23233	MAT 1:20	Per laꞌtgaj cayüjnman xgab zian, balüüloj tijb xianjl Dios lojman loj bacaal, rëb anjl guin lojman: ―Xiëb, xdiaa Davi, ad bal rdxebil tiaꞌl Li, din xindo nüüm por xSprijt Dios zëëdix.
23240	MAT 2:2	Abiꞌ gunabdiidx reeman, rëb reeman: ―¿Con xrey ree bén Israel, bén ma gojl? Din dunujn diizd duladxan baguiaan xbajlaman xanyabaa, zeel zioꞌpan din yazuxiban lojman.
23243	MAT 2:5	Dxel rëb reeman: ―Belén na̱j galaman, tijb guiedx naaz Judea, din ze bacaa bén badëë xtiidx Dios loj ree bejn:
23246	MAT 2:8	Abiꞌ guxhaalaman laa reeman Belén, rëbaman loj reeman: ―Gol wej, gol bignabdiidxchaaw graczi xcwent xindobëz guin. Abiꞌ chi yadxejlidi laax, laa gol bagojn gajc naj, din në naj chigzuxib lojx.
23251	MAT 2:13	Chi ma zia ree bén rajc guin ladx reeman, dxel balüüloj tijb xianjl Dios loj Xiëb loj bacaal, rëbaman: ―Bixche, cwaꞌ xindo guin con xniaax, gol chej niz Egipto. Ni gol guzuj xt chi ganin lëjt, din zaguiil Herodes laax din gugüjtaman laax.
23258	MAT 2:20	―Bixche, cwaꞌ xindobëz guin con xniaax. Gol baguiaj niz Israel, din ma güjt ree bén guyën nugüjt laax.
23263	MAT 3:2	Rëbaman: ―Gol bayüjn xgab por xtolidi din ma zidyob xguialrniabee Dios.
23268	MAT 3:7	Per chi baguiaa Waj zien ree bénfarisew në ree bénsaducew bidxin din tiobnijs reeman, rëbaman loj reeman: ―¡Xiꞌn xindxab! ¿Chu bagojn lëjt din laadi loj castiroꞌ ni zëëd?
23275	MAT 3:14	Per ad nuyëntaman nuroobnijsaman Jesús, rëbaman lojman: ―Lüj rayal guroobnijs naj, ad najt rayal gurobnijs lüj.
23276	MAT 3:15	Dxel rëb Jesús lojman: ―Yo guna gac zian, din mazri zagdxe yaguieen gra ziꞌc rniabee Dios. Dxel cwëjb Waj baroobnijsaman laaman.
23278	MAT 3:17	Dxel biguien chaꞌ tijb bejn xanyabaa, rëbaman: ―Bén guie na̱j da Xiꞌnan, bén rën daꞌtan bén rabaanëꞌ tëën.
23281	MAT 4:3	Abiꞌ bidxin xindxab beenx laaman prueb, rëbix: ―Bal wali najl xiꞌn Dios, gunabee yayajc guiaj guie ree guiadxtil.
23282	MAT 4:4	Per badxiꞌ Jesúsan rëbaman: ―Loj xtiidx Dios rëb: “Ad ganaxtizi guiadxtil guiban bejn, nëgajc gra diidx rniee Dios.”
23284	MAT 4:6	abiꞌ rëbix lojman: ―Bal wali najl xiꞌn Dios, gudidyaꞌ diizd guie, din loj xtiidx Dios rëb: Dios guixhiaal ree xianjlaman din guinia reeman lüj. Guiniaaz reeman lüj con yaa reeman chitëë ladx niꞌczi tijb guiaj guiaꞌl.
23285	MAT 4:7	Badxiꞌ Jesúsan, rëbaman: ―Rëb gajc loj xtiidx Dios: “Ad güünl prueb xDadil Dios.”
23287	MAT 4:9	Abiꞌ rebix lojman: ―Naj gune gra ree ni guie lojl, bal guzuxibil lon guiniajchiꞌ tëël naj.
23288	MAT 4:10	Badxiꞌ Jesúsan, rëbaman: ―Biquied, xindxab, din loj gajc xtiidx Dios rëb: “Gunajchiꞌ xDadil Dios, tijbzi lojman been sirv.”
23295	MAT 4:17	Diizd dxejzii guzuloj gutieꞌch Jesús xtiidx Dios, rëbaman: ―Gol bayüjn xgab por xtolidi din ma zëëd gajxh xguialrniabee Dios.
23297	MAT 4:19	Dxel rëb Jesús loj reeman: ―Gol tanal naj, din gulün lëjt xhienaag güündi din gutoꞌpidi bejn par Dios luar guiniaazidi bëjl.
23306	MAT 5:3	―Xiquilbaa ree bén ragbee guial ryaadx gagnë Dios laa reeman, din por zian yayal reeman lod rniabeeman.
23416	MAT 8:2	Dxel gubig tijb bejn lojman rajcaman guialguijdx la lepra, abiꞌ bazuxibaman lojman, rëbaman: ―Dad, bal tiëbil, zileꞌ yayüjnl naj.
23417	MAT 8:3	Dxel basli yaa Jesús baquiꞌman laaman, rëbaman: ―Rënan. Bayajc. Chi rëb Jesús zian, loj hor ziigajc biquied guialguijdx guin abiꞌ bayaman.
23418	MAT 8:4	Dxel rëb Jesús lojman: ―Bacaagdiajg ni ganin lüj. Achu loj guiëbil guial ma bayajquil. Lojzi bixhioz wej din guguiaaman lüj, binë gon ni rayal chinël ziꞌc gunabee Moisejs, din gagbee gra ree bejn guial ma bayajquil.
23420	MAT 8:6	rëbaman: ―Dad, laa da mojsan nagaꞌ lidxan ragxuux. Ad rileꞌt chixchex, dád cusagzi guialguijdx guin laax.
23421	MAT 8:7	Dxel rëb Jesús lojman: ―Gan din yayünan laax.
23422	MAT 8:8	Badxiꞌ bén rniabee ree suldad guinan, rëbaman: ―Dad, ad rayaltan chuꞌl lidxan, per gunee diizd guie din yayajc da mojsan.
23424	MAT 8:10	Chi biguiejn Jesús zian, dád badxalojman abiꞌ rëbaman loj ree bén zinal laaman: ―Naj rni lojdi, niꞌqui Israel ad wadxaaglojtan tijb bén rliladx Dios ziꞌc rliladx bén guin Dios.
23427	MAT 8:13	Dxel rëb Jesús loj suldad rniabee guin: ―Baguiaj lidxil, gac tëë ziꞌc ma bililadxil. Abiꞌ loj hor guin gajc bayajc xmojs bén guin.
23433	MAT 8:19	Dxel gubig tijb mextr rajc ley loj Jesús, rëbaman: ―Mextr, rënan guidnaalan lüj bantëëz guin chel.
23434	MAT 8:20	Abiꞌ rëb Jesús lojman: ―Bëz ree yuꞌ xbiliaa reeb, abiꞌ ree biguijn yuꞌ xguixbitiaꞌs reeb. Per Bén guxhaal Dios niꞌqui lod quixh guijcaman ad yuꞌt.
23435	MAT 8:21	Dxel rëb stijb ree bén zinal laaman: ―Dad, baslaa naj gabenëꞌ da dadan xt chi guiëtaman.
23436	MAT 8:22	Per rëb Jesús lojman: ―Tanal naj, basaꞌnman con ree bén ad rënt guidnal naj, laa reeman guquieꞌch laaman chi guiëtaman.
23439	MAT 8:25	Dxel bicwëën ree xbejnman laaman, rëb reeman: ―¡Dad, gunaj dunujn! ¡Ma cayzëëban xan nijs!
23440	MAT 8:26	Badxiꞌman laan rëbaman: ―¿Chexc zeel dád rdxebidi? ¿Chexc zeel ad rliladxzaꞌctidi naj? Dxel bixcheman abiꞌ gunabeeman bacwëëz bi guin në nijs guin. Loj hor ziigajc babedxe reen.
23441	MAT 8:27	Abiꞌ ree xbejnman badxa daꞌt loj reeman, zianz gunabdiidx loj lasaꞌ reeman, rëb reeman: ―¿Chu bén guin, zeel xt bi në nijs ruzoob xtiidxaman?
23443	MAT 8:29	Chi baguiaa reex Jesús, gurixdiaj reex rëb reex: ―¿Xhie rënl con dunujn, Jesús, Xiꞌn Dios? ¿Zëëdil guie ya din gusagzil dunujn chi gadli dxej guidxin?
23445	MAT 8:31	abiꞌ guzajc ree xindxab guin liaadx loj Jesús, rëb reex: ―Bal yabëël dunujn, banee mod yadxuꞌn lën ree cüch guin.
23446	MAT 8:32	Dxel rëb Jesús: ―Gol wej. Dxel barii ree xindxab guin luxdoo ree bén guin bayu reex lën ree cüch guin. Abiꞌ gra reeb guzuloj cuxüün zianz bitidiaꞌ reeb roꞌ tijb balaꞌ xt loj nijs, lod guꞌ reeb nijs abiꞌ güjt reeb.
23450	MAT 9:2	Yagaj binë ree bejn tijb xin nëjt xcuerp, nagaꞌx loj da. Chi baguiaa Jesús guial rliladx reeman laaman, rëbaman loj xin ragxuu guin: ―Baguꞌ luxdool zagdxe, xiꞌn. Ma benan perdon xtolil.
23452	MAT 9:4	Per guial gogbee gajc Jesús xhie xgaban cayüjn reeman, dxel rëbaman loj reeman: ―¿Chexc zeel rüjndi xgabmal?
23454	MAT 9:6	Per yan, gulün lëjt guial naj, Bén guxhaal Dios raꞌpan guialrniabee loj guidxliuj guie par günan perdon dol ree. Dxel rëb Jesús loj xin ragxuu guin: ―Bixche. Bacaꞌ ni goꞌtil loj. Baguiaj lidxil.
23457	MAT 9:9	Chi baza Jesús yagaj ziaman, baguiaaman tijb xin la Matew. Zojbix lod ruquijxix impuest, abiꞌ rëbaman lojx: ―Tanal naj. Dxel bisu Matew zinalix laaman.
23459	MAT 9:11	Chi baguiaa ree bénfarisew zian, gunabdiidx reeman loj ree xbejn Jesús rëb reeman: ―¿Chexc zeel cayawnë xmextridi bén ruquijx ree impuest në ree béndol?
23460	MAT 9:12	Chi biguiejn Jesús ni rëb reeman, dxel rëbaman: ―Bénnadaan ree ad ryaadxt reeman doctor, bénragxuu ree laa reeman ryaadx doctor.
23462	MAT 9:14	Dxel ree xbejn Waj, bén baroobnijs bejn ree, bibig reeman loj Jesús, zianz gunabdiidx reeman lojman, rëb reeman: ―¿Chexc zeel dunujn con ree bénfarisew dád zienvolt rabaꞌnan, guiáad ree xbejnl ad rbaꞌnt reeman?
23463	MAT 9:15	Badxiꞌ Jesúsan rëbaman: ―Lod yuꞌ guialruxhliaa, ¿wen runaya ree biooz ya chi zaꞌnë xin cuxhliaa guin laa reeman? Per guidxin dxej chiquiedix, dxel guibaꞌn reeman.
23466	MAT 9:18	Laꞌtgaj canee Jesús zian, bidxin tijb bén rniabee lën xyadoo ree bén Israel, abiꞌ bazuxibaman loj Jesús, rëbaman: ―Yangajczi güjt da xiꞌndxaꞌpan, per bal guiꞌtil guixhioob yaal guijquim zabanm.
23470	MAT 9:22	Per badxiꞌ loj Jesús, abiꞌ baguiaadxijchaman béngunaa guin, dxel rëbaman lojman: ―Zagdxe baguꞌ luxdool, xiꞌn. Ma bayajquil guial bililadxil naj. Abiꞌ loj hor ziigajc bayajc bén guin.
23472	MAT 9:24	Dxel rëb Jesús loj reeman: ―Gol barii guie, din ad güjtt bindo guin, nagaꞌyëjszim. Abiꞌ baxijdxnë reeman laaman.
23475	MAT 9:27	Chi baza Jesús yagaj, binal tioꞌp bénlutiaꞌp laaman, rbixdiaj reeman, rëb reeman: ―¡Jesús, xdiaa Davi, baya dunujn!
23476	MAT 9:28	Chi badxin Jesús lod zojbaman, dxel bibig ree bén guin lojman, abiꞌ gunabdiidxaman loj reeman, rëbaman: ―¿Rliladxidi ya guial zileꞌ yayünan lëjt? Badxiꞌ reeman laan rëb reeman: ―Raliduladxan, Dad.
23477	MAT 9:29	Dxel bagaal Jesús guiaaloj reeman, rëbaman: ―Gac ziꞌc rliladxidi.
23478	MAT 9:30	Abiꞌ bayajc guiaaloj reeman, dxel rëb Jesús loj reeman: ―Ad bal chu loj guiëbidi guial bayajc guiaalojdi.
23481	MAT 9:33	Abiꞌ guloxzi babëë Jesús xindxab guin luxdoo bengop guin, laa guzuloj gajc caneeman. Abiꞌ dád badxaloj ree bejn, rëb reeman: ―Ad goct waguiaa ree lasaꞌ milagr guie niz Israel.
23482	MAT 9:34	Per ree bénfarisew rëb reeman: ―Bén guin rabëë xindxab luxdoo ree bejn por xguialrniabee gajc xindxab rniabee ree xindxab.
23485	MAT 9:37	Dxel rëbaman loj ree xbejnman: ―Walican zien bejn rën gucaagdiajg xtiidx Dios, per ad zient bén gulüü laa reeman yuꞌ.
23491	MAT 10:5	Chi guxhaal Jesús guidxiptioꞌp ree xbejnman, rëbaman loj reeman: ―Ad chedi niz lod zojb ree bén ad najt bén Israel, niꞌqui ree guiedx rigaꞌ niz Samaria,
23502	MAT 10:16	Rëb tëë Jesús loj ree xbejnman: ―Gol bacaagdiajg ni rnin, naj rxhial lëjt ziꞌc ree xiil loj ree cuyojt. Zeel gol gojc nasin ziꞌc bëël, gol gojc tëë nadoo ziꞌc palom.
23520	MAT 10:34	Rëb tëë Jesús: ―Ad zialtan par yabecdxen luxdoo bejn, zialan din guial chililadx reeman naj chuꞌ wadijl.
23531	MAT 11:3	bignabdiidx reeman lojman, rëb reeman: ―¿Lüj na̱j Cristo ya bén na̱j guiꞌt, o yalëjzan ben ren ya?
23532	MAT 11:4	Dxel rëb Jesús loj reeman: ―Gol chej gol güjdx loj Waj ni cuguiaadi në ni cucaagdiajguidi.
23535	MAT 11:7	Chi baza ree bén guxhaal Waj, dxel guzuloj Jesús caneeman loj ree bejn xcwent Waj, rëbaman: ―¿Chu naladxidi na̱j bén biquiaadi loj yujbidx? ¿Naladxidi ya najman ziꞌc tijb biqui ni runiib bi?
23549	MAT 11:21	―¡Probza lëjt bén Corazín! ¡Probza lëjt bén Betsaida! Din bal luguiedx Tiro në luguiedx Sidón niajc ree milagr ni goc ladxidi, diizd gocli nayüjn reeman xgab por xtol reeman, niajcw reeman lajd yaꞌs nuroob tëë cobdëj guijc reeman ziꞌc tijb sen guial ma bayüjn reeman xgab por xtol reeman.
23553	MAT 11:25	Lën ree dxejzii rëb Jesús: ―Dad, ruzatan lüj zagdxe, din ni baquieꞌchil loj ree bén rajc në loj ree bén rigniaꞌ, laan ma balüül loj ree bén ad rajct.
23560	MAT 12:2	Abiꞌ chi baguiaa ree bénfarisew ni cayüjn reeman, rëb reeman loj Jesús: ―Baguiaa ree xbejnl nial cayüjn reeman ni ad rayalt güün reeman dxej raziiladx ree bejn.
23561	MAT 12:3	Dxel rëb Jesús loj reeman: ―¿Gadidi gool loj xtiidx Dios ya ni been Davi chi gulaanman con ree xcompniaraman?
23568	MAT 12:10	Lën yadoo guin zaꞌ tijb bén nëjt tiblad yaa. Abiꞌ guial ree bénfarisew raguiil reeman mod xhie gudxiib reeman guijc Jesús, dxel gunabdiidx reeman lojman, rëb reeman: ―¿Zileꞌ yayüjn bejn tijb bénragxuu dxej raziiladx bejn ya?
23569	MAT 12:11	Badxiꞌ Jesúsan rëbaman: ―Bal tijb lëjt rajp tijb xiil, abiꞌ yabib lën balaꞌ dxej raziiladx bejn. ¿Nid zabëëdi laab dxej guin ya?
23571	MAT 12:13	Dxel rëb Jesús loj bénragxuu yaa guin: ―Basli yaal. Abiꞌ basli yaa bén guin, loj hor ziigajc bayajc yaaman ziꞌc na̱j stibladan.
23581	MAT 12:23	Graczi ree bejn dád badxaloj reeman, abiꞌ rëb reeman: ―¿Id bén guinan zëëd loj xdiaa Davi ya?
23582	MAT 12:24	Chi biguiejn ree bénfarisew zian, dxel rëb reeman: ―Bén guin rabëë xindxab luxdoo ree bejn por xguialrniabee Beelzebú xin rniabee ree xindxab.
23583	MAT 12:25	Per Jesús gogbee gajcaman xgab cayüjn reeman, abiꞌ rëbaman: ―Gra nacion o ciuda bal id nadxag rigaꞌ bejn, rliaꞌ lasaꞌ reeman, ziangajc tijb famil bal id nadxag rigaꞌ reeman, rliaꞌ lasaꞌ reeman.
23596	MAT 12:38	Yuꞌ ree bénfarisew con ree mextr ni rajc ley, rëb loj Jesús: ―Mextr, rayënan yaguiaan güünl tijb milagr.
23597	MAT 12:39	Badxiꞌ Jesúsan rëbaman: ―Lëjt benmal, bén ad rüjnt ni rën Dios abiꞌ rëndi günan tijb milagr. Per achetri guguiaadi, tijbzi ziꞌc guzac Jonás bén badëë xtiidx Dios loj ree bejn.
23605	MAT 12:47	Abiꞌ yuꞌ tijb bén rëb lojman: ―Laa xniaal con ree bijchil zaꞌ luleꞌ guin, rën reeman guinieenë reeman lüj.
23606	MAT 12:48	Per Jesús badxiꞌman xtiidx bén guin rëbaman: ―¿Chu na̱j da nan chu tëë ree nin na̱j da bichan?
23607	MAT 12:49	Dxel con yaaman balüü ree xbejnman rëbaman: ―Bén guie ree na̱j da nan në ree da bichan.
23611	MAT 13:3	Zien ree ni guzuloj culüüman laa reeman, per con ganax ziꞌc cwent ree, rëbaman loj reeman: ―Tijb bejn, briiman bigtieꞌchaman bin loj xguiniaaman.
23618	MAT 13:10	Dxel gubig ree xbejn Jesús lojman rëb reeman: ―¿Chexquiza zeel rulüül bejn ree con ganax ziꞌc cwent ree?
23619	MAT 13:11	Badxiꞌ Jesús laan rëbaman: ―Lëjt, Dios ma basaꞌn lëjt din chigniaꞌdi xhienaag na̱j xguialrniabeeman, per bén guin ree ad basaꞌnt Dios laa reeman chigniaꞌ reeman laan.
23632	MAT 13:24	Be Jesús stijb ni na̱j ziꞌc cwent loj reeman, rëbaman: ―Xguialrniabee Dios na̱j ziꞌc tijb bén badxeꞌ ganax bin zagdxe loj xguiniaa.
23639	MAT 13:31	Be Jesús stijb ni na̱j ziꞌc cwent loj reeman, rëbaman: ―Xguialrniabee Dios na̱j ziꞌc xhaj moxtajs, ni rudxeꞌ tijb bejn loj xguiniaaman.
23641	MAT 13:33	Be tëë Jesús stijb ni na̱j ziꞌc cwent loj reeman, rëbaman: ―Xguialrniabee Dios na̱j ziꞌc levadur ni rugoꞌch tijb béngunaa choon midid harin, abiꞌ laan rusaaguij gra cob guin.
23644	MAT 13:36	Chi ma bazaadiidxnë Jesús benzien guin ree, dxel bayuman lënü con ree xbejnman, abiꞌ gunabdiidx reeman lojman, rëb reeman: ―Basigniaꞌ dunujn xcwent guiꞌxhguijdx ni gulen loj guiniaa guin.
23645	MAT 13:37	Badxiꞌ Jesúsan rëbaman: ―Bén rudxeꞌ bin zagdxe guin na̱j Bén guxhaal Dios,
23659	MAT 13:51	Dxel gunabdiidx Jesús loj ree xbejnman, rëbaman: ―¿Rigniaꞌdi gra ni canin lëjt ya? Badxiꞌ reeman laan rëb reeman: ―Rayigniaꞌnan, Dad.
23660	MAT 13:52	Dxel rëb Jesús loj reeman: ―Gra ree mextr ni rajc ley, abiꞌ cusiid reeman xhienaag na̱j xguialrniabee Dios, laa reeman na̱j ziꞌc tijb bén rbe nicüb në ni yojx loj gra ni rajpaman.
23662	MAT 13:54	Dxel badxin ladxaman, ni guzuloj culüüman bejn ree lën xyadoo reeman. Abiꞌ dád badxaloj ree bén guin, rëb reeman: ―¿Ban guin basiidaman gra ree ni rajcaman? ¿Chexquiza zeel rajc rüjnman milagr ree?
23665	MAT 13:57	Abiꞌ ad bidxgaꞌt reeman Jesús. Per rëbaman loj reeman: ―Bantëëz guin rajp ree bejn respejt tijb bén rudëë xtiidx Dios loj ree bejn, per ladxaman achut rajp laaman respejt niꞌqui lidxaman.
23668	MAT 14:2	Abiꞌ rëbaman loj ree xbejnman: ―Waj bén baroobnijs bejn ree, laaman baban zatijb, zeel rajpaman guialrniabee rüjnman milagr ree.
23670	MAT 14:4	guial rëb Waj guin loj Herodes: ―Ad laat guial zojbnël laagajc lacheel bijchil.
23674	MAT 14:8	Abiꞌ xniaam rëb lojm xhie guiniabim, dxel rëbim loj Herodes: ―Banee guijc Waj bén ruroobnijs bejn ree, baneen loj tijb pliajt.
23681	MAT 14:15	Chi ma gudxe, gubig ree xbejnman lojman rëb reeman: ―Ma gudxe yan, abiꞌ achut bejn zojb niz guie. Güjdx loj ree bén guin ma gojl yaguiaj reeman, din che reeman guiedx lod sii ni gaw reeman.
23682	MAT 14:16	Per badxiꞌ Jesúsan rëbaman: ―Ad rüjnt naguiejn yaguiaj reeman, lëjt gol badëë ni gaw reeman.
23683	MAT 14:17	Badxiꞌ reeman laan rëb reeman: ―Per gaayzi guiadxtil nacaꞌn con zatioꞌp bëjl.
23684	MAT 14:18	Dxel rëb Jesús loj reeman: ―Gol tanë reen guie.
23692	MAT 14:26	Dxel baguiaa ree xbejnman laaman rzaman loj nijs guin, dád bidxeb reeman abiꞌ gurixdiaj reeman rëb reeman: ―¡Tijb anman!
23693	MAT 14:27	Per guneenë Jesús laa reeman rëbaman: ―¡Gol baguꞌ luxdoodi! ¡Najn, ad rdxebidi!
23694	MAT 14:28	Badxiꞌ Bëdan rëbaman: ―Dad, bal lüjn, gunabee gazan loj nijs guin guialan lojl.
23695	MAT 14:29	Abiꞌ rëb Jesús lojman: ―Guda. Dxel baguiajt Bëd loj barcw guin, rzaman loj nijs guin zëman loj Jesús.