13956	PSA 2:7	Quíxjöiʼidaʼ libíʼiliʼ didzaʼ nuzóëʼ tsaz Dios. Xanruʼ Dios gudxi cazëʼ nedaʼ: “Liʼ nacuʼ Zxíʼinaʼ. Naʼa dza nuzóa cazaʼ Liʼ.
13961	PSA 2:12	Guliʼgún bal Zxíʼinëʼ Dios para cabí ilétenëʼ, en para cabí udxi queë́liʼ laʼ nöza. Laʼ ilentë yöl-laʼ rilé queëʼ. ¡Bicaʼ ba yúguʼtë nupa tuʼzxöni ladxiʼ Lëʼ!
13963	PSA 3:2	Xan, chinayángacadaʼ nupa taʼlé nedaʼ. Zián nupa taʼdáʼbagaʼ nedaʼ.
13964	PSA 3:3	Zián nupa taʼnnë́ quiaʼ, taʼnná: “Bitiʼ usölë́ʼ Dios lëʼ.”
13977	PSA 4:7	Zián nupa taʼnná: “¿Nuzxi caz gun ga gaca dxiʼa queë́ruʼ?” Lu yöl-laʼ dxiʼi ladxiʼ quiuʼ buyú netuʼ, Xan.
13983	PSA 5:4	Yuguʼ zila yönnuʼ chiʼa. Zíladoʼ idxinaʼ loʼ, en cözaʼ didzaʼ ubiʼu.
14039	PSA 9:8	Zóaticaʼsëʼ Xanruʼ Dios. Naguixjëʼ tsaz lataj ga röʼë rinná bëʼë en ruchiʼa rusörö́ëʼ quégaca bönachi.
14062	PSA 10:10	Riguinëʼ luyú nu naʼ nazönëʼ. Zián nupa rucul-lëʼ len nëʼë nal-la.
14074	PSA 11:4	¡Zoa cazëʼ Xanruʼ yudoʼ láʼayi queëʼ! Yehuaʼ yubá zoa ga röʼë rinná bëʼë Xanruʼ Dios. Riléʼe guiö́j lahuëʼ para uyúëʼ le tun bönachi.
14177	PSA 18:47	¡Zoëʼ nabanëʼ Xanruʼ! ¡Yöl-laʼ ba Nu naʼ run chiʼi nedaʼ! ¡Guliʼgún zxön Dios Nu rusölá nedaʼ!
14212	PSA 21:6	Zxöntë naca yöl-laʼ zxön queëʼ tuʼ nusölóʼ lëʼ. Nunuʼ lëʼ bal, en nunuʼ ga nayë́pisëʼ.
14213	PSA 21:7	Zóaticaʼsö le naca dxiʼa nuzúʼ queëʼ. Runuʼ ga rudzéjadeʼenëʼ tuʼ zóalenuʼ lëʼ.
14224	PSA 22:4	Láʼayi nacuʼ Liʼ. Zuʼ ga riyö́n yöl-laʼ ba taʼgúʼu bönachi Israel Liʼ.
14251	PSA 22:31	Zxíʼini xiʼsóaliʼ ilún xichinëʼ. Ilaʼguixjöʼ lë ni ca naca queëʼ Xanruʼ para ilaʼyöni nupa tsöjsétëgaca luyú ni.
14384	PSA 32:10	Zián le tun ga tuʼhuíʼiniguequi nupa tuáʼ döʼ, pero bönniʼ ruzxöni ládxëʼë Xanruʼ iléʼenëʼ yöl-laʼ dxiʼi ladxiʼ queëʼ.
14398	PSA 33:13	Zoa cazëʼ Xanruʼ yehuaʼ yubá, ruyúëʼ ga zóaruʼ. Riléʼenëʼ le tun yúguʼtë bönachi nacuáʼ idútë yödzölió.
14427	PSA 34:20	Zián le riguíʼi rizáquëʼë bönniʼ tsahuiʼ, pero Xanruʼ rusölë́ʼ lëʼ lu yúguʼtë lë naʼ.
14464	PSA 36:6	Zxö́ntërö ca yehuaʼ yubá naca yöl-laʼ dxiʼi ladxiʼ quiuʼ, Xan, ateʼ gúnticaʼsuʼ ca rnna xtídzuʼu, tsca zoa yehuaʼ yubá.
14552	PSA 40:4	Busë́dinëʼ nedaʼ tu le cubi le rul-laʼ le naca yöl-laʼ ba queëʼ Dios queëruʼ. Zián nupa ilaʼléʼeni lë ni, en ilún Lëʼ zxön, ateʼ uluʼzxöni ladxiʼ-nëʼ Xanruʼ.
14554	PSA 40:6	Ziántërö naca le nunuʼ queë́tuʼ, Xanaʼ Dios, yuguʼ le tun ga rubánituʼ. Ziántërö le yuʼu icja ládxiʼdoʼo ca naca le gunuʼ queë́tuʼ. Bitiʼ caʼ gaca nu ulaba loʼ Liʼ tsca nácagaca. Channö guë́ʼëndaʼ nu usiyöndaʼ tsca nácagaca, nayántërö tsca le gaca ulabaʼ.
14561	PSA 40:13	Zián le raca quiaʼ nagúʼugaca nedaʼ lë́ʼajlö, le cabí gaca nu ulaba. Nabágaʼa yuguʼ döʼ biʼa, en bítiʼrö gaca iléʼedaʼ. Nayanrö ca guitsaʼ icjaʼ, ateʼ rudú ládxaʼa.
14644	PSA 46:2	¡Náquiëʼ Dios Nu run chiʼi rëʼu, en Nu ruzóa rëʼu tsutsu! ¡Zóaticaʼsëʼ gácalenëʼ rëʼu cateʼ bi raca queë́ruʼ!
14647	PSA 46:5	Zoa tu yegu le run ga tuʼdzeja nupa nacuáʼ ladzëʼ Dios, ga naʼ röʼö yudoʼ láʼayi ga zoëʼ Dios nayë́pisëtërëʼ.
14648	PSA 46:6	Zoa cazëʼ Dios yödzö naʼ, le catu caz initi. Cateʼ niʼ soa itö́ yu gácalenëʼ nupa nacuáʼ niʼ.
14663	PSA 47:9	¡Zoa cazëʼ Dios lataj láʼayi queëʼ ga röʼë rinná bëʼë! ¡Rinná béʼenëʼ bönachi yúguʼtë yödzö!
14703	PSA 50:3	Zëʼë Dios queë́ruʼ, en bitiʼ soëʼ dxisö. Tsöjnöru lahuëʼ tu guíʼ zxön, ateʼ tsecja tu böʼ budunuʼ idú gasibíʼilëʼ.
14719	PSA 50:19	Zóaticaʼsuʼ guʼu didzaʼ xihuiʼ, en ruíʼiticaʼsuʼ didzaʼ bitiʼ nácatë.
14720	PSA 50:20	Zóaticaʼsuʼ uzéguiuʼ-nëʼ böchiʼ cazuʼ, en rudidzaʼ yudxuʼ böchiʼ-zan cazuʼ.
14747	PSA 52:3	¿Bizx que run ba zxön cuinuʼ niʼa que döʼ ruʼu, bönniʼ nál-la? Zóaticaʼsö yöl-laʼ dxiʼi ladxiʼ queëʼ Dios.
14798	PSA 56:3	Yuguʼ dza nupa bitiʼ taʼléʼe nedaʼ dxiʼa tuáʼ döʼ quiaʼ. Zián nupa taʼdíl-lalen nedaʼ lu yöl-laʼ run ba zxön cuínguequi.
14818	PSA 57:9	¡Bubán, böʼ naca cazaʼ! ¡Guliʼbán arpa, en bihuël-la! ¡Zíladoʼ ubanaʼ,
14820	PSA 57:11	Zxö́ntërö naca yöl-laʼ ruhuéchiʼ ladxiʼ quiuʼ, le ridxintë yehuaʼ yubá, ateʼ ridxintë yöl-laʼ idú ladxiʼ quiuʼ lúzxiba xitsáʼ.
14831	PSA 58:10	Zíʼalö ca gaca utsëʼe yusuʼ tu guíʼ zxön, ugǘëʼ Dios légaquiëʼ lu yöl-laʼ ridzáʼa queëʼ, bönniʼ nabángaquiëʼ, en bönniʼ chizóa ilátiëʼ.
14872	PSA 61:7	Gunuʼ ga soëʼ xidzé bönniʼ naʼ rinná bëʼë uláz quiuʼ. Zián iz soëʼ ibanëʼ.
14889	PSA 63:2	Dios, nacuʼ Dios quiaʼ, ateʼ idú ládxaʼa ruguiljaʼ Liʼ. Ribidxi ládxaʼa Liʼ, ateʼ idútë le nacaʼ rizë́ ladxiʼ Liʼ. Zoaʼ tu luyú bidxi ga ni rudú ládxaʼa, ateʼ bitiʼ bi dë nisa.
14927	PSA 66:3	Guliʼguíëʼ Dios: “¡Zxö́ntërö nácagaca le nunuʼ tuʼ naca zxö́ntërö yöl-laʼ huáca quiuʼ!” Nupa bitiʼ taʼléʼe Liʼ dxiʼa uluʼluíʼi cuini ca nupa tun ca rnna xtídzuʼu.
14980	PSA 68:28	Nacuʼë zxíʼini xiʼsóëʼ Benjamín ga naʼ, bönniʼ gúcarëʼ cuidiʼ, ateʼ taʼnná bëʼë. Bönniʼ lo quégaquiëʼ zxíʼini xiʼsóëʼ Judá nútsaʼgaquiëʼ ládjagaquiëʼ, encaʼ ládjagaquiëʼ bönniʼ lo quégaquiëʼ zxíʼini xiʼsóëʼ Zabulón, en Neftalí.
14991	PSA 69:3	Raca quiaʼ tsca ruhuötjaʼ ga rëʼ lu gunaʼ, en bitiʼ zoa ga gaca ulibaʼ. Zoaʼ ca tu lu nisa zila, en chizóa uchicjaʼ nisa.
15025	PSA 69:37	Zxíʼini xiʼsóagaquiëʼ huen xichinëʼ ilaʼzíʼibiʼ luyú naʼ, ateʼ ilaʼcuáʼticaʼsö niʼ nupa nadxíʼigaca Lëʼ.
15030	PSA 70:5	Ben ga uluʼdzeja, en uluʼzíʼ xibóʼ yúguʼtë nupa tuʼguilaj Liʼ. Ben ga iluíʼiticaʼsö didzaʼ nupa taʼdxíʼi yöl-laʼ rusölá quiuʼ, ilaʼnná: “¡Zxö́ntërö náquiëʼ Dios!”
15038	PSA 71:7	Zián nupa tuʼbani ca naca quiaʼ, tuʼ run chiʼi cazuʼ Liʼ nedaʼ.
15098	PSA 73:23	Zóaticaʼsaʼ loʼ Liʼ, ateʼ rizö́n cazuʼ nedaʼ.
15139	PSA 76:2	Zxíʼini xiʼsóëʼ Judá núnbëʼgaquiëʼ Dios. Nayë́pisë le lëʼ ladaj bönachi Israel.
15140	PSA 76:3	Zoa caz lataj láʼayi queëʼ lu yödzö Jerusalen, ateʼ nazíʼi le Sión lataj ga naʼ zoa cazëʼ.
15183	PSA 78:12	Benëʼ Dios le gulún ga buluʼbáninëʼ xuz xtóʼogaquiëʼ luyú Egipto, en luyú Zoán.
15201	PSA 78:30	Zíʼalö ca budxi buluʼhuö́laj gulaʼdzéʼenëʼ, tsanni niʼ yuʼu ruáʼagaquiëʼ le tahuëʼ,
15211	PSA 78:40	Zián luzuí gulaʼdáʼbaguëʼë Lëʼ ga naʼ naca laʼ guixiʼ, en buluʼsuhuíʼinëʼ Lëʼ lu yu bidxi naʼ.
15212	PSA 78:41	Zián luzuí gulaʼzíʼ bëʼë Dios, en gulunëʼ ziʼ Dios Láʼayi quégaca bönachi Israel.
15214	PSA 78:43	cateʼ niʼ benëʼ le gulaca bëʼ luyú Egipto, en benëʼ yuguʼ yöl-laʼ huáca queëʼ luyú Zoán,
15294	PSA 82:1	Zuínëʼ Dios ladaj nupa tuʼdubi queëʼ niʼ yehuaʼ yubá. Ruchiʼa rusörö́ëʼ nupa taʼnná bëʼ.
15313	PSA 83:12	Ben quégaquiëʼ bönniʼ lo quéguequi ca benuʼ quégaquiëʼ Oreb, en Zeb, en ben quégaquiëʼ bönniʼ taʼnná béʼenëʼ léguequi ca benuʼ quégaquiëʼ Zeba, en Zalmuna,
15367	PSA 87:3	Zián le lachi taʼnná bönachi ca naca yödz naʼ nequi queëʼ Dios.
15390	PSA 88:19	Nucuásuʼ ga zoaʼ nu nadxíʼi nedaʼ, encaʼ luzáʼa. Zóalensö le naca chul-la nedaʼ.
15445	PSA 90:2	Zíʼatëlö ca gulataʼ yuguʼ guíʼa, o ca gutaʼ yödzölió, ga naguelaʼ cateʼ gusí lo ga idxintë dza udxi, tsaz naca cazuʼ Dios.
15482	PSA 92:6	Bicaʼ zxön nácagaca le nunuʼ Liʼ, Xan. Zxö́ntërö le rizáʼ ládxuʼu gunuʼ.
15483	PSA 92:7	Zoa tu le cabí gaca inö́zinëʼ bönniʼ nazxí icjëʼ, en bitiʼ gaca tséjniʼinëʼ bönniʼ canö́z le.
15535	PSA 96:4	Zxö́ntërö náquiëʼ Xanruʼ, ateʼ rundaʼ bayúdx cúʼuruʼ-nëʼ yöl-laʼ ba. Ral-laʼ gádxitëruʼ Lëʼ ca tadxi bönachi izáʼa dios quéguequi.
15579	PSA 100:5	¡Náquiëʼ dxiʼa tsahuiʼ Xanruʼ Dios, ateʼ zóaticaʼsö yöl-laʼ dxiʼi ladxiʼ queëʼ! ¡Zóaticaʼsö yöl-laʼ run ca rnna xtídzëʼë queëʼ!
15612	PSA 102:25	Gunníaʼ: Dios quiaʼ, bitiʼ gútiuʼ nedaʼ cateʼ ni zoaʼ gatsaj iza ral-laʼ soaʼ ibanaʼ. Zóaticaʼsö cazuʼ Liʼ.
15616	PSA 102:29	Zxíʼinigaca huen dxin quiuʼ ilaʼböza dxiʼa tsáhuiʼdoʼ, ateʼ ucúʼu tsutsu zxíʼini xiʼsóagaquiëʼ loʼ.
15639	PSA 104:1	¡Guluʼë yöl-laʼ ba Xanruʼ, liʼ, böʼ naca cazaʼ! ¡Nayë́pisëtëruʼ Liʼ, Xanaʼ Dios! ¡Zxoʼ nacuʼ naca yöl-laʼ zxön, en yöl-laʼ ba!
15672	PSA 104:34	¡Zxixi naca le rizáʼ ládxaʼa ca naca queëʼ! ¡Udzéjalendaʼ-nëʼ Xanruʼ!
15719	PSA 106:1	¡Guliʼcuʼë yöl-laʼ ba Xanruʼ! ¡Guliʼguíëʼ Xanruʼ: “Xclenuʼ” tuʼ náquiëʼ idú dxiʼa! ¡Zóaticaʼsö yöl-laʼ dxiʼi ladxiʼ queëʼ!
15732	PSA 106:14	Zián le gulaʼzë́ ládxëʼë cateʼ niʼ gulaʼcuʼë laʼ guixiʼ ga dë lataj, en gulaʼzíʼ bëʼë Dios laʼ guixiʼ naʼ.
15761	PSA 106:43	Zián luzuí gúʼunëʼ Dios usölë́ʼ légaquiëʼ, pero gulaʼdáʼbaguëʼë le rë́ʼënëʼ ilunëʼ, ateʼ guzxö́ntërö xiguiaʼ nabágaʼgaquiëʼ.
15814	PSA 108:5	¡Zxö́ntërö naca yöl-laʼ dxiʼi ladxiʼ quiuʼ, le ridxintë lúzxiba xitsáʼ!
15859	PSA 110:5	Zoa cazëʼ Xanruʼ cuita lëʼu ibëla. Ucul-lëʼ bönniʼ taʼnná bëʼë cateʼ idxín dza usiúdxëʼ luyú.
15863	PSA 111:2	Zxön nácagaca le nunëʼ Xanruʼ. Yúguʼtë nupa taʼyaza ládxiʼgaca lë naʼ benëʼ tuʼsëda ca nácagaca.
15892	PSA 114:2	Zxíʼini xiʼsóëʼ Judá guláquiëʼ ca lidxëʼ Xanruʼ Dios, ateʼ gulaca bönachi Israel nupa rinná béʼenëʼ Dios.
15901	PSA 115:3	Zoëʼ Dios queë́ruʼ yehuaʼ yubá. Runëʼ le raza ládxëʼë gunëʼ.
15926	PSA 116:10	Guyéajlëʼa Lëʼ cateʼ gunníaʼ: “Zoa le rusacaʼ nedaʼ ziʼ.”
15938	PSA 118:1	¡Guliʼguíëʼ Xanruʼ: “Xclenuʼ”, tuʼ náquiëʼ dxiʼa! ¡Zóaticaʼsö yöl-laʼ dxiʼi ladxiʼ queëʼ!
15939	PSA 118:2	Ral-laʼ ilaʼnná bönachi Israel: “¡Zóaticaʼsö yöl-laʼ dxiʼi ladxiʼ queëʼ!”
15940	PSA 118:3	Ral-laʼ ilaʼnná zxíʼini xiʼsóëʼ Aarón: “¡Zóaticaʼsö yöl-laʼ dxiʼi ladxiʼ queëʼ!”
15941	PSA 118:4	Ral-laʼ ilaʼnná nupa tadxi Xanruʼ Dios: “¡Zóaticaʼsö yöl-laʼ dxiʼi ladxiʼ queëʼ!”
15943	PSA 118:6	Zoëʼ Xanruʼ cuitaʼ nedaʼ, ateʼ bitiʼ bi gádxidaʼ. ¿Bizxi caz gaca ilún bönachi quiaʼ?
15944	PSA 118:7	Zoëʼ Xanruʼ cuitaʼ nedaʼ ladaj nupa tácalen nedaʼ. Que lë ni naʼ idéliʼdaʼ láhuigaca nupa bitiʼ taʼléʼe nedaʼ dxiʼa.
15959	PSA 118:22	Zoa tu guiö́j buluʼzóëʼ tsöláʼalö bönniʼ tuʼcuʼë zöʼö. Naʼa naca guiö́j naʼ guiö́j len squin zöʼö.
15966	PSA 118:29	¡Guliʼ-guië́ʼ Xanruʼ Dios: “Xclenuʼ” tuʼ náquiëʼ dxiʼa! ¡Zóaticaʼsö yöl-laʼ dxiʼi ladxiʼ queëʼ!
15985	PSA 119:19	Zoaʼ yödzölió ca tu bönniʼ ridasö. Bitiʼ ucachuʼu yuguʼ xibá nunuʼ ga bitiʼ gaca iléʼedaʼ léguequi.
16020	PSA 119:54	Rul-laʼ ca nácagaca le gunná bëʼu. Zoaʼ ni ca tu bönniʼ ridë́ʼ ziʼtuʼ.
16033	PSA 119:67	Zíʼalö cateʼ buzötjuʼ nedaʼ gudáʼ nanitiaʼ, pero naʼa runaʼ ca rnna xtídzuʼu.
16073	PSA 119:107	Zoa le rusacaʼ ziʼ nedaʼ. Busubán ládxaʼa, Xan, ugunuʼ dxin xtídzuʼu.
16075	PSA 119:109	Zóaticaʼsö bönadxi gátiaʼ, pero bitiʼ ral-la ládxaʼa xibá naguixjuʼ Liʼ.
16108	PSA 119:142	Zóaticaʼsö le naca tsahuiʼ quiuʼ, en idútë li naca xibá naguixjuʼ Liʼ.
16117	PSA 119:151	Zuʼ galaʼ ga zoaʼ, Xan, ateʼ idútë li naca le gunná bëʼu.
16121	PSA 119:155	Ziʼtuʼ zoa yöl-laʼ rusölá ga nacuáʼ nupa tuáʼ döʼ, tuʼ cabí tuíʼi ládxiʼgaca le gunná bëʼu.
16122	PSA 119:156	Zxö́ntërö naca yöl-laʼ ruhuéchiʼ ladxiʼ quiuʼ, Xan. Busubán ládxaʼa ca naca le nusédinuʼ netuʼ.
16123	PSA 119:157	Ziángaca nupa taʼbía no nedaʼ, en taʼdáʼbagaʼ nedaʼ, pero bitiʼ nucáʼanaʼ le nunuʼ ba nalí.
16154	PSA 121:5	Run chiʼë Xanruʼ Dios liʼ. Zoëʼ Xanruʼ Dios cuituʼ ibëla, riguʼë liʼ zxul-la.
16201	PSA 129:1	“Zian luzuí gulaʼbía no netuʼ ga gudelaʼ nácatuʼ raʼbandoʼ”, huáca ilaʼnná bönachi Israel:
16202	PSA 129:2	“Zian luzuí gulaʼbía no netuʼ ga gudelaʼ nácatuʼ raʼbandoʼ, pero bitiʼ gulaʼdeliʼ uluʼxicja netuʼ.
16259	PSA 135:16	Zóagaca ruíʼiguequi, pero bitiʼ bi didzaʼ tuíʼi. Zóagaca guiö́j lóguequi, pero bitiʼ bi taʼléʼe.
16260	PSA 135:17	Zóagaca nágagaca, pero bitiʼ bi taʼyöni, en bitiʼ taʼguelaʼ böʼ ruíʼigaca.
16265	PSA 136:1	¡Xclenëʼ Xanruʼ Dios tuʼ náquiëʼ dxiʼa! Zóaticaʼsö yöl-laʼ dxiʼi ladxiʼ queëʼ.
16266	PSA 136:2	¡Xclenëʼ Dios nayë́pisëtërëʼ ca yuguʼ dios izáʼa! Zóaticaʼsö yöl-laʼ dxiʼi ladxiʼ queëʼ.
16267	PSA 136:3	¡Xclenëʼ Xanruʼ, nayë́pisëtërëʼ ca yuguʼ xángaca bönachi! Zóaticaʼsö yöl-laʼ dxiʼi ladxiʼ queëʼ.
16268	PSA 136:4	¡Xclenëʼ Dios, tuzëʼ Lëʼ runëʼ yuguʼ yöl-laʼ huáca zxön! Zóaticaʼsö yöl-laʼ dxiʼi ladxiʼ queëʼ.