23229	MAT 1:16	Jacob gojc xdad Xiëb lacheel Li. Dxel Li gojc xniaa Jesús, bén la gajc Cristo.
23231	MAT 1:18	Ze gojc gojl Jesucrist: Li, xniaaman, ma na̱j tiaꞌ Xiëb laaman. Per chi gad reeman tiaꞌ lasaꞌ, guyu xiꞌn Li por xSprijt Dios.
23232	MAT 1:19	Abiꞌ Xiëb guial najman benzaꞌc, ad guyëntaman nusaꞌnxtuman Li. Beenman xgab niroꞌnladxaman laaman ralanzi.
23233	MAT 1:20	Per laꞌtgaj cayüjnman xgab zian, balüüloj tijb xianjl Dios lojman loj bacaal, rëb anjl guin lojman: ―Xiëb, xdiaa Davi, ad bal rdxebil tiaꞌl Li, din xindo nüüm por xSprijt Dios zëëdix.
23237	MAT 1:24	Chi baban Xiëb, dxel beenman ziꞌc gunabee xianjl Dios laaman, cwaꞌman Li,
23238	MAT 1:25	per ad bagaalt Xiëb laaman xt chi bidxin dxej gojl xiꞌnman. Dxel baguꞌ Xiëb laj xindobëz guin JESÚS.
23251	MAT 2:13	Chi ma zia ree bén rajc guin ladx reeman, dxel balüüloj tijb xianjl Dios loj Xiëb loj bacaal, rëbaman: ―Bixche, cwaꞌ xindo guin con xniaax, gol chej niz Egipto. Ni gol guzuj xt chi ganin lëjt, din zaguiil Herodes laax din gugüjtaman laax.
23252	MAT 2:14	Dxel bixche Xiëb, cwaꞌman xindobëz guin con xniaax, abiꞌ guxhin guin brii reeman zë reeman niz Egipto.
23257	MAT 2:19	Per chi güt Herodes, dxel balüüloj tijb xianjl Dios loj Xiëb loj bacaal lod zojb reeman, Egipto, abiꞌ rëbaman lojman:
23259	MAT 2:21	Dxel bixche Xiëb cwaꞌman xindobëz guin con xniaax, bayejc reeman niz Israel.
23260	MAT 2:22	Per chi gogbee Xiëb guial Arquelao, xiꞌn Herodes, na̱j bén canabee niz Judea, bidxebaman naguiaj reeman niz ni. Dxel bagojn Dios laaman loj bacaal din che reeman niz Galilea, dxel zë reeman.
23264	MAT 3:3	Xcwent Waj guinan bacaa Isaías, bén badëë xtiidx Dios loj ree bejn, chi rëbaman: Rguien chaꞌ tijb bén rbidxaꞌ niz loj yujbidx, rëbaman: “Gol beenchaaw xnejz dux Dad ree Dios, gol guxhal tijb nejz nali.”
23268	MAT 3:7	Per chi baguiaa Waj zien ree bénfarisew në ree bénsaducew bidxin din tiobnijs reeman, rëbaman loj reeman: ―¡Xiꞌn xindxab! ¿Chu bagojn lëjt din laadi loj castiroꞌ ni zëëd?
23278	MAT 3:17	Dxel biguien chaꞌ tijb bejn xanyabaa, rëbaman: ―Bén guie na̱j da Xiꞌnan, bén rën daꞌtan bén rabaanëꞌ tëën.
23306	MAT 5:3	―Xiquilbaa ree bén ragbee guial ryaadx gagnë Dios laa reeman, din por zian yayal reeman lod rniabeeman.
23307	MAT 5:4	’Xiquilbaa ree bén yuꞌnaya, din Dios yaguꞌ luxdoo reeman zagdxe.
23308	MAT 5:5	’Xiquilbaa ree bén na̱j bén chaawladx, din laa reeman tiaꞌ guidxliuj ni rëb Dios gudëëdaman loj reeman.
23309	MAT 5:6	’Xiquilbaa ree bén rzajc ziꞌc chi rliaan bejn o chi reꞌcaman nijs zian rën daꞌt reeman güün reeman ziꞌc rniabee Dios, din Dios gagnë laa reeman din güün reeman ziꞌc ruladxaman.
23310	MAT 5:7	’Xiquilbaa ree bén raya lasaꞌ, din zian yaya Dios laa reeman.
23311	MAT 5:8	’Xiquilbaa ree bén naya loj Dios, din laa reeman guguiaa laaman.
23312	MAT 5:9	’Xiquilbaa ree bén rüjn naguiejn cwedxenë lasaꞌ, din laa reeman grii laj xiꞌn Dios.
23313	MAT 5:10	’Xiquilbaa ree bén cadëd loj guialzi por graloj ni rujnnë bejn laa reeman guial cayüjn reeman ziꞌc rniabee Dios, din laa reeman yayal lod rniabeeman.
23314	MAT 5:11	’Xiquilbaadi, chi rüjnnë reeman lëjt xhiernarajc në chi rnieeguijdx reeman lëjt nëtëë chi rudxiib reeman guijquidi graczi, guial najdi da bejnan.
23335	MAT 5:32	Per naj rni lëjt: Xinguiaaw ralaꞌ xbéngunaa, abiꞌ ad zaꞌnët béngunaa guin xin ren, laagajc laax cayüjn din sunë xbéngunaax xin ren. Abiꞌ xin tiaꞌ béngunaa guin dolan cayüjnx.
23443	MAT 8:29	Chi baguiaa reex Jesús, gurixdiaj reex rëb reex: ―¿Xhie rënl con dunujn, Jesús, Xiꞌn Dios? ¿Zëëdil guie ya din gusagzil dunujn chi gadli dxej guidxin?
23534	MAT 11:6	Xiquilbaa ree bén ad zucwëëzt chililadx naj.
23544	MAT 11:16	’¿Xhienaag ganin lëjt na̱j ree bén rigaꞌ loj guidxliuj guie yan? Laa reeman na̱j ziꞌc ree xindoo rguijt niz galay luguiedx, abiꞌ rbixdiaj reex rëb loj lasaꞌ reex:
23592	MAT 12:34	¡Xiꞌn xindxab! ¿Xoza guinieedi diidx zagdxe ree awa benmal lëjt? Din ni yuꞌ luxdoo bejn laan rnieeman.
23632	MAT 13:24	Be Jesús stijb ni na̱j ziꞌc cwent loj reeman, rëbaman: ―Xguialrniabee Dios na̱j ziꞌc tijb bén badxeꞌ ganax bin zagdxe loj xguiniaa.
23636	MAT 13:28	Badxiꞌman laan rëbaman: “Wed tijb bén rdxeꞌch naj bidgadxeꞌ laan.” Dxel gunabdiix ree mojs guin lojman rëb reeman: “¿Xhie nal zudojxhan guiꞌxh guin ree ya?”
23639	MAT 13:31	Be Jesús stijb ni na̱j ziꞌc cwent loj reeman, rëbaman: ―Xguialrniabee Dios na̱j ziꞌc xhaj moxtajs, ni rudxeꞌ tijb bejn loj xguiniaaman.
23641	MAT 13:33	Be tëë Jesús stijb ni na̱j ziꞌc cwent loj reeman, rëbaman: ―Xguialrniabee Dios na̱j ziꞌc levadur ni rugoꞌch tijb béngunaa choon midid harin, abiꞌ laan rusaaguij gra cob guin.
23652	MAT 13:44	’Xguialrniabee Dios na̱j ziꞌc tijb ni lasajc daꞌt, ni naguieꞌch loj tijb guidxliuj. Abiꞌ rdxejl tijb bejn laan zianz ruquieꞌchaman laan stijb, lod gulëëman laan. Abiꞌ dád rabaaman rutoꞌ gra ni rajpaman persi rsiiman guidxliuj guin.
23653	MAT 13:45	’Rni tëën lëjt: Xguialrniabee Dios na̱j ziꞌc tijb bén rguiil perl zagdxe din siiman laan.
23663	MAT 13:55	¿Nid laaman na̱j xiꞌn carpinter ya, abiꞌ xniaaman na̱j Li, guiáad ree bijchaman na̱j Jacob, Xiëb, Simón, në Judas?
23711	MAT 15:9	Xliaꞌczi rniajchiꞌ reeman naj, abiꞌ rulüü reeman bejn ree ganaxzi ni rbëëguijc ree bénguidxliuj.
23757	MAT 16:16	Badxiꞌ Simón Bëdan, rëbaman: ―Lüjn na̱j Cristo. Lüjn na̱j Xiꞌn Dios naban.
23758	MAT 16:17	Dxel rëb Jesús lojman: ―Xiquilbaal, Simón, xiꞌn Jonás, din ad bénguidxliujt guna lojl ni guinieel, da Dadan bén yuꞌ xanyabaa laaman na̱j bén guna lojl.
23767	MAT 16:26	Xhieczi gan gap bejn gra ni yuꞌ loj guidxliuj, abiꞌ nitaman loj Dios. Din ad zileꞌt sii bejn xguialnabanman xanyabaa.
23774	MAT 17:5	Laꞌtgaj canee Bëd zian, biguiajt tijb za̱j xt guijc reeman ridiinan bachaꞌ, loj za̱j guin brii chaꞌ bejn rëbaman: ―Bén guie na̱j da Xiꞌnan, bén rën daꞌtan, bén rabaanëꞌ tëën, gol bacaagdiajg xtiidxaman.
23786	MAT 17:17	Badxiꞌ Jesúsan, rëbaman: ―¡Benguijdx, bén ad rliladxt! ¿Xt goc gazunëꞌn lëjt? ¿Xt goc gadaanan lëjt? Gol tanë xinzii guie.
23794	MAT 17:25	Badxiꞌ Bëdan, rëbaman: ―Riguijxcaman laan. Dxel chi bayu Bëd lënü lod zaꞌ Jesús, yalojli Jesús gunabdiidx lojman, rëbaman: ―¿Xhie naladxil, Simón? ¿Chu rguijx impuest loj ree rey yuꞌ loj guidxliuj guie? ¿Xiꞌn reeman ya o benzit ree?
23808	MAT 18:12	’¿Xhie naladxidi? Bal tijb bejn rajp tibgayuu xiil, abiꞌ rizëëb tijbib, ¿nid zusaꞌnman zatajpgajlchiinbitapib dajn ya din chigdiilaman be bizëëb guin?
23817	MAT 18:21	Dxel gubig Bëd gunabdiidxaman loj Jesús, rëbaman: ―Dad, ¿bël volt rayal günan perdon lasaꞌn, bal güünman naj xhienin? ¿Xt gajdx volt ya?
23819	MAT 18:23	’Xguialrniabee Dios na̱j ziꞌc tijb rey ni been xgab guial ma gojl yaguijx ree xmojsaman lojman.
23840	MAT 19:9	Naj rni lojdi. Xin yalaꞌ lacheel, bal id zaꞌnë lacheelix xin ren, abiꞌ tiaꞌx ben ren dolan cayüjnx. Ziangajc xin tiaꞌ bén qui balaꞌri lasaꞌ guin dolan cayüjnx.
23862	MAT 20:1	Rëb tëë Jesús: ―Xguialrniabee Dios na̱j ziꞌc tijb bén rajp tijb guiniaaroꞌ, rsildoo briiman zitiilaman mojs güün dxiin loj xguiniaaman.
23882	MAT 20:21	Gunabdiidx Jesús lojman, rëbaman: ―¿Xhie rënl? Badxiꞌ bén guinan, rëbaman: ―Rënan nabeel cwe tijb da xiꞌnan xladbeel, stijbim xladruvejsil, chi ma canabeel.
23893	MAT 20:32	Dxel guzudxe Jesús, gurejdxaman laa reeman, gunabdiidxaman loj reeman, rëbaman: ―¿Xhie rëndi günan por lëjt?
23915	MAT 21:20	Chi baguiaa ree xbejnman zian, dád badxaloj reeman abiꞌ gunabdiidx reeman loj Jesús, rëb reeman: ―¿Xhienaag gojc zeel laa gubidx gajc yag higo guin?
23923	MAT 21:28	Basnuu Jesús rëbaman loj ree bixhioz rniabee ree bixhioz në loj ree guxtis Israel. ―¿Xhie nadi ni ganin lëjt? Tijb bejn guyu tioꞌp xiꞌnman, dxel rëbaman loj tijbix: “Xiꞌn, wej yandxej biguieen dxiin loj guiniaa yuꞌ uv.”
23926	MAT 21:31	Yan, ¿chu loj grop reex been ni rën xdad reex? Badxiꞌ reeman laan, rëb reeman: ―Xin rëbaman loj yaloj guin. Dxel rëb Jesús loj reeman: ―Diidxliczi rnin, bén ruquijx ree impuest con ree béngunaa naban nadxuudx, yalojl laa reeman chuꞌ lod rniabee Dios guial lojdi.
23933	MAT 21:38	Per chi baguiaa ree bén guin xiꞌnman, rëb loj lasaꞌ reeman: “Xin guinan na̱j xin tiaꞌ guidxliuj guin, yagüjt reex din gacan du xieen ree.”
23943	MAT 22:2	―Xguialrniabee Dios na̱j ziꞌc tijb rey bén been lanijroꞌ chi baxhliaa xiꞌnman.
23983	MAT 22:42	―¿Xhie xgab rüjndi por Cristo? ¿Chu loj xdiaa zaman? Badxiꞌ reeman laan rëb reeman: ―Loj xdiaa Davi.
24020	MAT 23:33	’¡Béndol, xiꞌn xindxab! ¿Xhienaag laadi loj castiroꞌ ni yuꞌ gabijl?
24029	MAT 24:3	Laꞌtgaj zojb Jesús guijc guiaꞌ la Olivos, gubig ree xbejnman lojman, rëb reeman: ―Rayënan nal goc gac zian. ¿Xhie ree sen gac chi ma zidyob guiꞌtil stijb, në chi ma zidyob nit guidxliuj?
24062	MAT 24:36	’Per achut ragbee xhie dxejn në xhie horan gac zian, niꞌqui ree anjl yuꞌ xanyabaa, niꞌqui Xiꞌn Dios ad ragbeet. Tijbzi da Dadan Dios ragbee.
24072	MAT 24:46	Xiquilbaa mojs cayüjn dxiin ziꞌc rayal chi yadxin xpatronx.
24091	MAT 25:14	Dxel rëb tëë Jesús: ―Xguialrniabee Dios na̱j ziꞌc tijb bén ma grii cheman zijt, abiꞌ gurejdx ree xmojsaman, basaꞌn xmiliaman loj reeman.
24172	MAT 26:49	Chi bidxin Judas bibigaman loj Jesús, dxel rëbaman: ―¡Xchan, Mextr! Laa gudaw gajcaman xid xhajgaman.
24186	MAT 26:63	Per achet rëb Jesús. Dxel rëb bixhioz guin lojman: ―Por Dios bén naban, rniabeen lüj guna diidxli. Guna bal lüjn na̱j Cristo, Xiꞌn Dios.
24188	MAT 26:65	Chi biguiejn bixhioz guin zian, gudixyaꞌ xabaman, rëbaman: ―Diosan caneeguijdx bén guin. ¿Xhie mazri rüjn naguiejn yadiil ree testiw? Lëjt gajc ma biguiejn guial rnieeguijdxaman Dios.
24202	MAT 27:4	rëbaman loj reeman: ―Ma benan dol guial banen tijb bén achet dol rajp. Badxiꞌ reeman laan rëb reeman: ―Xhieczi yaguieenan, ¡lüj gunaj!
24220	MAT 27:22	Abiꞌ rëb Pilato loj reeman: ―¿Xhieza günnëꞌn Jesús, bén rëb ree bejn na̱j Cristo? Badxiꞌ gra reeman laan rëb reeman: ―¡Bacaaman loj crüjz!
24221	MAT 27:23	Abiꞌ rëb Pilato loj reeman: ―¿Xhieza ni mal beenman? Per laa reeman mazri rejs rbixdiaj reeman, rëb reeman: ―¡Bacaaman loj crüjz!
24231	MAT 27:33	Chi bidxin reeman tijb luar la Gólgota (rën guiëban Xluar Calaver),
24235	MAT 27:37	Abiꞌ guijc crüjz guin bacaa reeman lejtr ni rëb, chexc zeel cwaman loj crüjz. Rëb lëjtr guin: “BEN GUIE NA̱J JESÚS XREY REE BEN ISRAEL.”
24238	MAT 27:40	rëbgaj reeman: ―Lüj rëb, nuseꞌnl yadooroꞌ abiꞌ loj choon dxejzi nayüjnlan, baslaa lüj gajc. Bal walil najl Xiꞌn Dios baguiajt loj crüjz guin.
24241	MAT 27:43	Rililadxix Dios. ¡Yan, guslaaza Dios laax, bal wali rënman laax, din rëbix: “Xiꞌn Dios najx”!
24252	MAT 27:54	Dxel suldad rniabee ree suldad në gra ree suldad zaꞌnëman yagaj canaj reeman Jesús, chi baguiaa reeman caxu në gra ni cayajc, dád bidxeb reeman abiꞌ rëb reeman: ―Walican Xiꞌn Dios bén guin.
24254	MAT 27:56	Loj reeman noꞌch María Magdalena, në Li xniaa Santiaaw con Xiëb nëtëë xniaa ree xiꞌngaan Zebedeo.
24255	MAT 27:57	Chi gure guiaal, bidxin tijb benrijcw laman Xiëb, bén Arimatea, në laaman binal Jesús.
24283	MAT 28:19	Zeel, gol chej guidib guidxliuj, gol biglüü ree bejn din gac reeman da bejnan. Gol baroobnijs reeman por dux Dad ree, por Xiꞌnman në por xSprijtaman,
24285	MRK 1:1	Ze guzuloj xtiidxzaꞌc Jesucrist, Xiꞌn Dios.
24291	MRK 1:7	Chi guneenëman bejn ree, rëbaman: ―Xichan zëëd tijb bén mazri zojbloj guial lon, niꞌqui xgurëchaman ad zajct gaxhiecan guial mazri zojblojman guial lon.
24295	MRK 1:11	Dxel biguien chaꞌ bejn xanyabaa, rëbaman: ―Lüj na̱j da Xiꞌnan, rënan lüj rabaanëꞌ tëën lüj.
24308	MRK 1:24	―¿Xhie rënl con dunujn, Jesús bén Nazaret? ¿Zëëdil ya zidganijtil dunujn? Nünbeen lüj, ragbeen guial naya nalil najl xiꞌn Dios.
24311	MRK 1:27	Graczi ree bén rigaꞌ dád badxaloj reeman, riniabdiidx loj lasaꞌ reeman rëb reeman: ―¿Xhie ree nicüban rulüü bén guin? ¡Con guialrniabee ni rajpaman xt ree xindxab ruzoob xtiidxaman!
24334	MRK 2:5	Chi baguiaa Jesús guial rliladx reeman laaman, rëbaman loj xinragxuu guin: ―Xiꞌn, ma benan xtolil perdon.
24361	MRK 3:4	Abiꞌ rëbaman loj ree bén guin: ―¿Xhie rayal güün bejn dxej raziiladx reeman? ¿Ni zagdxe ya o ni mal? ¿Guslaaman xguialnaban bejn ya o gugüjtaman laaman? Per ad badxiꞌt reeman xtiidxaman.
24368	MRK 3:11	Guiáad ree bén yuꞌ xindxab luxdoo chi ruguiaa reeman Jesús, ruzuxib reeman lojman, rbidxaꞌ reeman rëb reeman: ―¡Lüj na̱j Xiꞌn Dios!
24380	MRK 3:23	Dxel gurejdx Jesús laa reeman, rëbaman: ―¿Xhienaag yabëë satanás lasaꞌ xindxab gajquix?
24405	MRK 4:13	Abiꞌ rëb Jesús loj reeman: ―¿Nid rigniaꞌdi ya xhie rën guiëb cwent guin? ¿Xhieza naag chigniaꞌdi gra ni ganin lojdi?
24418	MRK 4:26	Rëb tëë Jesús loj reeman: ―Xguialrniabee Dios na̱j ziꞌc rzajc bén rxübin loj xguiniaaman.
24422	MRK 4:30	Rëb tëë Jesús: ―¿Xhienaag ganin na̱j xguialrniabee Dios, o xhienaag gün diidx lojdi din chigniaꞌdi xhienaag na̱j xguialrniabeeman?
24440	MRK 5:7	Zianz guneex rejs rëbix: ―¿Xhie rënl con naj Jesús, Xiꞌn Dios yuꞌ xanyabaa? Rniaaban lojl ad gusagzil naj.
24441	MRK 5:8	Rëbix zian, guial cayëb Jesús lojx: ―¡Xindxab, barii luxdoo xin guin!
24467	MRK 5:34	Dxel rëb Jesús lojman: ―Xiꞌn, guial bililadxil naj zeel ma bayajquil. Baguiaj zagdxe. Ma bayajquil guialguijdx ni goquil.
24479	MRK 6:3	¿Nid laaman na̱j bén carpinter ya, xiꞌn Li abiꞌ ree bijchaman na̱j Jacob, Xiëb, Judas, në Simón? Guiáad ree bizanman zojb luguiedx guie. Abiꞌ ad bidxgaꞌt reeman Jesús.
24499	MRK 6:23	Xt badëë xtiidxaman gudëëman ni guiniabtzim, majsi garol ni rajpaman.
24500	MRK 6:24	Dxel bariim bignabdiidx loj xniaam, rëbim: ―¿Xhie ganaaban? Badxiꞌman laan rëbaman: ―Gunab guijc Waj bén ruroobnijs bejn ree.
24539	MRK 7:7	Xliaꞌczi rën daꞌt reeman naj, abiꞌ rulüü reeman bejn ree ganaxzi ni rbëëguijc ree bénguidxliuj.
24569	MRK 7:37	Dád badxa loj reeman rëb reeman: ―Xi zagdxe na̱j gra ree ni rüjnman, xt rüjnman persi riguiejn ree bén nacwaꞌt, abiꞌ ree bengop rniee reeman.
24605	MRK 8:36	¿Xhie gan güün bejn gapaman gra ni yuꞌ loj guidxliuj bal canijtaman loj Dios?