13952	PSA 2:3	taʼnná: “Uzxuzxaj uquínnajruʼ le taʼnná béʼenëʼ rëʼu, en chúʼunaruʼ yuguʼ le tuʼzenëʼ bach rëʼu.”
13958	PSA 2:9	Quitsjuʼ léguequi len tu xiyaga guíë. Uzxuzxjuʼ léguequi ca run nu riláʼa tu zxigaʼ yö́ʼöna.”
13991	PSA 5:12	Uluʼdzeja nupa tuʼzxöni ladxiʼ Liʼ. Lu yöl-laʼ rudzeja quéguequi gúl-lagaca quiuʼ tuʼ rácalenuʼ léguequi. Tuʼzíʼ xibóʼ nupa nadxíʼigaca Liʼ.
14003	PSA 6:11	Uluʼtuíʼi nupa tuʼdíʼi nedaʼ, en ilaʼbö́ʼ böniga. Lu yöl-laʼ rutuíʼi quéguequi uluʼbigaʼ ga zoaʼ.
14024	PSA 8:3	Túl-labiʼ bíʼidoʼ, encaʼ biʼi huë́ʼënidoʼ yöl-laʼ zxön quiuʼ sal-laʼ nacuáʼ nupa taʼdáʼbagaʼ Liʼ. Uzóa dxíuʼ nupa naʼ bitiʼ taʼléʼe Liʼ dxiʼa, encaʼ nupa taʼdáʼbagaʼ Liʼ.
14033	PSA 9:2	¡Idú ládxaʼa riguʼa Liʼ yöl-laʼ ba, Xan! ¡Usiyöndaʼ bönachi ca naca yúguʼtë yöl-laʼ huáca nunuʼ!
14034	PSA 9:3	¡Udzéjadaʼ, en uziʼa xibóʼ! ¡Gul-laʼ yöl-laʼ ba que Loʼ, tuʼ nayë́pisëtëruʼ!
14040	PSA 9:9	Uchiʼa usörö́ëʼ quégaca bönachi yödzölió lu le naca tsahuiʼ. Uchiʼa usörö́ëʼ quégaca yuguʼ yödzö lu le nácatë.
14042	PSA 9:11	Uluʼzxöni ladxiʼ Liʼ nupa núnbëʼgaca Loʼ. Caní gaca, Xan, tuʼ cabí nusán ládxuʼu nupa tuʼguilaj Liʼ.
14076	PSA 11:6	Gunëʼ ga sácaʼgaca nupa tuáʼ döʼ le usuniti léguequi. Ubiʼë quéguequi guíʼ, en le ruquélaʼ guíʼ, en tu böʼ régui.
14193	PSA 19:12	Didzaʼ naʼ tuʼzéajniʼi nedaʼ, huen dxin queëʼ. Uzíʼtërö xibé nu run ca rnna xtídzëʼë naʼ.
14202	PSA 20:6	Udzéjatuʼ cateʼ usölë́ʼ liʼ, en uchísatuʼ le gaca bëʼ rulidztuʼ-nëʼ Dios queë́ruʼ. Rinábidaʼ-nëʼ Xanruʼ gunnëʼ quiuʼ yúguʼtë le rinábinuʼ Lëʼ.
14216	PSA 21:10	Cateʼ idxín dza usiúdxuʼ léguequi gaca quéguequi ca tu guíʼ ruzegui blaʼdoʼ. Usunítiuʼ léguequi, Xan, lu yöl-laʼ rilé quiuʼ, ateʼ tséguiguequi tu lu guíʼ zxön.
14217	PSA 21:11	Ucuítuʼ yuguʼ zxíʼini xiʼsóagaca nupa naʼ luyú ni, en ubéajuʼ yuguʼ zxíʼiniguequi ládjagaca bönachi.
14243	PSA 22:23	Usiyöndaʼ yuguʼ böchiʼ luzáʼa ca naca Loʼ. Gatsaj láhuiʼlö ga naʼ tuʼdubi bönachi loʼ cuʼa Liʼ yöl-laʼ ba.
14252	PSA 22:32	Ilidëʼ, en uluʼluíʼinëʼ lahui náquiëʼ Xanruʼ tsahuiʼ. Uluʼsiyönnëʼ caʼ nupa ral-laʼ ilalaj ca naca yuguʼ le benëʼ Lëʼ.
14281	PSA 25:13	Uluʼzíʼ xibé le naca dxiʼa gunnëʼ quéguequi, ateʼ guequi quégacabiʼ zxíʼini xiʼsóaguequi luyú ni.
14307	PSA 27:5	Cateʼ idxín dza soa bönadxi quiaʼ, ucáchëʼë Lëʼ nedaʼ lu yuʼu lidxëʼ. Ga nagachiʼ lu yuʼu lidxëʼ ucáchëʼë nedaʼ. Uzóëʼ nedaʼ tsutsu ca tu lu guiö́jtoʼo.
14310	PSA 27:8	Cateʼ Liʼ gudxuʼ nedaʼ: “Buguilaj nedaʼ”, idú ládxaʼa bubiʼa didzaʼ, gunníaʼ: Uguiljaʼ Liʼ, Xan.
14321	PSA 28:5	Caní gaca quéguequi tuʼ cabí tun bal le nunëʼ Xanruʼ, en bitiʼ tun bal le nun nëʼë. Uquínnajëʼ léguequi, en bitiʼ caʼ uchisëʼ léguequi.
14354	PSA 31:5	Ubéajuʼ nedaʼ lu du yalaj nucáchiʼgaquiëʼ bönniʼ tuʼë döʼ, tuʼ nacuʼ Liʼ yöl-laʼ nál-la quiaʼ.
14357	PSA 31:8	Udzéjadaʼ, en uziʼa xibé yöl-laʼ dxiʼi ladxiʼ quiuʼ, tuʼ biléʼe quézinuʼ le gudíʼi guzxácaʼa. Nöz quézinuʼ yuguʼ le raca quiaʼ.
14382	PSA 32:8	Liʼ gunuʼ ga gúl-laticaʼsaʼ quiuʼ Liʼ tuʼ rusölóʼ nedaʼ. Rnnëʼ Dios: “Nedaʼ uzéajniʼidaʼ liʼ, en uluíʼidaʼ liʼ le ral-laʼ gunuʼ. Usédidaʼ liʼ, en uyúticaʼsaʼ liʼ.
14419	PSA 34:12	Guliʼdá libíʼiliʼ, bíʼidoʼ, en buliʼzë́ nágaliʼ xtídzaʼa. Uzéajniʼidaʼ libíʼiliʼ para gádxiliʼ-nëʼ Xanruʼ.
14424	PSA 34:17	Uzáguëʼë Xanruʼ xinö́zgaca nupa tuáʼ döʼ, en gunëʼ ga cuntu nu tsöjné léguequi.
14439	PSA 35:9	Udzeja ládxiʼlenaʼ-nëʼ Xanruʼ, en uziʼa xibé yöl-laʼ rusölá queëʼ.
14481	PSA 37:10	Iaʼlátiʼsö xidzé, en bítiʼrö soëʼ bönniʼ naʼ ruʼë döʼ. Uguíljaliʼ xilatjëʼ, pero bítiʼrö soëʼ niʼ.
14491	PSA 37:20	Uluʼniti tsaz nupa tuáʼ döʼ, ateʼ nupa bitiʼ taʼléʼe dxiʼa Xanruʼ ilaca ca yöl-laʼ lachi que guixiʼ. Laʼ tö́ditë quéguequi, en ilaca ca dzön le rinítitë.
14509	PSA 37:38	Uluʼniti tsaz nupa tuʼcáʼana le gunná bëʼë Dios. Usiúdxëʼ Xanruʼ yuguʼ zxíʼini xiʼsóagaca nupa tuáʼ döʼ,
14527	PSA 38:16	Tuzuʼ Liʼ ruzxöni ládxaʼa, Xan. Ubíʼi cazuʼ didzaʼ, Xanaʼ Dios.
14570	PSA 41:4	Xanruʼ utipëʼ ládxëʼë bönniʼ naʼ cateʼ réʼenëʼ. Uchisëʼ lëʼ lu daʼa le rátiʼnëʼ, en gunëʼ ga soëʼ dxiʼa.
14586	PSA 42:6	¿Bizx que risë́bidaʼ ládxaʼa, en bizx que röʼa böniga? Uzxöni ládxaʼa-nëʼ Xanruʼ Dios, tuʼ huadxín dza cuʼa-nëʼ yöl-laʼ ba le yúbölö. Náquiëʼ Nu rusölá nedaʼ, en náquiëʼ Dios quiaʼ.
14592	PSA 42:12	¿Bizx que risë́bidaʼ ládxaʼa, en bizx que röʼa böniga? Uzxöni ládxaʼa-nëʼ Xanruʼ Dios, tuʼ huadxín dza cuʼa-nëʼ yöl-laʼ ba le yúbölö, tuʼ náquiëʼ Nu rusölá nedaʼ, en náquiëʼ Dios quiaʼ.
14597	PSA 43:5	¿Bizx que risë́bidaʼ ládxaʼa, en bizx que röʼa böniga? Uzxöni ládxaʼa-nëʼ Xanruʼ Dios, tuʼ huadxín dza cuʼa-nëʼ yöl-laʼ ba le yúbölö, tuʼ náquiëʼ Nu rusölá nedaʼ, en náquiëʼ Dios quiaʼ.
14603	PSA 44:6	Uguntuʼ dxin yöl-laʼ huáca quiuʼ, uxícjatuʼ nupa taʼdáʼbagaʼ netuʼ, ateʼ tuʼ zóalen cazuʼ netuʼ, ucúl-latuʼ nupa bitiʼ taʼléʼe netuʼ dxiʼa.
14667	PSA 48:3	Lachi, en sibi naca guíʼa láʼayi naʼ, ateʼ raza ládxiʼgaca bönachi idútë yödzölió ca naca. Caní naca guíʼa Sión le röʼö tsöláʼalö ga zaʼ böʼ ziaga. Lu yödzö naʼ dë ga zoa Bönniʼ Unná Bëʼ nayë́pisëʼ.
14676	PSA 48:12	Uluʼdzeja bönachi nacuáʼ yödzö Sión. Uluʼzíʼinu xibé nigula zxíʼini xiʼsóëʼ Judá tuʼ ruchiʼa rusörö́uʼ netuʼ ca naca le naca tsahuiʼ.
14679	PSA 48:15	Tsaz náquiëʼ Dios queë́ruʼ, naʼa dza, en dza siʼ zaca. Uluíʼinëʼ rëʼu nöza tödi gátiruʼ.
14704	PSA 50:4	Ulidzëʼ lúzxiba xitsáʼ, encaʼ luyú cateʼ uchiʼa usörö́ëʼ quégaca bönachi queëʼ.
14752	PSA 52:8	Yuguʼ bönniʼ tsahuiʼ ilaʼléʼenëʼ lë ni, en iládxinëʼ Dios. Uluʼzxidxëʼ queëʼ bönniʼ naʼ rizíʼ yëʼë, ilaʼnë́ʼ:
14754	PSA 52:10	Nacaʼ nedaʼ ca tu yaga olivo yaʼa le röʼ raʼ yuʼu lidxëʼ Dios. Uzxöni ládxaʼa yöl-laʼ dxiʼi ladxiʼ queëʼ Dios yuguʼ iz siʼ zaca.
14769	PSA 54:7	Ubiʼë quégaca nupa taʼdíl-lalen nedaʼ le usuniti léguequi. Tuʼ runuʼ ca rnna xtídzuʼu, Dios, busuniti léguequi.
14780	PSA 55:9	Uyijaʼ carelö tu lataj ga tsöjsóaʼ tsutsu, para cabí bi gun quiaʼ le naca ca böʼ budunuʼ.”
14813	PSA 57:4	Ga zoa cazëʼ yehuaʼ yubá ubiʼë didzaʼ, en usölë́ʼ nedaʼ. Usölë́ʼ nedaʼ lu naʼ nu ribía no nedaʼ. Lu yöl-laʼ dxiʼi ladxiʼ queëʼ, en yöl-laʼ idú ladxiʼ queëʼ gácalenëʼ nedaʼ.
14832	PSA 58:11	Uluʼdzeja nupa nácagaca tsahuiʼ cateʼ ilaʼléʼe uzíʼ lëbëʼ Dios bönniʼ tuʼë döʼ naʼ. Uluʼzxinëʼ len náʼagaquiëʼ xichö́ngaca nupa naʼ tuáʼ döʼ.
14844	PSA 59:11	Tuʼ náquiëʼ Dios quiaʼ dxiʼi ladxiʼ, dutságuiëʼ nedaʼ. Uxicja cazëʼ Dios nupa taʼdíl-lalen nedaʼ.
14859	PSA 60:8	Lu le naca láʼayi queëʼ bëʼë didzaʼ Dios, gunnë́ʼ: “Uziʼa xibé, en quísiaʼ xiyúgaca bönachi Siquem, en urixaʼ luyú dë cuita yegu Sucot.
14887	PSA 62:13	ateʼ zóaticaʼsö yöl-laʼ dxiʼi ladxiʼ queëʼ.” Ubíʼi cazuʼ, Xan, quégaca bönachi tsca naca le núngaca.
14892	PSA 63:5	Guíaʼ Liʼ: “Xclenuʼ” tsanni ni zoaʼ nabanaʼ. Uchisaʼ naʼa, en ulidzaʼ Loʼ.
14899	PSA 63:12	Nu rinná bëʼ uláz queëʼ Xanruʼ udzeja ladxiʼ lahuëʼ Dios. Uluʼzíʼ xibé yúguʼtë nupa tuʼzxöni ladxiʼ Lëʼ, tuʼ usayaj cazëʼ Lëʼ ruíʼigaca nupa taʼzíʼ yëʼ.
14907	PSA 64:8	Uzal-lëʼ Dios tu yaga lahui tuchiʼ le ideliʼ légaquiëʼ. Tsálidoʼos gunëʼ légaquiëʼ huëʼ.
14956	PSA 68:4	Uluʼdzeja nupa nácagaca tsahuiʼ, en uluʼzíʼ xibë́ʼ Dios. Lu yöl-laʼ rudzeja quéguequi uluʼzíʼ xibë́ʼ.
14974	PSA 68:22	Le nácatë Dios udxíëʼ huëʼ ícjagaca nupa taʼdáʼbagaʼ Lëʼ. Udxíëʼ huëʼ icjëʼ bönniʼ bitiʼ gusanëʼ ca naca döʼ ruʼë.
14975	PSA 68:23	Ruʼë didzaʼ Xanruʼ, rnnëʼ: “Ubéajaʼ léguequi lu guíʼa Basán, en ubéajaʼ léguequi lu nísadoʼ,
15024	PSA 69:36	Usölá cazëʼ Dios bönachi Sión, en uchisëʼ yuguʼ yödzö quégaca zxíʼini xiʼsóëʼ Judá. Ilaʼcuáʼ bönachi queëʼ ga naʼ, ateʼ guequi quéguequi luyú naʼ.
15047	PSA 71:16	¡Guʼa didzaʼ ca nácagaca le zxön benuʼ Liʼ, Xanaʼ Dios! ¡Usiyöndaʼ bönachi tuzuʼ Liʼ nacuʼ tsahuiʼ!
15067	PSA 72:12	Usölë́ʼ nu riyadzaj riyudxi cateʼ ulidza lëʼ, encaʼ nu riguíʼi rizacaʼ, en nu bitiʼ zoa nu gácalen nu naʼ.
15069	PSA 72:14	Usölë́ʼ léguequi lu náʼagaca nupa tun léguequi ziʼ, en lu náʼagaca nupa tuáʼ döʼ, en güíʼi ládxëʼë léguequi cateʼ nu guë́ʼëni guti léguequi.
15102	PSA 73:27	Le nácatë ilaʼniti nupa tuʼcáʼana Liʼ. Usunítiuʼ yúguʼtë nupa tuʼzóa Liʼ tsöláʼalö.
15129	PSA 75:3	Rnnëʼ Dios: “Nuzóaʼ dza cateʼ uchiʼa usörö́aʼ bönachi. Uchiʼa usörö́ cazaʼ léguequi ca naca le nácatë.
15134	PSA 75:8	pero uchiʼa usörö́ cazëʼ Dios bönachi. Uzötjëʼ tuëʼ bönniʼ, en uchisëʼ iaʼtúëʼ.
15137	PSA 75:11	Ugǘëʼ yöl-laʼ unná bëʼ quégaca nupa tuáʼ döʼ. Quíxjëʼ tsaz yöl-laʼ unná bëʼ quégaca nupa nácagaca tsahuiʼ.
15148	PSA 76:11	Sal-laʼ taʼlédeʼe bönachi, gaca yöl-laʼ ba queëʼ Lëʼ. Uziʼë xibégaca nupa uluʼgáʼana ládjaguequi.
15150	PSA 76:13	Ubéaj cazëʼ böʼ nácagaca caz nupa nadéliʼgaca lataj lo. Bönniʼ taʼnná bëʼë luyú ni tádxinëʼ Lëʼ.
15173	PSA 78:2	Usaljaʼ ruáʼa, en ucúdzuʼa didzaʼ. Guʼa didzaʼ tu le nagachiʼ dza niʼte quez,
15175	PSA 78:4	Bitiʼ ucáchiʼruʼ didzaʼ naʼ lógacabiʼ zxíʼiniruʼ. Usiyönruʼ yuguʼ zxíʼini xiʼsóaruʼ yöl-laʼ ba queëʼ Xanruʼ, ca naca yöl-laʼ huáca queëʼ, en yuguʼ le zxön benëʼ.
15176	PSA 78:5	Gudixjëʼ tu didzaʼ naca bëʼ queëʼ Jacob, en nuzóëʼ le rinná bëʼë quégaca bönachi Israel, le gunná béʼenëʼ yuguʼ xuz xtóʼoruʼ. Uluʼzéajniʼinëʼ zxíʼinigaquiëʼ ca naca,
15178	PSA 78:7	Uluʼzxöni ládxiʼgacabiʼ Dios, en bitiʼ gal-la ládxiʼgacabiʼ yuguʼ le nunëʼ Dios. Ilunbiʼ ca nácagaca le gunná bëʼë,
15292	PSA 81:16	Uluʼluíʼi cuínguequi nupa bitiʼ taʼléʼe nedaʼ dxiʼa, ca nupa tun ca rnna xtídzaʼa, pero tsaz gunaʼ léguequi xiguiaʼ.
15342	PSA 85:9	Uzë́ nagaʼ didzaʼ guʼë Xanruʼ Dios. Le guíëʼ bönachi queëʼ gun ga gaca dxiʼa quéguequi, nupa naʼ nácagaca quez queëʼ, pero run bayúdx bitiʼ uluʼhuö́a ládxiʼgaca.
15364	PSA 86:17	Buluíʼi nedaʼ tu le gaca bëʼ gaca dxiʼa quiaʼ, para ilaʼléʼe le nupa bitiʼ taʼléʼe nedaʼ dxiʼa. Uluʼtuíʼi, tuʼ gúcalenuʼ nedaʼ, en buë tsahúʼu nedaʼ, Xan.
15392	PSA 89:2	Gúl-laticaʼsaʼ ca naca yöl-laʼ dxiʼi ladxiʼ quiuʼ, Xan. Usiyöndaʼ zxíʼini xsoatuʼ ca runuʼ ca rnna xtídzuʼu.
15395	PSA 89:5	Gunníaʼ: Ucuáʼa tsaz zxíʼini xiʼsúʼ. Gunaʼ ga sóaticaʼsö nu inná bëʼ uláz quiuʼ.”
15414	PSA 89:24	Uquínnajaʼ lahuëʼ nupa taʼdíl-lalen lëʼ, en guʼa nupa bitiʼ taʼléʼe lëʼ dxiʼa.
15417	PSA 89:27	Ulidzëʼ nedaʼ, innë́ʼ: Liʼ nacuʼ Xuzaʼ, en Dios quiaʼ, encaʼ Nu run chiʼi nedaʼ, en Nu rusölá nedaʼ.
15420	PSA 89:30	Ucuáʼa tsaz zxíʼini xiʼsóëʼ, ateʼ sóaticaʼsö lataj ga inná bëʼë, tsca soa yehuaʼ yubá.
15463	PSA 91:3	Usölá cazëʼ Dios Liʼ lu du yalaj que nu rizö́n bönachi, en lu yödzöhuë́ʼ le rusuniti.
15464	PSA 91:4	Usubáguëʼë liʼ ca rusubágaʼbaʼ böra yuguʼ bö́radoʼ queë́baʼ, ateʼ gaca chiʼu lu nëʼë ca raca quégacabaʼ bö́radoʼ zxan xílabaʼ yöjede. Le run chiʼi rëʼu, en le ruzóa rëʼu tsutsu naca yöl-laʼ run ca rnna xtídzëʼë cheëʼ.
15473	PSA 91:13	Uléaj ulibuʼ bëdxi guixiʼ, en bëla síniaʼ. Usunuʼ lëʼe labuʼ bëdxi guíxiʼdoʼ, en bëla xitsiníʼ.
15474	PSA 91:14	Rnnëʼ Dios: “Nadxiʼinëʼ nedaʼ, ateʼ que lë ni naʼ usöláʼ lëʼ. Uzóaʼ-nëʼ tsaz xitsáʼtërö tuʼ núnbëʼë Laʼ.
15475	PSA 91:15	Ulidzëʼ nedaʼ, ateʼ ubiʼa didzaʼ. Sóalenaʼ lëʼ cateʼ bi gaca queëʼ. Usöláʼ lëʼ, en gunaʼ lëʼ bal.
15476	PSA 91:16	Uzándaʼa dza soëʼ ibanëʼ, en uluíʼidaʼ-nëʼ ca gaca usöláʼ lëʼ.”
15486	PSA 92:10	Naca bëʼ le gaca quégaca nupa bitiʼ taʼléʼe Liʼ dxiʼa, Xan. Naca bëʼ ilaʼniti nupa bitiʼ taʼléʼe Liʼ dxiʼa. Uluʼgáʼana cáʼasö yúguʼtë nupa tuáʼ döʼ.
15520	PSA 94:23	Ubiʼë quégaquiëʼ ca naca döʼ tuʼë, en usunítiëʼ légaquiëʼ tuʼ nözi xiguiaʼ nabágaʼgaquiëʼ. Usunítiëʼ dërö Xanruʼ Dios légaquiëʼ.
15522	PSA 95:2	Uyéajruʼ lahuëʼ, en guië́ruʼ-nëʼ: “Xclenuʼ.” Lu yöl-laʼ rudzeja queë́ruʼ cö́dxiʼaruʼ lahuëʼ, gúl-laruʼ yuguʼ salmo.
15526	PSA 95:6	Guliʼdá, gunruʼ-nëʼ zxön, en uzóa zxíbiruʼ lahuëʼ. Uzóa zxíbiruʼ lahuëʼ Xanruʼ Nu ben rëʼu.
15551	PSA 97:7	Tuʼtuíʼi yúguʼtë nupa tun zxön budóʼ guiö́j budóʼ yaga, nupa naʼ tun ba zxön cuínguequi niʼa quégaca budóʼ quéguequi naʼ. Uluʼgáʼana cáʼasö yúguʼtë dios quégaca bönachi izáʼa lahuëʼ Xanruʼ.
15584	PSA 101:5	Usunítiaʼ dërö nu bönniʼ rinnë́ʼ que luzë́ʼë balándoʼos. Bitiʼ caʼ guáʼ ilenaʼ nu run ba zxön cuini.
15585	PSA 101:6	Uyúaʼ dxiʼa tsáhuiʼdoʼ nupa tun ca rnna xtídzaʼguequi luyú ni, para ilaʼcuáʼlen nedaʼ. Nu bitiʼ bi xiguiaʼ nabagaʼ huáca gun xichinaʼ.
15672	PSA 104:34	¡Zxixi naca le rizáʼ ládxaʼa ca naca queëʼ! ¡Udzéjalendaʼ-nëʼ Xanruʼ!
15817	PSA 108:8	Lu lataj láʼayi queëʼ bëʼë didzaʼ Dios, gunnë́ʼ: “Uziʼa xibé, en quísiaʼ xiyúgaca bönachi Siquem, en urixaʼ luyú dë cuiti yegu Sucot.
15857	PSA 110:3	Uluʼdödi cuínguequi lu noʼo bönachi quiuʼ cateʼ siʼu yöl-laʼ unná bëʼ quiuʼ tuʼ napuʼ yöl-laʼ lachi que le naca láʼayi.” Ilaʼcuáʼ biʼi bönniʼ ga zuʼ ca ribö́ʼö buzén zíladoʼ.
15859	PSA 110:5	Zoa cazëʼ Xanruʼ cuita lëʼu ibëla. Ucul-lëʼ bönniʼ taʼnná bëʼë cateʼ idxín dza usiúdxëʼ luyú.
15860	PSA 110:6	Uchiʼa usörö́ëʼ quégaca bönachi yúguʼtë yödzö izáʼa, ateʼ ilí yödzölió len bëlaʼ rön quéguequi. Uzötjëʼ nupa taʼnná bëʼ zián lu yödzö izáʼa.