ, en nu risëbi ladxiʼ, en zóaticaʼsuʼ gácalenuʼ léguequi. Nu naca bayechiʼ rigúʼu cuini lu noʼo, Xan, tuʼ zóaticaʼsuʼ gácalenuʼ nu riyadza riyudxi.
14069	PSA 10:17	Ruzë́ naguʼ, Xan, le taʼnábini Liʼ nupa nácagaca doʼ ladxiʼ. Rutipuʼ ládxiʼguequi, en ruzë́ naguʼ chíʼiguequi.
14070	PSA 10:18	Ruchiʼa rusörö́uʼ quégaca nupa nácagaca uzëbi, en nupa zoa nu ribía no léguequi, para cabirö uluʼxösa bönachi yödzölió ni luzë́ʼeguequi.
14071	PSA 11:1	Ruzxöni ládxaʼa Xanruʼ gácalenëʼ nedaʼ. ¿Naruʼ guíëtsoʼ nedaʼ: “Buzxúnnaj lu guíʼa ca runbaʼ biguínnidoʼ”?
14074	PSA 11:4	¡Zoa cazëʼ Xanruʼ yudoʼ láʼayi queëʼ! Yehuaʼ yubá zoa ga röʼë rinná bëʼë Xanruʼ Dios. Riléʼe guiö́j lahuëʼ para uyúëʼ le tun bönachi.
14075	PSA 11:5	Rizíʼ bëʼë Xanruʼ nu naca tsahuiʼ. Bitiʼ riléʼenëʼ dxiʼa nu ruáʼ döʼ, en nu raza ladxiʼ taʼdáʼbagaʼ yúlahuiʼ.
14083	PSA 12:6	Rnnëʼ Xanruʼ: “Naʼa guídaʼ tuʼ nacuáʼ nupa tun ziʼ nupa taʼyadzaj taʼyudxi, ateʼ rinnë́ ládxiʼgaca nupa ni tuʼ zoa nu ribía no léguequi. Ca taʼzësö ládxiʼgaca, laʼ guídateaʼ dusöláʼ léguequi.”
14092	PSA 13:6	Nedaʼ ruzxöni ládxaʼa yöl-laʼ dxiʼi ladxiʼ quiuʼ. Rudzéjadaʼ tuʼ rusölóʼ nedaʼ. Gul-laʼ queëʼ Xanruʼ, tuʼ benëʼ quiaʼ le naca dxiʼa.
14099	PSA 14:7	Raca ládxaʼa irúaj Sión Nu usölá bönachi Israel. Cateʼ gunëʼ Xanruʼ ga uluʼdxín bönachi queëʼ nadzúngaca xilátjaguequi, uluʼdzeja zxíʼini xiʼsóëʼ Jacob, bönachi Israel, en uluʼzíʼ xibë́ʼ Dios.
14107	PSA 16:3	Riyaza ládxiʼlenaʼ nupa nácagaca queëʼ Dios luyú ni, en nupa nácagaca idú ladxiʼ.
14116	PSA 17:1	Ruzë́ naguʼ nedaʼ, Xan. Lu le naca tsahuiʼ quiaʼ rulidzaʼ Liʼ. Bëʼ ladxiʼ le rinábidaʼ Liʼ tuʼ cabí caʼ rizíʼ yëʼa.
14118	PSA 17:3	Núnbëʼu Liʼ le yuʼu ládxiʼdaʼahuaʼ. Ruyúʼ nedaʼ chiʼi dzö́ʼölö. Guzxíʼ bëʼu nedaʼ, ateʼ burúajaʼ tsahuiʼ. Bitiʼ caʼ ruáʼa didzaʼ le cabí naca idú dxiʼa.
14119	PSA 17:4	Runaʼ ca rinná bëʼ xibá quiuʼ, en bitiʼ caʼ ruáʼa döʼ ca tun bal-la bönachi.
14120	PSA 17:5	Ridáticaʼsaʼ laʼ nöza tsahuiʼ quiuʼ, en bitiʼ caʼ ridödaʼ tsöláʼalö.
14121	PSA 17:6	Rulidzaʼ Liʼ, Dios, tuʼ rubiʼu didzaʼ. Ruzë́ naguʼ yuguʼ didzaʼ ruáʼa.
14122	PSA 17:7	Buluíʼi lahui yöl-laʼ dxiʼi ladxiʼ quiuʼ. Rusölá cazuʼ nupa tuʼzxöni ladxiʼ Liʼ lu náʼagaca nupa taʼdáʼbagaʼ léguequi.
14133	PSA 18:3	Ruzóëʼ Xanruʼ nedaʼ tsutsu, en rapa chiʼë nedaʼ, en rusölë́ʼ nedaʼ. Náquiëʼ Dios quiaʼ, en Nu rutipa ládxaʼa, ateʼ ruzxöni ládxaʼa Lëʼ. Rácalenëʼ nedaʼ lu gudil-la: Rusölë́ʼ nedaʼ, en rizönëʼ nedaʼ.
14134	PSA 18:4	Rulidzaʼ-nëʼ Xanruʼ Nu ral-laʼ cúʼuruʼ yöl-laʼ ba, ateʼ usölë́ʼ nedaʼ lu náʼagaca nupa tuʼdíʼi nedaʼ.
14153	PSA 18:23	Runaʼ ca taʼnná xibá nunëʼ Xanruʼ, en bitiʼ ridáʼbagaʼa le rinná bëʼ naguixjëʼ Lëʼ.
14156	PSA 18:26	Ruhuéchiʼ ládxuʼu nupa tuʼhuechiʼ ladxiʼ luzë́ʼeguequi, en nacuʼ idú dxiʼa len nupa nácagaca idú dxiʼa.
14157	PSA 18:27	Ruluíʼi cuinuʼ idú ladxiʼ len nupa nácagaca idú ladxiʼ, pero ridáʼbaguʼu nupa taʼdáʼbagaʼ xtídzuʼu.
14158	PSA 18:28	Rusölóʼ nupa taʼguíʼi taʼzacaʼ, pero ruzötjuʼ nupa tun ba rahui.
14159	PSA 18:29	Ruquélaʼ cazuʼ guíʼ quiaʼ, Xanaʼ Dios, en rigúʼu quiaʼ beníʼ cateʼ ridáʼ ga chul-la.
14161	PSA 18:31	Idú dxiʼa nácagaca le runëʼ Dios. Nurúaj tsahuiʼ xtídzëʼë. Rapa chiʼë yúguʼtë nupa taʼnábini Lëʼ gácalenëʼ léguequi.
14164	PSA 18:34	Runëʼ ga nácagaca niʼa ca níʼagacabaʼ bidxinaʼ guixiʼ, en ruzóëʼ nedaʼ yuguʼ lu guíʼa zxön.
14165	PSA 18:35	Rusédinëʼ nedaʼ para gaca tsejaʼ gudil-la, en para gaca ugunaʼ dxin uxitiʼ yaga néquini guíë bronce.
14167	PSA 18:37	Ruchiʼu nöza ga ral-laʼ tödaʼ, en runuʼ ga bitiʼ cuilaʼ.
14179	PSA 18:49	Rusölë́ʼ nedaʼ lu náʼagaca nupa bitiʼ taʼléʼe nedaʼ dxiʼa. Le nácatë runëʼ ga rucul-laʼ nupa taʼdáʼbagaʼ nedaʼ, en rusölë́ʼ nedaʼ lu naʼ bönniʼ ridzáʼa.
14181	PSA 18:51	Rusölá cazëʼ Xanruʼ bönniʼ rinná bëʼë uláz queëʼ, en nadxíʼiticaʼsëʼ nu naʼ nabö́ cazëʼ, nu naʼ naca David, en yuguʼ zxíʼini xiʼsóëʼ ga idxinrö dza udxi.
14198	PSA 20:2	Rinábidaʼ-nëʼ Xanruʼ uzë́ naguëʼ liʼ cateʼ idxín dza quiʼi sacuʼu. Dios queëʼ Jacob gácalenëʼ liʼ.
14199	PSA 20:3	Rinábidaʼ-nëʼ isö́l-lëʼë le gácalen liʼ le irúaj lataj láʼayi queëʼ. Lë naʼ irúaj Sión gun ga gacuʼ tsutsu.
14200	PSA 20:4	Rinábidaʼ-nëʼ tsöjnenëʼ yúguʼtë le gulúʼu queëʼ, en siʼ lu nëʼë le buzéguiʼu lahuëʼ.
14201	PSA 20:5	Rinábidaʼ-nëʼ gunnëʼ quiuʼ tsca naca le rizë́ ládxuʼu, en gunëʼ ga gácatë yúguʼtë le rizáʼ ládxuʼu.
14202	PSA 20:6	Udzéjatuʼ cateʼ usölë́ʼ liʼ, en uchísatuʼ le gaca bëʼ rulidztuʼ-nëʼ Dios queë́ruʼ. Rinábidaʼ-nëʼ Xanruʼ gunnëʼ quiuʼ yúguʼtë le rinábinuʼ Lëʼ.
14203	PSA 20:7	Naʼa nözdaʼ rusölë́ʼ Xanruʼ nu nabö́ cazëʼ. Riyönnëʼ nu naʼ nabö́ëʼ ga niʼ zoëʼ yehuaʼ yubá laʼayi queëʼ. Isö́l-lëʼë yöl-laʼ huáca idú queëʼ le usölá nu naʼ.
14206	PSA 20:10	Busölá netuʼ, Xan, tuʼ nacuʼ Nu rinná beʼe netuʼ. Rinábituʼ Liʼ uzë́ naguʼ netuʼ cateʼ ulídzatuʼ Liʼ.
14208	PSA 21:2	Rudzéjanëʼ bönniʼ rinná bëʼë tuʼ zóalen lëʼ yöl-laʼ huáca quiuʼ Liʼ, Xan. Tuʼ busölóʼ lëʼ, yénniʼtërö rudzéjanëʼ.
14213	PSA 21:7	Zóaticaʼsö le naca dxiʼa nuzúʼ queëʼ. Runuʼ ga rudzéjadeʼenëʼ tuʼ zóalenuʼ lëʼ.
14253	PSA 23:1	Ruyú cazëʼ Xanruʼ Dios nedaʼ ca tu nu ruyú böʼcuʼ zxilaʼ. Bitiʼ bi riyádzjadaʼ.
14254	PSA 23:2	Runëʼ ga ruzíʼ ládxaʼa ca túngacabaʼ böʼcuʼ zxilaʼ tuʼzíʼ ládxiʼbaʼ gapa dëdaʼ le ilágubaʼ. Ga naca raʼ nisa rizáʼ tsahuiʼ ládxiʼdoʼ richë́ʼë nedaʼ.
14255	PSA 23:3	Runëʼ ga ruhuöáca ládxaʼa. Richë́ʼë nedaʼ ga naca nöza tsahuiʼ tuʼ nadxíʼinëʼ nedaʼ.
14257	PSA 23:5	Ga nacuáʼ nupa taʼzóa reguʼ nedaʼ, niʼ rucúʼu quiaʼ le gahuaʼ. Rigúʼu icjaʼ le za riláʼ zxixi, en ruliruʼ le guíʼjadaʼ.
14270	PSA 25:2	Ruzxöni ládxaʼa Liʼ, Dios quiaʼ. Ben ga cabí utuíʼidaʼ, en cabí uluʼdzeja nupa bitiʼ taʼléʼe nedaʼ dxiʼa.
14283	PSA 25:15	Ruyúticaʼsaʼ guídëʼ Xanruʼ gácalenëʼ nedaʼ, tuʼ usölë́ʼ nedaʼ lu naʼ nu rë́ʼëni sön nedaʼ.
14296	PSA 26:6	Richisa naʼa loʼ Liʼ, Dios, cabí dxía döʼ naʼa, en idú ládxaʼa ribígaʼa lo bucugu quiuʼ, Xan,
14303	PSA 27:1	Náquiëʼ Xanruʼ Dios beníʼ quiaʼ, en Nu rusölá nedaʼ. ¿Nuzxi caz ral-laʼ gádxidaʼ? Rapa chiʼë Xanruʼ Dios caz yöl-laʼ naʼbán quiaʼ. ¿Nuzxi caz gaca gun ga gadxi idzö́bidaʼ?
14317	PSA 28:1	Rulidzaʼ Liʼ, Xan. Nacuʼ Guiö́j le ruzóa nedaʼ tsutsu. Ruzë́ naguʼ chiʼa, tuʼ channö usayjuʼ ruʼu, gacaʼ ca tu bönniʼ raziëʼ lataj chul-la.
14318	PSA 28:2	Ruzë́ naguʼ le rulidzaʼ Liʼ cateʼ rinábidaʼ Liʼ gácalenuʼ nedaʼ, cateʼ richisaʼ naʼa zacaʼ Lataj Láʼayi ga naʼ zuʼ.
14323	PSA 28:7	Xanruʼ caz náquiëʼ yöl-laʼ huáca quiaʼ, en le run chiʼi nedaʼ. Ruzxöni ládxaʼa Lëʼ, ateʼ rácalenëʼ nedaʼ. Que lë ni naʼ ruzíʼ xibë́ʼ ládxiʼdaʼahuaʼ, ateʼ gul-laʼ le guíaʼ Lëʼ: “Xclenuʼ.”
14328	PSA 29:3	Riyö́n chiʼë Xanruʼ lu nísadoʼ. Riyö́n chiʼë Xanruʼ nayë́pisëʼ ca riyö́n guziúʼ rinnë́. Riyö́n chiʼë Xanruʼ lu nísadoʼ.
14331	PSA 29:6	Runëʼ Xanruʼ ga taʼxitiʼ guíʼa ca tunbaʼ bë́dxidoʼ. Taʼxitiʼ guíʼa Líbano, en guíʼa Sirión ca tunbaʼ bëdx guíʼa.
14333	PSA 29:8	Ruxizi chiʼë Xanruʼ laʼ guixiʼ ga dë lataj. Ruxizi chiʼë Xanruʼ laʼ guixiʼ nazíʼi le Cades.
14336	PSA 29:11	Rutipëʼ Xanruʼ ládxiʼdoʼgaca bönachi queëʼ. Gunëʼ Xanruʼ ga gaca dxiʼa quégaca bönachi queëʼ, en gunëʼ ga ilaʼböza dxiʼa tsáhuiʼdoʼ.
14339	PSA 30:3	Riguʼa Liʼ yöl-laʼ ba, Xanaʼ Dios, tuʼ bulidzaʼ Liʼ gácalenuʼ nedaʼ, ateʼ bunuʼ nedaʼ.
14340	PSA 30:4	Bubéajuʼ yöl-laʼ naʼbán quiaʼ lu yeru ba, Xan. Runuʼ ga zoaʼ nabanaʼ, para cabí tsuʼa lataj chul-la ga dzöʼö nupa nátigaca.
14347	PSA 30:11	Ruzë́ naguʼ, Xan, en ruzáʼ ládxuʼu quiaʼ. Gúcalen nedaʼ, Xan.
14351	PSA 31:2	Ruzxöni ládxaʼa Liʼ, Xan. Bitiʼ guʼu lataj utuíʼidaʼ. Tuʼ nacuʼ tsahuiʼ, busölá nedaʼ.
14352	PSA 31:3	Ruzë́ naguʼ quiaʼ, en rusölóʼ nedaʼ. Gacuʼ ca tu guiö́jtoʼo ga soaʼ tsutsu, en ca tu ga soaʼ dxiʼa tsáhuiʼdoʼ lu gudil-la.
14355	PSA 31:6	Riguʼa lu noʼo böʼ naca cazaʼ. Böáʼauʼ nedaʼ, Xan, Dios idú.
14360	PSA 31:11	Riyechiʼ dza quiaʼ tuʼ ruhuíʼinideʼedaʼ, en tuʼ rinnë́ ládxaʼa, en riyechiʼ iz quiaʼ. Rudú ládxaʼa tuʼ nözi döʼ nuʼa, ateʼ nadxita idútë le nacaʼ.
14364	PSA 31:15	pero nedaʼ ruzxöni ládxaʼa Liʼ, Xan. Rnníaʼ nacuʼ Dios quiaʼ.
14369	PSA 31:20	¡Bicaʼ zxön yöl-laʼ dxiʼi ladxiʼ quiuʼ, lë naʼ napuʼ para gácalenuʼ nupa tadxi Liʼ! Runuʼ caní quégaca nupa tuʼzxöni ladxiʼ Liʼ lógaca nupa tun ba zxön cuíniguequi.
14370	PSA 31:21	Rucáchuʼu légaquiëʼ ga naʼ zuʼ bagáchiʼsö, ga bitiʼ gaca idxín nu bönniʼ xihuiʼ. Run chiʼu légaquiëʼ bagáchiʼsö ga bitiʼ gaca idxín didzaʼ bizxaj.